close

ტექნოლოგიები

ბიზნესიტექნოლოგიები

,,Apple-ის” ყველაზე ძლიერი კომპიუტერი 5000$ ეღირება

3.08K views on

კომპანია ,,ეპლი” ყოველთვის ეძებს ინოვაციებს და ცდილობს მომხმარებელს წარუდგინოს ახალი, გაუმჯობესებული პროდუქტი, რაც, ძირითადად, განაპირობებს მის წარმატებას.

მაღალი ფასების მიუხედავად, მომხმარებლები უკან არ იხევენ და ყიდულობენ მათ პროდუქციას. რამდენიმე დღის წინ ,,ეპლმა” გამოაცხადა, რომ ისინი 2017 წლის ბოლომდე ახალ პროდუქტს ჩაუშვებენ გაყიდვაში iMac Pro იქნება ,,ეპლის” ისტორიაში ყველაზე ძლიერი მონაცემების მქონე კომპიუტერი, რა თქმა უნდა, საწყისი ფასიც შესაბამისად დიდი ექნება (4999$). მას ექნება 128-გეგაბაიტიანი რამი, 4TB მახსოვრობა და 18-core Intel Xeon პროცესორი.

წყარო: Businessinsider.com

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიმსოფლიოტექნოლოგიები

ევროპა GPS-ის კონკურენტ სისტემას ქმნის

1.52K views on

ევროპამ გალილეოს კიდევ ხუთი თანამგზავრი გაუშვა, რითაც მათი რიცხვი 22-მდე გაიზარდა. ეს არის საკუთარი ნავიგაციის შექმნისკენ გადადგმული უდიდესი ნაბიჯი, რითაც ევროპა აშშ-ის გლობალურ პოზიციონირების სიტემაზე (GPS) დამოკიდებული აღარ იქნება.

ევროპული კოსმოსური სააგენტოს (ESA) თანახმად, თანამგზავრები საფრანგეთის მდებარე კოსმოდრომიდან  რაკეტა Ariane 5-დან გაუშვეს და ისინი დედამიწის მაღლა დაახლოებით 24,000 კმ-ზე ორბიტაზე იმოძრავებენ.

გალილეოს სისტემაში საბოლოოდ 30 თანამგზავრი უნდა იყოს, რომელიც დაახლოებით 700 კგ-ს იწონის, აღჭურვილია ანტენითა და სენსორებისგან და იკვებება ორი 5-კვადრატულმეტრიანი მზის ფრთებით.

მას შემდეგ, რაც ევროკავშირმა 17 წლის წინ გალილეოს პროგრამა დაიწყო, მას  რამდენიმე ნაკლი აქვს, მათ შორის შეფერხებები, დაფინანსების პრობლემებს, ორი თანამგზავრის არასწორ ორბიტაზე განლაგება და კითხვები, რეალურად ჭირდება თუ არა ევროპას GPS-ს კონკურენტი.

ევროკავშირი მიზნად ისახავს გალილეო გამოიყენოს სატელიტური სანავიგაციო მომსახურების გლობალურ ბაზარზე, რომლის ღირებულება 2022 წლისთვის 250 მილიარდი ევრო იქნება. ევროკავშირის 16 ტრილიონიანი ეკონომიკის 6-7 პროცენტი დამოკიდებულია გლობალური სანავიგაციო სატელიტური სიგნალის არსებობაზე.

ევროკავშირს აქვს შეერთებულ შტატებთან შეთანხმება, რომელიც GPS-ისა და გალილეის კომბინირებული გამოყენების საშუალებას იძლევა, რითაც უფრო ზუსტი პოზიციონირებაა შესაძლებელი, ვიდრე მხოლოდ ერთი სისტემით. გლობალური პოზიციონირების სიტემა (GPS) არის თანამგზავრული სანავიგაციო სისტემა, რომელიც მოიცავს 24 თანამგზავრისაგან შექმნილ ქსელს.

