close

ბიოლოგია

ბიოლოგიაეკოლოგიაკვლევებიმსოფლიოქიმია

აღმოაჩინეს მიკრობები, რომლებსაც დაბალ ტემპერატურაზე პლასტმასის მონელების უნარი აქვთ

3.17K views on

შვეიცარიელმა მეცნიერებმა აღმოაჩინესმიკრობები, რომლებსაც დაბალ ტემპერატურაზე პლასტმასის მონელების უნარი აქვთ.

აქამდე აღმოჩენილ მიკროორგანიზმებს ამ ფუნქციის შესრულება 30°C ტემპერატურიდან შეეძლოთ, რაც მეთოდს ძვირადღირებულსა და არაეკოლოგიურს ხდიდა, რადგან გათბობაზე დიდი რაოდენობით ენერგია იხარჯებოდა. ახალი მიგნება პლასტმასის გადამუშავებას 15°C-ზე იწყებს.

მეცნიერებმა ცდები 19 სახეობის ბაქტერიასა და 15-მდე სოკოზე ჩაატარეს. 126-დღიანი კვლევის შემდეგ ვერცერთმა მიკროორგანიზმმა პოლიეთილენის მონელება ვერ შეძლო, თუმცა მათმა 56%-მა წარმატებით გადაამუშავა პოლიურეთანი და ზოგიერთი პლასტმასის ნარევი.

ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიოლოგიამედიცინა

მეცნიერებმა ღეროვანი უჯრედებისგან ადამიანის ემბრიონის სრულყოფილი მოდელი შექმნეს

555 views on

ისრაელში მეცნიერებმა მინიატიურული ცოცხალი ორგანიზმი შექმნეს, რომელიც არაფრით განსხვავდება ადამიანის ემბრიონისგან განვითარების ადრეულ ეტაპებზე. ამის შესახებ BBC იტყობინება.

გამოცემის ინფორმაციით, ამისთვის ვეიცმანის ინსტიტუტის მეცნიერებს არ გამოუყენებიათ არც კვერცხუჯრედი და არც სპერმატოზოიდო – ემბრიონის მოდელი ღეროვანი უჯრედებისგან გაზარდეს. კერძოდ, გამოიყენეს 120 ასეთი უჯრედი, საჭირო პროპორციაში შეაზავეს და შემდეგ დაკვირვება დაიწყეს.

სპეციალისტების თქმით, მათ მიერ შექმნილი მოდელი გამოიყურება ისე, როგორც ჯანმრთელი ადამიანის ემბრიონი ჩასახვიდან 2 კვირის შემდეგ. ზრდის პროცესში მან ის ჰორმონებიც კი გამოიმუშავა, რომლებსაც მეცნიერები ორსულობის ტესტის ჩატარებისას იყენებენ. ორსულობაზე ჩატარებულმა ტესტმა დადებით პასუხი აჩვენა.

მეცნიერები ემბრიონების მოდელებს ახალი სიცოცხლის ჩასახვის ადრეული პერიოდის ეთიკურად შესწავლის მიზნით ქმნიან. სპერმატოზოიდის მიერ კვერცხუჯრედის განაყოფიერებიდან პირველი კვირების განმავლობაში განვითარებულ მოვლენებს კოლოსალური მნიშვნელობა აქვს მომავალი ადამიანისთვის. მაგრამ ამ გადამწყვეტ დროს ხდება მუცლის მოშლის ფაქტების უმეტესობა და საფუძველი ეყრება მომავალი ორგანიზმის თანდაყოლილი დეფექტების ჩამოყალიბებას. ეს მოვლენები ცუდად არის შესწავლილი, ამიტომ მეცნიერები ხელოვნურ მოდელებს ქმნიან.

სპეციალისტების განმარტებით, ვეიცმანის უნივერსიტეტის მეცნიერების მიერ მიღებული შედეგი ძალიან მნიშვნელოვანია, რადგან ექსპერიმენტის შედეგად პირველად გახდა შესაძლებელი ადამიანის ემბრიონის სრული სტრუქტურის აწყობა ღეროვანი უჯრედებისგან ლაბორატორიაში, რის შედეგადაც მეცნიერებს გაუჩნდათ შესაძლებლობა შეისწავლონ ადამიანის სხეული ფორმირების პროცესები.

