ბიზნესი

მსოფლიოშია ცნობილი ებრაელების წარმატების შესახებ. იცოდით, რომ ,,Google-ის” დამფუძნებელი – ლარი პეიჯი, Oracle-ს დამფუძნებელი – ლარი ელისონი და კიდევ უამრავი ცნობილი თუ ნაკლებად ცნობილი ბიზნესმენი ებრაელია?

გაეცანით ებრაელი ბიზნესმენების 20 რჩევას წარმატებასთან მიმართებით:

1.ცხოვრებაში მთავარია წონასწორობის შენარჩუნება;

2.ისწავლე თანამშრომლებისთვის საქმის სწორად დელეგირება;

3.გადააბიჯე სიამაყეს და ითხოვე რაც გჭირდება;

4.ნუ დაკარგავ დროს ფუჭად;

5.ილაპარაკე მხოლოდ მაშინ, როცა რამე გაქვს სათქმელი;

6.დაგეგმე საკუთარი ცხოვრება;

7.ყოველთვის დროულად გადაუხადე ხელფასი თქვენზე დაქვემდებარებულ თანამშრომლებს;

8.შენი სიტყვა რკინის უნდა იყოს, დაჰპირდი – გააკეთე;

9.შენი პარტნიორების ქონება ისეთივე ძვირფასი უნდა იყოს შენთვის, როგორც საკუთარი;

10.იყავი კარგი ადამიანების გარემოცვაში, თავი აარიდე ცუდ სამეზობლოსაც კი;

11.იმუშავე ვიდრე სანთელი ანთია, გააგრძელე წინსვლა, რაც არ უნდა დაგიჯდეს;

12.არასოდეს მიაყენო შეურაცხყოფა სხვას;

13.ყოველი ადამიანი, რაღაცის გამო იმსახურებს მადლიერების სიტყვებს;

14.ქურდი, რომელიც დროს იპარავს, არაფრითაა უკეთესი იმ ქურდზე, რომელიც ძვირფასეულობას იპარავს. თუ მართავ საკუთარ დროს – მართავ ფულსაც;

15.არ არის საჭირო ყველაფრის თქმა, რასაც ფიქრობ;

16.წაახალისე საკუთარი თავი კარგად შესრულებული საქმის გამო;

17.უფროსმა უნდა იცოდეს, როგორ ცხოვრობს მისი ხელქვეითი;

18.ზოგჯერ უნდა მისცე მეტი, ვიდრე საკმარისია, თუ მართლა გსურს მისცე საკმარისი;

19.გაეცი ფული რთულ დროს, ეს ძვირფასი ინვესტიციაა ადამიანის მომავალში, რომელიც შემდეგ ასმაგად დაგიბრუნდება;

20.მდიდარი არის ის, ვინც ბედნიერია იმით, რაც აქვს.

წყარო: sepiango.org

მასალა მოამზადა: ციცი კიკვაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

,,Burger King-მა” თავისი ახალი Whopper–ისთვის ძალიან ეშმაკური ვიდეორგოლი შექმნა. ბურგერი საკმაოდ დიდია, მისი შემადგენლობების ჩამოთვლას ალბათ სულ მცირე 1-წუთიანი სარეკლამო რგოლი მაინც დასჭირდებოდა. ბრენდმა გადაწყვიტა ქრონომეტრაჟი შეემცირებინა, ამასთან ,,Google–ისთვისაც” კარგი სამსახური გაეწია და ისეთი გამოსავალი ნახა – 15-წამიან რგოლში ,,Burger King–ის” წარმომადგენელი,, Google Home–ს” ხმამაღლა მიმართავს და მას სთხოვს მომხმარებლისთვის პროდუქტის შემადგენლობის აღწერას. ეს სარეკლამო კამპანია უმთავრესად იმ აუდიტორიისთვისაა, რომლებსაც სახლში ,,Google–ის” ჭკვიანი ტექნიკა აქვს. ხოლო, მათთვის, ვინც ამ  ,,ფუფუნებას” ჯერჯერობით მოკლებულია, კიდევ ერთი რგოლია.

მასალა მოამზადა: ციცი კიკვაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

მობილური მოწყობილობების ბაზარი აქტიურად იზრდება, ვითარდება მობილური აპლიკაციები. ექსპერტთა შეფასებით, უახლოეს წლებში ერთ-ერთი ყველაზე მიმზიდველი და მომგებიანი გახდება ეს სფერო ინვესტორებისთვის. აპლიკაციების სექტორი გასცდა ვიწრო ინდუსტრიას და აქტიურია არა მხოლოდ თამაშების და გართობის, არამედ საბანკო, ავიაკომპანიების,  მომსახურების სფეროში.

„AppAnnie-ს” მონაცემებით, მიმდინარე წელს აპლიკაციების მსოფლიო ბაზარი 24%-ით გაიზრდება და წლიური შემოსავალი ჯამში დაახლოებით 51 მილიარდ დოლარს მიაღწევს. აპლიკაციების ბაზარზე მოთხოვნა მოიმატებს  არა მხოლოდ მსხვილ ქვეყნებში, არამედ განვითარებად ბაზრებზეც.

მობილური აპლიკაციები მნიშვნელოვანი მექანიზმი გახდა მომხმარებელთან ეფექტური ურთიერთობისთვის. ბოლო პერიოდში მომხმარებლები აპლიკაციების მეშვეობით უფრო მეტ შენაძენს აკეთებენ, ვიდრე ვებბრაუზერით.

