close

ეკონომიკა

ეკონომიკასაქართველო

საქართველოში უმუშევრობა რეკორდული ტემპით, 20.4%-მდე გაიზარდა

1.83K views on

დღეს საქსტატმა უმუშევრობის ახალი სტატისტიკური მონაცემები გამოაქვეყნა, რომლის მიხედვითაც, 2020 წლის მეოთხე კვარტალში ქვეყანაში უმუშევრობა 20.4%-მდე გაიზარდა. წლიურ ჭრილში უმუშევრობამ 3.8 პროცენტული პუნქტით იმატა, ხოლო 2020 წლის მესამე კვარტალთან შედარებით უმუშევრობის ზრდა 3.4 პროცენტული პუნქტი იყო.

საქსტატის ინფორმაციით, თუკი 2019 წელს დასაქმებულად 1.278 მილიონი ადამიანი ითვლებოდა, 2020 წლის მეოთხე კვარტალში დასაქმებულთა რაოდენობა 1.199 მილიონამდე შემცირდა. შესაბამისად, დასაქმებულთა რაოდენობამ 79 ათასით იკლო, მათ შორის 74.6 ათასით შემცირდა დაქირავებულთა რაოდენობა, თვითდასაქმებულთა რაოდენობამ კი 5 ათასით იკლო. ასევე 26 ათასით შემცირდა მთლიანად ქვეყნის სამუშაო ძალა, ხოლო უმუშევართა რიცხვი კი წლიურ ჭრილში 52.9 ათასით, 307.8 ათას ადამიანამდე გაიზარდა.

უმუშევრობის ასეთი მკვეთრი ზრდა გასული წლის ბოლოს მიღებულმა ხელახალმა “ლოქდაუნმა” განაპირობა.

2020 წლის IV კვარტალში დაქირავებულთა წილი დასაქმებულთა საერთო რაოდენობის 67.3 პროცენტს შეადგენდა, რაც 1.7 პროცენტული პუნქტით ნაკლებია წინა წლის შესაბამის პერიოდთან შედარებით. საქსტატის ინფორმაციით, უმუშევრობის ზრდა ძირითადად საქალაქო დასახლებებში მოხდა, სადაც უმუშევრობის დონე წლიურ ჭრილში 5.6 პროცენტული პუნქტით გაიზარდა, სოფლად კი, უმუშევრობა პირიქით 1 პროცენტული პუნქტით შემცირდა.

შეგახსენებთ, რომ 2020 წლის ბოლოს საქსტატმა უმუშევრობის სტატისტიკის ახალი მეთოდოლოგიით გამოქვეყნება დაიწყო. განახლებული კრიტერიუმებით, საქსტატი ავტომატურად თვითდასაქმებულებად აღარ აღრიცხავს იმ ადამიანებს, რომლებიც სოფლად ცხოვრობენ და პროდუქტები მხოლოდ საკუთარი თავის რჩენისთვის მოჰყავთ. ახალი მეთოდოლოგიის მიხედვით, 2019 წლის უმუშევრობის დონე, რაც წინა მეთოდოლოგიით 11.6% იყო, 17.6% გახდა.

წყარო : bm.ge

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეკონომიკა

შვედეთი შეიძლება გახდეს პირველი ქვეყანა, რომელიც ნაღდ ფულს აღარ გამოიყენებს

1.15K views on

შვედეთში ინტერნეტ ბანკინგი იმდენად გავრცელებული სერვისია, რომ ახალგაზრდა მოქალაქეების ნაწილს ხელში ნაღდი კუპიურა არც კი ჭერია. როგორც Forbes-ი წერს, შვედეთი ადრეც ფიქრობდა ნაღდი ფულის ხმარებიდან სრულიად ამოღებაზე, მაგრამ ახლა პანდემიამ ქვეყანას ამ გადაწყვეტილებისკენ უფრო მეტად უბიძგა. თუმცა, ბანკირების თქმით, ქვეყნის ეს გადაწყვეტილება მრავალ რისკს მოიცავს.

Bloomberg-ის ცნობით, შვედეთში უკვე წლებია, რაც ნაღდი ფულის ბრუნვა შემცირებულია. ჯერ კიდევ 2018 წელს, ნაღდი ფულის ბრუნვა ქვეყნის მშპ-ის 1.3%-ს წარმოადგენდა. შესადარებლად, 2018 წლის მონაცემებით აშშ-ისთვის ნაღდი ფულის ბრუნვა მშპ-ს 8.2%-ს შეადგენდა, ევროპისთვის კი 10.9%-ს.