 

ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიოლოგიადედამიწა

პირველი მრავალუჯრედანი ორგანიზმი დედამიწაზე

485 views on

მეცნიერებს დიდი ხანია აინტერესებთ თუ როგორ გამოიყურებოდა პირველი მრავალუჯრედიანი ორგანიზმი დედამიწაზე. ახლა მკვლევრები პასუხს მიუახლოვდნენ. ინფორმაციას უცხოური მედია ავრცელებს. 

ღრუბლები (Porifera) ამ მხრივ პირველობის კანდიდატები არიან. ეს მათი პრიმიტიული ანატომიისა და მარტივი ნერვული სისტემის გამო. თუმცა, ახლა მათ კონკურენტები გამოუჩნდნენ.

ახალი მონაცემებით, ეს სავარცხლურა მედუზაა (ქტენოფორები), რომლებიც, გარეგნული მსგავსების მიუხედავად, თანამედროვე მედუზების ძალიან შორეული ნათესავები არიან. საინტერესოა, რომ ამ მედუზებს უფრო კომპლექსური ნერვული სტრუქტურა ჰქონდათ. ეს კი იმაზე მიუთითებს, რომ ევოლუცია მხოლოდ პირდაპირ კომპლექსურობისკენ არ მიემართება.

„ყველა ცხოველის საერთო წინაპარი, ალბათ, 600 ან 700 მილიონი წლის წინ ცხოვრობდა. ძნელია იმის ცოდნა, ზუსტად როგორები იყვნენ ისინი, რადგან მათ რბილი სხეული გააჩნდათ. შესაბამისად, არ დატოვეს პირდაპირი ნამარხები. თუმცა, ჩვენ ეს დღევანდელი ცხოველების შედარებით შეგვიძლია გავიგოთ”, -განმარტავს კალიფორნიის უნივერსიტეტის მოლეკულური ბიოლოგი და კვლევის ავტორი დანიელ როხსარი.

წინა ანალიზმა, რომელიც მხოლოდ გენის თანმიმდევრობებზე იყო ფოკუსირებული, მიიღო ურთიერთგამომრიცხავი შედეგები. ზოგიერთი თანმიმდევრობით ეს ხსენებული ღრუბლები იყვნენ. თუმცა, ზოგ შემთხვევაში კვლევის შედეგები სავარცხლურა მედუზებზე შეჩერდა.

საბოლოოდ კვლევამ აშკარა მახასიათებელი გამოკვეთა. აღმოჩნდა, რომ ღრუბლებსა და უფრო თანამედროვე ცხოველებს ერთნაირი თვისებები ქრომოსომის იშვიათი ტიპის შერწყმისგან მოსდგამთ. იგივე არ დაფიქსირდა სავარცხლურა მედუზების შემთხვევაში. ისინი უფრო სხვა ერთუჯრედიან არსებებთან მსგავსებაში არიან.

„ეს გადამწყვეტი იყო. ჩვენ მივაგენით რამდენიმე გადაწყობას, რომელსაც იზიარებენ ღრუბლები და არა შესაბამისი ცხოველები. ამის საპირისპიროდ, კტენოფორები განსხვავდებიან. უმარტივესი ახსნა ისაა, რომ სავარცხლურები გადალაგების დაწყებამდე განშტოვდნენ”, – ამბობენ მკვლევრები.

ეს ნიშნავს, რომ პირველად სავარცხურა მედუზა ჩამოყალიბდა და უკვე მას მოჰყვა ღრუბლები. შემდეგ ამ ღრუბლებმა გადასცეს თავიანთი ახალი შერეული ქრომოსომის განლაგება შთამომავალ ცხოველებს.

ახალი ტექნიკა, რომელიც გუნდმა შეიმუშავა ამ აღმოჩენისთვის, ევოლუციის სხვა საიდუმლოებების ამოხსნაშიც დაგვეხმარება.

