close

ბიზნესი

ბიზნესიკომუნიკაციატექნოლოგიები

,,Apple-ი” წელს 3 ახალ სმარტფონს გამოუშვებს

1.61K views on

,,Apple-ი” წელს 3 ახალი სმარტფონის, მათ შორის –  ყველაზე დიდი iPhone-ს გამოშვებას გეგმავს. მართალია, ამის შესახებ  ოფიციალური განცხადება არ გაუკეთებიათ, მაგრამ მსხვილი მედიასაშუალებები სანდრო წყაროებზე  დაყრდნობით საუბრობენ.

ამავე წყაროების ინფორმაციით, ახალ სმარტფონებს შორის iPhone X-ის განახლებული ვერსიაც იქნება.

ახალ სმარტფონს, სავარაუდოდ, Face ID-ი ექნება.  რაც საინტერესოა – იგეგმება 2-სიმიანი მობილური ტელეფონის გამოშვება.

სავარაუდოდ, ახალი სმარტფონების პრეზენტაცია ტრადიციულად შემოდგომაზე შედგება.

 

წყარო:  Bloomberg

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ბიზნესიკვლევებიმსოფლიოსაქართველო

ქართველი ენათმეცნიერის ბრიტანული წარმატება

1.4K views on

ქართული ენათმეცნიერება მეცნიერების ერთ-ერთი საინტერესო და მრავალფეროვანი დარგია, რომელიც სათავეს შორეულ წარსულში იღებს. თუ გავითვალისწინებთ იმას, რომ ეს დარგი შეისწავლის კონკრეტული ენის აგებულებასა და მის ფუნქციონირებას, მაშინ შეიძლება დავასკვნათ,  რამდენად მრავალფეროვანი და განვითარებულია ქართული ენათმეცნიერება. ჩვენი მშობლიური ენა ხომ ერთერთი უძველესია მსოფლიოში.

ენათმეცნიერება ვითარდება და ნელნელა წინ მიიწევს. ქართული ენით დაინტერესება გასცდა საქართველოს საზღვრებს და ახლა ბევრ ქვეყანაში მუშაობენ კვლევით ლაბორატორიებში ჩვენი მშობლიური ენის სიღრმეების შესწავლაზე.

ამ საქმეში დიდი წვლილი მიუძღვის ახალგაზრდა ქართველ ენათმეცნიერს – სოფია დარასელიას, რომელიც  უკვე წლებია დიდ ბრიტანეთში, ლიდსის უნივერსიტეტში მოღვაწეობს და მნიშვნელოვან კვლევებს ატარებს წამყვან მეცნიერებთან ერთად.

ყველაფერი 2012 წელს დაიწყო , როდესაც სოფიამ ივანე ჯავახიშვილის სახელმწიფო უნივერსიტეტში სადოქტორო თემა დაიცვა თემაზე „ქართულ-ევროპული ტიპის სასწავლო ლექსიკოგრაფია“ და დაამუშავა ქართულ ენათმეცნიერებაში მიმდინარე სიახლეები და უახლესი გამოცემები .

ბრიტანელი ლინგვისტების მიწვევით სოფიამ თავდაპირველად მუშაობა დაიწყო ლიდსის უნივერსიტეტში მოწვეულ მეცნიერად, თუმცა შემდეგ – დაუღალავი შრომითა და თავისი ნიჭით დიდ წარმატებას მიაღწია.

დღეს სოფია ლიდსის უნივერსიტეტის ქართველოლოგიური კვლევის ცენტრს ხელმძღვანელობს და თავისი საქმიანობით აცნობს უცხოელ კოლეგებს ქართული ენის უნიკალურობას და მრავალფეროვნებას.

გარდა ამისა, იგი ხელმძღვანელობს ლიდსის უნივერსიტეტის სამეცნიერო ჟურნალს დოქტორ დიანე ნელსონთან ერთად (Leeds Working Papers in Linguistics and Phonetics). მიმდინარე წელს იგეგმება ქართველოლოგიური ნაშრომების მიღება ამ ჟურნალში დასაბეჭდად.

წარმატებული ახალგაზრდა ენათმეცნიერი განვლილ გზასა და უცხოურ ინტერგაციაზე გვიამბობს:

-ყველაფერი დაიწყო მაშინ, როდესაც სადოქტორო თემა აირჩიეთ. როგორ შეარჩიეთ ეს თემა, რამ განაპირობა თქვენი  დაინტერესება ამ თემით ?

