დედამიწა

მისურის შტატის ქალაქ სპრინგფილდში რამდენიმე ათეული ადამიანი აქციის გასამართავად შეიკრიბა. დემონსტრანტები ამტკიცებენ, რომ “ჩიტები ნამდვილები არ არიან”.

მოძრაობის ერთ-ერთი წევრი, პიტერ მაკინდო, აცხადებს, რომ აშშ-ში მთავრობამ ყველა ჩიტი მოკლა და ისინი გამოძიების ფედერალური ბიუროს დრონებით ჩაანაცვლა.

“რა მაფიქრებინებს ამას? მგონი, მტკიცებულება ჩვენ თვალწინაა ყველგან; ჩიტები ელექტროგადამცემ ხაზებზე სხდებიან — ჩვენ გვჯერა, რომ ისინი ასე იმუხტებიან. ასევე ვფიქრობთ, რომ მანქანებზე მათი სკინტლები, რეალურად, სათვალთვალო მოწყობილობებია”.

მოძრაობა თავდაპირველად ონლაინ დაიწყო და ინტერნეტსივრცეში ინფორმაციის გავრცელებით მალე ამერიკის არაერთი ქალაქი მოიცვა. ქვეყნის მასშტაბით გასამართავმა ტურმა კი სწორედ სპრინგფილდში აიღო სტარტი.

თუმცა, რასაკვირველია, მოძრაობა მხოლოდ მარკეტინგული ხუმრობაა. ან, შეიძლება ითქვას, შეთქმულების თეორიების მოყვარულების ერთგვარი დაცინვა — მაგალითად, QAnon-ის, რომლის მხარდამჭერთა რაოდენობამ ბოლო წლებში განსაკუთრებით იმატა.

მაკინდო თავს 2017 წელს დაფუძნებული მოძრაობის წარმომადგენლად მიიჩნევს და მედიასთან ამბობს, რომ “ჩვენ პოსტ-სიმართლის ეპოქაში ვცხოვრობთ, ‘ჩიტები ნამდვილები არ არიან’ კი ამ ეპოქის კომიკური პროექტია”.

დაარსებიდან დღემდე მოძრაობამ მხარდამჭერთა დიდი რაოდენობა მიიზიდა და განსაკუთრებით პოპულარული გახდა სოციალურ ქსელებში. “ჩიტები ნამდვილები არ არიან” გვერდს ტვიტერზე თითქმის 70 ათასი გამომწერი ჰყავს, რედიტზე კი მათი რაოდენობა 360 ათასს აჭარბებს.

უძრავი ლოდი, სახელად  “Krishna’s Butterball”, სხვაგვარად ასევე “ზეციური ღმერთების ქვა” ინდოეთში მდებარეობს. მაინც რატომ არის ეს ლოდი ასეთი განსაკუთრებული?

ლოდი დაახლოებით 1200 წელია ადგილიდან არ იძვრის. საიდუმლოებას წარმოაგდენს ის, რომ უზარმაზარი ლოდი კლდეს მხოლოდ მისი ზედაპირის მცირე ნაწილით ეყრდნობა, დაახლოებით 120 სანტიმეტრი ფართობის მქონე ზედაპირით, როდესაც ლოდი 250 ტონისაა, სიგრძე დაახლოებით 6 მეტრია და სიგანე 5 მეტრი. საკვირველი ის არის, რომ იგი კლდესთან 45 გრადუსიან კუთხეს ქმნის და მაინც არ იძვრის.

1908 წელს ქალაქის მაშინდელმა გუბერნატორმა, არტურ ჰელოუკმა გადაწყვიტა, რომ ლოდი საშიშროებას წარმოადგენდა მოსახლეობისთვის და სცადა 7 სპილო გამოეყენებინა ლოდის ადგილიდან დასაძრავად, მაგრამ უშედეგოდ, ისევ არაფერი გამოვიდა.