 

ანალიტიკოსთა და მეცნიერთა დარბაზი “დოქტრინა”

სრულად ნახვა
ბიოლოგია

კვლევა – ახალმა მედიკამენტმა, რომელიც ძველ  უჯრედებს შლის, შეიძლება  დაბერების საწინააღმდეგოს იმოქმედოს

522 views on

მეცნიერებმა აღმოაჩინეს ახალი მოლეკულა, რომელიც შერჩევით შლის სხეულში ძველ არაფუნქციურ „ზომბი“ უჯრედებს ჯანსაღებზე ზემოქმედების გარეშე. მიიჩნევენ, რომ ამ სამეცნიერო მიღწევამ, შეიძლება, დაბერების საწინააღმდეგო ახალ თერაპიებს მისცეს დასაბამი.
დროთა განმავლობაში, სხეულის ზოგიერთმა უჯრედმა შეიძლება შეწყვიტოს გამართული ფუნქციონირება, გახდეს არაფუნქციური „ზომბი“ უჯრედი და როდესაც ისინი იწყებენ დაგროვებას, შეიძლება გამოიწვიოს ქსოვილების დაბერება.
ახალმა კვლევამ, რომელიც ჟურნალ Aging-ში გამოაქვეყნა, გამოავლინა ახალი მოლეკულა, რომელიც შლის ამ ძველ დაბერებულ უჯრედებს ლაბორატორიაში გაზრდილ ქსოვილებში, ჯანმრთელებზე ზემოქმედების გარეშე.
მოლეკულას, სახელად CUDC-907, ასევე შეუძლია ეფექტურად აღმოფხვრას ძველი უჯრედები, რომლებიც სხეულში რჩება კიბოს თერაპიის შემდეგ, განაცხადეს მკვლევარებმა, მათ შორის გაერთიანებული სამეფოს ლესტერის უნივერსიტეტიდან.
სხეულის უჯრედები ადამიანის სიცოცხლის განმავლობაში სხვადასხვა სახის სტრესს განიცდიან, როგორიცაა მზის გამოსხივება, რამაც შეიძლება გამოიწვიოს მუტაციები.
გარკვეულ მომენტებში, მუტაციის მქონე ამ უჯრედების სიმსივნეებად გადაქცევის თავიდან ასაცილებლად, სხეული ააქტიურებს დამცავ მექანიზმებს, რომლებიც ან იწვევენ თვითმკვლელობას აპოპტოზის სახელით ცნობილ პროცესში, ან ხდება ამ უჯრედების დაბერების სტიმულირება.
ეს არის ერთგვარი „ზომბი“ მდგომარეობა სიცოცხლესა და სიკვდილს შორის, რომელშიც უჯრედი აღარ ფუნქციონირებს, მიუხედავად იმისა, რომ ცოცხალია, და ის ასევე იწყებს პროდუქტების წარმოებას, რომლებიც იმეორებს ზომბის მდგომარეობას მის გარშემო არსებულ სხვა ჯანმრთელ უჯრედებში.
ახალგაზრდებში ორგანიზმი მოქმედებს ამ უჯრედებზე და ასუფთავებს ქსოვილებს. მაგრამ რაც უფრო ასაკოვანი ხდება ადამიანი, იმუნური სისტემა წყვეტს ამ ფუნქციის შესრულებას, რაც იწვევს ზომბი უჯრედების დაგროვებას ქსოვილებში და იწვევს დაბერებას.
ახალმა კვლევამ აჩვენა, რომ CUDC-907-ს შეუძლია გაანადგუროს ძველი უჯრედები „ეფექტურად და კონკრეტულად“ ჯანმრთელ უჯრედებზე მცირე გვერდითი ეფექტებით.
„ჩვენს მიერ გამოვლენილი პრეპარატი არის ძველი უჯრედების ძლიერი გამანადგურებელი და ასევე იკვლევენ მის მოქმედებას ზოგიერთი კიბოს წინააღმდეგ, ამიტომ მას შეიძლება ჰქონდეს ორმაგი ეფექტი: კიბოს საწინააღმდეგო და, ამავე დროს, შეუძლია იმოქმედოს ძველი უჯრედების წინააღმდეგ“, – განაცხადა კვლევის თანაავტორმა სალვადორ მაკიპმა.
მკვლევარები ახლა იმედოვნებენ, რომ დაიწყებენ ცდებს ცხოველებზე კარგი შედეგების მიღების შემთხვევაში, ადამიანებზე კლინიკური კვლევების ჩატარებას გეგმავენ.

წყარო : independent.co.uk
ანალიტიკოსთა და მეცნიერთა დარბაზი “დოქტრინა”

სრულად ნახვა
ბიოლოგიადედამიწაკვლევებიმსოფლიო

აღმოაჩინეს ობი, რომელიც პლასტმასს რეკორდულ დროში ანადგურებს

455 views on

ავსტრალიელმა მეცნიერებმა აღმოაჩინეს ობი, რომელიც პლასტმასს რეკორდულ, 140 დღეში ანადგურებს.  ინფორმაციას უცხოური მედია ავრცელებს. 

სიდნეის უნივერსიტეტის პროფესორების განცხადებით, დროის ეს პერიოდი პლასტმასის დაშლის ყველაზე სწრაფი მაჩვენებელია. კვლევითი ჯგუფი ორი ტიპის ობს ამუშავებს, სახელწოდებებით Aspergillus terreus და Engyodontium album. ისინი მცენარეებსა და ნიადაგში გვხვდება.

„ეს არის მსოფლიო სამეცნიერო ლიტერატურაში დაფიქსირებული ყველაზე მაღალი დეგრადაციის მაჩვენებელი. იმედი გვაქვს, შედეგი მოსალოდნელი ეკოლოგიური ზიანის დაძლევაში დაგვეხმარება”, – აცხადებენ მკვლევრები.

პლასტმასის დიდი ნაწილი ოკეანეებსა და ნაგავსაყრელებზე გვხვდება. დღეისათვის მათი მხოლოდ 5%-ის გადამუშავება ხერხდება. დარჩენილი 95%, რომელთა გახრწნას, ჩვეულებრივ მდგომარეობაში, ასწლეულები სჭირდება, მსოფლიოს ერთ-ერთი ყველაზე საშიში დამაბინძურებელია. კოლუმბიის კლიმატის სკოლის თანახმად, პლასტმასის გადამუშავება ნარჩენების ინდუსტრიაში ჯერჯერობით მთავარ გამოწვევად რჩება.

ავსტრალიური მედიის ცნობით, სიდნეის უნივერსიტეტის მეცნიერები ობის ეფექტიანობასა და გადამამუშავებელი მიზნებით გამოყენების შესაძლებლობას კვლავ ამოწმებენ. კვლევის პროცესს მომდევნო 3-5 წელი კვლავ დასჭირდება.

ანალიტიკოსთა და მეცნიერთა დარბაზი – ,,დოქტრინა

სრულად ნახვა
ბიოლოგიაეს საინტერესოამედიცინა

მეცნიერები: ორგანიზმის ტოქსინებისგან გასაწმენდად სპეციალური დიეტა საჭირო არაა

2.1K views on

ორგანიზმი სხვადასხვა ტოქსინით ივსება. თუმცა, მეცნიერთა ჯგუფი აცხადებენ, რომ დეტოქსიკაციისთვის სპეციალური ზომების მიღება საჭირო არაა.

,,უკვე ყველაფრით გაქვთ, რაც  დეტოქსიკაციას ახორციელებს და ეს არის თქვენი ღვიძლი და თირკმელები,” – აცხადებს ჯორჯთაუნის უნივერსიტეტის მედიცინის სკოლის ოჯახის ექიმი – რენიტ მიშორი.

ტოქსინების გამანადგურებელი ეს ორი ორგანო სუპერეფექტურად მოქმედი ფილტრებია იმ მავნე ნივთიერებების გამოსადევნად, რომელიც ჩვენს ორგანიზმში საჭმლის თუ სასმლის მიღების შედეგად გროვდება.

,,აი, როგორ მუშაობენ ისინი: თირკმელები ჩვენს სისხლს ფილტრავს და საკვებისგან ნარჩენებს გამოდევნის, ღვიძლი კი ორგანიზმს ქიმიკალებისგან წმენდს. ეს ორი ორგანო ჩვენს სხეულს თვითგაწმენდის უნარის მქონე ორგანიზმად აქცევს,“ – აცხადებს მიშორი, რომელიც ამ საკითხზე წლებია მუშაობს.

დეტოქსიკაციის პირველი რეცეპტი – ,,The Master Cleanse-ი” – 1940 წელს სტენლი ბუროუსმა შექმნა და ის კუჭის წყლულისგან გათავისუფლების ბუნებრივ გზას გვთავაზობს.

