close

ასტრონომია - კოსმოსი

ასტრონომია - კოსმოსიმსოფლიო

კოსმოსში ხელის თხოვნა 145 მილიონი დოლარად შეგეძლებათ 😱💍🌠

2.57K views on

2022 წლის მარტიდან საყვარელი ადამიანისთვის ხელის თხოვნა კოსმოსშიც იქნება შესაძლებელი.

ცერემონიალის ორგანიზების შეთავაზებაზე  ფრანგული საქორწილო სააგენტო The ApoteoSurprise აცხადებს.  ტურში შედის მოგზაურობა მთვარის გარშემო.

კომპანიის მიერ გავრცელებული პრესრელიზიდან ცნობილი ხდება, რომ  ინტერპლანეტარული ფრენა ერთ კვირას გასტანს.  ამასთან, ავტონომიური მართვის სისტემა შეყვარებულ წყვილს მარტო მოგზაურობის საშუალებას მისცემს.

ირკვევა, რომ დაახლოებით, 30 წუთის მანძილზე, როდესაც ხომალდი მთვარის ბნელ მხარეს შემოუვლის, დედამიწასთან კომუნიკაცია შეფერხებული იქნება.

მდიდარი წყვილები წინდაწინ  ნ მოსამზადებელ ეტაპებს გაივლიან, მათ შორის 12 კვირის განმავლობაში წინასწარ ტექნიკურ და ფიზიკურ მომზადებას.

ყველა შეთავაზება ვებ-გვერდზე www.proposeinparis.com 2022 წლის მარტიდან იქნება ხელმისაწვდომი.

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
ასტრონომია - კოსმოსი

“ნასას” ტელესკოპმა ორი ახალი პლანეტა აღმოაჩინა

1.44K views on

“ნასას” პლანეტებზე “მონადირე” ორბიტალურმა ტელესკოპმა მზის სისტემის მიღმა ორი ახალი პლანეტა აღმოაჩინა.

TESS-ის (Transiting Exoplanet Survey Satellite)  მიერ აღმოჩენილი ორი ახალი პლანეტა – Pi Mensae “სუპერ დედამიწა” და LHS 3844 b “ცხელი დედამიწა”, დედამიწიდან დაახლოებით 60 და 49 სინათლის წლის დაშორებით მდებარეობენ. ეს არის TESS-ის პირველი აღმოჩენა აპრილის, ანუ მისი კოსმოსში გაშვების შემდეგ.

“სუპერ დედამიწა” თავისი მზის გარშემო ორბიტაზე ერთი ბრუნის გაკეთებას 6,3 დღეს ანდომებს, “ცხელი დედამიწა” კი – 11 საათს. მეცნიერები აცხადბენე, რომ პლანეტები ძალიან ცხელი არიან იმისათვის, რომ მათზე სიცოცხლე არსებობდეს.

TESS-ი გახლავთ ორწლიანი მისია, რომლის ღირებულება 337 მილიონი აშშ დოლარია. პროექტის მიზანი ასტრონომების ე.წ. ეგზოპლანეტების კატალოგის გამდიდრებაა. TESS-ი განკუთვნილია იმისათვის, რომ გააგრძელოს წინამორბედის – Kepler-ის კოსმოსური ტელესკოპის საქმე, რომელმაც 20 წლის განმავლობაში დაახლოებით 3, 700 დოკუმენტურად დადასტურებული ეგზოპლანეტა აღმნოაჩინა.

“ნასა” იმედოვნებს, რომ TESS-ის საშუალებთ მზის სისტემის მიღმა მანამდე უცნობ ათასობით სამყაროს აღმოაჩენს.

TESS-ი აღჭურვილია ოთხი სპეციალური კამერით. იგი ტრანზიტის ფიტომეტრიის მეთოდს იყენებს – აკვირდება ვარსკვლავების ხილული სინათლის პერიოდულ კლებას, რაც მათ წინ პლანეტების გავლით, ტრანზიტით, არის გამოწვეული.

