ბიზნესი

,,დოქტრინა” გთავაზობთ რამდენიმე თანამედროვე ტერმინს, რომელიც აუცილებლად გამოგადგებათ დღევანდელ რეალობაში, განსაკუთრებით ბიზნესსა და ტექნოლოგიებში.
კალიბრირება – ადამიანის შინაგანი მდგომარეობის გამომხატველი არავერბალური სიგნალის ამოცნობა და შეფასება.
მიერთება – ურთიერთობის პროცესში პარტნიორის არავერბალური სიგნალების გამეორება მისი ნდომისა და კეთილგანწყობის მოპოვების მიზნით.
სარკისებრი არეკვლა – პარტნიორების ქცევის ასახვა ან მის ქცევაზე უკუკავშირის მიცემა.
რეპრეზენტაციული სისტემა – ადამიანის 5 გრძნობის ორგანო, რომელთა საშუალებითაც ხდება ინფორმაციის მიღება, შენახვა და ქცევის განხორციელებისას შესაბამისი მოგონების აქტივირება.
რეპრეზენტაცია – იდეა, აზრი, სენსორული ან შეფასებითი ინფორმაციის წარმოდგენა.
წყარო: Harvard business review

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

ეკონომიკური აქტიურობა არის ფულადი ნაკადების ცირკულაცია. ერთი სუბიექტის ხარჯები მეორე სუბიექტის შემოსავლის ნაწილია, ხოლო მეორე სუბიექტის ხარჯები – პირველი სუბიექტის შემოსავლისა. ანუ ყველა ინდივიდი ერთმანეთზეა დამოკიდებული. რეცესია საპასუხო რეაქციაა იმ გარემოებებზე, როდესაც მომხმარებლები – გარკვეული ფსიქოლოგიური მიზეზების გამო – გადაწყვეტენ, საკუთარი ხარჯები შეამცირონ და დანაზოგები გაზარდონ. შედეგად მოჯადოებულ წრეს ვღებულობთ: თუ ადამიანები არ არიან მომავალში დარწმუნებულები, ისინი ნაკლებს ხარჯავენ და მეტს ზოგავენ, რათა გარანტირებული ჰქონდეთ მომავალში კეთილდღეობა და არ იფიქრონ ზედმეტ ხარჯსა თუ დანაზოგზე, ეს ყველაფერი კიდევ უფრო აქვეითებს ეკონომიკურ აქტიურობას და მოსახლეობას უბიძგებს, ჩვეულებრივზე კიდევ უფრო მეტი დაზოგოს.

წყარო: Harvard business review

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

მენეჯმენტის სპეციალისტები ამ კითხვაზე პასუხის გაცემას ჯერ კიდევ მეოცე საუკუნის დასაწყისიდან ცდილობდნენ – ისინი დღემდე მუშაობენ, მენეჯერის საქმიანობის განსხვავებულ და საინტერესო მედელებს ქმნიან. თითოეულ მოდელში „აღმოვაჩენთ“ ხოლმე მენეჯერის პროფესიაში ჩვენთვის ახალ, ამ მომენტამდე გაუცნობიერებელ ასპექტს. მაგრამ ის ფაქტი, რომ ჯერჯერობით არცერთი მოდელი საშუალებას არ გვაძლევს, მენეჯერის პროფესია სრულყოფილად აღვწეროთ, პრობლემის სირთულეზე მეტყველებს.

მენეჯერის პროფესიის აღწერისას უნდა ვიცოდეთ ის, თუ რა არის საერთო დარგებში მართვის განსხვავებულ დონეებზე მყოფ მენეჯერთა და სხვადასხვა სპეციალიზაციის მქონე მენეჯერთა საქმიანობაში.

