მედიცინა

ავსტრიელმა მეცნიერბმა კორონავირუსის მსუბუქი ფორმის სიმპტომები ჯგუფებად დაჰყვეს. ამასთან, მათ განსაზღვრეს სისხლის ბიომარკერები, რაც მკურნალობის გაკონტროლების საშუალებას იძლევა. კვლევის შედეგები ჟურნალ Allergy-ში ვრცელდება.

ვენის სამედიცინო უნივერსიტეტის პათოფიზიოლოგიის, ინფექციური დაავადებებისა და იმუნოლოგიის ცენტრის სპეციალისტებმა იმუნოლოგ ბინფრიდ პიკლის და ალერგოლოგ რუდოლფ ვალენტას ხელმძღვანელობით შედარებითი კვლევა ჩაატარეს, რომელშიც მონაწილეობა მიიღეს კოვიდის მსუბუქი ფორმით ინფიცირებულმა 109 პაციენტმა და 98-მა ჯანმრთელმა ადამიანმა, რომელთაგან შეიქმნა საკონტროლო ჯგუფი.

ავტორებმა კვლევაში კორონავირუსის მსუბუქი ფორმის 7 სიმპტომი გამოყვეს:

გრიპის სიმპტომები – ცხელება, შემცივნება, დაღლილობა და ხველა;

გაციების სიმპტომები – რინიტი, ცემინება, ყელის სიმშრალე, „ცხვირის გაჭედვა“;

კუნთებისა და სახსრების ტკივილი;

თვალის და ლორწოვანი გარსების ანთება;

სუნთქვის გაძნელება – პნევმონია და უკმარისობა;

კუჭ-ნაწლავის პრობლემა – დიარეა და პირღებინება, ასევე თავის ტკივილი;

ყნოსვის და გემოს დაკარგვა.

პირველ სამ ჯგუფს მკვლევარები სისტემურ სიმპტომებს მიაკუთვნებენ, ბოლო ორს კი – ორგანოსპეციფიკურს. ავტორების აზრით, ასეთი დაყოფა აუცილებელია სწორი დიაგნოსტირებისთვის ავადმყოფობის საწყის ეტაპზე.

„აღმოვაჩინეთ, რომ ყნოსვის და გემოს დაკარგვა, ძირითადად, გავლენას ახდენს ახალი იმუნური რეაქციის მქონე ადამიანებზე. ეს იმუნური რეაქციები იზომება იმუნური უჯრედების, T ლიმფოციტების რაოდენობით, რომელთა ინდუქცირებას თიმუსის ჯირკვალი ახდენს”, – აცხადებს ვინფრიდ პიკლი.

ამავდროულად, მეცნიერებმა დაადგინეს, რომ მსუბუქი ფორმის კორონავირუსი, განკურნების შემდეგ, იმუნურ სისტემაში მნიშვნელოვან ცვლილებებს ტოვებს, რაც კარგად იკვეთება ავადმყოფობის მეათე დღეს. ამის ერთ-ერთი ნიშანია გრანულოციტების დაბალი დონე – ლეიკოციტები, რომლებიც ბაქტერიულ პათოგენებთან ბრძოლაზე არიან პასუხისმგებელნი. ეს კი, ავტორების აზრით, აუცილებლად გასათვალისწინებელი საკითხია მკურნალობის სტრატეგიის განსაზღვრისა და ვაქცინის შემუშავების პროცესში.

„ჩვენ ვნახეთ, რომ მათ ორგანიზმში, ვინც COVID-19-ის მსუბუქი ფორმა გადაიტანა, T-ლიმფოციტების CD4 და CD8 კომპარტმენტკებში მეხსიერების უჯრედები განვითარდა, CD8 Т-ლიმფოციტები კი დიდხანს აქტიურები დარჩნენ. ეს კი იმას ნიშნავს, რომ ინფიცირების დაწყებიდან რამდენიმე კვირის შემდეგაც იმუნური სისტემა ძველებურად აქტიურად აგრძელებს ბრძოლას. ამავდროულად კი რეგულარული უჯრედები მნიშვნელოვნად შემცირებულია. ეს კი სახიფათო ნარევია, რამაც შესაძლოა აუტოიმუნურ რეაქციებამდე მიგვიყვანოს“ – განმარტავს პიკლი.