მან გამოაქვეყნა წიგნი, სადაც მოცემულია გაწმენდის დღიური რეჟიმები, რომელიც მოიცავს 6-12 ჭიქა წყალში შერეულ ლიმონის წვენს, კაიენის წიწაკას და ნეკერჩხლის სიროფს, ასევე საფაღარათო საშულებას ძილის დროს.

2004 წელს გამოცემული წიგნის – ,,დაიკელი წონაში, გახდი უფრო ენერგიული და ბედნიერი 10 დღეში” – ავტორი პიტერ გლიკმენი აცხადებს, რომ ორგანიზმის გაწმენდის საუკეთესო გზა 6-დღიანი შიმშილია. ბუროუსსა და გლიკმანს არაერთი მიმდევარი ჰყავთ, რომლებიც ორგანიზმის დეტოქსიკაციის საუკეთესო საშუალებად შიმშილს ან საკვების ნაცვლად სხვადასხვა ხილის წვენის მიღებას მიიჩნევენ.

რენიტ მიშორი კიი აცხადებს, რომ გაწმენდის ამგვარი საშუალებები საკმაოდ ძვირი ჯდება და მხოლოდ „ჩვენს ჯიბეს წმენდს და არა ორგანიზმს.“

როდესაც ხილს ან ბოსტნეულს წვენად აქცევთ, თქვენ მას აცლით სასარგებლო ბოჭკოს და უტოვებთ მხოლოდ დიდი რაოდენობით ბუნებრივ შაქარს.

მაღალი შაქრისა და დაბალი პროტეინის, დაბალი ბოჭკოვანი დიეტის შედეგები დაუყოვნებლივ დგება: თქვენ მუდმივად მშიერი ხართ, რადგან არ ხდება ორგანიზმის შევსება ბოჭკოთი.

იმავდროულად, თქვენს მიერ მიღებული შაქარი ზრდის სისხლში შაქრის დონეს, მაგრამ მისი სტაბილიზაციისთვის არ არის პროტეინი.  გრძელვადიანი ეფექტი უფრო მკაცრია: პროტეინის ნაკლებობა ცხიმზე მეტად კუნთებს დაგაკარგვინებთ, ვინაიდან პროტეინი კუნთებს ენერგიით კვებავს.

New York City-ის კლინიკის კვებასთან დაკავშირებული გართულებების სერვისის დირექტორი დები უესტერლინგი აცხადებს, რომ ხშირია გართულებები ისეთ პაციენტებში, რომლებიც ხილისა და ბოსტნეულის წვენის დიეტაზე იმყოფებოდნენ.

ასე რომ, თუ მეცნიერთა აღნიშნულ ჯგუფს დავუჯერებთ, ორგანიზმის დეტოქსიკაციისთვის განსაკუთრებული ზომების მიღება საჭირო არაა. მთავარია, ღვიძლი და თირკმელები სათანადოდ ფუნქციონირებდნენ და ტოქსინებისგან გაწმენდა თავისთავად მოხდება.

წყარო: sciencealert.com

ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ბიოლოგიამედიცინა

ხელოვნური სისხლი, რომელიც სისხლის ნებისმიერ ჯგუფთან თავსებადია

1.93K views on

იაპონურ სამედიცინო კოლეჯში შექმნეს ხელოვნური სისხლი, რომელიც ნებისმიერი პაციენტის სისხლთან თავსებადია. გამოგონება შეიძლება ძალიან სასარგებლო იყოს შემთხვევებში, როცა სისხლის დონორის პოვნა ვერ ხერხდება. სამედიცინო ჟურნალ Transfusion-ში გამოქვეყნებული კვლევის თანახმად, ამ ტიპის ხელოვნური სისხლით შესაძლებელი იქნება ისეთი პაციენტების პირველადი და სწრაფი დახმარება, რომელთა სისხლის ჯგუფი, დახმარების საჭიროების მომენტისთვის, დადგენილი არ არის.

ხელოვნური სისხლი შეიცავს თრომბოციტებსა და ერითროციტებს და მისი უსაფრთხოდ შენახვა შესაძლებელია ოთახის ტემპერატურაზე, ერთ წელზე მეტი ხნის განმავლობაში. ხელოვნური სისხლის თრომბოციტები, ისევე, როგორც ნამდვილ სისხლში, უზრუნველყოფენ სისხლის შედედებასა და გათხელებას, ერითროციტები კი უზრუნველყოფენ ორგანიზმში ჟანგბადის მიწოდებას. ამ ეტაპზე, ხელოვნური სისხლი კურდღლებზე გამოსცადეს და მან ეფექტურად იმუშავა.