აპლიკაციების მზარდი ბაზრიდან გამომდინარე, გაიზარდა მოთხოვნა ანდროიდაპლიკაციების დეველოპერებზე. ITინდუსტრიაში ეს პროფესია, როგორც ყველაზე დიდი მოთხოვნის მქონე, ასევე ერთ-ერთი ყველაზე მაღალანაზღაურებადია. ცხადია, ანაზღაურება დეველოპერის კვალიფიკაციისა და გამოცდილებისგან გამომდინარეობს, თუმცა დამწყები ანდროიდ დეველოპერსაც კი პრაქტიკულად დასაქმებისა და მაღალი ანაზღაურების 100%-იანი გარანტია აქვს ბაზარზე. გამოცემა ,,Indeed-ი” ანდროიდდეველოპერების საშუალო ხელფასად 102,000 $-ს ასახელებს.

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

,,დოქტრინა” გთავაზობთ 10 საუკეთესო ბიზნესციტატას:

1. ,,მოტივაცია – ეს არის ის, რაც გაწყებინებს, ჩვევა არის ის, რაც გაკეთებინებს.” ჯიმ რაიანი
2. ,,კაცი, რომელიც საქმეს აკეთებს მხოლოდ ფულის და არა სიყვარულის გამო, ვერც გამდიდრდება და ვერც სიამოვნებას მიიღებს.” ჩარლზ შვაბი
3. ,,ბიზნესზე დამყარებული მეგობრობა უკეთესია, ვიდრე მეგობრობაზე დამყარებული ბიზნესი.” ჯონ როკფელერი
4. ,,თუ ზედმეტად დიდ დროს დახარჯავ საუკეთესო შესაძლებლობის ამორჩევაზე, შესაძლოა კარგიც ვერ აარჩიო.” მაიკლ დელი
5. ,,მომავლის პროგნოზის საუკეთესო გზა მისი შექმნაა.” პიტერ დრაკერი
6. ,,თქვენი ყველაზე უკმაყოფილო მომხმარებელი, თქვენი ცოდნის საუკეთესო წყაროა.” ბილ გეითსი
7. ,,ბიზნესი, რომელიც მხოლოდ ფულს აკეთებს, ღარიბი ბიზნესია.” ფორდი
8. ,,მომავლის პროგნოზის საუკეთესო გზა მისი შექმნაა.” პიტერ დრაკერი
9. ,,არ არსებობს ადამიანი, რომელსაც არ შეუძლია უფრო მეტი, ვიდრე ჰგონია”. ფორდი
10. ,,ნუ შეგეშინდება, შეწყვიტო კარგი და დაიწყო დიდებული”. ჯონ როკფელერი.

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

მსოფლიოში ყოველწლიურად ასიათასობით ადამიანი იწყებს საკუთარ ბიზნესს. ზოგი წარმატებას აღწევს, ზოგი კი განიცდის მარცხს. ბოლო პერიოდში განსაკუთრებით პოპულარული გახდა ონლაინბიზნესი. მომხმარებელთა დიდი ნაწილი პროდუქციის ყიდვამდე იყენებს საძიებო სისტემას, რათა მიიღოს ინფორმაცია სასურველი პროდუქტის შესახებ. ინტერნეტტექნოლოგიების განვითარებასთან ერთად, შესაძლებელი გახდა პროდუქტის რეკლამირება სწორედ საძიებო სისტემაში. შედეგად, მომხმარებელი, რომელიც ეძებს ინფორმაციას პროდუქტის შესახებ,  სწორედ იმ მომსახურებას ნახულობს, რასაც თქვენ რეკლამას უკეთებთ.

როგორ დავიწყოთ ბიზნესი ონლაინში და რა უნდა გავითვალისწინოთ ბიზნესის დაწყებამდე?

• მოიძიეთ ინფორმაცია თუ რა პრობლემის გადაწყვეტას ცდილობს ხალხი ინტერნეტის საშუალებით. პროდუქტის აღწერისას გამოიყენეთ ის ძირითადი სიტყვები, რითაც ხალხი ეძებს ინფორმაციას პროდუქტის შესახებ საძიებო სისტემაში. შეამოწმეთ კონკურენტები და ეწვიეთ მათ ვებგვერდებს. მას შემდეგ, რაც გეცოდინებათ ბაზარზე არსებული ვითარება, შეძლებთ, მომხმარებლებს შესთავაზოთ თქვენი პროდუქტიც.

• დაწერეთ თქვენი პროდუქტის აღწერა, რათა შეძლოთ მისი გაყიდვა. აღწერეთ თუ რა პრობლემას მოაგვარებს თქვენი მომსახურება. რამდენად სასარგებლოა მომხმარებლებისთვის და გააკეთეთ სერვისის შეთავაზება.

• კომპანიის ვებგვერდი მნიშვნელოვანი კომპონენტია წარმატებული ბიზნესისთვის. შექმენით თქვენი ვებგვერდი, რომელიც თავისი დიზაინით მიმზიდველი იქნება, ხოლო კონტენტი ზუსტად აღწერს თქვენს საქმიანობას.

• მომხმარებლისთვის ყველაზე რთული პირველი გადაწყვეტილების მიღებაა პროდუქტის შეძენაზე. უკვე ლოიალურ კლიენტებს კი შეგიძლიათ გაუგზავნოთ ფასდაკლების კუპონები ან შესთავაზოთ სხვა მსგავსი მომსახურება.

წყარო: Harvard Business Review

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”