ჩიპმეიკერებმა, მათ შორის, STMicroelectronic-მა, Qualcomm-მ და Broadcom-მ განაცხადეს, რომ გალილეოს ჩიპები სმარტფონებისა და საავტომობილო სექტორისთვის მზადაა.

ეს კი იმას ნიშნავს, რომ როგორც კი 2018 წლის ივლისში გალილეოს კიდევ ოთხ თანამგზავრს გამოუშვებენ, ახალი სმარტფონების სიზუსტე, რომლებიც მონაცემებს ამერიკული და ევროპული თანამგზავრებიდან მიიღებენ, 30 სანტიმენტი იქნება, ნაცვლად ამჟამინდელი 5 მეტრისა.

აღსანიშნავია, რომ საკუთარი გლობალური პოზიციონირების სიტემა აქვთ რუსეთს და ჩინეთსაც (Glonass და Beidou).

მსგავსი სისტემის შექმნას ცდილობს ინდოეთიც. თუმცა, ამ მხრივ, ქვეყანამ აგვისტოში რეგრესი განიცადა, როცა მისი მერვე სანავიგაციო თანამგზავრი გაშვებიდან მოკლე ხანში აფეთქდა.

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ანალიტიკამსოფლიოპოლიტიკასამხედროფსიქოლოგია

Unicef-ი: ,,სირიელ დევნილ ბავშვებს უმძიმესი მენტალური პრობლემები აქვთ”

1.62K views on

ახლო აღმოსავლეთში განვითარებული მოვლენების შედეგად, სირიელი დევნილი ბავშები მძიმე მენტალურ პრობლემებს ებრძვიან. მიგრაციის პოლიტიკის ინსტიტუტმა ჩაატარა კვლევა, სადაც აღნიშნულია, რომ სირიელი დევნილი ბავშვების უმეტესობა მიდრეკილია სუიციდის, თვითდაზიანებისა და პოსტტრავმული სტრესული აშლილობისაკენ, რაც შესაბამისი ფსიქოლოგიური დახმარების გარეშე, შესაძლოა, მნიშვნელოვანი შემაფერხებელი ფაქტორი გახდეს ბავშვების განვითარებისათვის.

კვლევის მიხედვით:

  • სირიელი დევნილი ბავშვების 79%-მა გამოსცადა ოჯახის წევრის ან ოჯახის ახლობლის სიკვდილი;
  • 60%-მა საკუთარი თვალით ნახა სხვა ადამიანის სიკვდილი ან წამება;
  • 25% -ს ყოველდღიურად აქვს კიდურების ტკივილი და 1-ს ყოველ 5 ბავშვში ყოველდღიური თავის ტკივილი.

ერთადერთი დახმარება, რომელსაც ისინი იღებენ, Unicef-ის ფსიქოლოგიური დახმარების სერვისია. ის, საერთო ჯამში, 697 000 ბავშვს და ზრდასრულს ეხმარება სხვადასხვა ფსიქოლოგიური პროგრამით. თუმცა, ორგანიზაციამ დამატებით იმ 812 000 ადამიანის იდენტიფიცირება მოახდინა, რომელთაც  დახმარება სჭირდებათ.

სირიელი ბავშვების 44% დეპრესიის ნიშნებს ავლენს, 45% კი იტანჯება პოსტტრავმული აშლილობით (10-ჯერ უფრო მაღალი მაჩვენებელი, ვიდრე დანარჩენ მსოფლიოში). 

ამ აშლილობის გამო, ბავშვებს გამუდმებით აქვთ ომის პერიოდში გამოვლილი სტრესის განმეორებითი შეტევები, ღამის კოშმარები და იზოლაციისაკენ მიდრეკილება, რაც გავლენას ახდენს მათ ძილის ხარისხზე. ბავშვებს აქვთ ხმაურისა და, მაგალითად, თვითმფრინავის დანახვის ფობია. გაზრდილია აგრესიულობისა და სასოწარკვეთის მაჩვენებელი.

