ასტრონომია - კოსმოსი

NASA-ს ასტრონავტები SpaceX-ის კოსმოსური ხომალდით, Crew Dragon-ით, 2-თვიანი მისიის შემდეგ საერთაშორისო კოსმოსურ სადგურიდან დედამიწაზე დაბრუნდნენ.

რობერტ ბენკენმა და დაგლას ჰერლიმ ხომალდი ფლორიდის სანაპიროსთან, ატლანტის ოკეანეში წარმატებით დასვეს.

ეს პირველი შემთხვევაა ბოლო 45 წლის განმავლობაში, როცა ამერიკელი ასტრონავტები ოკეანეში საკუთარი კოსმოსური ხომალდით დაეშვნენ. სპეციალისტების თქმით, ეს ამერიკელი კოსმოსური პროგრამის ახალი ეპოქის დასაწყისია.

30 მაისს კომპანია SpaceX-მა ასტრონავტები კოსმოსში საკუთარი ხომალდოთ, Crew Dragon-ით, გააგზავნა. ეს პირველი შემთხვევა იყო ისტორიაში, როცა ფრენა კერძო კომპანიამ განახორციელა.

ფაქტს აშშ-ის პრეზიდენტი დონალდ ტრამპიც გამოეხმაურა, რომელიც 2 თვის წინ ხომალდის გაშვებას პროცესს პირადად დაესწრო.

„დიდი მადლობა ყველას. დიდებულია, რომ NASA-ს ასტრონავტები 2-თვიანი წარმატებული მისიის შემდეგ დედამიწაზე დაბრუნდნენ,“- წერს დონალდ ტრამპი სოციალურ ქსელ „ტვიტერში.“

წყარო : BBC

მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

არაბთა გაერთიანებულმა საამიროებმა მარსზე პირველი, 2 -წლიანი მისია დაიწყო.

კოსმოსურმა ხომალდმა Hope-მა, რომელიც იაპონიის ტანეგაშიმას კოსმუსური ცენტრიდან რაკეტა H2-A-ის საშუალებით გაუშვეს, დანიშნულების ადგილს 2021 წლის თებერვალში უნდა მიაღწიოს.

აღსანიშნავია, რომ ორწლიანი მისიის ფარგლებში „წითელი პლანეტის“ ატმოსფეროსა და კლიმატის შესახებ მონაცემების შეგროვება განხორციელდება.

მარსის მისიის ღირებულება 200 მილიონი აშშ დოლარია.

მისიის განხორციელების შესახებ არაბთა გაერთიანებული საამიროების ხელისუფლებამ პირველად 2014 წელს განაცხადა, 2017 წელს კი ქვეყანამ „ეროვნული კოსმოსური პროგრამა“ დაიწყო.

ამჟამად არსებობს რვა აქტიური მისია, რომელიც მარსს იკვლევს. ჩინეთი და შეერთებული შტატები „წითელ პლანეტაზე“ წელს დამატებითი მისიების გაგზავნასაც გეგმავენ.

წყარო : Reuters

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი – ,,დოქტრინა”

რამდენიმე ტაბლოიდმა გაავრცელა მარსზე გადაღებული ფოტო, რომელზეც ზოგიერთი გამოცემის ინტერპრეტაციით, სავარაუდოდ, ადამიანის კიდური მოჩანს.

აღნიშნულ ფაქტს ნასა-ს პრესსპიკერი გამოეხმაურა და აღნიშნა, რომ ფოტო არც ახალი გადაღებულია და მასზე არც ადამიანის ძვალი მოჩანს.

კერძოდ, მისი განმარტებით, ფოტო მარს როვერმა Curiosity-მა MastCam-ის საშუალებით 2014 წლის 14 აგვისტოს გადაიღო და მასზე მარსის კლდე მოჩანს, რომელმაც ასეთი ფორმა ეროზიული პროცესის, ქარის ან წყლის შედეგად მიიღო.

„თუკი მარსზე ოდესმე სიცოცხლე არსებობდა, ეს იქნებოდა სიცოცხლის პატარა მარტივი ფორმა, რომელსაც მიკრობები ეწოდება. დიდი ალბათობით, მარსის ატმოსფეროში არასდროს იქნებოდა იმ რაოდენობის ჟანგბადი, რომელიც უფრო რთული ორგანიზმებისთვისაა საკმარისი,“- ნათქვამია ნასა-ს პრესპიკერის მიერ გავრცელებულ განცხადებაში.

ექსპერტები განმარტავენ, რომ მარსზე გადაღებულ ამ ფოტოზე ადამიანის ჩონჩხის დანახვა პარეიდოლიის შედეგია. პარეიდოლია ფსიქოლოგიური ფენომენია, როდესაც ადამიანი სხვადასხვა საგანში იმ ნიმუშს ხედავს, რომელიც სინამდვილეში, არ არსებობს. პარეიდოლიაა მაგალითად, ღრუბლებში, ყავაში, ან თუნდაც კლდეზე ადამიანის სახის დანახვა.

წყარო : sciencealert.com

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

ბრიტანელმა მეცნიერებმა პლანეტა სატურნის ექვსკუთხედის საიდუმლო ამოხსნეს. კვლევის შედეგები Proceedings of the National Academy of Sciences-ზე გამოქვეყნდა.

მეცნიერებმა დაასკვნეს, რომ უცნაური მოვლენა აიხსნება ანტიციკლონის მოძრაობით და პლანეტის გარსში სითბოს გადაცემის პროცესებით.

