მედიცინა

არავაქცინირებული ადამიანების დიდი რაოდენობა ვირუსის  ვარიანტების წარმოქმნას უწყობს ხელს,  – ამის შესახებ დასავლეთ ვირჯინიის უნივერსიტეტის პროფესორმა ქრისტოფერ მარტინმა განაცხადა.

ვირუსი, რომელიც კოვიდ-19-ს იწვევს, თვითგამრავლებას იწყებს მხოლოდ მაშინ, როდესაც მისი „მასპინძელი“ ადამიანის ორგანიზმია. ვირუსი ამას ჩვენი უჯრედოვანი მექანიზმის მიტაცების გზით ახორციელებს, იმისთვის, რომ ადამიანის უჯრედების მეტი ასლის ნაცვლად მეტი საკუთარი უჯრედი მიიღოს. მაგრამ ეს პროცესი ქაოტურია და ვირუსის მიერ საკუთარი ასლების წარმოქმნისას გენეტიკურ კოდში შეცდომები ხშირად ხდება. ეს შეცდომები კი იწვევს მუტაციებს, რომლებიც ქმნიან შემოჭრილი პათოგენის განსხვავებულ ვერსიებს.

”თუ რომელიმე შემთხვევითი შეცდომა ამ ვირუსს უპირატესობას ანიჭებს, მაგალითად,თუ ის უფრო გადამდები გახდება, როგორც ეს „დელტას“ შემთხვევაშია, აღნიშნულივარიანტი შეიძლება სწრაფად გახდეს მოსახლეობაში დომინანტური,” – განაცხადა პროფესორმა მარტინმა.

მისი განმარტებით, რადგანაც ჩვენი სამყარო ასეთი ურთიერთდაკავშირებულია, ვარიანტები შეიძლება სწრაფად გავრცელდეს. მაგალითად, „დელტა“ვარიანტი პირველად ინდოეთში 2020 წლის ბოლოს გამოვლინდა, აშშ – ში კი მაისის დასაწყისში. უკვე ივლისისათვის კი აშშ-ში ინფიცირების ახალი შემთხვევების 80%-ი „დელტა“ ვარიანტზე მოდიოდა.

პროფესორ მარტინის თქმით, მიუხედავად იმისა, რომ ვაქცინირებული პირების ნაწილი მაინც ინფიცირდება, ინფიცირების მაჩვენებელი არავაქცინირებულებში გაცილებით მაღალია და შესაბამისად, ისინი ვირუსის გავრცელების უფრო მაღალ რისკს ჰქმნიან.

”თითოეული ჩვენგანი რისკის ქვეშ ვრჩებითმანამ, სანამ მსოფლიოში არავაქცინირებული ადამიანების რაოდენობა დიდია,” – აცხადებს მარტინი.

გამოცემა Bloomberg-ის ბოლო მონაცემებით, კორონავირუსის საწინააღმდეგო ვაქცინაცია მსოფლიოს 183 ქვეყანაში მიმდინარეობს და ამ დროისთვის, საერთო ჯამში, ვაქცინების 5.46 მილიარდი დოზაა ადმინისტრირებული. დღეში იცრება, დაახლოებოთ, 39 მილიონი ადამიანი. ყველაზე მეტი ადამიანი ჩინეთშია ვაქცინირებული, სადაც გამოყენებული დოზების რაოდენობამ 2 მილიარდს გადააჭარბა. ინდოეთში გამოყენებული ვაქცინების დოზების რაოდენობა 684 მილიონია. ევროკავშირში ვაქცინების 537 მილიონზე მეტი დოზა გამოიყენეს, აშშ-ში კი 374 მილიონი.

წყარო : Bloomberg

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი “დოქტრინა”

სამეცნიერო ჟურნალ Lancet-ის პრეპრინტში (სამეცნიერო გამოცემა, რომელშიც წინასწარ იბეჭდება სხვა გამოცემისათვის განკუთვნილი მასალები) გამოქვეყნებული ახალი კვლევის მიხედვით, Sinopharm-ისა და Sinovac-ის კოვიდვაქცინები ეფექტურია კორონავირუსის “დელტა” შტამის წინააღმდეგაც.

კვლევაში 10 00-ზე მეტ ადამიანი მონაწილეობდა, რომლის მიხედვითაც ჩინური წარმოების ვაქცინების Sinovac-ისა და Sinopharm-ის გამოყენების პროპორცია იყო 60/30-ზე.

შედეგად მხოლოდ 19-ს განუვითარდა მძიმედ დაავადება, რომლებიც არ იყვნენ ვაქცინირებულნი.

კვლევამ აჩვენა, რომ ვაქცინებს აქვს 100% -იანი ეფექტიანობა მძიმე/კრიტიკული დაავადების განვითარების წინააღმდეგ, 70% საშუალო სიმძიმის დაავადების, ხოლო 59%-ით იცავს სიმპტომური დაავადებისგან.

,,კვლევის და ვაქცინაციის მონაცემების გამოყენებით, ჩვენ შევაფასეთ ინაქტივირებული ვაქცინების რეალური ეფექტიანობა პნევმონიისა და მძიმე დაავადებების საწინააღმდეგოდ, გამოწვეული B.1.617.2 ვარიანტით. გავანაწილეთ როგორც არავაქცინირებული, ნაწილობრივ აცრილი (1 დოზა) და სრულად ვაქცინირებული (2 დოზა) ჯგუფები. შევაფასეთ ვაქცინირებული ჯგუფების შედარებითი რისკი (RR) და ვაქცინის ეფექტურობა (VE) არავაქცინირებულ ჯგუფთან მიმართებით”, – აღნიშნულია კვლევაში.

