close

ტექნოლოგიები

გამოგონება - ინოვაციარობოტექნიკატექნოლოგიები

მეცნიერებმა რობოტი-თევზი „ივი“ შექმნეს

შვედეთში, ინჟინერიის ფაკულტეტის სტუდენტებმა რობოტი თევზი „ივი“ შექმნეს, რომელიც ოკეანის შესწავლაში რევოლუციას მოახდენს, – ამის შესახებ ინფორმაციას CNN ავრცელებს.

„ივის“ სილიკონის კუდი აქვს, რომელიც ზუსტად თევზის კუდის მსგავს მოძრაობებს იმეორებს. ის რობოტის წინა ნაწილში ჩამონტაჟებული მექანიზმებით იმართება. გარდა ამისა მასში ინტეგრირებულია კამერა, რომელსაც წყლის ქვეშ გადაღების ფუნქცია აქვს.

სტუდენტები თევზის ფორმის რობოტის შექმნაზე უკვე ორი წელია მუშაობენ. ახლახან კი მათ ციურიხის წყლებში რობოტის პროტოტიპი პირველად დატესტეს.

რობოტი-თევზის ერთ-ერთი შემქმნელის, მაგისტრატურის სტუდენტის დენის ბაუმანის თქმით, რობოტი ოკეანის შესწავლის პროცესს უფრო მარტივსა და სწრაფს გახდის.

„თევზის ფორმის რობოტის შექმნა საშუალებას გვაძლევს, ეკოსისტემას მინიმალური ცვლილებებით შევერწყათ და ისე შევისწავლოთ ის“, – განაცხადა ბაუმანმა.

ანალიტიკოსთა და მეცნიერთა დარბაზი – ,,დოქტრინა”

სრულად ნახვა
გამოგონება - ინოვაცია

შექმნეს სპეციალური ქუდი, რომლითაც ვიდეოთამაშის გონებით გაკონტროლებაა შესაძლებელი

ქალაქ ოსტინში მდებარე ტეხასის უნივერსიტეტში მომუშავე მეცნიერებმა შექმნეს ნეიროკომპიუტერული ინტერფეისი, რომელიც თავზე მაგრდება და ვიდეოთამაშის გონებით გაკონტროლების შესაძლებლობას იძლევა.

მეცნიერებს სურდათ, მოძრაობის პრობლემების მქონე ადამიანებისთვის სიცოცხლის ხარისხის გასაუმჯობესებლად ტვინისა და კომპიუტერის ერთმანეთთან დამაკავშირებელი მოწყობილობა შეექმნათ. მასში მანქანური დასწავლის ფუნქციების ინტეგრირებით სპეციალისტებმა უნივერსალური ინტერფეისი მიიღეს, რომელიც ადაპტაციური ტექნოლოგიის წყალობით სხვადასხვა ინდივიდმა შეიძლება გამოიყენოს. ეს ნიშნავს, რომ სისტემა კალიბრაციის გარეშე იწვრთნება.

იქიდან გამომდინარე, რომ ყველა ადამიანის ტვინი უნიკალურია, ტიპურ BCI-ს ხანგრძლივი კალიბრაცია სჭირდება, რაც ასეთი მოწყობილობების ფართოდ გამოყენებას ბარიერს უქმნის. ახალი ინტერფეისი ამ მხრივ გამორჩეულია, რადგან მისით სარგებლობა რამდენიმე პაციენტს შეუძლია. ამისთვის სისტემის თითოეულ მათგანზე მორგება საჭირო არაა.

ეს BCI ერთგვარი ქუდის სახითაა წარმოდგენილი, რომელზეც ელექტროდებია დამონტაჟებული. ისინი ტვინში წარმოქმნილ სიგნალებს აფიქსირებს და კომპიუტერში გზავნის. ამ მონაცემებს შემდეგ დეკოდერი შიფრავს და ვიდეოთამაშში კონკრეტულ ქმედებად გარდაქმნის.

როგორც ავტორები ამბობენ, BCI პაციენტების ტვინის ნეიროპლასტიკურობას აუმჯობესებს. ესაა პროცესი, რა დროსაც ნეირონული ქსელები ზრდის პარალელურად იცვლება. შესაბამისად, მსგავსი კვლევები ადამიანის ტვინის უკეთ ფუნქციონირებასაც უწყობს ხელს.

ახალი ინტერფეისით კვლევაში მონაწილე ადამიანებმა ორი რამ გააკეთეს: კომპიუტერში მანქანების რბოლა ითამაშეს და ეკრანზე ნაჩვენები ციფრული ძელი მარჯვნიდან და მარცხნიდან დააბალანსეს. ეს მათ სწორედ დეკოდერის მიერ ტვინის სიგნალების ბრძანებებად გარდაქმნის გზით მოახერხეს.