ამას გარდა, გამოჯანმრთელებულების სისხლში აღმოჩნდა ანტისხეულების წარმომქმნელი იმუნური უჯრედები და რაც უფრო მაღალი ჰქონდა ინფიცირებულს ცხელება ავადმყოფობის დროს, მით მეტი იყო ანტისხეულების დონე.

„ჩვენი კვლევა უპირველეს ყოვლისა აჩვენებს, რომ COVID-19-ით ინფიცირებისას ადამიანის იმუნური სისტემა აორმაგებს ძალისხმევას იმუნური უჯრედებისა და ანტისხეულების კომბინაციით. ეს თანამედროვე ფეხბურთის გუნდს ჰგავს, რომელიც დაცვას აძლიერებს – მეხსიერების უჯრედებს შეუძლიათ დაიმახსოვრონ ვირუსის „სვლები“ და რეაგირება მოახდინონ მათზე. ახლა უკვე საუბარი იმაზეა, რომ ამ კვლევის შედეგები ვაქცინის წარმოებისას გამოიყენონ“, – აცხადებს მეცნიერი.

ავტორები იმედოვნებენ, რომ მათ მიერ გამოვლენილი ბიომარკერები არამხოლოდ მაღალეფექტური ვაქცინის შემუშავებას შეუწყობენ ხელს, არამედ დაავადების მონიტორინგის უფრო ზუსტი სისტემის შექმნის შესაძლებლობასაც იძლევიან.

ახალგაზრდა ანალიტიკოსთა და მეცნიერთა დარბაზი ,,დოქტრინა”

აშშ-ის ჰო­პ­კინ­სის უნი­ვერ­სი­ტე­ტის ქარ­თვე­ლი დოქ­ტო­რი, ექი­მი-ინ­ფექ­ცი­ო­ნის­ტი მა­მუ­კა მა­ჩა­ი­ძე “ფე­ის­ბუ­ქის” პი­რად გვერ­დზე აქ­ვეყ­ნებს რე­კო­მენ­და­ცი­ებს იმ შემ­თხვე­ვის­თვის, თუ კო­რო­ნა­ვირუ­სი და­გი­დას­ტურ­დე­ბათ და მკურ­ნა­ლო­ბა სახ­ლის პი­რო­ბებ­ში მო­გი­წევთ:

“სახ­ლში კო­ვი­დით მკურ­ნა­ლო­ბას­თან და­კავ­ში­რე­ბით:

პირ­ველ რიგ­ში, თუ კო­ვი­დი და­გი­დას­ტურ­დათ, იმის ალ­ბა­თო­ბა, რომ მას მსუ­ბუ­ქად გა­და­ი­ტანთ არის !!ბევ­რად!! მეტი, ვიდ­რე დამ­ძი­მე­ბის ალ­ბა­თო­ბა; ამას­თა­ნა­ვე, მსუ­ბუ­ქი და­ა­ვა­დე­ბით კლი­ნი­კა­ში მის­ვლით გან­სხვა­ვე­ბულ მკურ­ნა­ლო­ბას დიდი ალ­ბა­თო­ბით არ მი­ი­ღებთ.

ბუ­ნებ­რი­ვია, კონ­ტაქ­ტზე უნდა იყოთ თქვენს ექიმ­თან (რო­გორც ჩანს კონ­ტაქ­ტზე გას­ვლა და რჩე­ვის მი­ღე­ბა ხში­რად ვერ ხერ­ხდე­ბა) ნე­ბის­მი­ერ კი­თხვას­თან და­კავ­ში­რე­ბით.

მი­ი­ღეთ რაც შე­იძ­ლე­ბა მეტი სი­თხე (გუ­ლის უკ­მა­რი­სო­ბა არის ერთ-ერთი-გა­მო­ნაკ­ლი­სი რო­დე­საც ფრთხი­ლად უნდა ვი­ყოთ სი­თხე­ე­ბის მი­ღე­ბი­სას).

არ და­ლი­ოთ სი­ცხის დამ­წე­ვი, თუ ტემ­პე­რა­ტუ­რა არის 38.3°-ზე და­ბა­ლი

იმოძ­რა­ვეთ რაც შე­იძ­ლე­ბა მეტი – ოთახ­ში ია­რეთ, ბუქ­ნე­ბი აკე­თეთ, ყვე­ლა­ფე­რი რაც ფე­ხის კუნ­თებს აა­მუ­შა­ვებს – ნუ და­ლევთ ას­პი­რინს (ან ნე­ბის­მი­ერ “სის­ხლის გა­მა­თხე­ლე­ბელს“) თვით­ნე­ბუ­რად, თუ უკვე გა­მო­წე­რი­ლი არ გაქვთ ექი­მის­გან სხვა ჩვე­ნე­ბით.

რა სიმპტო­მე­ბის გა­მო­ჩე­ნის შემ­თხვე­ვა­ში ვრე­კავთ 112-ში: სუნ­თქვის გარ­თუ­ლე­ბა; გულ-მკერ­დის გა­ხან­გრძლი­ვე­ბუ­ლი ტკი­ვი­ლი/მო­ჭე­რის შეგ­რძნე­ბა, გო­ნე­ბის და­ბინ­დვა, სა­ხის, ან ტუ­ჩე­ბის გა­ლურ­ჯე­ბა

კო­ვი­დი და დ ვი­ტა­მი­ნი: ბევ­რი ურ­თი­ერ­თგა­მომ­რი­ცხა­ვი კველ­ვა არ­სე­ბობს დ ვი­ტა­მინ­სა და გრი­პის ვირუ­სის სიმ­ძი­მის/სიკ­ვდი­ლი­ა­ნო­ბის შე­სა­ხებ; მი­ნი­მუმ ორმა კვლე­ვამ აჩ­ვე­ნა კავ­ში­რი დ ვი­ტა­მი­ნის დე­ფი­ციტ­სა და კო­ვი­დის მძი­მე მიმ­დი­ნა­რე­ო­ბას შო­რის (რეს­პი­რა­ტო­რუ­ლი დის­ტრე­სი და სიკ­ვდი­ლი­ა­ნო­ბა); ამი­ტომ, თუ იცით, რომ დ ვი­ტა­მი­ნის დე­ფი­ცი­ტი გაქვთ, გა­ნაგ­რძეთ ვი­ტა­მი­ნის მი­ღე­ბა, სხვა შემ­თხვე­ვა­ში, და­ე­ლა­პა­რა­კეთ მკურ­ნალ ექიმს

თუ თქენ ხართ კო­ვიდ-და­დას­ტუ­რე­ბუ­ლი, ან სა­ეჭ­ვო პა­ცი­ენ­ტის მომ­ვლე­ლი: გა­ი­კე­თეთ ნი­ღა­ბი პა­ცი­ენ­ტთან კონ­ტაქ­ტი­სას, ხში­რად და­ი­ბა­ნეთ ხე­ლე­ბი; თუ არის სა­შუ­ა­ლე­ბა, სა­სურ­ვე­ლია პა­ცი­ენტს ქონ­დეს გა­მო­ყო­ფი­ლი ოთა­ხი, სა­ა­ბა­ზა­ნო, თეთ­რე­უ­ლი და ჭურ­ჭე­ლი, რო­მე­ლიც ცალ­კე გა­ი­რე­ცხე­ბა და ზე­და­პი­რე­ბი გა­სუფ­თავ­დე­ბა სა­დე­ზინ­ფექ­ციო სა­შუ­ა­ლე­ბით, რე­ზი­ნის ხელ­თათ­მა­ნის გა­მო­ყე­ნე­ბით; ბუ­ნებ­რი­ვია მნახ­ვე­ლის ვი­ზი­ტი ამ დროს არ უნდა მოხ­დეს.

არ­ცერ­თი ტეს­ტი და არც ერთი ექი­მი სრულ­ყო­ფი­ლი არ არის! თუ თქვენ გქონ­დათ კონ­ტაქ­ტი და­დას­ტუ­რე­ბულ შემ­თხვე­ვას­თან და გაქვთ ტი­პი­უ­რი სიმპტო­მე­ბი, უარ­ყო­ფი­თი ტეს­ტის შემ­თხვე­ვა­შიც ეს რე­კო­მენ­და­ცი­ე­ბი არის და­სა­ცა­ვი” – წერს მა­მუ­კა მა­ჩა­ი­ძე.