როგორც კვლევაშია აღნიშნული, განსაკუთრებით რთულია იმ ბავშვის დახმარება, რომელმაც სექსუალური შევიწროვება გამოსცადა, რადგან მათ დაკარგული აქვთ სხვა ადამიანებისადმი ნდობა და ყველასა და ყველაფერს საფრთხედ მიიჩნევენ. ერთ-ერთი ფსიქოლოგი, რომელიც დევნილთა ბანაკში მუშაობს იორდანიაში, აღნიშნავს, რომ მსგავსი გამოცდილების გოგონები ცდილობენ იზოლირებას, უჭირთ ურთიერთობების დამყარება. ნდობის აღდგენა კი მოითხოვს უამრავ ფსიქოლოგიურ სესიასა და ძალისხმევას მცირე შედეგის მისაღწევად.

Unicef-ის ფსიქო-სოციალური პროგრამა მნიშვნელოვან დახმარებას უწევს სირიელ დევნილებს, თუმცა პროგრამის ბედი ჯერ კიდევ უცნობია. სხვა მრავალი კრიზისის ფონზე, დევნილი ბავშვების ფსიქოლოგიური დახმარება შესაძლოა ორგანიზაციის დღის წესრიგიდან ამოვარდეს. ორგანიზაციას არ აქვს საკმარისი დაფინანსება, ამიტომაც საჭირო გახდება არჩევნის გაკეთება სხვადასხვა სერვისს შორის.

Unicef-ის განცხადებით, 2018 წელს,  მათ დამატებით ესაჭიროებათ 90 მილიონ ფუნტზე მეტი,  რომ დააფინანსონ ფსიქოლოგიური და სოციალური პროგრამები სირიელი ბავშვებისთვის ეგვიპტეში, იორდანიაში, ერაყში, ლიბიასა და თურქეთში.

წყარო: huffingtonpost

მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიტექნოლოგიები

რამდენიმე მოსალოდნელი ტექნოლოგიური ტენდენცია 2018 წლისთვის

1.53K views on

2017 წელი, ტექნოლოგიების განვითარების თვალსაზრისით, ძალიან წარმატებული წელი გამოდგა, გაუჩერებლად იგონებდნენ ახალ–ახალ ინოვაციურ ტექნიკას – ხელოვნიური ინტელექტის რამდენიმე მაგალითი, ასევე, ნახევრად თვითმმართვადი ავტომობილები და კიდევ სხვა მრავალი რამ.

ვარაუდობენ, რომ 2018 წელი ბევრად უფრო წარმატებული იქნება ამ თვალსაზრისით და გაცილებით ხშირი იქნება ტექნოლოგიური გამოგონებები, enterpreneur.com–მა გამოაქვეყნა ჩამონათვალი, სადაც ნახსენებია რამდენიმე მოსალოდნელი ტექნოლოგიური ტენდენცია, რომელიც მნიშვნელოვანი იქნება 2018 წელს:

  1. ვირტუალური რეალობა
  2.  ჩეტბოტები
  3. ხელოვნური ინტელექტი (უფრო განვითარებული და ინოვაციური).

წყარო: Entrepreneur.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ასტრონომია - კოსმოსიგამოგონება - ინოვაციასაქართველო

ახალციხელი ახალგაზრდების იდეა, მარსზე ჟანგბადის წარმოქმნის შესახებ, კოსმოსური ჰაკათონის გამარჯვებულია

3.23K views on

1-3 დეკემბერს, არასამთავრობო ორგანიზაცია „დემოკრატიის ლაბორატორიის“ ორგანიზებით  გაიმართა პროექტის „კოსმოსური ჰაკათონის“ ფინალი. კონკურსში მონაწილეობა 18-დან 25 წლამდე ახალგაზრდებს შეეძლოთ მთელი ქვეყნის მასშტაბით, ხოლო რაც შეეხება ჰაკათონის მთავარ თემას, ეს გახლდათ  მარსის კოლონიზაცია და მონაწილე გუნდებს სწორედ ამ საკითხის შესახებ უნდა შეემუშავებიინათ იდეები. ფინალში გასული 14 საუკეთესო გუნდიდან, გამარჯვება ორ ახალციხელ ახალგაზრდის  – დავით ხუციშვილსა და სალომე თათოშვილის გუნდს სახელად – „ყველგან ყოველთვის“ ხვდა წილად, მეგობრებმა თავად გვიამბეს საკუთარი წარმატების შესახებ.