-ასე კონკრეტული მომენტი არ ყოფილა, რომელმაც გადამაწყვეტინა საკვლევი თემის არჩევა. სადოქტორო კვლევამდე სხვადასხვა ეტაპი უნდა გაირო და ამ პერიოდის განმავლობაში ეტაპობრივად  გამოიკვეთა ინტერესის სფერო.

ვეცდები ძალიან მარტივი ენით ავხსნა თუ რას მოიცავდა აღნიშნული კვლევა. „ქართულ-ევროპული სასწავლო ლექსიკონის შედგენა კორპუსული მეთოდების გამოყენებით“ გულისხმობდა ყველაზე ხშირად გამოყენებული თანამედროვე  ქართული ენის ლექსიკის განსაზღვრას. ამ მიზნით შეიქმნა თანამედროვე ქართული ენის ვრცელი ვებკორპუსი – KaWaC (Ka=Kartvelia და WaC=Web as a Corpus), რომელიც მოიცავს 280 მილიონზე მეტ სიტყვას და განთავსათებულია ლიდსის უნივერსიტეტის ვებსაიტზე.

-ენათმეცნიერება, როდიდან დაინტერესდით მეცნიერების ამ სახეობით და რამ განსაზღვრა ეს დაინტერესება?

-სადოქტორო კორპუსულმა კვლევამ განაპირობა ჩემი გადასვლა ლექსიკოგრაფიიდან კორპუსის ლინგვისტიკასა და კომპიუტერულ ლინგვისტიკაში.

–ლიდსის უნივერსიტეტში ქართველოლოგიური მიმართულებით მნიშვნელოვან კვლევებს ახორციელებთ. გზა, რომელიც გაიარეთ თსუ-დან ამ უნივერსიტეტამდე და რომ აგვიღწეროთ თქვენი საქმიანობა, კონკრეტულად რას საქმიანობთ ამჟამად?

-ლიდსის უნივერსიტეტში პირველი ჩემი საქმიანობა დაიწყო მოწვეული მეცნიერის სტატუსით და თანამედროვე ქართული ენის კორპუსის პროექტით, რომელიც სწორედ ამ სამეცნიერო ვიზიტის ფარგლებში შეიქმნა. შემდეგ კი მივიღე შემოთავაზება სადოქტორო პროექტზე.

ამჟამად არაერთ პროექტზე ვმუშაობ ლიდსის უნივერსიტეტში. ვეცდები მოკლედ აღვწერო რამდენიმე მნიშვნელოვანი პროექტი. ჩემი სადოქტორო კვლევაა „ქართული ენის მორფოსინტაქსური კატეგორიების კომპიუტერულ ანალიზი“. კერძოდ, კომპიუტერული ანალიზი მოიცავს ორ კონკრეტულ საკითხს: 1) ტეგსეტების სისტემის შექმნას და 2) ტეგირების პროგრამის შექმნას.

გარდა ამისა, ვხელმძღვანელობ ქართველური და კავკასიური ენების კვლევის ცენტრს, რომელიც როგორც ეს ცენტრის ვებგვერდზეა მითითებული, ამ ეტაპზე მხოლოდ ქართველოლოგიური კვლევებით შემოიფარგლება. აღნიშნული ცენტრი ატარებს ყოველკვირეულ ქართველოლოგიურ ლექცია-სემინარებს, რომელსაც ლიდსის უნივერსიტეტის ენათმეცნიერებთან ერთად მოწვეული ქართველი ენათმეცნიერები კითხულობენ. ქართველოლოგიური ცენტრის ორგანიზებით იმართება ყოველწლიური საერთაშორისო ვორკშოპი „კომპიუტერული მიდგომები მორფოლოგიურად მდიდარი ენებისათვის“ (CAMRL2017, რომლის ინტერესების სფეროს წარმოადგენს ქართველური ენები. ვორკშოპის ვებსაიტი ხელმისაწვდომია ამ მისამართზე: https://camrl.leeds.ac.uk/ . წელს ეს ვორკშოპი (CAMRL2018) ჩატარდება 2018 წლის 3 ივლისს.

სამეცნიერო საქმიანობების გარდა აქტიურად ვარ ჩართული ლიდსის უნივერსიტეტის სასწავლო პროცესში. კერძოდ, ბაკალავრის საფეხურზე ვასწავლი ლინგვისტიკის ორ მოდულს.

-უცხოეთში ძალიან წარმატებული ხართ. რამდენად რთული იყო ქართველი გოგონასთვის უცხოური მწვერვალების დაპყრობა და სამშობლოდან  ასე შორს სამეცნიერო კუთხით თავის დამკვიდრება ?

-ბრიტანულ ლინგვისტურ სივრცეში ინტეგრაცია ადვილი ნამდვილად არ არის. ამ კუთხით ყველაზე მნიშვნელოვანია არამარტო დაგროვილი ცოდნა და გამოცდილება, არამედ მზაობა ახალი ცოდნის მისაღებად. ასევე, არ შეიძლება არ აღინიშნოს აქაური უშუალო და მეგობრული დამოკიდებულება.

-თქვენი აზრით, რამდენად არის ენათმეცნიერების  სფერო განვითარებული საქართველოში და რა უნდა გაკეთდეს ამის ხელშესაწყობად?

-ბევრი კვლევა ტარდება, კორპუსული ლინგვისტიკის კუთხითაც კი, თუმცა არსებული კველვების მასშტაბი საკმარისი არ არის. საჭიროა, მეტი კვლევები კორპუსული და კომპიუტერული ლინგვისტიკის მიმართულებით და განსაკუთრებით ახალგაზრდა ენათმეცნიერების ჩართვა ამგვარ პროექტებში.

-როგორია თქვენი სამომავლო გეგმები. აპირებთ თუ არა სამშობლოში დაბრუნებას ?

რასაკვირველია. ძალიან აქტიური თანამშრომლობა მაქვს ქართველ კოლეგებთან. ჩართული ვარ სასწავლო პროცესშიც კი. კერძოდ, თსუ-ში დისტანციურად ვასწავლი ლექსიკოგრაფიის სამაგისტრო პროგრამაზე საგანს „შესავალი კორპუსის ლინგვისტიკასა და კორპუსზე დაფუძნებულ ლექსიკოგრაფიაში“ (Introduction to Corpus Linguistics and Corpus-based Lexicography). 2018 წლის შემოდგომის სემესტრიდან კი იგეგმება დამატებით ახალი საგნის  „ზოგადი ენათმეცნიერების“ (General Linguistics – Understanding Language) შემოღება აღნიშნულ სამაგისტრო პროგრამაზე.

 

მასალა მოამზადა:  ანა ურუშაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

 

სრულად ნახვა
ბიზნესიგანათლებასაქართველო

ბულგარეთის საელჩო ქართველი ახალგაზრდებისთვის ესეების კონკურსს აცხადებს

1.74K views on

ბულგარეთის რესპუბლიკის საელჩო საქართველოში, ბულგარეთის ევროკავშირის საბჭოს თავმჯდომარეობასთან მიმართებით, ქართველი ახალგაზრდებისთვის ესეების კონკურსს აცხადებს. ამის შესახებ ინფორმაციას საგარეო საქმეთა სამინისტრო ავრცელებს.

ესეების კონკურსი ეძღვნება თემას – ,,ვროკავშრი 2030 წელს“ (The EU in 2030). მასში მონაწილეობის მიღება შეუძლიათ 18-დან 25 წლამდე ახალგაზრდებს, რომლებიც დაინტერესებულები არიან ევროკავშირის თემატიკით და ორგანიზაციის სამომავლო პოლიტიკით.

ნაშრომი 3-5 გვერდს არ უნდა აღემატებოდეს და შესრულებული უნდა იყოს ინგლისურ ენაზე. კონკურსის გამარჯვებულს გამოავლენს სპეციალურად ღონისძიებისთვის შექმნილი კომისია. გამარჯვებული გამოცხადდება 2018 წლის აპრილში და იგი დაჯილდოვდება 4-დღიანი ტურით ბულგარეთში.

ტურის ფარგლებში მას საშუალება ექნება შეხვდეს შესაბამის პარტნიორებს, უკეთ გაეცნოს ბულგარეთის კულტურას, ისტორიას და მიიღოს ინფორმაცია ბულგარეთის ევროკავშირის საბჭოში პირველი თავმჯდომარეობის ფარგლებში ბულგარეთის პრიორიტეტებისა და აქტივობების შესახებ.

კონკურსის ოფიციალურად გახსნის ცერემონია 23 თებერვალს 15:00 საათზე საქართველოში ბულგარეთის რესპუბლიკის საელჩოში გაიმართება.

ღონისძებაში მონაწილეობას მიიღებენ საქართველოს საგარეო საქმეთა მინისტრის მოადგილე  – ვახტანგ მახარობლიშვილი და ბულგარეთის რესპუბლიკის საგანგებო და სრულუფლებიანი ელჩი საქართველოში მისი დესისლავა ივანოვა.

კონკურსში მონაწილეობის მსურველებს ნაშრომების გაგზავნა შეუძლიათ ელექტრონული ფოსტის შემდეგ მისამართზე: embassy.tbilisi@mfa.bg ასლი კი: christiana.christova@mfa.bg-ზე.

ნაშრომების მიღების ბოლო ვადა არის 2018 წლის 30 მარტი.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიმსოფლიო

რა უნდა გავაკეთოთ იმისთვის, რომ მომხმარებლის ინტერესები გამოვიცნოთ

2.07K views on

როდესაც საქმე ეხება მომხმარებლის და კომპანიის ურთიერთობას, აუცილებელია გავითვალისწინოთ მომხმარებლების მოთხოვნები და ინტერესები.

ბევრი შემთხვევა ყოფილა, როდესაც მომხმარებლის იმედი ვერ გაამართლა კომპანიამ და მათთვის მისაღები პროდუქტები არ იყო ხელმისაწვდომი, თუ გსურთ თქვენი გაყიდვების რაოდენობა გაიზარდოს, თქვენივე კლიენტურის ,,მოთაფლვაა” საჭირო ანუ თქვენ უნდა უზრუნველყოთ მომხმარებლის მიეr მოთხოვნილი პროდუქტები თქვენი კომპანიის მიერ შეთავაზებული მომსახურებების ფარგლებში.

ექსპერტების აზრით, ვაჭრობის სფეროს ლიდერები ისეთი კომპანიები ან სავაჭრო ცენტრები არიან, სადაც ერთდროულადაა თავმოყრილი მომხმარებლისთვის საჭირო ყველა რესურსი.

 

წყარო: Entrepreneur.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიეს საინტერესოაფსიქოლოგია

ინტროვერტული ადამიანები – მათი რაოდენობა და დახასიათება

2.11K views on

ინტროვერტულობა ნიშნავს იყო ჩაფლული საკუთარ ფიქრებში, არ გაინტერესებდეს გარშემო მომხდარი, ძირითადად – ასეთ ადამიანებს უჭირთ  საზოგადოებასთან ურთიერთობა, ისინი ამჯობინებენ განცალკევებას და საკუთარ ფიქრებსა და მიზნებში ჩაფლობას.

,,Enterpreneur.com–მა” გამოაქვეყნა სტატია, სადაც ნათქვამია, რომ ინტროვერტები საზოგადოების 50%-ს შეადგენენ, ისინი დასაფასებელი ლიდერები და ინოვატორებიც კი არიან. მიზეზი, თუ რატომ არიან უკეთესები ამა თუ იმ საქმეში, არის ის, რომ მათ ურჩევნიათ დამოუკიდებლად მუშაობა, მეტი ფიქრის დრო რჩებათ და, შესაბამისად, უფრო ინოვაციურები და კრეატიულებიც არიან.

ინტროვერტებისთვის მიუღებელია ჯგუფური სამუშაოები, არა იმიტომ, რომ არ შეუძლიათ, არამედ არაკომფორტულად გრძნობენ თავს, რაც ხელს უშლის მათ იყვნენ უფრო პროდუქტიულები.

 

წყარო: Entrepreneur.com

მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიეს საინტერესოა

მსოფლიოს 5 მოწინავე აფროამერიკელი მილიარდელი 2018 წელს

1.51K views on

ბილ გეითსი, ბაფეტი, ჯეფ ბეზოსი შესაძლოა მსოფლიოს ყველაზე მდიდარი ადამიანები არიან, მაგრამ არსებობენ სხვა მილიარდელებიც.
,,ფორბსის” ოფიციალური ცნობით, მსოფლიოს უმდიდრესი ადამიანებიდან მხოლოდ 1%-ია აფროამერიკელი.
საკმაოდ საინტერესო სტატისტიკაა. ,,ფორბსის” ვებსაიტმა მკითხველს შესთავაზა იმ 10 ყველაზე მდიდარი აფროამერიკელ ადამიანთა სია, რომლებიც 1%-ში შედიან:
1. ალიკო დანგოტე–$13.8 მილიარდი
2. მუჰამედ ალ–ამოუდი–$10.8 მილიარდი
3. მაიკ ადენუგა–$5.4 მილიარდი
4. რობერტ სმიტი–$4.4 მილიარდი
5. ოპრა უინფრი–$2.8 მილიარდი
6. იზაბელ დოს სანტოსი–$2.7 მილიარდი
7. პატრის მოტსეპი–$2.6 მილიარდი
8. მაიკლ ჯორდანი–$1.65 მილიარდი
9. ფოლორუნშო ალაკიჯა–$1.49 მილიარდი
10. მუჰამედ იბრაჰიმი–$1.18 მილიარდი

