მედიცინა

ქირურგებმა რომში 2 წლის სიამის ტყუპი გოგოები ერთმანეთისგან 18-საათიანი ოპერაციის შემდეგ განაცალკევეს. ამის შესახებ Deutsche Welle წერს.

გამოცემის ინფორმაციით, ეს იტალიაში პირველი ასეთი ოპერაცია იყო. მასში 30 ექიმი და ექთანი მონაწილეობდა. ეს საბოლოო ნაბიჯი გახდა 3 ოპერაციისგან შემდგარ პროცესში, რომელიც გოგოების განსაცალკევებლად ჩატარდა.

დები ერვინა და პერვინა იტალიაში ცენტრალური აფრიკის რესპუბლიკა ბანგუიდან ჯერ კიდევ 2018 წლის სექტემბერში ჩაიყვანეს. ექიმებმა დაადგინეს, რომ ისინი სრულად ჯანმრთელები არიან, მაგრამ ერთი დის გული ორგანიზმების ფიზიოლოგიური ბალანსის დასაცავად უფრო ძლიერად მუშაობდა.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

ბრიტანული მედიკამენტების მწარმოებელი კომპანია AstraZeneca ევროპის ქვეყნებს კორონავირუსის საწინააღმდეგო ვაქცინის 400 მილიონი დოზით მოამაგარაგებს.

შესაბამისი ხელშეკრულება კომპანიასა და „ევროპის ინკლუზიური ვაქცინების ალიანსს (IVA)”  შორის უკვე გაფორმდა. ხელშკრულებას ხელი ალიანსში შემავალმა ოთხმა ქვეყანამ : საფრანგეთმა, გერმანიამ, იტალიამ და ნიდერლანდებმა მოაწერა ხელი, თუმცა ვაქცინა ევროკავშირის წევრი ყველა ქვეყნისთვისაა განკუთვნილი და ნებისმიერ სახელმწიფოს შეუძლია კონტრაქტს შეუერთდეს.

ხელშეკრულების თანახმად, საფრანგეთი, გერმანია, იტალია და ნიდერლანდები მთლიან თანხას წინასწარ გადაიხდიან, რომლის ოდენობა ჯერჯერობით არ ხმაურდება. ნებისმიერი სხვა ქვეყანა, რომელიც კონტრაქტზე ხელმოწერის სურვილს გამოთქვამს, ვალდებულია კონტრაქტით გათვალისწინებულ ყველა პირობას დათანხმდეს.

ხელშეკრულების პირობების გათვალისწინებით, ოქსფორდის უნივერსიტეტის მიერ შექმნილი ვაქცინის ევროპის ქვეყნებისთვის მიწოდება 2020 წლის ბოლოდან დაიწყება.

„ვაქცინა ევროპაში მცხოვრები ასობით მილიონი ადამიანისთვის გახდება ხელმისაწვდომი, თუკი, რასაკვირველია ის ეფექტური აღმოჩნდება, რაც ზაფხულის ბოლოსთვის გვეცოდინება,“- განაცხადა კომპანიის აღმასრულებელმა დირექტორმა პასკალ სერიოტმა და დასძინა, რომ იმედი აქვს „ვაქცინა იმუშავებს“.

მისივე თქმით ვაქცინაზე ჩატარებული კლინიკური ცდების პირველი და მეორე ფაზების წარმატებულად განხირციელების შემდეგ კლინიკური ცდის შემდეგ დიდი ბრიტანეთის მედიკამენტებისა და ჯანმრთელობის დაცვის პროდუქტების მარეგულირებელმა სააგენტომ კომპანიას მესამე ფაზის დაწყების ნებართვა მისცა.

კომპანიას ვაქცინის 2 მილიარდი დოზის წარმოება სურს. კომპანიაში აცხადებენ, რომ პანდემიის პერიოდში კორონავირუსის საწინააღმდეგო ვაქცინას ქვეყნებს ფინანსური მოგების მიღების გარეშე მიაწვდიან.

წყარო : reuters.com

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი – ,,დოქტრინა”

აშშ-ის ერთ-ერთ კლინიკაში 30 წლამდე ასაკის ქალს ორივე ფილტვის გადანერგვის ოპერაცია ჩაუტარეს მას შემდეგ, რაც კოვიდ 19-მა მისი ფილტვები დააზიანა.

ოპერაცია ჩიკაგოში, Northwestern Memorial Hospital-ში ჩატარდა. ოპერაციამდე ქალის მდგომარეობა მძიმე იყო. ექიმებს ის 6 კვირის განმავლობაში რეანიმაიულ განყოფილებაში ხელოვნური სუნთქვის აპარატზე ჰყავდათ შეერთებული.

მედიკოსების განცხადებით, ქალის გადასარჩენად ერთადერთი გამოსავალი ქირურგიული ოპერაცია იყო, თუმცა ამისთვის მთავარი წინაპირობა ქალის კორონავირუსისგან გამოჯანმრთელება იყო, რასაც დაახლოებით 5 კვირა დასჭირდა.

მას შემდეგ კი, რაც პაციენტმა კოვიდ 19 დაამარცხა, მას ფილტვების გადანერგვის ოპერაცია ჩაუტარეს, რომელმაც წარმატებით ჩაიარა.

ახალგაზრდა ქალს ოჯახის წევრებთან და ახლობლებთან საუბარი შეუძლია, ექიმები იმედოვნებენ, რომ ის უახლოეს მომავალში სრულად გამოჯანმრთელდება.

აღსანიშნავია, რომ ეს კოვიდინფიცირებული პაცინტისთვის ფილტვების გადანერგვის პირველი შემთხვევაა აშშ-ში.