დავით ხუციშვილი და სალომე თათიშვილი 18 წლის ახალგაზრდები არიან,  დავითი სან დიეგოს სახელმწიფო უნივერსიტეტის  ქიმია/ბიოქიმიის ფაკულტეტის სტუდენტია, ხოლო სალომე ივანე ჯავახიშვილის სახელობის სახელმწიფო უნივერსიტეტში ეუფლება სამედიცინო განათლებას, შესაბამისად, აღნიშნავენ, რომ მათთვის სამეცნიერო მიღწევები მეტად მნიშვნელოვანი და კარგი გამოწვევაა, სწორედ ამიტომ გადაწყვიტეს მონაწილეობა მიეღოთ ჰაკათონში, რომელში მონაწილე 30 გუნდიდან გამარჯვება სწორედ მათ პროექტს – „ციანოცირკულაციას“  ხვდა წილად, პროექტმა უდიდესი მოწონება დაიმსახურა ჟიურის ერთ-ერთი წევრის, ყოფილი ასტრონავტი ქალის – ჰაიდი ფაიფერისგანაც.

„ციანოცირკულაციის“ გზით მეგობრებმა გადაწყვიტეს მარსზე ჟანგბადის წარმოქმნა, უპირველეს ყოვლისა, საჭირო მექანიზმის შესაქმნელად, მათ ულტრაიისფერი გამოსხივებისგან დამცავი მინა და მზის პანელები გამოიყენეს, რომელიც აგროვებს ენერგიას ბატარეაში, რომელიც გარდაიქმნება სინათლის ენერგიად, რაც ციანობაქტერიას საშუალებას აძლევს წარმოქმნას ჟანგბადი. „ციანობაქტერიებას სჭირდება ორგანული და არაორგანული ნივთიერებებით მდიდარი ნიადაგი, ამისათვის ჩვენ გამოვიყენებთ მარსის გრუნტოვან ნიადაგსა და დამატებით ფეკალიებს, რადგან ადამიანის ექსკრემენტები შეიცავენ წყალსა და მინერალებს, რაც სრულიად საკმარისია ციანობაქტერიების ცხოველქმედებისთვის“ – აღნიშნავს დავითი.

 გასათვალისწინებელია ის ფაქტიც, რომ ბიოლოგიურად ადამიანის ფეკალიები შეიცავს სხვადასხვა სახის ბაქტერიას, ისინი ციანობაქტერიებისთვის კონკურენტებს წარმოადგენენ, ამიტომ სანამ ექსკრემენტები ჰერმენტულ გარემოში გადმოინაცვლებენ, მეგობრებმა გადაწყვიტეს, წინაღობის სახით მათთვის დაეხვედრებინათ პირდაპირი ულტრაიისფერი სხივები და მარსის დაბალი ტემპერატურა, რის შედეგადაც მოხდება მშრალი მოყინვა,  სწორედ ამ პროცედურის შემდგეგ შეაღწევს გადამუშავებული ფეკალიები აღნიშნულ სისტემაში. „ჟანგბადის მიღების შემდეგ აუცილებელია მისი კონტროლი ჩვენს დახურულ სისტემაში, ამისათვის  შევქმენით საათი, რომლეშიც არის ჩაშენებული მექანიზმი, ის ზომავს სისხლში O2 ის რაოდენობას და მულტიფუნქციურია, მას აგრეთვე აქვს ტემპერატურის, ტენიანობის და პულსის საზომი სენსორები. ყოველივე ზემოთხსნებულიდან გამომდინარე, ჩვენ შეგვიძლია არა მარტო ჟანგბადის, სინათლის ენერგიისა და ნიადაგის წარმოქმნა, არამედ მათი კომპაქტური საათის მეშვეობით კონტროლიც.“