ექსპერიმენტში სულ 18-მა ინდივიდმა მიიღო მონაწილეობა, რომლებიც პარალიზებულები არ იყვნენ. მომდევნო ეტაპზე ამ ინტერფეისს უკვე თავად პაციენტებზე გამოცდიან. აღსანიშნავია, რომ მეცნიერთა ეს გუნდი ინვალიდის ეტლის შექმნასაც ცდილობს, რომელიც ინტერფეისით გაკონტროლდება. ასევე, სურთ, აღნიშნული ტექნოლოგია კიდურების სარეაბილიტაციო რობოტების სამართავადაც გამოიყენონ.

ანალიტიკოსთა და მეცნიერთა დარბაზი “დოქტრინა”

სრულად ნახვა
გამოგონება - ინოვაცია

მეცნიერებმა, ბრინჯის მარცვლებში საქონლის ხორცის წარმოქმნით, ახალი ჰიბრიდული საკვები გამოიგონეს

მსოფლიო მოსახლეობის ზრდის ფონზე, იზრდება ზეწოლა გარემოზე. შექმნილ გამოწვევებს შორის არის საკვების წარმოება. პრობლემებია მიწისა და წყლის რესურსებთან დაკავშირებითაც, რომელიც საჭიროა მეცხოველეობისთვის.
ლაბორატორიაში წარმოებული ხორცი, შესაძლოა, ამ ზეწოლის შემსუბუქების ერთ-ერთი საშუალება გახდეს და კორეელმა მეცნიერებმა ცოტა ხნის წინ მისი დამზადების ინოვაციური გზა აღმოაჩინეს. მათ გამოიგონეს ახალი ჰიბრიდული საკვები, რომელიც შედგება მსხვილფეხა რქოსანი პირუტყვის ცხიმის უჯრედებისა და ბრინჯის მარცვლებში გაზრდილი კუნთებისგან.
ბრინჯი შეიცავს დაახლოებით 80 პროცენტ სახამებელს, დანარჩენი 20 პროცენტი არის ცილა და სხვა საკვები ნივთიერებები. ეს არის შესანიშნავი საკვები ელემენტი, მაგრამ მკვლევარები ფიქრობდნენ, რომ შეიძლება არსებობდეს გზა, რათა მან ცოტა უფრო ძლიერად იმოქმედოს.
ბიოლოგიურ სისტემებში უჯრედებს ესაჭიროებათ ერთგვარი ხარაჩო, რომელიც აყალიბებს ქსოვილს მისი ზრდისას. ლაბორატორიულ პირობებში მეცნიერები ხშირად იყენებენ ხელოვნურ მატრიქსს სხვადასხვა ქსოვილებისა და ორგანოებისთვის. იონსეის უნივერსიტეტის ბიომოლეკულური ინჟინერი, სოჰეონ პარკი, რომლის ხელმძღვანელობითაც ჯგუფმა კვლევა ჩაატარა, და მისი კოლეგები ფიქრობდნენ, რომ ბრინჯი იმდენად ფოროვანი იყო, შეეძლო ხარაჩოს ფუნქციის შესრულება, რომელზედაც ლაბორატორიაში შექმნილი ცხოველური უჯრედები ქსოვილში აშენდებოდა.
პირველ რიგში, მათ დაფარეს ბრინჯის მარცვლები საკვები თევზის ჟელატინით და საკვები ფერმენტებით, რათა დახმარებოდნენ უჯრედებს დასაყრდენის პოვნაში და მაქსიმალურად გაეზარდათ უჯრედული მასალის რაოდენობა, რომელიც ეკვრის და იზრდება ბრინჯზე. შემდეგ მათ დათესეს ბრინჯის მარცვლები ძროხის კუნთებთან და ცხიმოვანი ღეროვან უჯრედებთან ერთად და გააჩერეს პეტრის თეფშში 9-დან 11 დღემდე.
კულტივირების პერიოდის ბოლოს მკვლევარებმა ბრინჯი დატესტეს მისი სტრუქტურისა და კვების შემცველობის შესასწავლად. მათ აღმოაჩინეს, რომ ძროხის ხორც-ბრინჯის ჰიბრიდი უფრო მტკიცე და მყიფე იყო, ვიდრე ჩვეულებრივი ბრინჯი.
უფრო მნიშვნელოვანი ის იყო, თუ როგორ შეიცვალა ბრინჯის საკვები პროფილი. ჰიბრიდულ ბრინჯს ჰქონდა მნიშვნელოვნად მაღალი ცილის და ცხიმის შემცველობა – 8 პროცენტით მეტი ცილა და 7 პროცენტით მეტი ცხიმი – ვიდრე დაუმუშავებელ ბრინჯს. ეს შეიძლება ბევრი არ ჩანდეს, მაგრამ გაუმჯობესებით ის შეიძლება კიდევ უფრო გაიზარდოს. ამ მოცემულობით, ხორციანი ბრინჯის წარმოება უფრო ნაკლებად ძვირი დაჯდება, ვიდრე ძროხის ხორცის თითო გრამი ცილის, როგორც ემისიის, ასევე ფინანსური თვალსაზრისით.
კერძოდ, ჯგუფის გამოთვლით, ჰიბრიდული ბრინჯის წარმოება, წარმოქმნის 6,27 კილოგრამ ნახშირორჟანგს 100 გრამ ცილაზე. ძროხის ხორცი გამოყოფს 49,89 კილოგრამ ნახშირორჟანგს 100 გრამ ცილაზე. ხოლო ჰიბრიდული ბრინჯის ღირებულება მომხმარებლისთვის იქნება ძროხის ხორცის ფასის დაახლოებით 15 პროცენტი კილოგრამზე.
ასევე, შესაძლოა, საინტერესო იყოს ბრინჯის გემოს პროფილის ცვლილებები. ჯგუფმა დაადგინა, რომ ძროხის კუნთმა და ცხიმმა ბრინჯს სხვადასხვა არომატული ნაერთები დაამატა, რაც მზარეულებისთვის ექსპერიმენტების ჩასატარებლად სახალისო იქნება.
ახლა რჩება წარმოების პროცესის დახვეწა, რათა შემცირდეს ჰიბრიდული ბრინჯის დამზადების დრო.
„არ ველოდი, რომ უჯრედები ასე კარგად გაიზრდებოდა ბრინჯში. ახლა მე ვხედავ ამ მარცვლეულზე დაფუძნებული ჰიბრიდული საკვების სამყაროს შესაძლებლობებს. ის ერთ დღეს შეიძლება გახდეს შიმშილთან, სამხედრო რაციონთან ან თუნდაც კოსმოსურ საკვებთან დაკავშირებული პრობლემების შემსუბუქების საშუალება“, – აცხადებს სოჰეონ პარკი.
კვლევა სამეცნიერო ჟურნალ Matter-ში გამოქვეყნდა.

წყარო : sciencealert.com

ანალიტიკოსთა და მეცნიერთა დარბაზი “დოქტრინა”

სრულად ნახვა
კომუნიკაციატექნოლოგიები

მოისმინეთ, როგორ ჟღერდა უძველესი ენები — ისინი ხელოვნურმა ინტელექტმა გააცოცხლა

ოდესმე დაინტერესებულხართ, როგორ ჟღერდა ენები, რომლებზეც უძველეს დროში საუბრობდნენ? ხელოვნური ინტელექტის (AI) წყალობით უკვე შეგიძლიათ ამის გაგება.

Equator AI-მ, ერთ-ერთმა YouTube არხმა, ამისათვის ვიდეოები შექმნა. არხის მიზანია, “კაცობრიობის წარსული შემოინახოს, გააცოცხლოს და ჩვენი დროის ხალხისათვის უფრო ახლობელი და გასაგები გახადოს”. ვიდეოებში ძველი ინგლისური, აქადური, შუმერული, ძველი ჩინური, სანსკრიტი, არამეული და სხვა უძველესი ენებია გაცოცხლებული.

მაშ ასე, შეგიძლიათ მოუსმინოთ:

შენიშნავდით, რომ ძველი ინგლისური თანამედროვისგან ძალიან განსხვავდება. ეს ნაწილობრივ დიდი ხმოვან ცვლის დამსახურებაა — მე-15-იდან მე-18 საუკუნემდე ინგლისურად მოსაუბრეებმა გრძელი ხმოვნების სხვადასხვანაირად წარმოთქმა დაიწყეს. შესაბამისად, ძველი და საშუალო ინგლისური თანამედროვე ინგლისურზე მოსაუბრეთათვის საკმაოდ უცხოდ ჟღერს.

ამას გარდა, განსხვავებას ისიც განაპირობებს, რომ ძველ ინგლისურში, გერმანიკულ ენაში, სტრუქტურული და გრამატიკული ცვლილებებიც შევიდა. შესაბამისად, მე-12 საუკუნეში ნალაპარაკები ინგლისურის გაგება ზუსტად ისევე გაგიჭირდებოდათ, როგორც ძველი ქართულის.

