close

პოლიტიკა

პოლიტიკა

“ვინც იძახის იძახის, თავის თავზე იძახის” — ვლადიმერ პუტინის რეაგირება ჯო ბაიდენის კრიტიკაზე

1.22K views on

“ვინც იძახის იძახის, თავის თავზე იძახის”, — ამ ანდაზით უპასუხა ოკუპანტი ქვეყნისრუსეთის პრეზიდენტმა, ვლადიმერ პუტინმა აშშ-ს პრეზიდენტ ჯო ბაიდენს.

მოგეხსენებათ, ამერიკის შეერთებული შტატების პრეზიდენტმა ჯო ბაიდენმა ABC- სთან ინტერვიუში ვლადიმერ პუტინს მკვლელი უწოდა და განაცხადა, რომ საფასურს გადაიხდის მცდელობებისთვის, რომელიც გასწია 2020 წლის აშშ-ს არჩევნებისთვის, ის დეზინფორმაციული კამპანიით ამცირებდა ჯო ბიადენის მხარდაჭერას და მხარს უჭერდა დონალდ ტრამპს.

კრემლის სპიკერი, დიმიტრი პესკოვი ამბობს, რომ მსგავსი რამ ისტორიაში არ ყოფილა და როგორც ჩანს, ბაიდენს ნამდვილად არ სურს ურთიერთობის გაუმჯობესება რუსეთთან.

რა უპასუხა პუტინმა?

მეტად საინტერესოა პუტინის პასუხი ბაიდენის განცხადებასთან დაკავშირებით, ის ამბობს: “მას ჯანმრთელობას ვუსურვებ. ამას ვამბობ ირონიის გარეშე, ხუმრობების გარეშე”.

განცხადებას მოჰყვა აშშ-დან რუსეთის ელჩის, ანატოლი ანტონოვის გამოწვევა კონსულტაციებისთვის, რათა აშშ-რუსეთის მოკავშირეობის მომავალი განიხილონ.

ჯო ბაიდენი არ საუბრობს მეტ დეტალზე თუ რა “ფასს” გადაიხდის პუტინი, მაგრამ სავარაუდოდ ბაიდენის ადმინისტრაცია სანქციებს დაუწესებს რუსეთს. ოფიციალურმა პირებმა კი განაცხადეს, რომ მხოლოდ ერთი ქვეყნით არ შემოიფარგლებიან.

წყარო: CNN

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ემიგრანტიპოლიტიკა

ბატონო მამუკა გთხოვთ გაამართლეთ ჩემი ნდობა და შედით პარლამენტში – გიორგი მიქანაძე

2.87K views on

ამერიკის შეერთებული შტატებიდან ქვეყანაში მიმდინარე პოლიტიკურ პროცესებს ლექტორი და სამოქალაქო აქტივისტი გიორგი მიქანაძე ეხმიანება. იგი, საკუთარ ფეისბუკის გვერდზე, პოლიტიკური ლიდერების ნაწილს მიმართავს და პარლამენტში შესვლისა და გამოცხადებული ნდობის დაფასებისკენ მოუწოდებს. ბოლო რამდენიმე წელია გიორგი მიქანაძე ნიუ-იორკში აგრძელებს საქმიანობას და ქვეყანაში მიმდინარე პროცესებს ნაკლებად ეხმაურება.

“დოქტრინა” გიორგი მიქანაძის პოსტს უცვლელად გთავაზობთ: 

ვაცხადებ საჯაროდ და არ ვმალავ,

მე პირადად 2020 არჩევნებში New York City მონაწილეობა მივიღე და ხმა მივეციი პირადად მამუკა ხაზარაძეს და პარტია ლელო საქართველოს. ამ ადამიანს ვიცნობ პირადად, მის სამუშაო ოთახში გვისაუბრია და მიუხედავად ბევრი კრიტიკისა, ეჭვი არ მეპარება ამ პიროვნების ღირსეულ ადამიანობაში და მისწრაფებებში. ამაზე ალბათ სხვა დროს. სწორედ ჩემი ეს დამოკიდებულება იყო განმაპირობებელი, რის გამოც გავისარჯე და ამ ადამიანს დავუჭირე მხარი.

