close

გამოგონება - ინოვაცია

გამოგონება - ინოვაციაგანათლებასაქართველო

სტუდენტური კონკურსი „თსუ ინოვაცია“ დაიწყო

1.85K views on
მიიღეთ მონაწილეობა სტუდენტურ კონკურსში „თსუ ინოვაცია“, წარმოადგინეთ ინოვაციური ნამუშევრები, მოიგეთ თანხა და აქციეთ იდეები რეალობად. 
კონკურსის საპრიზო ფონდი შეადგენს 5000 ლარს.
პროექტი გულისხმობს სტუდენტთა ინოვაციური ნამუშევრების გამოფენა-კონკურსს, რომლის მიზანიცაა თანამედროვე ტექნოლოგიებით დაინტერესებული  სტუდენტების აღმოჩენა და მათი ორიგინალური იდეების განხორციელება.
კონკურსში მონაწილეობის მიღება შეუძლიათ თბილისის სახელმწიფო უნივერსიტეტის სამივე საგანმანათლებლო საფეხურის, 7 სხვადასხვა ფაკულტეტის სტუდენტებს. კონკურსანტების რეგისტრაცია 25 აგვისტოს ჩათვლითმიმდინარეობს შემდეგ ბმულზე.
კონკურსზე მიიღება ინოვაციურ-ტექნოლოგიური ნამუშევრები, როგორც software-ის, ასევე hardware-ის ტიპის პროექტები. პროექტში მონაწილეობა შესაძლებელია გუნდურად ან ინდივიდუალურად. გუნდის წევრთა მაქსიმალური რაოდენობა შეადგენს 4 მონაწილეს.
კომპეტენტური ჟიური გამოავლენს ფინალისტ გუნდებს, რომლებიც ერთი თვის განმავლობაში თავიანთი პროექტების პროტოტიპებს და საჩვენებელ პრეზენტაციებს შექმნიან და ჟიურის წინაშე წარადგენენ. გამარჯვებულ სამ გუნდზე კონკურსის საპრიზო ფონდი – 5000 ლარი განაწილდება:
პირველი ადგილი – 2500 ლარი
მეორე ადგილი – 1500 ლარი
მესამე ადგილი – 1000 ლარი
კონკურსის ყველა ფინალისტს პატრნიორი კომპანია ,,მაიკროსოფტი” ქლაუდ სერვისით სარგებლობის საშუალებას მისცემს, ხოლო გამარჯვებული გუნდი სპეციალურ პრიზს – მობილურ ტელეფონს Microsoft Lumia-ს მიიღებს.
კონკურსის შედეგად შერჩეულ პროექტებს, თბილისის სახელმწიფო უნივერსიტეტის სახელით, სტუდენტები წარმოადგენენ სამეცნიერო გამოფენებსა და სტუდენტურ ღონისძიებებზე.

ახალგაზრდა ანალიტიკოსთა და მეცნიერთა დარბაზი – ,,დოქტრინა”
სრულად ნახვა
გამოგონება - ინოვაცია

მალე 3D ფილმების ყურება უსათვალოდ იქნება შესაძლებელი

2.05K views on

 

ფილმების მოყვარულებისთვის სასიხარულო ახალი ამბავია, რომ სულ მალე 3D ფილმების ყურება უსათვალოდ შეეძლებათ, გასული წლების ერთ–ერთი ყველაზე ხმაურიანი ინოვაცია იყო 3D სათვალეები და ფილმები, ბევრი აზრთა სხვადასხვაობა გამოიწვია ამ საკითხმა, რადგან ზოგისთვის არ იყო კომფორტული შემოთავაზებული პროდუქტი.

„Cinema 3D–ს“ შემქმნელებმა ყველაფერი კარგად გათვალეს – ადამიანები დიდ კინოთეატრში შეძლებენ სამგანზომილებიანი საგნების დანახვას, არ ექნება მნიშვნელობა იმას, თუ სად იჯდება მაყურებელი.

მოწყობილობა გულისხმობს, რომ დიდი ეკრანის წინ დაიდგმება დანადგარი, რომელიც უზრუნველყოფს იმას, რომ მაყურებელმა სათვალის გარეშე შეძლოს სამგანზომილებიანი ფილმის ყურება.

 

წყარო: Engadget.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
გამოგონება - ინოვაციაეკონომიკასაქართველოტექნოლოგიები

„Optio Al-ი”- ვირტუალური ფინანსური ასისტენტი ქართველი ახალგაზრდებისგან

3.21K views on

  ქართველი ახალგაზრდების მიერ შექმნილი ფინანსური პლატფორმა “Optio Al-ი” “სტარტაპ საქართველოს“ კიდევ ერთი წარმატებული პროექტია, რომელმაც უკვე მოიპოვა გამარჯვება მსოფლიოს რამდენიმე საერთაშორისო კონკურსზეც, მათ შორისაა  -ბერლინში გამართული “Fincluders Startup Challenge-ი“, სადაც გუნდმა სპეციალური პრიზი, ,,Most promising startup from EFSE region-ი” დაიმსახურა. პლატფორმის შესახებ მის თანადამფუძნებელსა და დირექტორს – შოთა გიორგობიანს გავესაუბრეთ.

„Optio Al-ის“ პლატფორმა ფინანსებთან დაკავშირებული პრობლემების საკმაოდ მარტივ, ეფექტურ და სახალისო გადაწყვეტას გთავაზობს.  უპირველეს ყოვლისა, აღსანიშნავია რომ „Optio AI-ი“ ორი ნაწილისგან შედგება, ეს არის ე.წ. ჩეთბოტი, რომელსაც ესაუბრებით, როგორც, მაგალითად, თქვენი ოჯახის წევრს ან მეგობარს და ვებაპლიკაცია, სადაც თქვენი ფინანსების უფრო დეტალური და სიღრმისეული ანალიზის საშუალება გეძლევათ.