„რთული იქნებოდა საკმარისი რაოდენობის ხელოვნური სისხლის წარმოება და მისი მიწოდება სხვადასხვა ქვეყანაში. უფრო ვფიქრობთ, რომ ხელოვნური სისხლის გამოყენება შეგვიძლია ისეთი ადამიანების შემთხვევაში, რომლებსაც მისი გამოყენების გარეშე ვერ გადავარჩენთ“, – ამბობს მანაბუ კინოშიტა, იაპონიის National Defense Medical College-ის ასოცირებული პროფესორი.

 

ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიოლოგიაეს საინტერესოაკვლევებიმედიცინასაქართველო

ექსპერიმენტალური ინსტიტუტი სოხუმში, რომლის ანალოგიც მსოფლიოში ერთადერთი იყო

3.63K views on

საბჭოთა კავშირში აქტიურად ცდილობდნენ, ადამიანისთვის სიცოცხლის გახანგრძლივების ფორმულისათვის მიეგნოთ. როგორც ცნობილია, სისხლის გადასხმის გარდა (ახალგაზრდის სისხლი ხანდაზმულს), პოპულარული იყო ექსპერიმენტები მაიმუნებზეც. სწორედ ამიტომ – ცნობილი ქირურგის – სერგეი ვორონოვის თაოსნობით,  1927 წელს სოხუმის მაიმუნების საშენი დაარსდა. აქ, ექსპერიმენტების ჩატარების გზით, ადამიანის დაავადებები უნდა შეესწავლათ.

1927 წლის 24 აგვისტოს ხომალდმა „პესტელმა“ გვინეაში შეძენილი ანუბისი და შიმპანზე ბათუმიდან სოხუმში ჩაიყვანა. საშენის ბაზაზე, 1958 წელს შეიქმნა საერთაშორისო მნიშვნელობის ლაბორატორია, სადაც ონკოლოგიური დაავადების წინააღმდეგ ექსპერიმენტები ტარდებოდა. იმ დროს 100-მდე მაიმუნი ჰყოლიათ, რომლებსაც ჯერ დააავადებდნენ, შემდეგ საწინააღმდეგო აცრებს უკეთებდნენ.

საშენი რამდენიმე მიმართულებით იყო დატვირთული – აქ არსებობდა ექსპერიმენტალური თერაპიისა და პათოლოგიის ინსტიტუტი, სადაც ცდები არა მხოლოდ მაიმუნებზე, არამედ – ბოცვერებზე, ვირთხებზე, ზღვის გოჭებზე, კურდღლებზე, თაგვებზე მიდიოდა. აქ მოლეკელუურ, ბიოლოგიურ და გენეტიკურ დონეზე შეისწავლიდნენ ცოცხალ ორგანიზმებს, მათ პათოლოგიებსა და მათ გამომწვევ მიზეზებს. აქტუალური მიმართულებები იყო ვირუსოლოგია, რადიოლოგია.

უნდა ითქვას, რომ – როგორც ცნობილია, მსგავსი ტიპის კვლევითი ინსტიტუტი იმ დროისათვის მხოლოდ ამერიკაში – სან-ფრანცისკოში იყო და მეორე – საბჭოთა კავშირში – სოხუმში.

ერთ-ერთი ვერსიით, აქ პროექტიც კი მიმდინარეობდა –  ეგრეთ წოდებული, „ჩო 01“, რაც რუსული აბრევიატურაა და ნიშნავს ადამიანის მსგავს მაიმუნს.   როგორც ირკვევა, სტალინი დაჰყვა ბიოლოგ იაკობ კრასინსკის მიერ მოფიქრებულ და თეორიულად ჩამოყალიბებული იდეას, ეგრეთ წოდებული ძლიერი მუშა-მებრძოლის ტიპის შექმნის შესახებ. მარტივად რომ ვთქვათ, კრასინსკი  ადამიანისა და ადამიანის მსგავსი მაიმუნის ერთმანეთთან შეჯვარების საექსპერიმენტო სამუშაოებს ატარებდა, რათა ისეთი არსება ,,გამოეძერწათ”,  რომელიც დაუღალავად იშრომებდა მრავალი საათის განმავლობაში, უშიშრად შეებრძოლებოდა მტერს და, რაც მთავარია, უსიტყვოდ დაემორჩილებოდა ნებისმიერ ბრძანებას.