მასალა მოამზადა:  თამარ ტაბატაძემ

წყარო :  reuters.com

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
ასტრონომია - კოსმოსი

SpaceX-მა დაასახელა პირველი ტურისტი, რომელიც რაკეტა Big Falcon-ით მთვარის გარშემო იმოგზაურებს

1.15K views on

კოსმოსურმასა ტრანსპორტ კომპანია SpaceX-მა იმ პირველი კერძო მგზავრის ვინაობდა გაამხილა, რომელსაც ელონ მასკის კომპანიის რაკეტა  Big Falcon-ით მთვარის ირგვლივ მოგზაურობა სურს. ეს გახლავთ იაპონელი მილიარდერი იუსაკუ მაეზავა, რომელიც ტანსაცმლის ონლაინ გაყიდვების ვებგვერდ Zozo-ს დამფუძნებელია.

იუსაკუ მაეზავა მთვარის ორბიტაზე გამგზავრებას 2023 წლისთვის გეგმავს. ეს იქნება SpaceX-ის პირველი კომერციული კოსმოსური ფრენა, რომელიც სავარაუდოდ ერთ კვირას გაგრძელდება.

აღსანიშნავია, რომ დედამიწის მაგნიტური ველის მიღმა დღემდე მხოლოდ 25 ასტრონავტს აქვს ნამოგზაურები. კომპანია SpaceX-ის დამგუძნებელმა ელონ მასკმა უსაკუ მაეზავას გადაწყვეტილება სიმამაცედ შეაფასა.

იუსაკე მაეზავა მთვარის გარშემო სამოგზაუროდ რვა ხელოვანი ადამიანის დაპატიჟებას გეგმავს.

უცნობია თანხის რაოდნობა, რისი გადახდაც იაპონელ მილიარდერს ამ მოგზაურობისთვის მოუწევს. მაეზავა, რომელმაც შარშან ნიუ იორკის აუქციონზე ამერიკელი მხატვრის ჟან-მიშელ ბასკიას ნამუშევარი რეკორდულ თანხად – 110.5 მილიონ დოლარად იყიდა, აცხადებს, რომ მთვარის გარშემო მოგზაურობის საფასური გაცილებით დიდია ვიდრე ბასკიას უსახელო ნამუშევარში გადაიხადა.

42 წლის მაეძავა ტანსაცმლის გაყიდვის ვებგვერდ Zozo-ს დამფუძნებელია. ის იაპონიის ერთ-ერთი უმდიდრესი ადამიანია. ჟურნალ Forbes-ის შეფასებით, მისი ქონება სამ მილიარდ დოლარს შეადგენს.

მასალა მოამზადა:  თამარ ტაბატაძემ

წყარო :  www.reuters.com

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
ასტრონომია - კოსმოსი

ვინ არის პირველი მგზავრი, რომელიც SpaceX-ის კოსმოსური ხომალდით მთვარის ირგვლივ იმოგზაურებს?

1.66K views on

ილონ მასკის კოსმოსურმა სატრანსპორტო კომპანია SpaceX- მა მსოფლიოს პირველ კერძო მგზავრთან კონტრაქტი გააფორმა. კონტრაქტი SpaceX-ის კოსმოსური ხომალდით – “ფალკონით” (Big Falcon Rocket (BFR)) მთვარის ირგვლივ მოგზაურობას ითვალისწინებს.

კომპანიის მიერ სოციალურ ქსელ “ტვიტერზე” გამოქვეყნებული ინფორმაციის თანახმად, მგზავრის ვინაობა და მთვარეზე მოგზაურობის მიზანი ორშაბათს, გახდება ცნობილი.

SpaceX-ი აწარმოებს და უშვებს მსოფლიოს ყველაზე თანამედროვე რაკეტებსა და კოსმოსურ ხომალდებს.  კომპანია კოსმოსური ტრანსპორტის რევოლუცირების მიზნით 2002 წელს ილონ მასკიმ დააფუძნა.

რომლის მიერ მიერ სივრცეში ტრანსპორტირების განმსაზღვრელი, სიცოცხლის მრავალპლანტატის მიღების საბოლოო მიზანი.

SpaceX-მა მსოფლიოს ყურადღება არაერთხელ მიიპყრო. ის ერთადერთი კერძო კომპანია გახლავთ, რომელმაც დედამიწის ე.წ. ქვედა ორბიტიდან კოსმოსური ხომალდის დაბრუნება შეძლო. კომპანიის ისტორიაში აღსანიშნავია 2012 წლის მაისი, როდესაც SpaceX-ის კოსმოსური ხომალდი Dragon-ი საერთაშორისო კოსმოსურ სადგურზე გააგზავნეს, ტვირთი ჩამოცალეს და დედამიწაზე უსაფრთხოდ დააბრუნეს.  იმ დროიდან Dragon-ი “ნასას” მისიებში მონაწილეობს და მისი საშუალებით არაერთხელ მოხდა დედამიწიდა კოსმოსურ სადგურზე, და პირიქით, ტვირთის გადაზიდვა.

მასალა მოამზადა:  თამარ ტაბატაძემ

წყარო :  www.spacex.com  ;  www.reuters.com

ახალგაზრდა ანალიტიკოსთა და მეცნიერთა დარბაზი ,,დოქტინა”

 

სრულად ნახვა
ასტრონომია - კოსმოსიეს საინტერესოასაქართველო

საქართველოში მთვარის დაბნელება 21 საათსა და 14 წუთზე დაიწყება

1.56K views on

როგორც იცით, დღეს საუკუნის ყველაზე გრძელი მთვარის სრული დაბნელება იქნება – ის ერთი საათი და 43 წუთი გაგრძელდება. გასაგებად რომ განვმარტოთ – მთვარე დედამიწის ჩრდილში მოხვდება.

რაც შეეხება საქართველოს – აქ მთვარის დაბნელება 21 საათსა და 14 წუთზე დაიწყება და მაქსიმუმს დაახლოებით 00 საათსა და 21 წუთზე მიაღწევს.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიეს საინტერესოაკვლევებიფიზიკა

პირველად მეცნიერების ისტორიაში – მეცნიერებმა აინშტაინის შავი ხვრელის თეორიის დამტკიცება შეძლეს!

3.06K views on

მეცნიერებმა ირმის ნახტომში (Milky Way) ვარსკვლავზე დაკვირვება აწარმოეს და, პირველად მეცნიერების ისტორიაში – დაამტკიცეს აინშტაინის პროგნოზი იმის შესახებ, თუ რა ხდება, როცა ვარსკვლავი სუპერმასიურ შავ ხვრელს ახლოს ჩაუვლის.

აინშტაინის 100 წლის წინ ნაწინასწარმეტყველები ზოგადი ფარდობითობის თეორიის თანახმად, ძლიერ გრავიტაციულ ველში სინათლე მრუდდება ან განიცდის წითელ წანაცვლებას.

,,ეს იყო პირველი შემთხვევა, როცა შესაძლებლობა მოგვეცა, აინშტაინის ზოგადი ფარდობითობის თეორია სუპერმასიურ ხვრელთან ახლოს შეგვემოწმებინა. იმ დროს აინშტაინი ვერც კი იოცნებებდა იმაზე, რაც ჩვენ დღეს ვიხილეთ,“ – განაცხადა მაქს პლანკის ინსტიტუტის (Max Planck Institute for Extraterrestrial Physics) მეცნიერმა- ფრენკ ეისენჰაუერმა.

,,European Southern Observatory-ის” მეცნიერებმა Very Large Telescope-ის გამოყენებით,  ირმის ნახტომის ცენტრალურ ნაწილზე დაკვირვება 26 წლის წინ დაიწყეს იმის დასადგენად, თუ როგორ მოძრაობდა ვარსკვლავი სუპერმასიურ შავ ხვრელთან მიახლოებისას.

შავი ხვრელი დედამიწისგან 26,000 სინათლის წლითაა დაშორებული და ის მზეზე 4 მილიონჯერ უფრო მასიურია. მეცნიერებმა დაკვირვებისთვის აარჩიეს ერთი ვარსკვლავი –  S2, რომელიც ორბიტის გარშემო ერთ შემოვლას 16 წელს ანდომებს. ასე რომ, მეცნიერებმა იცოდნენ, რომ ვარსკვლავი შავ ხვრელს 2018 წელს მიუახლოვდებოდა.

26 წლის მანძილზე მათი ინსტრუმენტების სიზუსტე გაუმჯობესდა და, შესაბამისად, 2018 წლის მაისში მათ ძალიან ზუსტი ზომების მიღება შეძლეს.

დაკვირვებამ აჩვენა, რომ ვარსკვლავის ორბიტალურმა სიჩქარემ საათში 25 მილიონ კილომეტრს გადააჭარბა, როცა ის შავ ხვრელს მიუახლოვდა.

ვარსკვლავის ტალღის სიგრძე გაიჭიმა, რადგან იგი ცდილობდა უზარმაზარი შავი ხვრელის გრავიტაციული ძალისგან თავის დაღწევას, რის გამოც მისი შეფერილობა ლურჯიდან წითლით შეიცვალა. მეცნიერები იმედოვნებენ, რომ შავი ხვრელის სხვა თეორიების დაკვირვებასაც მოახერხებენ.

,,ეს არის პირველი ნაბიჯი ხანგრძლივ გზაზე, რომელიც, იმედია, რომ მომავალშიც გაგრძელდება”, – განაცხადა მეცნიერთა აღნიშნული გუნდის ხელმძღვანელმა – რეინჰარდ გენზელმა.

 

წყარო: www.reuters.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიკვლევებიმსოფლიო

,,ნასა“ მზის გვირგვნის შესწავლად 7-წლიან მისიას იწყებს

1.17K views on

,,ნასა“ მზესთან ახლოს კოსმოსური ზონდის გაგზავნას აპირებს, რათა ე.წ. მზის კორონას (გვირგვინის) ატმოსფერო შეისწავლოს და, ამ გზით, მზის ამ ნაწილში არსებული მზარდი სიცხის მიზეზი დაადგინოს, რომელიც მზის ქარებს იწვევს.

Parker Solar Probe-ი რობოტული კოსმოსური ხომალდია, რომელიც პატარა მანქანის ზომისაა. მის გაშვებას სააგენტო ფლორიდაში მდებარე კაპე კანავერალის აეროდრომიდან ამა წლის 6 აგვისტოს აპირებს. 7-წლიანი მისიის ფარგლებში ხომალდი მზის ზედაპირიდან მის გვირგვინამდე 6.1 მილიონი კილომეტრის მანძილზე იფრენს, ანუ მას 7-ჯერ უფრო მიუახლოვდება, ვიდრე სხვა ხომალდები.  

წინა მიახლოება მზესთან Helios 2-ით განახორციელეს, რომელიც 1976 წელს მზის გვირგვინს 43-მილიონი კილომეტრით მიუახლოვდა.

გვირგვინი მზის ქარებს იწვევს. არაპროგნოზირებადი მზის ქარები ჩვენი პლანეტის მაგნიტურ ველში დარღვევებს იწვევს და, შესაძლოა, დედამიწაზე საკომუნიკაციო ტექნოლოგიების მოშლა გამოიწვიოს. „ნასა“ იმედოვნებს, რომ კვლევის შედეგები მეცნიერებს დედამიწის კოსმოსში ცვლილებების პროგნოზირების საშუალებას მისცემს.

„ჩვენთვის ძალიან მნიშვნელოვანია, დედამიწის ამინდის პროგნოზირების მსგავსად, კოსმოსის ამინდის პროგნოზირებაც შევძლოთ,“ – აცხადებენ „ნასას“ მეცნიერები.

პროექტის ფარგლებში, რომლის სავარაუდო ღირებულება 1,5 მილიარდი აშშ დოლარია, „ნასა“ მიზიდულობის მაღალი უნარის მქონე გვირგვინის შესახებ საჭირო მონაცემების შეგროვებას აპირებს.  ზონდს, რომელსაც Eugene Newman Parker-ის სახელი უწოდეს, რთული რადიაციისა და სიცხის პირობებთან მოუწევს გამკლავება. მან, დაახლოებით, 1,370 გრადუს ცელსიუს ტემპერატურას უნდა გაუძლოს.  

წყარო: www.reuters.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიეს საინტერესოამსოფლიო

27 ივლისს 21-ე საუკუნეში ყველაზე ხანგრძლივი მთვარის დაბნელება იქნება

1.69K views on

27 ივლისს 21-ე საუკუნეში ყველაზე ხანგრძლივი მთვარის დაბნელება იქნება. როგორც ასტრონომებო აცხადებენ, სრული დაბნელება 1 საათსა და 43 წუთს გასტანს, ნაწილობრივი დაბნელება კი – 3 საათსა და 55 წუთს.  ამდროს  მთვარე გაივლის დედამიწის ჩრდილის ყველაზე ბნელ რეგიონში – უმბრაში, რაც მთვარეს ,,სისხლიან” ფერს მისცემს.

წყარო:  businessinsider.com

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიკვლევები

ასტრონომებმა იუპიტერის 12 ახალი მთვარე აღმოაჩინეს

1.24K views on

ასტრონომებმა იუპიტერის გარშემო აქამდე უცნობი 12 მთვარე აღმოაჩინეს. ამ აღმოჩენამ პლანეტის მთვარეების რიცხვი 79-მდე გაზარდა და იუპიტერი მზის სიტემაში ყველაზე უხვმთვარიან პლანეტად აქცია.

ასტრონომები, რომლებმაც ახალი მთვარეები აღმოჩინეს, მსოფლიოს ყველაზე მძლავრ ტელესკოპს იყენებდნენ. იმის გამო რომ იუპიტერი დადგენილი სიჩქარით მოძრაობს, ნებისმიერი რამ, რაც მის ახლომახლო, იმავე სიჩქარით მოძრაობს, მთვარის „კანდიდატია“, თუმცა დამტკიცებას დრო სჭირდება.

მეცნიერთა დაკვირვებაზე დაყრდნობით, საერთაშორისო ასტრონომიული კავშირის პლანეტის ცენტრის მეცნიერმა – გარეთ უილიამსმა მთვარეების ორბიტების გამოთვლა შეძლო. ცხრა მათგანი, რომლებიც პლანეტის ყველაზე შორეულ ორბიტაზე მოძრაობენ, თითო ბრუნის გაკეთებას 2 დედამიწის წელს ანდომებენ.

მათ ასევე რეტროგრადული ორბიტებიც აქვთ. ეს გასაკვირი არაა, ვინაიდან იუპიტერის ცნობილი მთვარეების უმრავლესობა რეტროგრადულია [რომლებიც აღმოსავლეთიდან დასავლეთისკენ მოძრაობენ და მიიჩნევენ, რომ ისინი გაზის გიგანტის ახლოს წარმოქმნილი ასტროიდები ან კომეტებია, რომლებსაც პლანეტა ატყვევებს, როცა მას ძალიან უახლოვდებიან].

,,ჩვენ ვფიქრობთ, რომ, თავდაპირველად, მხოლოდ სამი რეტროგრადული იყო და ისინი სხვა ობიექტებთან შეჯახების შედეგად დაიმსხვრნენ, თუმცა, უცნობია რა იყო ეს სხვა ობიექტები.”

