ტოკიოს უნივერსიტეტში სტუდენტები გამოსაშვებ საღამოზე კორონავირუსის გამო ვერ მივიდნენ.
სამაგიეროდ მათ ნაცვლად მობილური რობოტები „Newme“ იყვნენ, რომელზეც დამაგრებული იყო პლანშეტი, მასში კი აპლიკაცია Zoom-ი იყო ჩართული. ამის შესახებ Businessinsider-ი წერს.
ამის საშუალებით სტუდენტები ესწრებოდნენ დიპლომების გადაცემის ცერემონიას.
ახალგაზრდა ანალიტიკოსთა და მეცნიერთა დარბაზი ,,დოქტინა”
კომპანია Microsoft-მა ბრიტანეთში სააგენტო PA Mediа-ს 27 ჟურნალისტს კონტრაქტი არ გაუგრძელა, რომლებიც პორტალ MSN-ზე ახალ ამბებს აქვეყნებდნენ. ამის შესახებ BBC წერს.
გამოცემის ინფორმაციით, ჟურნალისტებს რობოტიზირებული ალგორითმები ჩაანაცვლებენ, რომლებიც დამოუკიდებლად აირჩევენ ახალ ამბებს და მათ რედაქტირებას შეძლებენ. MSN-ს ორიგინალური კონტენტი არ აქვს, მათი ახალი ამბები სხვადასხვა გამოცემის ტექსტებისგან შედგება, რომლებსაც პორტალის ფორმატის მიხედვით არედაქტირებენ.
სავარაუდოდ, მალე ანალოგიურ გადაწვეტილებას Microsoft-ი სხვა ქვეყნებში მომუშავე სააგენტოების მიმართაც მიიღებს. კორპორაციაში აზუსტებენ, რომ ჟურნალისტების გათავისუფლება კორონავირუსის პანდემიით გამოწვეულ ეკონომიკურ სირთულეებს არ უკავშირდება.
ახალგაზრდა ანალიტიკოსთა და მეცნიერთა დარბაზი ,,დოქტინა”
სინგაპურის მთავრობამ ერთ-ერთ პარკში ძაღლი-რობოტი განათავსა, რომელიც მოქალაქეებს სოციალური დისტანცირების წესის დაცვისკენ მოუწოდებს.
„ძაღლი“ პარკში პატრულირებს და ვიზიტორებს წინასწარ-ჩაწერილ ხმოვან შეტყობინებას გადასცემს, სადაც ის მათ სოციალური დისტანცირების მნიშვნელობას ახსენებს.
რობოტი აღჭურვულია კამერებით, რითაც გარემოს სკანირებას ახორციელებს და ამ გზით შესაბამის სამსახურებს იმის დადგენაში ეხმარებიან, თუ რამდენი ადამიანია შეკრებილი პარკში.
სინგაპურის ხელისუფლებამ განცხადება გაავრცელა, სადაც აღნიშნულია, რომ კამერებით კონკრეტული ადამიანების თვალთვალი ან ამოცნობა შეუძლებელია და არც პერსონალური მონაცემების შეგროვება ხდება.
მათივე განმარტებით, ეს არის საპილოტე პროექტი, რომელიც სოციალური დისტანცირების წესების აღსრულების უზრუნველყოფის ფარგლებში ხორციელდება და იმ შემთხვევაში, თუკი წარმატებით დასრულდება, ძაღლი-რობოტები მთელი ქვეყნის მასშტაბით განთავსდებიან.
ცნობისათვის, სინგაპური ერთ-ერთი იყო იმ ქვეყნებს შორის, რომელიც კორონავირუსთან ბრძოლაში მიღწეული წარმატების გამო დადებით შეფასებას იმსახურებდა, თუმცა ქვეყანაში ვირუსის გავრცელების მეორე ტალღა დაიწყო და ჯონს ჰოპკინსის უნივერსიტეტის მონაცემების თაახმად, კორონავირუსით დაინფიცირებულთა რაოდენობა 17 მარტიდან დღემდე 266-დან 21 707-მდე გაიზარდა.
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტინა”
ახალ ზელანდიაში, ქალაქ უელინგტონში 2020 წლის 17 თებერვლიდან ნაციონალური პოლიციის შტაბ-ბინაში ხელოვნური ინტელექტით შექმნილი პირველი პოლიციელი იმუშავებს, – ამის შესახებ techcult წერს.
პოლიციელი, სახელად ელა, ხელოვნური ინტელექტია, რომელიც IT კომპანია Intela AI და Soul Machines-მა შექმნეს. ელას არ აქვს სხეული, არ შეუძლია ქუჩებში პატრულირება, თუმცა მოსაუბრეებთან მოთმინებით და კეთილგანწყობით გამოირჩევა.
ელამ იცის, თუ როგორ უნდა წარმართოს პირდაპირი დიალოგი მოქალაქეებთან. ის იყენებს მიმიკას და საუბრისას ემოციებს გამოხატავს. მას შეუძლია კონსულტაციის გაწევა პოლიციის საბაზო მომსახურებაზე. სხვადასხვა სამსახურებთან დაკავშირება, ასევე შეუძლია ინფორმაციის მიღება.
პოლიციაში აცხადებენ, რომ ხელოვნური ინტელექტით შექმნილ პოლიციელს იურიდიულ და პერსონალურ ინფორმაციაზე წვდომა არ ექნება, რადგან ამ ინფორმაციის დამუშავებას სპეციალური ცოდნა სჭირდება. ელა ჯერ ვიწრო სპეციალისტია, რომელიც განსაზღვრულ დავალებებს ასრულებს.
ახალგაზრდა ანალიტიკოსთა და მეცნიერთა დარბაზი ,,დოქტრინა“
ნორვეგიის ბერგენის უნივერსიტეტის მეცნიერები ნორვეგიასა და გრენლანდიას შორის არსებულ წყლებში 2,500 მეტრის სიღრმეში რობოტებს აგზავნიან. მათი მიზანია, შეისწავლონ დედამიწის იშვიათი მინერალებით მდიდარი გარემო.
“ოკეანის ზღვის ფსკერი დედამიწის უმეტეს წილად უცნობი ნაწილია…სრულიად სამართლიანია იმის თქმა, რომ თანამგზავრებისა და სხვადასხვა მოწყობილობების წყალობით მთვარისა და მარსის ზედაპირის შესახებ ბევრად მეტივიცით, ვიდრე საკუთარი პლანეტის შესახებ”, – განაცხადეს მეცნიერებმა.
საერთაშორისო მეცნიერთა გუნდი იყენებს ტექნოლოგიას, მათ შორის ავტონომიურ რობოტებსა და პილოტირებულ წყალქვეშა ნავებს, რათა ზღვებისა და ოკეანეების სიღრმეები შეისწავლონ, სადაც გვხვდება თუთია, ოქრო და სპილენძი.
მეცნიერები იმედოვნებენ, რომ გამოკვლევები ცხადყოფს, რატომ არის მინერალური ზოგიერთ ადგილებში უხვად, ზოგან კი – საერთოდ არა და რა ზიანს აყენებს გარემოს მათი მოპოვება.
აღსანიშნავია, რომ ზღვებისა და ოკეანეების ფსკერი გახლავთ იმ 17 სასიცოცხლო მნიშვნელობის ელემენტის წყარო, რომლებსაც სმარტფონების ეკრანების, მაგნიტების, კამერის ლინზებისა და რენტგენის წარმოებაში გამოიყენებენ.
“ზოგიერთი მათგანი (წყლები) მდიდარია ოქროთი, სპილენძითა დათუთიით. ზოგიერთი- თითქმის არც ერთი მათგანით. ამიტომაც ძალიან მნიშვნელოვანია, რომ მეცნიერებმა ამის მიზეზი დაადგინონ “, – აღნიშნა ბარიერმა.
გუნდის მიერ გასულ წელს დაწყებული კვლევა კიდევ ხუთ წელს გაგრძელდება.
მასალა მოამზადა: თამარ ტაბატაძემ
წყარო : www.reuters.com
ახალგაზრდა ანალიტიკოსთა და მეცნიერთა დარბაზი ,,დოქტინა”
შოთა ბერიძე კომაროვის სკოლა-პანსიონის მეშვიდე კლასის მოსწავლეა. სკოლაში ის წელს ჩაირიცხა, მანამდე კი, გარდაბნის მუნიციპალიტეტის სოფელ გამარჯვების საჯარო სკოლაში სწავლობდა. ის მრავალშვილიანი ოჯახიდანაა. ჰყავს უფროსი და, 16 წლის და ორი პატარა ძმა, რომლებიც ბაღის ასაკის არიან, ამასთან, შოთას დედა ორსულადაა და ოჯახში მეხუთე შვილს ელოდებიან.
თავდაპირველად, მოზარდი კომაროვის საშაბათო სკოლაში სწავლობდა და კვირაში ერთხელ გარდაბნიდან თბილისში დადიოდა, ასევე თბილისში დადიოდა რობოტექნიკის შესასწავლადაც და ამ დარგისადმი დიდი ინტერესი გამოავლინა. მის მიერ შექმნილმა რობოტმა ამერიკაში, საერთაშორისო ოლიმპიადაზე, 80 ქვეყანას შორის პირველი ადგილი მოიპოვა.
ახალგაზრდა ანალიტიკოსთა და მეცნიერთა დარბაზი ,,დოქტრინა”
მედიცინის, ბიზნესისა თუ რობოტიკის შემდეგ, 3D პრინტერის გამოყენება სამშენებლო სექტორშიც ძალიან აქტუალური ხდება. ამის მთავარი მიზეზი, ალბათ, მშენებლობის სიიაფეა. შესაბამისად, სავარაუდოა, რომ ეს პრაქტიკა საკმაოდ მნიშვნელოვან წვლილს შეიტანს დაბალბიუჯეტიანი მშენებლობის, შესაბამისად კი, ფინანსური პრობლემების მქონე ადამიანებისთვისაც კი ხელმისაწვდომი უბნების გაჩენაში. ერთ-ერთი ასეთი უბანი უკვე ჩნდება ტეხასში, კერძოდ, ქალაქ ოსტინში, სადაც 3D პრინტერით სახლებს უსახლკაროებისთვის აშენებენ.
ისინი იყენებენ პრინტერს სახელად Vulcan II, იმისათვის, რომ სახლების საბაზისო სტრუქტურა შექმნან, ადამიანები კი მხოლოდ დამატებით დეტალებს აგვარებენ – ფანჯრების, კარების ჩასმას და ა.შ. სახლის ასაშენებლად პრინტერს 48 საათი სჭირდება. რაც შეეხება ღირებულებას, ასეთი სახლის აშენება 10 000 დოლარი ჯდება.
კოლორადოში მდებარე ლაბორატორია, რომელსაც „ნასა“ აფინანსებს, მთვარეზე რობოტებს გააგზავნის, მათი საშუალებით იქ ტელესკოპებს განათავსებს და ჩვენს გალაქტიკას დააკვირდება.
რადიო ტელესკოპების მთვარის ე.წ. შორ მხარეს განთავსება იმ პროექტების ფარგლებში მოხდება, რომლებსაც აშშ-ს კოსმოსური სააგენტოს, კერძო კომპანიებისა და სხვა ქვეყნები აწარმოებენ და რომლის საშუალებითაც მომავალი ათწლეულის განმავლობაში მთვარის ლანდშაფტის გარდაქმნა მოხდება.
„ეს გახლავთ ნადვილად განსხვავებული პროგრამა და რაც ყველაზე მნიშვნელოვანია, ის მანქანებისა და ადამიანების ერთად მუშაობას გულისხმობს,“ განაცხადა კოლორადოს უნივერსიტეტის კოსმოსის შესწავლისა და მეცნიერების ქსელის დირექტორმა ჯეკ ბერნსმა.
მომავალი ათწლეულის განმავლობაში ბერნსის გუნდი მთვარის კოსმოსური ხომალდით მთვარის ე.წ. ბნელ მხარეში მთვარემავალს გააგზავნის, რომელიც უხეში და კლდოვანი ზედაპირის გასწვრივ ადამიანების მცირე დახმარების საშუალებით რადიო ტელესკოპების ქსელს განათავსებს.
ასტრონავტები მთვარემავლის რობოტი „მკლავის“ გაკონტროლებას ორბიტული მთვარის საგუშაგსგან განახორციელებენ, რომელსაც „კარიბჭეს“ უწოდებენ და მას კოსმოსური სააგენტოების კონსორციუმი აშენებს. პლატფორმა მთვარის ზედაპირამდე მისასვლელ და უკან დასაბრუნებელ გზას წარმოადგენს და ასევე პუნქტს, სადაც ღრმა კოსმოსური მისიების დროს საწვავის შევსება იქნება შესაძლებელი.
ახალი მთვარემავალი „ნასას“ კალიფორნიაში მდებარე ლაბორატორიაში ააგეს. ის მთვარის რეგოლითზე – მტვერი, ქვიშა და დამსხვრეული კლდე, რომელიც მის ზედაპირს ფარავს- ფეხსაცმლის ყუთის ზომის ტელესკოპებს განათავსებს . ხმაურიანი რადიო ჩარევებისა და სინათლის გარეშე, რაც კოსმოსურ დაკვირვებებს აფერხებს, ტელესკოპები კოსმიურ სივრცეს გულმოდგინედ დააკვირდებიან, რაც მჯეცნიერთა განმარტებით, ჩვენი მზის სისტემის ფორმირების შესწავლის კუთხით მნიშვნელოვანი წინგადადგმული ნაბიჯია.