 

წყარო: Businessinsider.com
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიგამოგონება - ინოვაციადედამიწაეკოლოგიასაქართველო

საქართველოში საბურავების გადამამუშავებელმა კომპანიამ დაიწყო ფუნქციონირება

4.79K views on

პირველად საქართველოში, მეორეული საბურავების გადამამუშავებელმა კომპანიამ დაიწყო ფუნქციონირება, რომელმაც, საბოლოო მონაცემებით, უკვე 250 ტონაზე მეტი საბურავი გადაამუშავა და წარმატებით უწევს კონკურენციას იმპორტულ საქონელსაც. სასარგებლო წამოწყების შესახებ, იდეის ავტორი და კომპანიის დირექტორი, 28 წლის ზურა ბაზღაძე გვიამბობს.

–ზურა, რა პრინციპით ფუნქციონირებს საბურავების გადამამუშავებელი კომპანია (TRC)?

-ამ ეტაპზე, უკვე 250 ტონა საბურავი გვაქვს გადამუშავებული,  რომლის 80% ბუნებაში გადაყრილი საბურავებისგან შედგება. ასევე, გვყავს რამდენიმე კეთილსინდისიერი კონტრაქტორი კომპანია, მათ შორის – 2 უცხოური და 1 ქართული, რომლებიც საკუთარი სურვილით გვაწვდიან საბურავებს გადასამუშავებლად.

–რა პროდუქტის შესაქმნელად იყენებთ უკვე გადამუშავებული საბურავის მასალას?

-მეორეული საბურავების გადამუშავების შედეგად ვიღებთ უმაღლესი ხარისხის SBRკლასიფიკაციის კაუჩუკის გრანულებს, ტექსტილისა და ფოლადის ბოჭკოს. აღსანიშნავია, რომ მიღებულ მასალას აქტიურად ვიყენებთ და უკვე ჩავანაცვლეთ იმპორტული კაუჩუკი. ასევე, გადამუშავებით მიღებული რეზინის გრანულების გამოიყენება მულტიფუნქციური სპორტული მოედნების, სკვერებისა თუ მოდერნიზებული ასფალტის წარმოებისთვისაც, რადგან რეზინის გრანულები და მისი მონოლითური წესით დაგება, საშუალებას გვაძლევს ერთ სივრცეში განვათავსოთ: ფეხბურთის, კალათბურთის, ხელბურთისა და ჩოგბურთის მოედნები.

 გრანულის მონოლითური ტექნოლოგიით დაგებას უპირატესობა აქვს გრანულის ფილებად დაგებასთან. ფილებად დაგებული გრანული ზამთარ-ზაფხულის  ტემპერატურის ცვალებადობის დროს დეფორმაციას განიცდის, მონოლითური მეთოდით დაგებული კი ნებისმიერ ტემპერატურაზე უცვლელია და მისი ექსპლუატაციის ვადა ხანგრძლივია.

–გვიამბეთ კომპანიის დაარსების შესახებ, როდის დაინტერესდით აღნიშნული სფეროთი?

-აღნიშნული სფეროთი  8 წლის წინ, იტალიაში ცხოვრების დროს დავინტერესდი, რადგან სწორედ იქ გავეცანი და შევისწავლე მოდერნიზებული ასფალტის წარმოებისა და საბურავების გადამუშავების ტექნოლოგია. საქართველოს კანონმდებლობით, საბურავები განეკუთვნება სპეციფიკურ ნარჩენს, რომლის გადაყრა, დაწვა და დამარხვა ისჯება კანონმდებლობით. აქედან გამომდინარე, თავი ვალდებულად მივიჩნიე,  ჩვენს ქვეყანაშიც შეგვექმნა საბურავების გადამამუშავებელი კომპანია. კომპანია 5 თვის წინ დავაარსეთ, თუმცა  8 თვის განმავლობაში ვმუშაობდით ,,სტარტაპ საქართველოს“ გუნდთან ერთად, პარალელურად – შევისწავლეთ ნედლეულის მარაგი და დღევანდელ ბაზარზე არსებული სიტუაციაც.