მომხმარებლის თანხმობის საფუძველზე, „Optio Al-ი“ უკავშირდება საბანკო ანგარიშებს და იღებს ისტორიულ ინფორმაციას  ტრანზაქციების შესახებ, რის საფუძველზეც იქმნება მომხმარებლის „ფინანსური პროფილი“, რაც გაძლევთ დეტალურ ინფორმაციას იმის შესახებ, თუ კონკრეტულად რა თანხას ხარჯავთ ყოველთვიურად თუნდაც სურსათში, რომელ მაღაზიებსა და კაფეებში, რაში  ხარჯავთ ყველაზე მეტს და ა.შ., ამ ყველაფრის საფუძველზე კი, როგორც შოთა აღნიშნავს, პლატფორმა სამომავლო ტრანზაქციების შესახებაც გაწვდით ინფორმაციას „ეტაპობრივად, რაც უფრო მეტს ვიგებთ თქვენს შესახებ, ვიწყებთ ისეთი ინფორმაციის მოწოდებას, როგორიცაა – თქვენი სავარაუდო ხარჯები მომავალ კვირას, მომავალ თვეს და ა.შ. პარალელურად, გეხმარებით ფინანსური მიზნების დადეგმვასა და მიღწევაში“.

აღნიშნული პლატფორმის შექმნის იდეა დაახლოებით წელიწად-ნახევრის წინ გაჩნდა, როდესაც მეგობრებმა, რომლებიც ამჟამად ,,Optio Al-ის“ გუნდს ქმნიან, ფინანსების მართვის მეთოდოლოგიებზე დაკვირვებით,  გადაწყვიტეს, შეექმნათ ინსტრუმენტი, რომელიც ადამიანს გამოადგებოდა პირადი ფინანსების სამართავად, „თავდაპირველად, გადავწყვიტეთ, დასავლური ანალოგების შესაბამისი ქართული პროდუქტი შეგვექმნა, თუმცა დროთა განმავლობაში მივხვდით, რომ ბაზრის ზომიდან გამომდინარე უბრალოდ ქართულენოვანი ასლის შექმნას დიდი აზრი არ ჰქონდა, შესაბამისად, ამჟამინდელი პროდუქტი გლობალურ ბაზარზეა გათვლილი და არა მხოლოდ საქართველოზე, ვინაიდან პირადი ფინანსების მართვის პრობლემა ერთნაირად აქტუალურია როგორც საქართველოში, ისე მის ფარგლებს გარეთაც“.

დღეისათვის „Optio AI-ი“ შიდადახურულ ტესტირებას გადის, თუმცა უახლოეს მომავალში ეტაპობრივად გაიზრდება იმ ადამიანთა რიცხვი, ვინც ტესტირებაში ჩაერთვება, მათგან მიღებული ინფორმაცია და შენიშვნები  კი იქნება ზუსტად ის ინდიკატორი, რომელიც გუნდს დაეხმარება დასახული მიზნის მიღწევასა და პროდუქტის სრულყოფაში. გუნდი ასევე აქტიურად მუშაობს ევროპელ პარტნიორებთანაც, რათა მათი მხრიდან მიიღოს ფინანსური თუ არაფინანსური მხარდაჭერა და სწორად შეარჩიოს ის ქვეყნები,, სადაც პროდუქტის განვითარება ყველაზე საინტერესო და შედეგიანი იქნება.

 

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

სრულად ნახვა
გამოგონება - ინოვაციასაქართველოტექნოლოგიები

ქართველების გამოგონება ბუნებრივი აირის ხარჯს მნიშვნელოვნად ამცირებს

4.32K views on

 როგორც ცნობილია, ტექნოპარკის ფაბლაბში შეიქმნა პირველი ,,Wi-F iთერმოსტატის” ბეჭდური დაფა. მოწყობილობის ავტორია შპს ,,Alien Green-ი”. კომპანიის გენერალური დირექტორია პაატა კვესელავა, ხოლო ტექნიკური დირექტორი – ლაშა დოლიძე.

,,Wi-Fi თერმოსტატი” ამცირებს ბუნებრივი აირის ხარჯს 16-39%-მდე, რაც, რა თქმა უნდა, აისახება ყოველთვიურ გადასახადზეც. აღნიშნული თერმოსტატით შესაძლებელია ცენტრალური გათბობის სისტემის მართვა დისტანციურად სმარტფონით, აიპადით, სმარტსაათით, ლეპტოპით ან ვებბრაუზერით. იგი შედგება ორი კომპონენტისგან:

მართვის ბლოკისგან, რომელიც მონტაჟდება გამათბობელ ქვაბში.

ოთახის სენსორისგან, რომელიც მონტაჟდება სასურველ ადგილას.

თერმოსტატს, კონკურენტებისგან განსხვავებით, აქვს  Wi-Fiმხარდაჭერა, რითაც ხდება კომუნიკაცია ქვაბსა და ოთახის ტემპერატურის გადამცემს შორის დამატებითი შუალედური მოწყობილობის გარეშე. Mostat-ის თერმოსტატი ცენტრალური გათბობის სისტემის ქვაბს ამუშავებს წინასწარ გაწერილი გრაფიკის მიხედვით. გათბობა მაშინ ირთვება, როდესაც თქვენ მეტად გჭირდებათ სითბო, ხოლო დანარჩენ დროს ზოგავთ ენერგიას, მაგალითად, ღამის საათებში ან როდესაც სახლიდან გასული ხართ. აპლიკაცია გთავაზობთ გათბობის სისტემის მუშაობის დეტალურ სტატისტიკას გრაფიკების სახით.