აღსანიშნავია ისიც, რომ მეგობრებისთვის ეს გამარჯვება პირველი არ არის, მათ პროექტის „შენი ხმა ჩვენი მომავალის“ პირველი ადგილიც დაიმსახურეს და ხუთდღიანი ვიზიტი ჰქონდათ რომში,  ამჯერად კი, „თი ბი სი ბანკის“ ხელშეწყობით, ისინი ნიდერლანდებში გაემგზავრებიან ევროპის კოსმოსური სააგენტოს მუზეუმის, „Space Expo-ს“ სანახავად და შეძლებენ რამდენიმე დაუვიწყარი დღის გატარებას.  სამომავლო გეგმებს რაც შეეხება, გუნდი კიდევ უფრო აქტიურად აპირებს არჩეული გზის გაგრძელებას და ახალგაზრდებში სამეცნიერო სფეროს პოპულარიზებას.

 

მასალა მოამზადა: თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ბიზნესიგამოგონება - ინოვაციასაქართველოტექნოლოგიები

Metric.ge – ახალი ინტერნეტპლატფორმა მარკეტინგის სპეციალისტებს ეფექტურად დაეხმარება

1.7K views on

Metric.ge პირველი ქართული ინტერნეტპლატფორმაა, რომელიც ციფრული ანალიტიკისა და მარკეტინგული ინსტრუმენტების ეფექტიან გამოყენებას უზრუნველყოფს. კომპანიის დამფუძნებელი ტატო ნორაკიძეა, მან კავკასიის ბიზნესის სკოლა დაამთავრა მარკეტინგის მიმართულებით, მოგვიანებით ციფრული მარკეტინგით გამორჩეულად დაინტერესდა და უკვე 9 წელია ამავე მიმართულებით მუშაობს. აღსანიშნავია, რომ იგი კითხულობს ლექციებს ციფრულ მარკეტინგზე. საკუთარი ბიზნესიდეაც – Metric.ge – ამავე სფეროში განახორციელა. 

„კომპანია ქართულ ბაზარზე 4-5 თვეა გამოჩნდა. თავდაპირველად, პლატფორმა პირადი გამოყენებისთვის შევქმენი, თუმცა, როდესაც მივხვდი, რომ „მეტრიკი“ ციფრული მარკეტინგის სპეციალისტებს ყოველდღიურ რუტინას გაუმარტივებდა, გადავწყვიტე, საზოგადოებისთვისაც შემეთავაზებინა. რეიტინგული სისტემის გარდა, პლატფორმა შესაძლებლობას იძლევა, აღვნუსხოთ სოციალური მედიის სტატისტიკა, დავგეგმოთ ეფექტური მედია აქტივობა, დინამიურად ვმართოთ ბანერული რეკლამა და ა.შ.“ – აღნიშნავს კომპანიის დამფუძნებელი ტატო ნორაკიძე.

metric.ge არის დამხმარე ინსტრუმენტი, რომელიც ციფრული მარკეტინგის სპეციალისტებს ყველაფრის გამარტივებასა და ეფექტურად გაკეთებაში ეხმარება. პლატფორმა მომხმარებელს რამდენიმე მარკეტინგულ ინსტრუმენტს სთავაზობს.

Metric.ge აერთიანებს ბევრ სასარგებლო მარკეტინგულ ინსტრუმენტს, როგორებიცაა:

რეიტინგები: Metric.ge-ს საიტების ანალიტიკა ქმნის საერთაშორისო ანალიტიკური პლატფორმებიდან შეგროვებული ინფორმაციისა და ადგილობრივ ბაზარზე განხორციელებული სარეკლამო კომპანიების შედეგების გაანალიზებით მიღებული ინფორმაციის სინთეზს, რომელიც დაეხმარება ციფრული მარკეტინგის სფეროში მოღვაწე მენეჯერებს, რომ სწორად დაგეგმონ, განახორციელონ და შეაფასონ თავიანთი მარკეტინგული აქტივობები. გარდა ამისა, Metric.ge არის ერთადერთი ქართული პლატფორმა, რომელიც გვაძლევს საშუალებას, მოვიძიოთ ანალიტიკა კორპორატიული ვებგვერდების შესახებ.