აღმოჩენილი 12 მთვარიდან ერთი ყველაზე უცნაურია. პროგრადული მიმართულებით (დასავლეთიდან აღმოსავლეთისკენ) მხოლოდ სამი მათგანი მოძრაობს და იუპიტერთან შედარებით ახლოს არიან.

ორი მათგანი პირდაპირ მოძრაობს და უფრო დიდი ჯგუფის ნაწილია, რომლებიც ორბიტის ერთ შემოვლას 1 წელს ანდომებენ. ასტრონომები ფიქრობენ, რომ ისინი უფრო დიდი მთვარის ნაწილი იყვნენ, რომელიც დაიშალა.

ბოლო მთვარე ძალიან უცნაურია. მას პირობითად Valetudo შეარქვეს. ის პლანეტისგან ყველაზე შორს მდებარეობს და მის ირგვლივ ორბიტის ერთ შემოვლას 18 თვეს ანდომებს.

მეცნიერთა გუნდი მიიჩნევს, რომ Valetudo უფრო დიდი მთვარის ფრაგმენტია, რომელიც სხვა რეტროგრადულ მთვარესთან შეჯახების შედეგად დაიშალა.

ასტრონომები აცხადებენ, რომ ყველაზე უცნაური ამ მთვარის მცირე ზომაა. მათი მტკიცებით, თუკი Valetudo იუპიტერის ჩამოყალიბებამდე გაჩნდა, ის უნდა შენელებულიყო იმ გაზითა და მტვრით, რაც პლანეტის ფორმაციის შედეგად წარმოიქმნა. Valetudo-ს მცირე ზომით თუ ვიმსჯელებთ, შეიძლება ვიფიქროთ, რომ ის მას შემდეგ გაჩნდა, რაც ეს მტვერი და გაზი გაქრა. ეს ფაქტი ინფორმაციას გვაწვდის მთვარეთა ამ ოჯახების ფორმაციის დროზე, რაც, თავის მხრივ, მზის სისტემის ჩამოყალიბების შესახებ ინფორმაციასაც მოიცავს.

მეცნიერებმა კომპიუტერული სიმულაცია გააკეთეს იმის დასადგენად, თუ რა სიხშირით ეჯახება Valetudo რეტროგრადულ მთვარეს და აღმოჩნდა, რომ ეს არის 100 მილიონი წლიდან 1 მილიარდ წლამდე, რაც კაცობრიობისთვის დიდი დროა, თუმცა არც ისე დიდი პერიოდია ასტრონომიულ დროში. „სიმულაციის საბოლოო სურათი რამდენიმე თვეში გვექნება,“ – აცხადებენ მეცნიერები.

წყარო: https://www.sciencealert.com/

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიდედამიწამსოფლიო

დღეს მზე დაბნელდება

2.09K views on

დღეს მზის დაბნელებაა მოსალოდნელი, რისი ვებტრანსლაციით ყურებაც შესაძლებელი იქნება, ამას “NASA” უზრუნველყოფს.

მზის დაბნელების ხილვა ავსტრალიის, ჩრდილოეთ და სამხრეთ ამერიკის, ასევე წყნარის ოკეანის აუზის კუნძულების მოსახლეობას შეეძლებათ.

მზის ნაწილობრივი დაბნელება დაახლოებით შუა დღის შემდეგ დაიწყება. მზის დაბნელებისას მთვარე დედამიწასა და მზეს შორის ექცევა, ამის გამო კი ის მზის სინათლეს ბლოკავს. ეს მხოლოდ ახალი მთვარეობისას ხდება, როცა მზე და მთვარე ე.წ. სიზიგიაში ეწყობიან.

 

ახაალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
1 … 39 40 41 42 43 … 58
Page 41 of 58