ახალგაზრდა ანალიტიკოსთა და მეცნიერთა დარბაზი “დოქტრინა”

“90 მძიმე კოვიდინფიცირებული პაციენტის 93 %-მა, საავადმყოფო მედიკამენტის მიღებიდან 5 დღეში დატოვა” – საერთაშორისო მედია კიდევ ერთი ახალი, კოვიდ-19-ის სამკურნალო პრეპარატის ეფექტიანობაზე წერს. 

ისრაელში დამზადებული მედიკამენტი საბერძნეთის რამდენიმე საავადმყოფოში მყოფ პაციენტებზე გამოსცადეს, რადგან, როგორც კვლევის ავტორები ამბობენ, ისრაელს არ ჰყავდა საკმარისი რაოდენობის შესაბამისი სიმძიმის პაციენტები.

კოვიდპრეპარატი თელავივის სურასკის სამედიცინო ცენტრის მიერ შეიქმნა და ის ახლა საცდელი პერიოდის მეორე ფაზას გადის.

ცდის ავტორების განცხადებით, კვლევის წინასწარმა ანალიზმა ექსპერიმენტის პირველი ფაზის შედეგები კვლავ გაიმეორა, მაშინ (კვლევის პირველი ეტაპი ზამთარში განხორციელდა) მედიკამენტის მიღების შემდეგ, ზომიერად მძიმე 30 პაციენტიდან 29-მდე, რამდენიმე დღეში გამოჯანმრთელდა.

“აღნიშნული კვლევის მთავარი მიზანი იყო იმის შემოწმება, რომ პრეპარატი უსაფრთხოა. დღემდე, ჩვენ არ გვაქვს რეგისტრირებული რაიმე მნიშვნელოვანი გვერდითი მოვლენა, რომელიც კვლევის პირველ ან მეორე ფაზაში მონაწილე რომელიმე პაციენტში გამოვლინდა.” – თქვა პროფესორმა ნადირ არბერმა.

როგორც ისრაელის ერთ-ერთი საინფორმაციო სააგენტო The Jerusalem Post წერს, არბერმა და მისმა გუნდმა, მათ შორის დოქტორმა შირან შაპირმა პრეპარატი შეიმუშავეს იმ მოლეკულის საფუძველზე, რომელსაც პროფესორი უკვე 25 წელია სწავლობს. ეს არის CD24, რომელიც ბუნებრივად არის ორგანიზმში. პროტეინი აკრავს უჯრედის მემბრანას და მრავალ ფუნქციასთან ერთად, აკონტროლებს მექანიზმს, რომელიც “ციტოკინურ შტორმზეა” პასუხისმგებელი.

“კლინიკური გაუარესების მთავარი მიზეზი იმუნური სისტემის გადაჭარბებული გააქტიურებაა, რომელიც ასევე ცნობილია როგორც “ციტოკინის ქარიშხალი”. კოვიდპაციენტთა შემთხვევაში, სისტემა იწყებს შეტევას ფილტვების ჯანსაღ უჯრედებზე. CD24 კი არის პატარა ცილა, რომელიც მიმაგრებულია უჯრედების მემბრანაზე და ის ასრულებს ბევრ ფუნქციას, მათ შორის ციტოკინის ქარიშხალზე პასუხისმგებელი მექანიზმის რეგულირების ჩათვლით.” – თქვა არბერმა და აღნიშნა, რომ ის, მთლიანობაში, გავლენას არ ახდენს იმუნურ სისტემაზე და მიზნად ისახავს სწორი ბალანსის პოვნას.

“მათი მიწოდებით ზუსტად იქ, სადაც საჭიროა, ჩვენ თავიდან ავიცილებთ ბევრ გვერდით ეფექტს.” – ამბობს პროფესორი.

ახლა გუნდი მზად არის, კვლევის ბოლო ეტაპი დაიწყოს.

აქვე, ნადირ არბერის განმარტებით, რაც უნდა პერსპექტიული იყოს მკურნალობის პირველი ფაზის დასკვნები, ვერავინ იქნება ბოლომდე დარწმუნებული, სანამ შედეგებს არ შეადარებენ იმ პაციენტების ანალიზს, რომლებიც პლაცებოს იღებენ.

კვლევაში მონაწილეობას მიიღებს, დაახლოებით, 155 კოვიდპაციენტი. მათს ორ მესამედს მისცემენ წამალს, ხოლო მესამედს – პლაცებოს.

კვლევა ისრაელში ჩატარდება და ის შეიძლება აგრეთვე ჩატარდეს სხვა ქვეყნებშიც, თუკი ისრაელში საჭირო პაციენტების რაოდენობა არ იქნება საკმარისი.

არბერი იმედოვნებს, რომ კვლევა წლის ბოლომდე დასრულდება და თუ შედეგები წარმატებული აღმოჩნდება, პროფესორი პირობას დებს, რომ მკურნალობა შესაძლებელი გახდება შედარებით სწრაფად და უფრო ხელმისაწვდომ ფასად.

“გარდა ამისა, წარმატებამ შეიძლება გზა გაგვიხსნას მრავალი სხვა დაავადების სამკურნალოდ” – ამბობს პროფესორი ნადირ არბერი.

შეგახსნებთ, ეს არ არის პირველი კოვიდპრეპარატი, რომლის ცდებიც ამ ეტაპზე მიმდინარეობს.

ახალგაზრდა ანალიტიკოსთა და მეცნიერთა დარბაზი “დოქტრინა”