მიუხედავად იმისა, რომ ნაღდი ფულის ხმარებიდან ამოღებას ბევრი დადებით მხარე აქვს, ბანკირები შიშობენ, რომ მისი უარყოფითი მხარეების გამო, ამ გადაწყვეტილების მიღება არ ღირს. შვედეთის ცენტრალური ბანკის ხელმძღვანელი, სტეფან ინგვესი ამ გადაწყვეტილებას ეჭვის თვალით უყურებს და ბევრ კითხვას სვამს. მაგალითად, რა მოხდება, თუ ციფრულ ქსელში შეფერხებები წარმოიქმნა? რა მოხდება კიბერ-შეტევის შემთხვევაში? ინტერნეტ ბანკებზე განხორციელებული კიბერ-შეტევები ბანკის ფიზიკურად გაძარცვაზე უფრო საშიშია.

კითხვაზე – თუ რა მოხდება, თუ ციფრული ქსელი დროებით შეჩერდა, პასუხის გაცემა რთულია. ქვეყანაში ნაღდი ფულის რაოდენობა საკმარისი არ არის, რომ შეფერხების შემთხვევაში ქვეყანა ძველ რეჟიმს დაუბრუნდეს. პანდემიამ ამ პრობლემის გადაჭრა კიდევ უფრო რთულ ამოცანად აქცია. შვედი მოსახლეობა ნაღდ ფულს პანდემიამდეც არ იყენებდა, ახლა კი ფულთან შეხებას მოქალაქეები ჯანმრთელობისთვის საფრთხედ აღიქვამენ.

შვედური ბანკის, Klarna-ს მიხედვით, პანდემიამდე ტრანზაქციების 63% უკონტაქტოდ სრულდებოდა, დღესდღეობით, კი ეს რიცხვი 73%-ს გაუტოლდა.

გარდა ამისა, ბავშვებისთვის მშობლების მიერ მიცემული ჯიბის ფულიც ნელ-ნელა ონლაინ ინაცვლებს. ივნისის მონაცემებით, შვედეთში ბავშვების მხოლოდ 16%-ს აქვს ჯიბის ფული ნაღდი კუპიურის სახით. შვედეთის უდიდესი ბანკი, Svenska Handelsbanken-ი ბავშვებს ონლაინ-ყულაბასაც კი სთავაზობს, რომლის მართვასაც ისინი საკუთარი ტელეფონებიდან შეძლებენ.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიეკონომიკასაქართველოტექნოლოგიები

საქართველოში საერთაშორისო IT კომპანიები შემოდიან

1.24K views on

საქართველოს მთავრობის მიერ მიღებული დადგენილების მიხედვით, საერთაშორისო სტატუსის მქონე IT კომპანიები ისარგებლებენ საგადასახადო შეღავათებით, რაც გულისმობს საშემოსავლო გადასახადის 15%-ისა და 20%-ის ნაცვლად 5%-ით დაბეგვრას. ასევე მთავრობის გადაწყვეტილებით, დადგინდა საერთაშორისო კომპანიის სტატუსის განსაზღვრისა და მისთვის ნებადართული საქმიანობის სახეები და ცალკეული ხარჯების ნუსხა. ინფორმაციას ინოვაციებისა და ტექნოლოგიების სააგენტო ავრცელებს.

მათივე ცნობით, ამ ინიციატივის ფარგლებში საქართველოში შემოდიან მსოფლიოს უმსხვილესი IT კომპანიები.

EPAM Systems-მა საქართველოში შვილობილი კომპანიის დასარეგისტრირებლად და საერთაშორისო კომპანიისთვის ახლადდადგენილი საგადასახადო შეღავათებით სარგებლობისთვის პროცედურები პირველმა დაიწყო. IT კომპანია წლიური $9 მილიარდიანი შემოსავლით ნიუ-იორკის საფონდო ბირჟაზეა რეგისტრირებული და პირველია, რომელიც საქართველოს მთავრობის ინიციატივით დაინტერესდა.

Exadel-ი მეორე IT კომპანიაა, რომელიც თავის საქმიანობას საქართველოში გადმოიტანს. 20 წლის წინ ამერიკაში, სილიკონ ველიზე დაარსებულიკომპანია დღეს 1 000 თანამშრომელსა და 23 ოფისს აერთიანებს მსოფლიოს სხვადასხვა ქვეყანაში. (აშშ, პოლონეთი, ლიტვა, გერმანია, ბელარუსი, უკრაინა, რუსეთი, უზბეკეთი).

,,საქართველოში ინოვაციების ეკოსისტემის განვითარებისთვის ძალიან მნიშვნელოვანია ასეთი მაღალი დონის საერთაშორისო ტექნოლოგიური კომპანიების შემოსვლა. ეს არის უნიკალური შესაძლებლობა ჩვენი ქვეყნის მოსახლეობისთვის, იშოვონ მაღალანაზღაურებადი სამსახური.

ასევე აღსანიშნავია, რომ საგადასახადო შეღავათებთან ერთად საერთაშორისო ტექნოლოგიური კომპანიებისთვის მიმზიდველი აღმოჩნდა ინოვაციების და ტექნოლოგიების სააგენტოს მასშტაბური გადამზადების პროგრამა, რომლის ფარგლებშიც საერთო ჯამში 3 000 IT სპეციალისტი გადამზადდება. საერთაშორისო მასშტაბის ტრენინგების დასრულების შემდეგ მონაწილეები მიიღებენ საერთაშორისო ოფიციალურ სერთიფიკატს შესაბამისი კვალიფიკაციის მიხედვით, რაც ჩვენი ქვეყნის მოქალაქეებს კიდევ უფრო გაუმარტივებს საერთაშორისო კომპანიებში დასაქმებას“, – აცხადებს საქართველოს ინოვაციების და ტექნოლოგიების სააგენტოს თავმჯდომარე ავთანდილ კასრაძე.

იმისათვის, რომ კომპანიამ საგადასახადო შეღავათებით ისარგებლოს, უნდა ჰქონდეს ნებადართული საქმიანობის არანაკლებ 2 წლის გამოცდილება, ასევე შეიძლება იყოს არარეზიდენტი საწარმოს წარმომადგენელი საქართველოში, თუ აქვს ნებადართული საქმიანობის არანაკლებ 2 წლის გამოცდილება.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიეკონომიკა

ვაქცინის მიერ გამოწვეული ოპტიმიზმის შედეგად, აშშ-ში ბირჟები რეკორდულად გაიზარდა

1.21K views on

9 ნოემბრის ვაჭრობა აშშ-ში საფონდო ინდექსების მკვეთრი ზრდით გაიხსნა. S&P 500-ის ინდექსი, რომელიც აშშ-ის უმსხვილეს კომპანიებს აერთიანებს, ვაჭრობის გახსნის შემდგომ 2.95%-ით გაიზარდა. ასეთივე ზრდა აქვს Dow Jones-ის ინდექსს, რომელიც დღეს 1,434 პუნქტით გაიზარდა.

ბირჟებზე ზრდა ფამაცევტული კომპანია Pfizer-ის მიერ COVID-19-ის საწინააღმდეგო ვაქცინის შესახებ გაკეთებულ განცხადებას უკავშირდება. Pfizer-ის და გერმანული BioNTech-ის მიერ გაკეთებული განცხადების თანახმად, ვაქცინა ტესტირების პროცესის დროს ექვს ქვეყანაში, 43,500 ადამიანზე გამოიცადა. კომპანიების ინფორმაციით, ტესტირების პროცესში ჯანმრთელობაზე ვაქცინის უარყოფითი ზემოქმედების შედეგები არ გამოვლენილა.

Pfizer-ის მიერ გაცხადებული 90%-იანი კოეფიციენტი მნიშვნელოვნად აჭარბებს აშშ-ის საკვებისა და მედიკამენტების ადმინისტრაციის, FDA-ის მიერ დაწესებულ მინიმალურ 50%-იან ეფექტურობის მოთხოვნას, რომელსაც COVID-19-ის ვაქცინა ლიცენზიის მისაღებად უნდა აკმაყოფილებდეს.

ბირჟებზე ოპტიმიზმის ზრდას აშშ-ის 46-ე პრეზიდენტად ჯო ბაიდენის არჩევამაც შეუწყო ხელი. მან ცვლილება ევროპისა და აზიის ბაზრებზეც მოახდინა. ევროპული ბაზრის საერთო ინდექსი STOXX 600-ი 4%-ით გაიზარდა და თებერვალში არსებულ ნიშნულებს დაუბრუნდა.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეკონომიკა

ლარში გაცემულ სესხებზე საპროცენტო განაკვეთი გაიზარდა

1.17K views on

ეროვნული ვალუტით გაცემულ სესხებზე საპროცენტო განაკვეთი 14,1%-დან 15,1%-მდე გაიზარდა. ეროვნული ბანკის ვებ-გვერდზე გამოქვეყნებული სტატისტიკის მიხედვით, 2020 წლის სექტემბერში წინა წლის ანალოგიურ პერიოდთან შედარებით ლარში გაცემულ სესხებზე წლიური საბაზრო საპროცენტო განაკვეთი გაზრდილია.

