close

მედიცინა

მედიცინასაქართველო

გადაცდომების გამო, პროფესიული პასუხისმგებლობა წელს 61 ექიმს დაეკისრა

1.18K views on

პროფესიული პასუხისმგებლობა, 2018 წლის პირველი ოთხი თვის განმავლობაში,  61 ექიმს დაეკისრა. გასული წლის ანალოგიურ პერიოდში კი, 51. ინფორმაცია ამის შესახებ პირველ არხს სამედიცინო საქმიანობის სახელმწიფო რეგულირების სააგენტომ მიაწოდა.

უწყების მონაცემების თანახმად, მიმდინარე წლის პირველი მაისის მონაცემებით, წერილობითი გაფრთხილება 55 ექიმს მიეცა, ექვს ექიმს კი – სახელმწიფო სერტიფიკატის მოქმედება შეუჩერდა. წინა წლის იგივე პერიოდში, წერილობით 24 ექიმი გააფრთხილეს, სახელმწიფო სერტიფიკატის მოქმედება კი, 27 მედიკოსს შეუჩერდა.

ექიმებისთვის სანქციის დაკისრების შესახებ გადაწყვეტილებას სამედიცინო საქმიანობის სახელმწიფო რეგულირების სააგენტოსთან არსებული პროფესიული განვითარების საბჭო იღებს.

წყარო:  პირველი არხი

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოაკვლევებიმედიცინაფსიქოლოგია

შიზოფრენიამ შესაძლოა ფიზიკური ცვლილებებიც კი გამოიწვიოს

1.32K views on

შიზოფრენია განიხილება, როგორც გონებრივი დარღვევა და მოქმედებს ადამიანის ფიქრებზე, შეგრძნებებსა და ქმედებებზე. მაგრამ ბოლო გამოკვლევებმა აჩვენა, რომ შიზოფრენიის დროს ფიზიკურ ცვლილებებსაც განვიცდით –  დეფორმირდება ორგანოებიც.

მეცნიერებმა დიდი ხნის მანძილზე იცოდნენ, რომ შიზოფრენიით დაავადებული ადამიანების უმრავლესობას ჰქონდა ფიზიკური დაავადებები, მსოფლიოს მოსახლეობაზე დაკვირვებისას დაადგინეს, რომ სწორედ ეს ხდება, უმეტეს შემთხვევაში, ნაადრევი სიკვდილის მიზეზი.

გამოკვლევამ აჩვენა, რომ ფსიქიკური დარღვევების მქონე პირები, 15–20 წლით ადრე ტოვებენ წუთისოფელს, ვიდრე ჩვეულებრივი ადამიანები.

წყარო: Sciencealert.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
კვლევებიმედიცინამსოფლიო

ოსტეოპოროზის სამკურნალო მედიკამენტს სიმელოტის წინააღმდეგ გამოიყენებენ

1.54K views on

ოსტეოპოროზის მკურნალობისთვის განკუთვნილ პრეპარატს  სიმელოტის წინააღმდეგ გამოიყენებენ.

მკვლევარებმა აღმოაჩინეს, რომ მედიკამენტს თმის ფოლეკულებზე შთამბეჭდავი ეფექტი აქვს და თმის ზრდას უწყობს ხელს. მათი განცხადებით, ფაქტი ლაბორატორიულად დადასტურებულია, კლინიკური დადასტურების შემთხვევაში კი –  მედიკამენტი გარღვევა იქნება თანამედროვე მედიცინაში.

იგი შეიცავს ნაერთს, რომელიც მოქმედებს პროტეინზე, რომელიც თმის ზრდის „მუხრუჭის“ როლს ასრულებს.

პროექტის ლიდერმა დოქტორმა ჰოკშოუმ ,,BBC- ის“ განუცხადა, რომ აუცილებელია მედიკამენტზე კლინიკური კვლევის ჩატარება, რათა  ადამიანებში მკურნალობის ეფექტურობა და უსაფრთხოება დადგინდეს.

ამჟამად ხელმისაწვდომია სიმელოტის (ანდროგენული ალოპეცია) სამკურნალო მხოლოდ ორი მედიკამენტი :

-,,მინდოქსიდილი“ – მამაკაცებისა და ქალებისთვის;

– ,,ფინასტერიდი“ – მხოლოდ მამაკაცებისთვის.

თუმცა, ორივე მედიკამენტს გვერდითი ეფექტები აქვს და, ხშირ შემთხვევაში არაეფექტურია, ამიტომ პაციენტები უმეტესწილად თმის ტრანსპლანტაციის ოპერაციას მიმართავენ.

,,PLOS Biology-ში“ გამოქვეყნებული კვლევა ლაბორატორიაში 40 მამაკაცის სკალპზე განხორციელდა.

 

წყარო: BBC

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
დედამიწაეს საინტერესოაკვლევებიმედიცინამსოფლიო

გეითსი მსოფლიოს ახალი დაავადების შესახებ აფრთხილებს, რომელიც ნახევარ წელში 30 მილიონ ადამიანს გაანადგურებს

3.62K views on

მსოფლიოს მოსახლეობის რიცხვის ზრდასთან ერთად ჩნდება ახალ-ახალი პათოგენები. ამავდროულად, ინდივიდუალური ადამიანისა თუ ადამიანთა ჯგუფებისთვის თანდათან უფრო იოლი ხდება დაავადებების, როგორც ბიოლოგიური იარაღის, შექმნა, რომელიც მსოფლიოს ელვის სისწრაფით შეიძლება მოედოს და რომელთან საბრძოლველადაც კაცობრიობა მზად არაა.

ამის შესახებ კომპანია ,,Microsoft-ის” დამფუძნებელმა – ბილ გეითსმა მასაჩუსეტის სამედიცინო საზოგადოების მიერ ორგანიზებულ ღონისძიებაზე განაცხადა, სადაც ეპიდემიებთან დაკავშირებული საკითხები განიხილეს.

გეითსმა აღნიშნა, რომ შესაძლოა, რომელიმე მცირე არასახელმწიფო სუბიექტმა ლაბორატორიაში ჩუტყვავილის სასიკვდილო ფორმა შექმნას. პლანეტის ერთ-ერთმა ყველაზე წარმატებულმა ადამიანმა ღონისძიებაზე სიმულაცია წარმოადგინა და აჩვენა, რომ ეპიდემიას, რომელმაც 1918 წელს 50 მილიონი ადამიანის სიცოცხლე შეიწირა, თანამედროვე დროში ექვსი თვის განმავლობაში 30 მილიონი ადამიანის განადგურება შეუძლია, ვინაიდან ,,ჩვენ ურთიერთდაკავშირებულ სამყაროში ვცხოვრობთ”.

,,წარმოიდგინეთ, მსოფლიო ქვეყნების მთავრობების რეაქცია ინფორმაციაზე იმის შესახებ, რომ იქმნება იარაღი, რომელიც 6 თვეში 30 მილიონ ადამიანს გაანადგურებს, ისინი აუცილებლად სასწრაფოდ დაიწყებენ მზადებას საფრთხის თავიდან ასაცილებლად, ბიოლოგიური საფრთხის შემთხვევაში კი გადაუდებელ მოქმედებაზე არავინ ფიქრობს. არადა მსოფლიო პანდემიისთვის ისევე სერიოზულად უნდა მოემზადოს, როგორც ომისთვის,” – განაცხადა გეითსმა.

თუმცა, ცნობილი ბიზნესმენის განმარტებით, თანამედროვე დროში ადამიანს გაცილებით მეტი რესურსი აქვს თავის დასაცავად, ვიდრე წლების წინ, ,,სულ უფრო და უფრო ვუახლოვდებით გრიპის უნივერსალური ვაქცინის შექმნის შესაძლებლობას, გვაქვს ზუსტი და სწრაფი დიაგნოზის საშუალება, რაც ძალიან მნიშვნელოვანია დაავადებასთან საბრძოლველად, გვაქვს ანტიბიოტიკები, რაც მეორადი ინფექციის, როგორიცაა – მაგალითად, პნევმონია, დამარცხებაში გვეხმარება.”

