close

მედიცინა

მედიცინა

სიბრმავე განიკურნება: მეცნიერებმა რქოვანა პრინტერით დაბეჭდეს

2.74K views on

3D-ბეჭდვა კაცობრიობას სიბრმავისგან გადაარჩენს.

ნიუკასლის უნივერსიტეტის მეცნიერებმა მოიფიქრეს, თუ როგორ უნდა დაებეჭდათ 3D-პრინტერით ადამიანური რქოვანა – თვალის კაკლის გამჭვირვალე ნაწილი, რომელიც ფერის გარდატეხასა და ფოკუსირებაზეა პასუხისმგებელი.

რქოვანის დაავადებით, დაზიანებით თუ დამწვრობით გამოწვეული სიბრმავე 5 მლნ ადამიანს აწუხებს, კიდევ 10 მლნ ადამიანი კი რქოვანის გადანერგვისა და აღდგენის ოპერაციის მოლოდინშია. ახლა შესაძლებელია რქოვანას დონორობა გარდაცვალების შემდეგ, თუმცა დონორობის მსურველთა რაოდენობა არაა საკმარისი ყველა პაციენტის განსაკურნებლად.

ხელოვნური რქოვანას დასამზადებლად, გუნდმა არც ისე ძვირადღირებული 3D-პრინტერი გამოიყენა. იგი „ბიო-მასალის“ ფენას ქმნის კონცენტრირებული წრეების სახით, რაც რქოვანას ფურცლის ფორმას აძლევს. შემდეგ ნაკეთობას უმატებენ ღეროვან უჯრედებს და აძლევენ გაზრდის საშუალებას, რათა ტრანსპლანტაციისთვის შესაფერისი რქოვანა შექმნან.

 

სრულად ნახვა
ბიოლოგიაკვლევებიმედიცინამსოფლიო

ბავშვის გენეტიკის შეცვლისთვის ჩინეთის მთავრობამ, მეცნიერს, სამუშაოების შესრულების უფლება შეუჩერა

1.41K views on

ჩინელმა მეცნიერმა He Jiankui-მ დამიანის “დე-ენ-ემ”-ი წარმატებით შეცვალა და ექსპერიმენტის შედეგად ტყუპი გოგონები, ლულუ და ნანა დაიბადნენ.
მეცნიერის თქმით, მან ექსპერიმენტი ამერიკის ნაცვლად ჩინეთში ჩაატარა, რადგან ამერიკაში გენეტიკის შეცვლის მცდელობაც კი არაკანონიერია.
მაგრამ,  ექსპერიმენტი კანონიერი არც ჩინეთში აღმოჩნდა.  ამ დროისთვის ექსპერიმენტის ყველა მონაწილეს მეცნიერული სამუშაოების შესრულების უფლება შეჩერებული აქვს.

ექსპერიმენტის მონაწილე მეცნიერის, He Jiankui-ს თქმით მან შვიდი წყვილის კვერცხუჯრედებში შეიტანა ცვლილებები, მათ შორის კი წარმატებით განაყოფიერდა ერთი. ის ამბობს, რომ ექსპერიმენტის მიზანია არა გენეტიკური დაავადებებისგან ნაყოფის დაცვა, არამედ მისი უნარის გაძლიერება იმასთვის, რომ სამომავლოდ შეებრძოლოს ინფექციებს, მათ შორის შიდსს.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
მედიცინა

ჯანმო : წითელა დაბრუნდა; მიზეზი – სამარცხვინოა

2K views on

გასულ წელს წითელას შემთხვევები მსოფლიოს მასშტაბით 30 პროცენტით გაიზარდა, – ამის შესახებ ჯანდაცვის მსოფლიო ორგანიზაცია და აშშ-ს დაავადებისა და კონტროლის ცენტრი იუწყება.

