მედიცინა

საფრანგეთში საავადმყოფოების, მოხუცთა თავშესაფრებისა და ჯანდაცვის ცენტრების 3 000-მდე არავაქცინირებულ თანამშრომელს საქმიანობის უფლება დროებით შეუჩერეს.

საფრანგეთის ჯანდაცვის მინისტრ ოლივერ ვერანის თქმით, უფლებამოსილების შეჩერება თანამშრომლების უმეტესობისთვის დროებითია.

ახალი კანონის თანახმად, რომელიც ძალაში 15 სექტებრიდან შევიდა, სამედიცინო სექტორის თანამშრომლებისათვის კორონავირუსის საწინააღმდეგო ვაქცინაცია სავალდებულო გახდა. აღნიშნული გადაწყვეტილება 2.7 მილიონ ადამიანს ეხება, რომლებიც ვალდებულები არიან დაადასტურონ, რომ ვაქცინის მინიმუმ ერთი დოზა გაკეთებული აქვთ.

საფრანგეთის პრეზიდენტის, ემანუელ მაკრონის გადაწყვეტილებით, საფრანგეთში ე.წ. „კოვიდ საშვების“ წარდგენა სავალდებულო გახდა რესტორნებში, სპორტდარბაზებსა და მუზეუმებში შესასვლელად, ხოლო ჯანდაცვის სექტორის თანამშრომლებისთვის ვაქცინაცია სავალდებულო გახდა.

საფრანგეთს ვაქცინირებული მოსახლეობის მაჩვენებლით მსოფლიოში ერთ–ერთი საუკეთესო შედეგი აქვს. ქვეყანაში სრულიად აცრილია მოსახლეობის 72.4 %.

 წყარო : Reuters

ახალგაზრდა ანალიტიკოსთა და მეცნიერთა დარბაზი “დოქტრინა”

ალერგოლოგ-იმუნოლოგმა ბიძინა კულუმბეგოვმა ტელეკომპანია “ფორმულას” ეთერში ვაქცინების უკუჩვენებაზე ისაუბრა. მისი თქმით, აუცილებელია აიცრან ის ადამიანები, ვისაც დიაბეტი, ასთმა, არტერიული წნევა და სხვა დაავადებები აწუხებს:
“თუ დავიწყებთ უკუჩვენებებზე საუბარს, ლაკონურად რომ ვთქვათ, ვაქცინებს ბევრი უკუჩვენება არ აქვს. მაგალითად, ფაიზერის ვაქცინას უკუჩვენება აქვს, თუ ადამიანს მასში შემავალ ინგრედიენტებზე ცხოვრებაში ერთხელ მაინც ანაფილაქსიური შოკი აქვს გადატანილი, ამით მთავრდება. დროებითი უკუჩვენება აქვს ყველა ვაქცინას და ეს ხდება მაშინ, თუ მაქვს ნებისმიერი დაავადება მწვავე სიცხით მიმდინარე და ვიღებ ანტიბიოტიკებს, იმ პერიოდში ვერ ავიცრები.
მეორე შემთხვევაა: თუ გადავიტანე კოვიდი და 30 დღე არ გასულა.
რაც შეეხება ჩინურ ვაქცინებს, მათ შემთხვევაში ეს უკუჩვენებები ცოტა მეტია. ორსულსა და მეძუძურ დედებს ჩვენ ფაიზერს ვთავაზობთ, რადგან ჩინურ ვაქცინებს ანოტაციური უკუჩვენება უწერია. ასევე გაფანტული სკლეროზი და ალერგია შემავალ კომპონენტებზე, მხოლოდ ამ შემთხვევაში იწვევს ვაქცინა უკუჩვენებას. ამის მიღმა მდგომარეობები: დიაბეტი, არტერიული წნევა, გადატანილი ინფარქტი, სტენტირება, შუნტირება, ასთმა – ამ ადამიანების აცრა აუცილებელია და ყველაზე მეტად ამ ადამიანებს ეშინიათ. ამ ინფორმაციის გაფანტვას ვცდილობთ და თითოეულ ადამიანთან მიტანას, მაგრამ ასე მარტივი ეს არ არის. ვფიქრობ, სახელმწიფომ უნდა მისცეს საშუალება ავტორიტეტულ ექიმებს, რომ ადამიანებთან ახლოს მივიდნენ”, – განაცხადა ბიძინა კულუმბეგოვმა.

ახალგაზრდა ანალიტიკოსთა და მეცნიერთა დარბაზი “დოქტრინა”

ექიმი გიორგი ღოღობერიძე საუბრობს და განმარტავს იმ 8 შემთხვევაზე, როდესაც აუცილებელია კორონავირუსით ინფიცირებული ბავშვის სამედიცინო დაწესებულებაში გადაყვანა.

​

თუ სამ თვემდე ასაკის ბავშვს ტემპერატურა აქვს 38 გრადუსი, ექიმთან გადაყვანა აუცილებელია.