მაგრამ გეითსი აცხადებს, რომ ბიოლოგიური საფრთხის წინააღმდეგ საჭიროა მეტი ძალისხმევა, მთავრობების მხრიდან უფრო სწრაფად და კოორდინირებულად მოქმედება. ის მიიჩნევს, რომ საჭიროა უკეთესი კომუნიკაცია შეიარაღებულ ძალებსა და მთავრობებს შორის და ასევე – ძალიან მნიშვნელოვანია თანამშრომლობა კერძო სექტორთან, რათა სათანადოდ განვითარდეს სასიკვდილო დაავადების წინააღმდეგ ბრძოლის ტექნოლოგიები.

წყარო: https://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ანალიტიკაეს საინტერესოაკვლევებიმედიცინამსოფლიო

რა მოხდებოდა მსოფლიოში ვაქცინაციის გარეშე?

1.68K views on

   ვაქცინების მთავარი ფუნქცია არის დაავადების პრევენცია ან აღმოფხვრა. მსოფლიო მასშტაბით ამ მიზნის მიღწევა მხოლოდ ვაქცინაციის საშუალებითაა შესაძლებელი.

რომელი დაავადებები გამოჩნდება კვლავ ვაქცინაციის გარეშე?

პოლიომილიტის ვირუსისაგან პარალიზებული ადამიანი მთელ მსოფლიოში, ფაქტობრივად, არ მოიძებნება, თუმცა, თუკი ვაქცინაცია შეწყდება კონკრეტულად ამ ვიურსისთვის, მაშინ ის ათიათასობით ადამიანს შეიძლება გადაედოს. იგივე ითქმის წითელას შემთხვევაშიც, შესაბამისი ვაქცინაციის გარეშე, ეპიდემიის საშიშროებაა, რომელმაც, ერთდროულად, შესაძლოა მოსახლლეობის 80 % ან მეტიც კი დაავადოს. დაავადებულთა უმეტეს ნაწილს ჰოსპიტალიზაცია დასჭირდებოდა, ექნებოდათ მაღალი სიცხე და გამონაყარი, ზოგიერთი სასიკვდილო იქნებოდა ზოგიერთ ინფიცირებულს  კი რაიმე სახის შეზღუდული შესაძლებლობას დაუტოვებდა ვირუსი, მაგალითად სიბრმავეს.

ასეთ გარემოში, საჭირო გახდებოდა ადმაიანებს შორის კონტაქტის შეზღუდვა და აკრძალვაც კი, რადგან ყოველი ადამიანი ვირუსებისა და ინფექციებისადმი მოწყვლადი იქნებოდა.

რატომ არის ვაქცინაციის შესახებ ცნობიერების ამაღლება, განსაკუთრებით მნიშვნელოვანი პატარა და ღარიბი ქვეყნებისთვის?

მაგალითად – აფრიკაში, არსებობს კონკრეტული გეოგრაფიული არეალი, სადაც ბაქტერიული მენინგიტის გამომწვევი ბაქტერიაა გავრცელებული. ყოველ 2 ან 5 წელში ტერიტორიაზე ეპიდემია იწყებოდა, რასაც უამრავი ადამიანის სიცოცხლე ეწირებოდა. მრავალწლიანი ბრძოლის შემდეგ, ერთ-ერთმა ინდურმა ფარმაცევტულმა კომპანიამ იმ ტერიტორიაზე დაიწყო ვაქცინაციის პროცესი.  ფაქტობრივად, აფრიკაში  მენინგიტის ეპიდემიის შეჩერება და აღმოფხვრა მოხდა. ამ შედეგის მიღწევა მოხერხდა ეფექტიანი და ფართომასშტაბიანი საინფორმაციო კამპანიების დახმარებით, რამაც უზრუნველყო მოსახლეობამდე სწორი და სანდო ინფორმაციის მიტანა ვაქცინაციის მნიშვნელობის შესახებ.

რა შედეგი აქვს ვაქცინაციას?