თითქოს პარადოქსულიც კია, მაგრამ უფრო ადვილია განსხვავებების აღწერა სხვადასხვა მენეჯერის საქმიანობაში, ვიდრე საერთო „ბირთვის“ სრულყოფილი გამოყოფა. მაინც, რატომაა ეს პრობლემა საინტერესო? ამ კითხვაზე მრავალგვარი პასუხი შეიძლება გავცეთ. მაგალითად, შეუძლებელია, მოამზადო პროფესიონალი მენეჯერი მხოლოდ ცალკეული  „საგნების“, თუნდაც ღრმა ცოდნის, საფუძველზე. ბიზნესსკოლებში მენეჯერის მომზადების პროგრამის ფუნქციური დანიშნულება მენეჯერის პროფესიის ათვისებაა. ამ თვალსაზრისით, საგნების ცოდნა აუცილებელია, მაგრამ, რა თქმა უნდა, არასაკმარისი პირობაა.

წყარო: Hbr.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა“

 კომპანია „ნესტლე“, მსოფლიოს ერთ-ერთი უძველესი ბრენდი, 150 წლის გახდა. მის საუკუნენახევრიანი ისტორია, შვეიცარიის ერთ პატარა ფრანგულენოვან დასახლებაში, ბავშვთა კვების პროდუქციით დაიწყო, დღეს კი „ნესტლეს“ 2000-ზე მეტი სხვადასხვა პროდუქციის ბრენდი მთელს მსოფლიოში ვრცელდება.

2016 წლის ივნისში 150 წლის საიუბილეო თარიღის აღსანიშნავად ,,ნესტლემ” ვევეიში გახსნა მუზეუმი, სახელად Nest (ბუდე). მუზეუმი აღმოჩენების ცენტრს წარმოადგენს ბავშვებისა და ზრდასრულებისთვის, აქ ვიზიტორებს შეუძლიათ: გაეცნონ კომპანიის ისტორიას; დაათვალიერონ „ნესტლეს“ სხვადასხვა ბრენდის პირველი პროდუქტ-ექსპონატები; შეიტყონ მეტი ორგანიზმის, მისი ფუნქციონირებისა და მასზე საკვების ზემოქმედების შესახებ კრეატიული ატრაქციონების და სახალისო აქტივობების მეშვეობით. შენობა 3000 კვადრატული მეტრის ტერიტორიაზეა განთავსებული, ზუსტად იმ ადგილას, სადაც ჰენრი ნესტლემ 1866 წელს პირველად შეიმუშავა ჩვილ ბავშვთა კვების რეცეპტი. მუზეუმი ინახავს ბრენდის 150-წლიან ისტორიას და აგრძელებს მის საუკუნოვან მისიას – ერთმანეთთან აკავშირებს ბავშვებსა და უფროსებს.

ბრენდის ისტორია მდიდარია საინტერესო ფაქტებითა და შემთხვევებით. იცით თუ არა, რომ:

„ნესტლე“ 1866 წელს იღებს დასაბამს, როგორც ინგლისურ-შვეიცარული შედედებული რძის წარმოება. წარმატებულმა მეწარმე ჰენრი ნესტლემ ყველაფერი მომავალზე ზრუნვით დაიწყო – ბავშვთა კვების წარმოებით.

ამ დროს, ევროპაში ახალშობილთა სიკვდილიანობის მაჩვენებელი მაღალია. ბავშვებს, რომლებიც დედის რძით არ იკვებებიან, სიცოცხლის გაგრძელების უმცირესი შანსი აქვთ. 1867 წელს შვეიცარიის ქალაქ ვევეიში მცხოვრები ჰენრი ნესტლე ბავშვთა კვების ახალ ფორმულას შეიმუშავებს – ‘farine lactée’ (რძის ფხვნილი). ჩვილ ბავშვთათვის განკუთვნილი ფაფა ძროხის რძის, ხორბლის ფქვილისა და შაქრის შემადგენლობით მზადდებოდა და ბავშვებს ჯანმრთელობისთვის აუცილებელი საკვები ღირებულებებით ამარაგებდა. ამ წარმოებით დაიწყო „ნესტლეს“ ბრენდად ჩამოყალიბება. გამოიკვეთა მისი მისია – ზრუნვა ოჯახსა და მომავალზე.

მეწარმის გვარი Nestlé ერთ-ერთ გერმანულ დიალექტზე ბუდეს ნიშნავს. მის საოჯახო გერბზეც ეს სიმბოლო იყო გამოსახული – ბუდეზე მჯდომარე ჩიტი. ჰენრი ნესტლემ ლოგოტიპისთვის გამოსახულების ადაპტაცია მოახდინა და მისგან ოჯახი შექმნა – სამი ბარტყი, რომლებსაც დედა საჭმელს აწვდის. გერბის ამგვარმა გარდაქმნამ ერთმანეთს დააკავშირა მეწარმის გვარი და კომპანიის მთავარი საწარმოო ხაზი – ბავშვთა კვების პროდუქცია. 1868 წელს მან ოფიციალურად დაიწყო გამოსახულების საფირმო ნიშნად გამოყენება.

ლოგოს მთავარი გამოსახულება პირველად 1988 წელს შეიცვალა. კომპანიამ ბრენდის სახე სოციალურ ცვლილებებს შეუსაბამა. ევროპულ ოჯახს ამ დროისთვის ორი პატარა წევრი ჰყავს, „ნესტლეს“ ბუდეშიც მხოლოდ ორი ბარტყი რჩება.

ასე ვითარდებოდა ლოგოს გამოსახულება წლების განმავლობაში:

„ნესტლემ“ შექმნა პირველი ხსნადი ყავა 1938 წელს. კომპანია, თავისი არსებობის მანძილზე, ყოველთვის დიდ დროს უთმობდა ბიზნესში სოციალურ პასუხისმგებლობას. დღესდღეობით, საქვეყნოდ ცნობილმა ყავის ბრენდმა „ნესკაფემ“ დასაბამი ბრაზილიაში აიღო ადრეულ 30-იან წლებში. წარმოება ქვეყანაში ინოვაციისა და მდგრადი განვითარების ინიციატივის ნაწილად იქცა. ამ ფორმულის შემუშავებით, ბრენდმა ათასობით ბრაზილიელი ფერმერის ცხოვრება შეცვალა, აარიდა რა მათ მძიმე შრომა წარმოების ახალი პროცესით.

დღეს „ნესტლეს“ მსოფლიოს გარშემო 335,000 ადამიანი ჰყავს დასაქმებული და 2000-ზე მეტ ბრენდს აწარმოებს 85 ქვეყნის 436 ქარხანაში. კომპანიის ბიზნესისმიმართულებები წარმოების დიდ სპექტრს მოიცავს: ბურღულეული, სასმელები, ცხოველების მოვლა, კანის მოვლა და სხვა.

მასალა მოამზადა:  ციცი კიკვაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 ეს არის პრობლემის მოგვარების კრეატიული ნაწილი. ხშირად პირველივე ჯერზე კარგი გადაწყვეტილების მიღება საკმაოდ რთულია. ჯერ მეორე მხარეს ჰკითხეთ პრობლემის გადაწყვეტის შესაძლო ვარიანტების შესახებ, თავად თქვენ საკმაო დრო გექნებათ გადაწყვეტის საკუთარი ვარიანტების სათქმელად. ყველანაირად აარიდეთ თავი მეორე მხარის მიერ შემოთავაზებული ვარიანტების ნებისმიერი ფორმით კრიტიკას და შეფასებას. მოუსმინეთ აქტიურად. სერიოზულად მიიღეთ მისი იდეები.

სანამ ცალკეული გადაწყვეტილების შეფასებაზე და განხილვაზე გადახვალთ, ჯერ იდეების საკმაო რაოდენობა უნდა შეაგროვოთ. თუ მუშაობის პროცესი ჩიხში შევა, თავიდან მოახდინეთ პრობლემის ფორმულირება. ეს ხანდახან პროცესის წინსვლას უზრუნველყოფს.

როგორც წესი, ადვილი მისახვედრია, თუ როდის უნდა გადადგათ შემდეგი ნაბიჯი, როდესაც საკმარისი რაოდენობით შეგიგროვდება გადაწყვეტის გონივრული და პრაქტიკული ვარიანტები, ან რომელიმე გადაწყვეტილება გაცილებით უკეთესი აღმოჩნდება სხვებთან შედარებით.

წყარო: Harvard business review

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”