ტექნოლოგიები

ჩინეთში TikTok-ის ადგილობრივმა ანალოგმა Douyin ბავშვებს თავისი პლატფორმით სარგებლობის ლიმიტი დაუწესა. ამის შესახებ BBC წერს.

გამოცემის ინფორმაციით, ბავშვები სოციალური ქსელით სარგებლობას დღეში მხოლოდ 40 წუთის განმავლობაში შეძლებენ. ახალი წესი 14 წლამდე ბავშვებს ეხება, რომლებმაც რეგისტრაციის დროს ნამდვილი სახელები და მონაცემები გამოიყენეს. ისინი სოციალური ქსელით სარგებლობა 06:00-დან 22:00 საათამდე შეძლებენ.

ამასთან Douyin-მა მოზარდებისთვის ახალი კონტენტიც შეიმუშავა – მეცნიერული ექსპერიმენტების, ისტორიული ვიდეოებისა და მუზეუმებში ონლაინ ექსკურსიების ჩათვლით.

აგვისტოში ჩინეთში18 წლამდე ახალგაზრდებს ონლაინ პლატფორმებზე თამაშის დრო შეუზღუდეს, თებერვალში კი ბავშვებს სკოლაში ტელეფონების შეტანა აუკრძალეს.

ახალგაზრდა ანალიტიკოსთა და მეცნიერთა დარბაზი “დოქტრინა”

კომპანია Apple-ში აცხადებენ, რომ iOS-ისა და iPadOS-ის ახალ ვერსიებს, რომლებიც მიმდინარე წლის ბოლოს გამოვა, კრიპტოგრაფიის ახალი აპლიკაციები ექნება, რომლებიც, მომხმარებლის კონფიდენციალურობის გათვალისწინებით, ბავშვებზე სექსუალური ძალადობის ამსახველი მასალის გავრცელების შეზღუდვას შეუწყობს ხელს, – ამის შესახებ BBC წერს.

სისტემა გამოიყენებს სურათების შედარების მექანიზმს ბავშვთა მიმართ სექსუალური ძალადობის უკვე გამოვლენილი სურათების მონაცემთა ბაზასთან, რომელიც შედგენილია აშშ-ის დაკარგული და ექსპლუატირებული ბავშვების ეროვნული ცენტრისა (NCMEC) და ბავშვთა უსაფრთხოების საკითხებზე მომუშავე ორგანიზაციების მიერ.

ტექნოლოგიით, გამოსახულებები ციფრულ კოდებად „გადათარგმნეს“, რომელთაც Apple-ის მოწყობილობებში არსებულ მასალებს შეადარებენ. თუ კავშირი დადგინდება, საქმე მხოლოდ ტექნოლოგიის მიერ დადასტურებაზე არ შეჩერდება; მას ადამიანებიც შეისწავლიან და საბოლოოდ, თუ გამოვლინდება, რომ ფოტო მართლაც შეიცავს ბავშვზე ძალადობის ამსახველ სურათს, ამის შესახებ სამართალდამცველებს აცნობებენ. იქამდე კი, მოწყობილობას, სადაც მასალა ინახება, დისტანციურად გამორთავენ.

ექსპერტების ნაწილი სიახლეში საფრთხესაც ხედავს და აცხადებს, რომ შეიძლება, ტექნოლოგია ავტორიტარული მთავრობების მიერ მოქალაქეების თვალთვალისთვის გამოიყენონ.

ახლი ტექნოლოგია მხოლოდ აშშ-ი მცხოვრებ მომხმარებლებზე გავრცელდება.

ახალგაზრდა ანალიტიკოსთა და მეცნიერთა დარბაზი “დოქტრინა”

მფრინავი ავტომობილები ქალაქებში 2030 წლამდე გამოჩნდება, – ამის შესახებ Hyundai-ს ევროპული ოპერაციების პრეზიდენტმა და აღმასრულებელმა დირექტორმა მაიკლ კოულმა განაცხადა.

მისივე თქმით ტექნოლოგია, რომელიც საცობებსა და გამონაბოლქს შეამცირებს, “ნამდვილად მომავლის ნაწილია”.

„ვფიქრობთ, რომ ამ ათწლეულის ბოლო პერიოდისთვის, რა თქმა უნდა, ურბანული საჰაერო მობილობა ზელს შეუწყობს ქალაქებში საცობების განტვირთვას, გამონაბოლქვის შემცირებას, იქნება ეს ერთი ქალაქის ფარგლებში თუ  ქალაქებს შორის,“- აღნიშნა Hyundai-ს ხელმძღვანელმა.

ტერმინი ”ურბანული საჰაერო მობილობა” მოიცავს სხვადასხვა საქონლის მიწოდებას დრონების საშუალებით და ელექტრომობილებს, რომლებიც მფრინავი ტაქსის ფუნქციას ასრულებენ. მიმდინარე წლის იანვარში ცნობილი გახდა, რომ წელს კოვენტრიში გაიხსნება მსოფლიოში პირველი სრულად მოქმედი აეროპორტი ასეთი მფრინავი ავტომობილებისა და დრონებისთვის.

ნულოვანი გამონაბოლქვის ადგილმა, სახელწოდებით Air One, გაერთიანებული სამეფოს მთავრობისგან 1.2 მილიონი გირვანქა სტერლინგის ოდენობით გრანტი მიიღო.

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა“

ისრაელის კომპანია Future Meat Technologies-მა ხელოვნური ხორცის წარმოებისთვის მსოფლიოში პირველი ფაბრიკა გაიხსნა. ამის შესახებ techcult წერს.

ფაბრიკა ყოველდღიურად 500 კილოგრამ კულტივირებული ქათმის, ღორის და ცხვრის ხორცს აწარმოებს. ხორცის ეს რაოდენობა 5 000 ჰამბურგერის დასამზადებლადაა საკმარისი.

Future Meat Technologies ხელოვნურ ხორცს სპეციალურ ბიორეაქტორებში შექმნილი უჯრედებისგან ამზადებს. ამისთვის გამოიყენება ის ნივთიერებები, რომლითაც ცხოველებს კვებავენ.

ტექნოლოგებმა შექმნეს პროცესი, რომელიც 80%-ით ამცირებს СО2-ისა და 96% წყლის გამოყოფას

ახალგაზრდა ანალიტიკოსთა და მეცნიერთა დარბაზი ,,დოქტრინა“

კომპიუტერებს თითქმის ყველა ოფისში ჩართულს ტოვებენ, ეს კი უზარმაზარი ენერგიის
დაკარგვას იწვევს.
ბიჯუ ბალაკრიშნანის, კომპანია DefMart-ის (მზის ენერგიაზე დამყარებული
პროდუქტების მწარმოებელი და მიმწოდებელი) დამფუძნებელის აზრით, ნებისმიერი
კომპანიაში ერთი წესის დამკვიდრებაა აუცილებელი: როდესაც თანამშრომლები არ
სარგებლობენ, საჭიროა კომპიუტერების გათიშვა და დენის წყაროდან გამორთვა, რაც
დამატებით 50 პროცენტ ენერგიას დაზოგავს.
გახსოვდეთ, რომ კომპიუტერის ეკრანის დამცავები ენერგიის ეკონომიას არ
უზრუნველყოფს, − ამბობს იგი. როდესაც მცირეოდენი ხნით შესვენებას გადაწყვეტთ,
კომპიუტერები აუცილებლად ძილის რეჟიმში გადაიყვანეთ, ეს ენერგიის მოხმარებას 70
პროცენტით ამცირებს.
ამასთან ერთად, გათიშეთ ნებისმიერი სხვა მოწყობილობა, რომელსაც არ იყენებთ − ეს
ენერგიის მოხმარებას 25 პროცენტით შეამცირებს. ისე კი, ბევრად უმჯობესია
ენერგოეფექტურ კომპიუტერებში, მონიტორებსა და პრინტერებში განახორციელოთ
ინვესტირება.

Hbr.com

მასალა მოამზადა : ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“