დღეს კომპანიის მიერ წარმოებულ პროდუქტს უკვე მიენიჭა ,,Labosport-ის” სერთიფიკატი, SBR-ის კლასიფიკაცია და აკმაყოფილებს უსაფრთხოების (NF EN 71-3) ევროპულ სტანდარტსაც.

–გვიამბეთ თქვენი კომპანიის სამომავლო გეგმების შესახებ.

სულ მალე ჩვენი კომპანია გეგმავს, საქართველოში არსებული ნედლეულის სრულად ათვისებას და წარმოებული პროდუქციის ექსპორტზე გატანას. ასევე, გვსურს მასალის აქტიურად გამოყენება მულტიფუნქციური მოედნების გასაკეთებლადაც, თუმცა ამისთვის ჯერჯერობით არ არის საკმარისი ხელშეწყობა და ვიმედოვნებთ, რომ ამასაც შევძლებთ. ჩვენი ძალისხმევის მიუხედავად, ურთულეს პრობლემას წარმოადგენს ბუნებაში გადაყრილი საბურავები, გთხოვთ, დაგვეხმაროთ აღნიშნულ პრობლემის მოგვარებაში, ერთად გავაჯანსაღოთ ეკოლოგიური გარემო საქართველოში და ხელი შევუწყოთ ქართულ წარმოებას!

 

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ბიზნესიმსოფლიოსაქართველო

,,Forbes-მა“ საქართველოს ბიზნესსექტორის უმსხვილესი კომპანიები დაასახელა

1.59K views on

,,Forbes-მა“ საქართველოს ბიზნესსექტორის უმსხვილესი კომპანიები დაასახელა.

ბიზნესსექტორის ტოპ-20 საწარმო შემდეგია:

  • შპს ,,ჯორჯიან მანგანეზი“ – საქმიანობა: თუჯის, ფოლადის და ფეროშენადნობების წარმოება’
  • სს ,,ენერგო – პრო ჯორჯია“ – საქმიანობა: ელექტროენერგიის წარმოება ჰიდროელექტროსადგურების მიერ’
  • სს ,,თელასი“ – საქმიანობა: ელექტროენერგიის განაწილება
  • სს ,,ელექტროენერგეტიკული სისტემის კომერციული ოპერატორი“ (ესკო) – საქმიანობა: ელექტროენერგიის განაწილება
  • ,,ენკა ინშაათ ვე სანაი ანონიმ შირქეთის“ ფილიალი საქართველოში – საქმიანობა: გამანაწილებელი საინჟინრო ობიექტების მშენებლობა
  • შპს ,,ტოიოტა კავკასია“ – საქმიანობა: საბითუმო ვაჭრობა ახალი და ნახმარი ავტომობილებით
  • შპს ,,ჯიდიაი“ – საქმიანობა: საბითუმო ვაჭრობა თამბაქოს პროდუქტებით
  • შპს პსპ ,,ფარმა“ – საქმიანობა: საბითუმო ვაჭრობა ფარმაცევტული საქონლით
  • შპს ,,სოკარ ჯორჯია გაზი“ – საქმიანობა: საბითუმო ვაჭრობა ბუნებრივი აირით
  • შპს ,,მაჯიდ ალ ფუტაიმ ჰიპერმარკეტს ჯორჯია“ (კარფური) – საქმიანობა: საცალო ვაჭრობა არასპეციალიზებულ მაღაზიებში, უპირატესად საკვები პროდუქტებით, სასმელებით ან თამბაქოს ნაწარმით
  • შპს ,,სოკარ ჯორჯია პეტროლეუმი“ – საქმიანობა: საცალო ვაჭრობა ბენზინით
  • შპს ,,რომპეტროლ საქართველო“ – საქმიანობა: საცალო ვაჭრობა ბენზინით
  • სს ,,ვისოლ პეტროლიუმ ჯორჯია“ – საქმიანობა: საცალო ვაჭრობა ბენზინით
  • შპს ,,ლუკოილ-ჯორჯია“ – საქმიანობა: საცალო ვაჭრობა ბენზინით
  • სს ,,გეფა“ – საქმიანობა: საცალო ვაჭრობა ფარმაცევტული საქონლით
  • სს ,,საქართველოს რკინიგზა“ – საქმიანობა: რკინიგზის სატვირთო ტრანსპორტი
  • შპს ,,სან პეტროლიუმ ჯორჯია“ – საქმიანობა: საცალო ვაჭრობა ბენზინით
  • შპს ,,მაგთიკომი“ – საქმიანობა: უსადენო ტელესაკომუნიკაციო საქმიანობები
  • შპს ,,ჩემპიონები 111“  (europe-bet) – საქმიანობა: აზარტული თამაშების საქმიანობები
  • შპს ,,სუპერბეთი 2014“ (კრისტალ ბეთი, ლიდერბეთი) – საქმიანობა: აზარტული თამაშების საქმიანობები.