კვლევაში ნათქვამია, რომ კონვექცია ჩნდება პლანეტის შიდა შრეებში, ხოლო ტურბულენტურობის შედეგად გიგანტური ქარბუქის სახით წარმოიქმნება ატმოსფერული მოვლენის რთული გეომეტრიული ფორმები.

ეს დასკვნა მეცნიერებმა, მას შემდეგ გააკეთეს, როცა ლაბორატორიაში სატურნის ექვსკუთხედის მოდელირება განახორციელეს.

ახალგაზრდა ანალიტიკოსთა და მეცნიერთა დარბაზი ,,დოქტრინა“

აშშ-ის აერონავტიკის და კოსმოსური სივრცის კვლევის სამმართველომ (ნასა) მთვარეზე გასამგზავრებელი სპეციალური სისტემების ასაგებად კომპანიები : SpaceX-ი, Blue Origin-ი და Dynetic-ი აირჩია.

ნასა აღნიშნულ კომპანიებს 967 მილიონ აშშ დოლარს გამოუყოფს, რასაც ისინი 2024 წლისთვის მთვარეზე ასტრონავტების წასაყვანად განკუთვნილი სისტემების ასაგებად გამოიყენებენ.

ნასა-ს წარმომადგენლის, ლიზა უატსონ-მორგანის, განმარტებით, მათ სამი კომპანიის არჩევით თავი დაიზღვიეს იმ შემთხვევისთვის, თუკი რომელიმე მათგანი შეთავაზებულ პროექტს ვერ განახორციელებს.

შარშან, ჯეფ ბეზოსის კომპანია Blue Origin-მა მთვარის ხომალდის – Blue Moon-ის- დიზაინი წარადგინა, რომლის მთვარეზე გაგზავნას საკუთარი სიმძიმეების გადაზიდვის უნარის მქონე რაკეტით, New Glenn-ით, აპირებს.

ილონ მასკის SpaceX-ი კი კოსმოსურ სისტემა Starship-ს ააგებს, რომლითაც მთვარეზე 100 მეტრული ტონა ტვირთის გადატანა იქნება შესაძლებელი.

ნასა-ს მიერ არჩეული მესამე კომპანია Dynetics-ი კი მთვარეზე გასამგზავრებლად სისტემა Vulcan-ს შექმნის.

ხომალდის  საკუთარი კონცეფცია ნასა-ს კომპანია Boeing-მაც შესთავაზა, თუმცა ის არჩეულ კომპანიებს შორის ვერ მოხვდა.

წყარო : reuters.com

მასალა მოამზადა : თამარ ტაბატაძემ  

ახალგაზრდა ანალიტიკოსთა და მეცნიერთა დარბაზი ,,დოქტინა”

ასტრონომებმა იუპიტერის ახალი ფოტო შექმნეს. ამის შესახებ BBC წერს.

გამოცემის ინფორმაციით, ინფრაწითელ დიაპაზონში სურათი ჰავაიზე არსებულმა ტელესკოპმა​ Gemini North გადაიღო. ეს დედამიწიდან გადაღებული პლანეტის ერთ-ერთ ყველაზე მკაფიო გამოსახულებაა. მაღალი ხარიხის მისაღებად მეცნიერება გამოიყენეს მეთოდი სახელწოდებით „იღბლიანი გამოსახულება“, რომელიც დედამიწის ატმოსფეროთი გამოწვეულ ხარვეზებს ანეიტრალებს.

სპეციალისტები ობიექტის რამდენიმე სურათს იღებენ, თუმცა ინახება მხოლოდ ის ფოტოები, რომლებზეც ატმოსფეროს გავლენა მინიმალურ დონეზეა. შემდეგ კი ყველა „იღბლიანი“ კადრის მოზაიკის აწყობით ობიექტის მაქსიმალურად მკაფიო გამოსახულებას იღებენ.

ახალგაზრდა ანალიტიკოსთა და მეცნიერთა დარბაზი ,,დოქტრინა“

ქრისტის აუქციონზე მთვარის ერთ-ერთი ყველაზე დიდი მეტეორიტი გაიყიდება.
მეტეორიტის წონა 13,5 კილოგრამია და მისი საწყისი ფასი დაახლოებით 2,5 მილიონი აშშ დოლარია.
მეტეორიტი, რომლის სამეცნიერო სახელწოდება NWA 12691-ია, სიდიდით მეხუთე ადგილზე დგას დედამიწაზე დღემდე აღმოჩენილ მთვარის მეტეორიტებებს შორის.
„შეგრძნება, რომ ხელში სხვა სამყაროს ნაწილი გიჭირავს, განუმეორებელია და არასდროს დაგავიწყდება,“- აცხადებს ქრისტის აუქციონის მეცნიერებისა და ბუნების განყოფილების ხელმძღვანელი ჯეიმს ჰისლოპი. მისივე თქმით, მეტეორიტები დედამიწაზე ძალიან იშვიათ ობიექტებს წარმოადგენენ, ვინაიდან მთვარიდან ჩვენს პლანეტაზე მხოლოდ 1000-დან 1 მეტეორიტი აღწევს.
მეტეორიტი საჰარას უდაბნოში ანონიმურმა პიროვნებამ აღმოაჩინა. მეცნიერებმა ის აპოლოს მისიის ფარგლებში მთვარიდან ჩამოტანილ ნიმუშებს შეადარეს და ამ გზით მისი წარმოშობა დაადგინეს.

წყარო : reuters.com

მასალა მოამზადა :  თამარ ტაბტაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა“