მსოფლიო

საიგა ანტილოპას სახეობას გადაშენება ემუქრება.

დასავლეთ მონღოლეთში წვრილფეხა მცოხნელების ჭირის ვირუსით (Peste des petits ruminants) 2,000-ზე მეტი ანტილოპა დაიღუპა. მეცნიერები შიშობენ, რომ დაავადება ისედაც გადაშენების პირას მყოფი სახეობის გაქრობას გამოიწვევს. 

ველური ბუნების დაცვის საზოგადოების (WCS) მეცნიერები, რომლებიც დაზარალებულ რეგიონში მუშაობენ, აცხადებენ, რომ დაავადება „საგანგაშო“ სისწრაფით ვრცელდება. პირველი შემთხვევა 2 იანვარს გამოვლინდა, ამ დროიდან დღემდე კი 2 500-მდე საიგა ანტილოპაა დაღუპული.

დაავადების გავრცელების თავიდან ასაცილებად დახოცილ ცხოველებს  წვავენ.

მეცნიერები აცხადებენ, რომ დაავადების გავრცელების რეგიონში სხვა იშვიათი სახეობის წარმომადგენლებიც ცხოვრობენ, მათ შორის ჯიხვი და დიდ რქებიანი ცხვარი. „აქ ასევე ცხოვრობს დაახლოებით 1,5 მილიონი მონღოლური ქურციკი, რომლებიც ქვეყნის აღმოსავლეთი ნაწილის გავლით მიგრირებენ. თუკი დაავადება აღმოსავლეთში გავრცელდება და ქურციკებს დააზარალებს, ეს შესაძლოა ეკონომიკურად და ეკოლოგიურად დამანგრეველი აღმოჩნდეს,” – აცხადებენ ველური ბუნების დაცვის საზოგადოების წარმომადგენლები.

ერთ-ერთი მთავარი საფრთხე ისაა, რომ  აღნიშნულ ტერიტორიაზე ველურ ბუნების გაქრობით ენდემურ თოვლის ლეოპარდს საკვების გარეშე დატოვებს.

ცხვრის, თხის და სხვა შინაური ცხოველების ჯოგებს ვაქცინაცია ჩაუტარეს, თუმცა WCS-ის აზიის ჯანდაცვის პროგრამის ვეტერინარის დოქტორ ამანდა ფაინის განცხადებით საიგების გადაშენების თავიდან ასაცილებლად საჭიროა არა მხოლოდ ამ  სახეობის არამედ სხვა ცხოველების „შემდგომი იმუნიზაცია“.

წყარო: BBC

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

მეცნიერები აცხადებენ, რომ პარაზიტ armyworm-ის შესაჩერებლად, რომელიც ანადგურებს მარცვლეულს და სწრაფად ვრცელდება აფრიკაში, სასწრაფო მოქმედებაა საჭირო.

სოფლის მეურნეობისა და ბიომეცნიერებების საერთაშორისო ცენტრის ინფორმაციით, შემოდგომის მატლი მთავარ საფრთხეს სასურსათო უსაფრთხოებასა და სასოფლო-სამეურნეო ვაჭრობას უქმნის. ორგანიზაციის განცხადებით, პარაზიტი აზიასა და ხმელთაშუა ზღვისპირეთსაც მიაღწევს.

„ეს ინვაზიური სახეობა სერიოზული მავნებლია, რომელიც სწრაფი ტემპით ვრცელდება აფრიკაში და პოტენციურად გავრცელდება აზიაში. სასწრაფოდ მოქმედებაა საჭირო იმისათვის, რომ თავიდან ავიცილოთ ნათესებისა და ფერმერთა საარსებო წყაროს გამანადგურებელი დანაკარგი,“ – აცხადებს სოფლის მეურნეობისა და ბიომეცნიერებების საერთაშორისო ცენტრის მეცნიერი-  მეთიუ კოკი.

მეცნიერები ფიქრობენ, რომ მუხლუხო ან მისი კვერცხები აზიის კონტინენტზე იმპორტირებული საქონლის მეშვეობით მოხვდებიან.

აშშ-ის სურსათისა და სოფლის-მეურნეობის ორგანიზაცია (Food and Agriculture Organization) 14-16 თებერვალს საგანგებო სხდომას გამართავს და გამოსავალის გზებზე იმსჯელებს.

ზამბიამ დაზარალებულ რეგიონებში პესტიციდების მოსასხმელად არმიის თვითმფრინავები გამოიყენა.

წყარო: BBC

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი “დოქტრინა”

დანიის საგარეო საქმეთა მინისტრ ანდერს სამუელსენის განცხადებით, დანია მსოფლიოში პირველ ციფრულ ელჩს დანიშნავს, რომელიც იმუშავებს ისეთ წამყვან კომპანიებთან, როგორებიცაა, მაგალითად, ,,Apple-ი”, ,,Google-ი” და ,,Microsoft-ი”.

ახალი და პერსონალური დიპლომატის აუცილებლობას საგარეო საქმეთა მინისტრი იმით ხსნის, რომ ქვეყანას სჭირდება მჭიდრო ურთიერთობების  ქონა ისეთ კომპანიებთან, რომლებიც მსოფლიო ამინდს ქმნიან.
მოკლედ რომ ვთქვათ, აღნიშნული ციფრული ელჩი სწორედ ამ კომპანიებთან შეასრულებს დიპლომატიურ მისიებს და პერმანენტულად ითანამშრომლებს მათთან.
ექსპერტების თქმით, ამის საჭიროება ნამდვილად დადგა მსოფლიო პოლიტიკურ სივრცეშიც, რადგანაც სწორედ  ასეთი დიდი კომპანიები წყვეტენ მსოფლიოში მიმდინარე მრავალი პროცესის ბედს.
დანიაში უკვე   გადაიდგა გარკვეული ნაბიჯები. მაგალითისათვის, ,,FACEBOOK-ი” და ,,Apple-ი” უკვე გეგმავენ რამდენიმე მილიონი დოლარის ინვესტირებას და ე.წ. მონაცემთა ცენტრის მშენებლობას. ჯერჯერობით უცნობია, როდის დანიშნავენ ციფრულ ელჩს, თუმცა, როგორც ანონსებიდან ვიტყობთ, ეს უახლოეს მომავალში მოხდება.

წყარო: foreignpolicy.com

ახალგაზრდა ანალიტიკოსთა და მეცნიერთა დარბაზი ,,დოქტრინა”

მოყვითალო-თეთრი ვარცხნილობის მქონე პატარა ჩრჩილს ამერიკის პრეზიდენტის – დონალდ ტრამპის სახელი უწოდეს.

ახალ სახეობას (Neopalpa donaldtrumpi), რომელიც ცხოვრობს ჰაბიტატში, რომელიც მოიცავს სამხრეთ კალიფორნიასა და მექსიკის ქვედა კალიფორნიას (Baja California),  სახელი ბიოლოგმა ვაზრიკ ნაზარმა დაარქვა.

,,კონკრეტული ეპითეტი  ჩრჩილის თავის მოყვითალო-თეთრ შეფერილობასა და ტრამპის ვარცხნილობის სტილს შორის მსგავსების გამო შევარჩიეთ, ამ არჩევანის მიზეზი კი ისაა, რომ მივაპყროთ ფართო საზოგადოების ყურადღება ჰაბიტატების იმ სახეობების დაცვის აუცილებლობისკენ, რომლებიც ჯერ კიდევ არ არიან შესწავლილი,“ – განაცხადა ნაზარმა.

ტრამპი არ გახლავთ პირველი პრეზიდენტი, რომლის სახელსაც ცხოველი ატარებს. გასულ თვეს ჩრდილო ჰავაის მარჯნის რიფების მკვიდრ თევზს ბარაკ ობამას სახელი უწოდეს, რითაც პატივისცემა გამოხატეს პრეზიდენტ ობამას მიერ თევზების ჰაბიტატის დასაცავად გაწეული ძალისხმევის მიმართ.

წყარო: Reuters

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”