close

მედიცინა

კვლევებიმედიცინა

იუნისეფი – რა იწვევს პნევმონიას?

1.43K views on

ბევრი ადამიანი პნევმონიას უფროსი ასაკის ადამიანებთან აკავშირებს, თუმცა ეს გახლავთ ინფექცია, რომელსაც მსოფლიოში უამრავი ბავშვის სიცოცხლე ეწირება. ორგანიზაცია „იუნისეფის“ მონაცემებით, პნევმონიით წელიწადში 5 წლამდე ასაკის 800,000-ზე მეტი ბავშვი იღუპება და აქედან 153,000 ჩვილია, რომლებიც აღნიშნული ინფექციის მიმართ განსაკუთრებით დაუცველები არიან.

„იუნისეფის“ განმარტებით, მოცემული მონაცემები ნიშნავს, რომ პნევმონიით ყოველ 39 წამში ერთი ბავშვი იღუპება.

სტატისტიკა შემაშფოთებელია, თუმცა, „იუნისეფი“ ამტკიცებს, რომ შესაძლებელია გარდაცვალების თითქმის ყველა შემთხვევის  პრევენცია.

 

რა იწვევს პნევმონიას?

პნევმონია ფილტვების მწვავე რესპირატორული ინფექციაა. მას ერთი კონკრეტული მიზეზე არ გააჩნია. პნევმონია ვითარდება ბაქტერიისგან, ვირუსებისგან ან ჰაერში ….

როდესაც ბავშვი ინფიცირდება, მისი ფილტვები სითხით ივსება და სუნთქვა უჭირს. ბავშვები, რომელთა იმუნური სისტემა მოუმწიფებელი ან სუსტია, დაავადების მიმართ უფრო დაუცველები არიან.

 

პნევმონიის სიმპტომები

პნევმონიის ყველაზე ზოგადი სიმპტომებია ხველა, სუნთქვის გართულება და ტემპერატურა.

 

არის თუ არა პნევმონია გადამდები დაავადება?

პნევმონია გადამდები დაავადებაა, რომელიც ჰაერ-წვეთოვანი გზით გადადის. ის ასევე შეიძლება გადავიდეს მშობიარობის დროს სისხლით ან დაბინძურებული ზედაპირით.

როგორ ხდება პნევმონიის დიაგნოზირება ბავშვებში?

ექიმები პნევმონიას  ბავშვების ფილტვების მოსმენით ადგენენ, ზოგჯერ კი, დიაგნოზის დასადგენად გულ-მკერდის რენტგენულ გამოკვლევას ან სისხლის ნიმუშის ლაბორატორიულ გამოკვლევას მიმართავენ.

ისეთ ქვეყნებში, სადაც ჯანდაცვის სისტემა სუსტია (მაგალითად არასაკმარისი ექიმები, გულ-მკერდის რენტგენისა და ლაბორატორიებზე არასაკმარისი წვდომა) მედიკოსები პნევმონიის დიაგნოზს სუნთქვის სიხშირის მიხედვით ადგენენ. მაგალითად, 5 თვის ჩვილი, რომელიც წუთში 50 ჩასუნთვას აკეთებს, ძალიან სწრაფად სუნთქვს და შესაძლებელია, პნევმონიით იყოს დაავადებული. სუნთქვის რაოდენობა ბავშვის ასაკზეა დამოკიდებული.

 

რით მკურნალობენ პნევმონიას?

პნევმონიის განკურნების გზები იაზეა დამოკიდებული, თუ რა ტიპის პნევმონიასთან გვაქვს საქმე. დაავადებას უმეტეს შემთხვევაში ბაქტერია იწვევს და მისი განკურება იაფფასიანი ანტიბიოტიკებით არის შესაძლებელი. ზოგიერთ შემთხვევაში კი პნევმონიის გამომწვევი მიკობაქტერიები არიან (ანუ ისინი, რომლებიც ტუბერკულოზს იწვევენ) და სხვა სახის მკურნალობას საჭიროებენ. ზოგჯერ ტუბერკულოზის დიაგნოზირება ვერ ხერხდება.

პნევმონიის მძიმე ფორმით დაავადებულ ბავშვებს ხშირად ესაჭიროებათ ჟანგბადი, რადგან  ფილტვების ანთება ხელს უშლის საკმარისი ჟანგბადის შესვლას სისხლში.  აღსანიშნავია, რომ  ბევრ ქვეყანაში, სადაც ჯანდაცვის სისტემა სუსტია, ჟანგბადი მხოლოდ უმაღლესი დონის სამედიცინო დაწესებულებებსა და საავადმყოფოებშია ხელმისაწვდომი.

 

შესაძლებელია თუ არა პნევმონიის პრევენცია?

პნევმონიის პრევენცია შესაძლებელია დამცავი ზომების მიღებით, მაგალითად ადეკვატური კვებითა და ისეთი რისკ ფაქტორებით შემცირებით, როგორიცაა ჰაერის დაბინძურების შემცირება და ჰიგიენის ნორმების დაცვა.

„იუნისეფის“ ინფორმაციით, სხვადასხვა კვლევამ აჩვენა, რომ საპნის გამოყენებით ხელის ხშირი დაბანა პნევმონიის რისკს 50 პროცენტით ამცირებს.

წყარო : unicef

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მედიცინა

ჩინეთში 100 წლის კაცი კორონავირუსისგან განიკურნა

909 views on

100 წლის ჩინელი კაცი კორონავირუსისგან განიკურნა. ინფორმაციას ამის შესახებ CNN-ი ავრცელებს.

უცხოური მედიის ცნობით, ის ყველაზე ხნიერი ადამიანია მსოფლიოში, რომელმაც Covid-19 დაამარცხა. იგი ქალაქ უჰანიდან არის.

პაციენტი საავადმყოფოში 24 თებერვალს მოხვდა. ამასთან, მას ალცჰაიმერის დაავადება და გულზე პრობლემები აქვს. რთული სამედიცინო ისტორიის მიუხედავად, ექიმებმა მისი გადარჩენა მოახერხეს და ამისთვის სხვადასხვა მეთოდები, მათ შორის ტრადიციული ჩინური მედიცინაც გამოიყენეს.

მამაკაცმა ცოტა ხნის წინ მეასე დაბადების დღე აღნიშნა.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მედიცინა

რეკომენდაციები ბავშვების კორონავირუსისგან დასაცავად

6.55K views on

ახალი კორონავირუსის შესახებ რეკომენდაციებზე ევექსი კლინიკების ექიმი-პედიატრი მაია დათუაშვილი საუბრობს.

ექიმი აღნიშნავს, რომ პანიკის საფუძველი არ არსებობს, მთავარია ექიმების რეკომენდაციები დავიცვათ.

კორონავირუსი ეს არის ისეთივე ვირუსული ინფექცია, როგორც მაგალითად გრიპი, ადენოვირუსი და ა.შ. მისი სიმპტომები არის სხვა რესპირატორული ვირუსული ინფექციების მსგავსი, თუმცა, მას არ ახასიათებს სურდო და სველი ხველა. კორონავირუსი გამოირჩევა მაღალი ცხელებით და სუნთქვის უკმარისობით.

კორონავირუსს აქვს ერთი თვისება – ის ნაკლებად გავრცელებულია პატარა ბავშვებში. ფაქტობრივად რისკ-ჯგუფად ბავშვები არ ითვლებიან.

  • 10 წლამდე – ვირუსის გავრცელების მაჩვენებელი  0,2%-ია
  • 20 წლამდე – ვირუსის გავრცელების მაჩვენებელი  1%-ია
  • 30-წლამდე – ვირუსის გავრცელების მაჩვენებელი   2 %-ია

 

რეკომენდაციები მშობლებისა და ბავშვებისთვის ფაქტობრივად იგივეა, რაც ნებისმიერი ვირუსული ინფექციის დროს.

  1. მნიშვნელოვანია ხელების ხშირი დაბანა. იქიდან გამომდინარე, რომ ვირუსი შესაძლოა სხვადასხვა საგნებიდან გადაგვედოს, ამიტომ ხშირად და კარგად უნდა დავიბანოთ ხელი და დავიმუშავოთ ანტისეპტიკური საშუალებებით. ასევე, მნიშვნელოვანია, რომ ხელი არ მივიტანოთ სახის არეში, თვალებთან, ცხვირთან და პირთან.
  2. ბავშვებმა უნდა მიიღონ დიდი რაოდენობით სითხე.
  3. მნიშნველოვანია ბავშვების ჯანსაღი კვება, ფიზიკური აქტივობა და სწორი დღის რეჟიმი.
  4. აუცილებელია ხშირად გავანიავოთ ოთახები.
  5. მოვარიდოთ ბავშვები საზოგადოებრივი თავშეყრის ადგილებს. აქვე მინდა აღვნიშნო ისიც, რომ გარე სივრცეები, ეზოები, სკვერები საშიში არ არის. გარე სივრცეში ნაკლებია ადამიანებთან მჭიდრო კონტაქტი და ვირუსის გადადების რისკი ძალიან დაბალია.
  6. სიმპტომების, ვგულისხმობ ხველას და ცხელებას, არსებობის შემთხვევაში აუცილებელია, რომ ბავშვი დარჩეს სახლში, იმისათვის, რომ შევამციროთ ვირუსის გავრცელების რისკი.

 

როდის უნდა მიმართოს მშობელმა ექიმს?

ექიმთან ვიზიტი საჭიროა იმ შემთხვევაში, თუ ბავშვს აქვს მაღალი ცხელება. მნიშნვნელოვანია, რომ მშობელმა არ მიმართოს თვითმკურნალობას და ანტიბიოტიკოთერაპიას. ცხელების გამოვლენის პირველივე ეტაპზე მშობლებს შეუძლიათ გაიარონ სატელეფონო კონსულტაცია ბავშვის პედიატრთან და მხოლოდ მისი მითითების შემდეგ მიიყვანონ ბავშვი შესაბამის სპეციალისტთან.

კიდევ ერთხელ მინდა დავამშვიდო მშობლები და ვუთხრა, რომ გაითვალისწინონ რეკომენდაციები და შეინარჩუნონ სიმშვიდე.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ეს საინტერესოამედიცინა

პირველად სამეცნიერო ისტორიაში ხუთი წლის წინ გაყინული კვერცხუჯრედიდან ქალმა ჯანმრთელი ბავში გააჩინა

788 views on

პირველად სამეცნიერო ისტორიაში ლაბორატორიაში ხუთი წლის წინ მომწიფებული და გაყინული კვერცხუჯრედიდან ქალმა ბავშვი გააჩინა.

34 წლის ფრანგი ქალის კვერცხუჯრედი,  რომელიც ძუძუს კიბოს გამო ქიმიოთერაპიის კურსს იტარებდა, ლაბორატორიაში მოამწიფეს და გაყინეს. ხუთი წლის შემდეგ კი გაალღვეს და გაანაყოფიერეს.

ჟურნალ Annals of Oncology-ში დეტალურადაა აღწერილი პატარა ბიჭის დაბადების ისტორია : მკურნალობის დაწყებამდე ექიმებმა ქალის საკვეცხეებისგან მოუმწიფებელი კვერცხუჯრედები ამოიღეს და ინ ვიტრო მომწიფების ტექნოლოგიის საშუალებით მოამწიფეს და გაყინეს.

აღსანიშნავია, რომ დღემდე ყველა მსგავსი შემთხვევები წარუმატებლად სრულდებოდა. ბავშვების დაბადება მხოლოდ მაშინ იყო შესაძლებელი, როდესაც ინ ვიტრო მომწიფების შემდეგ კვერცხუჯრედს მაშინვე ანაყოფიერებდნენ.

ფრანგი პაციენტის შემთხვევაში კი, რომელიც 5 წლის შემდეგ კიბოსგან განიკურნა, თუმცა მას ბუნებრივი გზით დაორსულება აღარ შეეძლო. ცნობილია, რომ კიბოთი დაავადებულ 40 წლის პაციენტების დაახლოებით 40 პროცენტს  მკურნალობის სპეციფიკიდან გამომდინარე მენოპაუზა ემართება, 30 წლის პაციენტებში კი ეს მაჩვენებელი 15-20 პროცენტამდე მცირდება.

შენახული ექვსი კვერცხუჯრედიდან მედიკოსებმა ხუთის განაყოფიერება შეძლეს და ქალის საშვილოსნოში გადაიტანეს, რის შედეგადაც 2019 წლის 6 ივლისს სრულიად ჯანმრთელი ბიჭუნა დაიბადა.

წყარო : Agence France-Presse

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
კვლევებიმედიცინამსოფლიო

ამერიკელი მეცნიერები აცხადებენ, რომ კორონავირუსის ვაქცინა შექმნეს

1.24K views on

ტექსასის შტატის ქალაქ ჰიუსტონში მდებარე გენეტიკური ინჟინერიის კომპანია „გრეფექსის“ მეცნიერები აცხადებენ, რომ მათ კორონავირუსის საწინააღმდეგო ვაქცინა შექმნეს, რომელიც ცხოველებზე დასატესტად მზადაა.

თუმცა, ვაქცინის შექმნა, მისი გავრცელების მხოლოდ პირველი ნაბიჯია. ექსპერტების ნაწილის შეფასებით, ვაქცინის დატესტვასა და წარმოებას დაახლოებით 18 თვიდან 2 წლამდე პერიოდი სჭირდება.

„გრეფექსის“ მეცნიერები აცხადებენ, რომ უსაფთხოების ზომებიდან გამომდინარე, მათ ვაქცინის შესაქმნელად კორონავირუსის არცერთი ფორმა – არც ცოცხალი და არც პასიური – გამოუყენებიათ.

როგორც ცნობილია, ვაქცინების უმეტესობა ვირუსის ცოცხალ, შესუსტებულ ან პასიურ ფორმას შეიცავს. თუმცა, კორონავირუსი იმდენად ცუდადაა შესწავლილი, ისე სწრაფად ვრცელდება და კლავს ადამიანებს, რომ „გრეფექსის“ მეცნიერებმა, ახალი კორონავირუსის ვაქცინის შექმნისას, ვერ გარისკეს და ადენოვირუსი ვერ გამოიყენეს.

ადენოვირუსები ვირუსული რესპირატორული ინფექციების დაავადებების ძირითად გამომწვევ მიზეზად ითვლება. ისინი ფართოდ გამოიყენება ვაქცინების შესაქმნელად.

ვაქცინა „გრეფექსის“ მეცნიერებმა „ჯანდაცვის ეროვნული ინსტიტუტების“ მიერ გამოყოფილი 18.9 მილიონი აშშ დოლარის ოდენობის გრანტის ფარგლებში შექმნეს. ვაქცინა უკვე მზადაა და მისი ცხოველებზე დატესტვა შესაძლებელია. შემდეგ დაიწყება პირველი ფაზა  : კლინიკური ცდები ადამიანებზე და შემდგომ მეორე ფაზა – ვაქცინის გამოცდა ადამიანებზე, რის შემდეგაც მას „საკვებისა და მედიკამენტის ადმინისტრაცია“ დაამტკიცებს.

