close

მსოფლიო

დედამიწამსოფლიო

2016 წელს დიდი ბარიერული რიფის მესამედი გაქრა

2.46K views on

ავსტრალიის დიდმა ბარიერულმა რიფმა შარშან დაახლოებით ერთი მესამედი დაკარგა.

მარჯნის გაუფერულებამ მსოფლიოს უდიდეს მარჯნის რიფის სისტემაზე მარჯნის მასიური შემცირება გამოიწვია.

გამოკვლევები აჩვენა, რომ მარჯნის 29 პროცენტი 2016 წელს დაიღუპა. ყველაზე დიდი დარტყმა  პორტ დუგლასის ახლომახლო ტერიტორიას მიადგა, სადაც მარჯნის 70 პროცენტი დაიღუპა, თუმცა რიფის სამხრეთში გამოჯანსაღების პროცესი დაფიქსირდა.

უკანასკნელი შედეგები Marine Park Authority-ის, Queensland Parks Parks and Wildlife Service -ის,  Australian Institute of Marine Science-ისა და ARC Centre of Excellence for Coral Reef Studies-ის მიერ ჩატარებულ კვლევებზე დაყრდნობით დაიდო.

ტემპერატურის შესამჩნევი ცვლილების გამო მარჯანზე მცხოვრები წყალმცენარეები გამოიდევნება, რაც მარჯნის გათეთრებას იწვევს.

ოფიციალური ინფორმაციის თანახმად, 2017 წელს მარჯნის დაღუპვა კვლავ გაგრძელდება, მასზე უარყოფით ზეგავლენას მოახდენს ტროპიკული ციკლონის დეფიც.

მეცნიერები აცხადებენ, რომ კლიმატის ცვლილება მარჯნის დაკარგვის მნიშვნელოვანი გამომწვევი მიზეზია. ექსპერტები ტემპერატურის ზრდის შეჩერებისა რიფის დაზიანებისგან დაცვის მიზნით სათბური გაზების ემისიების შემცირების აუცილებლობაზე საუბრობენ.

 

წყარო: BBC

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ასტრონომია - კოსმოსიმსოფლიოპოლიტიკა

რუსეთი კოსმოსური ომისთვის ემზადება?

1.71K views on

რუსეთი შესაძლოა კოსმოსური ომისთვის ემზადებოდეს. ქვეყანამ იმ თანამგზავრების რეაქტივაცია განახორციელა, რომელსაც დამკვირვებლები უმოქმედოდ მიიჩნევდნენ.

ობიექტებმა თავდაპირველად ყურადღება უჩვეულო მანევრებისთვის მიიპყრეს, რამაც აღძრა ეჭვი იმის შესახებ, რომ ისინი იარაღები იყვნენ.

ახლა კოსმოსური ხომალდი კვლავ ამოქმედდა, რამაც ექსპერტების შეშფოთება გამოიწვია, გააჩინა რა ეჭვი იმის შესახებ, რომ კრემლი კოსმოსურ შესაძლებლობებს აძლიერებს.

კოსმოსი -2491, -2499 და -2504 კოსმოსში მალულად საკომუნიკაციო თანამგზავრების რუტინული გაშვების საფარქვეშ გაუშვეს.

მარტში, კოსმოსი -2504 მოულოდნელად განაახლა თავისი მანევრები. აპრილში ხომალდი ჩინეთის ამინდის თანამგზავრს 1,183 მეტრით მიუახლოვდა, რაც ასტრონომიული თვალსაზრისით ძალიან ახლოა. უცნაური მოძრაობების განხორციელება დაფიქსირდა კოსმოსი-2499-ის მხრიდანაც.

„ძალიან საინტერესოდ მიმაჩნია ის ფაქტი, რომ თანამგზავრი ორი წლის განმავლობაში უმოქმედო იყო, შემდეგ კი მანევრირება დაიწყო,” – განაცხადა მასაჩუსეტის მეცნიერთა კავშირის კოსმოსუს ექსპერტმა – ლაურა გრეგომ.

კოსმოსი -2491, -2499 და -2504 2013-2015 წლებში გაუშვეს. მათ დასავლეთის შეიარაღებული ძალების ყურადღება მიიპყრო მას შემდეგ, რაც მათ სწრაფი მანევრირება დაიწყეს. ექსპერტებს ეჭვი გაუჩნდათ, რომ ისინი საბრძოლოდ ან ჯაშუშობისთვის ააგეს.

ამ სპეკულაციის გამო რუსეთის კოსმოსური სააგენტოს ხელმძღვანელმა ოლეგ ოსტაპენკომ 2014 წლის 15 დეკემბერს გამართულ პრეს კონფერენციაზე განაცხადა, რომ ხომალდები „მკვლელი თანამგზავრები“ არ იყვნენ.

ამ სამ უჩვეულოდ სწრაფ თანამგზავრს სხვა თანამგზავრებთან მიახლოების შესაძლებლობა აქვს, რაც იმას ნიშნავს, რომ მათ აქვთ პოტენციური უნარი, უთვალთვალონ, გაიტაცონ, ან გაანადგურონ სხვა თანამგზავრები, ანუ მათ აქვთ უნარი, რომ ანტი-სატელიტური იარაღი გახდნენ.

