მედიცინა

ანტივირუსულ პრეპარატ „რემდესივირზე“ ჩატარებულმა პირველადმა ექპსერიმენტმა აჩვენა, რომ იმ პაციენტებში, რომლებსაც კორონავირუსის მძიმე ფორმა აქვთ, პრეპარატი პირველი დოზის მიღებიდან 24 საათში იწყებს მოქმედებას.
მეცნიერების ნაწილი მიიჩნევს, რომ ამერიკული ფარმაცევტული კომპანია „გილეად საიენსის“ მიერ შექმნილი „რემდესივირი“ ვირუსს ბლოკავს და ორგანიზმში რეპროდუქტირების საშუალებას არ აძლევს.
მედიკოსები პრეპარატზე კლინიკურ ცდებს უახლოეს მომავალში დაიწყებენ და მასში 1 000 პაციენტი იქნება ჩართული და მათი შედეგები აპრილის ბოლოსთვის გახდება ცნობილი.
აღსანიშნავია, რომ აღნიშნული მედიკამენტით მკურნალობის შედეგად რამდენიმე პაციენტი გამოჯანმრთელდა, მათ შორის 55 წლის ქრის კეინი ვაშინგტონიდან, რომელიც ჟანგბადზე იყო მიერთებული და რომლის მდგომარეობა „რემდესივირის“ მიღებიდან მეორე დღესვე გაუმჯობესდა, მოგვიანებით კი სრულად გამოჯანმრთელდა და ამჟამად საკუთარ სახლში იმყოფება.
ცხოველებზე ჩატარებულმა კვლევამ აჩვენა, რომ „რემდესივირის“ საშუალებით შესაძლებელია კორონავირუსის კიდევ ერთი ტიპის – MERS-ის- განურნება. პრეპარატის გამოყენებას შეეცადნენ ებოლას სამკურნალოდაც, თუმცა „რემდესივირმა“ მნიშვნელოვანი შედეგი არ აჩვენა.
რაც შეეხება COVID-19-ის სამკურნალოდ მის გამოყენებას, პრეპარტით პირველად აშშ-ში, ვაშინგტონში, 35 წლის პაციენტს უმკურნალეს. ეს იყო პირველი ადამიანი აშშ-ში, რომელიც სამშობლოში ჩინეთის ქალაქ უხანიდან დაბრუნდა და რომელსაც კორონავირუსის დიაგნოზი დაუსვეს.
საავადმყოფოში მიყვანიდან ერთი კვირის განმავლობაში პაციენტის მდგომარეობა გაუარესდა. ექიმებმა მეშვიდე დღეს „რემდესივირის“ გამოყენების გადაწყვეტილება მიიღეს, მიუხედავად იმისა, რომ პრეპარატი ოფიციალურად დამტკიცებული არაა. პაციენტის მდგომარეობა მეორე დღიდან გაუმჯობესდა.
აღნიშნული პირველი შემთხვევა ჟურნალ New England Journal of Medicine-ში დეტალურადაა აღწერილი.
თუმცა არსებობს კითხვები პრეპარატის სწრაფ მოქმედებასთან დაკავშირებით, კერძოდ, აღნიშნულ შემთხვევებში გაუმჯობესება „რემდესივირმა“ გამოიწვია, თუ პაციენტების მდგომარეობის გაუმჯობესება მედიკამენტის გარეშეც დაიწყებოდა.
კომპანია „გილეადმა“ განცხადება გაავრცელა სადაც აღნიშნულია, რომ „რემდესივირი“ ანტივირუსული პრეპარატია, რომლის კვლევა ჯერ კიდევ მიმდინარეობს და რომ მის შესახებ ჯერჯერობით შეზღუდული მონაცემები არსებობს. „ის მსოფლიოს არცერთ ქვეყანაში არაა დამტკიცებული და ჯერჯერობით არ არსებობს დადასატურებული ინფორმაცია მისი უსაფრთხოებისა და გვერდითი მოვლენების შესახებ,“- ნათქვამია „გილეად საიენსის“ განცხადებაში.
აღსანიშნავია, რომ კომპანიის მხარდაჭერით მსოფლიოს მასშტაბით ხუთი კლინიკური ცდა ჩატარდება, რომლის მიზანი იმის დადგენაა, რამდენად უსაფრთხო და ეფეტურია „რემდესივირის“ გამოყენება COVID-19-ის სამკურნალოდ.
სხვა პოტენციური სამკურნალო საშუალებები, რომლის გამოკვლევაც მიმდინარეობს, მალარიის სამკურნალო პრეპარატი „ქლოროქინი“ და ადამიანის იმუნოდეფიციტური ვირუსის სამკურნალო პრეპარატების – ლოპინავირისა და რიტონავირის – კომბინაციაა, თუმცა, ამ უკანასკნელზე ჩატარებულმა პირველადმა კვლევამ ვირუსის მკურნალობამ სასარგებლო შედეგი არ აჩვენა.