ვაქცინაციის წარმატება დიდწილადაა დამოკიდებული სხვადასხვა მხარის კოორდინირებულ ქმედებაზე: საჭიროა ვაქცინის მწარმოებელი კომპანიის შერჩევა, ეროვნული მთავრობების თანხმობა, რომ შეისყიდონ ვაქცინა, დონორები, რომლებიც ვაქცინების სუბსიდირებას მოახდენენ, რათა ის ყველასათვის ხელმისაწვდომი იყოს. ასევე, ადამიანური რესურსი, რომელიც ვაქცინაციის პროცესს უზრუნველყოფს. საბოლოო ჯამში, მსოფლიო მასშტაბით, ვაქცინების საშუალებით, წელიწადში დაახლოებით 2,5 მილიონი ადამიანის სიკვდილის პრევენცია ხდება.

წყარო: World Economic Forum

მასალა მოამზადა:  ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ბიოლოგიაკვლევებიმედიცინა

მეცნიერებმა ტვინის სხეულის გარეშე ცოცხლად შენახვა მოახერხეს

1.74K views on

იელის უნივერსიტეტის მეცნიერები ამტკიცებენ, რომ მათ წარმატებით განახორციელეს ღორების ტვინების ცოცხლად შენახვა სხეულების გარეშე 36 საათის განმავლობაში.

ექსპერტები აცხადებენ, რომ თუ ანალოგიური ტექნილოგიის გამოცდა ადამიანებზეც მოხერხდება, ეს სიცოცხლის გახანგრძლივების ახალ, გასაოცარ შესაძლებლობას გააჩენს.

უნივერსიტეტის მეცნიერების განცხადებით, რომლებიც აღნიშნულ კვლევაში მონაწილეობდნენ, მათ ექსპერიმენტი 200-მდე ღორე განახორციელეს.

ხელოვნური სისხლძარღვების, გამათბობლებისა და ტუმბოების სისტემის გამოყენებით გუნდმა შეძლო 4 საათის გარდაცვლილი ღორების ტვინებში სისხლის მიმოქცევის აღდგენა.

მეცნიერთა გუნდი აცხადებებს, რომ BrainEx-ის ტექნოლოგიის გამოყენებით ორგანოების „ცოცხლად“ შენახვა 36 საათის განმავლობაშია შესაძლებელი.

როგორ მუშაობს აღნიშნული ტექნოლოგია?

მასაჩუსეტის ტექნოლოგიური უნივერსიტეტის ჟურნალის, MIT Technology Review-ის ინფორმაციით, BrainEx ტექნოლოგია ითვალისწინებს ტვინის დაკავშირებას მილაკების დახურულ მარყუჟებთან, რომლებიც გამთბარი ხელოვნური სისხლის ცირკულაციას ახორციელებს და ჟანგბადს ტვინის სიღრმეში  მდებარე უჯრედებში გადაისვრის.

ტექნოლოგია მსგავსია იმ საშუალებისა, რასაც  მეცნიერები სხვა ორგანოების, როგორიცაა გული ან ფილტვები, ტრანსპლანტებისთვის იყენებენ, თუმცა, უფრო მეტად პრობლემურია, როცა საქმე ტვინს ეხება.

მეცნიერებს სურთ, ტექნოლოგიის ადამიანებზე გამოცდა, ისინი იმედოვნებენ, რომ BrainEx-ი მომავალში სიცოცხლის გახანგრძლივების შესაძლებლობას გააჩენს, თუმცა მანამდე მათ ბევრი გამოწვევის გადალახვა მოუწევსთ, ვინაიდან ტექნოლოგიის ადამიანებზე გამოყენება ეთიკის ნორმებს ეწინააღმდეგება.

წყარო: https://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოამედიცინატექნოლოგიები

თუ არ მიაშტერდებით ეკრანს, ის თქვენს მხედველობაზე არ იმოქმედებს

1.33K views on

ყველა ადამიანს გაუგონია, რომ ეკრანს აქვს გამოსხივება და მასთან დიდი ხნით კონტაქტი ზიანს აყენებს თქვენს ჯანმრთელობას, მაგრამ ბევრმა არ იცის, თუ რა სავალალო შედეგები შეიძლება მოჰყვეს მას, ან იქნებ – სულაც არაა მავნებელი.

კომპიუტერის ან სმარტფონის ეკრანი თქვენს მხედველობას არ ვნებს, თუ ისე მოიქცევით, როგორც მისაღებია. როგორც სპეციალისტები ამბობენ, ეკრანის გამოსხივებას მეტ-ნაკლები უარყოფითი ეფექტი აქვს, მაგრამ, თუკი გვსურს, თავიდან ავიცილოთ სერიოზული თვალის დაავადებები, აუცილებელია – ჩვენი მხედველობის ორგანო ხანდახან მაინც დავასვენოთ ხოლმე. ,,ნუ მიაშტერდებით ეკრანს“ – გვირჩევენ ოფთალმოლოგები.

წყარო: Theverge.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოტრინა“

სრულად ნახვა
გამოგონება - ინოვაციაეს საინტერესოამედიცინამსოფლიო

საფრანგეთში მსოფლიოში პირველი წარმატებული სახის გადანერგვის ოპერაცია ჩატარდა

1.5K views on

ფრანგ ჯერომი ჰემონს ახალი სახე გადაუნერგეს. ეს მისთვის გადანერგვის მეორე ოპერაცია იყო.  ტრანსპლანტირების პირველი მცდელობა რამდენიმე წლის წინ უშედეგოდ დასრულდა. მეორე ოპერაცია კი წარმატებული აღმოჩნდა და მედიკოსებმა ის სახის გადანერგვის პირველ წარმატებულ ოპერაციად აღიარეს.

 ,,გადანერგვის პროცედურა 15 იანვრის შუადღისას დაიწყო და  მეორე დილით დასრულდა,” – ამის შესახებ პარიზში მდებარე ჰოსპიტალი “Georges Pompidou” იტყობინება, სადაც პროცედურა განხორციელდა.

თავდაპირველად, ჰემონს ორგანიზმში სისხლის მთლიანად შეცვლა დასჭირდა. ამ ერთთვიანმა პროცედურამ ექიმებს ანტისხეულების მოშორების შესაძლებლობა მისცა, რომლებსაც შესაძლოა ახალი სახისთვის ,,უარი ეთქვათ” და არ მიეღოთ.

ეს არის პირველი სამედიცინო შემთხვევა, როდესაც პაციენტმა მეორე სახე მიიღო, რაც პასუხობს მნიშვნელოვან შეკითხვას იმის შესახებ, თუ რამდენად შესაძლებელია სახის ტრანსპლანტირება.

ორგანოების გადანერგვის ბევრი მცდელობა უშედეგოდ მთავრდება, რადგან სხვადასხვა მიზეზის გამო ორგანიზმი ახალ ორგანოს ვერ ეგუება. ახლა ვიცით, რომ, როცა საქმე ეხება სახის გადანერგვას, პაციენტს შეუძლია ახალი სახის მიღება.

2010 წელს, როდესაც ჰემონი 30 წლის იყო, მას ექიმმა ლაურენტ ლანტერმა ჰოსპიტალ – Georges Pompidou-ში ახალი სახე გადაუნერგა.

ჰემონს აქვს გენეტიკური დაავადება, რომელმაც სიმსივნით სახის დეფორმირება გამოიწვია. მან პირველი ტრანსპლანტი მიიღო ორგანოების 63 წლის დონორისგან.

ნებისმიერი ტრანსპლანტის დროს ყოველთვის არსებობს რისკი, რომ იმუნური სისტემა რეაგირებას მოახდენს უცხო სხეულის მიმართ, მაგრამ ჰემონის შემთხვევაში იმუნოსუპრესიული მედიკამენტების დახმარებით ამის თავიდან აცილება მოხერხდა და ორგანიზმმა ახალი სახე მიიღო.

სახის გადანერგვის პირველი ოპერაცია საფრანგეთში 2005 წელს ჩატარდა, თუმცა მაშინ ოპერაცია წარმატებული არ აღმოჩნდა.

 

წყარო: https://www.sciencealert.com/

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
გამოგონება - ინოვაციამედიცინატექნოლოგიები

ყურსასმენები, რომლის საშუალებითაც კომუნიკაციის დამყარება საუბრის გარეშეა შესაძლებელი

1.37K views on

მასაჩუსეტსის ტექნოლოგიის ინსტიტუტის(MIT) მეცნიერებმა ახალი კომპიუტერული ინტერფეისი შექმნეს, რომელიც ადამიანებს საუბრის გარეშე კომუნიკაციის შესაძლებლობას აძლევს.