სოციალური მედიის სტატისტიკა: ვინაიდან სოციალური მედია წამყვან როლს თამაშობს ბრენდების კომუნიკაციაში, მომხმარებლებს ვთავაზობთ ყველაზე პოპულარული გვერდების სტატისტიკას სფეროების მიხედვით.

მედია დაგეგმარება: ინსტრუმენტი, რომელიც საშუალებას აძლევს მარკეტინგის მენეჯერებს, შექმნან კონტენტ კალენდარი და მიმდინარე მარკეტინგული აქტივობების თაიმლაინი.

ბანერების გენერატორი: ბანერების გენერატორი ცვლის რეკლამის განმთავსებელ საიტებთან ურთიერთობის ფორმას, აღარ მოგვიწევს ბანერებისა და გადასასვლელი ლინკის ცალ-ცალკე გაგზავნა, შესაბამისად, აღარ შეიქმნება ის უხერხული მომენტი, როდესაც ვყიდულობდით გარკვეული რაოდენობის ჩვენებებს და რეალურად არ ვიცოდით, აქედან რამდენი სრულდებოდა. პროცესი შემდეგნაირია: ge-ს მომხმარებელი რამდენიმე ველის შევსების შემდეგ ქმნის ინდივიდუალურ ლინკს, რომელსაც უგზავნის განმთავსებელს და ხელსაწყო რეალურ დროში ზომავს ჩვენებებისა და გადმოსვლების რაოდენობას. ცვლილებების შეტანა მომხმარებელს საკუთარ კაბინეტშივე შეეძლება, განმთავსებელ საიტთან ზემდეტი კომუნიკაციის გარეშე.

ექსკლუზიური შეთავაზებები და ონლაინაუქციონი: პირველად საქართველოში, Metric.ge სთავაზობს მომხმარებლებს, ონლაინ აუქციონის საშუალებით, შეიძინონ სხვადასხვა ციფრული და გარე განთავსებები ექსკლუზიურ ფასებად, იქნება ეს ქართული ტოპგვერდების საბანერო განთავსებები, გარე ბილბორდები თუ მონიტორები.

იდეების ჰაბი: სივრცე, სადაც საკუთარი იდეა შეგიძლია გააცნო კონკრეტული სფეროთი დაინტერესებულ ადამიანებს და რეალური დაინტერესებისა და დაფინანსების შემთხვევაში – განახორციელო პროექტი.

სამომავლოდ, კომპანიის წარმომადგენლები პლატფორმის საზღვრებს გარეთ გატანას გეგმავენ. ამ ეტაპზე კი  – მუშაობენ ელექტრონული აუქციონის მოდულზე, რომელიც დაახლოებით 1-2 თვეში გააქტიურდება. კერძოდ, ელექტრონული აუქციონის საშუალებას მისცემს მომხმარებელს, შედარებით ხელმისაწვდომ ფასად შეიძინოს ონლაინ-თუ გარეგანთავსების ადგილები.

მასალა მოამზადა:  ნინი მშვენიერიძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ეს საინტერესოატექნოლოგიები

,,Facebook-ი” მომხმარებლებს მისალმების ხუთ ახალ ვერსიას სთავაზობს

1.45K views on

კარგად ცნობილ „poke-ს” (ჯიკებას) კიდევ ოთხი ნიშანი დაემატა: ხუთი გაშლილი თითი, შემოხვევა, თვალის ჩაკვრა, ხელის ქნევა. თითოეული მომხმარებლის მეგობრის პროფილთან განსხვავებულად ურთიერთქმედებს. მაგალითად, ჩახუტების გამომხატველი პროფილის ფოტოზეა შემოხვეული.

სიმბოლოების მოძებნა და არჩევა ღილაკ ,,Hello-ზე” დაჭერითაა შესაძლებელი, რომელიც ,,Facebook-მა” ივნისში დაამატა და რომელიც პროფილის თავშია განთავსებული. ამ ღილაკის არასათანადო მდებარეობის გამო, ბევრი მომხმარებელი აცხადებს პრეტენზიას, სხვა მახასიათებლთან ახლომდებარეობის გამო ადამინებს ის ხშირად შეცდომით ეგზავნებათ და უხერხულ მდგომარეობაში ცვივდებიან.

მისალმების ახალ ნიშებს „undo“ ღილაკი აქვთ და მისი წაშლა შესაძლებელია.

ახალი ნიშნები „poke-ის” ათი წლის იუბილესთან დაკავშირებით შეიქმნა და მათი გამოცდა,  ჯერჯერობით, მხოლოდ დიდ ბრიტანეთში, ტაილანდში, ავსტრალიაში, კანადაში კოლუმბიასა და საფრანგეთში მიმდინარეობს.

წყარო: Dailymail

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ეკოლოგიამსოფლიოტრანსპორტი

ჩინეთმა პირველი ელექტროსატვირთო გემი გამოუშვა

2.07K views on

ჩინეთმა მსოფლიოში პირველი ელექტროსატვირთო გემი შექმნა და ექსპლუატაციაში გაუშვა.

გამოცემა China Dail-ის ცნობით ცნობით, 2,000 მეტრული ტონა გემის მშენებლობა ჩინეთის ქალაქ გვანჯოუში ნოემბერში დაიწყო.

კომპანია ,,Guangzhou Shipyard International-ის” მიერ აგებულ გემს, დამუხტვის შემდეგ, ორი საათის განმავლობაში 80 კმ მანძილის გავლა შეუძლია.

ნულოვანი ემისიის გემის სიგრძე 70.5 მეტრია, ბატარეის მოცულობა 2,400 კვ/საათი, სიჩქარე – 12.8 კმ/სთ-ში.

,,გემი სისწრაფით არ გამოირჩევა, მაგრამ, იმის გამო, რომ ის მთლიანად ელექტროა, გარემოს საფრთხეს არ უქმნის,” – აცხადებენ მწარმოებელი კომპანიის წარმომადგენლები. მათივე ინფორმაციით, ტექნოლოგიას მალე სამგზავრო გემებშიც გამოიყენებენ.

,,რამდენად ირონიულადაც უნდა აღიქმებოდეს, პირველი ელექტრონული სატვირთო გემი ქვანახშირის გადასატანად გამოიყენეს,” – განაცხადა Guangzhou Shipyard International-ის გენერალურმა მენეჯერმა ჩენ ჯიმ.

,,იმედია, ელექტრო სატვირთო გემი დიდხანს არ ატარებს ქვანახშირს და ჩინეთი მას უკეთესი მიზნისთვის გამოიყენებს, მაგალითად, როგორიცაა ქარის ტურბინის მშენებლობისთვის განკუთვნილი ნაწილების ან ლითიუმ-იონის ბატარეების გადატანა,” – დასძინა მან.

წყარო: http://www.sciencealert.com/

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ეს საინტერესოასაქართველოტექნოლოგიები

ვირტუალური რეალობა საქართველოში

1.97K views on

ვირტუალური რეალობის გასართობი თამაშები მთელ მსოფლიოშია ცნობილი, ადამიანები სხვადასხვა ქვეყანაში იყენებენ ოკულუსს, რომელიც მათ თავს აგრძნობინებს არარეალურ, წარმოსახვით სამყაროში, ბოლო დროის ყველაზე გავრცელებული გასართობი საშუალებაა.