Reuters
პი, როგორც იცით, მათემატიკის სამყაროში ერთ-ერთი ყველაზე პოპულარული რიცხვია. მისი მნიშვნელობა წრეწირის სიგრძის მისივე დიამეტრთან შეფარდების ტოლია. ხშირად ამბობენ, რომ პი 3,14-ს უდრის, სინამდვილეში კი პი უსასრლო რიცხვია, რომელიც უსასრულო რაოდენობის ციფრებისგან შედგება.
ემა ჰარუკა ივაო გუგლის თანამშრომელია, რომელმაც პის მნიშვნელობა 31 ტრილიონ ციფრამდე გამოთვალა და ამ დრომდე არსებული 22-ტრილიონიანი რეკორდი მოხსნა.
პის გამოთვლა ძალიან რთულია, რადგან ის რაიმე კონკრეტულ კანონზომიერებას არ ექვემდებერება.
პი ინჟინერიაში, ფიზიკაში, კომპიუტერებსა და კოსმოსურ ხომალდებში გამოიყენება, მისი საშუალებით შესაძლებელია ტალღებთან, წრეებთან და ცილინდრებთან დაკავშირებული გამოთვლების ჩატარება.
ემა ჰარუკა ივაომ ციფრების გამოსათვლელად გუგლის ქლაუდ სისტემა გამოიყენა, რომელიც 170 ტერაბაიტ ინფორმაციას 121 დღის განმავლობაში ამუშავებდა.
“მე სასიამოვნოდ გაკვირვებული ვარ. აღნიშნული რეკორდის მოხსნა ძალიან რთული იყო. ვიცით, რომ პის დასასრული არ აქვს, მაგრამ მისი ციფრების გამოთვლას სიამოვნებით გავაგრძელებდი”, – აცხადებს ის.
31,4-ტრილიონიანი ციფრის მქონე რიცხვის წარმოსათქმელად 332 064 წელი იქნებოდა საჭირო.
NASA-ს გამოქვეყნებული აქვს სია, სადაც ჩამოთვლილია, თუ რაში იყენებს კოსმოსური სააგენტო რიცხვ პის, მაგალითად, ნასა მისი საშუალებით ითვლის მარსის ხომალდებისათვის საჭირო პარაშუტის ზომას. პის საშუალებით ხდება იმის გამოთვლაც, თუ რამდენი კვადრატული ფორმის სურათი იქნება საჭირო თანამგზავრიდან პლანეტის ზედაპირის სრულად გადასაღებად. პი გამოიყენება პლანეტების გარშემო არსებულ ორბიტებზე ხომალდების გასანთავსებლადაც.
“თანამედროვე მათემატიკა, ფიზიკა, ინჟინერია და ტექნოლოგია პის გარეშე ვერ იფუნქციონირებდა”, – აცხადებს მათემატიკოსი მეთ პარკერი.
2010 წელს ნიკოლას ზემ Yahoo-ს ქლაუდ კომპიუტერების გამოყენებით გამოითვალა, რომ პის მეკვადრილიონე ციფრი ნული იყო, აღნიშნულ გამოთვლას ჩვეულებრივ კომპიუტერზე 500 წელიწადი დასჭირდებოდა.
მსოფლიო ჩემპიონატი ფეხბურთში რობოტებს შორის 2020 წელს საფრანგეთის ქალაქ ბორდოში გაიმართება. ამის შესახებ სააგენტო „ფრანს პრესი“ წერს. როგორც ღონისძიების ორგანიზატორები აცხადებენ, რობოტი ფეხბურთელების პრეზენტაცია ორმოცზე მეტ ქვეყანაში შედგება.
ქალაქი ბორდო შემთხვევით არ შერჩეულა, სწორედ იქ არის განლაგებული ბორდოს საინფორმაციო ლაბორატორია, სადაც ხელოვნური ინტელექტის მიმართულებითაც მიმდინარეობს მუშაობა. სწორედ იქ აწარმოეს საშუალო ზომის რობოტები სახელწოდებით ,,Rhoban-ი”, რომლის დახმარებითაც მოიპოვა ქალაქმა აღნიშნული ღონისძიების ჩატარების უფლება.
აღსანიშნავია, რომ ჩემპიონატზე საფრანგეთის სახელით სამი გუნდი წარდგება, ბორდოს გარდა, ასევე ჩაერთვებიან ვერსალის უნივერსიტეტისა და ლიონის გუნდებიც.
წყარო:Theguardian.com
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტინა”