რუსეთი არ არის ერთადერთი ქვეყანა, რომელიც თანამგზავრების განადგურების ტექნოლოგიებს ცდის.

შეერთებულმა შტატებმა, შვედეთმა, იაპონიამ და ჩინეთმა  უკვე გამოსცადეს ანალოგიური შესაძლებლობების მქონე  მოწყობილობები. ამ ცდების კი ისინი თანამგზავრის სარემონტო სამუშაოების სახელით ახორციელებენ.

 

 

წყარო: www.dailymail.co.uk

მასალა მოამზადა:  თამარ ტაბატაძემ

ახალგაზრდა ანალიტიკოსთა  და მეცნიერთა დარბაზი – ,,დოქტრინა’

სრულად ნახვა
ანალიტიკამსოფლიოპოლიტიკა

,,როგორ აძლიერებს მიგრანტების მზარდი ტალღა გერმანული იდენტობის კრიზისს?”

1.85K views on

რამდენიმე დღის წინ The Washington Post-ზე გამოქვეყნდა სტატია, სადაც გერმანიაში მოღვაწე ჟურნალისტი ცდილობს არგუმენტირებულად ახსნას, თუ როგორ უწყობს ხელს მიგრანტების გაზრდილი რაოდენობა გერმანელებში იდენტობის კრიზისის გაძლიერებას.

სტატიაში აღნიშნულია, რომ  გერმანიის იდენტობის პრობლემა ჯერ კიდევ მე-20 საუკუნიდან ხდება ნათელი, როდესაც ნაცისტების ქმედებებისა და მსოფლიო ომების შედეგებმა მნიშვნელოვნად განაპირობა ფაქტი, რომ გერმანელებს უჭირდათ თავიანთი თავი განესაზღვრათ, როგორც ერი.

გერმანიის შინაგან საქმეთა მინისტრმა, რამდენიმე ხნის წინ, გამოაქვეყნა მარტინ ლუთერის თეზისების მსგავსი 10 დებულება, იმაზე, თუ რა აქვს, ან უნდა ჰქონდეს საერთო ყველა გერმანელს, რამაც კვლავ წინა პლანზე წამოწია იდენტობის და ე.წ leitkultur-ის (მთავარი კულტურული მახასიათებელი, წარმმართველი კულტურა) საკითხი.

გარდა იმისა, რომ ზემოთ აღნიშნულ „თეზისებში“ ნახსენები იყო მეტ-ნაკლებად ნაცნობი გერმანული მახასიათებლები, როგორიცაა, მაგალითად, განათლების დაფასება, მინისტრი ახალჩამოსულ მუსლიმებსაც ახსენებს და მოუწოდებს, რომ ადგილობრივ, გერმანულ ტრადიციებსა და ჩვეულებებთან ადაპტირდნენ: „ჩვენ (გერმანელებს) გახსნილი საზოგადოება, სოციუმი გვაქვს, ვაჩვენებთ ჩვენს სახეს და არ ვატარებთ ჩადრს, თქვენც ასე უნდა მოიქცეთ“.

იპოზიციურმა ძალამ და კრიტიკოსებმა შინაგან საქმეთა მინისტრს ბრალი დასდეს პოპულიზმში. ზოგიერთმა ის ანტიიმიგრაციული იდეების მქონე „ალტერნატივა გერმანიისთვის“ პარტიასთან  დაახლოებულ პირად მოიხსენია, რაც ლოგიკური განვითარებაა, თუკი გავითვალისწინებთ, რომ სექტემბერში გერმანიის ფედერალური არჩევნები უნდა ჩატარდეს.

მიუხედავად კრიტიკისა, ახლახან გამოქვეყნებული კვლევის შედეგები ცხადყოფს, რომ გერმანიის მოსახლეობის ნახევარზე მეტისთვის გერმანული იდენტობა მართლაც წარმოადგენს განსჯის საგანს და რომ ზემოთ ხსენებული  „leitkultur-ის“ იდეის განვითარების საჭიროებას გრძნობენ. ანგელა მერკელის  „ქრისტიან-დემოკრატების გაერთიანების“ პარტიის იურისტი, ჯენს შპანი აღნიშნავს: „გერმანელი მოქალაქეები გაზრდილი მიგრანტების რაოდენობის გამო, მართლაც ცდილობენ გაარკვიონ და თავიდან განსაზღრონ რა არის გერმანელისთვის განუყოფელი. ჯანმრთელი პატრიოტიზმი არის ის, რის შეთვისებასაც გერმანელების უმეტესიბა ცდილობს, რადგან მე-20 საუკუნის ისტორიიდან გამომდინარე, რთულია გერმანული პატრიოტიზმის იდეის განვითარება“.

ეს ტენდენცია სხვა ევროპულ ქვეყნებშიც შეინიშნება. მაგალითად, დანიამაც სცადა განესაზღვრა ის მახასიათებლები, რაც მას სხვა ნაციებისგან განასხვავებს და უნიკალურს ხდის. დანიის კულტურის მინისტრმა, გასულ წელს, გამოაქვეყნა „დანიის კანონები“, სადაც ნახსენებ იყო ტერმინი-  “hygge”, რაც აღნიშნავს გარემოს, სადაც ადამიანები თანაცხოვრობენ კომფორტულ, მშვიდ სოციუმში.