,,2015 წლის 1-ელ დეკემბერს პირველი ,,Wi-Fi თერმოსტატის” პროტოტიპი დამონტაჟდა და ჩაეშვა სატესტო რეჟიმში. 5-თვიანი სატესტო პერიოდი პროტოტიპმა წარმატებით გაირა, მიღებული მონაცემების შედეგზე დაყრდნობით გადავწყვიტეთ, შეგვეხედა ბიზნესის კუთხით, გვეწარმოებინა საქართველოში და შეგვეთავაზებინა ქართველი მომხმარებლისთვის. 2016 წელს, ზამთრის პერიოდში, თბილისის სხვადასხვა უბანში, სატესტო რეჟიმში დამონტაჟდა 10 თერმოსტატი. რამდენიმეთვიანმა დაკვირვებამ აჩვენა, რომ თერმოსტატმა ბუნებრივი აირის გადასახადი საშუალოდ 27%-მდე დაზოგა. საზოგადოება პროდუქტს დადებითად აფასებს. დამატებით გავითვალისწინეთ მომხმარებლის რჩევები და შენიშვნები, შესაბამისად, შევქმენით ცენტრალური გათბობის სისტემის უკეთესი მართვისა და კონტროლის ეკოსისტემა. მარტივია ინსტალაცია, სჭირდება დაახლოებით 20 წუთი. სხვა ჭკვიანი თერმოსტატებისგან განსხვავებით, Mostat-ის თერმოსტატის ინსტალაცია არ საჭიროებს დამატებით ელექტროკაბელების მონტაჟს, კედლების ხვრეტასა და სხვა უსიამოვნო სამუშაოების ჩატარებას,” – აღნიშნავს პაატა კვესელავა.

თერმოსტატსა და ოთახის ტემპერატურის სენსორს ერთმანეთთან აკავშირებს Wi-Fi. აღსანიშნავია, რომ თერმოსტატი თავსებადია საქართველოში არსებული ქვაბების 90%-თან.

აპლიკაცია არის ქართულ და ინგლისურ ენაზე, საწყის ეტაპზე, მხოლოდ ადგილობრივ ბაზარზეა ადაპტირებული.

,,2016 წელს თერმოსტატის პროტოტიპი წარმოვადგინეთ ,,ინოვაციებისა და ტექნოლოგიების სააგენტოს” გამოცხადებულ იდეების კონკურში, სადაც მოვხვდით ბიზნესინკუბატორის 12-თვიან პროგრამაში. ტექნოპარკმა შეგვძინა ცოდნა და გამოცდილება, რაც გვეხმარება ჩვენი იდეის განხორციელებაში. ჩვენი პრიორიტეტია ისეთი პროდუქტებისა და მომსახურების შექმნა, რომელიც ადამიანების ცხოვრების დონეს აამაღლებს და ხელს შეუწყობს ქვეყნის სოციალურ-­ეკონომიკურ განვითარებას” – აღნიშნავს პაატა კვესელავა.

ტექნოპარკის ფაბლაბში უკვე შეიქმნა 300 ცალი თერმოსტატი, მომხმარებელი კი ინოვაციური პროდუქტის შეძენას ოქტომბრიდან შეძლებს.

 

მასალა მოამზადა:  ნინი მშვენიერიძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
გამოგონება - ინოვაციასაქართველოტექნოლოგიები

ქართველების გამოგონება ბუნებრივი აირის ხარჯს მნიშვნელოვნად ამცირებს

1.5K views on

 როგორც ცნობილია, ტექნოპარკის ფაბლაბში შეიქმნა პირველი ,,Wi-F iთერმოსტატის” ბეჭდური დაფა. მოწყობილობის ავტორია შპს ,,Alien Green-ი”. კომპანიის გენერალური დირექტორია პაატა კვესელავა, ხოლო ტექნიკური დირექტორი – ლაშა დოლიძე.

,,Wi-Fi თერმოსტატი” ამცირებს ბუნებრივი აირის ხარჯს 16-39%-მდე, რაც, რა თქმა უნდა, აისახება ყოველთვიურ გადასახადზეც. აღნიშნული თერმოსტატით შესაძლებელია ცენტრალური გათბობის სისტემის მართვა დისტანციურად სმარტფონით, აიპადით, სმარტსაათით, ლეპტოპით ან ვებბრაუზერით. იგი შედგება ორი კომპონენტისგან:

მართვის ბლოკისგან, რომელიც მონტაჟდება გამათბობელ ქვაბში.

ოთახის სენსორისგან, რომელიც მონტაჟდება სასურველ ადგილას.

თერმოსტატს, კონკურენტებისგან განსხვავებით, აქვს  Wi-Fiმხარდაჭერა, რითაც ხდება კომუნიკაცია ქვაბსა და ოთახის ტემპერატურის გადამცემს შორის დამატებითი შუალედური მოწყობილობის გარეშე. Mostat-ის თერმოსტატი ცენტრალური გათბობის სისტემის ქვაბს ამუშავებს წინასწარ გაწერილი გრაფიკის მიხედვით. გათბობა მაშინ ირთვება, როდესაც თქვენ მეტად გჭირდებათ სითბო, ხოლო დანარჩენ დროს ზოგავთ ენერგიას, მაგალითად, ღამის საათებში ან როდესაც სახლიდან გასული ხართ. აპლიკაცია გთავაზობთ გათბობის სისტემის მუშაობის დეტალურ სტატისტიკას გრაფიკების სახით.

,,2015 წლის 1-ელ დეკემბერს პირველი ,,Wi-Fi თერმოსტატის” პროტოტიპი დამონტაჟდა და ჩაეშვა სატესტო რეჟიმში. 5-თვიანი სატესტო პერიოდი პროტოტიპმა წარმატებით გაირა, მიღებული მონაცემების შედეგზე დაყრდნობით გადავწყვიტეთ, შეგვეხედა ბიზნესის კუთხით, გვეწარმოებინა საქართველოში და შეგვეთავაზებინა ქართველი მომხმარებლისთვის. 2016 წელს, ზამთრის პერიოდში, თბილისის სხვადასხვა უბანში, სატესტო რეჟიმში დამონტაჟდა 10 თერმოსტატი. რამდენიმეთვიანმა დაკვირვებამ აჩვენა, რომ თერმოსტატმა ბუნებრივი აირის გადასახადი საშუალოდ 27%-მდე დაზოგა. საზოგადოება პროდუქტს დადებითად აფასებს. დამატებით გავითვალისწინეთ მომხმარებლის რჩევები და შენიშვნები, შესაბამისად, შევქმენით ცენტრალური გათბობის სისტემის უკეთესი მართვისა და კონტროლის ეკოსისტემა. მარტივია ინსტალაცია, სჭირდება დაახლოებით 20 წუთი. სხვა ჭკვიანი თერმოსტატებისგან განსხვავებით, Mostat-ის თერმოსტატის ინსტალაცია არ საჭიროებს დამატებით ელექტროკაბელების მონტაჟს, კედლების ხვრეტასა და სხვა უსიამოვნო სამუშაოების ჩატარებას,” – აღნიშნავს პაატა კვესელავა.