 

სამი თვიდან ზევით ტემპერატურა შეიძლება იყოს 39 გრადუსი, აუცილებლად გადასაყვანია კლინიკაში.

 

თუ ბავშვს ტემპერატურა 5 დღეზე მეტი უგრძელდება, ასევე აუცილებელია კლინიკაში გადაყვანა.

 

თუ ტემპერატურა არ ემორჩილება მედიკამენტ „პარაცეტამოლს“ ამ შემთხვევაშიც ექიმთან გასვლა აუცილებელია.

 

თუ ამ ყველაფერს თან ერთვის გამონაყარი მთელ სხეულზე კლინიკაში გადაყვანა აუცილებელია.

 

ასევე ამ ყველაფერს თუ ახლავს კრუნჩხვები, კლინიკაში გადაყვანა აუცილებელია.

 

თუ ტემპერატურას ტუჩების მიდამოში გალურჯება ახლავს, ასევე თითების გაციება, აქაც ყველა შემთხვევაში ექიმთან გადაყვანა აუცილებელია.

 

ტემპერატურას ასევე შეიძლება ახლდეს გამოშრობის ნიშნები, ჩვენ უნდა გახსოვდეს რომ სიცხე მხოლოდ შემაწუხებელი არ არის, სიცხე არის ერთ-ერთი ფაქტორი გამოშრობის.

 

როცა ტემპერატურა მაღალია სიცხეების რაოდენობა უნდა გაიზარდოს. კორონავირუსის დადასტურების შემთხვევაში მნიშვნელოვანია, რომ პანიკას არ ავყვეთ, განწყობას აქვს დიდი მნიშვნელობა. თუ ტემპერატურა გადააჭარბებს 38 გრადუსს სიცხის დამწევი უნდა მივიღოთ. სულ 2 მედიკამენტია. იბუპროფენი და პარაცეტამოლი. სიცხის მართვა მხოლოდ სიცხის დამწევის მიღებას არ გულისხმობს, არამედ სითხეების მიღებას გულისხმობს.

ფიზიკური მოძრაობა ნიშნავს იმას, რომ ფილტვები კარგად ვენტილირდება. ფიზიკური მოძრაობის შემდეგ თუ დასვენებას დავაპირებთ, აუცილებლად მუცელზე უნდა დავწვეთ. ბუშტების ბერვა ასევე ძალიან კარგია. ჩემი რჩევა იქნება რომ ანტიბიოტიკები თვითნებურად არ მივიღოთ“, – აღნიშნა ღოღობერიძემ ტელეკომპანია „პირველის“ ეთერში.

ახალგაზრდა ანალიტიკოსთა და მეცნიერთა დარბაზი “დოქტრინა”

საბერძნეთის ექსპერტთა საბჭო კორონავირუსის ახალი შტამის გამო შეშფოთებას გამოთქვამს. ეს არის მუტაცია M, რომელიც ქვეყანაში უკვე რამდენიმე ინფიცირებულთან დაფიქსირდა და კარგად შესწავლილი ჯერჯერობით არ არის – ამის შესახებ ადგილობრივი მედია წერს.

მართალია, საბერძნეთის ჯანდაცვის მინისტრი გიგას მაიორკინი აცხადებს, რომ ამ დრომდე, ახალი შტამის დინამიურობა არ შეინიშნება, თუმცა, პროფესორთა ნაწილი ფიქრობს, რომ არ არის გამორიცხული, თავისი მასშტაბურობით დელტა შტამსაც კი გადაასწროს.

ექსპერტები ხაზს უსვამენ, რომ მოსახლეობის დიდი ნაწილი აცრილი რომ არ იყოს, კატასტროფის წინაშე მარტივად დადგებოდნენ.

“ჩვენ M შტამის შესახებ ბევრი არაფერი ვიცით, რადგან ახალია. მსოფლიო მეცნიერებას ჯერ კიდევ არ აქვს საკმარისი მონაცემები იმის გამოსავლენად, თუ რამდენად გადამდებია ეს შტამი ან ვაქცინა რამდენად ერევა. თუმცა, ყველაფრისთვის მზად ვართ.

ის, რომ საბერძნეთის მოქალაქეთა 50 პროცენტი უკვე აცრილია, იმუნიტეტის გარკვეული კედელი აშენებულია და ამან ბევრი ადამიანი ​ ინტუბაციისა და სიკვდილისგან ნამდვილად იხსნა.

ვაქცინირებულები რომ არ ვიყოთ, სულ სხვაგვარი სურათის წინაშე დავდგებოდით და ეს იქნებოდა ძალიან მძიმე. ამ დროისთვის მართვითი სუნთქვის აპარატზე მყოფი ადამიანების 90 პროცენტი აუცრელია,” – თქვა პროფესორმა, თეოდორა ფსაპტოპულუმ.

ახალგაზრდა ანალიტიკოსთა და მეცნიერთა დარბაზი “დოქტრინა”