ექსპერტები აღნიშნულის შესახებ პროგნოზს რამდენიმე წელია აკეთებენ. მიუხედავად იმისა, რომ ვაქცინაციის ორი დოზის გაკეთების შემდეგ წითელას პრევენცია ხდება, ეპიდემიის თავიდან ასაცილებლად იმუნიზაციით მოცვის მაჩვენებლის 95 პროცენტამდე გაზრდაა საჭირო. ამისდა მიუხედავად, უკანასკნელი ათი წლის განმავლობაში ეს მაჩვენებელი 85 პროცენტს ვერ გასცდა.

2017 წლის მონაცემებზე დაყრდნობით მსოფლიო ჯანდაცვის ორგანიზაცია აცხადებს, რომ წითელას შემთხვევებმა იმატა ამერიკაში, ევროპაში და აღმოსავლეთ ხმელთაშუა ზღვის აუზის ქვეყნებში. ერთადერთი, სადაც დაავადების შემთხვევებმა იკლო, დასავლეთ წყნარი ოკეანის რეგიონია.

1963 წლამდე წითელას ვაქცინა არ არსებობდა. მსოფლიოში დაავადების შემთხვევები ყოველწლიურად მატულობდა და დაღუპულთა რიცხვი ყოველწლიურად 2,6 მილიონს აღწევდა.

ვაქცინის შექმნის შემდეგ კი დაავადების შემთხვევებმა მნიშვნელოვნად იკლო. იმუნიზაციის შედეგადწელიწადში დაახლოებით 21 მილიონი სიცოცხლის გადარჩენა გახდა შესაძლებელი, სიკვდილიანობის მაჩვენებელი კი ვაქცინის შემოსვლიდან 17 წელში 80 პროცენტით შემცირდა.

თუმცა რამდენიმე წლიანი პროგრესის შემდეგ დაფინანსების სიმცირისა და დეზინფორმაციის გამო საქმე უარესობისკენ წავიდა. იმ ქვეყნებშიც კი, სადაც წითელას შემთხვევები მნიშვნელოვნად შემცირდა ან თითქმის აღმოიფხვრა, ბოლო წლების განმალობაში დაავადების ზრდა დაფიქსირდა.

აღსანიშნავია, რომ 2017 წელს წითელას ვაქცინაცია მსოფლიოს მასშტაბით 20.8 მილიონ ჩვილს არ ჩაუტარდა.  ჭორებმა, არასწორმა შეხედულებებმა და მითებმა ვაქცინის შესახებ ხელი შეუწყო ბოლო პერიოდში დაავადების შემთხვევების მნიშვნელოვან ზრდას. ეს ტენდენცია განსაკუთრებით თვალსაჩინოა ევროპაში, სადაც იმუნიზაციით მოცვის მაჩვენებელი ზოგიერთ ტერიტორიაზე 70 პროცენტზე ნაკლებია.

რაც შეეხება საქართველოს, დაავადებათა კონტროლის ეროვნულიც ცენტრის მონაცემებით, იმუნიზაციით მოცვა  წითელას საწინააღმდეგო ვაქცინის ორი დოზით მაინც ვერ აღწევს 95%-იან სამიზნე მაჩვენებელს. 2017 წელს  წწყ ვაქცინის პირველი დოზით  (12-24 თვის ასაკის ბავშვები) მოცვის მაჩვენებელმა შეადგინა  95%, ვაქცინის მეორე დოზით მოცვამ (5-6 წლის ასაკის ბავშვები) კი შეადგინა 90%. განსაკუთრებით ყურადსაღებია ვაქცინაციით არასათანადო მოცვა დიდ ქალაქებში, მათ შორის თბილისში და ქუთაისში.

ცენტრის ინფორმაციით, 2017 წლის აგვისტოდან ისევ დაიწყო ეპიდაფეთქებები, ჯერ გურიაში, შემდეგ კი აჭარაში. სულ 2017 წელს გამოვლინდა წითელას 96 შემთხვევა. 2018 წლიდან კი შემთხვევებმა მთელი საქართველო მოიცვა და დღემდე 1300-ზე მეტი შემთხვევაა აღრიცხული. დაფიქსირდა გარდაცვალების ორი შემთხვევა.

ქვეყანაში ჩატარებულმა უახლოესმა  კვლევამ   აჩვენა, რომ 20-26 წლის ასაკის მოქალაქეთა 10%-ზე მეტს  და 41 წლამდე მოქალაქეთა 8%-ს არ აქვს იმუნიტეტი წითელას  მიმართ, სწორედ ამ ასაკში ავადდებიან წითელათი ყველაზე ხშირად და ამით საფრთხეს  უქმნიან როგორც საკუთარ,  ასევე ოჯახის წევრების ჯანმრთელობას.

აღსანიშნავია, რომ 41 წლამდე ასაკის მოქალაქეთა უფასო ვაქცინაციას უზრუნველყოფს სახელმწიფო. ასვე უფასოა აცრა წითელათი დაავადებულთან კონტაქტში მყოფი ნებისმიერი ასაკის პირისათვის.

www.sciencealert.com

www.ncdc.ge

 

სრულად ნახვა
მედიცინამსოფლიო

გარდაცვლილისგან გადანერგილი საშვილოსნოთი მსოფლიოში პირველი ბავშვი გაჩნდა

2.77K views on

ბრაზილიაში ქალს გარდაცვლილი ადამიანისგან საშვილოსნო გადაუნერგეს, რომლის დახმარებითაც მან ბავშვი გააჩინა. ეს პირველი შემთხვევაა მსოფლიოში, როდესაც გადანერგილი საშვილოსნოს გამოყენებით ბავშვი დაიბადა. BBC-ის ინფორმაციით ბავშვი ჯანმრთელია.

ტრანსპლანტაციის ოპერაცია სან-პაოლოში მდებარე საავადმყოფოში, 10 საათის განმავლობში მიმდინარეობდა. ოპერაცია 32 წლის ქალს ჩაუტარდა, რომელიც საშვილოსნოს გარეშე დაიბადა.

მანამდე ქალს ტრანსპლანტაციის რამდენიმე ოპერაცია ჩაუტარდა, თუმცა ბავშვის შენარჩუნება ვერ შეძლო. ბოლო შემთხვევაში კი მას 40 წლამდე ქალის საშვილოსნო გადაუნერგეს, რომელიც ტვინში სისხლის გაჟონვით მოკვდა.

ტრანსპლანტაციის ოპერაციიდან 7 თვეში ქალის საშვილოსნოში განაყოფიერებული კვერცხუჯრედები მოათავსეს. სტანდარტული ორსულობის შემდეგ, ბავშვი საკეისრო კვეთით 2017 წლის 15 დეკემბერს გაჩნდა.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
კვლევებიმედიცინა

რა დადებითი და უარყოფითი თვისებები შეიძლება ჰქონდეს მარიხუანას

1.38K views on

მარიხუანა ოფიციალურად მიღებულია, როგორც მსუბუქი ნარკოტიკი და არა მედიცინისთვის საჭირო წამალი, რაც იმას ნიშნავს, რომ საჭიროა მისი საფუძვლიანი გამოკვლევა.

გამოკვლევები გვიჩვენებს, რომ მარიხუანას აქვს მცირედი სასარგებლო თვისებები  ადამიანის ჯანმრთელობისთვის. კონკრეტულად , იგი აყუჩებს ტკივილს, ასევე სასარგებლოა ეპილეფსიის ერთ–ერთი ფორმის მკურნალობისთვის. ზოგიერთი მეცნიერები ამბობს , რომ შესაძლოა მარიხუანას კვლავ ჰქონდეს სხვა უფრო ეფექტური და გამოსადეგი თვისებები, ადამიანის ჯანმრთელობისთვის.

ჩატარდა კვლევა, რომელიც გვიჩვენებს, თუ რა ვიცით და არ ვიცით კანაფის შესახებ.

1.მარიხუანას შეუძლია თავი გვაგრძნობინოს კარგად, ებრძოლოს დაძაბულ და მოწყენილ ცხოვრების სტილს.

2.იგი მოქმედებს ადამიანის სისხლისა და გულის მოქმედებაზე, მაგრამ არ არის გამოკვლევები ჩატარებული ამასთან დაკავშირებით, ეს კი აუცილებელია.

3.ერთგვარი გამაყუჩებელიც შეიძლება იყოს.

4.მაგრამ მას შეუძლია ზიანი მიაყენოს თქვენი მახსოვრობის უნარს

5.ასევე ზიანს აყენებს თქვენს დროის შეგრძნებას, რამაც შეიძლება პრობლემები შეგიქმნათ ყოველდღიურ ცხოვრებაში.

წყარო : Business insider
მასალა მოამზადა : ლაშა ჟინჭარაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ეს საინტერესოამედიცინა

ყავა, რომელიც თქვენს ჯანმრთელობას არ აზიანებს

1.15K views on

იმისთვის, რომ მაგარმა სასმელმა არ გვავნოს და პირიქით, მაქსიმალური სარგებელი მოგვიტანოს, აუცილებელია დავუმატოთ ლიმონი დილის ყავას.
ლიმონიან ყავას თავისი სახელწოდება შემთხვევით არ მიუღია. მის სამშობლოდ იტალია ითვლება, უფრო ზუსტად კი, რომი. მის მოსამზადებლად მხოლოდ ყავის ნატურალურ მარცვლებს, ლიმონის ახალგამოწურულ წვენსა და ცედრას იყენებენ.
მოგეხსენებათ ლიმნის წვენს უნიკალური თვისება აქვს -ამცირებს კოფეინის ნეგატიურ ზეგავლენას ორგანიზმზე. მისი მიღება პრაქტიკულად ყველას შეუძლია. რამდენიმე რჩევა ექიმებისგან თუ რატომ არის სასარგებლო ყავა „რომანო“
1. რომანო სასარგებლოა მათთვისაც, ვისაც უმადობა აწუხებს. ეს ყავა კუჭს აიძულებს, არ იზარმაცოს და წვენი გამოიმუშაოს. უმჯობესია, თუ რომანოს ჭამის შემდეგ დალევთ.
2. სასარგებლოა მათთვის, ვინც ბევრს მუშაობს, ცოტა სძინავს და სასიცოცხლო ძალების ნაკლებობას განიცდის. იმისთვის, რომ რომანომ მაქსიმალური სარგებელი მოგიტანოთ, დალიეთ დილით ადრე, საუზმიდან 40-60 წუთის შემდეგ.
3.კოფეინი ცენტრალურ ნერვულ სისტემას ასტიმულირებს, აძლიერებს სისხლის ცირკულაციას, ანორმალიზებს გაცვლით პროცესებს და ორგანიზმიდან ტოქსინებს გამოდევნის. ამ ფაქტორების გათვალისწინებით, ყავა გაცივების საწინააღმდეგო საშუალებად შეგვიძლია გამოვიყენოთ და თუ მას ლიმონსაც დავუმატებთ, მისი გამაჯანსაღებელი ეფექტი გაორმაგდება

მასალა მოამზადა : ლაშა ჟინჭარაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიოლოგიამედიცინა

ჩინელი მეცნიერი ამტკიცებს, რომ გენეტიკურად რედაქტირებული ტყუპი გოგონა შექმნა

1.21K views on

ჩინელი მეცნიერი აცხადებს, რომ მან პირველი გენეტიკურად მოდიფიცირებული ბავშვები შექმნა. პროფესორი ჰი ჯიანკუის მტკიცებით, მან რამდენიმე კვირის წინ დაბადებული ტყუპი გოგონას დნმ-ი შეცვალა. რათა ემბრიონები ადამიანისიმუნოდეფიციტისვირუსის(HIV) განგაეთავისუფლებია.

მეცნიერის განცხადებები სხვა მეცდნიერებმა გააკრიტიკეს და იდეას საზარელი უწოდეს. აღსანიშნავია, რომ ეს საქმიანობა მსოფლიოს უმეტეს ქვეყნებში აკრძალულია.

მომავალი თაობები

გენის რედაქტირების საშუალებით შესაძლებელია მემკვიდრეობითი დაავადებების  თავიდან აცილება ემბრიონებში საშიში კოდირების „წაშლის“  ან შეცვლის გზით.

თუმცა ექსპერტები აცხადებენ, რომ ემბრიონის გენომში ინტერვენციამ შესაძლოა ზიანი მიაყენოს არა მხოლოდ ინდივიდს, არამედ მომავალ თაობებსაც, ვინაიდან ტექნოლოგია ჯერ კიდევ ექსპერიმენტულია და დნმ-ის ცვლილებები შემდეგ თაობებს გაუთვალისწინებელი გვერდითი მოვლენებით შეიძლება გადაეცეს.

უამრავ ქვეყანაში, მათ შორის დიდ ბრიტანეთში, არსებობს კანონი, რომელიც გენომის რედაქტირებას კრძალავს. მეცნიერებს რედაქტირების კვლევის ჩატარება მხოლოდ უსარგებლო ინვინტრო განაყოფიერებულ ემბრიონებზე აქვთ, რის შემდეგაც მას ანადგურებენ და ნაყოფის შესაქმნელად არ იყენებენ.

დიზაინერი ბავშვები

პროფესორი ჰი, რომელმაც განათლება აშშ-ში, სტენფორდის უნივერსიტეტში მიიღო, აცხადებს, რომ გენური რედაქტირება მან ტყუპი გოგონას – ლულუსა და ნანას შესაქმნელად გამოიყენა.

ვიდეოში, რომელიც გამოცემა Associated Press-ში გამოქვეყნდა, პროფესორი აცხადებს, რომ მან ე.წ. CCR5 გენი აღმოფხვრა, რათა გოგონები მომავალში HIV-თან კონტაქტის შემთხვევაში ვირუსისგან სამუდამოდ დაცულები ყოფილიყვნენ.

პროფესორი ჰი ამტკიცებს, რომ მისი მიზანი ლამაზი თვალის ფერის ან მაღალი IQ-ს მქონე ბავშვების შექმნა კი არაა, არამედ ბავშვების, რომლებიც სცვადასხვა დაავადებისგან დაცულები იქნებიან.

„ვიცი, ამ ნაბიჯის გამო გამაკრიტიკებენ, მაგრამ ისიც ვიცი, თუ რამდენად ესაჭიროებათ ოჯახებს ეს ტექნოლოგია, ამიტომ მზად ვარ, მათ გამო კრიტიკა ავიტანო,“ აცხადებს ჰი აღნიშნულ ვიდეოში.

გენის რედაქტირება და მასთან დაკავშირებული რისკი

ოქსფორდის უნივერსიტეტის ეექსპერტი, პროფესორი ჯულიან სავულესკო აცხადებს, რომ გენის რედაქტირება ექსპერიმენტულია და ჯერ კიდევ დაკავშირებულია მოულოდნელ მუტაციებთან, რაც ცხოვრების გარკვეულ ეტაპზე გენეტიკურ დაავადებებს, მათ შორის კიბოს განვითარებას, იწვევს.

მეცნიერები აცხადებენ, რომ შესაძლოა ერთ დღეს გენის რედაქტირება გამართლებულ საქმიანობად იქცეს, თუმცა მანამდე „ასჯერ გაზომვაა“ საჭირო.

ლონდონის წმინდა გიორგის სახელობის უნივერსიტეტის ექსპერტი ადამიანის გენეტიკის საკითხებში იალდა ჯამშიდი აცხადებს, რომ გენის რედაქტირების გრძელვადიანი ეფექტის შესახებ ჯერ ძალიან ცოტა რამაა ცნობილი და ადამიანების უმეტესობას აღნიშნულ საკითხზე ექსპერიმენტების ჩატარება მორალურად და ეთიკურად მიუღებელად მიაჩნია. „განსაკუთრებული სიფრთხილის გამოჩენა გვმართებს, როცა საქმე მომავალ თაობასთან დაკავშირებულ რისკებს ეხება,“ აცხადებს  პროფესორი ჯამშიდი.

წყარო :  www.bbc.com

სრულად ნახვა
მედიცინასაქართველო

შინმოვლის სერვისი 185 000 ადამიანს სჭირდება,  მომსახურებით კი – მხოლოდ 5% სარგებლობს

1.38K views on

საქართველოში დაახლოებით 185 000 ადამიანი გრძელვადიან ზრუნვასა და მკურნალობას – შინმოვლას საჭიროებს. შესაბამისი მონაცემები მოსახლეობის საყოველთაო აღწერის შედეგებშია ასახული.

დღეისათვის, ბენეფიციარებს შინმოვლის მომსახურებას ცალკეული არასამთავრობო ორგანიზაციები დონორების დახმარებით აწვდიან. თუმცა, ის ძირითადად სოციალურად დაუცველი თემისთვის არის განკუთვნილი. შინმოვლის სერვისს სახელმწიფო ფრაგმენტულად აფანინასებს (სერვისი გათვალისწინებულია პალიატიური ზრუნვის პროგრამაში) და ჯანდაცვის პროგრამებში თითქმის არ არის გათვალისწინებული.

როგორც „საქართველოს კარიტასის“ ჯანდაცვის პროგრამის მენეჯერი  – გაიოზ ყუბანეიშვილი ამბობს, დღეისათვის, საერთო ჯამში შინმოვლის სერვისით ბენეფიციარების მხოლოდ 5 პროცენტი სარგებლობს (,,კარიტასი“ ერთ პროცენტს ფარავს), დანარჩენი კი კვალიფიციური სერვისის მიღმა რჩება – მათ მომსახურებას უწევენ ოჯახის წევრები ან მომვლელი, რასაც თან ერთვის არასათანადო სერვისი და მომსახურების დაბალი ხარისხი.

სერვისს მიღმა დარჩენილი მოსახლეობისთვის კვალიფიციური მომსახურების მისაწოდებლად, ორგანიზაცია შინმოვლის ფასიან მომსახურებას ნერგავს.

გაიოზ ყუბანეიშვილის განცხადებით, მომსახურების მაღალი დონის უზრუნველსაყოფად, მკურნალობისა და ზრუნვის თანამედროვე მეთოდების შესწავლის მიზნით, მათთან მოქმედებს სამედიცინო პერსონალის პროფესიული კვალიფიკაციის ამაღლების პროგრამა, რომელიც გერმანელი სპეციალისტების მიერ ხორციელდება. ორგანიზაციის ინიციატივით, შემუშავდა შინმოვლის სასწავლო მოდული და ყოველწლიურად 400 სტუდენტი პროგრამას პროფესიულ სასწავლებლებში გადის.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

 

 

 

 

 

 

სრულად ნახვა
მედიცინასაქართველო

ძუძუს კიბოს მეოთხე სტადიით დაავადებული პაციენტები პერჯეტასა და ჰერცეპტინს 80%-იანი ფასდაკლებით მიიღებენ

1.07K views on

 

2019 წლის იანვრიდან ძუძუს კიბოს სამკურნალომედიკამენტით უზრუნველყოფის პროექტიფართოვდება, – ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის დავით სერგეენკომ განაცხადა.

მინისტრის ინფორმაციით, მომავალი წლიდანძუძუს კიბოს მეოთხე სტადიით დაავადებულიპაციენტები, სამკურნალო მედიკამენტებს – პერჯეტასა და ჰერცეპტინს 80%-იანი ფასდაკლებითმიიღებენ.

დავით სერგეენკოს თქმით, თუ აქამდე აღნიშნულიმედიკამენტის ღირებულების 80% დაავადებისპირველი, მეორე და მესამე სტადიის მქონეპაციენტებს უფინანსდებოდათ, ახლა პროგრამაკიდევ უფრო გაფართოვდება. ამასთან, დავითსერგეენკოს განცხადებით, 2019 წლის იანვრამდედაავადების მეოთხე სტადიის მკურნალობისთვისსაჭირო მედიკამენტების დაფინანსებას სახელმწიფოდიდ ქალაქებში ცდილობდა, ჯანდაცვისსამინისტროსა და მწარმოებელ კომპანია “როშეს” შორის მიღწეული შეთანხმებით კი ყველა რეგიონისჩართვა გახდა შესაძლებელი.

რაც შეეხება სოციალურად დაუცველის სტატუსისმქონე პირებს, დავით სერგეენკოს განცხადებით, ძუძუს კიბოს სამკურნალო მედიკამენტებისღირებულების 80%-ს მათ აღნიშნული პროგრამა, 20%-ს კი ადგილობრივი მუნიციპალიტეტებიაუნაზღაურებენ.

საქართველოში ყოველწლიურად, ძუძუს კიბოს1500-ზე მეტი შემთხვევა ფიქსირდება. დაავადებისსამკურნალო მედიკამენტის–ჰერცეპტინისღირებულება, რომელიც მნიშვნელოვნად ზრდისდაავადების რემისიას და სიცოცხლისხანგრძლივობას, ერთ პაციენტზე წლიურად 72000-ზე მეტ ლარს შეადგენს. არსებული პროგრამა 2016 წლის თებერვლიდან დაიწყო, რომელიც მიზნადდაავადების სამკურნალო მედიკამენტზეხელმისაწვდომობის გაზრდას ისახავს. პროექტი, ჯანდაცვის სამინისტროს, თბილისის მერიისა დამედიკამენტის მწარმოებელი კომპანია „როშეს“ ერთობლივი ძალისხმევით განხორციელდა. პროგრამაში ჩართული პაციენტები, რომლებიცდავადებული არიან ძუძუს კიბოს: პირველი, მეორედა მესამე სტადიით მთელი საქართველოსმასშტაბით ძვირადღირებულ მედიკამენტებს 80%-იანი თანადაფინანსებით იღებენ, რაც წლიურადერთ პაციენტზე 6000-მდე ლარს შეადგენს. პროგრამის დაწყებიდან დღემდე უკვე ისარგებლა400-ზე მეტმა პაციენტმა.

მასალა მომაზადა : თამარ ტაბატაძემ

სრულად ნახვა
გამოგონება - ინოვაციამედიცინა

მეცნიერებმა 3 ადამიანის ტვინი ერთმანეთს დაუკავშირეს

2.16K views on

ნეირომეცნიერებმა წარმატებით დააკავშირეს სამი ადამიანის ტვინი ერთმანეთთან, ჯგუფი ფიქრობს, რომ მათი ექსპერიმენტის წყალობით ადამიანებს საშუალება მიეცემათ  რამდენიმე სახის გონება დავუკავშირონ ერთმანეთს.

ადამიანების, ერთმანეთთან დაკავშირების გარდა ახალ პროექტს სხვა მიზანიც აქვს –  გამოიკვლიოს ადამიანის ტვინი უფრო დეტალურადაც.

ექსპერიმენტი ჩატარდა სამი ადამიანის გონებაზე, ისინი ერთმანეთთან იყვნენ დაკავშირებული, როდესაც მათ საერთო ძალებით უნდა გადაეჭრათ პრობლემა, კერძოდ მათ ათამაშეს „ტეტრისის“ სახეობის თამაში, სადაც სხვადასხვა სახის ფიგურები ცვივა და მათ უნდა გადაეწყვიტათ ერთობლივად, თუ რომელ ფიგურას ესაჭიროებოდა მდგომარეობის შეცვლა.

წყარო : Sciencealert.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 71 72 73 74 75 … 95
Page 73 of 95