მედიცინა

ჰონგკონგელმა მკვლევარებმა ახალი კორონავირუსის საწინააღმდეგო ვაქცინა შექმნეს, თუმცა, დროა საჭირო იმისათვის, რომ მისი ტესტირება მოხდეს. ამის შესახებ ჩინური გამოცემა South China Morning Post-ის ინფორმაციით, ინფექციური დაავადებების სპეციალისტმა იუენ იუნგმა განაცხადა.

„ჩვენ უკვე შევქმენით ვაქცინა, თუმცა, მას დიდი დრო დასჭირდება ცხოველებზე გამოსაცდელად“, – განაცხადა სპეცალისტმა.

მისივე თქმით, რამდენიმე თვე დასჭირდება ვაქცინის ცხოველებზე გამოცდას, ხოლო სულ მცირე ერთი წელი ადამიანებზე.

პარალელურად, ვაქცინის შექმნას მეცნიერები ჩინეთსა და აშშ-შიც ცდილობენ.

ახალგაზრდა ანალიტიკოსთა და მეცნიერთა დარბაზი ,,დოქტრინა“

ჩინეთის ქალაქ უხანთან 2 დღეში ახალი საავადმყოფოს რეკონსტრუქცია დასრულდა, კლინიკა კორონავირუსით დაინფიცირებულების სამედიცინო დახმარების მიზნით გაიხსნა. როგორც The Daily Mail-ი წერს, 48 საათის განმავლობაში მშენებელთა და მოხალისეთა ჩართულობით, 1000-საწოლიანი კლინიკა ცარიელი შენობის რეკონსტრუირების შედეგად გამართეს.

The Dabie Mountain Regional Medical Centre – ასე ჰქვია ჰოსპიტალს. იგი უხანიდან 75კმ-ში მდებარე ქალაქ ჰუანგანგშია.

საავადმყოფოს 1000 პაციენტის მიღება შეუძლია. პირველი პაციენტები კლინიკაში უკვე გადაიყვანეს. შენობაში უკვე შეყვანილია ელექტროენერგია, წყალი და ინტერნეტი.

აღსანიშნავია, რომ ჰუანგანგის მოსახლეობა 7,5 მლნ-ია. ამ ქალაქშიც კარანტინია გამოცხადებული.

ახალგაზრდა ანალიტიკოსთა და მეცნიერთა დარბაზი ,,დოქტრინა“

ჩვენი იმუნური სისტემის ახლადაღმოჩენილი ნაწილი შესაძლოა ყველა სახის კიბოს სამკურნალოდ გამოიყენონ.

კარდიფის უნივერსიტეტის მეცნიერთა გუნდი აცხადებს, რომ მათ პროსტატის, ძუძუს, ფილტვისა და სხვა სახის კიბოების განკურნების მეთოდს მიაგნეს.

კვლევა, რომლის შედეგები, რომელიც ჟურნალ Nature Immunology-ში გამოქვეყნდა, ჯერჯერობით პაციენტებში არ გამოუცდიათ, თუმცა კვლევის ავტორები აცხადებენ, რომ მათ მიერ აღმოჩენილ მეთოდს „უზომო პოტენციალი“ გააჩნია.

იმუნური სისტემა ინფექციისგან გვიცავს. ის ასევე ებრძვის კიბოს უჯრედებს.

მეცნიერები ეძებდნენ იმუნური სისტემის მიერ სიმსივნეზე თავდასხმის არატრადიციულ, აქამდე უცნობ გზებს, რა დროსაც მათ ადამიანების სისხლში T უჯრედები აღმოაჩინეს. ეს არის იმუნური უჯრედი, რომელსაც შეუძლია შეაფასოს, არსებობს თუ არა ადამიანის სხეულში საფრთხე, რომელიც უნდა აღმოიფხვრას. განსხვავება ისაა, რომ T- უჯრედებს კიბოს ბევრი სახის წინააღმდეგ ბრძოლა შეუძლია.

„ყველა პაციენტის განკურნებაა შესაძლებელი,“- აცხადებენ კვლევის ავტორი მეცნიერები.

მათი მტკიცებით, T-უჯრედებს „რეცეპტორები“ აქვთ, რომლებსაც ლაბორატორიაში სიმსივნური უჯრედების ფართო სპექტრის, მათ შორის ფილტვის, კანის, სისხლის, მსხვილი ნაწლავის, მკერდის, ძვლის, ძვლის, პროსტატის, საკვერცხეების, თირკმელებისა და საშვილოსნოს ყელის კიბოს უჯრედების, პოვნა და მოკვლა შეუძლიათ ისე, რომ ქსოვილები არ ზიანდება.

T უჯრედების რეცეპტორები MR1 მოლეკულასთან ურთიერთქმედებენ, რომელიც ადამიანის სხეულის ყველა უჯრედის ზედაპირზე არსებობს. როგორც ჩანს, MR1 ამცირებს მეტაბოლიზმს, რომელიც სიმსივნურ უჯრედში გრძელდება.

T-უჯრედებს კიბოს წინააღმდეგ უკვე იყენებენ, იმუნოთერაპიაზე დაფუძნებული მკურნალობა კიბოსთან ბრძოლის ერთ-ერთ ყველაზე დამაიმედებელ მეთოდად მოიხსენიება.

ყველაზე ცნობილი მეთოდი CAR-T-ს სახელითაა ცნობილი — ეს გენეტიკურად მოდიფიცირებული T-უჯრედებია, რომლებსაც კიბოს უჯრედების პოვნა და მათი განადგურება აქვთ “ნასწავლი.”

ეს მეთოდი გარკვეულ შემთხვევებში ძალიან ეფექტიანია და სრულ გამოჯანმრთელებასაც განაპირობებს ხოლმე, თუმცა ის მაღალსპეციფიკურია და მხოლოდ გარკვეული ტიპის კიბოს მიმართ გამოიყენება და ძირითადად მხოლოდ ლეიკემიის წინაღმდეგაა ეფექტიანი.

მკვლევარები აცხადებენ, რომ მათ მიერ ნაპოვნი T-უჯრედის რეცეპტორის საშუალებით, შესაძლოა, კიბოს “უნივერსალური” მკურნალობის მეთოდს მიაგნონ.

პირველ რიგში პაციენტისგან სისხლის ნიმუშს აიღებენ, საიდანაც მოხდება T-უჯრედების გამოყოფა, შემდეგ კი გენეტიკური მოდიფიკაციების საშუალებით მათ ისე დააპროგრამებენ, რომ ამ უჯრედებმა კიბოს აღმომჩენი რეცეპტორი შექმნან.

განახლებული უჯრედებს მეცნიერები ლაბორატორიაში გაზრდიან და გაამრავლებენ, შემდეგ კი პაციენტში შეიყვანენ. სწორედ ეს პროცესი გამოიყენება CAR-T თერაპიის დროსაც.

აღსანიშნავია, რომ ცდები ჯერ მხოლოდ ცხოველებსა და ლაბორატორიაში გაზრდილ უჯრედებზე ჩატარდა და სანამ მეთოდს ადამიანებზე გამოცდიან, უსაფრთხოების დამადასტურებელი სხვა ცდების ჩატარებაცაა საჭირო.

წყარო : BBC

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა“

ჩინეთის ხელისუფლება აცხადებს, რომ ახალი კორონავირუსი – „2019-nCoV“ – არა სიმპტომების გამოჩენის შემდეგ, არამედ ინკუბაციის პერიოდში ვრცელდება. ეს ფაქტი კი, მედიკოსების განმარტებით, ვირუსის შეჩერებას გაართულებს.

ქვეყნის ჯანდაცვის მინისტრის მა შაოვეის თქმით, ვირუსის გავრცელების უნარი და ტემპი მატულობს.

ადამიანებში ინკუბაციის პერიოდი -ანუ დრო, როდესაც ადამიანი უკვე დაინფიცირებულია, თუმცა ვირუსის სიმპტომები ჯერ არ აქვს, 14 დღეს შეადგენს. ეს კი იმას ნიშნავს, რომ ადამიანი, რომელმაც არც კი იცის რომ დაინფიცირებულია, ვირუსის გადამტანია.