წყარო : CNN

მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

კონგოს დემოკრატიულ რესპუბლიკაში ებოლას ეპიდემიის ხელახალი გავრცელება დაიწყო. ამის შესახებ ინფორმაციას CNN მსოფლიო ჯანდაცვის ორგანიზაციასა და გაეროს ბავშვთა ფონდზე (UNICEF) დაყრდნობით ავრცელებს.

ეს ქვეყნაში ვირუსის მეთერთმეტე აფეთქებაა. გაეროს ბავშვთა ფონდის ინფორმაციით, ორშაბათის მონაცემებით ებოლათი 5 ადამიანია გარდაცვლილი, მათ შორის 15 წლის გოგო. მათი თქმით, 4 პაციენტი 18 და 30 მაისს გარდაიცვალა, თუმცა მათ ებოლას ინფექცია მხოლოდ გუშინ დაუდასტურდათ.

ორშაბათს, ჯანდაცვის მსოფლიო ორგანიზაციის გენერალურმა დირექტორმა ტვიტერზე გამოაქვეყნა ინფორმაცია, რომ ექვსი შემთხვევა დაფიქსირდა მბანდაკაში, ქვეყნის ჩრდილო-დასავლეთ ეკვატორულ პროვინციაში.

ებოლა სხეულის სითხეებით გადადის და მისი ფატალურობის მაჩვენებელი 25%-დან და 90%-მდეა, იმის მიხედვით, როგორია დაავადების გავრცელება.

კონგოს დემოკრატიული რესპუბლიკა ჯერ კიდევ ცდილობს დაასრულოს გავრცელება, რომელიც ქვეყნის აღმოსავლეთ ნაწილში 2018 წელს დაიწყო. აქ ებოლას 3 406 შემთხვევა დადასტურდა, მათგან 2 243 კი ფატალურა დამთავრდა. რეგიონში ბოლო 21 დღის განმავლობაში ახალი შემთხვევა არ დაფიქსირდებულა, თუმცა ჯანდაცვის ორგანიზაცია 42 დღის გასვლას ელოდება, რათა თქვას, რომ გავრცელება შეჩერებულია.

ჯანდაცვის მსოფლიო ორგანიზაციის მიხედვით, კონგოს რესპუბლიკა ამჟამად ებოლას, კორონავირუსაა და წითელას გავრცელებას ებრძვის.

ახალგაზრდა ანალიტიკოსთა და მეცნიერთა დარბაზი ,,დოქტინა”

ახალ კორონავირუსს ორგანიზმში სხვადასხვა ორგანოს, მათ შორის ფილტვების, გულის, ღვიძლის, ტვინის, ყელის, თირკმლებისა და ნაწლავების, დაზიანება შეუძლია, – ამის შესახებ ჰონგ-კონგელი და გერმანელი მეცნიერების მიერ ჩატარებულ ორ სხვადასხვა კვლევაშია აღნიშნული.

„კოვიდ 19“-ი კლასიფიცირდება, როგორც რესპირატორული ვირუსი და გადადის რესპირატორული წვეთებით, მან, შეიძლება, ზოგჯერ გამოიწვიოს დიარეა და კუჭ-ნაწლავთან დაკავშირებული სხვა სიმპტომები. მკვლევარებმა  ვირუსის კვალი პაციენტების განავალშიც აღმოაჩინეს და ისინი გვაფრთხილებენ, რომ კორონავირუსის გადაცემა ფეკალურ-ორალური გზითაცაა შესაძლებელი.

„ადამიანის კუჭ – ნაწლავი, სავარაუდოდ, SARS-CoV-2-ის გადაცემის ერთ-ერთი გზაა,“- წერს ჰონგ-კონგის უნივერსიტეტის მეცნიერთა გუნდი, რომელმაც ვირუსი „კოვიდ 19“-ით ინფიცირებული პაციენტებშის განავალშიც აღმოაჩინა.

კვლევის შედეგები ჟურნალ Nature Medicine-შია გამოქვეყნებული.

კვლევა გერმანელმა მეცნიერებმაც ჩაატარეს. მათ კორონავირუსით დაღუპული 27 ადამიანის აუტოფსია ჩაატარეს და ვირუსი სხვადასხვა ორგანოში აღმოაჩინეს.

„SARS-CoV-2-ის აღმოჩენა სხვადასხვა ორგანოშია შესაძლებელი, მათ შორის ფილტვებში, ხახაში, გულში, ღვიძლში, ტვინსა და თირკმლებში,“- წერენ ისინი სამეცნიერო ჟურნალ  New England Journal of Medicine-ში.

მათი განმარტებით, ვირუსი განსაკუთრებულად კარგად თირკმლებში „გრძობს თავს.“ შესაძლოა, სწორედ ამით აიხსნება ის ფაქტი, რომ „კოვიდ 19“-ით ინფიცირებულ პაციენტებში თირკმლის დაზიანების მაჩვენებელი მაღალია.

მეცნიერები ვარაუდობენ, რომ ვირუსის უნარი, „თავს დაესხას“ სხვადასხვა ორგანოს, კიდევ უფრო აუარესებს, თანმხლებ დაავადებებს, რომელიც პაციენტებს აქვთ.

„ადამიანები, რომლებსაც გულისა და თირკლმის დაავადებები და დიაბეტი აწუხებთ, ახალი კორონავირუსის მიმართ განსაკუთრებით დაუცველებია არიან,“- განმარტავენ მეცნიერები.

წყარო : edition.cnn.com

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტინა”