close

ტექნოლოგიები

ბიოლოგიაგამოგონება - ინოვაცია

მეცნიერებმა ხელოვნური უჯრედი შექმნეს, რომელიც ბუნებრივის მსგავსად იზრდება და იყოფა

1.3K views on

მეცნიერებმა შექმნეს ერთუჯრედიანი სინთეზური ორგანიზმი, რომელიც ჩვეულებრივი უჯრედის მსგავსად იზრდება და იყოფა.

მიღწევა, რომელიც დემონსტრირებულია ერთუჯრედიანი ბაქტერიების მსგავსი ცხოვრების ფორმაში, სახელწოდებით JCVI-syn3A, მეცნიერთა ათწლეულების გენომის თანმიმდევრობისა და ანალიზის შედეგია.

”ჩვენი მიზანია, ვიცოდეთ თითოეული გენის ფუნქცია, რათა შევქმნათ უჯრედის მუშაობის სრული მოდელი,” – აცხადებს MIT– ისა და სტანდარტებისა და ტექნოლოგიების ეროვნული ინსტიტუტის (NIST) ბიოფიზიკოსი ჯეიმს პელეტერი.

JCVI-syn3A-ის შექმნას წინ უძღოდა ლაბორატორიაში ბაქტერიის სახეობის JCVI-syn3.0-ის შექმნა, რომელიც ჯამში მხოლოდ 473 გენს ფლობდა — ანუ ნაკლებს, ვიდრე სხვა ნებისმიერ დამოუკიდებელი ცოცხალი ორგანიზმი.

მიუხედავად იმისა, რომ მინიატურიზებული გენეტიკური კომპლექტი JCVI-syn3.0-ს უჯრედის დაყოფის გზით სიცოცხლის გაგრძელების უნარს აძლევდა, ეს მან უჩვეულო გზით, თავის მიერ წარმოქმნილ ახალ უჯრედებში გასაოცარი მორფოლოგიური ვარიაციის წარმოქმნით გააკეთა, რომელიც მრავალი სხვადასხვა ზომითა და ფორმით გაჩნდა.

ახლა კი, მეცნიერთა ამავე ჯგუფის წევრებმა, JCVI-syn3.0-ის ახლად მოდიფიცირებული ვარიანტის, JCVI-syn3A-ის, საშუალებით ამ უცნაური მორფოლოგიების პრევენციის გზას მიაგნეს.

JCVI-syn3A-ში 19 ისეთი გენის დამატებით, რომელიც JCVI-syn3.0-ში არ იყო, ის უჯრედის დაყოფას უფრო ნორმალურის მსგავსი, თანმიმდევრული გზით განიცდის და აღენიშნება გაცილებით ნაკლები მორფოლოგიური ნაირსახეობები, ვიდრე JCVI-syn3.0-ს.

მიუხედავად იმისა, რომ მეცნიერები ამ მიღწევაზე რამდენიმე წლის განმავლობაში მუშაობდნენ, ამ გენებში მაინც რჩება საკმაოდ ბევრი საიდუმლო.

მაგალითად, მიუხედავად იმისა, რომ JCVI-syn3A-ს 19 ახალი გენი აქვს, მათგან მხოლოდ 7 გენი უნდა ასრულებდეს გარკვეულ როლს უჯრედის დაყოფის პროცესის უფრო რეგულარული გზით წარმართვაში. ამ შვიდიდან კი, მხოლოდ ორმა გენმა, სახელად ftsZ და sepF — გამოავლინა საკუთარი ფუნქციები.

უცნობი რჩება, შეაქვს თუ არა რაიმე წვლილი დანარჩენ ხუთ გენს JCVI-syn3A-ს მორფოლოგიურ გამძლეობაში, მაგრამ ერთი რამ ნათელია: ეს პაწაწინა გენომი ახლა წარმოადგენს ახალ სტანდარტს ექსპერიმენტებისთვის, რომლებმაც შეიძლება, დიდი დახმარება გაგვიწიოს იმის დახასიათებაში, თუ რას აკეთებენ ეს გენები ორგანიზმებში.

კვლევის შედეგები ჟურნალ Cell-ში გამოქვეყნდა.

წყარო : sciencealert.com

მასალა მოამზადა : თამარ ტაბატაძემ

სრულად ნახვა
პოლიტიკასამხედრო

მიანმარის გადატრიალება: სისხლი თავისუფლების ფასად

1.14K views on

27 მარტს მიანმარში სამხედროები „შეიარაღებული ძალების დღეს“ აღნიშნავდნენ, როდესაც მომიტინგეები ისევ სამხედრო გადატრიალების წინააღმდეგ საპროტესტო აქციებს მართავდნენ, მათ შორის დაპირისპირებას კი 100 ადამიანი ემსხვერპლა. მიანმარში განვითარებულ მოვლენებზე ზუსტად საუბარი ძნელია, მაგრამ ყველაზე სისხლისმღვრელი დღის შემდეგ ადგილობრივებისა და მედიის განცხადებით, სამხედროებმა ცეცხლი გახსნეს 40-ზე მეტ ადგილას, რასაც ათობით მომიტინგის სიცოცხლე შეეწირა.

მსხვერპლთა შორის არიან ბავშვებიც. 12 წლის გოგონას მშობელი ამბობს, რომ როდესაც შეიტყო სამხედროების მოსვლის შესახებ, სასწრაფოდ მივარდა კარის დასახურად, მაგრამ გვიანი იყო, რამდენიმე წუთის შემდეგ უკვე ქალიშვილის სისხლით დასვრილი სხეული ეჭირა.

პირველი თებერვლის სამხედრო გადატრიალების შემდეგ მსხვერპლთა საერთო რაოდენობამ 400-ს გადააჭარბა. უკან დახევას არცერთი მხარე არ აპირებს, არც სამხედროები და არც დემოკრატიული მოძრაობის წევრები. სამხედროების ლიდერის, მინ ან ჰლაინმის განცხადებით, ისინი ქვეყანაში დემოკრატის, მშვიდობისა და სტაბილურობის მიღწევას ცდილობენ. მოძრაობას კი, რომელსაც ახალგაზრდები ხელმძღვანელობენ, გადაწყვეტილი აქვს მიანმარი სამუდამოდ გაათავისუფლოს სამხედრო დიქტატურისგან.

აშშ-მა და ევროკავშირმა მიანმარის სამხედრო გადატრიალებასთან დაკავშირებულ პირებს სანქციები დაუწესეს, აქტივები გაუყინეს და სავიზო შეზღუდვები დაუწესეს.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
ტექნოლოგიები

iPhone-ის დამტენის გარეშე გაყიდვისთვის Apple 2 მილიონი დოლარით დაჯარიმდა

640 views on

Procon-Sp-მა, სან პაულოს მომხმარებელთა უფლებების დაცვის სააგენტომ გადაწყვიტა, Apple დაეჯარიმებინა, iPhone-ების ყუთებიდან კვების ადაპტერის ამოღების შესახებ გადაწყვეტილების მიღების შემდეგ. კომპანიამ ამის მიზეზად ნახშირბადის გავრცელებისა და იშვიათმიწა ელემენტების გამოყენების შემცირება დაასახელა.

დეკემბერში ბრაზილიურმა სააგენტომ Apple-ს აცნობა, რომ ქვეყანაში მობილური ტელეფონის კვების ადაპტერის გარეშე გაყიდვა მომხმარებელთა დაცვის კოდექსის დარღვევაა. თუმცა კომპანიის თქმით, შეშფოთების მიზეზი სრულებით არ არსებობს, რადგან მომხმარებელთა უმეტესობას უკვე აქვს სათადარიგო გადამყვანები და ყუთში კიდევ ერთის მოთავსება საჭირო არაა.