თერმოსტატსა და ოთახის ტემპერატურის სენსორს ერთმანეთთან აკავშირებს Wi-Fi. აღსანიშნავია, რომ თერმოსტატი თავსებადია საქართველოში არსებული ქვაბების 90%-თან.

აპლიკაცია არის ქართულ და ინგლისურ ენაზე, საწყის ეტაპზე, მხოლოდ ადგილობრივ ბაზარზეა ადაპტირებული.

,,2016 წელს თერმოსტატის პროტოტიპი წარმოვადგინეთ ,,ინოვაციებისა და ტექნოლოგიების სააგენტოს” გამოცხადებულ იდეების კონკურში, სადაც მოვხვდით ბიზნესინკუბატორის 12-თვიან პროგრამაში. ტექნოპარკმა შეგვძინა ცოდნა და გამოცდილება, რაც გვეხმარება ჩვენი იდეის განხორციელებაში. ჩვენი პრიორიტეტია ისეთი პროდუქტებისა და მომსახურების შექმნა, რომელიც ადამიანების ცხოვრების დონეს აამაღლებს და ხელს შეუწყობს ქვეყნის სოციალურ-­ეკონომიკურ განვითარებას” – აღნიშნავს პაატა კვესელავა.

ტექნოპარკის ფაბლაბში უკვე შეიქმნა 300 ცალი თერმოსტატი, მომხმარებელი კი ინოვაციური პროდუქტის შეძენას ოქტომბრიდან შეძლებს.

 

 

მასალა მოამზადა:  ნინი მშვენიერიძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
გამოგონება - ინოვაციაკომუნიკაციასაქართველოტექნოლოგიები

ქართული WiFiრეკლამირების პლატფორმა უცხოურ ბაზარზე მკვიდრდება

2.75K views on

  თანამედროვე სამყაროში Wifi- წარმოადგენს რეკლამირებისთვის უნიკალურ საშუალებას და ქართული კომპანია „Wifisher-ი“  სწორედ ამ გზით ცდილობს სხვადასხვა კომპანიას დაეხმაროს საკუთარი ნაწარმის პოპულარიზებაში. კომპანიის იდეა, ორი წლის წინ, ორ ახალგაზრდას – ნოდარ ივანიძესა და დავით ხოსროშვილს გაუჩნდა, რომლებმაც ქართველი ინვესტორის დახმარებით შეძლეს მისი განხორციელება. წარმატებული წამოწყების შესახებ ნოდარ ივანიძეს გავესაუბრეთ.

„Wifisher-ი” არის რეკლამების ონლაინპლატფორმა, რომელიც ნებისმიერ მსურველს აძლევს საშუალებას კომპანიის საიტზე  აირჩიოს რეკლამის განთავსებისთვის სასურველი  ობიექტი და მარტივი საბანკო ტრანზაქციით გააქტიუროს საკუთარი რეკლამა აღნიშნულ წერტილში. პლატფორმა, როგორც ნოდარმა აღნიშნა, საკმაოდ პოპულარული და ეფექტურია, ,,სერვისი გვაძლევს საშუალებას პირდაპირ შევიდეთ მომხმარებელთან ინტერაქციაში. თანამედროვე ადამიანს უკვე განუვითარდა ინსტინქტი, რომ  ვეღარ შეამჩნიოს ბანერებსა თუ  სოციალურ ქსელებში არსებული რეკლამები და ამ პირობებში, სწორედ „Wifisher-ი“ ქმნის მათ ერთგვარ ალტერნატივას,“ – აღნიშნავს ის.

„Wifisher-ს” დამატებითი ფუნქციაც აქვს – მისი მეშვეობით კაფეებს, რესტორნებს, საავადმყოფოებსა თუ სასტუმროებს შეუძლია აღნიშნული სისტემა მომხმარებელთან შიდაკომუნიკაციისთვის გამოიყენოს, მაგალითად, პლატფორმის საშუალებით შესაძლებელია გაირკვეს  თუ რამდენჯერ სტუმრობდა მომხმარებელი აღნიშნულ ობიექტს და, ამის მიხედვით, ერთგული სტუმრები წახალისდებიან.

ამჟამად  კომპანია მთელი საქართველოს მასშტაბით 150 ობიექტს მოიცავს, რომელთა შორის არის ქვეყნის ყველა აეროპორტი, სავაჭრო ცენტრი, კინოთეატრი და რამდენიმე კვების ობიექტი. სტატისტიკურად კომპანიის კლიენტების 30% პლატფორმას სწორედ საკუთარი პროდუქციის რეკლამისთვის იყენებს, ასეთებია, მაგალითად, ,,Dunkin’ Donuts-ი“, „Wendy’s-ი“ და სხვები.

„Wifisher-ი“  თითქმის ყველა უმსხვილესი ქართული კომპანიის პარტნიორია, მათ შორის არის „ვითიბი ბანკი“, „თიბისი ბანკი“, ასევე –  თამბაქოსა და სადაზღვეო კომპანიები, როგორებიცაა, მაგალითად, „ირაო“ და „ალდაგი“. საერთაშორისო კომპანიებიდან აღსანიშნავია „Samsung-ი“, სამომავლოდ იგეგმება თანამშრომლობა „Philip Morris-თანაც“.