სესხებზე საპროცენტო განაკვეთის ცვლილება ყველაზე მეტად ფიზიკური პირებისთვის ეროვნულ ვალუტაში გაცემულ სესხებს შეეხო.

კერძოდ, სექტემბრის მონაცემებით, ფიზიკური პირების სესხების საბაზრო საპროცენტო განაკვეთი შეადგენდა 18,4%-ს, წინა წლის ანალოგიურ პერიოდში კი 17,3%-ს.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეკონომიკაენერგეტიკასაქართველო

რა შემთხვევაში აგინაზღაურებთ მთავრობა კომუნალურ გადასახადებს ნოემბრიდან მომდევნო 4 თვის განმავლობაში

1.03K views on

პირველი ნოემბრიდან ოთხი თვის განმავლობაში კომუნალური გადასახადები ანაზღაურდება, – ამის შესახებ საქართველოს პრემიერ-მინისტრმა, გიორგი გახარიამ დღევანდელ მთავრობის სხდომაზე განაცხადა.

მისი თქმით, მოქალაქეებს, ვისაც აღნიშნული დახმარება არ სჭირდებათ, შეუძლიათ საკუთარი განცხადების საფუძველზე მასზე უარი თქვან.

„პირველი ნოემბრიდან იწყება კომუნალური გადასახადების ანაზღაურება ჩვენი მოქალაქეებისთვის, რომელიც მოიცავს ზამთრის პერიოდს. ეს იქნება ნოემბრიდან ოთხი თვე. ეს მხარდაჭერა შეეხება თითოეულ ოჯახს, რომელსაც ექნება 200 კვ-მდე მოხმარებული ელექტროენერგია, ასევე 200 კუბურ მეტრამდე გაზის მოხმარება.

ეს ის მინიმუმია, რითაც დღეს მთავრობას შეუძლია მოქალაქეებს მხარში დაუდგეს. ეს არის უაღრესად მნიშვნელოვანი, თუმცა გვესმის, რომ შეიძლება, ბევრ ჩვენს მოქალაქეს მსგავსი დახმარება არ სჭირდება და დღეიდან მთ შესაძლებლობა ექნებათ, საკუთარი განაცხადის საფუძველზე უარი თქვან მთავრობის ამ მხარდაჭერაზე“, – განაცხადა გახარიამ.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიეკონომიკა

„საქართველომ წელს ლურჯი მოცვის ექსპორტის ახალი რეკორდი მოხსნა“ – East Fruit

1.38K views on

რუსული ანალიტიკური პლატფორმა East Fruit.ge, რომელიც აღმოსავლეთ ევროპის ხილისა და ბოსტნეულის ბაზრების შესახებ ინფორმაციას აანალიზებს, საქართველოში წარმოებული ლურჯი მოცვის საექსპორტო შესაძლებლობებზე ვრცელ მასალას აქვეყნებს, სადაც წერია, რომ „საქართველოს შესაძლოა, უახლოეს წლებში ლურჯი მოცვის უმსხვილესი 25 ექსპორტიორი ქვეყნის სიაში შევიდეს, თუ ის კენკროვანის წარმოებას დღეს არსებული ტემპებით გააგრძელებს“.

EastFruit-ის ანალიტიკოსების წინასწარი მონაცემებით, 2020 წლის შედეგებით საქართველოს 630 ტონა ლურჯი მოცვის ექსპორტირება შეუძლია, რაც ექსპორტის ახალი რეკორდული მაჩვენებელი იქნება. მათივე მონაცემებით, 2019 წლის რეკორდი 185 ტონას შეადგენდა. „ამიტომ, თუ მონაცემების სწორად იქნება შეფასებული, ლურჯი მოცვის ექსპორტი ერთი სეზონის განმავლობაში 3.4-ჯერ გაიზრდება“, – წერენ EastFruit-ის ანალიტიკოსები.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ბიზნესიეკონომიკა

“თიბისი ფეი” 1 ლარიან საკომისიო გადასახადს აუქმებს

1.46K views on

მთელი საქართველოს მასშტაბით, “თიბისი ფეი” სწრაფი გადახდის აპარატებიდან თიბისის ნებისმიერ ანგარიშზე (ფიზიკური პირები) თანხის შეტანის საკომისიო გადასახადს სრულად აუქმებს.

სიახლე თიბისის ნებისმიერ ფილიალში, ასევე, გარე ლოკაციაზე განთავსებულ თიბისის სწრაფი გადახდის ტერმინალებს შეეხება. ამ დრომდე, მომხმარებელს 1 ლარიანი საკომისიო გადასახადი ფილიალის გარეთ განთავსებული აპარატებით სარგებლობის დროს, თიბისის ანგარიშზე თანხის შეტანისას ერიცხებოდა.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ეკონომიკა

იპოთეკურ სესხზე ლარში საპროცენტო განაკვეთი შემცირდება 7%-მდე

1.16K views on

მთავრობის მიერ დასუბსიდირდება სესხის საპროცენტო განაკვეთი, 4 პროცენტის ოდენობით, რაც დღეის მდგომარეობით ნიშნავს, რომ საპროცენტო განაკვეთი იპოთეკურ სესხზე ლარში შემცირდება დაახლოებით 7 პროცენტამდე და ეს არის ისტორიული მინიმუმი, – ამის შესახებ საქართველოს პრემიერ-მინისტრის მრჩეველმა, ეკონომიკურ საკითხებში, ბექა ლილუაშვილმა, დეველოპერული სექტორის მხარდაჭერის ანტიკრიზისული გეგმის წარდგენისას განაცხადა.

“საქართველოს მთავრობამ, ეროვნულმა ბანკმა, დეველოპერულმა სექტორმა. ერთობლივად შევიმუშავეთ დეველოპერული სექტორის მხარდაჭერის ღონისძიებები. ვთანხმდებით, რომ დღეს მთავარი გამოწვევა არის შემცირებული შესყიდვები. იმისთვის, რომ ჩვენ ვუპასუხოთ ამ გამოწვევას, აუცილებელია, რომ დეველოპერულ სექტორში გავზარდოთ მოთხოვნა, რაც იმას ნიშნავს, რომ საცხოვრებელი ბინების შეძენა გავხადოთ უფრო მეტად ხელმისაწვდომი.

ამ ხელმისაწვდომობის გაზრდისთვის, საქართველოს მთავრობა განახორციელებს იპოთეკური სესხის სუბსიდირებას. ეს ნიშნავს იმას, რომ იმ ადამიანებისთვის, ვისაც განზრახული აქვს საცხოვრებელი პირობების გაუმჯობესება და ბინის ყიდვა, მნიშვნელოვანი შეღავათები იქნება ხელმისაწვდომი, თუ ისინი წლის ბოლოს აიღებენ იპოთეკურ სესხებს, უძრავი ქონების შესაძენად.

რაც შეეხება კონკრეტულად სუბსიდირების ნაწილს, მთავრობის მიერ დასუბსიდირდება სესხის საპროცენტო განაკვეთი, 4 პროცენტის ოდენობით, რაც დღეის მდგომარეობით ნიშნავს, რომ დაახლოებით საპროცენტო განაკვეთი იპოთეკურ სესხზე ლარში შემცირდება 7 პროცენტამდე და ეს არის ისტორიული მინიმუმი. არასოდეს დენომინირებულ ლარში აღებულ სესხებზე მსგავსად დაბალი საპროცენტო განაკვეთი არ ყოფილა“, – განაცხადა ბექა ლილუაშვილმა

ახალგაზრდა ანალიტიკოსთა და მეცნიერთა დარბაზი ,,დოქტინა”

სრულად ნახვა
ეკონომიკასაქართველო

გაზის ტარიფი გაიაფდება

3.23K views on

საქართველოში დღეს ბუნებრივი აირის ბაზარი სრულიად კონკურენტულია და კომერციულ ნაწილში ფასებს ეტაპობრივად აკლებს როგორც აზერბაიჯანული გაზის შემომტანი „სოკარი“, ასევე ახლა „გაზპრომიც“ ამ ტენდენციას მიჰყვება, – ამის შესახებ ეკონომიკისა და მდგრადი განვითარების მინისტრმა, ნათია თურნავამ ბუნებრივი აირის ბაზარზე არსებული ტენდენციის შესახებ საუბრისას განაცხადა

„2018 წლიდან მოყოლებული, ჩვენ უფრო მეტი კონკურენცია შემოვიტანეთ ბუნებრივი აირის ბაზარზე, გავხსენით გაზის კომერციული ბაზარი და კომერციული გაზი ბაზარზე რამდენიმე სხვადასხვა ალტერნატიული წყაროდან შემოდის. ამ გაძლიერებული კონკურენციის და იმის გათვალისწინებით, რომ მსოფლიოში ნავთობპროდუქტების ფასები ეცემა, „გაზპრომთან“ უკვე მოქმედი კონტრაქტი გადაიხედა, რაც ფასის დაკლებას ემსახურება“, – განაცხადა მან.

ახალგაზრდა ანალიტიკოსთა და მეცნიერთა დარბაზი ,,დოქტინა”

სრულად ნახვა
1 2 3 4 … 12
Page 2 of 12