Procon-SP-ის აღმასრულებელი დირექტორი, ფერნანდო კაპეზი აღნიშნავს, რომ ჯარიმასთან ერთად, Apple-მა მკაცრი გაფრთხილებაც კი მიიღო, რადგან ბრაზილიის სამომხმარებლო კანონის პატივისცემა და გაგებაა საჭირო. გარდა ზემოთ აღნიშნული მიზეზისა, კომპანია დაჯარიმდა წყალგაუმტარობის შესახებ მომხმარებლების შეცდომაში შეყვანის გამო.

როგორც იცით, ბოლოდროინდელ iPhone 12-ის 6 მეტრის წყლის სიღრმეში, 30 წუთის განმავლობაში მოთავსებაა შესაძლებელი. თუმცა ბევრ მომხმარებელს, წესების დაცვის მიუხედავად, მობილური ტელეფონები გაუფუჭდა. Apple-მა კი უარი განაცხადა წყალგამძლე მოწყობილობების შეკეთებაზე. ამასთან ერთად, სააგენტო ჩივის ძველ მოდელებზე iOS  განახლებების შენელებაზე, რაც ადამიანებს ახალი სერიების ყიდვას აიძულებს.

ამ ეტაპისთვის, Apple არანაირ კომენტარს არ აკეთებს 2 მილიონი დოლარის ოდენობის ჯარიმის შესახებ.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ტექნოლოგიები

ამერიკული კომპანია მომხმარებლებს, 24 საათით ეკრანისგან შორს ყოფნაში, 2400 დოლარს გადაუხდის

1.05K views on

გიფიქრიათ, ტელეფონისა და კომპიუტერის ეკრანისგან შორს ყოფნაში ფულს გიხდიდნენ?

ამერიკული კომპანია Reviews.org მომხმარებლებს 24 საათის განმავლობაში ეკრანისგან შორს ყოფნაში 2 400 დოლარს გადაუხდის. კომპანიამ ,,ტექნოლოგიებისგან დეტოქს” კამპანია წამოიწყო, რის ფარგლებშიც მონაწილეებმა უნდა გაძლონ ეკრანის გარეშე ერთი დღის განმავლობაში.

მარტივად ჟღერს დავალების შესრულება, მაგრამ გამოწვევა ცოტათი უფრო რთულია. მოხალისეები ერთი დღის განმავლობაში არა მხოლოდ ტელეფონების, არამედ ტელევიზორის, კომპიუტერის, კომპიუტერული თამაშების, ჭკვიანი საათების, ანდა ჭკვიანი სახლის მოწყობილობების გარეშე უნდა გაძლონ. მონაწილეები მიიღებენ სეიფებს, სადაც 24 საათის განმავლობაში შეინახავენ ელექტრომოწყობილობებს.

მონაწილეობის მისაღებად კომპანია ითხოვს კითხვარის შევსებას და სულ რაღაც 100 სიტყვიან პასუხს კითხვაზე, თუ რატომ იღებენ მონაწილეობას. განაცხადების მიღება 26 მარტს შეწყდება და გამარჯვებულებს 29 მარტს გამოაცხადებენ. მონაწილეობის მიღება მხოლოდ აშშ-ში მცხოვრებლებს შეუძლიათ.

პანდემიის პირობებში ბევრ ადამიანს მოუწია დისტანციურად მუშაობა, სტუდენტებს დისტანციურად სწავლა, რამაც მათი ეკრანზე კიდევ უფრო მიჯაჭვულობა გამოიწვია. Common Sense Media-ს 2019 წლის ანგარიშის მიხედვით, აშშ-ს თინეიჯერების დიდი ნაწილი გასართობად მედიასაშუალებებს დღეში 7 საათზე მეტ დროს უთმობს.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ასტრონომია - კოსმოსიგამოგონება - ინოვაციატექნოლოგიები

iPhone 13 სავარაუდოდ ასტროფოტოგრაფიის საშუალებას მოგვცემს

2.8K views on

გავცერელებული ინფორმაციის თანახმად, ახალი iPhone 13, რომელიც ვიზუალურად თითქმის iPhone 12-ის იდენტურია, Apple-ის სმარტფონის ყველაზე დიდ მიღწევას წარმოადგენს. ის მოიცავს განახლებას, რომელიც ასტროფოტოგრაფიის საშუალებას იძლევა.