მაიმუნების „პიტომნიკში“  ამ პროექტმა მხოლოდ ერთ წელს იარსება, შემდეგ კი – კრასინსკი თაღლითობის გამო დახვრიტეს კიდეც.

შეიარაღებული კონფლიქტის დროს 1992-1993 წლებში მაიმუნების საშენი ნაწილობრივ განადგურდა. ცხოველების უმრავლესობა დაიღუპა. მოგვიანებით – საშენი აღადგინეს და ახლა იქ მეცნიერული კვლევითი ცენტრი მუშაობს.

გამოყენებული ლიტერატურა:

    1. თარხან-მოურავი, გიორგი. ,,ჯიხვთა, მაიმუნ-ადამიანი, ბურჟუაზიული ცრუმეცნიერებები და სხვა” (გვ.77),   წიგნში – ,,საბჭოთა ხანის სამეცნიერო ექსპერიმენტები”.
    2. ლაშაური, ნიკა. რატომ გაიხსნა მაიმუნების საშენი უშუალოდ ბერიას თაოსნობით სოხუმში. ჟურნალი ,,თბილისელები” #47.
    3. სოხუმის მაიმუნების საშენი – სასიკვდილოდ განწირული ცხოველები, www.livepress.ge (28.07.2018)

ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიოლოგიაკვლევებიმედიცინა

შესაძლებელია თუ არა დაბერების შეჩერება?

973 views on

დაბერებასთან ერთად ჩვენს ორგანიზმში ბევრი ცვლილება ხდება, ვსუსტდებით, თმა გვითეთრდება, კანი გვინაოჭდება, დაავადებების მიმართ უფრო დაუცველი ვხდებით და შესაძლოა, შემეცნებითი უნარებიც დაგვიქვეითდეს.

დაბერება, ზოგადად, ცხოვრების გარდაუვალ ნაწილად ითვლება, მაგრამ, შეიძლება თუ არადაბერების შეჩერება? ამ კითხვას რამდენიმე ექსპერტმა გასცა პასუხი.

რა არის დაბერება?

ყველა ცოცხალი ორგანიზმი უჯრედებისგან შედგება. მეცნიერები უჯრედებს, მათი შესწავლის მიზნით, ხშირად ლაბორატორიებში ზრდიან.

უჯრედულ დონეზე არსებობს დაბერების და სიბერის მრავალი მიზეზი. ეს მოიცავს ოქსიდაციურ დაზიანებას, დნმ-ში მცირე შეცდომების დაგროვებას და ტელომერებისშემცირებას. არსებითად, უჯრედის სხვადასხვა კომპონენტი განიცდის ზოგად ცვეთას უჯრედის მთელი ცხოვრების განმავლობაში. გარკვეულ მომენტში, ეს დაზიანება ნიშნავს, რომ უჯრედს აღარ შეუძლია ფუნქციონირება ისე, როგორც ადრე.

შეგვიძლია, თუ არა უჯრედებში დაბერება შევაჩეროთ?

ზოგიერთ უჯრედს შეუძლია განუსაზღვრელი ვადით გამრავლება. ეს ჩვეულებრივ არის კიბოს უჯრედები ან გენმოდიფიცირებული უჯრედები. უჯრედებში გარკვეული გზების შეცვლით, როგორიცაა მათი გამრავლების ან ტელომერების შენარჩუნება, ჩვენ შეგვიძლია დავძლიოთ დაბერების ნორმალური პროცესი.

ამიტომ დაბერება შეიძლება შეფერხდეს უჯრედებში და ეს ჩვეულებრივ კეთდება კვლევის ფარგლებში. თუმცა მნიშვნელოვანია, რომ ეს უჯრედები არ არის ის ჯანმრთელი უჯრედები, რომლებსაც ნახავთ ადამიანის სხეულში.

შეიძლება შეფერხდეს დაბერება ადამიანებში?

