მედიცინა

ამერიკელი ქირურგები აცხადებენ, რომ ადამიანს ღორის თირკმელი
წარმატებით გადაუნერგეს, რამაც მედიკოსებში გააჩინა იმედი, რომ
ორგანოების დონაციასთან დაკავშირებული პრობლემა საბოლოოდ
გადაიჭრება.
გადანერგვისას ორგანოს მიმღების ტვინი მკვდარი იყო, რაც იმას
ნიშნავს, რომ გამოჯანმრთელების პერსპექტივა არ არსებობდა.
ღორი, რომლის თირკმელიც გამოიყენეს, გენეტიკურად
მოდიფიცირებული იყო, იმისთვის, რომ ორგანიზმს სხეული „უცხოდ“
არ აღექვა და მასზე უარი არ ეთქვა.
ნიუ-იორკის უნივერსიტეტის Langone Health-ის სამედიცინო ცენტრში
ორსაათიანი ოპერაციის დროს, ქირურგებმა დონორი ღორის
თირკმელი დააკავშირეს მიმღების სისხლძარღვებთან, შემდეგ კი
დააკვირდნენ, თირკმელი ნორმალურად იმუშავებდა, თუ ადამიანის
ორგანიზმის მას არ მიიღებდა. მედიკოსებმა უამრავი ტესტი და
კვლევა ჩაატარეს.
„ჩვენ ვაკვირდებოდით თირკმელს, რომელიც ძირითადად ადამიანის
თირკმლის ტრანსპლანტის მსგავსად, ნორმალურად
ფუნქციონირებდა,“- განაცხადეს კვლევის ავტორებმა.
ექსპერტები განმარტავენ, რომ ეს არის ყველაზე პროგრესული
ექსპერიმენტი ამ სფეროში. მანამდე მსგავსი ცდები ჩატარდა
პრიმატებზე, მაგრამ არა ადამიანებზე. აღსანიშნავია, რომ ღორების
ტრანსპლანტაციისთვის გამოყენება ახალი იდეა არ არის. ღორის
გულის სარქველები უკვე ფართოდ გამოიყენება ადამიანებში.

წყარო : bbc.com

მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი “დოქტრინა”

იაპონელმა მეცნიერებმა ახალი ვირუსის იდენტიფიცირება შეძლეს, რომელიც ტკიპის ნაკბენის შედეგად ვრცელდება. ახალი ვირუსის „იეზოს“ კვლევის შედეგები, გამოცემა Nature Communications-ში გამოქვეყნდა.

იაპონიაში უცნობი პათონოგენით ინფიცირების შემთხვევები 2014 წელს გამოვლინდა. 2020 წლამდე უცნობი ვირუსით ინფიცირების 7 შემთხვევა გამოვლინდა. ვირუსს ახასიათებს ცხელება, ხოლო პაციენტების სისხლში მცირდება ლეიკოციტების და თრომბოციტების რაოდენობა.

იაპონელმა მკვლევრებმა ვირუსი ორი პაციენტის სისხლში აღმოაჩინეს, რამაც მათ ახალი პათოგენის გენეტიკური ანალიზის ჩატარების საშუალება მისცა. ანალიზმა აჩვენა, რომ ვირუსი Orthonairovirus პათოგენს მიეკუთვნებოდა. ანალოგიური პათოგენი აქვს კონგო-ყირიმის ვირუსს.

2019 წელს კუნძულ ჰოკაიდოზე მცხოვრებმა ორმა პაციენტმა ტკიპის ნაკბენის შემდეგ კლინიკას ცხელების ჩივილებით მიმართა. პაციენტების სისხლის ანალიზში უცნობი ვირუსი აღმოჩნდა. ექიმებმა სისხლის ნიმუშები 2014 წელს ინფიცირებული პაციენტების ანალიზს შეადარეს, რომელთაც უცნობი ვირუსის შედეგად ცხელება გამოუვლინდათ. მკვლევრებმა „იეზოთი“ ინფიცირების 7 შემთხვევა გამოავლინეს.

ახალგაზრდა ანალიტიკოსთა და მეცნიერთა დარბაზი “დოქტრინა”

ბრიტანელი ექიმების განცხადებით, ხშირი სლოკინი შესაძლოა ონკოლოგიურ დაავადებაზე მიუთითებდეს. ამის შესახებ Daily Express-ი წერს.

სლოკინის მიზეზი შეიძლება ძალიან სწრაფად ჭამა, დიდი რაოდენობით საკვები ან სპირტიანი სასმელის მიღება გახდეს. თუმცა, ამასთან, ზოგიერთ შემთხვევაში სლოკინი შესაძლოა საყლაპავი მილის კიბოს სიმპტომი იყოს.

სპეციალისტების მოწოდებაა, რომ ადამიანებმა მიმართონ ექიმს, თუ სლოკინის შეტევები 48 საათზე მეტ ხანს გაგრძელდება.

ახალგაზრდა ანალიტიკოსთა და მეცნიერთა დარბაზი “დოქტრინა”

ლევან რატიანი პაციენტთა იმ კატეგორიაზე საუბრობს, რომლებიც კოვიდ 19-ს გაცილებით მალე და ადვილად ამარცხებენ.
– არა მარტო კოვიდ-19-თან მიმართებაში, არამედ ნებისმიერი დაავადების დაძლევაში და სასიკეთო შედეგის მიღწევაში, პაციენტის ფსიქო-ემოციურ განწყობას ძალიან დიდი მნიშვნელობა აქვს. ცენტრალური ნერვული სისტემა მართავს მთელ ჩვენს სხეულს და გენერატორის ფუნქციას ასრულებს ორგანიზმისთვის. უზნაძის განწყობის თეორიაც ადასტურებს, თუ რამხელა მნიშვნელობა აქვს ადამიანის ფსიქო-ემოციურ სტატუსს დაავადების გამოსავალში, – აღნიშნა ლევან რატიანმა და ამის დასტურად ე.წ ბატონები მოიყვანა.
– ყველამ იცის, წარსულში ბატონებს როგორი დიდი სიფრთხილით ისტუმრებდა ოჯახი. სამეგრელოში ტაფას არ ახურებდნენ, ცეცხლს არ ანთებდნენ, რომ ბატონები არ გაღიზიანებულიყვნენ. მაშინდელმა ხალხმა არ იცოდა ამ ქმედების ბიოლოგიური შინაარსი, მაგრამ დღეს დადასტურებულია, რომ კვამლი, სანელებლების მძაფრი სურნელი, ცხიმოვანი საკვების გაცხელება იწვევს ავტოანტიგენების გამომუშავებას, ალერგიულ რეაქციებს და ეს ამწვავებს დაავადების მიმდინარეობას. სიმშვიდე, სიწყნარე, კარგი განწყობა კი ინფექციურ აგენტზე ძალიან კარგად მოქმედებს, – განაცხადა ლევან რატიანმა.

მისი თქმით, კოვიდ 19 არ იძლევა ყოველთვის ცუდ გამოსავალს.

– სტატისტიკა ცხადყოფს, რომ ინფიცირება დაავადებას არ ნიშნავს. შეიძლება იყოთ ინფიცირებული, მაგრამ არ გახდეთ ავად, არ გამოგივლინდეთ მძიმე სიმპტომი. თუ ამ დაავადებას პესიმისტურად მივიღებთ და „ვაიმე, დავმძიმდები“, „ვაიმე, მოვკვდები“ გავიფიქრეთ, ეს შინაგანი განწყობა დაავადების მიმდინარეობაზე აუცილებლად მოახდენს გავლენას. ამიტომ მიიღეთ ისეთი შემართებით, რომ გაიმარჯვებთ, რომ გადარჩებით. ასეთი განწყობის შემთხვევაში, პაციენტთა 99% აუცილებლად გამოჯანმრთელდება, – დასძინა ლევან რატიანმა.

ახალგაზრდა ანალიტიკოსთა და მეცნიერთა დარბაზი “დოქტრინა”

ბრიტანელი ექიმების განცხადებით, ხშირი სლოკინი შესაძლოა ონკოლოგიურ დაავადებაზე მიუთითებდეს. ამის შესახებ Daily Express-ი წერს.

სლოკინის მიზეზი შეიძლება ძალიან სწრაფად ჭამა, დიდი რაოდენობით საკვები ან სპირტიანი სასმელის მიღება გახდეს. თუმცა, ამასთან, ზოგიერთ შემთხვევაში სლოკინი შესაძლოა საყლაპავი მილის კიბოს სიმპტომი იყოს.

სპეციალისტების მოწოდებაა, რომ ადამიანებმა მიმართონ ექიმს, თუ სლოკინის შეტევები 48 საათზე მეტ ხანს გაგრძელდება.

ახალგაზრდა ანალიტიკოსთა და მეცნიერთა დარბაზი “დოქტრინა”

იტალიამ 12 წელს ზემოთ ასაკის მოსახლეობის 80% აცრა – ინფორმაციას როიტერსი ავრცელებს. აღსანიშნავია, რომ ოფიციალურ რომს სწორედ 80%–იანი სამიზნე მაჩვენებელი ჰქონდა, რომელიც მათ მარტში დაისახეს.

ოფიციალური მონაცემებით 60 მილიონიანი მოსახლეობიდან 43.2–მა მილიონმა ორჯერადი აცრების ჩატარება 10 ოქტომბერს დაასრულა. საუბარია 12 წელს ასაკის ზემოთ მოსახლეობაზე.

სპეციალისტების ინფორმაციით, ეს არის მოსახლეობის ის მასა, რომელთა აცრის შემთხვავშიც მკვეთრად მცირდება კორონავირუსის გამო ჰოსპიტალიზაციის რიცხვი.

შეგახსენებთ, რომ იტალია იყო ერთ–ერთი პირველი და მძიმე კერა კორონავირუსის გავრცელებისთვის ევროპაში. კორონავირუსმა ქვეყანაში ათასობით ადამაინის სიცოცხლე იმსხვერპლა.

ახალგაზრდა ანალიტიკოსთა და მეცნიერთა დარბაზი “დოქტრინა”

შვეიცარიაში კოვიდ-ტესტირება აუცრელი პირებისთვის ფასიანი გახდა, რაც იმას ნიშნავს, რომ ასეთ მოქალაქეებს PCR ტესტისთვის განკუთვნილი ხარჯების გაწევა თავად მოუწევთ. ამის შესახებ ინფორმაცია SchengenVisaInfo.com-ზე ვრცელდება.

ვებ-გვერდზე გამოქვეყნებული ინფორმაციის თანახმად, შვეიცარიის მთავრობამ აღნიშნული გადაწყვეტილება მას შემდეგ მიიღო, რაც ბოლო თვის განმავლობაში კორონავირუსის გამოსავლენ ტესტებზე მოთხოვნა მნიშვნელოვნად გაიზარდა, ხოლო ვაქცინაციის ტემპმა იკლო.

მთავრობის გათვლებით, ზამთრის თვეებში ტესტებზე მოთხოვნა 1 მილიონამდე გაიზრდება, რაც შვეიცარიის მთავრობას კვირაში დაახლოებით 44 მილიონი ევრო დაუჯდება, ხოლო რაც შეეხება ვაქცინაციის ტემპის გაზრდას, ამ ეტაპზე ქვეყნის მთავრობას აღნიშნული მიმართულებით დიდი მოლოდინი არ გააჩნია.

SchengenVisaInfo.com-ის ცნობით, კორონავირუსის გამოსავლენი ტესტის საფასურს შვეიცარიის მთავრობა 16 წელს ქვევით მყოფი ბავშვებისთვის და იმ პირებისათვის აანაზღაურებს, ვინც კორონავირუსის საწინააღმდეგო ვაქცინის გაკეთება ჯანმრთელობის მდგომარეობის გამო ვერ შეძლო.

ახალგაზრდა ანალიტიკოსთა და მეცნიერთა დარბაზი “დოქტრინა”