ზოგიერთი ვაქცინის შექმნას, შესაძლოა, ათი წელი დასჭირდეს. მეცნიერები ირწმუნებიან, რომ მათი ვაქცინის უპირატესობა ისაა, რომ ის სწრაფად ხელმისაწვდომია. თუმცა, ყველაზე მცირე დრო, რაც ნებისმიერი ვაქცინის წარმოებას ჭირდება 1 წელია.

წყარო : dailymail.co.uk

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მედიცინა

BBC: 5 რჩევა მათთვის, ვინც ეჭვობს, რომ კორონავირუსი აქვს და სახლში რჩება

3.42K views on

BBC რჩევებს აძლევს მათ, ვინც ეჭვობს, რომ კორონავირუსი აქვს და დიაგნოზის დადასტურებამდე სახლში რჩება.

გამოცემის ინფორმაციით, ეს საუკეთესო გამოსავალია მაშინ, როცა ადამიანს კონტაქტი ჰქონდა ინფიცირებულთან ან ისეთ ადგილას იმყოფებოდა, სადაც ვირუსის შემთხვევები ფიქსირდება. BBC-ს სამედიცინო კორესპონდენტის, ფერგუს უოლშის თქმით, წარმატებული თვითიზოლაციისთვის 5 რჩევა უნდა გაითვალისწინოთ:

1. თუ სახლში დარჩით, ნუ მიიღებთ სტუმრებსა და მნახველებს.

2. თუ ხველა ან ციება გაქვთ, ექიმთან კონსულტაცია ტელეფონით გაიარეთ. მისი რეკომენდაციის გარეშე საავადმყოფოში ნუ წახვალთ.

3. თუ მარტო არ ცხოვრობთ, ცალკე ოთახში იყავით, სადაც კარგი ვენტილაციაა. დახურეთ კარი. აბაზანა კი ბოლომ გამოიყენეთ.

4. ნაგავი და ნარჩენები ორმაგად შეფუთეთ. თუ კორონავირუსი დაგიდგინდათ, მათ ცალკე გადაყრიან.

5. თუ მარტო ცხოვრობთ, საჭირო ნივთები და პროდუქტები შეუკვეთეთ ან დახმარება მეგობრებს სთხოვეთ. მაგრამ პროდუქტები კართან უნდა დაგიტოვონ.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მედიცინამსოფლიო

კორონავირუსი სეზონური გრიპივით არ გაქრება – ჯანდაცვის მსოფლიო ორგანიზაცია

2.1K views on

“მსოფლიო ლიდერებმა არ უნდა ივარაუდონ ის, რომ COVID-19 სეზონური იქნება და გრიპივით გაქრება. ჯერ არ ვი­ცით, რა აქ­ტი­უ­რო­ბას და ქცე­ვას ავ­ლენს ვირუ­სი სხვა­დას­ხვა კლი­მა­ტურ პი­რო­ბებ­ში“, – ამის შესახებ ჯანდაცვის მსოფლიო ორგანიზაციის აღმასრულებელმა დირექტორმა მაიკ რაიანმა განაცხადა.

„უნდა ვივარაუდოთ, რომ ვირუსს მომავალშიც ექნება გავრცელების შანსი. მცდარია იმის იმედი, რომ გრიპივით გაქრება“, – განაცხადა რაიანმა.

ცნობისთვის, აშშ-ის ჯანდაცვის სამინისტროს წარმომადგენლებმა მანამდე განაცხადეს, რომ არსებობს ჰიპოტეზა, რომ კორონავირუსის გავრცელება ტემპერატურის მატებათან ერთად შემცირდება.

შეგახსენებთ, რომ მსოფლიოში კორონავირუსით დაინფიცირებულთა რაოდენობამ 100 ათასს გადააჭარბა. დაღუპულთა რაოდენობა ამ დროისთვის 3,398-ია, ხოლო 55,672 ადამიანი გამოჯანმრთელდა.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
კვლევებიმედიცინასაქართველო

საქართველოში აივ ინფიცირების 102 ახალი შემთხვევა დაფიქსირდა

1.25K views on

5 თებერვლის მონაცემებით, საქართველოში აივ ინფიცირების 102 ახალი შემთხვევა დაფიქსირდა.