ლიტერატურის პროფესორი – დიტერ ბოხმაიერი, რომელსაც ეკუთვნის 1000-გვერდიანი ნაშრომი „რა არის გერმანია? ერის საკუთარი თავის ძება“, ამბობს, რომ გერმანიის ბრძოლა იდენტობის ძებნასთან დიდი ხსნის წინ დაიწყო, მთავარი მიზეზი კი არის ის, რომ გერმანია, როგორც სახელმწიფო მხოლოდ 1871 წელს ჩამოყალიბდა პატარა და მრავალრიცხოვანი საგრაფოების გაერთიანებით, მანამდე კი, „გერმანელობა განისაზღვრებოდა მხოლოდ კულტურით, განსხვავებით სხვა ევროპული ქვეყნებისაგან, ამიტომაც არსებობს ამ საკითხთან დაკავშირებული პრობლემები“.

 

 წყარო. The Washington Post

მასალა მოამზადა:  ცირა შვანგირაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
მსოფლიოპოლიტიკა

ვლადიმერ პუტინი: ,,რუსეთისთვის კარგი იქნება თუ NATO დაიშლება”

2.02K views on

 

გასულ პარასკევს, ვლადიმერ პუტინმა, ეკონომიკის საერთაშორისო ფორუმზე, პირდაპირ ეთერში საუბრისას ღიად განაცხადა, რომ რუსეთისთვის კარგი  იქნება, თუკი NATO დაიშლება. თუმცა, იქვე დაამატა, რომ მოვლენების მსგავს განვითარებას ბლოკის შიგნით ჯერ ვერ ამჩნევს.

რუსეთის პრეზიდენტმა კითხვის ნიშნის ქვეშ დააყენა NATO-ს, როგორც კოლექტიური თავდაცვის ორგანიზაციის, დანიშნულების საკითხიც და გააკრიტიკა ევროპული სახელმწიფოები შეიარაღებისა და თავდაცვის სფეროში ბიუჯეტის გაზრდის გამო, „თუკი, მათ არ სურთ თავს დაესხან ვინმეს.“ ასევე, აღნიშნა: „ჩვენ ვხედავთ, როგორ ფართოვდება და გვიახლოვდება ალიანსის სამხედრო ინფრასტრუქტურა, რაც რა თქმა უნდა რუსეთისთვის წუხილის საკითხია“

NATO, ჩრდილოატლანტიკური ხელშეკრულების ორგანიზაცია, ცივი ომის დასაწყისში შეიქმნა, როგორ საბჭოთა კავშირის დამბალანსებელი.

ეს განწყობა რუსეთში კვლავ არსებობს, ამიტომაც ვლადიმერ პუტინის ზემოთ აღნიშნული განცხადება დონდალ  ტრამპისადმი პასუხს წარმოადგენდა, რომელმაც გასულ კვირას, NATO-ს სამიტზე ორგანიზაციის წევრი ქვეყნებისადმი უკმაყოფილება გამოთქვა  კოლექტიური თავდაცვის შესახებ მუხლთან დაკავშირებით და მოუწოდა მათ გაეზარდათ სამხედრო ბიუჯეტი GDP-ის 2 %-მდე. (აშშ ყველაზე მეტს იხდის ალიანსის დაფინანსებისთვის ) დონალდ ტრამპი უფრო შორსაც წავიდა და ორგანიზაციის წევრებს მიანიშნა, რომ თუკი მისი მოთხოვნები არ დაკმაყოფილდება, NATO-მ შეიძლება დაკარგოს აშშ-ის მხარდაჭერა.

NATO-ს მე-5 მუხლის მიხედვით, კოლექტიური თავდაცვა გულისხმობს, რომ თუკი ალიანსის რომელიმე წევრის უსაფრთხოებასა და სუვერენიტეტს საფრთხე შეექმნება, დანარჩენი წევრები ვალდებულნი არიან დაეხმარონ მას სამხედრო თუ სხვა საშუალებებით.

დიპლომატებისა და მკველვარების სხვადასხვა შეფასებებით, დონალდ ტრამპის მსგავს რეპლიკებს, შესაძლოა გავლენა ჰქონდეს რუსეთის დამოკიდებულებაზე ალიანსის მიმართ.

გერმანიის კანცლერი, ანგელა მერკელი, გასულ კვირას საკმაოდ ხისტი განცხადებით გამოვიდა სადაც აღნიშნა: „დრო, როდესაც ჩვენ შეგვეძლო სრული ნდობა გამოგვეცხადებინა ჩვენი მოკავშირეებისთვის (იგულისხმება აშშ), უკვე დასრულდა“.

ვლადიმერ პუტინი, პირდაპირი ტრანსლიაციის დროს სანქციებსაც შეეხო, რომლებიც რუსეთს 2014 წლის შემდეგ დაუწესდა ევროკავშირისა და აშშ-ის ყოფილი პრეზიდენტის, ბარაკ ობამასაგან, რაც ერთგვარ დამსჯელობით ღონისძიებას წარმოადგენდა უკრაინისადმი განხორციელებული აგრესიისა და ყირიმის ანექსიის გამო. რუსეთის ეკონომიკა, სანქციებისა და ნავთობის ფასის დავარდნის გამო, 0.6 %-ით შემცირდა წინა წელს, 2015-ში კი თითქმის 4%-ით, მსოფლიო ბანკის მონაცემების მიხედვით.