წყარო : nbcnews.com

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა”

ეს ნამდვილად კარგი მეთოდია და ჩვენთან ამ მიმართულებით მუშაობა დაწყებულია. არის რაღაც ნაბიჯები გადადგმული და სწორედ გამოჯანმრთელებული ადამიანების პლაზმის გადასხმა ნამდვილად იქნება ეფექტური. იმიტომ, რომ აქ ​ჯი-კლასის ანტისხეულები უკვე გამომუშავებულია, პაციენტი რა თქმა უნდა შესწავლილი იქნება. გამოჯანმრთელებულ იმუნოკომპეტენტურ პიროვნებას უკვე უვითარდება ანტისხეულები და პლაზმასთან დაკავშირებით, ნამდვილად იქნება ეფექტური და ამისათვის ნაბიჯები უკვე გადადგმულია და დაწყებულია მუშაობა ამ საკითხზე და მალე გვექნება გამოჯანმრთელებული ადამიანების პლაზმა მარაგში – ამის შესახებ თბილისის ინფექციური საავადმყოფოს ბოქსირებული განყოფილების დირექტორმა „ტვ პირველის“ ეთერში განაცხადა.

მარინა ენდელაძის განმარტებით, მსგავსი მარაგების შექმნა პრობლემა არ იქნება და სისხლის გაცემაზე არცერთი გამოჯანმრთელებული იტყვის უარს.

“მე ყველა პაციენტს ვიცნობ, მითუმეტეს პირველი ეტაპისას და დარწმუნებული ვარ, იყო რაღაც საუბრები და არცერთი პაციენტი ამაზე უარს არ იტყვის, რამდენადაც ეს არ არის ისეთი რაოდენობის სისხლის აღება, რომელიც მის ჯანმრთელობას დაემუქრება. ყველა ადამიანისთვის რა თქმა უნდა სასურველია, რომ დაეხმაროს და გამოაჯანმრთელოს სხვა პაციენტი. რა თქმა უნდა მსუბუქ და საშუალო სიმძიმის ავადმყოფებს ეს არ დასჭირდებათ, ამდენი რაოდენობით არ დაგვჭირდება და ამ თემაზე არის უკვე დაწყებული მუშაობა. ალბათ მალე გვქნება ეს მეთოდი“, – განაცხადა ენდელაძემ.

ახალგაზრდა ანალიტიკოსთა და მეცნიერთა დარბაზი ,,დოქტრინა“

ამერიკელები კორონავირუსის მეორე ტალღისთვის უნდა მოემზადონ, ამის შესახებ აშშ-ის დაავადებათა კონტროლის ცენტრის დირექტორმა განაცხადა და მოსახლეობა გააფრთხილა, რომ ეს ვირუსი შესაძლოა, სეზონური გახდეს.

რობერტ რედფილდი ვარაუდობს, რომ ვირუსი აგრესიულ გადაცემას შეწყვეტს. მისივე განმარტებით, არსებობს იმის ტენდენცია, რომ რესპირატორული ვირუსები სეზონური ხდება.

„რა თქმა უნდა, ჯერ არ ვიცით, რომ ეს ვირუსი გრიპად ჩამოყალიბდება, თუმცა ვფიქრობ, მიზანშეწონილია იმის განხილვა, რომ ის შესაძლოა გაქრეს. არ ვამბობ, რომ ომი დასრულდა – უნდა გავაცნობიეროთ, რომ შემდეგი ტალღისთვის უფრო მეტი მომზადებაა საჭირო. ჩვენ უნდა ვიყოთ მზად იმისთვის, რომ ვირუსი შესაძლოა, დაბრუნდეს“, – განაცხადა რედფილდმა.

ახალგაზრდა ანალიტიკოსთა და მეცნიერთა დარბაზი ,,დოქტრინა“