პოლიტიკა

აშშ–ის პრეზიდენტმა დონალდ ტრამპმა განაცხადა, რომ იგი შეიარაღებული ძალების მეექვსე განშტოების შექმნას ითხოვს, რომელიც კოსმოსზე იქნება ორიენტირებული.

,,საკმარისი არ არის ამერიკული ყოფნა კოსმოსში. ჩვენ და გვქონდეს ამერიკული დომინირება კოსმოსში. ჩვენ გვეყოლება საჰაერო ძალები და კოსმოსური ძალები,“ – განაცხადა ტრამპმა.

კრიტიკოსები აცხადებენ, რომ ეს გადაწყვეტილება ქვეყნის საჰაერო ძალებს დააზარალებს.

შეერთებული შტატები 1967 წლიდან Outer Space Treaty-ის წევრია, რომელიც კოსმოსში მასობრივი განადგურების იარაღის განთავსებას კრძალავს და მთვარისა და  ცის სხვა ობიექტების მხოლოდ მშვიდობიანი მიზნებისთვის გამოყენების საშუალებას იძლევა.

კოსმოსური ძალების შექმნის იდეა ჯერ კიდევ წინა ადმინისტრაციების დროს წარმოიშვა. იდეის მხარდამჭერები აცხადებენ, რომ ეს პენტაგონის ეფექტურობას გაზრდის.

თუმცა იდეას მაღალი თანამდებობის სამხედრო პირებს შორის მოწინააღმდეგეებიც ჰყავს. მაგალითად, ქვეყნის საჰაერო ძალების გენერალურმა შტაბის უფროსმა – გენერალმა დევიდ გოლდფეინმა 2017 წელს კონგრესის სხდომაზე განაცხადა, რომ ახალი განშტოების ჩამოყალიბება „არასწორი მიმართულებით წაგვიყვანს“.

ქვეყნის კოსმოსთან დაკავშირებულ საქმიანობას ზედამხედველობას საჰაერო ძალები უწევს. ახალი განშტოების ჩამოყალიბება აშშ-ის კონგრესის საბიუჯეტო თანხმობას მოითხოვს, სადაც აღნიშნულ საკითხთან დაკავშირებით არაერთგვაროვანი დამოკიდებულება აქვთ.

„საბედნიეროდ, ტრამპი ამის განხორციელებას კონგრესის გარეშე ვერ მოახერხებს, ვინაიდან ახლა საჰაერო ძალების გაყოფის დრო არაა,“ – წერს „ტვიტერზე“ დემოკრატი სენატორი ბილ ნელსონი.

 პენტაგონის პრე სპიკერმა დანა უაითმა კი განაცხადა, რომ დეპარტამენტის პოლიტიკის საბჭო ტრამპის განკარგულების განხორციელებას დაიწყებს.

წყარო: https://www.reuters.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

რუსეთის ელჩმა ავსტრალიაში, გრიგორი ლოგვინოვმა, ოფიციალურად განაცხადა, რომ მსოფლიო „ცივი ომის მსგავს სიტუაციაში“ აღმოჩნდება, თუკი დასავლეთის ქვეყნები განაგრძნობენ რუსი დიპლომატების გაძევებას ქვეყნიდან დიდ ბრიტანეთში მომხდარი ე.წ ნერვული აგენტის საკითხის გამო. ელჩი ლოგვინოვის განცხადებით: „ დასავლეთმა უნდა გაიგოს, რომ ანტი რუსულ კამპანიას მომავალი არ აქვს. თუკი ეს სიტუაცია გაგრძელდება, მსოფლიო ცივი ომის მსგავს სიტუაციაში აღმოჩნდება“.
რუსეთის ხელისუფლება კვლავ უარყოფს დიდ ბრიტანეთში მოკლული ჯაშუშის, სერგეი სკრიპალის და მისი ქალიშვილის საქმესთან რაიმე სახის კავშირს. დიდი ბრიტანეთისადმი სოლიდარობის გამოსახატად და რუსეთის საპასუხოდ, აშშ-მა და ევროპის უმეტესმა ქვეყანამ რუსი დიპლომატების გაძევება დაიწყეს. ავსტრალიამ განაცხადა, რომ ის 2 ელჩს გააძევებს, რასაც მოჰყვა ლოგვინოვის პასუხი ცივი ომის დაწყების რისკების შესახებ.
აღნიშნულს გამოეხმაურა რუსეთის ელჩი ინდონეზიაშიც. ლუდმილა ვორობიევას განცხადებით, რუსი დიპლომატების გაძევება „სრული აბსურდია“ და რომ რუსეთ-დასავლეთის დაპირისპირებამ შესაძლოა გამოიწვიოს არა ცივი, არამედ „ყინულის ომი“, რომელიც მარტივად შეიძლება გადაიზარდოს „ცხელ ომში“.
დიდი ბრიტანეთის პრემიერ მინისტრის, ტერეზა მეის განცხადებით, ბრიტანეთის მოკავშირეები რუს დიპლომატებს აძევებენ არა მხოლოდ იმიტომ, რომ სოლიდარობის გამოცხადება სურთ, არამედ იმიტომაც, რომ ცნობენ რუსეთისგან მომავალ საფრთხეს თავიანთი ქვეყნების უსაფრთხოებისთვის.
ევროკავშირის წევრი ქვეყნებიდან მხოლოდ ავსტრიამ, პორტუგალიამ, მალტამ და საბერძნეთმა შეიკავა თავი მოქმედებისგან.

წყარო: CNN, Reuters

მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”