როგორც ჩანს, ამ შედეგებით გაღიზიანებულია ვლადიმერ პუტინი. მან აშშ რუსეთის საშინაო საქმეებში უხეშ ჩარევაში დაადანაშაულა და დაამატა, რომ „დღეს, ძალიან ცოტა სახელმწიფო თუ დარჩა, რომელსაც სრული დამოუკიდებლობისა და სუვერენიტეტის პრივილეგია აქვს“.  დონალდ ტრამპსა და პუტინს შორის კავშირს აშშ-ის წინასაარჩევნო კამპანიის პერიოდში, ჰაკერულ თავდასხმასთან დაკავშირებით, პუტინი „ჰისტერიას“ უწოდებს და ირონიულად კითხულობს, „არსებობს თუ არა რაიმე წამალი, რომ ეს ჰისტერია შეწყდეს?“

რაც შეეხება NATO-ს წევრებს შორის შესაძლო დაძაბულობას, საერთოევროპული განწყობა, რომ თითქმის 70 წლის ალიანსის არსებობა აუცილებელია უსაფრთხოებისთვის, ფართოდ გაზიარებულია. ამასთან, ევროპული სახელმწიფოები კარგად აცნობიერებენ, რომ დონალდ ტრამპის პრეზიდენტობა მხოლოდ დროებითია, თუკი გავითვალისწინებთ, რომ მისი რეიტინგი არც ისე მაღალია აშშ-ში.

 

მასალა მოამზადა:  ცირა შვანგირაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ეკოლოგიამსოფლიოპოლიტიკა

აშშ პარიზის კლიმატის შეთანხმებას ემიჯნება – მსოფლიო ლიდერები აღშფოთებას გამოთქვამენ

1.77K views on

აშშ -ის პრეზიდენტმა, დონალდ ტრამპმა, ხუთშაბათს განაცხადა, რომ ამერიკა პარიზის 2015 წლის გლობალური შეთანხმების შესრულებაში მონაწილებაზე უარს აცხადებს.

პრეზიდენტი ტრამპის განცხადებით, პარიზის შეთანხმება ზიანს აყენებს აშშ-ის ეკონომიკას,  სამუშაო ადგილებს, ასუსტებს ამერიკის ეროვნულ სუვერენიტეტს.

 „ჩვენ გავდივართ. აღარ გვსურს სხვა ქვეყნებმა და მათმა ლიდერებმა დაგვცინონ და ვეღარც იზამენ ამას,“ – განაცხადა დონალდ ტრამპმა თეთრი სახლის ვარდების ბაღში გამართულ ცერემონიალზე.

შეთანხმების მხარდამჭერები, მათ შორის რამდენიმე წამყვანმა ამერიკელი ბიზნეს ფიგურა, აცხადებენ, რომ ტრამპმა ამ ნაბიჯით დიდი დარტყმა მიაყენა  საერთაშორისო ძალისხმევას, რომელიც პლანეტას იმ საფრთხეებისგან დაიცავს, რაც მას გლობალური დათბობის შედეგად ემუქრება.

აშშ-ის ყოფილმა პრეზიდენტმა – ბარაკ ობამამ, რომელიც აღნიშნული შეთანხმების აქტიური მხარდამჭერი იყო, ტრამპის გადაწყვეტილების გამო მწუხარება გამოთქვა.

ტრამპი, რომელიც კლიმატის ცვლილებას თაღლითობას უწოდებს, აცხადებს, რომ მისი ადმინისტრაცია დაიწყებს მოლაპარაკებებს პარიზის შეთანხმების ცვლილებებზე, ან ახალ ხელშეკრულებაზე. საქმე ეხება იმ „ტერმინებს, რაც სამართლიანია ამერიკის შეერთებული შტატებისთვის, მისი ბიზნესისთვის, მუშაკებითვის, ხალხისთვის და გადასახადის გადამხდელებისთვის”.

საერთაშორისო ლიდერებმა ტრამპის გადაწყვეტილებაზე უარყოფითი რეაქცია გამოხატეს.

,,აშშ-ს პრეზიდენტის, ტრამპის, მიერ მიღებული გადაწყვეტილება კაცობრიობის გონიერების მიმართ ზურგის შექცევის ტოლფასია, ძალიან იმედგაცრუებული ვარ … მე ვარ გაბრაზებული”, – განაცხადა იაპონიის გარემოს დაცვის მინისტრმა, კოჩი იამამოტომ, პარასკევს გამართულ პრესკონფერენციაზე.

გერმანიის კანცლერმა – ანგელა მერკელმა, საფრანგეთის პრეზიდენტმა ემანუელ მაკრონმა და იტალიის პრემიერ-მინისტრმა პაოლო გრინლიონმა ერთობლივ განცხადებაში თქვეს, რომ შეთანხმების განახლება შეუძლებელია და მოკავშირეებს მოუწოდეს კლიმატის ცვლილების წინააღმდეგ ბრძოლა გაააქტიურონ.

