ბიზნესი

ტერმინი ,,კარგი ლიდერი” თავის თავში ბევრ რამეს აერთიანებს. კარგი ლიდერის ერთ-ერთი მთავარი განმსაზღვრელია ის, თუ როგორ შეუძლია მას თანამშრომლების მოტივირება და სამსახურში ბედნიერი გარემოს შექმნა, რაც კომპანიის წარმატების წინაპირობაა.

ლიდერებმა ხელი უნდა შეუწყონ თანამშრომლებს, რომ უფრო მკაფიოდ დაინახონ თავიანთი შინაგანი მიზნები, ამის გაკეთება კი მარტივი დიალოგების საშუალებითაა შესაძლებელი.

გთავაზობთ კითხვებს, რომლებიც ლიდერმა თანამშრომლებს უნდა დაუსვას:

1. რისი კეთება გამოგდის სამსახურში ყველაზე კარგად, რა მიმართულებით ხარ უფრო ძლიერი? – ასევე ჰკითხეთ სამუშაოს რომელი აქტივობა მოითხოვს ნაკლებ ძალისხმევას, რატომ ფიქრობს, რომ რაღაც კონკრეტული მიმართულებით არის საუკეთესო – მსგავსი კითხვების დასმის იდეა ისაა, რომ დასაქმებულმა მოახდინოს იდენტიფიცირება თავისი ძალის, უპირატესობის და დაინახოს შესაძლებლობები.
2. რა განიჭებს სიამოვნებას? – ასევე ჰკითხეთ, ჩვეულებრივი სამუშაო კვირის დროს, რის გაკეთებას გეგმავს, რა აქვს კალენდარში ისეთი, რაც ენერგიისა და ძალების მოკრებაში დაეხმარება. ჰკითხეთ, სამსახურის გამო შეზღუდვა რომ არ ჰქონდეს, როგორ დახარჯავდა დროს. მსგავს კითხვებზე პასუხი დაეხმარება ადამიანს, დაინახვოს, რა მოსწონს სამსახურში, ზოგადად, რისგან იღებს ცხოვრებაში სიამოვნებას და რა არის პრიორიტეტი.
3. გაწეული სამუშაოდან რომელი მოგწონს ყველაზე მეტად? – ჰკითხეთ შესრულებული სამუშაოდან, რომლით ამაყობს ყველაზე მეტად, რა არის მისი ცხოვრების პრიორიტეტი და რამდენად ეთავსება სამსახური და ცხოვრებისეული პრიორიტეტები ერთმანეთს. ამ კითხვებზე პასუხი ააშკარავებს, კონკრეტული სამუშაო რამდენად ღირებულია მისთვის.
4. რა უქმნის წინსვლის იმპულსს? – ჰკითხეთ ასევე რა ისწავლა ისეთი, რაც სამომავლოდ გამოადგება სამსახურში წინსვლისთვის და როგორ წარმოუდგენია მომავალი. მსგავსი კითხვების მიზანია, რომ დაანახოთ თანამშრომლებს მომავალი მიზნები და თავად დაინახონ განვითარების პერსპექტივა.
5. როგორ ურთიერთობა გაქვთ ადამიანებთან? – დაინტერესდით რამდენად კომფორტულად გრძნობს თავს კონკრეტულ ადამიანებთან ურთიერთობისას და რამდენად შეუძლია კავშირების დამყარება.

ეს კითხვები ხელს უწყობენ ადამიანებს, რომ დაიფქრდნენ რამდენად მნიშვნელოვანია ადამიანური კავშირები და იზრუნონ ურთიერთობების განვითარებისა და გაღრმავებისთვის.

წყარო : hbr.org

მასალა მოამზადა:  ციცი კიკვაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 მსოფლიოს ფინანსურმა კრიზისმა მთლიანად უარყო საყოველთოდ მიღებული ეკონომიკური თეორიის ორი პუნქტი – რომ ადამიანები, ჩვეულებრივ, რაციონალურ გადაწყვეტილებებს იღებენ და რომ ბაზრის „უხილავი ხელი“ ნებისმიერი დისბალანსის მარეგულირებელი საიმედო მექანიზმის როლს თამაშობს. დროა, უარი ვთქვათ ამგვარ მოსაზრებაზე და ახლებურად მივუდგეთ საკითხს.

ქცევითი ეკონომიკა ეფუძნება ვარაუდს, რომ ადამიანები, ძირითადად, არარაციონალური და კოგნიტური აკვიატებებით მოტივირებული არსებები არიან. ეს ჯერ კიდევ განვითარების სტადიაში მყოფი დისციპლინა სრულიად განსხვავებული კუთხით გვიჩვენებს, რა ფაქტორები ამოძრავებს ადამიანებსა და ორგანიზაციებს.

ექსპერიმენტული მიდგომის დანერგვა საშუალებას მისცემს კომპანიებს, დაინახონ ის სიმართლე, რომელიც საფუძვლად უდევს მათ წარმოდგენებს კლიენტების, თანამშრომლებისა და კორპორაციული პოლიტიკის შესახებ.

წყარო: Harvard business review

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

ადამიანი ძალაუფლებას ფლობს, როდესაც მას საშუალება აქვს, წაართვას ვინმეს ისეთი რამ, რაც ამ უკანასკნელს სჭირდება. ძალაუფლების გამოყენება არის ქცევის ფორმა, რომლითაც სხვებს აიძულებენ, საკუთარი სურვილის საწინააღმდეგოდ იმოქმედონ. ვინმესთვის რაიმეს წართმევის ან არმიცემის საშუალებას ფსიქოლოგები „დასჯას“ უწოდებენ. ადამიანი დასჯად განიცდის სიტუაციას, როდესაც რაიმე მისთვის სასურველს ართმევენ. „თუ არ გააკეთბ იმას, რაც მე მსურს, წაგართმევ იმას, რაც შენ გჭირდება“

ადამიანი ძალაუფლების მეორე წყაროს ფლობს, როდესაც შეუძლია იმას, ვინც მის სურვილებს ემორჩილება, მისცეს ის, რაც მას სჭირდება. „გააკეთებ იმას, რაც მე მსურს, მოგცემ იმას, რაც შენ გჭირდება“. ამ შემთხვევაში, დათანხმება მიღწევაა ჯილდოს მიღების იმედით, ან ჯილდოს დაკარგვის შიშით.

წყარო: Harvard business review

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”