ბიოლოგია

მეცნიერებმა ღეროვანი უჯრედების გამოყენებით ადამიანის სინთეზური ემბრიონები შექმნეს. ექსპერტები მიიჩნევენ, რომ ამ ნაბიჯმა, შესაძლოა, ხელი შეუწყოს ორსულობის შეწყვეტის მიზეზების დადგენას და ადამიანის განვითარების უნიკალური ასპექტების შესწავლას, თუმცა ის ეთიკურ და სამართლებრივ კითხვებს ბადებს.
კემბრიჯის უნივერსიტეტისა და კალიფორნიის ტექნოლოგიური ინსტიტუტის პროფესორმა,მაგდალენა ზერნიკა-გოტცმა ემბრიონები ბუნებრივი ემბრიონის განვითარების 14 დღის ეკვივალენტურ ეტაპად შეაფასა. მათ შექნას არ სჭირდება კვერცხუჯრედები ან სპერმა, არ აქვთ გულისცემა ან ტვინის საწყისი, მაგრამ შეიცავს უჯრედებს, რომლებიც, როგორც წესი, განვითარდებიან პლაცენტის, ნაღვლის ბუშტის და თავად ემბრიონის შესაქმნელად.
ჯერჯერობით უცნობია, შეიძლება თუ არა სინთეზური მოდელები იმპლანტაციის შემთხვევაში სიცოცხლისუნარიან ემბრიონებად გადაიქცეს.
ფრენსის კრიკის ინსტიტუტის ასოცირებული კვლევითი დირექტორის, პროფესორ ჯეიმს ბრისკოს განცხადებით, შეუძლებელია დეტალური კომენტარის გაკეთება მანამ, სანამ კვლევას შესაბამისი ცოდნის მქონე მეცნიერები არ განიხილავენ და შეაფასებენ, მაგრამ ღეროვან უჯრედებზე დაფუძნებული ადამიანის ემბრიონის სინთეზურ მოდელებს „ბევრი პოტენციალი“ აქვს.
”მათ შეუძლიათ ადამიანის განვითარების კრიტიკულ ეტაპებზე მნიშვნელოვანი ინფორმაციის მოწოდება. ეს არის ეტაპები, რომელთა შესწავლა ძალიან რთული იყო და ეს არის დრო, როდესაც ბევრი ორსულობა წყდება. ახლებურმა ხედვამ შეიძლება ხელი შეუწყოს სპონტანური აბორტის მიზეზებისა და ადამიანის განვითარების უნიკალური ასპექტების უკეთ გაგებას“, – აღნიშნა პროფესორმა ბრისკომ, თუმცა დასძინა, რომ ადამიანის სინთეზური ემბრიონები შექმნა “ღრმა ეთიკურ და იურიდიულ კითხვებს“ აჩენს.
„გადაუდებელი აუცილებლობაა, დაწესდეს რეგულაციები, რომლებიც უზრუნველყოფენ ღეროვანი უჯრედებიდან მიღებული ადამიანის ემბრიონის მოდელების შექმნისა და გამოყენების ჩარჩოს არსებობას“, – აღნიშნა პროფესორმა და დასძინა, რომ მნიშვნელოვანია, კვლევა “ფრთხილად, ყურადღებით და გამჭვირვალედ” წარიმართოს.

წყარო : independent.co.uk

ანალიტიკოსთა და მეცნიერთა დარბაზი ,,დოქტრინა”

იაპონელმა მეცნიერებმა მსოფლიოში პირველებმა შექმნეს თაგვი, რომლის ორივე ბიოლოგიური მშობელი მამრობითი სქესისაა. ამის შესახებ CNN-ი იტყობინება.

ტელეარხის ცნობით, კვლევა ოსაკას უნივერსიტეტში, ნობელის პრემიის ლაურეატ კაცუჰკო ჰააშის ხელმძღვანელობით ჩატარდა. მეცნიერებმა ლაბორატორიაში გაზრდილი მამრობითი სქესის თაგვის კუდიდან აიღეს უჯრედები, რომლებიც როგორც X, ასევე Y-ქრომოსომის მატარებელი იყო და კვერცხუჯრედად გარდაქმნეს, რომელიც მერე ჩვეულებრივად, სხვა თაგვის სპერმით გაანაყოფიერეს. შემდეგ განაყოფიერებული კვერცხუჯრედი მდედრობითი სქესის თაგვის საშვილოსნოში მოათავსეს, რომელმაც მალევე ჯანმრთელი შთამომავლობა გააჩინა.

სპეციალისტები ვარაუდობენ, რომ ეს ტექნოლოგია მომავალში ადამიანებში უშვილობის მკურნალობისთვის შეიძლება იყოს გამოყენებული, ან ერთნაირსქესიანთა წყვილებს დაეხმარება ჰყავდეთ შვილები, რომლებიც გენეტიკურად ორივე მშობელთან იქნებიან დაკავშირებული, მაგრამ ეს რთული იქნება.

„კაცებისგან შემდგარი წყვილებისთვის ბავშვების შექმნა რთული იქნება როგორც ტექნიკური, ასევე ეთიკური თვალსაზრისით. მაგრამ ჩვენი კვლევა აჩვენებს, რომ თეორიულად ეს შესაძლებელია“, – განმარტა ჰაიაშიმ. მისივე თქმით, გაცილებით უფრო რთული იქნება ქალებისგან შემდგარი წყვილების გენეტიკური შთამომავლობის შექმნა, რადგან ქალებს არ აქვთ Y-ქრომოსომა, რომელიც სპერმის შექმნისთვის აუცილებელია.

ამიტომ, ტექნოლოგიის ყველაზე სავარაუდო გამოყენებად სფეროდ სპეციალისტები გადაშენების პირას მყოფი ცხოველების გადარჩენას ასახელებენ.

ანალიტიკოსთა და მეცნიერთა დარბაზი – ,,დოქტრინა

ფრანგი მეცნიერების ახალი კვლევის თანახმად, თევზები შეიძლება სიყვარულისგან იტანჯებიან. ამის შესახებ გერმანული გაზეთი Stern-ი წერს.

ბურგუნდიის უნივერისტეტის სპეციალისტებმა აღმოაჩინეს, რომ ციხლიდები უცნაურად იქცევიან, როდესაც მათ იმ პარტნიორებთან აშორებენ, რომლებთანც დიდხანს იცხოვრეს. როგორც მეცნიერები ამბობენ, ამ შემთხვევაში თევზები აპათიურები გახდნენ.

„კვლევის ავტორები მიიჩნევენ, რომ თევზები შესაძლოა ემოციურ მიჯაჭვულობას განიცდიან და სიყვარულის გამო ადამიანების მსგავსად იტანჯებიან. რათა თავიანთი დასკვნა გაემყარებინათ, სპეციალისტებმა 2 კვირის განმავლობაში 33 თევზზე დამატებითი ექსპერიმენტი ჩაატარეს. ისინი აკვირდებოდნენ მამრ თევზებს, რომლებსაც იმ მდედრ თევზებთან ერთად ამყოფებდნენ, რომელიც მათ თავად არ აურჩევიათ. შედეგად თევზები ნაკლებად და უფრო ნელა ქვირითობდნენ. იმ შემთხვევაში კი, თუ ისინი პარტნიორებს თავად არჩევდნენ, კვლავ აქტიურები ხდებოდნენ”- წერია სტატიაში.

ანალიტიკოსთა და მეცნიერთა დარბაზი – ,,დოქტრინა”