„მიუხედავად იმისა, რომ ამერიკის შეერთებული შტატების გადაწყვეტილება სამწუხაროა, ჩვენ კვლავ ინსპირირებული ვრჩებით კლიმატის ცვლილების წინააღმეგ ბრძოლის საკითხში,“ – განაცხადა კანადის პრემიერ მინისტრმა ჯასტინ ტრუდოუმ.

ოფიციალური ჩინეთი ტრამპის გადაწყვეტილებას „გლობალურ რეგრესად“ აფასებს.

პარიზის შეთანხმება მიღებულ იქნა 2015 წლის 12 დეკემბერს, ქ. პარიზში, საფრანგეთში გაეროს კლიმატის ცვლილების ჩარჩო კონვენციის ფარგლებში.

პარიზის შეთანხმება კლიმატის ცვლილების შესახებ მიზნად ისახავს:

კლიმატის ცვლილების  საფრთხეზე გლობალური რეაგირების გაძლიერებას მდგრადი განვითარების და სიღარიბის აღმოფხვრისკენ მიმართული ძალისხმევის კონტექსტში, რათა მოხდეს გლობალური საშუალო ტემპერატურის ზრდის 2 გრადუს ცელსიუსამდე შეზღუდვა, პრეინდუსტრიულ დონესთან შედარებით და ტემპერატურის ზრდის 1.5 გრადუს ცელსიუსამდე შეზღუდვის მცდელობა.

ასევე კლიმატის ცვლილების უარყოფით შედეგებთან ადაპტაციის უნარის გაზრდას და კლიმატის ცვლილების მიმართ მედეგობის  და სათბურის გაზების დაბალემისიიანი განვითარების  უზრუნველყოფის ხელშეწყობასა და ამისთვის ფინანსური ნაკადების შესაბამისობის უზრუნველყოფას.

მხოლოდ ორი ქვეყანა არ იყო პარიზის შეთანხმების მონაწილე: სირია და ნიკარაგუა. სირიის შემთხვევაში ამის მიზეზი სამოქალაქო ომი გახდა, ნიკარაგუას ხელისუფლებამ კი მიიჩნია, რომ შეთანხმება რეალურად ვერ შეეწინააღმდეგებოდა კლიმატის ცვლილებას. ჩრდილოეთ კორეამაც კი მოახდინა პარიზის შეთანხმების რატიფიცირება.

აშშ-მა დადო პირობა, რომ 2025 წლისთვის შეამცირებდა სასათბურე გაზის ნარჩენებს და დაიყვანდა მას 2005 წლის მაჩვენებლამდე. ასევე, ობამას ადმინისტრაციამ გამოყო 3 მილიარდი აშშ დოლარი გარემოსთვის მიყენებული ზიანის შემცირებაში სხვა ქვეყნების დასახმარებლად.

აღსანიშნავია, რომ საქართველოს გარემოსა და ბუნებრივი რესურსების დაცვის მინისტრმა – გიგლა აგულაშვილმა, ხელშეკრულებას ხელი 2016 წლის 22 აპრილს, ქ.ნიუ-იორკში მოაწერა.

 

წყარო: BBC

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
კომუნიკაციამსოფლიო

ჩინეთი „YouTube–ს“ ბლოკავს

1.62K views on

 

სოციალური ქსელი ჩინეთისთვის საკმაოდ მნიშვნელოვანია და ყველა იქ მცხოვრებს აქვს მასზე წვდომა. მაგრამ ასევე ცნობილია, რომ მსოფლიოში ყველაზე მკაცრად კონტროლდება მათი სოციალური ცხოვრება.

სახელმწიფომ აკრძალა უცხოური საიტების მოხმარება. წინა კვირას მათ დაბლოკეს „YouTube“, რადგან იქ გამოქვეყნებული იყო თუ როგორ უსწორდებოდნენ პოლიციელები ტიბეტელ ბერს. სახელმწოფომ ასევე განაცხადა, რომ ისინი იზრუნებენ გამომქვეყნებლის გასამართლებაზე თუ საიტზე არ იქნება მათთვის სასურველი ვიდეორგოლები.

დღემდე ინტერნეტი ჩინეთის ყველაზე საჭირო ინფორმაციის წყაროა, რა თქმა უნდა, ყველა ვებგვერდს ვერ დაბლოკავენ, რადგან რამდენიც არ უნდა დაბლოკონ ორი იმდენი ჩნდება ყოველ დღე.

ზოგ ადამიანს მოსწონს ის, რომ რასაც უნდათ იმას აქვეყნებენ და წერენ, მაგრამ არსებობენ ისეთებიც, რომლებსაც არ სიამოვნებთ ისეთი ვიდეოებისა თუ სტატიების ნახვა, რომლებიც მათთვის მიუღებელია.

 

წყარო: Hbr.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ეკონომიკაკვლევებიმსოფლიოსოციოლოგია

კვლევა: როგორ და რაში ხარჯავენ ფულს სხვადასხვა ქვეყანაში?