ინფექციური პათოლოგიის, შიდსის და კლინიკური იმუნოლოგიის ცენტრის ინფორმაციით, 2020 წლის 5 თებერვლის მონაცემებით დაფიქსირებულია – 102 ახალი შემთხვევა. შარშან შესაბამის პერიოდში გამოვლინდა 87 ახალი შემთხვევა. ინფორმაციას შიდსის ცენტრი ავრცელებს.

როგორც გავრცელებულ განცხადებაშია ნათქვამი, სულ ინფექციური პათოლოგიის, შიდსის და კლინიკური იმუნოლოგიის ცენტრში რეგისტრირებულია 8204 აივ ინფიცირებული პირი. მათ შორის  6125  მამაკაცია და 2079 ქალი. პაციენტთა უმრავლესობა 29-დან 39 წლამდეა. შიდსი  4271 პაციენტს განუვითარდა, 1660 გარდაიცვალა.

31 იანვრის მონაცემებით არვ მკურნალობას იტარებს 5102 პაციენტი, მათ შორის 45 ბავშვია.

რეგისტრირებულ შემთხვევათა განაწილება გადაცემის გზების მიხედვით ასეთია: 37.8 %   (3102) – ნარკოტიკების ინექციური მომხმარებელია; 48.5 %  (3977) – დაინფიცირდა ჰეტეროსექსუალური კონტაქტის შედეგად; 11.3 %  (923) – მამაკაცები რომელთაც სექსი აქვთ მამაკაცთან; 1.3 %   (110) – დაინფიცირდა ვერტიკალური გადაცემის გზით; 0.5 %   (39) – სისხლის რეციპიენტია; 0.6 %   (53) – გადაცემის გზა დაუდგენელია;

აივ ინფიცირების ყველაზე მეტი შემთხვევა რეგისტრირებულია თბილისში (3031 შემთხვევა, მათგან 87 უცხოეთის  მოქალაქეა 2 დაუდგენელი); სამეგრელოში 1136; შემდეგ იმერეთში 986; აჭარაში 935; აფხაზეთში (525); კახეთში (404) ქვემო ქართლში (469); შიდა ქართლში (303); გურიაში (174); სამცხე-ჯავახეთში (109) და ა.შ.

სულ საქართველოში გამოვლენილია 116 აივ ინფიცირებული ბავშვი. მათ  შორის 70 – ვაჟი, 46 – გოგონა.  27   გარდაიცვალა.   3   გავიდა ქვეყნიდან;

აივ-ტესტირება და მკურნალობა საქართველოს მოქალქეებისთვის უფასოა. შიდსის ცენტრის ცხელი ხაზის ნომერია: 239-80-18.

წყარო  : www.primetime.ge

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მედიცინამსოფლიოსაქართველო

ეპიდემიური რისკის მქონე ქვეყნებიდან ჩამოსული მგზავრებისთვის დღეიდან 14-დღიანი კარანტინი სავალდებულოა

1.03K views on

კორონავირუსის გავრცელების პრევენციისთვის საქართველოს საზღვრის კვეთისას დამატებითი შეზღუდვები დაწესდა. ამის შესახებ ინფორმაციას საგარეო საქმეთა სამინისტრო ავრცელებს.

„საქართველოს მოქალაქეობის მქონე პირებისთვის: მოვუწოდებთ საქართველოს მოქალაქეებს, გადაუდებელი აუცილებლობის არარსებობის შემთხვევაში, თავი შეიკავონ მოგზაურობისგან ჯანმოს მიერ განსაზღვრული ეპიდემიური რისკის მქონე ქვეყნებში, კერძოდ ჩინეთში, სამხრეთ კორეაში, იტალიასა და ირანში.