პალმერ ლაკი არის ადამიანი, რომელმაც გამოიგონა ოკულუსი, ჩამოაყალიბა კომპანია OCULUS VR 23 წლის ასაკში, მისი თქმით შთაგონების წყარო სიზმრები და ვიდეოთამაშები იყო, მან პირველი პროტოტიპი 16 წლის ასაკში შექმნა და 91 მილიონი დოლარიც იშოვა.

შეიძლება ბევრმა იცის ამის შესახებ, მაგრამ საქართველოშიც არის ადგილი ,,თბილისი მოლში” – ,,VR HOUSE-ი”, სადაც მომხმარებელს სთავაზობენ ანალოგიურ, საკმაოდ კარგი ხარისხის მომსახურეობას, ვისაც მოსწონს მსგავსი გასართობი აქტივობები, აუცილებლად უნდა გამოსცადოს.

წყარო: Theverge.com

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციაკვლევებიმსოფლიორობოტექნიკარობოტექნიკატექნოლოგიები

,,MantaDroid-ი“ – ახალი წყალქვეშა რობოტი მეცნიერებისგან

1.68K views on

სინგაპურში მკვლევარებმა ააგეს წყალქვეშა რობოტი, რომელიც მანტა რეის ჰგავს – ერთფაზიანი ძრავისა და მოქნილი ფარფლების  მეშვეობით წყალზე ბიოლოგიური ბიძაშვილის მსგავსად მოქმედებს.

სინგაპურის ეროვნული უნივერსიტეტის მკვლევარი – ჩიუ ჩი მენგი მიიჩნევს, ეს პირველი შემთხვევაა, როცა თითოეული ფარფლი ერთ ძრავას იყენებს და რობოტი სითხისა და ფარფლის ურთიერთქმედებას ეფუძნება.

ბუნების ერთ-ერთი ყველაზე ეფექტური და მოხდენილი მოცურავეები – მანტა რეები დიდი ხნის მანძილზე მეცნიერებს განსაკუთრებული პროპულსიური მეთოდით ანცვიფრებდნენ, რისი საშუალებითაც ისინი ტურბულენტური ზღვების გადაცურვასაც კი ახერხებენ.

,,ე.წ. ბიოლოკომონია ნას 30 წლის განმავლობაში სწავლობდა,” – აცხადებს მექანიკური ინჟინერიისა და მექანიკის ასისტენტ პროფესორი კეიტ მორისი.

ჩიუს MantaDroid-ი არის ბრტყელი შავი PVC (პოლივინილის ქლორიდის) სხეული, სხივების მსგავსი ფარფლებითა და ორი უკანა საჭით. ის წყალზე ბუნებრივი პარტნიორის მსგავსად მოძრაობს.

ჩიუს განმარტებით, ფარფლის პასიური მოქნილობა საშუალებას აძლევს MantaDroid-ს, რომ წყალთან ბუნებრივად იმოქმედოს და წამში შვიდი მეათედი მეტრი სიჩქარე განავითაროს. 

სინგაპურელ მეცნიერთა გუნდმა ორი წლის მანძილზე 40 განსხვავებული დიზაინის ფარფლი შექმნა, სანამ მოქნილი პოლივინილის ქლორიდის (რომელიც ასევე პოლი ვინილის, ან უბრალოდ ვინილის სახელითაა ცნობილი) ფირფიტას გამოიყენებდა.

MantaDroid -ს დაახლოებით 10 საათის განმავლობაში შეუძლია ცურვა.

მეცნიერები აცხადებენ, რომ მომავალში ორიგინალურზე ორჯერ უფრო დიდი ზომის მანტა რეის შექმნას აპირებენ.

ისინი მიიჩნევენ, რომ ასეთი რობოტები სასარგებლო იქნება საზღვაო ბიომრავალფეროვნების შესასწავლად, ჰიდროგრაფიული მონაცემების შეგროვებისა და წყალქვეშა საძიებო სამუშაოებისთვის.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

 

 

 

სრულად ნახვა
1 … 57 58 59 60 61 … 88
Page 59 of 88