დედამიწა

წყნარ ოკეანეში ამოიფრქვა წყალქვეშა ვულკანი, რომლის სიმაღლე რამდენიმე კილომეტრს
აღწევდა. ვულკანის ამოფრქვევას მოჰყვა ცუნამი წყნარი ოკეანის სამხრეთ-დასავლეთ ნაწილში, 65
კილომეტრით დაშორებულ ტონგაში. ტალღებმა დედაქალაქის დატბორვა გამოიწვია და საჭირო
გახდა სამეფო სასახლიდან მეფის ევაკუაცია.
ვულკანის ამოფრქვევა გრძელდებოდა 8 წუთის განმავლობაში და ტონგას გარდა ავსტრალიასა და
ახალ ზელანდიაშიც იგრძნობოდა. შეერთებულმა შტატებმა და იაპონიამ გააფრთხილეს წყნარი
ოკეანის სანაპიროებზე მცხოვრები ადამიანები მოერიდონ ოკეანეების ნაპირებს, რათა თავი
აარიდონ ცუნამის ტალღებს.

ახალგაზრდა ანალიტიკოსთა და მეცნიერთა დარბაზი ,,დოქტრინა”

ლონდონის საბუნებისმეტყველო მუზეუმის მეცნიერება წელს 522 ახალი ბიოლოგიური სახეობა აღწერეს, მათ შორის როგორც გადაშენებული, ასევე პლანეტაზე დღეს მობინადრე არსებები არიან. ინფორმაცია ამის შესახებ მუზეუმის ვებგვერდზე ვრცელდება.

ახალ სახეობებს შორის 6 დინოზავრია, მათ შორის მტაცებლები Ceratosuchops inferodios და Riparovenator milnerae, რომელთა ნეშტებიც ინგლისში, კუნძულ უაითზეაღმოაჩინეს.

291 ახალი სახეობა ნიჩაბფეხიანებსმიეკუთვნება. ეს პატარა არსებები, რომელთა ზომაც 10 მილიმეტრს არ აღემატება გარეგნულად კრევეტებს ჰგვანან და წყალში ბინადრობენ. ასევე ახალ სახეობებს შორის 90 ხოჭო, 52 კრაზანა, 13 კოღოს მატლი, 7 კიბორჩხალა და 6 ბუზია.

ახალგაზრდა ანალიტიკოსთა და მეცნიერთა დარბაზი ,,დოქტრინა”

ქანების ახალი ანალიზის მიხედვით, დედამიწაზე პირველი კონტინენტი 700 მილიონი წლით ადრე
გაჩნდა, ვიდრე ეს მეცნიერებს ეგონათ. მკვლევრებმა აღმოსავლეთ ინდოეთში შეისწავლეს კლდის
ქანები, ახალმა აღმოჩენამ კი შეიძლება ახსნას ატმოსფეროში ჟანგბადის ზრდა და მყინვარების
წარმოქმნა დედამიწის ისტორიის უძველეს პერიოდში.
კვლევის თანახმად, პირველი სტაბილური კონტინენტი 3.3-დან 3.2 მილიარდი წლის წინ გაჩნდა.
კვლევის ავტორი, დოქტორი მონაშის უნივერსიტეტიდან ამბობს, რომ კონტინენტები, სავარაუდოდ,
ჩამოყალიბდა ტექტონიკური ფილების არსებობამდე, რაც დღეს კონტინენტების მთავარი
მამოძრავებელია.
მკვლევართა ჯგუფმა Singhbhum-დან(კოლკატას ახლოს მდებარე ტერიტორია) ცირკონის სახელით
ცნობილი მინერალის პატარა მარცვალი ამოიღო, რომელზე დაკვირვებითაც გუნდმა შეძლო
კლდეების ასაკის დადგენა. მასალა მსგავსი იყო სამხრეთ აფრიკაში და დასავლეთ ავსტრალიაში
შესწავლილი მასალის.

მასალა მოამზადა: ნინი ხეცურიანმა

აშშ-ში, ფლორიდის ერთ-ერთი ზოოპარკის ბინადრები კორონავირუსის საწინააღმდეგო ვაქცინით აცრეს, რომელიც სპეციალურად ცხოველებისთვის არის შექმნილი. ამის შესახებ AFP წერს. სააგენტო ვიდეოსაც ავრცელებს, რომელზეც ჩანს, თუ როგორ ცრიან სკუნსს.

ზოოპარკის ადმინისტრაციამ იმ ცხოველების აცრა გადაწყვიტა, რომლებშიც კოვიდინფიცირების რისკი განსაკუთრებით მაღალია. მათ შორის არიან პანტერები, წავები, პრიმატები.

ახალგაზრდა ანალიტიკოსთა და მეცნიერთა დარბაზი “დოქტრინა”

ჰონდურასის საკურორტო კუნძულ გუანაჯაში ხანძარია – ინფორმაციას BBC ავრცელებს.

გამოცემის ცნობით, ხანძარმა კუნძულზე ათობით სახლი გაანადგურა, ასობით ადამიანი ევაკუირებულია და პროცესი გრძელდება.

ადგილობრივი ხელისუფლების ინფორმაციით, შაბათის მონაცემებით, ხანძრის შედეგად, მინიმუმ სამი ადამიანი დაშავდა.

ხანძრის გაჩენის მიზეზი უცნობია.

ცნობისთვის, კუნძულის ფართობი მხოლოდ 19 კვადრატული კილომეტრია, გუანაჯა ჰონდურასის სამი კუნძულიდან ერთ-ერთია და მისი ძირითადი შემოსავალი ტურიზმიდან მოდის.

ახალგაზრდა ანალიტიკოსთა და მეცნიერთა დარბაზი “დოქტრინა”