მეცნიერებში ორად არის გაყოფილი აზრი იმის თაობაზე, ლოდი ბუნებრივი წარმონაქმნია თუ არა. გეოლოგების მტკიცებით მსგავსი ფორმის წარმოშობა, რაც გამოდის, რომ გრავიტაციასაც კი ეწინააღმდეგება, შეუძლებელია. მეცნიერები კი ამას შესაძლებლად თვლიან და ხახუნისა და სიმძიმის ცენტრს ასახელებენ არგუმენტად. თუმცა, აშკარაა, რომ ლოდი ჯერაც არ იძვრის.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

დღეს დედამიწის ჩრდილოეთ ნახევარსფეროს მოსახლეობა მზის დაბნელებას ნახავს. ამის შესახებ BBC წერს.

გამოცემის ინფორმაციით, საუბარი მზის ნაწილობრივ დაბნელებაზეა, რომელსაც ბეჭდისებრ ან ცეცხლოვანს უწოდებენ. ამ მოვლენის დროს მთვარე ვარსკვლავს ეფარება, თუმცა მისგან მომავალ სინათლეს სრულად არ ბლოკავს.

ყველაზე კარგად დაბნელება არქტიკაში გამოჩნდება, თუმცა მის ნახვას აშშ-ში, დიდ ბრიტანეთსა და კანადაშიც შეძლებენ.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

დაახლოებით 300 მილიონი წლის წინ, როცა აფრიკის სამხრეთი ნაწილი სამხრეთ ამერიკასთან იყო მიერთებული, ეს ამჟამად მშრალი, ცხელი რეგიონი დიდი მყინვარებით იყო დაფარული.

ჩრდილოეთ ნამიბიაში, ტვიფელფონტეინის მშრალი, ვულკანური უდაბნოს ცქერისას დღეს მსგავსს ვერაფერს შენიშნავთ. თუმცა, 4,5 მილიარდ წლიანი ისტორიის განმავლობაში, ჩვენი პლანეტა გამუდმებით იცვლება.

ხანდახან, თუკი ასეთ ლანდშაფტს ფენებს გადავაცლით, შესაძლოა, ჩვენ თვალწინ წარსული გადაიშალოს.

სწორედ ასე მოიქცნენ ნაბიბიაში გეოლოგები, გრაჰამ ენდრიუსი და სარა ბრაუნი. მათი კვლევა სრულიად მოულოდნელი აღმოჩენით დასრულდა.

როგორც ჩანს, ეს რეგიონი დაფარული იყო ვრცელი ყინულის ნაკადებით — არტერიებით, რომლებიც ნაკადის სახით მყინვარის ცენტრიდან მისი კიდეებისაკენ მიმართება. როგორც ირკვევა, ეს ყინულები იმდენად შთამბეჭდავი უნდა ყოფილიყო, რომ თამამად გაუწევდა კონკურენციას ანტარქტიდის ამჟამინდელ მყინვარებს.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

მოხეტიალე სპილოები ჩინეთში, იუნანის პროვინციის ნაკრძალიდან გამოიქცნენ. სპილოებმა მოგზაურობა 2020 წლის მარტში დაიწყეს და ჯერჯერობით უცნობია რა იყო მიზეზი მათი მხრიდან ჰაბიტატის დატოვებისა და ხანგრძლივი მოგზაურობის დაწყებისა.

სპოლოების გადაადგილებას დრონებით აკვირდებიან და მუდმივად უთვალთვალებენ, როგორც ადგილზე, ასევე ჰაერიდან თვითმფრინავით, რადგან ისინი გადაადგილდებიან მიდვრებში, სოფლებსა თუ ქალაქებში. საბედნიეროდ, სპილოების მოგზაურობას მსხვერპლი არ მოჰყოლია, მაგრამ მთელი ამ დროის განმავლობაში გზად 1 მილიონ დოლარზე მეტი ღირებულების მოსავალი გაანადგურეს, ასევე ნათესები, გზად აზიანებენ სახლებსა და ფანჯრებს.

აღსანიშნავია, რომ მოგზაურობის დაწყებისას სპილოების გუნდი შედგებოდა 16 წევრისგან, თუმცა ერთი კვირის შემდეგ, ორი მათგანი უკან დაბრუნდა, გზად კი ერთი სპლიყვი შეემატათ და ამჟამად 15 სპილო განაგრძობს ხეტიალს.

აზიური სპილო გადაშენების პირას მყოფი სახეობაა. ჩინეთში დაახლოებით 300-მდე ითვლიან გარეული სპილოების რიცხვს და ძირითადად იუნანის პროვინციაში არიან.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”