ტექნოლოგიები

Dr. Web-ის მკვლევრებმა Android-ის ახალი საზიანო პროგრამა აღმოაჩინეს. მის შემცველ აპლიკაციებს ჯამში 400 მილიონზე მეტი გადმოწერა აქვს და ჩვენთვის პირადი მონაცემების მოპარვა თუ სხვა ზიანის მოყენება შეუძლია.

ერთი შეხედვით, სახიფათოდ არაფერი მოგეჩვენებათ — მინითამაშები ზუსტად ისე გამოიყურება, როგორც მომხმარებელი ელის, თუმცა ფონურად პროგრამას არაერთი საზიანო რამის ჩადენა შეუძლია, მათ შორის: კონკრეტული ფაილების მოძებნა, მოწყობილობიდან მათი ატვირთვა, ბუფერში შიგთავსის კოპირება და ჩანაცვლება…

განსაკუთრებით სახიფათოა ფაილების ექსფილტრაცია, რადგან შესაძლებელია, ამ დროს პირადული ფოტოსურათები, ვიდეოები და დოკუმენტები გამჟღავნდეს. ამასთანავე, ბუფერის მანიპულაციის ფუნქცია პროგრამის ოპერატორებს საშუალებას აძლევს, ანგარიშების პაროლები და საკრედიტო ბარათის მონაცემები მოიპარონ.

Dr. Web-ის მიხედვით, ეს საზიანო პროგრამა სულ 101 აპლიკაციაში აღმოაჩინეს, რომლებიც Google Play-დან ჯამში 421 290 300-ჯერ გადმოწერეს.

10 ყველაზე მეტზჯერ გადმოწერილი აპლიკაცია, რომელიც ამ საზიანო პროგრამას შეიცავს:

1. Noizz: video editor with music (100 მილიონი გადმოწერა)
2. Zapya – File Transfer, Share (100 მილიონი გადმოწერა) საზიანო პროგრამა 6.3.3-იდან 6.4 ვერსიამდე იყო შიგნით, თუმცა აღარაა ახლანდელ 6.4.1 ვერსიაში
3. VFly: video editor&video maker (50 მილიონი გადმოწერა)
4. MVBit – MV video status maker (50 მილიონი გადმოწერა)
5. Biugo – video maker&video editor (50 მილიონი გადმოწერა)
6. Crazy Drop (10 მილიონი გადმოწერა)
7. Cashzine – Earn money reward (10 მილიონი გადმოწერა)
8. Fizzo Novel – Reading Offline (10 მილიონი გადმოწერა)
9. CashEM: Get Rewards (5 მილიონი გადმოწერა)
10. Tick: watch to earn (5 მილიონი გადმოწერა )

თუკი მობილურში რომელიმე მათგანს აღმოაჩენთ, იგი დაუყოვნებლივ უნდა წაშალოთ.

ანალიტიკოსთა და მეცნიერთა დარბაზი – ,,დოქტრინა”

ტვინის იმპლანტმა პარალიზებულ ადამიანს შეგრძნებებისა და მოძრაობის უნარი აღუდგინა. ინფორმაციას უცხოური მედია ავრცელებს. 

ფეინშტაინის სამედიცინო კვლევის ინსტიტუტის მეცნიერებმა კვადრიპლეგიით (ოთხივე კიდურისა და ტანის დამბლა) დაავადებულ ადამიანს შეგრძნებებისა და მოძრაობის უნარი აღუდგინეს. საუბარია კავშირზე, რომელიც ტვინს, კიდურებსა და ზურგის ტვინს შორისაა.

მეცნიერებმა იმპლანტი პაციენტის ტვინში მოათავსეს. იმპლანტი მოიცავს ხუთ მიკროჩიპს და იყენებს AI სისტემას პაციენტის აზრების ქმედებად გარდაქმნისთვის. ტვინის იმპლანტმა პაციენტს სხეულის გამოძრავების საშუალება მისცა.

„იყო დრო, როდესაც არ ვიცოდი, მსურდა სიცოცხლე თუ არა. ახლა კი ადამიანების შეხებას კვლავ ვგრძნობ. ჩემთვის ეს საოცრებაა”, – თქვა კიტ თომასმა, რომელიც 2020 წლიდან სრულად პარალიზებულია.

CDC-ის თანახმად, მხოლოდ აშშ-ში ხუთ მილიონზე მეტ ადამიანს პარალიზი აწუხებს. თითქმის არ არსებობს მკურნალობის ისეთი საშუალება, რომელსაც პაციენტის მდგომარეობის მნიშვნელოვნად გაუმჯობესება შეუძლია.

ამის ფონზე, ტვინის ახალი იმპლანტი დიდ იმედებს იძლევა.

უბედურმა შემთხვევამ კიტის ხერხემალი დააზიანა.  მან ინტერნეტით ფეინშტაინში იმპლანტის ტესტირების შესახებ შეიტყო და კვლევაში მონაწილეობის სურვილი გამოთქვა.

მკვლევრებმა MRI-ის გამოყენებით პაციენტის ტვინის დაზიანებული უბნები გამოავლინეს. ამის შემდეგ 15-საათიანი ოპერაცია ჩატარდა. შედეგად იმპლანტის მოსათავსებლად შესაბამისი ადგილი შეირჩა.