სერვისის კიდევ ერთი უპირატესობა გახლავთ ის, რომ კომპანია აძლიერებს ინტერნეტის სიჩქარეს ყველა ობიექტზე სადაც მათი სისტემა მოქმედებს, ამისთვის სპეციალური თანხებია გამოყოფილი და  მომხმარებელიც რეკლამის ნახვის შემდეგ გაცილებით უფრო  სწრაფ ინტერნეტს ღებულობს.

პლატფორმა საქართველოში ინოვაციურია, თუმცა მსგავსი ტიპის პროგრამები არსებობს უცხოეთშიც, მაგრამ როგორც ნოდარმა აღნიშნა, ისინი ვერ უწევენ კონკურენციას მათ  პლატფორმას, შესაბამისად, ახალგაზდები ცდილობენ საზღვრებს გარეთაც გაიტანონ საკუთარი სერვისი, მათ ამჟამად უკვე ჰყავთ პარტნიორი დაწესებულებები აზერბაიჯანსა და სომხეთში, სამომავლოდ კი იგეგმება ევროპისა და აზიის სხვა ქვეყნებთან თანამშრომლობაც.

 

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
გამოგონება - ინოვაციასაქართველო

სტუდია „ველოსიპედის“ შემეცნებითი პროექტები ქართველ ბავშვებს

2.9K views on

დიდი ხანი არ არის, რაც ქართულ ონლაინსივრცეში გამოჩნდა სტუდია „ველოსიპედის“ მიერ შექნილი სახალისო და ამავე დროს, საგანმანათლებლო ხასიათის  საბავშვო ქართული ანიმაციები, რომლებმაც მოკლე დროშივე მოახერხა პატარა მაყურებლების გულის მოგება. სტუდია საკმაოდ აქტიურად არის ჩართული ანიმაციის სფეროს განვითარებაში და სხვადასხვა კულტურული აქტივობითაც ანებივრებს მაყურებელს, რის შესახებაც სტუდიის დამაარსებელს, მსახიობ – გიორგი მარშანიას გავესაუბრეთ.

„ველოსიპედი“ ქმნის შემეცნებითი ხასიათის ანიმაციებს სკოლამდელი და დაწყებითი კლასის საფეხურის ბავშვებისთვის, შეიძლება ითქვას, რომ ქართულ სივრცეში აქამდე უცხო იყო მსგავსი პერმანენტული და სრულყოფილი ანიმაციური პროექტი, რომელიც ჩაანაცვლებდა უცხოენოვან ანალოგებს,   „ქართულ სივრცეში აქამდე არ არსებობდა მსგავსი ტიპის ქართული ანიმაციები, რეალურად კი, ბავშვი ამ ასაკში ძალიან დიდ ინფორმაციას იღებს მულტფილმებიდან და ერთ-ერთი საუკეთესო საშუალება მისთვის განათლების მისაღებად სწორედ ანიმაციაა, ზემოთხსენებულ პირობებში კი ხშირად ხდება, რომ ბავშვებმა თუნდაც ფერების ცნობა იციან, მაგალითად, ინგლისურ ენაზე, თუმცა არა ქართულად და ა.შ. სწორედ ამ პრობლემამ განაპირობა სტუდიის შექმნის აუცილებლობაც,“-აღნიშნავს გიორგი.

სტუდიის ხელმძღვანელი სწორედ გიორგი გახლავთ, მაგრამ მასთან ერთად გუნდს ქმნის რამდენიმე აქტიური და საქმის პროფესიონალი ახალგაზრდა, მათ შორის მხატვრები კემო და გიორგი გაგლოშვილი, თამარ ზარქუა და ილუსტრატორი – რუსკა ყვავაძე,  პროექტების მენეჯერი კი, ირაკლი ნადირაძეა.

გიორგი ანიმაციით ჯერ კიდევ მაშინ დაინტერესდა, როცა სამსახიობო ფაკულტეტის მეორე კურსის სტუდენტი იყო და მეგობრებთან ერთად დაწერა სრულმეტაჟიანი მულტფილმის სცენარი, მას შემდეგ კი მუდმივად ცდილობდა, რაც შეიძლება მეტი ცოდნა და გამოცდილება დაეგროვებინა აღნიშნულ სფეროში. მის ცდას უკვალოდ არ ჩაუვლია და დღეს თავისუფლად შეიძლება ითქვას, რომ მისი გუნდი საკმაოდ წარმატებულ ნაბიჯებს დგამს საკუთარ სფეროში, ამჟამად, უკვე სრულყოფილი სტუდიისა და ტექნიკის წყალობით, გვთავაზობს სასიამოვნო, სახალისო პროექტებს.

სტუდიის სავიზიტო ბარათი გახდა ბავშვების საყვარელი ანიმაციური სერიები ჟირაფ ჟოზეს მონაწილეობით, რომლისთვისაც სპეციალურად იქმნება სახალისო სიმღერები, მათი ავტორი გახლავთ ჯგუფ „რეზო და ბავშვების“ ხელმძღვანელი – რეზო ბლიაძე. თუმცა, აღნიშნულ სერიებამდეც, სტუდია აქტიურად ქმნიდა სხვადასხვა პროდუქტს, მათ ეკუთვნით ცნობილი ქართული ფილმების პაროდიულ ვერსიები, ასევე საბავშვო ანიმაცია – „დათუნია დრუნჩა“, რომლის პროექტის განვითარება კინოცენტრში გამარჯვებით შეძლეს და ასევე, „იცოდე შენი ქვეყნის ისტორია“ – რომელიც აერთიანებდა ეთნიკური უმცირესობებისთვის განკუთვნილ, ინფორმაციული ხასიათის 5 ანიმაციას.

საინტერესოა, თვითონ სტუდიის სახელწოდებაც, გარდა იმისა, რომ ველოსიპედი ბავშვებისთვის საყვარელი გასართობია და ჯანმრთელობისთვისაც სასარგებლოა, როგორც გიორგი აღნიშნავს, მას გარკვეული დატვირთვაც აქვს -,,მისი მთავარი სიმბოლური დატვირთვა არის მოძრაობა. არსებობს გამოთქმა, რომ ველოსიპედი ჰგავს ცხოვრებას,  თუ გინდა რომ არ წაიქცე, მუდმივად წინ უნდა იარო. ჩვენი სტუდიაც ამ პრინციპით ხელმძღვანელობს და ვფიქრობ, კარგადაც გამოგვდის, რადგან დასაწყისიდან დღემდე ძალიან დიდი წინსვლა გვაქვს“.

აღსანიშნავია, რომ სტუდიის წევრები პერიოდულად სტუმრობენ საბავშვო ბაღებსა და გასართობ ცენტრებს, ამ გზით  ისინი ცდილობენ „ჟოზეს“ პატარა მაყურებელს პირადად გააცნონ ანიმაციის არსი და თვითონაც გულითადად ითვალისწინებენ მათ ბავშვურ შენიშვნებს.  მეტწილად, ამ პროექტსაც საგანმანათლებლო დატვირთვა აქვს, რადგან ბავშვებმა, როგორც წესი, არ იციან როგორ იქმნება მათი საყვარელი ანიმაციები – ,,ბუნებრივია, ყველა ბავშვს უყვარს ხატვა, მაგრამ კომპიუტერის მეშვეობით პროგრამულად ნახატის შექმნა მათთვის უცხოა, ან თუკი იციან, ეს ცოდნა თეორიულია და ჩვენ მათ ვუჩვენებთ ამ ყველაფრის პრაქტიკულ მხარეს, რის შემდეგაც, თავადაც ერთვებიან ანიმაციის შექმნის პროცესში, რაც დამერწმუნებით, მეტად საინტერესო და სახალისოა“.

სტუდიის საქმიანობას  მათ Facebookგვერდზე შეგიძლიათ ადევნოთ თვალი, დაინტერესებულ პირებს კი ვთავაზობთ სტუდია „ველოსიპედის“ ერთ-ერთ ანიმაციას, სახელწოდებით „მხიარული მათემატიკა“:

 

 

 

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიზნესიგამოგონება - ინოვაციაეკონომიკა

როგორი იქნება საკრედიტო ბარათების მომავალი?

1.89K views on

 

 ექსპერტებისა და ანალიტიკოსების თქმით, მთელი განვითარებული სამყაროს საკრედიტო ბარათების ბაზარი ე.წ უძრაობის ფაზაში იმყოფება. მათი აზრით, ძირითადი და ყველაზე მარტივი მიზეზი, რაც აღნიშნული ბაზრის შემდგომ განვითარებასა და ზრდას საგრძნობლად აფერხებს – საკრედიტო ბარათების ჭარბი რაოდენობაა.

მსოფლიოს მსხვილმა ფინანსურმა ორგანიზაციებმა არ დააყოვნეს და, ბაზრის მოთხოვნებიდან გამომდინარე, ახალი, ინოვაციური პროდუქტების შეთავაზება დაიწყეს. აქვე იმასაც აღვნიშნავთ, რომ ახალი პროდუქტის უმრავლესობა ე.წ კოალიციური პროექტების შედეგად შეიქმნა. ამ პროექტებში მონაწილეობდნენ ფინანსური და სავაჭრო ორგანიზაციები, მობილური ოპერატორები, ტექნოლოგიების მწარმოებლები და სხვები.

დღეს განვითარებულ ქვეყნებში ნაღდი ფულით განხორციელებული გადახდების რაოდენობა სულ უფრო მცირდება. თანამედროვე საზოგადოებაში, ნაღდი ფულის მიმოქცევიდან თანდათანობით „ამოღებასთან“ ერთად, ფინანსური ორგანიზაციები მომხმარებელს გადახდის სულ უფრო მეტ ახალ ტექნოლოგიას სთავაზობენ, მათ შორის, გადახდას რადიოსიხშირის ჩიპისა და ელექტრონული დისპლეის მქონე საკრედიტო ბარათების, მობილური ტელეფონისა თუ მუსიკალური iPod–ის მეშვეობით.

ბოლო ერთი წლის მანძილზე ევროპასა და აშშ–ში ახალი ტიპის საკრედიტო ბარათების მრავალი პრეზენტაცია მოეწყო.

 

წყარო: Harvard business review

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
გამოგონება - ინოვაციამანქანათმშენებლობასაქართველო

საქართველოში ვერტიკალური პარკირების სისტემა მალე ამოქმედდება

4.78K views on

საქართველოში პარკინგის პრობლემა კვლავაც მოუგვარებელი რჩება, მანქანების რიცხვი მუდმივად იზრდება, ავტოპარკი ქალაქში ვეღარ ეტევა, შესაბამისად, საჭიროა ისეთი ღონისძიების გატარება, რომელიც აღნიშნულ პრობლემას მოაგვარებს. სტარტაპი  – „ავტომობილების პარკირება ვერტიკალურ სივრცეში“ –  სულ მალე ამოქმედდება. „დოქტრინა“ ესაუბრა სტარტაპის ერთ-ერთ ინიციატორს, შპს „რევერსის“ დირექტორს, ტექნიკის მეცნიერებათა დოქტორ მალხაზ ცისკარიშვილს.

-საიდან გაჩნდა სტარტაპის იდეა?

-ეს პრობლემა დღეს მეტად აქტუალური გახდა, თუმცა მე ჯერ კიდევ  30 წლის წინ მინდოდა, შემექმნა პარკირების სისტემა. მე და სერგო ჯორბენაძემ ერთობლივად დავიწყეთ მუშაობა, რათა განხორციელებულიყო აღნიშნული იდეა. მას შემდეგ, რაც პატენტი მივიღეთ, გადავწყვიტეთ, რომ გაგვეკეთებინა ნახაზები და მივსულიყავით ვაგონმშენებელ ქარხანაში, სადაც დაგვეხმარნენ კონსტრუქტორები. ნახევარწლიანი ინტენსიური მუშაობის შემდეგ მივიღეთ საცდელი ნიმუში, ახლა უკვე ვმუშაობთ დეტალებზე, რათა გავაუმჯობესოთ, დავხვეწოთ სხვადასხვა დეტალი.

სმარტპარკინგის სისტემებს ვაკეთებთ ელექტროვაგონმშენებელ კომპანიაში, ჰოლდინგის მეპატრონის – ბადრი წილოსანისა და გენერალური დირექტორის – გურამ რატიანის თანადგომითა და ქარხნის ადმინისტრაციის ხელშეწყობით.

-როგორ ზემოქმედებას ახდენს გაჩერებული ავტომობილები  ქუჩების გამტარუნარიანობაზე?

-ქუჩაში გაჩერებული ავტომობილები ამცირებენ ისედაც ვიწრო ქუჩის გამტარუნარიანობას, ქმნიან ხელოვნურ საცობებს, რის გამოც ავტომობილები მთელი დროის განმავლობაში მუშაობენ დაუმყარებულ რეჟიმზე, რაც:

ა) ორჯერ ზრდის საწვავის ხარჯს.

ბ) ოთხჯერ ზრდის გამობოლქვილ აირებში ტოქსიკურ (მომწამლავ) ნივთიერებებს.

გ) ავტომობილების თავშეყრის ადგილებში, პიკის საათებში, შვიდჯერ იზრდება ჰაერის დანაგვიანება. აქ იგულისხმება მძიმე მეტალების (ტყვია, ქრომი, ფოსფორი, ბრომი) მტვრიანობა, ჭვარტლი და სხვა მექანიკური მინარევები.

დ) ხშირია ავტომობილების გარე ნაწილების მცირე დაზიანებები. მაგალითად, მანევრირებისას ვერ ჩაეტია რადიუსში და გაუსვა; წამოედო და სარკე მოტეხა.

ე) გახშირებულია ამ ფონზე კონფლიქტები, უსიამოვნებები, გაუთვალისწინებელი ხარჯები და სხვა.

ავტომობილის დაუმყარებელ რეჟიმზე მუშაობისას გამონაბოლქვი აირები შეიცავს 200-ზე მეტ სხვადასხვა მომწამლავი ნივთიერების მინარევებს, რის გამოც დიდ ქალაქებში გაზრდილია სასუნთქი გზებისა და გულ-სისხლძარღვთა პათოლოგიები. საქართველოს არცერთი ქალაქის ქუჩა არ არის გათვლილი დღეისთვის არსებული რაოდენობის ავტომობილების გასატარებლად. განსაკუთრებით დიდია პრობლემაა თბილისში. ქუჩების უმრავლესობა გასული საუკუნის შუა პერიოდშია ფორმირებული, როცა პერსპექტიული გეგმარებითაც კი შეუძლებელი იყო ავტომობილების ამ რაოდენობის წარმოდგენა. ცნობისათვის, 1980–იანი წლებისთვის საქარველოში აღირიცხებოდა სულ 320000 ავტომობილი, დღეს მარტო თბილისში მოძრაობს 540.000-მდე ავტომობილი, ხოლო საქართველოში საერთო რიცხვმა მილიონს გადააჭარბა. ავტომობილების ეს რაოდენობა ერთ საათში მოიხმარს იმდენივე ჟანგბადს, რასაც მოიხმარდა 100 მილიონი ადამიანი ერთ წელიწადში. პრობლემა მეტად სერიოზულია და საჭიროებს სასწრაფო რეაგირებას.

-რა გამოსავალს ხედავთ აღნიშნული რთული მდგომარეობიდან?

-ერთადერთი გამოსავალი ავტომობილების მოქნილი პარკირების ანუ სმარტპარკინგის სისტემის დანერგვაშია. სმარტპარკინგი ავტომობილების ისეთ პარკირებას გულისხმობს, რომელიც:

  • არ არის სამუშაო ან საცხოვრებელი ადგილიდან შორს.
  • პარკირებისთვის არ საჭიროებს დიდ ძალისხმევას.
  • არ იკავებს დიდ ფართობს.
  • არის ადვილად ასაწყობი და დასაშლელი.
  • ზრდის ფართობის დატვირთვის კოეფიციენტს.

-რამხელა ადგილს იკავებს კონსტრუქცია?

-ასეთი ტიპის ავტოფარეხები მიწის ზედაპირზე იკავებებს მცირე ადგილს, დაახლოებით 20–30 კვ.მეტრს. ამ ფართობის მოძებნა ქალაქის ნებისმიერ გადატვირთულ უბანში შეიძლება. ფართობის დატვირთვის კოეფიციენტი 5–ზე მეტია, რაც იმას ნიშნავს, რომ ჩვენ იმავე ფართზე 5–ჯერ მეტი ავტომობილის განთავსება შეგვიძლია. რაც იმის გარანტია იქნება, რომ 5–ჯერ გათავისუფლდება ქუჩები და ეზოები. ვფიქრობთ, რომ სმარტპარკინგები აუცილებელი  ატრიბუტია ჰიპერმარკეტებისათვის, ბაზრებისათვის, რესტორნებისათვის (განსაკუთრებით, ქალაქის ცენტრში), საავადმყოფოებთან, უნივერსიტეტებთან და მერიასთან. მისი ყველაზე დიდი უპირატესობა შემდეგია:

  1. ადვილად იშლება და იწყობა.
  2.  იკავებს მცირე ადგილს.
  3.  მოსახერხებელია სამუშაო ადგილთან მიმართებაში.
  4.  ავტომობილის პარკირება მთლიანად ავტომატიზებულია.
  5.  მაღალია ტექნიკური საიმედობა.
  6.  აქვს მსუბუქი კონსტრუქცია და სასიამოვნო დიზაინი.
  7.  საჭიროებს სულ 30 კვ.მეტრს.
  8.  იაფი და ხელმისაწვდომია ნებისმიერი ავტომფლობელისთვის.

ავტომობილების პარკირების არსებული პრობლემის გადაწყვეტის მიზნით ჩვენი სამეცნიერო ჯგუფის მიერ შემუშავებული და დაპატენტებულია სმარტპარკინგის რამდენიმე ვარიანტი, ფაქტობრივად, სრულყოფილად მოვიცავთ თბილისის რელიეფს.

სმარტპარკინგის სისტემა არის ვერტიკალურ ავტოფარეხების სასიცოცხლო გარემო. ჩვენ ამ ტიპის ავტოფარეხები წარმოვადგინეთ სამ ვარიანტში:

  • ვერტიკალური-მიწისზედა.
  • ვერტიკალური-მიწისქვეშა.
  • ვერტიკალურ-ჰორიზონტალური.

-როდის გამოჩნდება ვერტიკალური საპარკინგზე კონსტრუქციები ქალაქში?

-უკვე 20-მდე შეკვეთა გვაქვს, ამჟამად პასუხს ველით მერიისგან. როგორც კი აღნიშნული დეტალები დასრულდება, დავიწყებთ კონსტრუქციების დამონტაჟებას. ჩემი ოცნებაა სამეცნიერო-საკონსტრუქტორო ბიუროს გაკეთება და ქვეყნის სამანქანათმშენებლო მრეწველობის აღორძინება, გვაქვს ბევრი გამოგონება და, ვფიქრობთ, რომ შეგვიძლია, ქვეყნის სახელის ღირსეულად წარმოჩენა, თუკი, რასაკვირველია, მოგვცემენ ამის შესაძლებლობას.

 

მასალა მოამზადა:  ნინი მშვენიერიძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
გამოგონება - ინოვაციამედიცინასაქართველო

საქართველოში „ონლაინ კლინიკამ“ დაიწყო ფუნქციონირება

2.85K views on

საქართველოში ინოვაციური სამედიცინო პლატფორმა შეიქმნა, რომელიც საშუალებას გაძლევთ, სახლიდან გაუსვლელად მიიღოთ კონსულტაცია პროფესიონალი ექიმებისგან და უშუალოდ სამედიცინო დაწესებულებაში გადამისამართების შემთხვევაში ისარგებლოთ გარკვეული ფასდაკლებითაც. სტარტაპის შესახებ კომპანიის დირექტორი – გიორგი ჩიქოვანი გაგვესაუბრა.

ონლაინკლინიკის შექმნის იდეა 2016 წელს არჩილ შველიძეს გაუჩნდა და გადაწყვიტა ,,სტარტაპ საქართველოში“ მიეღო მონაწილეობა. კონკურსი რამდენიმე ეტაპს მოიცავდა, რაც როგორც გიორგი აღნიშნავს, საკმაოდ რთული და ამავე დროს, საინტერესოც იყო. პროექტში სულ 700-მდე აპლიკანტი მონაწილეობდა, რომელთაგანაც შეირჩა 35 გამარჯვებული პროექტი, მათ შორის ერთ-ერთია ,,ონლაინ კლინიკაც“.

„ონლაინ კლინიკა“ არის თანამედროვე ადამიანის ყველაზე მოსახერხებელი სივრცე ინტერნეტში, რომელიც საშუალებას გაძლევთ, სახლიდან გაუსვლელად გააკონტროლოთ საკუთარი ჯანმრთელობა. მსურველებს, მთელი კვირის განმავლობაში, 24 საათის მანძილზე, შეუძლიათ, სატელეფონო ზარის ან სკაიპის საშუალებით, მიიღონ ონლაინკონსულტაცია ლიცენზირებული და პრაქტიკოსი ექიმებისგან.

კლინიკის ექიმებისთვის შეიქმნა სპეციალური პროგრამა, რომლის მეშვეობითაც მათ მუდმივი წვდომა აქვთ ბაზებთან და გასცემენ  ელექტრონულ მიმართვებსა და რეცეპტებს. „ჩვენი მაღალკვალიფიციური ექიმები საჭიროების შემთხვევაში მომხმარებელს შესაბამის პროვაიდერ კლინიკაშიც გადაამისამართებენ, სადაც მათ 10-40%-მდე ფასდაკლებით მოემსახურებიან. ამგვარად, პლატფორმა საშუალებას გაძლევთ დაზოგოთ თქვენი დრო და ფინანსები,“ – აღნიშნავს გიორგი.

ამჟამად ონლაინკლინიკას სამი ტიპის პაკეტი აქვს, რომელთა ღირებულება სურვილისამებრ 12 დან 25 ლარამდე მერყეობს. მომხმარებელს ჯერჯერობით გინეკოლოგის, თერაპევტისა (ოჯახის ექიმი) და პედიატრის მომსახურებით სარგებლობა შეუძლიათ, მაგრამ უახლოეს მომავალში დაემატება ფსიქოლოგის მომსახურებაც.

საქართველოში „ონლაინ კლინიკას“ ანალოგი არ აქვს, აშშ-სა და ევროპის ქვეყნებში კი მსგავსი კლინიკები უკვე დიდი ხანია წარმატებით ფუნქციონირებს. თუმცა, ქართული ონლაინკლინიკის მთავარი მიზანია მომხმარებლისთვის ხელმისაწვდომი გახადოს კვალიფიციურ და პროფესიონალურ ექიმთან კონტაქტი და შესაბამისად, მის მიერ არჩეული პროფილი განსხვავდება სხვა ქვეყნების ფინანსური პოლიტიკისგან.

იდეის ავტორები სამომავლოდ გეგმავენ პლატფორმის განვითარებას, უკვე დაგეგმილია მასშტაბური პროექტი, რომელზე ინტენსიური მუშაობაც უკვე დაიწყეს და სავარუდოდ 4 თვეში შემოგვთავაზებენ, თუმცა ამ ეტაპზე კონკრეტული დეტალები არ ხმაურდება.

დაინტერესებულ მკითხველს ვთავაზობთ კლინიკის ონლაინმისამართს:

onlineclinic.ge

 

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

 

სრულად ნახვა
1 … 29 30 31 32 33 … 37
Page 31 of 37