ასტრონომია - კოსმოსი

მეცნიერმა ისაუბრა „ქალაქის დამღუპველი“ ასტეროიდის შესახებ, რომელსაც აქვს დედამიწასთან შეჯახების შანსი.

მისი თქმით, კოსმოსში ასტეროიდი ტრიალებს, რომელიც შესაძლოა, ჩვენს პლანეტას უახლოეს რვა წელიწადში დაეჯახოს. ასტეროიდი სახელად 2024 YR4, ამჟამად ჩვენგან შორს მიემგზავრება, თუმცა, ის დაბრუნდება.

როგორია ასტეროიდის 2024 YR4 დედამიწაზე შეჯახების შანსი?

ამჟამად პროგნოზირებულია, რომ 2024 YR4 დაიწყებს დედამიწისკენ სვლას 2028 წლის ბოლოს, მიმდინარე შეფასებით 2032 წელს.

NASA-ს ოფიციალური პირები აკვირდებიან YR4-ს, როგორც ინტერესის ობიექტს.  ამ თვეში გაკეთებული პროგნოზების მიხედვით, ასტეროიდს ამჟამად აქვს 2.3% შანსი, რომ ჩვენთან ჩამოვარდეს.

რა მოხდება, თუ ასტეროიდი 2024 YR4 დედამიწას დაეჯახება?

ასტრონომები თვლიან, რომ ასტეროიდი დაახლოებით 40-დან 100 მ-მდეა სიგანისაა. როგორც კოსმოსურმა კონსულტანტმა, ბილ ჰარვუდიმ განაცხადა, ეს იქნება „ნამდვილად კატასტროფა“, თუ ის მჭიდროდ დასახლებულ რაიონში დაშვება.

ანალიტიკოსთა და მეცნიერთა დარბაზი ,,დოქტრინა“

კოსმოსში ჩარჩენილი ასტრონავტები ილონ მასკის განცხადებას ეხმაურებიან.

SpaceX-ის აღმასრულებელმა დირექტორმა ილონ მასკმა, რომლის კოსმოსურ კომპანიას დაევალა უილიამსისა და ვილმორის სახლში ჩამოყვანა ამ თვის ბოლოს, არაერთხელ თქვა, რომ ბაიდენის ადმინისტრაციამ ისინი „მიატოვა” „პოლიტიკური მიზეზების გამო”.

მასკმა ასევე თქვა, რომ ყოფილმა პრეზიდენტმა, ჯო ბაიდენმა, უარყო მისი შეთავაზება ასტრონავტების სახლში დაბრუნების შესახებ, რადგან ეს დონალდ ტრამპს და მის მხარდამჭერებს „კარგად წარმოაჩენდა”.

პრესკონფერენციაზე უილიამსსა და ვილმორს ჰკითხეს, ფაქტობრივად უარყო თუ არა ბაიდენის ადმინისტრაციამ მასკის შეთავაზება, რომ ისინი სახლში ჩამოეყვანა, რაზეც ვილმორმა უპასუხა, რომ მასკის განცხადება იყო „აბსოლუტურად სწორი”.

„მხოლოდ შემიძლია ვთქვა, რომ ის, რასაც ბატონი მასკი ამბობს, აბსოლუტურად სწორია“, – თქვა ვილმორმა და აღნიშნა, რომ მას და უილიამსს არ ჰქონდათ ინფორმაცია, რა მოხდა დახურულ კარს მიღმა.

„ამიტომაც მჯერა მისი. მე არ ვიცი ყველა ეს დეტალი და არ მგონია, რომ რომელიმე ჩვენგანს ნამდვილად შეუძლია მოგცეთ პასუხი, რომლის იმედიც შეიძლება გქონდეთ“, – დასძინა მან.

შემდეგ ასტრონავტმა შეაქო ტრამპი და მასკი და თქვა – „ჩვენ მათ დიდ პატივს ვცემთ“.

ინტერვიუ მას შემდეგ გამოქვეყნდა, რაც ტრამპმა მასკს უბრძანა ასტრონავტების რაც შეიძლება მალე ჩამოყვანა და დაბრუნების თარიღი 19 ან 20 მარტამდე დადგინდა.

ცნობისთვის, უილიამსი და ვილმორი ISS-ში ჩავიდნენ 6 ივნისს Boeing-ის კოსმოსური ხომალდის Starliner-ზე, სადაც ისინი რვა დღის განმავლობაში დარჩებოდნენ.

NASA-ს მაშინდელმა ადმინისტრატორმა თქვა: „მე შემიძლია ცალსახად გითხრათ, პირადი პოზიციიდან, რომ პოლიტიკას არანაირი როლი არ მიუღია ამ გადაწყვეტილებაში. მას აბსოლუტურად არაფერი აქვს საერთო ამ საქმესთან“.

ანალიტიკოსთა და მეცნიერთა დარბაზი ,,დოქტრინა“

ჰარვარდის მეცნიერი, ასტროფიზიკოსი და აეროკოსმოსური სფეროს ინჟინერი ვილი სუნი აცხადებს, რომ მათემატიკური ფორმულა სინამდვილეში ღმერთის არსებობას ამტკიცებს, – წერს DailyMail-ი.

მისი თქმით, ფიზიკური კანონები და სამყაროს პირობები იდეალურად უხდება სიცოცხლის არსებობას და ნაკლებად სავარაუდოა, რომ ეს ყველაფერი შემთხვევით მოხდა. მან ასევე აღნიშნა, რომ ანტიმატერია და მატერია ერთდროულად დიდი აფეთქების შემდეგ წარმოიშვა, თუმცა სამყაროში ნაკლები ანტიმატერიაა.

ვილი სუნმა ასევე აღნიშნა, რომ არსებული ასიმეტრია მატერიასა და ანტიმატერიას შორის სამყაროში მიუთითებს იმაზე, რომ არსებობდა ჩანაფიქრი. მან აღნიშნა, რომ ფიზიკასა და მათემატიკაში არსებობს ისეთი მომენტები, რომლებსაც არანაირი კავშირი არ აქვთ რეალურ სამყაროსთან, მაგრამ ისინი მაინც სწორია ისევე, როგორც კემბრიჯის პროფესორის პოლ დირაკის თეორია, რომელმაც ფიზიკის ცნობილი კანონები დაარღვია. დირაკს აინტერესებდა გაეგო, რატომ შეეძლოთ ნაწილაკებს სინათლის სიჩქარეზე უფრო სწრაფად მოძრაობა.

ატმოსფეროს ფენებში განლაგებულ კოსმოსურ სხივებზე დაკვირვების შემდეგ მეცნიერებმა ანტიმატერიის პირველი ნაწილაკები აღმოაჩინეს, რითაც დირაკის ჰიპოთეზა დამტკიცდა. მისმა აღმოჩენამ ფიზიკაში ახალი კარი გააღო, რომელიც ველის კვანტური თეორიით არის ცნობილი. 1963 წელს დირაკმა სამეცნიერო ჟურნალებში ღმერთი აღწერა, როგორც უმაღლესი დონის მათემატიკოსი.

„შესაძლოა, სიტუაციის აღწერა შეიძლება ასე, რომ ღმერთი არის უმაღლესი დონის მათემატიკოსი და მან სამყაროს აგებისთვის მოწინავე მათემატიკა გამოიყენა“, – წერდა დირაკი.

მეცნიერებამ დაამტკიცა, რომ გრავიტაცია შედარებით სუსტი რომ ყოფილიყო, სამყაროში ვარსკვლავები და პლანეტები ვერ შეიქმნებოდა, ან პირიქით, გრავიტაცია შედარებით ძლიერი რომ ყოფილიყო, სამყარო შავ ხვრელში შეიკუმშებოდა. ასევე, პროტონისა და ელექტრონის თანაფარდობა სხვაგვარი რომ ყოფილიყო და არა ისეთი, როგორიც არის, ვერც ფუნდამენტური ქიმია, ვერც დნმ იარსებებდნენ. ეს ყველაფერი კი, მეცნიერების აზრით, მიუთითებს იმაზე, რომ სამყაროს შექმნის ჩანაფიქრი არსებობდა.

ანალიტიკოსთა და მეცნიერთა დარბაზი ,,დოქტრინა“

მარსმავალმა Perseverance-მა მარსზე თავისი მისიის განმავლობაში პირველი უჩვეულო ქანის ნიმუში აღმოაჩინა. ეს არის 2,9 სანტიმეტრის ქვა, რომელსაც „ვერცხლის მთა“ დაარქვეს. ის „ეზეროს” კრატერიდან იყო ამოღებული.

NASA-ში აღნიშნავენ, რომ მისი ტექსტურიდან გამომდინარე, მსგავსი ნიმუში აქამდე აღმოჩენილი არ ყოფილა.

„ჩემი 26-ე ნიმუში, ცნობილი, როგორც „ვერცხლის მთა“. მას აქვს ტექსტურა, რომელიც ჩვენ ადრე არ გვინახავს“, – ვკითხულობთ Perseverance-ის ოფიციალურ გვერდზე X-ში.

მეცნიერები მიიჩნევენ, რომ ეს არის მზის სისტემის ერთ-ერთი უძველესი ქანი. ასეთი ქვების შესწავლა დაეხმარება მეცნიერებს გაიგონ, თუ როგორი იყო მარსი შორეულ წარსულში. ასეთი მასალა ასევე მისცემს მეცნიერებს საშუალებას, მეტი რამ შეიტყონ დედამიწის ადრეული ისტორიის შესახებ.

NASA-ში განმარტავენ, რომ ეს არის Perseverance-ის მიერ ნაპოვნი პირველი ნიმუში, რომელიც ასეთი ძველია – დაახლოებით ოთხი მილიარდი წლის. ეს ის პერიოდია, როდესაც ასტეროიდებისა და კომეტების ხშირი შეჯახება მარსის ზედაპირის ფორმირებას ახდენდა.

Perseverance-ი მარსზე 2021 წლიდან მუშაობს და აგრძელებს ნიმუშების შეგროვებას. ბოლო მონაცემებით, ნიმუშების წითელი პლანეტიდან დედამიწაზე ჩამოტანა 2040 წლისთვის იგეგმება, თუმცა NASA ალტერნატიულ ვარიანტებზეც მუშაობს.

ანალიტიკოსთა და მეცნიერთა დარბაზი ,,დოქტრინა“

კოსმოსურმა აპარატმა Blue Ghost-მა ერთ კადრში მთვარე და მზე დააფიქსირა.

კომპანია Firefly Aerospace-ის კოსმოსურმა აპარატმა, რომელმაც თავისი მისია იანვარში დაიწყო, უნიკალური კადრი დაიჭირა, რომელშიც მთვარე და მზე ერთადაა დაფიქსირებული.

ფოტოზე ჩანს მზე, მთვარე და კოსმოსური აპარატის ელემენტები. ასევე, ფოტოში მოჩანს ანტენები დედამიწასთან კავშირის დამყარებისთვის და LEXI-ის ინსტრუმენტები, რომლებსაც კოსმოსური ამინდის დადგენისთვის იყენებენ.

კოსმოსური აპარატის მთვარეზე დაშვება მიმდინარე წლის 2 მარტს არის დაგეგმილი.

ანალიტიკოსთა და მეცნიერთა დარბაზი ,,დოქტრინა“

ასტრონომებმა კოსმოსური აბლაბუდის საუკეთესო გამოსახულება მიიღეს, რომლის სიგრძეც სამ მილიონ სინათლის წელიწადს შეადგენს, – წერს Phys-ი.

კოსმოსური აბლაბუდა შედგება შეჯგუფებული გალაქტიკებისა და გაზების ურთიერთდაკავშირებული ფილამენტებისგან; ისინი მთელ სამყაროშია გადაჭიმული და ერთმანეთისგან გიგანტური ცარიელი სივრცეები ყოფს.

სპეციალისტებისთვის, რომლებიც კოსმოსური აბლაბუდის შესწავლით არიან დაკავებულები, ერთ-ერთი მთავარი პრობლემა იმაში მდგომარეობს, რომ გალაქტიკათშორისი აირის აღმოჩენა შესაძლებელია იმით, თუ როგორ შთანთქავს ის შორეული ობიექტების სინათლეს, მაგრამ ასეთი კვლევების შედეგები ვერ ეხმარება სპეციალისტებს აირის განაწილების დადგენაში კოსმოსურ აბლაბუდაში.

ახალი კვლევის ავტორებმა გამოიყენეს უახლოესი სპექტოგრაფი MUSE, რომელიც ტელესკოპ VLT-ზეა დამონტაჟებული. მისი წყალობით მათ მიიღეს კოსმოსური აბლაბუდის აქამდე არსებული საუკეთესო გამოსახულება.

მეცნიერების თქმით, კოსმოსური აბლაბუდის უახლეს გამოსახულებაზე ორი გალაქტიკაა აღბეჭდილი, რომლებიც ფორმირების სტადიაზე იმყოფებიან. მკვლევრებმა კოსმოსური აბლაბუდის ძაფების შესწავლის ახალი მეთოდის დემონსტრირება მოახდინეს და აღნიშნეს, რომ ის მათ დაეხმარება მოიპოვონ მეტი ინფორმაცია გალაქტიკების წარმოქმნისა და სამყაროს ევოლუციის შესახებ.

ანალიტიკოსთა და მეცნიერთა დარბაზი ,,დოქტრინა“

ფენიქსის კლასტერში, რომელიც დედამიწიდან 5,8 მილიარდი სინათლის წლის დაშორებით მდებარეობს, მასაჩუსეტსის ტექნოლოგიური ინსტიტუტის ასტრონომებმა (MIT) უცნაური მოვლენა აღმოაჩინეს.

მეცნიერები თვლიდნენ, რომ მისმა ცენტრალურმა გალაქტიკამ ვარსკვლავების წარმოქმნა შეწყვიტა, თუმცა დაკვირვებამ ვარსკვლავების წარმოქმნის მაღალი სიჩქარე აჩვენა – ათასამდე წელიწადში, რაც ასჯერ უფრო მეტია, ვიდრე ირმის ნახტომში. კვლევის შედეგები ჟურნალ Nature-შია გამოქვეყნებული.

ზოდად, ცხელი აირი, რომელიც გალაქტიკებს შორისაა ახალი ვარსკვლავების წარმოქმნას ხელს უშლის იმიტომ, რომ მას არ შეუძლია გაგრილდეს და მკვრივ ღრუბლებში შეიკუმშოს. შავი ხვრელები კიდევ უფრო ხელს უწყობენ აირის გახურებას თავისი მკვეთრი ენერგიით.

ახალმა კვლევამ ტელესკოპი JWST-ის მეშვეობით მეცნიერებს ბევრ კითხვაზე გასცა პასუხი. კერძოდ, მეცნიერებმა გაარკვიეს, რომ შავ ხვრელს კლასტერის შუა აირის არა მხოლოდ გახურება, არამედ გაგრილებაც შეუძლია. ეს თავის მხრივ ვარსკვლავების წარმოშობას უწყობს ხელს. ეს მიგნება არსებულ თეორიებს ეწინააღმდეგება და გალაქტიკების ევოლუციის მოდელის გადახედვას მოითხოვს.

ანალიტიკოსთა და მეცნიერთა დარბაზი ,,დოქტრინა“