ბიზნესი

მარკეტინგის სტრატეგიისთვის აუცილებელია ვიდეოს გამოყენება. აუდიტორიასთან ურთიერთობაში სწორედ ის ეხმარება ორატორს. ესაა დამხმარე საშუალება, რომელიც  უფრო ნათელს ხდის პრეზენტატორის რეკლამას.  ვიდეომარკეტინგი მთელ მსოფლიოში უფრო და უფრო პოპულარული ხდება. მაშ, ვნახოთ ის ხუთი რამ, რაც უნდა ვიცოდეთ ამ კამპანიაზე.

1.კრეატიულობა

მომხმარებლები დღესდღეობით გადატვირთულნი არიან. როგორც პრეზენტატორმა და რეკლამის შემქმნელმა უნდა იცოდე და გააანალიზო, რომ შენ მიერ გადმოცემული ინფორმაცია მხოლოდ ერთია იმ ათასიდან რომელიც აღწევს საშუალო ფენის ადამიანის ცნობიერებაში. სწორედ ამიტომაა, რომ კრეატიულობა არის მთავარი გასაღები იმისთვის, რომ იყოს შენი რეკლამა განსხვავებული, დასამახსოვრებელი და სასიამოვნო მოსასმენი/საყურებელი.  ტრადიციულად, რეკლამის შექმნა გაჯერებულია იმ უინტერესო ინფორმაციით, რომელიც მაყურებელს აბეზრებს თავს და აიძულებს, რომ მის ყურებას თავი აარიდოს. ერთ-ერთი მიზეზი სწორედ ესაა, რომ ბაზარზე რეკლამის მიერ შემოთავაზებული პროდუქტი არამოხმარებადი ხდება. როგორც მარკეტოლოგმა უნდა ეძიო ახალ გზებს და შესთავაზო მომხმარებელს სხვა ალტერნატივა. ეს ქმედება გახდის შენ მიერ მიწოდებულ მესიჯს მეტად პოპულარულს. ზემოხსენებული ახალი გზა არის ვიდეორეკლამები, სადაც შენ უფრო მკაფიოდ ჩამოაყალიბებ აზრს, სათქმელს უფრო საინტერესოდ გადმოსცემ და მნიშვნელოვან პასაჟებს ხაზს მკვეთრად გაუსვამ. კრეატიული პრეზენტაცია ნამდვილად გამოგარჩევს „მარკეტინგული ბრბოდან“.

2.მარტივად მოხმარება

ნამდვილად დიდი გამოწვევაა ის, რომ მაყურებელი დაარწმუნო იმაში, თუ რატომ უნდა უყურონ შენს რეკლამას, განსაკუთრებით ინტერნეტის საშუალებით, სადაც ინფორმაციის მოპოვება მეტად მარტივია. ინტერნეტში ხომ ვიდეოს პოვნა და ჩართვა ჩართვა უფრო გრძელვადიანია ვიდრე  მისი წაკითხვა? საბედნიეროდ ტექნოლოგიების პროგრესი ისაა, რომ ახლა ვიდეოს ყურება მაღალი ხარისხითაა შესაძლებელი – HD ფორმატში მობილური ტელეფონიდანაც კი. მაგრამ, უნდა გვახსოვდე ის, რომ შენ მიერ გაკეთებული ვიდეო არ უნდა იყოს ძალიან გაწელილი და მოუქნელი, რათა არ გაუჩინო მაყურებელს იმისი სურვილი, რომ გამორთოს აღნიშნული რეკლამა. ეს ფაქტი ეფექტურობას დაუკარგავს აწ უკვე შეფუთულ პროდუქტს.

„ვიდეო უნდა იყოს მაქსიმუმ 2-3-წუთიანი,“-ასეთ რჩევას აძლევს დამწყებ მარკეტოლოგებს ალექს ჩარფენი, ორგანიზაცია „ჩარფენის“ დამფუძნებელი. ეს უკანასკნელი ეხმარება ვიზუალურ მეწარმეებს აამაღლონ თავიანთი ბიზნესის დონე რეკლამითა და პრეზენტაციებით. „თუკი შენ შეძლებ, რომ გადმოცემული ინფორმაცია იყოს მოკლე და კონკრეტული და ეძღვნებოდეს მკაფიო არსს, აუდიტორიათან კონტაქტში ძალიან დიდ წარმატებას მიაღწევ“-ამბობს ჩარფენი. პრეზენტატორმა უნდა შეძლოს, რომ უფრო ადვილად გასაგები და მოსახმარებელი გახადოს რეკლამა.

