ეკონომიკა

თურქულმა ტექნოლოგიურმა კომპანიამ შექმნა მოდული, რომელიც, ულტრაიისფერ სხივებზე დაფუძნებული ტექნოლოგიის საშუალებით ბანკომატებში ქაღალდის კუპიურების დეზინფექცირებას ახდენს.
Money Shower-ის ერთ-ერთი დამფუძნებლის ფურქან ერუქანის განმარტებით, აღნიშნული მოდული ქაღალდის კუპიურებიდან ბაქტერიებსა და ვირუსებს აშორებს და ყველა ბანკომატს 15 წუთში ხდის ჰიგიენურსა და ეკოლოგიურად სუფთას.
„აღნიშნული ტექნოლოგიის წყალობით ადამიანებს ყველა მიკროორგანიზმისგან, მათ შორის კორონავირუსისგან, ვიცავთ,“ – აღნიშნავენ კომპანიაში.
მათივე განმარტებით, ბანკნოტებზე, რომელიც ევროპაშია მიმოქცევაში, 500 ტიპის 26 000 ბაქტერია ბინადრობს.
„ეპიდემიის დროს ქვეყნები აგროვებენ ქაღალდის კუპიურებს, წვავენ მათ და ახლებს ბეჭდავენ. ასევე იქცევა ჩინეთიც, რომელიც, კორონავირუსის გავრცელების შესაჩერებლად, ბაზრიდან ქაღალდის ფულს იღებს და წვავს. თუმცა, ეს დეზინფექცირების საკმაოდ არაადეკვატური მეთოდია,“- აცხადებენ კომპანიაში.
მათი პროგნოზით, ახალი მოდული ქვეყნის წამყვანი ბანკების ბანკომატებში 2023 წლიდან დაინერგება.

წყარო : Anadolu Agency

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა“

მივიღეთ გადაწყვეტილება, რომ ყველა ფიზიკურ პირს, მიკრო, მცირე და საშუალო ბიზნეს მსესხებელს და ასევე ყველა ბიზნესს, რომელიც ტურისტულ, კვების და ისეთ ინდუსტრიაში საქმიანობს, რომელიც საზოგადოებრივი თავშეყრით ხასიათდება, შევთავაზოთ სესხების შენატანზე სამთვიანი საშეღავათო პერიოდი, – ამის შესახებ „თიბისი ბანკის“ განცხადებაში წერია, რომელიც დღეს გავრცელდა.

„საშეღავათო პერიოდი შეეხება სესხის როგორც ძირს, ისე პროცენტს. ქვეყანაში შექმნილი მდგომარეობიდან გამომდინარე, ამ ნაბიჯით თიბისი უმარტივებს ადამიანებს და ბიზნესებს ცხოვრებას. დეტალურ ინფორმაციას სესხების გადავადებასთან დაკავშირებით მომხმარებლები ინდივიდუალურად მიიღებენ“, – ნათქვამია განცხადებაში.

ახალგაზრდა ანალიტიკოსთა და მეცნიერთა დარბაზი ,,დოქტრინა“

საქართველოს ბანკი შექმნილი მდგომარეობიდან გამომდინარე, როგორც მომხმარებელზე ორიენტირებული ბანკი, ახალი ინიციატივით გამოდის. კორონავირუსის გავრცელების პრევენციისთვის თავშეყრის ადგილებში ხალხის ნაკადის შემცირების მიზნით საქართველოს ბანკის მომხმარებელ ფიზიკურ პირებს სასესხო ვალდებულებებზე სამთვიან საშეღავათო პერიოდს სთავაზობს.

დღეიდან, სამი თვის განმავლობაში ის მომხმარებლები, რომლებსაც სესხის მომსახურების გადახდა უწევდათ, შეძლებენ მაისის ჩათვლით გადაავადონ ყოველთვიური გადასახადი.

ბანკი მომავალი კვირიდან დაიწყეს შესაბამისი პროცედურების გატარებას და ეტაპობრივად მოხდება მომხმარებლის ინფორმირება, რისთვისაც არ არის საჭირო ბანკში ვიზიტი.

თუკი მომხარებელს სურს ჩვეულ რეჟიმში გააგრძელოს სესხის მომსახურება, ბანკის მხრიდან მასთან განხორციელებული კომუნიკაციის შემდეგ ის უნდა დაუკავშირდეს ბანკირს, ან დარეკოს ბანკის ცხელ ხაზზე: 2 444 444

წყარო : www.marketer.ge

ახალგაზრდა ანალიტიკოსთა და მეცნიერთა დარბაზი ,,დოქტრინა“

2019 წლის მაისსში ოფიციალურად გახსნა ევროპაში ყველაზე დიდი ქარხანა, რომელიც მზის პანელებს აწარმოებს ქალაქ ქუთაისში. მისი წლიური მოცულობაა 500 მეგავატი. ამჟამად, კომპანიის საერთო ჯამური წარმადობა აღემატება 1 გიგავატს წლიურად.

ჰუალინგის თავისუფალი ინდუსტრიული ზონა გერმანული კომპანიისათვის ხელსაყრელი სტრატეგიული ლოკაციაა. სწორედ ამ ქარხნიდან ის გეგმავს მიაწოდოს უმაღლესი ხარისხის მზის პანელები 70 და მეტ ქვეყანას. ამჟამად, დასაქმებული ჰყავს 150 ადგილობრივი მაღალკვალიფიციური პროფესიონალი. სამომავლოდ კი მეტი სამუშაო ადგილის დამატებას ჰპირდება ადგილობრივ ბაზარს. ჩვენი ქვეყნის მასშტაბით “ეი სოლარს” უკვე არა ერთი ინსტალაცია აქვს შესრულებული, ასევე, მიმდინარეობს ერთ-ერთი საკმაოდ დიდი მოცულობის – 50 მეგავატის პროექტის განხორციელებაც ადგილობრივ კერძო სექტორთან თანამშრომლობით. “ეი სოლარის” მიზანია, მუდმივად, გააფართოვოს თავისი საქმიანობის სპექტრი.

“ეი სოლარის” გლობალური გაყიდვებისა და მარკეტინგის ქსელი საბოლოო მომხმარებლებს ხელმისაწვდომ განახლებად ენერგიას აწვდის და კომპანიის ბრენდის ძირითად მახასიათებლებს წარმოაჩენს: სტაბილურობას, გამძლეობასა და სანდოობას. წამყვან ადგილობრივ კომპანიებთან პარტნიორობით “ეი სოლარი” მუშაობს საქართველოს ენერგეტიკული ბაზრის განვითარებაზეც.

“ეი სოლარი” მუშაობს წარმოების მოცულობის გაზრდაზე; საერთაშორისო გაყიდვების ოფისი, რომელიც თბილისში ფუნქციონირებს, სრულ უზრუნველყოფას სთავაზობს ჩვენს მომხმარებლებს მსოფლიოს ნებისმიერ წერტილში.

“ეი სოლარი” ატარებს ინტენსიურ ტრენინგებს როგორც თანამშრომლებისთვის, ასევე – ნებისმიერი ადამიანისთვის, ვინც დაინტერესებულია მზის ენერგიაზე მომუშავე პანელების წარმოებით.საინსტალაციო კომპანიებს მიეწოდებათ სრული ტექნიკური ინსტრუქცია და დახმარება – საჭიროებისამებრ. “ეი სოლარის” მიერ საქართველოში განხორციელებული თითოეული ინსტალაცია შესრულებულია ადგილობრივი პერსონალის მიერ. “ – აცხადებს კომპანიის დამფუძნებელი და CEO ალექსანდრე მაიერი.

წლის ბოლომდე 300 ადგილობრივის დასაქმებაა კომპანიაში დაგეგმილი. ასევე, მათი დატრეინინგება და კვალიფიკაციის ამაღლება ევროპელი პროფესიონალების მიერ. აქვე, მოლაპარაკებები მიმდინარებს პროფესიული სწავლების პროგრამის შექმნაზეც მზის ენერგიის გამოყენებისა და მზის პანელების საწარმოო ხაზის ირგვლივ. კომპანია აქამდე მხოლოდ ექსპორტზე იყო ორიენტირებული. უკვე იგეგმება საქართველოს ბაზრის აქტიურად ათვისებაც და ამ კუთხით კონკრეტული ნაბიჯების გადადგმა. “ეი სოლარის” მიზანია ადგილობრივად წაახალისოს ალტერნატიული ენერგია და ამისათვის გამოიყენოს ხელთ არსებული რესურსი. რაც შეეხება ინვესტიციას, ის არის პირდაპირი ინვესტიცია კერძო სექტორიდან.

წყარო : forbes.ge

ახალგაზრდა ანალიტიკოსთა და მეცნიერთა დარბაზი ,,დოქტრინა“