Forbes-მა ეს სია საქსტატის ბრუნვის მაჩვენებლებზე დაყრდნობით შეადგინა.

 

მასალა მოამზადა:  ციცი კიკვაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ბიზნესიეს საინტერესოატექნოლოგიები

,,ეპლმა”მეტი საათი გაყიდა, ვიდრე შვეიცარულმა საათების მწარმოებელმა კომპანიებმა

1.31K views on

ყველამ იცის, რომ „ეპლის“ კომპანიამ გამოუშვა ინოვაციური და მრავალფუნქციური საათი, რომელმაც გაყიდვებით ბევრ, ამ სფეროში დომინანტ კომპანიას გადაასწრო, ამის მიზეზი, მომხმარებლების აზრით, არის მისი მრავალფუნქციურობა, თანამედროვე და ელეგანტური დიზაინი.

ბევრისთვის გასაკვირი აღმოჩნდა, როდესაც გაირკვა, რომ ,,ბიზნეს ინსაიდერის” გამოკვლევით, სხვადასხვა კომპანიას, როგორიც არიც,,სვოჩი“, „როლექსი“, „ომეგა“ ,,ეპლის” საათებმა მათი პროდუქცია, თითქოსდა მეორე პლანზე გადაიტანა.

,,ეპლის” კომპანიის ერთ–ერთმა დირექტორმა განაცხადა, რომ ის პერიოდი, როდესაც მათ საათების გამოშვება დაიწყეს, კომპანიის ისტორიაში ერთ–ერთი ყველაზე წარმატებული იყო, მათ არა მხოლოდ საათებზე ჰქონდათ გათვლა, მაგრამ აღმოჩნდა, რომ საკმაოდ წარმატებულ და მომგებიან საქმიანობას ჩაეყარა საფუძველი.

 

წყარო: Businessinsider.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესი

ვინ არის „კრიპტოსამყაროს მგელი“? – ტინეიჯერი ოჰაიოს შტატიდან

2.26K views on

 როდესაც ედი ზილანმა დაიწყო ვაჭრობა კრიპტოვალუტის მეშვეობით, იგი 15 წლის იყო, ,,ბიზნეს ინსაიდერის” ცნობით, სამი წლის წინ ახალგაზრდა ბიჭს თავისი პროფილის შექმნაც კი არ შეეძლო, რადგან მას ასაკი ხელს არ უწყობდა, მაგრამ მან მოახერხა და ადრეული ასაკიდან ისეთი რამ გააკეთა, რამაც მას დიდი წარმატება მოუტანა.

,,ბიზნეს ინსაიდერმა” ჩაწერა ინტერვიუ ახალგაზრდა მილიონერთან, სადაც მან განაცხადა, რომ როდესაც მან თავისი ფულის დაბანდება დაიწყო, არავინ არ არსებობდა, ვისგანაც მას რაიმეს სწავლა შეეძლო, არ ჰქონდა რესურსი, რომ მიეღო რაიმე რჩევა, თუ როგორ დაეწყო კრიპტოსამყაროში მოღვაწეობა.

მან განაცხადა, რომ როდესაც პირველი $100 ჩადო საქმეში, რამდენიმე საათის შემდეგ აღმოაჩინა, რომ ის უკვე 10$–ით გაზრდილიყო და ეს  მისთვის საკმაოდ დიდი ბიძგი აღმოჩნდა, „ეს სიგიჟე იყო“ – განაცხადა მან.

წყარო: Businessinsider.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 30 31 32 33 34 … 59
Page 32 of 59