თავდაპირველად მე ვიყავი ქართული ოცნების აქტიური მხარდამჭერი, გამომდინარე იქიდან, რომ ნაციონალური მოძრაობა შევიდა ჩიხში და სხვა გზა აღარ იყო. რა თქმა უნდა, თავის დროზე ვიყავი ნაციონალური მოძრაობის მხარდამჭერიც, როცა ისინი ხელისუფლებაში მოვიდნენ. მიუხედავად იმისა, რომ ვიყავი ჯერ მხოლოდ სტუდენტი. რა თქმა უნდა ვაღიარებ იმ ღირებულებებსა და მონაპოვარს, რაც შევარდნაძის მთავრობამ შესძინა ჩვენს ხალხსა და ქვეყანას, ვგულისხმობ პოლიტიკური დუღილის დაწყნარებას და სახელმწიფო ინსტიტუტების ფორმირებას, საერთაშორისო პოზიციონირების განსაზღვრა და რა თქმა უნდა, ვხედავ დიდი ადამიანების მერაბ კოსტავასა და ზვიად გამსახურდიას და მათი თაობის დიდ ღვაწლს ჩვენი ქვეყნის სახელმწიფოებრიობის წინაშე. მიუხედავად იმისა, რომ ბოლო წლები, ქვეყანაში ყოფნის დროს, აქტიურად გამოვხატავდი ჩემს სამოქალაქო პოზიციებს და არ ვერიდებოდი ქვეყანაში ქართული ოცნებისა თუ სხვა მოძრაობების თამამ შეფასებებს ეს იქნებოდა დადებით თუ უარყოფით კონტექსტშტი, – არასდროს პოლიტიკურად ანგაჟირებული არ ვყოფილვარ და არასდროს არანაირი პრივილეგია თუ ინტერესი არცერთი მიმართულებით არ მიმიღია. მქონდა შემოთავაზებები პოლიტიკაში შესვლისა და ამაზეც შევიკავე თავი. მაქვს ჩემი გეგმა, იდეა და იმედია გამომივა. ამ ეტაპზე ასე ვცხოვრობ.

დღეს, აქაც, სადაც ვარ და რასაც ვაკეთებ აბსოლუტურად ყველა ასპექტი პირადი წარმატებისა, განათლებისა, გამოცდილებისა, ახალი კონტაქტებისა და შესაძლებლობებისა საბოლოო ჯამში უკავშირდება ჩემს ქვეყანას ჩემს ხალხს და იმ გარემოს სადაც ამჟამად ვცხოვრობ და ვსაქმიანობ. ეს ასეა ჩემთან და ალბათ ნებისმიერი ქვეყნის ნორმალურ მოქალაქესთან მიმართებაში.

გამომდინარე ზემოთ ხსენებულიდან,

ბატონო მამუკა, უმორჩილესად გთხოვთ, გაითვალისწინოთ ჩემგან მიღებული მანდატი, გამოიყენოთ და შებრძანდეთ პარლამენტში. ძალიან გთხოვთ. არა, მართლა ძალიან გთხოვთ! ასევე, არამც თუ შებრძანდეთ, არამედ მიიღოთ მონაწილეობა, რომ დამთავრდეს ეს სამარცხვინო პროცესები ქვეყანაში და სხვა ადეკვატური კოლეგებიც დაარწმუნოთ ამაში.იქნებ დასხდეთ, იმსჯელოთ რა იქნება ყველაზე ოპტიმალური ხერხი, რომ გამოიყენოთ ამისთვის. პოზიციონირებაში რომ არ წააგოთ მაინც. ზუსტად ვიცი, რომ გრცხვენიათ ზოგიერთი ადამიანის გვერდით ასოცირება, იყავით გულწრფელი საზოგადოებასთან და აუცილებლად გახვალთ შედეგზე. გვერდიდან სულ სხვანაირად ჩანს და ფასდება მოვლენები. აუცილებლად გვჭირდება პოლიტიკური მოწიფულობა და იქნება გაამართლოთ ჩემი ნდობა და თქვენი წვლილი შეიტანოთ ამ უმნიშვნელოვანეს პროცესში, რომ ქვეყანამ დაიწყოს გადასვლა ემოციებიდან გონებით მართვით პროცესებზე, რომ სწრაფად მოხდეს გააზრებული პოზიციონირება გლობალურ კონტექსტში.

პატივისცემით,

გიორგი მიქანაძე

New York City, USA

03.17.2021

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
პოლიტიკა

საფრანგეთის ყოფილ პრეზიდენტს სამწლიანი თავისუფლების აღკვეთა მიუსაჯეს

1.1K views on

საფრანგეთის ექსპრეზიდენტს ნიკოლა სარკოზის სასამართლომ მიუსაჯა 3 წლით თავისუფლების აღკვეთა კორუფციის და გავლენის გადაჭარბების ბრალდებით. კერძოდ, პარიზის სასამართლოს გადაწყვეტილებით ყოფილ პრეზიდენტს ელის ერთწლიანი პატიმრობა და ორი წლით პირობითი სასჯელი.

66 წლის ნიკოლა სარკოზი საფრანგეთის პირველი ყოფილი პრეზიდენტია, რომელსაც თავისუფლების აღკვეთა მიესაჯა. მისი ადვოკატის თქმით, აუცილებლად გაასაჩივრებენ, რადგან თავად სარკოზი ბრალს უარყოფს.

სარკოზს და მის ყოფილ ადვოკატს, ტიერი ერზოგს ბრალად ედებათ ყოფილი მოსამართლის, ჟილბერ აზიბერის მოქრთამვის მცდელობა, 2007 წლის საპრეზიდენტო არჩევნების კამპანიის დაფინანსების საქმის გამოძიების შესახებ. ამ საკითხთან დაკავშირებით ის ადვოკატს სხვა სახელზე რეგისტრირებული ტელეფონით ესაუბრებოდა, სწორედ ეს სატელეფონო საუბარი აქვს  პროკურატურას. პროკურორები ასევე იძიებენ ლიბიის ყოფილი დე-ფაქტო ლიდერის, მუამარ კადაფის მიერ 2007 წელს სარკოზის საარჩევნო კამპანიის დაფინანსების საკითხსაც.

რაც შეეხება მცირე ინფორმაციას ნიკოლა სარკოზის შესახებ, იგი საფრანგეთის პრეზიდენტი იყო 2007 წლიდან, 5 წლის ვადით. სწორედ მის სახელს უკავშირდება მკვეთრად ანტიმიგრაციული პოლიტიკა. 2017 წელს კვლავ სცადა ბედი პოლიტიკაში, მაგრამ უშედეგოდ.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მსოფლიოპოლიტიკა

ბაიდენმა სირიაზე საჰაერო იერიში მიიტანა

643 views on

25 თებერვალს ჯო ბაიდენმა პირველი სამხედრო მოქმედება განახორციელა, საჰაერო იერიშის სამიზნე სირიაში ირანის მიერ მხარდაჭერილი ორი ისლამისტური დაჯგუფების კონტროლირებადი ტერიტორია აღმოჩნდა. პენტაგონის განცხადებით, აღნიშნული ქმედება იყო პასუხი 15 იანვარს ახლო აღმოსავლეთში ამერიკულ და კოალიციურ ძალებზე განხორციელებული სარაკეტო თავდასხმისა, რომლის შედეგად დაიჭრა რამდენიმე ამერიკელი ჯარისკაცი და დაიღუპა ერთი, ფილიპინების მოქალაქე.

სირიაში საჰაერო იერიშის განხორციელება თავდაცვის მინისტრის ლოიდ ოსტინის რჩევა იყო, მაგრამ საბოლოო გადაწყვეტილება ჯო ბაიდენს ეკუთვნოდა. პენტაგონის თქმით, ამ “პროპორციული სამხედრო პასუხით” ერთმნიშვნელოვანი შეტყობინება გაიგზავნა, რომ პრეზიდენტი ბაიდენი იმოქმედებს ამერიკული და კოალიციური ძალების ინტერესების დასაცავად.

პენტაგონის სპიკერის, ჯონ კირბის თქმით: “იერიშმა გაანადგურა სასაზღვრო-საკონტროლო პუნქტთან მყოფი რამდენიმე ობიექტი, რომელთაც ირანის მხარდაჭერის ქვეშ მყოფი ზოგიერთი სამხედრო დაჯგუფება იყენებდა, ქათა’იბ ჰეზბოლასა და ქათა’იბ საიდ ალ-შუჰადას ჩათვლით…ამავდროულად, ჩვენი ქმედება მიმართული იყო საერთო სიტუაციის დეესკალაციისკენ, როგორც აღმოსავლეთ სირიაში, ისე ერაყში.”

საჰაერო იერიშის შედეგად დაღუპული ადამიანების ზუსტი რაოდენობა ამ დროისათვის უცნობია, თუმცა დიდ ბრიტანეთში დაფუძნებული მონიტორინგის ჯგუფის ინფორმაციით, აშშ-ს თავდასხმის შედეგად შესაძლოა 22 ადამიანი იყოს დაღუპული.