ევროპული ბიოინფორმატიკის ინსტიტუტის დაბერების ექსპერტი პროფესორი ჯანეტ თორნტონი ხაზს უსვამს იმას, რომ ადამიანებში მუტაციების განხორციელება არაეთიკურია და იმდენი ურთიერთსაწინააღმდეგო ძალაა, რომ ძნელია გავლენის შეფასება. ლაბორატორიაში, ჭიების სიცოცხლის ხანგრძლივობა შეიძლება 10-ჯერ გაიზარდოს; ბუზებსა და თაგვებში, სიცოცხლის ხანგრძლივობა მაქსიმუმ მხოლოდ 1.5-ჯერ შეიძლება გაიზარდოს, მაგრამდაბერების ეკვივალენტური ზომა ადამიანებში უცნობია. ადამიანის სხეულის სისტემა კომპლექსურია მრავალი ურთიერთკავშირით და ბუფერიზაციით, ამიტომ ასეთი გახანგრძლივება, შეიძლება, მიუწვდომელი იყოს. “

ამ გართულებების მიუხედავად, არსებობს რამდენიმე პრეპარატი, რომლებიც გადიან კლინიკურ კვლევებს იმის დასადგენად, შეუძლიათ თუ არა მათ დაბერების შეჩერება.

გრონინგენის უნივერსიტეტის წარმომადგენელი დოქტორი მარკო დემარია აცხადებს, რომ ”ჩვენ გვაქვს რამდენიმე ჩარევა, რომლებიც აშკარად აისახება დაბერების დაწყებაზე და პროგრესირებაზე (კვების რეჟიმი და ვარჯიში ამ სიის სათავეში არიან). კვების რეჟიმი და ვარჯიშის გაუმჯობესებას  დაბერების შესაჩერებლად უამრავი ექსპერტი გვირჩევს. ადამიანები, რომლებიც რეგულარულად ვარჯიშობენ და ცხოვრების ჯანსაღი წესით ცხოვრობენ, ჩვეულებრივ, ასაკის მატებასთან ერთად, უფრო მოძრავები არიან და ცხოვრების უფრო მაღალი ხარისხით სარგებლობენ.

დასკვნა :

მიუხედავად იმისა, რომ დაბერება ჯერ კიდევ გარდაუვალია ყველა ცოცხალი არსებისთვის, მისი შეჩერება უჯრედებსა და ცხოველებში შესაძლებელია ექსპერიმენტის დონეზე. ჩვენთვის, ადამიანებისთვის, დაბერების შეფერხების საუკეთესო გზა არის დაბალანსებული კვება და რეგულარული ვარჯიში.

წყარო : sciencealert.co

მასალა მოამზადა : თამარ ტაბატაძემ 

ანალიტიკოსთა და მეცნიერთა დარბაზი ,,დოქტრინა

სრულად ნახვა
ბიოლოგიაეს საინტერესოაკვლევები

ახალი ინფორმაციის დამახსოვრების უნარი კარგ ძილთანაა დაკავშირებული

3.45K views on

ის, რომ კარგი ძილი აუცილებელია – არახალი ძველია. როგორც მეცნიერების ახალი ექსპერიმენტი იუწყება, ახალი ინფორმაციის დამახსოვრების უნარი კარგ ძილთანაა დაკავშირებული. ეს კი იმას ნიშნავს, რომ მეხსიერების გაუმჯობესებაც საკმაოდ მარტივად იქნება შესაძლებელი – მათ ვისაც კარგად და მშვიდად სძინავთ, უკეთესი მეხსიერება აქვთ.

დიდი ბრიტანეთში, იორკის უნივერსიტეტში, სამეცნიერო ექსპერიმენტის დროს, ადამიანები ზედსართავებსა და მასთან დაკავშირებულ ასოციაციებს წარმოთქვამდნენ. ამის შემდეგ – ექსპერიმენტის მონაწილეებს იგივე ზედსართავები ძილის დროს გაუმეორეს. ელექტროენცეფალოგრამის მონაცემებით კი, მეცნიერებმა დაასკვნეს, რომ ახალი ინფორმაციის დამახსოვრების უნარი ძილთანაა დაკავშირებული.

წყარო: Current Biology

ანალიტიკოსთა და მეცნიერთა დარბაზი ,,დოქტრინა“

სრულად ნახვა
1 … 3 4 5 6 7 … 14
Page 5 of 14