„ოპერაციისას კიტი გონზე იყო და შესაბამის რეაქციას ავლენდა. სწორედ ასე ტვინში ორი იმპლანტი მოვათავსეთ”, — თქვა ექიმმა ეშესტ მეჰტამ, ერთ-ერთმა ქირურგმა, რომელმაც ოპერაცია ჩაატარა.

ოპერაციის შემდეგ კიტის მდგომარეობა მკვეთრად გაუმჯობესდა. პირველად ბოლო სამი წლის განმავლობაში, მას შეუძლია იგრძნოს ის, რაც აღარ შეეძლო. მეტიც, კიტს ახლა ხელების გამოძრავებაც შეუძლია.

„ერთადერთი, რისი გაკეთებაც მინდა, ეს სხვების დახმარებაა. იმ შემთხვევაში, თუ ეს კვლევა ადამიანებს დაეხმარება, მე მხოლოდ გამიხარდება”, – თქვა მან.

ანალიტიკოსთა და მეცნიერთა დარბაზი “დოქტრინა”

რობოტმა-ანდროიდმა EveR 6 სეულში დირიჟორის როლი მოირგო. ამის შესახებ CNN-ი იტყობინება.

ტელეარხის ცნობით, რობოტმა სამხრეთ კორეის ეროვნული ორკესტრის წარმოდგენას უხელმძღვანელა, რაც პირველი მსგავსი შემთხვევა იყო ქვეყნის ისტორიაში. წარმოდგენა კორეის ეროვნულ თეატრში გაიმართა.

კორეის ინდუსტრიული ტექნოლოგიის ინსტიტუტის მიერ შექმნილმა ორხელიანმა რობოტმა, რომელსაც ჰუმანოიდის სახე აქვს, სცენაზე გამოსვლისას მაყურებლებს თავი დაუხარა და ხელების მეშვეობით ორკესტრის ტემპს აკონტროლებდა.

„მისი მოძრაობები ძალიან დეტალური იყო. რობოტს ასეთი მოძრაობები იმაზე უკეთ გამოსდიოდა, ვიდრე წარმომედგინა, თუმცა მისი კრიტიკული სისუსტე ისაა, რომ მოსმენა არ შეუძლია“, – განაცხადა დირიჟორმა ჩოი სუ-იოლმა, რომელმაც კონცერტზე შესრულებული 5 ნაწარმოებიდან ორის დროს დირიჟორობდა.

ანალიტიკოსთა და მეცნიერთა დარბაზი “დოქტრინა”

მიქსინგის პროგრამების განვითარებასთან ერთად საკლუბო სივრცეები ბიუჯეტის შეკვეცას იწყებენ, რაც კლუბური მუსიკის ინდუსტრიის წარმომადგენლებს აშინებს. ამის შესახებ BBC წერს.

ანალიტიკოსთა და მეცნიერთა დარბაზი “დოქტრინა”

სკოლებში სმარტფონები უნდა აიკრძალოს, რათა სწავლის ხარისხი გაუმჯობესდეს და ბავშვები კიბერბულინგისგან იყვნენ დაცულები. როგორც Guardian-ი წერს, ამის შესახებ იუნესკოს ანგარიშშია აღნიშნული.

როგორც იუნესკოში აცხადებენ, არსებობს მტკიცებულებები, რომ მობილური ტელეფონის ხანგრძლივად გამოყენება მოსწავლის მოსწრებას აუარესებს და ასევე უარყოფით გავლენას ახდენს ბავშვების ემოციურ სტაბილურობაზე.

ანგარიშის თანხმად, სკოლებში სმარტფონების აკრძალვის მოწოდებამ უნდა აჩვენოს, რომ ციფრული ტექნოლოგიები მთლიანობაში, მათ შორის ხელოვნური ინტელექტი, უნდა ექვემდებარებოდეს „ადამიანზე ორიენტირებულ ხედვას“ და არ უნდა ჩაანაცვლოს პედაგოგთან ურთიერთობა.

იუნესკოს გენერალური დირექტორის განცხადებით, საკლასო ოთახებში სწავლება ონლაინ სწავლებამ არ უნდა ჩაანაცვლოს.

ანალიტიკოსთა და მეცნიერთა დარბაზი “დოქტრინა”

კომპიუტერული მეცნიერებების შესწავლის მსურველებს ჰარვარდის უნივერსიტეტში მომავალი წლიდან ლექციებს ხელოვნური ინტელექტი წაუკითხავს, – ამის შესახებ ინფორმაციას უცხოური მედია ავრცელებს. კურსი საკმაოდ პოპულარულია და სემესტრში მას დაახლოებით 1000 სტუდენტი ესწრება.

უნივერსიტეტის წარმომადგენლებს იმედი აქვთ, რომ ხელოვნური ინტელექტი სტუდენტებს ცოდნის გაღრმავებაში დაეხმარება და 24/7-ზე გაუწევს დახმარებას.

ანალიტიკოსთა და მეცნიერთა დარბაზი “დოქტრინა