წყარო: BBC

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მსოფლიოპოლიტიკა

რას მოჰყვა აქციები სომხეთში? – სომხეთის პრემიერ-მინისტრი ნიკოლ ფაშინიანი არმიას გადატრიალების მცდელობაში ადანაშაულებს

649 views on

სომხეთში, დედაქალაქის მთავარ მოედანზე აქციებს მართავენ, როგორც ხელისუფლების, ასევე ოპოზიციის წარმომადგენლები. ოპოზიციის მოთხოვნაა მთავრობისა და პრემიერ-მინისტრის ნიკოლ ფაშინიანის გადადგომა.

უნდა ითქვას, რომ ფაშინიანი საპროტესტო აქციებს აწყდება აზერბაიჯანთან დადებული შეთანხმების შემდეგ, რომელიც ეხებოდა სისხლიანი ყარაბაღის 2020 წლის სექტემბერ-ნოემბრის კონფლიქტს, სადაც შუამავლის როლს რუსეთი ასრულებდა. ახლა კი სომხეთის მოსახლეობის პროტესტი მოჰყვა ფაშინიანის მიერ გენერალური შტაბის პირველი მოადგილის, ტირან ხაჩარიანის გათავისუფლებას. 25 თებერვალს გამოქვეყნდა განცხადება შეიარაღებული ძალების გენერალური შტაბის  მიერ, რასაც ხელს ათობით სამხედრო მეთაური აწერს, ისინი მწვავედ აკრიტიკებენ პრემიერ-მინისტრის გადაწყვეტილებას და ამბობენ, რომ მთავრობას აღარ შეუძლია გონივრული გადაწყვეტილებების მიღება.

მოცემულ განცხადებას ფაშინიანმა სამხედრო გადატრიალების მცდელობა უწოდა და მომხრეებს აქციებისკენ მოუწოდა, ამის საპასუხოდ კი სომხეთის ქუჩებში ოპოზიციონერებიც გამოვიდნენ, რომელთაც სამხედროები მხარს უჭერენ, ისინი მოითხოვენ მთავრობისა და პრემიერ-მინისტრის გადადგომას, რათა თავიდან აიცილონ სამოქალაქო ომი.

მიუხედავად იმისა, რომ პრემიერ მინისტრმა მიიწვია ოპოზიცია მოლაპარაკებების დასაწყებად  და შესთავაზა პოლიტიკური ცვლილება არჩევნების გზით, ოპოზიციის აქციები მთავარ მოედანზე არ წყდება. ერთ-ერთმა მთავარმა ოპოზიციურმა ლიდერმა, ვაზგენ მანუკიანმა აქციის მონაწილეებს მოუწოდა პარლამენტის ბლოკირება და მიმდებარე ტერიტორიაზე კარვების განთავსება.

“ჯარი არ არის პოლიტიკური ინსტიტუტი და მცდელობები, ჩარიო ის პოლიტიკაში, მიუღებელია”,-უთხრა ფაშინიანმა მხარდამჭერებს.

სომხეთის პრეზიდენტი სერჟ სარქსიანი, რომელსაც ქვეყანაში უფრო ფორმალური როლი აქვს, ორივე მხარეს მოუწოდებს სიტუაციის დეესკალაციისკენ. რაც შეეხება საერთაშორისო გამოხმაურებას, რუსეთი და ამერიკის შეერთებული შტატები შეშფოთებას გამოხატავენ და მოუწოდებენ მხარეეებს სიმშვიდისკენ. თურქეთის საგარეო საქმეთა მინისტრის განცხადებით, თურქეთი გმობს სომხეთში სამხედრო გადატრიალების მცდელობას.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
პოლიტიკა

მიანმარში სიტუაცია უფრო და უფრო იძაბება

680 views on

მიანმარში სამხედრო გადატრიალების შემდეგ სიტუაცია უფრო და უფრო იძაბება. სამხედროები აფრთხილებენ მომიტინგეებს, რომ თუ ისინი ხელს შეუშლიან შეიარაღებული ძალების მოქმედებას 20 წლამდე თავისუფლების აღკვეთა ელით. ასევე ჯარიმები და გრძელვადიანი სასჯელი ელით იმ პირებს, რომლებიც შემჩნეულ იქნებიან გადატრიალების ლიდერების მიმართ სიძულვილის შემცველი განცხადებების გაჟღერებაში, ხოლო მათ, ვინც შეეცდება საზოგადოებაში არეულობის შეტანას სამიდან შვიდ წლამდე თავისუფლების აღკვეთა ემუქრებათ.

ასობით ათასი ადამიანი ისევ აგრძელებს საპროტესტო აქციებს. მიანმარის დედაქალაქ ნაიფიიდოში სტუდენტები გამოვიდნენ სამხედრო გადატრიალების წინააღმდეგ და ათობით მათგანი დააკავეს. სამხედრო ძალები ღამით, კომენდანტის საათის დროს, არბევენ სახლებს და ადამიანებს უკანონოდ აკავებენ.

შაბათს სამხედროებმა შეცვალეს კანონები, რომლებიც ეხებოდა ბრალდებულის 24 საათზე მეტხანს დაკავებას და ასევე კერძო საკუთრების ჩხრეკას.

საპროტესტო აქციების ტალღა არ ცხრება და ისინი ისევ მოითხოვენ პოლიტიკური ლიდერების პატიმრობიდან გათავისუფლებას, მათ შორის აუნ სან სუ ციის გათავისუფლებასაც და მიანმარის დემოკრატიის აღდგენას.

ევროკავშირის, ამერიკის შეერთებული შტატებისა და დიდი ბრიტანეთის ერთობლივ განცხადებაში ნათქვამია: ”ჩვენ უსაფრთხოების ძალებს მოვუწოდებთ თავი შეიკავონ დემონსტრანტების მიმართ ძალადობისგან, რომლებიც აპროტესტებენ ლეგიტიმური მთავრობის დამხობას.”

მასალა მოამზადა: ნინი ხეცურიანმა   

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
პოლიტიკასაქართველო

საქართველოს მოქალაქეები გერმანიაში დროებით ლეგალურად დასაქმებას შეძლებენ

1.47K views on

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე გერმანიის ფედერაციული რესპუბლიკის საგანგებო და სრულუფლებიან ელჩს, ჰუბერტ ქნირშს შეხვდა. მხარეებმა გერმანიაში დროებით ლეგალურად დასაქმებაზე ისაუბრეს.

გერმანიის შრომის ბაზარზე, საქართველოს მოქალაქეებს დროებითი ლეგალური დასაქმება 3 თვით შეეძლებათ. სეზონური სამუშაოები გერმანიაში 1-ლი აპრილიდან დაიწყება. რეგისტრაციის გავლა კი 15 თებერვლიდანაა შესაძლებელი და მთელი წლის განმავლობაში გაგრძელდება. დასაქმება სოფლის მეურნეობის სექტორში სეზონურ სამუშაოებზეა შესაძლებელი. სამუშაოს მაძიებელი პირველად რეგისტრაციას სპეციალურ სარეგისტრაციო პორტალზე http://workabroad.moh.gov.ge/ გადის.

სეზონურ სამუშაოებზე დასაქმების მსურველი უნდა აკმაყოფილებდეს შემდეგ მოთხოვნებს:

  • მოქალაქეობა: საქართველო;
  • ასაკი: 18 წლიდან 60 წლამდე;
  • გერმანიაში გამგზავრებამდე 3 თვით ადრე პერიოდში არ უმოგზაურია შენგენის სივრცეში;
  • ფიზიკური ჯანმრთელობა;
  • მოსავლის აღების სამუშაო გამოცდილება და მოტივაცია;
  • ნებისმიერი ისეთი მიზეზის (დარღვევის) არარსებობა, რაც ქვეყანაში ხელახლა შესვლის შეზღუდვას იწვევს;
  • გერმანული ან ინგლისური ენის ელემენტარულ საკომუნიკაციო დონეზე ცოდნა (ჯგუფურად დასაქმების შემთხვევაში, აუცილებელია, მინიმუმ ერთ წევრს უნდა შეეძლოს გერმანულ ან ინგლისურ ენაზე კომუნიკაცია). ენის ცოდნის მოთხოვნას განსაზღვრავს დამსაქმებელი.

სეზონურ სამუშაოებზე დასაქმება სხვადასხვა სეზონური მოსავლის აღებას გულისხმობს. დასაქმების ხანგრძლივობაა 1-დან 3 თვემდე. სამუშაო დრო: 5-6 დღე კვირაში; 8-10 საათი დღეში. მინიმალური ხელფასი – 9,50 ევრო საათში (დარიცხული), რომელსაც გამოაკლდება გადასახადები, კვებისა და საცხოვრებლის ხარჯები.