აქედან გამომდინარე, ზოგიერთი მედიკოსი მიიჩნევს, რომ მგზავრების აეროპორტებში შემოწმება და სკრინინგი, რასაც არაერთმა ქვეყანამ მიმართა, არაეფექტურია.

ჩინური საინფორმაციო სააგენტო „სინჰუას“ ინფორმაციით, ჩინელმა მეცნიერებმა დაადგინეს, რომ ვირუსის სავარაუდო წყარო გარეული ცხოველები არიან. სააგენტო იუწყება, რომ კორონავირუსი აღმოჩენილია ქალაქ უხანის ზღვის პროდუქტების ბაზრიდან აღებულ სახეობებში.

„ზღვის პროდუქტების ბაზრიდან აღებული 585 სახეობიდან 33-ში აღმოჩენილია კორონავირუსის ნუკლეინმჟავა. ამ სახეობებიდან შესაძლებლი გახდა ვირუსის გამოყოფა. ეს იმაზე მეტყველებს, რომ ვირუსის წყარო გარეული ცხოველები არიან, რომლითაც ხუანანის ბაზარზე ვაჭრობენ“, – „სინჰუა“.

ვირუსის გავრცელების შესაჩერებლად ჩინეთის ხელისუფლებამ არაერთი პრევენციული ზომა გაატარა : კვირიდან ქვეყანაში აიკრძალა ცხოველისა და ფრინველის გაყიდვა, ქალაქ უხანში, რომელსაც ვირუსის გავრცელების ეპიცენტრად მიიჩნევენ, კარანტინია გამოცხადებული და სასწრაფო დახმარების მანქანების გარდა ყველანაირი ტრანსპორტის მოძრაობა აკრძალულია. გადაადგილებაზე მნიშვნელოვანი შეზღუდვებია დაწესებული ქვეყნის სხვა რამდენიმე ქალაქშიც.

ჩინეთის გარდა ვირუსის შემთხვევები დადასტურდა იაპონიაში, ტაივანში, ნეპალში, ტაილანდში, ვიეტნამში, სინგაპურში, ავსტრალიაში, აშშ-ში და საფრანგეთში.

ბოლო მონაცემებით, ვირუსს ჩინეთში, 81 ადამიანის სიცოცხლე ემსხვერპლა, დაინფიცირებულთა რაოდენობა კი 2,744-ია.

წყარო : Reuters ; BBC

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა“

ჩინეთში ახალი კორონავირუსით დაავადების შეთხვევებმა საგრძნობლად იმატა.

ჩინეთის ხელისუფლების ინფორმაციით, გასულ შაბათ-კვირას უცნობი ვირუსით გამოწვეული პნევმონიის 139 ახალი შემთხვევა დაფიქსირდა და კიდევ ერთი ადამიანი გარდაიცვალა.

რაც ყველაზე საგანგაშოა, დაავადების შემთხვევები არა მხოლოდ ქალაქ უხანში, არამედ მის გარეთაც დადასტურდა.  ვირუსით პეკინში ორი, ქალაქ შენჯენში კი – ერთი ადამიანი დაავადდა.

ოფიციალური ინფორმაციით, უცნობი ვირუსით ქალაქ უხანში დღემდე 200-მდე ადამიანი დაავადდა, გარდაცვლილთა რიცხვი კი – სამია.

განსხვავებულ მონაცემებს ავრცელებენ დიდი ბრიტანელი ექსპერტები. მათი შეფასებით, დაავადებულთა რიცხვი გაცილებით დიდია და ვირუსით დღემდე 1, 700-მდე ადამიანია დაავადებული.

რა ვიცით ახალი ვირუსის შესახებ?

ვირუსს, რომელსაც 2019-nCoV-ი უწოდეს, კორონავირუსის ისეთ შტამად მიჩნევენ, რომელიც აქამდე ადამიანებში აღმოჩენილი არ იყო.

კორონაირუსები ვირუსების ერთ-ერთი ფართო ოჯახია, მაგრამ დღემდე ადაიანებში მხოლოდ ექვსი (და მეშვიდე ახალი) მათგანით დაინფიცირების შემთხვევაა დადასტურებული.

ჩინეთის ხელისუფლება ამტკიცებს, რომ ახალი ვირუსის წყარო, ცხოველები არიან, თუმცა ჯანდაცვის მსოფლიო ორგანიზაცია აცხადებს, რომ ადამიანიდან ადამიანზე გადასვლის შემთხვევებიც დაფიქსირდა.

ინფექციის სიმპტომები მოიცავს ციებ-ცხელებას, ხველას, სუნთქვის უკმარისობასა და გართულებებს.

ადამიანებს მოუწოდებენ, ცხოველებთან პირდაპირ კონტაქტს ერიდნონ, კარგად მოხარშონ ხორცი და კვერცხი და მოერიდნონ ახლო კონტაქტს იმ ადამიანებთან, რომლებსაც გრიპისა და გაციების სიმპტომები აქვთ.

აღსანიშნავია, რომ შეერთებულმა შტატებმა უცნობი ვირუსით დაავადებულთა გამოსავლენად სამ აეროპორტში ჩინეთიდან შესული მგზავრების შემოწმება დაიწყო.

სან ფრანცისკოს, ნიუ-იორკისა და ლოს-ანჯელესის აეროპორტებში ჩინეთის ქალაქ უხანიდან შესული მგზავრებს სპეციალურად გამოყოფილ სივრცეში კითხვარს ავსებინებენ და გრიპზე ამოწმებენ. ისინი, ვისაც საეჭვო სიმპტომები ახასიათებთ, გამოსაკვლევად სამედიცინო დაწესებულებაში გადაჰყავთ.

წყარო : BBC ; Reuters

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა“

ბრიტანელი ნეიროქირურგი ბრიუს მეთიუ აცხადებს, რომ 2030 წლისთვის ადამიანებისთვის თავის გადანერგვა შესაძლებელი გახდება.
მისი მტკიცებით დაახლოებით 10 წელიწადში მედიკოსები ადამიანის არა მხოლოდ თავის, არამედ ერთი ადამიანის სხეულიდან მეორეში მთელი ზურგის ტვინის გადანერგვას შეძლებენ.
დღემდე მეცნიერები, რომლებიც თავის გადანერგვაზე მუშაობენ, ეფუძნებოდნენ მთოდებს, რომელიც თავის ზურგის ტვინისგან განცაკლავებას ითვალისწინებდა. ბრიუს მეთიუ აცხადებს, რომ ეს მეთოდი უაზრობაა და თავისა და ზურგის ტვინის ერთად, განცალკავების გარეშე გადაინერგვა რეალურია.
მისივე განმარტებით, ამჟამად შესაძლებელია ერთი ან ორი ნერვის დაკავშირება, თუმცა რობოტებისა და ხელოვნური ინტელექტის საშუალებით დაახლოებით 200 ნერვის დაკავშირება გახდება შესაძლებელი
„ცხადია, ზურგის ტვინის გარსის ამოღება მასზე ხვრელის გაკეთების გარეშე ძალიან რთულია და ამის მიღწევას დრო სჭირდება, მაგრამ დაახლოებით 10 წელიწადში შესაძლებელი გახდება,“- აცხადებს ბრიტანელი მეცნიერი. მისივე თქმით, არსებობს ეჭვი, რომ ადამიანის დნმ-ი სხვა ადამიანის თავსა და ზურგის ტვინს ვერ შეეგუება, ამიტომ შესაძლოა, საჭირო გახდეს ნაწლავის ბაქტრიebis გადატანაც. თუმცა, ბრიუს მეთიუ მიიჩნევს, რომ უარყოფის თავიდან ასაცილებლად შესაძლებელია ღეროვანი უჯრედების გამოყენება.
მეცნიერი აცხადებს, რომ ათასობით ადამიანი, ზოგიერთ შემთხვევაში კი მხოლოდ თავი, გაყინულ მდგომარეობაშია და შანსი იმისა, რომ ისინი გააღვიძო და ახალი სხეული მისცე, რეალურად არსებობს.

წყარო : independent.co.uk
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა“