გამოგონება - ინოვაცია

ისლანდიაში, სტარტაპმა Genki Instruments შექმნა „გონიერი (სმარტი) ბეჭედი“ – Wave for Work, რომლითაც კომპიუტერის დისტანციურად მართვაა შესაძლებელი. ამის შესახებ techcult წერს.

კერძოდ, სმარტი ბეჭდის მეშვეობით დამატებების Zoom, Skype, PowerPoint, Microsoft Teams და Keynote-ს დისტანციურად ერთობლივად მართვაა შესაძლებელი.

„გონიერი ბეჭედი“ საჩვენებელ თითზე მაგრდება. ბეჭედზე არის სამი ღილაკია, რომელზეც არჩეული მოქმედებები აისახება.

სტარტაპის წარმომადგენლები არ გამორიცხავენ, რომ „გონიერი ბეჭედი“ დამატებით ფუნქციებსაც შეითავსებს. კერძოდ შეძლებს მიკროფონის გათიშვას და კამერების მართვას ონლაინ-კონფერენციის დროს. ასევე გაუშვებს სლაიდ-შოუს და გახსნის ჩანართებს. ამასთან ბეჭდის მფლობელი ოთახში თავისუფლად გადაადგილებას შეძლებს.

Wave for Work პროგრამების macOS და Windows 10-ის გამოყენებისას „ჭკვიანი ბეჭედი“ 10 მეტრის დისტანციაზე მუშაობს. ბეჭდის ელემენტი 8 საათს ძლებს. გაჯეტის ფასი $99-ია.

ახალგაზრდა ანალიტიკოსთა და მეცნიერთა დარბაზი ,,დოქტრინა

ილონ მასკის ინოვაციები, თითქოს, უკვე ყოველდღიურ სახეს იღებს და გამუდმებით გვაოგნებს საკუთარი ფუტურისული იდეებით. ახლაც, მასკის თანახმად, მის სტარტაპს – Neuralink, ჰყავს მაიმუნი, რომელიც, მის ტვინში მოთავსებული ინტერფეისის მეშვეობით, წარმატებით ართმევს თავს ვიდეოთამაშებს.

Neuralink-მა, რომელიც ტვინი-კომპიუტერის ინტერფეისის შექმნაზეა ორინეტირებული, მაიმუნის ტვინში უსადენო იმპლანტი მოათავსა. ის ტვინს წვრილი სადენებით უკავშირდება და შედეგად, მაიმუნი ვიდეოთამაშებს გონებით თამაშობს. “თქვენ არ შეგიძლიათ ნახოთ, სად არის იმპლანტი და ის ბედნიერი მაიმუნია. ჩვენ, მაიმუნებისთვის, მთელ მსოფლიოში ყველაზე კარგი პირობები გვაქვს. გვსურს, მათ ერთმანეთთან გონებით თამაში შეძლონ” – ამბობს მასკი.

ილონ მასკმა განმარტა, რომ ტვინის დამაკავშირებელი ტექნოლოგიის მიზანია, ტვინისა და ზურგის ტრავმების დაძლევა და ჩადებული ჩიპის მეშვეობით, ადამიანების დაკარგული შესაძლებლობების აღდგენა.

ახალგაზრდა ანალიტიკოსთა და მეცნიერთა დარბაზი ,,დოქტრინა”

მილიარდერ ილონ მასკის ნეიროტექნოლოგიურმა სტარტაპმა Neuralink, მაიმუნის ტვინში მიკროჩიპი წარმატებით ჩანერგა. ამის შესახებ Bloomberg-ი მასკზე დაყრდნობით წერს.

გამოცემის ინფორმაციით, მასკი ამტკიცებს, რომ მაიმუნი ახლა ვიდეოთამაშებს გონების ძალის გამოყენებით თამაშობს. მასკის თქმით, იმპლანტი შეუმჩნეველი, მაიმუნი კი „ბედნიერია“. მან Neuralink-ის გეგმებზეც ისაუბრა. მისი თქმით, კომპანიაში იმედი აქვთ, რომ „დაჩიპული“ მაიმუნები ერთმანეთთან ინტელექტუალურ პინგ-პონგს ითამაშებენ.

მან ასევე პირობა დადო, რომ დაახლოებით ერთ თვეში გამოაქვეყნებს ვიდეოს, რომელზეც მოთამაშე მაიმუნები იქნებიან ასახულები.