ახალგაზრდა ანალიტიკოსთა და მეცნიერთა დარბაზი ,,დოქტრინა”

ექიმი თერაპევტი სოფიო ბერიძე გაზრდილ კოვიდშემთხვევებთან დაკავშირებით საჯარო პოსტს ავრცელებს და მოსახლეობას საჭირო მითითებებს აძლევს.

“აჭარაში ვირუსის გავრცელების მაჩვენებლი რჩება მაღალი და შედარებისთვის, ის უტოლდება და ასწრებს ევროპაში პირველი ტალღის გავრცელების პიკზე მყოფ რეგიონებს!

დიაგნოსტირების მთავარი სირთულე ისევ PCR ტესტირების შეზღუდვები და შეფერხებაა – რეალურად კი ამ გავრცელების პირობებში, კონტაქტით და მის გარეშეც, თუ გაქვთ ტემპერატურის მატება, კუნთების, ზურგის, თავის ტკივილი და ყნოსვისა და გემოვნების შეცვლა,
ეს პრაქტიკულად ნიშნავს, რომ გაქვთ კოვიდი და ყოველგვარი დამატებითი ბიუროკრატიული ქმედებების, ტესტირებაზე დროის, ფულის, ნერვების და ძალისხმევის დახარჯვის გარეშე – უნდა დალიოთ ჩაი, ბევრი სითხე, იკვებოთ სწორად, ხშირად ანიავოთ ოთახი, იმოძრავოთ და რაც მთავარია – იყოთ იზოლაციაში!
ოღონდ ამ ყველაფერს თვალყურს უნდა ადევნებდეს – ექიმი!
აი, ამ ექიმს როგორ დაუკავშირდებით და ჩაბარდებით – თქვენი მარიფათის და მოხერხების ამბავია, ჯერ კიდევ…
ამავე ექიმმა უნდა გადაწყვიტოს, რჩებით სახლში ან სასტუმროში თუ გჭირდებათ საავადმყოფოში მოთავსება!
ამავე ექიმმა უნდა დაგინიშნოთ მედიკამენტები, თუ ისინი გჭირდებათ! (და არა მეზობელმა, ახლობელმა ან ფარმაცევტმა..)
ამავე ექიმმა უნდა მოგცეთ შემდგომი რეკომენდაციები, ამოიცნოს ის ნიშნები, რომლებიც მიუთითებენ მძიმე მიმდინარეობაზე! (არა მეზობელმა, ახლობელმა ან ნათესავმა…)
დიახ, ამავე ექიმს ეკისრება პასუხისმგებლობა თქვენს გამოჯანმრთელებაზე და არ დამძიმებაზე!
რა პასუხისმგებლობა და ვალდებულება გეკისრებათ
თქვენ:
ყველგან ატაროთ ნიღაბი!
ყველასთან დაიცვათ დისტანცია!
ყოველთვის გქონდეთ დაბანილი ხელები!
სიმპტომების გამოვლენისთანავე გადახვიდეთ იზოლაციაში!
არ მიიღოთ ექიმის დანიშნულების გარეშე მედიკამენტები, გარდა სიცხის დამწევისა და ისიც დოზირებულად!
არ ურჩიოთ სხვას მედიკამენტების და განსაკუთრებით ანტიბიოტიკების მიღება!
არ შეაჩეროთ იმ მედიკამენტების მიღება, რომელიც მანამდე დანიშნული გქონდათ ქრონიკული დაავადებების, მაგალითარ არტერიული ჰიპერტენზიის, გულის უკმარისობის, ასთმის და სხვათა გამო!
მხოლოდ ამ რეკომენდაციებით და ამ გზით შევძლებთ შევაჩეროთ ვირუსის კიდევ უფრო მასშტაბური გავრცელება და ეს არის ძირითადი გზა და საშუალება გაზრდილი ადამიანური მსხვერპლის თავიდან ასაცილებლად!” – წერს სოფიო ბერიძე.

ახალგაზრდა ანალიტიკოსთა და მეცნიერთა დარბაზი ,,დოქტრინა”