2.03K views on

 Eurostat-ის კვლევით ბაზაში ახალი კვლევის შედეგები გამოქვეყნდა, რომლის მიზანიც იყო იმის გარკვევა, თუ როგორ და რაში ხარჯავდნენ ფულს სხვადასხვა ქვეყანაში. გამოიკვეთა ტენდენცია, რომ ის, თუ რაში და რამდენს ხარჯავენ კონკრეტული სახელმწიფოს მოქალაქეები, პირდაპირ ეხმიანება ამ სახელმწიფოს შესახებ დამკვიდრებულ სტერეოტიპებს. მაგალითად: კვლევის მიხედვით, რუსეთის ფედერაციის მოსახლეობის საერთო შემოსავლის 8% იხარჯება ალკოჰოლურ სასმელებსა და თამბაქოს მოხმარებაზე, რაც აღემატება მსოფლიოს ყელაზე მდიდარი ქვეყნების იმავე კატეგორიის მაჩვენებელსაც კი. ავსტრალიის მოსახლეობის შემოსავლის 10%-მდე  რეკრეაციასა და გართობაზე იხარჯება,  სამხრეთ კორეის საპირისპიროდ, რომლის მოსახლეობაც შემოსავლის უმეტესობას წიგნებსა და განათლებაზე ანაწილებს.

უფრო მდიდარი ქვეყნები, მაგალითად აშშ და ავსტრალია, სადაც საყოფაცხოვრებო ხარჯები ერთ ადამიანზე 30 000 $-მდეც კი აღწევს წლიურად, უფრო მიდრეკილნი არიან, რომ ნაკლები თანხა დახარჯონ საკვებზე, ვიდრე, მაგალითად, მექსიკასა და რუსეთში, სადაც საშუალო ხარჯი 6 000 $-ია. ამ განსხვავებების მიზეზი პოლიტიკურ  და სახელმწიფო მოწყობის სისტემებში უნდა ვეძიოთ. მაგალითად, ამერიკაში შემოსავლის საერთო რაოდენობის თითქმის მეხუთედს შეადგენს კერძო ჯანმრთელობის დაზღვევის ხარჯები, შესაბამისად, ამერიკელებს უწევთ პრიორიტეტულად გადაანაწილონ დანახარჯები. ევროკავშირში, სადაც საერთო სადაზღვევო სისტემა მოქმედებს, საშემოსავლო ბიუჯეტის მხოლოდ 4% იხარჯება მასზე, რაც უფრო მეტ თანხას უტოვებს ადამიანებს სხვადასხვა სახის აქტივობების განსახორციელებლად. ასევე, ევროკავშირის ქვეყნებთან მიმართებით, გამოიკვეთა ტენდენცია, რომ ზემოთ აღნიშნული მაჩვენებლები რეგიონების მიხედვით განსხვავებულია: მალტაში, სადაც მოსახლეობა დაახლოებით 450 000 ადამიანია, საყოფაცხოვრებო ხარჯების 20 % -მდე სარესტორნო და სასტუმრო ბიზნესის დანახარჯებზე მოდის, მაშინ, როცა ლიტვაში იგივე მაჩვენებელი 2,9 %-ია. ეს ფაქტი შეიძლება აიხსნას იმით, რომ ლიტვა შედარებით ღარიბი ქვეყანაა, სადაც საშუალო დანახარჯი ერთ ადამიანზე ორჯერ ნაკლებია ზოგადად ევროკავშირის მოქალაქის საშუალო წლიურ დანახარჯთან შედარებით. ჰოლანდიაში ყველაზე მეტი იხარჯება დასვენება-გართობაზე, ყველაზე ნაკლები, ამ მხრივ, კი საბერძნეთში (შეიძლება მივიჩნიოთ ფინანსური კრიზისის შედეგად, რადგან, როგორც კვლევის ავტორები ვარაუდობენ, ეს თანხა შეიძლება დაიხარჯოს, მაგალითად, ვალების უკან დაბრუნებაში.)

კვლევის სრული შედეგების ნახვა შეგიძლიათ აქ.

 

ავტორი: ცირა შვანგირაძე

წყარო: The Economist

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
მსოფლიოსაქართველო

დამოუკიდებლობის დღის აღსანიშავად ვაშინგტონში ქართულ ღვინოს უფასოდ დააგემოვნებთ

2.08K views on

 26 მაისს საქართველოში დამოუკიდებლობის დღე აღინიშნება და დღესასწაულის ფარგლებში მრავალი ღონისძიებაა დაგეგმილი, რომელშიც მრავალი კომპანია მონაწილეობს, როგორც საქართველოში, ისევე მის ფარგლებს გარეთაც. გამონაკლისი არ არის ,,ქართული ღვინის სახლი”, რომელიც ღვინის ეროვნულ სააგენტოსთან ერთად ქართული ღვინის უფასო დაგემოვნების საშუალებას  აშშ-ის მცხოვრებლებსაც მისცემს. კერძოდ, ქართული ღვინის დაგემოვნება შესაძლებელი იქნება  ვაშინგტონში.

ღონისძიება ოთხ სხვადასხვა ადგილას არის დაგეგმილი და 26 მაისს ვაშინგტონში (Batch 13, 1724 14th St NW) 5 საათზე დაიწყება, აქ სტუმრები შეძლებენ დააგემოვნონ ისეთი სასმელები როგორიცაა – საფერავი, ცქრიალა ღვინო და ქართული ჭაჭა.

მსურველებს ქართული ღვინის დაგემოვნება 3-დან 6 საათამდე შეეძლებათ  ამერიკის უნივერსიტეტის მახლობლადაც – ,,Whole food market Tenkeytown-ში” რომელიც მასში წარმოდგენილი ჯანსაღი საკვების მიხედვით, აშშ-ის ერთ-ერთი საუკეთესო სავაჭრო ცენტრია.  აღსანიშნავია, რომ ცენტრში მუდმივადაა წარმოდგენილი საფერავი, ქარვის ღვინო და ქინძმარაული. ღვინის დაგემოვნება ასევე შესაძლებელი იქნება არლინგტონის ,,Whole Food Market-შიც, 3 დან 7 საათამდე.

ხუთი ქართული ღვინის სახეობა იქნება წარმოდგენილი ,,Corridor Marketplace-შიც”, რომელიც სტუმრებს 4-დან 7 საათამდე უმასპინძლებს.

 

წყარო:   georgianwinehouse.com

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

სრულად ნახვა
ეკონომიკამსოფლიოტურიზმი

დუბაიში ძვირადღირებული კურორტი შენდება

2.02K views on

 

დუბაი სასტუმრო ,,ბურჯ ალ არაბიას” მახლობლად, დაახლოებით 1.7 მილიარდი დოლარის ოდენობის ტურისტულ კურორტს ააშენებს.კურორტი ორ ხელოვნურ კუნძულზე განთავსდება, რომლებიც აფრის ფორმის მქონე, წყალში მდგარი სასტუმროს ერთ–ერთ მხარეს გაშენდება.

არაბთა გაერთიანებული საემიროების ყველაზე განვითარებულ ქალაქს შემუშავებულ აქვს გეგმა, რომლის შესაბამისადაც, 2020 წლისთვის ქალაქის სტუმართა რიცხვმა წელიწადში 20 მილიონს უნდა მიაღწიოს. საინტერესოა, რომ სწორედ 2020 წელს, დუბაი მსოფლიო გამოფენა „უორლდ ექსპო 2020“-ს უმასპინძლებს.

ტურისტული კურორტის სახელია მარსა ალ არაბი. ორივე კუნძულის ჯამური ფართობი 370 000 კვადრატულ მეტრზე (37 ჰექტარი) მეტი იქნება. ერთი კუნძული გასართობ დაწესებულებებს და საოჯახო ტურიზმს დაეთმობა, მეორეზე კი – ლუქს კლასის ვილები და ნავმისადგომები განთავსდება.

ვიზიტორების რიცხვით დუბაი მსოფლიო ლიდერია. დუბაის ტურიზმის სააგენტოს ინფორმაციით, მიმდინარე წლის პირველ კვარტალში, დუბაის უკვე 4.6 მილიონი ადამიანი სტუმრობდა. ეს კი შარშანდელი იმავე პერიოდის მაჩვენებელზე 11 პროცენტით მეტია. მარსა ალ არაბზე 140 ვილა, საზღვაო და აკვაპარკი განლაგდება.

მარსა ალ არაბის გარდა, დუბაიში არაერთი სხვა გრანდიოზული პროექტი ხორციელდება. მათ შორისაა საგამოფენო კომპლექსი „უორლდ ექსპო 2020-სთვის“, დუბაის მეტროს სისტემის განვითარება, ასევე საერთაშორისო აეროპორტი ალ მაკტუმი, რომელიც ქალაქის განაპირას შენდება და წლიურად 146 მილიონი მგზავრის მიღებაზეა გათვლილი.

დუბაის ხელოვნურ კუნძულებს შორის ყველაზე დიდია პალმ ჯუმეირა, რომელზეც რამდენიმე სასტუმრო, ვილა და აპარტამენტია განლაგებული. ქალაქის სანაპირო ზოლში სხვა კუნძულებიც შენდება, თუმცა 2009 წლის კრიზისის შემდეგ, მათი განვითარება შეჩერდა და გაბარიტებში შემცირდა. ჯერ არ დასრულებულა კუნძული პალმ ჯაბელ ალი, რომლის მშენებლობაც 2002 წელს დაიწყო. პალმ დეირას პროექტი კი გადააკეთეს და ის ამჟამად დეირა ისლანდსის სახელით არის ცნობილი.ხელოვნური კუნძულების კიდევ ერთი პროექტია ხელოვნური არქიპელაგი, რომელიც თავისი ფორმით, მსოფლიოს რუქას ჰგავს და 300 კუნძულს მოიცავს. ეს პროექტი მხოლოდ ნაწილობრივ არის დასრულებული.

 

წყარო: Harvard business review

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
განათლებამსოფლიო

ევროპის ყველაზე ინოვაციური უნივერსიტეტები – „როიტერსი“ 2017 წლის რეიტინგს აქვეყნებს

1.63K views on

ევროპის ყველაზე მაღალტექნოლოგიური ჰაბები დიდ გავლენას ახდენენ ისეთი დიდი დედაქალაქებიდან, როგორიცაა – ლონდონი, ბერლინი და პარიზი. მაგრამ რამდენად საკვირველადაც უნდა ჟღერდეს, ევროპული ინოვაციების გული პატარა ქალაქში, ჰოლანდიურ ენაზე მოსაუბრე ფლანდრიელთა რეგიონში მდებარეობს.