3.ავთენტურობა

კიდევ ერთი ალტერნატივა იმისთვის, რომ გახადო რეკლამა უფრო განსხვავებული არის ის, რომ იყო 100%-ით დარწმუნებული მის ავთენტურობასა და ჭეშმარიტებაში. დღესდღეობით უფრო და უფრო მეტი რეკლამაა გაჯერებული ტყუილით, რომელიც მომხმარებელს შეცდომაში შეიყვანს. შენი პლუსი იქნება ის, რომ განუდგე მარკეტინგულ ხრიკებს და დაადგე სინამდვილის გზას. ეს ქმედება ხელს შეგიწყობს იმაში, რომ მომხმარებლის ნდობა მოიპოვო და უფრო მარტივად მიუსადაგო რეკლამის პროდუქტი მათ გემოვნებას. „მიყვარს, როცა გადაღების დროს რამეა სათქმელი. არ ვგულშემატკივრობ იმ ფაქტს, როცა პროდუქტს საუკეთესოდ წარმოაჩენენ ხოლმე,“-ამბობს ჩარფენი, „შენი აუდიტორია რეაგირებს მსოფლიოს ფაქტების გამჭვირვალობაზე და მათ ნამდვილ რეაქციებზე. მაშ, როცა რამეა სათქმელი, თქვი პირდაპირ, ყოველგვარი შელამაზების გარეშე“.

შექმენი ისეთი, რამ, რაც გამოიწვევს ხალხის ყურადღებას და მოანდომებს მათ უყურონ შენს ვიდეოს. ეს უფრო მარტივს გახდის, რომ მესიჯი ადვილად გადასცე მათ.

4.კონვერტაციის მაღალი კურსი

თუკი მომხმარებელი, რომელიც უყურებს შენს ვიდეოებს და მოსწონს ისინი, მათ მოუნდებათ, რომ გამოიწერონ შენი არხი და გააცნონ იგი მეგობრებს, ნაცნობებსა თუ ნათესავებს. ეს გაზრდის იმის გარანტიას, რომ რეკლამირებული პროდუქტი უკეთ გაიყიდება. ანიმაციური მარკეტინგული ვიდეოები დიდი ეფექტურობით სარგებლობს და გავლენას ახდენს მომხმარებელზე.  ეს ასე ხდება, რადგან უფრო მარტივია რეკლამის აზრის გაგება. ხშირად ხომ ისე ხდება, რომ საზოგადოება იბნევა და ვერ ხვდება, თუ რა სურს პრეზენტატორს და რა ინფორმაციას გვაწვდის ის.  ანიმაციური რეკლამა უზრუნველყოფს იმას, რომ აღიჭურვო მექანიზმებით, რომელიც გჭირდება, რათა დაარწმუნო მომხმარებელი შენ მიერ შეთავაზებული პროდუქტის აუცილებლობაში.

5.გაზიარების ოპტიმალურობა

ერთ-ერთი საუკეთესო გზა იმისთვის, რომ გაზარდო აუდიტორია, არის სოციალური მედიაარხები. ვიდეო და უნიკალური შინაარსი ძალიან ეფექტურია, მაგრამ ის არ გაამართლებს , თუკი მისი გაზიარების საშუალება არ ექნებათ მომხმარებლებს.  სწორედ ამიტომაა, რომ ე.წ იუზერებს ხელი უნდა შეუწყო იმაში, რომ აჩვენონ შენი ვიდეო სხვებსაც. დარწმუნდი იმაში, რომ  ის ყოველი ტელეფონის, პლანშეტის თუ კომპიუტერის ეკრანის ზომებზე იქნება გათვლილი, რათა ოპტიმალურად გაზიარდეს ის. საბოლოოდ და სავარაუდოდ, ყველაზე მნიშვნელოვანია ის, რომ დაარწმუნო საზოგადოება ვიდეოს გაზიარების “ სასიცოცხლო აუცილებლობაში“.

ტექნოლოგიურმა წინსვლამ კიდევ ერთი მნიშვნელოვანი რამ შექმნა – ონლაინ პირდაპირი ეთერი. ამიტომ საყურადღებოა, რომ რეკლამა იყოს იმაზე მეტად განსხვავებული, ვიდრე ბაზარი მოითხოვს, რათა არ გადაჯაბნოს ზემოხსენებულმა პირაპირი ეთერის ბუმმა ის.

წყარო: http://enterpreneur.com/

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

„ის, რომ თქვენი პროდუქტი მარკეტინგული ინსტრუმენტების საშუალებით იყიდება – ილუზიაა. რეალობა ისაა, რომ მყიდველი ყიდვის გადაწყვეტილების მიღებისას დამოუკიდებელ წყაროს ეყრდნობა. კვლევებმა აჩვენა, რომ რეკლამიდან და სხვა მარკეტინგული მასალებიდან მიღებული ინფორმაციის შესახებ ადამიანები მეგობრებისა და ახლობლების წრეში საუბრობენ. მათი გადაწყვეტილება დამოკიდებულია იმაზე, თუ რას ურჩევენ ისინი“ – გახმაურებული წიგნის, –  „The secret of word of mouth-ის”, ავტორის, ჯორჯ სილვერმენის, ეს სიტყვები პროდუქტიულია არა მარტო დასავლეთის, არამედ ქართველი მარკეტერებისთვისაც.

ტრადიციული რეკლამა, მიუხედავად მისი პოპულარობისა, სულ უფრო ნაკლებად ახდენს გავლენას მყიდველზე. ადამიანების დიდ ნაწილს რეკლამის არ სჯერა. მარკეტინგული კვლევის კომპანიაm  –  ,,Yankelovich-მა”, აღმოაჩინა, რომ რეკლამას მყიდველთა მხოლოდ 24% ენდობა. არსებობს კორპორაციული პარადოქსი – უფრო ინტენსიურია პროდუქტის რეკლამირება, მიზნობრივი აუდიტორიისათვის მით ნაკლებად სარწმუნო ხდება მის შესახებ მიწოდებული ინფორმაცია.

უკანასკნელ პერიოდში მარკეტერებმა აქტიურად დაიწყეს მარკეტინგული კომუნიკაციის ისეთი საშუალების გამოყენება, როგორიცაა Word of Mouth–ი. მყიდველთა დასარწმუნებლად და მათზე ზემოქმედების მოსახდენად ის გაცილებით ძლიერი ინსტრუმენტი აღმოჩნდა, ვიდრე ნებისმიერი რეკლამა. კვლევებმა აჩვენა, რომ დასავლეთში სამომხმარებლო საქონლის ორ მესამედზე მეტი  WOM–ის გავლენით იყიდება.

ინგლისურ ტერმინს – ,,Word of Mouth”-  ქართულ ენაზე ყველაზე მეტად „ხმის გავრცელება“ შეესატყვისება. ამა თუ იმ პროდუქტის ან სერვისის ყიდვის შესახებ გადაწყვეტილების მიღებისას ოჯახის წევრების, ახლობლების, თანამშრომლებისა და ავტორიტეტული პირების აზრს დიდი მნიშვნელობა აქვს. ისინი ხომ საკუთარ გამოცდილებას ეყრდნობინა, მათ არც კომერციული ინტერესი აქვთ და არც რაიმეს გაყიდვას ცდილობენ. ამიტომ მათი მოსაზრება უფრო ობიექტურად და დამაჯერებლად მიგვაჩნია.

წყარო: Harvard Business Review

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

,,Virgin Group-მა” თავისი ერგულების პროგრამა აამუშავა, რომლის მიზანიც სხვადასხვა ბიზნესის ერთი ბრენდის – ,,Virgin Red-ის” ქვეშ გაერთიანებაა. სერ რიჩარდ ბრენსონი გვიხსნის, თუ რატომ დგას ,,ვირჯინ ბრენდის” სიძლიერე თავის ხალხზე და ამბობს, რომ მარკეტერები და მეწერმეები არც თუ ბევრი რამით განსხვავდებიან.

როგორ უზრუნველყოფთ ,,ვირჯინის ბიზნესის” სწორხაზოვნებას და რამდენად მნიშვნელოვანია ერთიანი ბრენდის ქონა?

ბრენდ ,,ვირჯინის” განვითარება ჩვენი თანამშრომლების დამსახურებაა. ისინი გატაცებით ასრულებენ თავიანთ როლებს და ამავე დროს ყველაფერს აკეთებენ იმისთვის, რომ მილიონობით ჩვენმა მომხმარებელმა პირველი კლასის მომსახურება მიიღოს. ჩვენ ოჯახური კომპანიებით გამოვირჩევით და ყველას აქვს საშუალება, ბრენდს შემოქმედებითად მიუდგეს. როგორც ყველა ძლიერი ოჯახის შემთხვევაში, მთავარი ჩვენი თანამშრომლები და ფასეულობებია, რომლებიც ნამდვილად უზრუნველყოფენ ვირჯინის სრულყოფილებას

რატომ იწყებთ ,,Virgin Red-ს”? რატომ გადაწყვიტეთ ,,ვირჯინის” ყველა ბრენდის ერთ მთლიან ბიზნესში გაერთიანება?

ერთ-ერთი რაც ჩვენი ჯგუფის ისტორიაში მეამაყება, ჩვენი მომხმარებლების, განსაკუთრებით კი ერთგული მომხმარებლების წახალისებაა. ეს არის ის, რასაც ადრეც ვაკეთებდით და მომავალშიც გავაგრძელებთ ვირჯინის ყველა კომპანიაში.

,,Virgin Red-ის” შექმნა ყოველთვის გვინდოდა, თუმცა იმასაც ვაცნობიერებდით, თუ ჩვენი მომხმარებლებისა და არსებული შეთავაზებებისთვის რამდენად მნიშვნელოვანი იქნებოდა პროცესის სწორად განხორციელება. ,,Virgin Red-ი” ვირჯინის მთლიანი ოჯახის ერთად შესაკრებად და მეტ „ვირჯინისეული“ ცხოვრების წასახალისებლად შეიქმნა.

თქვენი აზრით, რა ხდის ადამიანს მეტ „ვირჯინად“?

ზოგისთვის ეს მეტ გართობას ნიშნავს, ზოგისთვის მეტად გარისკვას, ზოგისთვის კი აბოლუტურად უნიკალური, ხარისხიანი გამოცდილების მიღებას. ,,ვირჯინი” მთლიანად არყევს იმ ბაზარს, სადაც შედის – ვფიქრობ, ეს არის ის, რასაც ჩვენი წევრები უბრალოდ შეიყვარებენ.

როგორ ფიქრობთ, შეიძლება მარკეტერი გახდეს კარგი მეწარმე?

კარგი მეწარმე მომხმარებლის პრობლემიდან ამოდის. ამ კუთხიდან მათ გადაწყვეტილების განვითარება შეუძლიათ და თავდაუზოგავი, გატაცებით მუშაობის და მცირე რისკის და იღბალის წყალობით წარმატების კარგი შანსი ეძლევათ. მარკეტერებს მომხმარებლების პრობლემები კარგად ესმით, რაც საუკეთესო დასაწყისია.

რას ურჩევდით იმ მარკეტერებს, რომლებიც კარიერიერულ ზრდას გეგმავენ?

კონცეტრირება მოახდინეთ იმაზე, რაშიც საუკეთესოები ხართ და რაც გაინტერესებთ – თქვენი საქმის სიყვარული ძალიან მნიშვნელოვანია. ყოველთვის მოუსმინეთ რჩევებს და ყურადღებას ნუ მიაქცევთ სკეპტიკოსებს. ასევე დიდი მნიშვნელობა აქვს მენტორსაც – ავიაციის ინდუსტრიაში ,,ლეიკერის” ავიახაზების დამფუძნებლის, სერ ფრედი ლეიკერის, მენტორობის გარეშე შორს ვერ წავიდოდი. ახლა კი, ახალგაზრდა მეწარმეების მენტორობით შემიძლია თავი მოვიწონო.