ის ავტომატურად შეარჩევს კამერის საუკეთესო პარამეტრებს.

ასტროფოტოგრაფია ფოტოგრაფიის სულ უფრო პოპულარული დარგი ხდება. ადამიანები მთვარის, ვარსკვლავებისა თუ შორეული სპირალური გალაქტიკების გადასაღებად სხვადასხვა მოწყობილობებს იყენებენ. სამწუხაროდ, არც ისე ადვილია ციური სხეულების ზუსტად ისე დაფიქსირება, როგორც თავად გვსურს. თუმცა როგორც ჩანს, iPhone 13 ამ მხრივ უპრეცედენტო იქნება – ის ავტომატურად შეარჩევს კამერის საუკეთესო პარამეტრებს, მას შემდეგ, რაც მომხმარებელი მობილურს უბრალოდ ცისკენ მიაპყრობს.

გარდა ზემოთხსენებულისა, iPhone 13-ს ექნება “ყოველთვის ჩართული” ეკრანის ფუნქცია, რომელიც მომხმარებლებს საშუალებას მისცემს, უბრალოდ, ერთი შეხედვით ნახონ შეტყობინებები, ელემენტის ინდიკატორი, დრო და ა. შ. ამისათვის ე. წ.  ეკრანის “გაღვიძება” საჭირო აღარ იქნება.

სავარაუდოდ, სწორედ ასტროფოტოგრაფიის ფუნქციის განვითარებასთან არის დაკავშირებული გაუმჯობესებული კამერის სენსორი და ობიექტივი. რაც შეეხება მის ვიზუალურ მხარეს, როგორც ჩანს, ახალ სმარტფონს უფრო ძლიერი MagSafe მაგნიტი და უკანა მქრქალი მინის პანელი ექნება. ის ასევე მოიცავ Face ID-სა და ეკრანის ქვეშა Touch ID-ს.

საერთო ჯამში, ეს იმაზე დიდი განახლებაა, ვიდრე მომხმარებლები ელოდნენ. მართალია, ეს ყველაფერი მხოლოდ ჭორების დონეზეა ცნობილი, თუმცა Apple სავარაუდოდ, ყოველ ფუნქციას განავითარებს.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
კომუნიკაცია

მალე თქვენს Facebook-ის Story-ში რეკლამები გამოჩნდება

1.09K views on

ეს კონტენტის შემქმნელების შემოსავლის გაზრდასა და წახალისებას ემსახურება.

Facebook მოკლე ფორმატის ვიდეოების მონეტიცაზიის ახალ გზებს ეძებს. მისი პირველი ნაბიჯი კი რეკლამების ე. წ. “სთორიში” მხარდაჭერაა.

“უახლოეს კვირებში დავიწყებთ ამ შესაძლებლობების შემოწმებას, რათა კონტენტის შემქმნელებმა, რეკლამების მეშვეობით, რომლებიც სტიკერებს ჰგავს, საკუთარი “სთორის” მონეტიზაცია შეძლონ და შემოსავლის ნაწილიც მიიღონ. მიუხედავად იმისა, რომ საწყისი ტესტირება მცირეა, ვიმედოვნებთ, რომ მალე გავავრცელებთ უფრო მეტ კონტენტის შემქმნელთან” – ამბობს იოავ არნშტაინი, Facebook აპლიკაციის მონეტიზაციის დირექტორი. შემდეგ კი სტიკერები მოკლე ფორმატის ვიდეოებამდე გაიზრდება, რაც კონტენტის შემქმნელებს პოპულარული ვიდეოების მონეტიზაციაში დაეხმარება.

საინტერესოა, რომ “სთორი” მრავალი სოციალური პლატფორმისთვის ეფექტური აღმოჩნდა. ამიტომაც, Facebook-მა გადაწყვიტა, ამ პოპულარობით ისარგებლოს და კონტენტის შემქნელები YouTube-დან თუ Twitch-დან საკუთარ ქსელში “მოიტყუოს”.

სოციალური გიგანტი ასევე ზრუნავს იმაზე, რომ კონტენტის შექმნელებმა ვიდეოებში ერთ, ან მაქსიმუმ სამ წუთიანი რეკლამები ჩასვან. მათ ამისათვის ბოლო 30 დღის განმავლობაში 600 000 წუთის ოდენობის ნახვა და ხუთი აქტიური ვიდეო უნდა ჰქონდეთ.

ამასთან ერთად, რეკლამების გაშვება ლაივ-ვიდეოების მიმდინარეობის დროსაც იქნება შესაძლებელი. ამისათვის კი საჭიროა, კონტენტის შემქმნელს უკანასკნელი 60 დღის განმავლობაში მინიმუმ 60 000 ლაივ-წუთი ჰქონდეს დაგროვებული.

და ბოლოს, Facebook $7 მილიონიან ინვესტიციას დებს ახალი ფუნქციის დანერგვაში, ე. წ. Stars-ის გამოყენებაში, რომელიც ვირტუალურ ვალუტას წარმოადგენს. მთლიანობაში კი ეს შემოსავლის გაზრდასა და ხალხის წახალისებას ემსახურება.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციამედიცინა

შვეიცარიელმა მეცნიერებმა თვალის ბადურის იმპლანტი შექმნეს, რომელიც უსინათლოებს საგნების დანახვის საშუალებას მისცემს

1.1K views on

ლოზანის ფედერალური პოლიტექნიკური სკოლის მეცნიერებმა თვალის იმპლანტი შექმნეს, რომელიც უსინათლო ადამიანებს საგნების სილუეტის დანახვის საშუალებას მიცემს. ამის შესახებ გამოცემა EurekAlert-ი წერს.

მეცნიერები ამ პროექტზე 2015 წლიდან მუშაობდნენ. თვალის ბადურის იმპლანტი 10,5 ათასი ელექტროდისგან შედგება და ადამიანს გამოსახულებას ჭკვიანი სათვალის მეშვეობით გადასცემს. სათვალეში არსებული კამერა საგნის მოხაზულობას აფიქსირებს და მონაცემებს სათვალეშივე მოთავსებულ მიკროკომპიუტერს გადასცემს. სისტემა ინფორმაციას სინათლის სიგნალებად გარდაქმნის, რომლებიც იმპლატნში არსებულ ელექტროდებზე გადაიცემა. ისინი კი თავის მხრივ ბადურაზე აგზავნიან სიგნალს და ადამიანი გამოსახულების შავ-თეთრ, გამარტივებულ ვერსიას ხედავს, რომელიც სინათლის წერტილებისგან შედგება.

„თითქოს ღამე, ცაში ვარსკვლავებს უყურებთ და თანავარსკვლავედების ამოცნობა უნდა ისწავლოთ“, – ამბობენ იმპლანტის შემქმნელები.

იმპლანტი მოქნილი მასალისგან – გამჭვირვალე პოლიმერისგან მზადდება, რაც ოპერაციის დროს მასთან მუშაობას ამარტივებს. ტექნოლოგია ადამიანებზე ჯერ არ გამოუცდიათ, თუმცა ავტორები დარწმუნებულები არიან, რომ მათი იმპლანტი კლინიკური ტესტირებისთვის მზად არის.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
კვლევებიმედიცინატექნოლოგიები

Apple აფრთხილებს მომხმარებლებს, რომ ტელეფონმა შეიძლება ხელი შეუშალოს სამედიცინო მოწყობილობების მუშაობას, მათ შორის, კარდიოსტიმულატორებს

817 views on

iPhone-ის მფლობელებისთვის მნიშვნელოვანი გაფრთხილება გამოქვეყნდა Apple-ის გვერდზე. კომპანია აფრთხილებს მომხმარებლებს, რომ iPhone შეიცავს ისეთ ნივთიერებებს, რომლებიც გამოსცემენ ელექტრომაგნიტურ ველებს, რაც ხელს უშლის სამედიცინო მოწყობილობების ნორმალურ ფუნქციონირებას, მაგალითად, კარდიოსტიმულატორებისა და დეფიბრილატორების.

შაბათს გამოქვეყნებულ განცხადებაში ნათქვამია, რომ iPhone 12-ის ოთხივე მოდელი უფრო მეტ მაგნიტს შეიცავს, ვიდრე ადრეული მოდელები, თუმცა ისიც ნათქვამია, რომ უფრო დიდ საფრთხეს არ წარმოადგენს სამედიცინო მოწყობილობებისთვის, ვიდრე iPhone-ის დანარჩენი ვერსიები.

Apple აცხადებს, რომ სამედიცინო მოწყობილობები შეიძლება შეიცავდეს სენსორებს, რომლებიც რეაგირებს რადიოტალღებზე. კომპანია ასევე რეკომენდაციას იძლევა iPhone-სა და MagSafe-ის ტელეფონის აქსესუარები განსაზღვრული მანძილით შორს დავიჭიროთ, ტელეფონი 6 დიუმი(15 სმ.), MagSafe–ის უსადენო დამტენის გამოყენებისას 15 დიუმი(37.5 სმ.).

,,Heart Rhythm Journal”– მა ამ თვის დასაწყისში გამოაქვეყნა მოხსენება, რომელშიც ხალხს აფრთხილებს, რომ ტელეფონი არ მოათავსონ პერანგის ჯიბეში. ”მიმართეთ თქვენს ექიმს და სამედიცინო მოწყობილობის მწარმოებელს ზუსტი ინფორმაციის მისაღებად, გჭირდებათ თუ არა თქვენ სამედიცინო აპარატსა და iPhone– ს თუ MagSafe– ის სხვა აქსესუარებს შორის უსაფრთხო მანძილის დაცვა”,- აცხადებს Apple.

წყარო: CNN

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაცია

მეცნიერებმა გამოიგონეს ჩიპი, რომელიც ოფლში კორტიზოლის დონის გაკონტროლებით ადამიანის სტრესის დონეს განსაზღვრავს

1.1K views on

მეცნიერებმა გამოაქვეყნეს ნაშრომი, სადაც საუბარია სატარებელი ელექტრონული ჩიპის შექმნაზე, რომელსაც, ოფლში კონკრეტული ჰორმონის გამოვლენის გზით, შეუძლია შეაფასოს, რამდენად სტრესულ მდგომარეობაში იმყოფება ადამიანი.

”საიმედო, ტარებადი სისტემის საშუალებით ექიმებს შეუძლიათ, ობიექტურად განსაზღვრონ, აწუხებს თუ არა პაციენტს დეპრესია და არის თუ არა მისი მკურნალობა ეფექტური”, – ამბობს კვლევის წამყვანო ავტორი და Ecole Polytechnique Fédérale de Lausanne-ის ნანოტექნოლოგიის მკვლევარი ადრიან იონესკუ.

ჩიპი აკონტროლებს ჰორმონ კორტიზოლს, სტეროიდულ ჰორმონს, რომელიც თირკმელზედა ჯირკვლების მიერ ფიზიოლოგიური სტრესის საპასუხოდ, მათ შორის ფიზიკური სტრესის ან სისხლში გლუკოზის დაბალი დონის დროს, გამოიყოფა.

როდესაც თქვენი სხეული გამოყოფს კორტიზოლს,  ის შეიძლება გამოვლინდეს ნერწყვში, ოფლში და შარდში.

“კორტიზოლი შეიძლება გამოიყოს იმპულსის დროს – თავს კარგად გრძნობთ და მოულოდნელად მოხდა რამე, რაც სტრესის ქვეშ გიყენებთ და თქვენი სხეული იწყებს უფრო მეტი ჰორმონის გამომუშავებას”, – განმარტავს იონესკუ.

ჩიპი კარიბჭის ველის ეფექტის ტრანზისტორის გამოყენებით ოფლში კორტიზოლის ანალიზს ახორციელებს.

“კორტიზოლის დონეს სისხლის შრატში მთელი დღის განმავლობაში ცირკადული რიტმი აქვს, ყველაზე მაღალი დონე დილით (~ 30 წთ გამოღვიძებიდან : 0,14-0,69 მკმ) და ყველაზე დაბალი დონე ღამით (0,083-0,36 მკმ). სტაბილურმა სტრესმა შეიძლება დაარღვიოს ეს რიტმი და გამოიწვიოს კორტიზოლის დონის პათოლოგიური მომატება ”, – წერენ კვლევის ავტორები.

„კორტიზოლის როგორც მაღალი, ისე დაბალი დონე, ასევე დარღვეული ცირკადული რიტმი, ფიზიკურ და ფსიქოლოგიურ დარღვევებს იწვევს,“-აცხადებენ მეცნიერები.

ისინი იმედოვნებენ, რომ სენსორს უახლოეს მომავალში კლინიკურ ცდებში გამოცდიან.

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ტექნოლოგიები

Google ხანძარსაწინააღმდეგო დრონის გამოყენებას გეგმავს!

719 views on

Google-მა უკვე დაიწყო დრონების დატესტვა, როგორც მიწოდების სერვისის ნაწილის. ახლა კი, მოწყობილობას ხანძარსაწინააღმდეგო ტექნოლოგიადაც განიხილავს.

ცნობილია, რომ The Google Research Climate and Energy Group-მა ცოტა ხნის წინ ფედერალურ საავიაციო ადმინისტრაციას (FAA) კერძო საკუთრებაში დრონის შემოწმების ნებართვა სთხოვა. კერძოდ, კომპანიას სურს, Homeland Surveillance & Electronics (HSE)-ის მიერ შექმნილი დრონი გამოსცადოს, რომელიც პირველადი ხედვის ტექნოლოგიით ხანძარსაწინააღმდეგო და მონიტორინგის ოპერაციების შესამოწმებლად იქნება განკუთვნილი.

ამ ეტაპზე Google-ის გეგმასთან დაკავშირებით საკმაოდ მწირი ინფორმაცია გვაქვს და არ ვიცით მისი სპეციფიკური დეტალების შესახებ. თუმცა იმის გათვალისწინებით, რომ HSE-ის ზოგიერთი მოწყობილობა უკვე გამოიყენება ნათესების მოსარწყავად, ადვილი წარმოსადგენია, მართლაც ვიხილოთ “ხანძრის წინააღმდეგ მებრძოლი” დრონები.

მსოფლიოში სახანძრო განყოფილებებში უკვე იყენებენ დრონებს, მაგრამ უმეტეს შემთხვევაში მათი ფუნქცია მხოლოდ მონაცემების რეალურ დროში მიწოდებას მოიცავს, რათა მეხანძრეებმა ხანძრის ჩაქრობა უსაფრთხოდ და მაქსიმალურად ეფექტურად შეძლონ. თუმცა ტექნოლოგიების განვითარებასთან ერთად სულ უფრო მეტად ვხვდებით “წყლის შესასხურებელ” დრონებსაც.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 21 22 23 24 25 … 89
Page 23 of 89