„გთხოვთ, გაითვალისწინოთ, რომ ზემოთხსენებულ ქვეყნებში მოგზაურობის შემთხვევაში, ან ზემოთხსენებულ ქვეყნებში ტრანზიტად ყოფნის შემთხვევაში, საქართველოს დაბრუნებისას ვალდებული ხართ, სასაზღვრო-გამშვებ პუნქტზე დაექვემდებაროთ დადგენილი წესით ინტენსიურ შემოწმებას და შემდეგ ვალდებულნი ხართ გაიაროთ 14 დღიანი საკარანტინო პროცედურა“, – ნათქვამია საქართველოს საგარეო საქმეთა სამინისტროს მიერ გავრცელებულ განცხადებაში.

სხვა ქვეყნების მოქალაქეობის მქონე პირებისთვის: უცხო ქვეყნის მოქალაქეებს, რომლებიც მიმდინარე პერიოდში მოგზაურობენ საქართველოში, გთხოვთ გაითვალისწინოთ, რომ შექმნილი ვითარებიდან გამომდინარე, საქართველოს საზღვრის კვეთისას დაწესებულია გარკვეული შეზღუდვები.

საქართველოში ჩამომსვლელი პირები, რომლებიც ბოლო 14 დღის განმავლობაში იმყოფებოდნენ, ან მოემგზავრებიან ჯანმო-ს მიერ განსაზღვრული ეპიდემიური რისკის მქონე ქვეყნების (ჩინეთი, სამხრეთ კორეა, იტალია, ირანი) გავლით:- ექვემდებარებიან ინტენსიურ შემოწმებას და შემდეგ ვალდებულნი არიან გაიარონ 14-დღიანი საკარანტინო პროცედურა, ან უნდა წარმოადგინონ კორონავირუსზე (COVID -19) PCR მეთოდით შემოწმების ცნობა, რომელიც გაცემული უნდა იყოს გამომგზავრების ქვეყნის შესაბამისი ლაბორატორიის მიერ, ხოლო ტრანზიტულად მგზავრობის შემთხვევაში ამ სატრანზიტო ქვეყნის შესაბამისი ლაბორატორიის მიერ.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მედიცინა

კორონავირუსით შეიძლება განმეორებით დაინფიცირდეთ

1.03K views on

იაპონიაში, 40 წლის ქალი გამოჯანმრთელებიდან 2 კვირის შემდეგ კორონავირუსით ხელმეორედ დაინფიცირდა. იაპონური მაუწყებლობის NHK-ის და საააგენტო Reuters-ს თანახმად, ის ოსაკაში ტურისტების გიდად მუშაობს.

აი, მოკლე ჩანაწერი მისი დაავადების ისტორიის შესახებ:

29 იანვარი: ვირუსზე პირველი პოზიტიური ტესტი. NHK-ს თქმით, ის ტურისტულ ავტობუსში იმყოფებოდა, სადაც COVID-19 პირველად აღმოაჩინეს.

1 თებერვალი: საავადმყოფოდან გამოწერა.

6 თებერვალი: ქალში ვირუსის არ არსებობის შესახებ განცხადება.

19 თებერვალი: ყელის და გულმკერდის ტკივილების ჩივილი საავადმყოფოში.

21, 22 და 25 თებერვალი: ექიმებთან სამი ვიზიტი იგივე ჩივილებით.

26 თებერვალი: მეორე პოზიტიური ტესტი ვირუსზე.

ოსაკას მთავრობის განცხადებით, 19-დან 26 თებერვლამდე ქალს ეკეთა ნიღაბი, სახლში იმყოფებოდა და სხვა ადამიანებთან მჭიდრო კონტაქტს გაურბოდა. ახლა ის ქალაქის საავადმყოფოში მკურნალობას გადის.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
1 … 62 63 64 65 66 … 95
Page 64 of 95