როდესაც რამე მოქმედების განხორციელებას აპირებთ, ტვინი კუნთებს ელექტრონულ სიგნალებს გადასცემს, რითაც ატყობინეს, რა უნდა გააკეთოს. ახალი პროთეზი – AlterEgo ელექტრომიგრაფიის გამოყენებით ამ ელექტრონულ სიგნალებს იჭერს და პროცესორისკენ აგზავნის, რომელიც მათ სიგნალებად თარგმნის. ეს სიგნალები რობოტ  პროთეზს ატყობინებს,, რისი გაკეთება სურდა მომხმარებელს.

როგორია AlterEgo-ს მუშაობის პრინციპი?

როდესაც რაიმე სიტყვას გავიფიქრებთ, ტვინი სახისა და ყელის კუნთებს უგზავნის სიგნალებს, რაც სიტყვის ხმამაღლა წარმოთქმის საშუალებას იძლევა. ამ პროცესს სუბვოკალიზაცია ეწოდება და მას უამრავი ადამიანი მიმართავს კითხვისას.

AlterEgo-ს ყურსასმენები შედგება ელექტროდული სენსორებისგან, რომელიც იმ ადამიანის სახესა და ყბაზეა განთავსებული, რომელსაც ყურსასმენი უკეთია. სხეულის ეს ნაწილები კი ის ადგილებია, სადაც სიგნალები უფრო ძლიერი და უტყუარია. AlterEgo-ს ასევე აქვს ყურსასმენები, რომელიც ყურების გარეთ მაგრდება. ის ბგერებს თავის ქალის ძვლისგან პირდაპირ გადაცემს და ყურებს მოსმენა არ სჭირდება.

სენსორები საშუალებას აძლევს მომხმარებელს, ჩუმად „ესაუბროს“ კომპიუტერს, კომპიუტერი კი პასუხს უგზავნის ყურსასმენების საშუალებით.  

მეცნიერები ფიქრობენ, რომ მოწყობილობის განვითარებით შეძლებენ კომუნიკაციის არა მხოლოდ ადამიანსა და კომპიუტერს, არამედ ადამიანსა და ადამიანს შორის დამყარებას.

მისი გამოყენება სასარგებლო იქნება ხმაურიან გარემოში. რაც ყველაზე მნიშნელოვანია, AlterEgo დიდ დახმარებას გაუწევს მეტყველების მხრივ უნარშეზღუდულ ადამიანებისაც.

წყარო: https://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოამედიცინამსოფლიო

მარიხუანამ 2 ადამიანის სიცოცხლე შეიწირა

1.39K views on

მარიხუანას ლეგალიზაციას მთელი მსოფლიოს მასშტაბით მოითხოვენ, მისი მომხმარებლები ამბობენ, რომ არანაირ ზიანს არ აყენებს იგი ჩვენს ჯანმთელობას, ბოლო დროს ხშირია ალკოჰოლისა და მარიხუანას შედარებები.

მაგრამ, შეუძლებელია უვნებელი იყოს ისეთი პრეპარატი, რომელიც ადამიანს რეალობისგან შორს ამყოფებს, როგორც ალკოჰოლი ვნებს ადამიანის ჯანმთელობას – ასევეა მარიხუანაც, ხშირ შემთხვევაში უარესიც კი. როგორც ცნობილი გახდა რამდენიმე დღის წინ ამერიკის შეერთებული შტატების ტერიტორიაზე 2 ადამიანი შიდასისხლდენით გარდაიცვალა, კიდევ რამდენიმეს კი სისხლდენა ჰქონდა თვალებიდან, ყურებიდან და პირიდან, ექიმებისა და ექსპერტების აზრით, ეს ყველაფერი გამოწვეულ იქნა ჯანმრთელობისთვის საშიში ქიმიკატებით გაჟღენთილი მარიხუანის მოხმარებით.

 

წყარო: Sciencealert.com
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 75 76 77 78 79 … 95
Page 77 of 95