რეგისტრაციის შემდეგ, სსიპ დასაქმების ხელშეწყობის სახელმწიფო სააგენტოს თანამშრომლები, კონკრეტული ვაკანსიის შესახებ ინფორმაციის მიღების შემთხვევაში, უკავშირდებიან დასაქმების მსურველებს. სერვისცენტრში მისვლისას მსურველს თან უნდა ჰქონდეს პირადობის ელექტრონული მოწმობა და/ან საქართველოს მოქალაქის ბიომეტრიული პასპორტი.

კონკრეტულ ვაკანსიაზე დასაქმების მსურველთა შესახებ მონაცემები მიეწოდება გერმანელ დამსაქმებელს. დასაქმებაზე საბოლოო გადაწყვეტილებას იღებს გერმანელი დამსაქმებელი. გადაწყვეტილება ეცნობება თითოეულ მსურველს. გერმანელი დამსაქმებლის მხრიდან დადებითი გადაწყვეტილების შემთხვევაში, დამსაქმებელი მუშაობის დაწყების მსურველს უგზავნის შრომით ხელშეკრულებას, რომელიც მხარეებს შორის გაფორმდება გერმანიაში გამგზავრებამდე.

შეგახსენებთ, რომ საქართველოს, სსიპ დასაქმების ხელშეწყობის სააგენტოსა და გერმანიის ფედერალური დასაქმების სააგენტოს – (BA) შორის 2020 წლის 17 იანვარს, დაიდო შეთანხმება „გერმანიის ფედერაციულ რესპუბლიკაში სეზონურ სამუშაოზე ქართული სამუშაო ძალის დასაქმების შესახებ“, რითაც შეიქმნა სამართლებრივი საფუძველი გერმანიაში საქართველოს მოქალაქეების ლეგალური დასაქმებისთვის. შეთანხმების საფუძველზე შესაძლებელია გერმანიის შრომის ბაზარზე, საქართველოს მოქალაქეების დროებითი ლეგალური დასაქმება შრომითი და სოციალური უფლებების დაცვით. სამუშაოს მაძიებლისთვის დასაქმებასთან დაკავშირებული მომსახურება სრულიად უფასოა.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
კვლევებიმედიცინაპოლიტიკა

ისრაელში შექმნილი COVID-19-ის სამკურნალო მედიკამენტი 95%-ით ეფექტურია

936 views on

თელ ავივში იჩილოვის საავადმყოფო ირწმუნება, რომ მათ შექმნეს კოვიდსაწინააღმდეგო წამალი, რომელიც ვირუსს კურნავს. პრეპარატის წინასწარი კვლევის შედეგებმა 96% ეფექტურობა აჩვენა.

პრეპარატი, სახელწოდებით EXO-CD24 ბოლო რამდენიმე წლის განმავლობაში კიბოს სამკურნალოდ მუშავდებოდა. პროფესორმა ნადირ არბერმა განაცხადა, რომ საავადმყოფომ შეისწავლა მედიკამენტის ეფექტურობა Covid-19-ით ინფიცირებულ მძიმე და საშუალო დონეზე მყოფ პაციენტებზე. 30 პაციენტიდან, რომლებმაც აღნიშნული პრეპარატი მიიღეს, 29-ის მდგომარეობა 2 დღეში გაუმჯობესდა, ერთ პაციენტს კი უფრო დიდი ხანი დასჭირდა გამოსაჯანმრთელებლად. 

კვლევის დადებითი შედეგების გათვალისწინებით, საავადმყოფომ ისრაელის ჯანდაცვის სამინისტროს მიმართა და სასამართლო პროცესის გახანგრძლივება სთხოვა.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
პოლიტიკასამხედრო

რა მოჰყვა სამხედრო გადატრიალებას მიანმარში?

911 views on

პირველ თებერვალს მიანმარში სამხედრო გადატრიალება მოხდა და ძალაუფლება მთავარსარდალმა, მინ აუნ ჰლაინმა ჩაიგდო ხელში.

სამხედრო მმართველობა მიანმარისთვის ნამდვილად არ არის უცხო, რადგან 1962 წლიდან მიანმარს სამხედროები მართავდნენ 2011 წლამდე, რაც საყოველთაო არჩევნებით დასრულდა და სახელმწიფომ დემოკრატიული რეფორმების გატარება დაიწყო. მიუხედავად ამისა, სამხედრო ძალები ისევ დიდ ძალაუფლებას ფლობდნენ და 10 წლის შემდეგ, 2021 წლის თებერვლის დასაწყისში, ისევ სამხედრო გადატრიალებით ძალაუფლება სამხედროებს გადაეცათ. გადატრიალებას წინ უძღოდა დაპირისპირება სამხედრო ძალებსა და ხელისუფლებას შორის, რადგან სამხედროები ნოემბრის არჩევნებს გაყალბებულად თვლიდნენ.

სამხედრო გადატრიალების შედეგად დააკავეს ათობით პოლიტიკური ლიდერი, მათ შორის ერთ-ერთია ბოლო არჩევნებში გამარჯვებული პარტიის ლიდერი, აუნ სან სუ ჩი. შედეგად მიანმარში უდიდესმა საპროტესტო ტალღამ იფეთქა. ათობით ათასი ადამიანი გაიფიცა, ისინი პოლიტიკური ლიდერების გათავისუფლებას და დემოკრატიის აღდგენას ითხოვენ.

სამხედროებმა გააკონტროლეს სახელმწიფო მედია. მას შემდეგ, რაც მოსახლეობამ სოციალურ ქსელებში საპროტესტო აქციების შესახებ დაწერა დაიწყო, ხელისუფლებამ ინტერნეტი გათიშა დროებით და სოციალური ქსელები დაბლოკა ,,სტაბილურობის შენარჩუნების” მიზნით.

რაც შეეხება ძალადობრივ ქმედებებს, დაფიქსირებულია რამდენიმე დაზიანების შემთხვევა, გარდა ამისა, სამხედროებმა წყლის ჭავლი გამოიყენეს საპროტესტო აქციის მონაწილეების დასაშლელად.

წყარო: BBC

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოაკულტურაპოლიტიკა

ანჯელინა ჯოლი ჩერჩილის ერთადერთი ნახატის გაყიდვას აპირებს

1.01K views on

რამდენიმე დღის წინ ანჯელინა ჯოლიმ დააანონსა, რომ ბრიტანეთის ყოფილი პრემიერ მინისტრის, უინსტონ ჩერჩილის ერთადერთი ნახატის გაყიდვას აპირებს, სახელად “Tower of the Koutoubia Mosque”, რომლის ღირებულება დაახლოებით 2.5 მილიონი ფუნტი სტერლინგი იქნება.

ჩერჩილის ერთადერთ ნამუშევარს საინტერესო ისტორია აქვს. ის მეორე მსოფლიო ომის დროს არის შექმნილი, 1943 წელს, როდესაც ჩერჩილი და მაშინდელი ამერიკის შეერთებული შტატების პრეზიდენტი ფრანკლინ დელანო რუზ­ველ­ტი მაროკოში, კასაბლანკას კონფერენციაზე იყვნენ, სადაც უნდა განეხილათ ნაცისტური გერმანიის დამარცხების სტრატეგიის შემდეგი ნაბიჯები. “Tower of the Koutoubia Mosque” ჩერჩილმა აშშ-ს პრეზიდენტს ფრანკლინ რუზველტს გადასცა, რაშიც უდაოდ შეგვიძლია დავინახოთ ხაზგასმა ორ მსოფლიო ლიდერს შორის მეგობრული დამოკიდებულების, რაც ნამუშევარს სხვა მნიშვნელობასაც ანიჭებს.

ანტიკვარული ნივთების გამყიდველი ამბობს, რომ ნახატი პრეზიდენტ რუზველტის ვაჟს გადაეცა, რომელმაც კინემატოგრაფს მიყიდა 60-იან წლებში, სადაც 50 წლის განმავლობაში ინახებოდა, შემდეგ კი ბილ რაუს კოლექციას შეუეთდა. საბოლოოდ, 2011 წელს მსახიობმა ბრედ პიტმა ბრიტანელი პოლიტიკოსის ერთადერთი ნამუშევარი  შეიძინა კოლექციონერი ბილ რაუსგან, საიდანაც ჯოლის პირად  კოლექციაში აღმოჩნდა.

“Tower of the Koutoubia Mosque”-ის გაყიდვა პირველ მარტს არის დაანონსებული.

წყარო: CNN

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 2 3 4 5 … 16
Page 3 of 16