სწორედ ეს გახლავთ სააგენტო „როიტერსის“ ყოველწლიური რეიტინგის – ევროპის ყველაზე ინოვაციური უნივერსიტეტების დასკვნა. რეიტინგი განსაზღვრავს იმ საგანმანათლებლო დაწესებულებებს, რომლებსაც ყველაზე დიდი წვლილი შეაქვთ მეცნიერების განვითარებაში, ახალი ტექნოლოგიების გამოგონებასა და გლობალური ეკონომიკის მართვაში.

რეიტინგში, რომელიც 100 საგანმანათლებლო დაწესებულებას მოიცავს, პირველ ადგილს იკავებს ბელგიის KU Leuven. ეს გახლავთ თითქმის 600 წლის საგანმანათლებლო დაწესებულება, რომელიც პაპ მარტინის V- მიერ არის დაარსებული, მაგრამ დღესდღეობით ტექნოლოგიის ცოდნა თეოლოგიის ცოდნაზე მეტად აქტუალურია : KU Leuven პლანეტის ერთ-ერთ უდიდესი დამოუკიდებელი კვლევისა და განვითარების ორგანიზაციის ტიტულს ინარჩუნებს. 2015 წელს უნივერსიტეტის კვლევის ხარჯებმა 454 მილიონ ევროს გადააჭარბა და მისი პატენტის პორტფელი ამჟამად 586 აქტიურ ოჯახს მოიცავს, რომელთაგან თითოეული წარმოადგენს დაცულ გამოგონებას არაერთ ქვეყანაში.

ევროპაში მეორე ყველაზე ინოვაციური უნივერსიტეტი არის ,,Imperial College London-ი”, რომლის მეცნიერები დაკავშირებული არიან პენიცილინის აღმოჩენასთან ჰოლოგრაფიის განვითარებასა და ბოჭკოვანი ოპტიკის გამოგონებასთან. კემბრიჯის უნივერსიტეტი, რომელიც 800 წლიანი ისტორიის მანძილზე ნობელის 91 ლაურეატს ითვლის, რეიტინგში მესამე აგილს იკავებს. მეოთხე ადგილზეა მიუნხენის ტექნიკური უნივერსიტეტი, რომელმაც 1990 წლიდან 800-ზე მეტი კომპანია გააფართოვა, მათ შორის სხვადასხვა მაღალტექნოლოგიური სტარტაპი.

რეიტინგის 100 საგანმანათლებლო დაწესებულებიდან 23 გერმანიის უნივერსიტეტია. მეორე და მესამე ადგილს კი 17 -17 საგანმანათლებლო დაწესებულებით გაერთიანებული სამეფო და საფრენგეთი იკავებენ.  თუმცა სამივე ეს ქვეყანა კონტინენტის ყველაზე მჭიდროდ დასახლებულ და მდიდარ ქვეყნებადაც ითვლება.

ირლანდიის რესპუბლიკა რეიტინგში მხოლოდ სამი სკოლითაა წარმოდგენილი, თუმცა 5 მილიონზე ნაკლები მოსახლეობის ქვეყნისთვის ეს იმაზე ორჯერ კარგი შედეგია, ვიდრე ტოპ სამ ქვეყანას აქვს. ამავე ფაქტორის (ერთ სულ მოსახლეზე) გათვალისწინებით, მეორე ადგილს იკავებს დანია, შემდეგ მოდის – ბელგია, შვეიცარია და ნიდერლანდები.

იგივე შეიძლება ითქვას ეკონომიკურ ფაქტორზეც. საერთაშორისო სავალუტო ფონდის თანახმად, 2016 წელს გერმანიის მთლიანი შიდა პროდუქტი 349 ტრილიონ დოლარს აჭარბებს, რაც 11-ჯერ აღემატება ირლანდიის მაჩვენებელს – 307 მილიარდ დოლარს. რეიტინგში წარდმოდგენილი გერმანული საგანმანათლებლო დაწესებულებების რიცხვი კი ირლადიურს მხოლოდ 7-ჯერ აღემატება.

 აღსანიშნავია, რომ რუსეთი, ევროპის ყველაზე მჭიდროდ დასახლებული ქვეყანა, რომელიც ეკონომიკის სიდიდის მხრივ მეხუთე ადგილს იკავებს რეგიონში, რეიტინგში არცერთი უნივერსიტეტით არაა წარმოდგენილი. რეიტინგში არ შედის არცერთი უკრაინული და რუმინული უნივერსიტეტი.

ევროპის ყველაზე ინოვაციური უნივერისტეტების რეიტინგი „როიტერსმა“ Clarivate Analytics-თან თანამშრომლობის შედეგად  გამოავლინა. Clarivate Analytics-მა 600 გლობალური ორგანიზაციის მიერ სხვადასხვა აკადემიურ ჟურნალში გამოქვეყნებული სტატია შეისწავლა და ის საგანმანათლებლო დაწესებულებები გამოავლინა, რომლებსაც 2010-2015 წლებში მსოფლიოს ინტელექტუალური საკუთრების ორგანიზაციაში სულ მცირე 50 პატენტი ჰქონდათ წარდგენილი. შემდეგ თითოეული კანდიდატი 10 სხვადასხვა განზომილებით, აკადემიურ ნაშრომებსა და წარდგენილ პატენტებზე დარდნობით შეაფასეს.

 

წყარო: Reuters

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
1 … 83 84 85 86 87 … 90
Page 85 of 90