Neuralink-ი 2017 წელს დაარსდა, მასკმა კომპანიაში 100 მილიონ დოლარზე მეტი ჩადო. კომპანია ადამიანის ტვინის კომპიუტერთან დამაკავშირებელი ტექნოლოგიის შექმნაზე მუშაობს, რომელიც პერსპექტივაში ადამიანებს თავის და ზურგის ტვინის ტრავმების გადალახვაში დაეხმარება. კერძოდ, იმპლანტის დახმარებით მათ ტრავმის შედეგად დაკარგულ უნარებს დაუბრუნებს.

ახალგაზრდა ანალიტიკოსთა და მეცნიერთა დარბაზი ,,დოქტრინა”

უკვე მრავალი წელია, ვდაობთ, ჩაანაცვლებს თუ არა ხელოვნური ინტელექტი (AI) ადამიანს… ახლა კი მეცნიერებმა გამოაქვეყნეს დასკვნა, რამდენად შეუძლია ადამიანის გონებას კომპიუტერული სუპერ-ინტელექტის მართვა.

ამაზე პასუხია: “რა თქმა უნდა, არა!”

სუპერ-ინტელექტი ბევრად აღემატება ადამიანის აპერცეფციას, აღქმას და მისი კონტროლისთვის საჭიროა სიმულაცია, რომლის ანალიზიც შეგვიძლია. თუმცა მთავარი არსი იმაში მდგომარეობს, რომ სუპერ-ინტელექტის გააზრების გარეშე, შეუძლებელია ასეთი სიმულაციის შექმნა.

ალბათ, ერთადერთი, რითაც თავს ვიმშვიდებთ AI ტექნოლოგიებისთვის სასურველი შეზღუდვების დაწესების იმედია… თუმცა, როგორც ნაშრომის ავტორები ვარაუდობენ, მას შემდეგ, რაც კომპიუტერული სისტემა ყველა პროგრამისტის დონეს გადააჭერბებს, შეუძლებელი გახდება რაიმე ლიმიტის დაწესება.

”სუპერ-ინტელექტი ფუნდამენტურად განსხვავებულ პრობლემას ქმნის, ვიდრე ისინი, რომლებიც ჩვეულებრივ “რობოტების ეთიკის” ქვეშ სწავლობენ. სუპერ-ინტელექტს შეუძლია, ადამიანისთვის გაუგებარ და არაკონტროლირებად მიზნებს მიაღწიონ” – ამბობენ მკვლევარები.

მკვლევართა მსჯელობა უმეტესად, ალან ტურინგის მიერ 1936 წელს წამოყენებული პრობლემიდან მოდის, რომელიც ჩვენს წინაშე აყენებს საკითხს – კომპიუტერული პროგრამა მიაღწევს კონკრეტულ პასუხს და შეჩერდება თუ განაგრძობს მარადიულ ძიებას?

ამ კითხვაზე ცალსახა პასუხი არ არსებობს, რადგან, როგორც ჩანს, მათემატიკური გამოთვლებით შეუძლებელია, დარწმუნებული ვიყოთ რომელიმე მათგანში. “ფაქტობრივად, ეს შეკავების ალგორითმს გამოუსადეგარს ხდის” – ამბობს მეცნიერი აიად რახუანი, გერმანიის ადამიანის განვითარების მაქს-პლანკის ინსტიტუტიდან.

მეცნიერებმა უკვე დაიწყეს ალტერნატივის ძებნა, თუ როგორ ასწავლონ სუპერ-ინტელქტს გარკვეული ეთიკა და “შთააგონონ”, რომ არ გაანადგუროს სამყარო. მათი თქმით, საჭიროა, უკვე დავიწყოთ იმ კითხვების დასმა, რომლებიც დაგვანახებს, რა მიმართულებით მივდივართ.

მართალია, ამ ეტაპზე, ბევრისთვის სამცნიერო ფანტასტიკას უტოლდება სუპერ-ინტელექტის არსებობა, თუმცა, სავარაუდოდ, ეს არც ისე შორეული წარსულია… როგორც ვხედავთ, უკვე არსებობს ისეთი მექანიზმები,რომლებიც დამოუკიდებლად ასრულებენ გარკვეულ მნიშვნელოვან დავალებებს. “ამიტომც ჩნდება კითხვა, შეიძლება ეს, გარკვეულ მომენტში, უკონტროლო და საშიში კაცობრიობისთვის?” – აცხადებს მკლევართა ჯგუფი.

ახალგაზრდა ანალიტიკოსთა და მეცნიერთა დარბაზი ,,დოქტრინა”