ნუ შეუშინდებით რისკს. ადამიანების უმრავლესობას ამ სიტყვის გაგონებისთანავე უარყოფითი ასოციაციები უჩნდება. როცა ვინმე რისკზე მესაუბრება, მხოლოდ „შესაძლებლობა“ მესმის. ბიზნესის დაწყება უდავოდ რისკია, მაგრამ ის იმაზე მეტად წამახალისებელი შეიძლება აღმოჩნდეს, ვიდრე თქვენ წარმოგიდგენიათ. ერთ-ერთი მთავარი, რაც ადამიანებს ბიზნესის დაწყების ან ცხოვრებაში საკუთარი სურვილის მიხედვით მოქმედების დროს აფერხებს, თავდაჯერებულობაა. საკუთარ თავს უნდა უთხრათ: „არ გაჩერდე, უბრალოდ გააკეთე.”.”

წყარო: Marketing Week

მასალა მოამზადა: ციცი კიკვაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

ყოველ ჩვენგანს ჰყავს მეგობარი, რომელიც ამბობს, მაგალითად, „eBay–ს შექმნის იდეა მეც მომივიდა თავში და ამაზე რომ მემუშავა, ახლა მილიარდელი ვიქნებოდი!” -ასეთი ლოგიკა, რბილად რომ ვთქვათ, უაზრობაა. ,,eBay-ს” შექმნის იდეის ავტორობას არაფერი აქვს საერთო  უშუალოდ ,,eBay-ს” შექმნასთან. მნიშვნელობა აქვს მხოლოდ იმას, რასაც აკეთებთ და არა იმას, რასაც ფიქრობთ, ამბობთ ან გეგმავთ.

გგონიათ, რომ თქვენი იდეა მართლაც ღირებულია? მაშ, შეეცადეთ მის გაყიდვას და ნახეთ, რამდენს გადაგიხდიან. ალბათ იტყვით, ძალიან ცოტასო. ეჭვი არ შეგეპაროთ, თავისი იდეა ყველას აქვს. იდეა იდეად დარჩება მანამ, სანამ მის განხორციელებას არ შეეცდებით.

ერთხელ  სტენლი კუბრიკმა პატივმოყვარე დამწყებ რეჟისორებს ასეთი რჩევა მისცა : „აიღეთ კამერა, ცოტა ფირი და გადაიღეთ ნებისმიერი ფილმი“. კუბრიკმა იცოდა, რომ ახალბედამ ნებისმიერ სფეროში მუშაობა უნდა დაიწყოს რაღაცის შექმნით. ასე რომ, აიღეთ კამერა, დააჭირეთ „ჩაწერის“ ღილაკს თითი და დაიწყეთ გადაღება.

იდეა ყოველთვის ძალიან ბევრია და ამიტომ იაფი ღირს. სინამდვილეში საწყისი იდეა ბიზნესის იმდენად მცირე ნაწილია, რომ სათვალეშიც არაა ჩასაგდები. მთავარი ისაა, რამდენად კარგად ახერხებთ მის რეალიზებას.

წყარო: business review

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 სარეკლამო კამპანიები და, ზოგადად, კომერციული ჭრები ძალიან აქტუალურია დღევანდელობაში, რეკლამებით ბევრი კომპანია ახერხებს კომპანიის, პროდუქტის ფართოდ გავრცელებას, ასევე, ხალხიც იძულებულია, რომ უყუროს მათ და უნდათ თუ არა, უწევთ სხვადასხვა ახალი პროდუქტისა თუ კომპანიის შექმნის შესახებ ინფორმაციის მიღება.

1. ,,Apple-ის” კომპანიამ გადაწყვიტა, რომ შეცვალოს სარეკლამო ბლოგი და მეტ ყურადღება გაამახვილოს ინოვაციებზე.
2. ,,Snapchat-ი” უშვებს 3D სათვალეებს, რომლის ყიდვაც ყველა მნახველს შეუძლია, საკმაოდ ბევრი ხალხი ყიდულობს, რადგან ეს უბრალოდ სათვალე არ არის, მას კამერა მოჰყვება.
3. Watsup– მა შექმნა Snapchat–ის მსგავსი საიტი, რომელიც საკმაოდ დიდ კონკურენციას უწევს ანალოგ კომპანიას.

4.” Pockemon go” მიისწრაფვის იმისკენ, რომ ჰყავდეს რაც                       შეიძლება მეტი პარტნიორი, რაც იმას ნიშნავს, რომ                            პარტნიორები ყველა კომპანიას სჭირდება და აუცილებელია            არსებობისთვის.

წყარო: Business Insider

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”