 

ანალიტიკოსთა და მეცნიერთა დარბაზი ,,დოქტრინა”

სრულად ნახვა
ტექნოლოგიები

მეცნიერებმა ბიორობოტული გული შექმნეს და ის მუშაობს

ნამდვილი გულის ქსოვილისა და რბილი რობოტული ტექნოლოგიის შერწყმით, მეცნიერებმა ბიორობოტული გული შექმნეს, რომელიც ცოცხალი ორგანოს მსგავსად მუშაობს. მსგავსი მოდელის შექმნა აქამდე შეუძლებელი იყო და მეცნიერების თქმით, ამას ბევრი რამის შეცვლა შეუძლია.

ბიორობოტული გულის ადამიანზე გამოყენებამდე ჯერ კიდევ კვლევებია საჭირო. ტექნოლოგიას სიმულატორებსა და ცხოველების მოდელებზე გამოცდიან.

ამჟამინდელი სიმულატორების ვარგისიანობის ვადა მცირეა, შესაბამისად, მათი გამოცდა მხოლოდ რამდენიმე საათის გამავლობაშია შესაძლებელი. ცხოველებზე ცდები ძვირი, შრომატევადი და მორალური კუთხით საკამათოა.

სწორედ აქედან გაჩნდა იდეა ცხოველების გამოყენების აუცილებლობის შემცირების. და აი დღეს, ჩვენ სულ უფრო მეტი ორგანო გვაქვს, რომელსაც ლაბორატორიაში ზრდიან, ასევე გახშირდა კომპიუტერული მოდელები.

“ახალ სიმულატორს დიდი სარგებლის მოტანა შეუძლია მათთვის, ვინც გულის სარქვლის სხვადასხვა მდგომარეობასა და ინტერვენციებს სწავლობს. ეს შეიძლება იყოს ქირურგიული ტრენინგის პლატფორმა კლინიკოსებისთვის, სამედიცინო სტუდენტებისთვისა და სტაჟიორებისთვის”, — თქვა კვლევის უფროსმა ავტორმა და ბიოსამედიცინო ინჟინერმა ელენ როშმა.

გუნდი ფოკუსირებული იყო დაავადებაზე, რომელსაც მიტრალური რეგურგიტაცია ეწოდება. ეს გავლენას ახდენს დაახლოებით 24,2 მილიონ ადამიანზე. ამ დარღვევის დროს, მიტრალური სარქველი მარცხენა წინაგულსა და გულის პარკუჭს შორის არ იხურება სწორად, რაც ნიშნავს, რომ სისხლი შეიძლება არასწორი გზით მიედინება.

პაციენტებისთვის ამან შეიძლება გამოიწვიოს მრავალი სიმპტომი, ქოშინით დაწყებული კიდურების შეშუპებით გაგრძელებული და გულის უკმარისობაც კი. პრობლემის გამოსასწორებლად ქირურიგიული ჩარევა შესაძლებელია, მაგრამ სარქვლის უაღრესად რთული სტრუქტურის გამო ოპერაცია რთულია.

ჯანმრთელი და დაავადებული მიტრალური სარქვლის შესწავლის ახალი ხერხის შესაქმნელად, მკვლევრებმა ღორის გული გამოიყენეს. გულიდან სქელი კუნთი ამოიღეს, რომელიც აკრავს მარცხენა პარკუჭს და ჩაანაცვლეს ის რობოტული სილიკონის ტუმბოთი. გაბერვისას ტუმბო იკუმშება და ამუშავებს გულს, როგორც ამას ნამდვილი კუნთი აკეთებს, სისხლის ამოტუმბვის ძალით.

 

ანალიტიკოსთა და მეცნიერთა დარბაზი “დოქტრინა”

სრულად ნახვა
ტექნოლოგიები

ჩინურმა კომპანიამ წარადგინა სმარტფონის ბატარეა, რომელიც 50 წელი ძლებს

ჩინური კომპანიის Betavolt-ის წარმომადგენლები აცხადებენ, რომ სმარტფონის ბირთვული ბატარეის პროტოტიპი შექმნეს, რომელიც ნახევარი საუკუნის განმავლობაში იმუშავებს. ამის შესახებ The Independent-ი წერს.

გამოცემის ინფორმაციით, აკუმულატორის ზომა 15/15/5 მილიმეტრია. ის ბირთვულ იზოტოპებს შეიცავს, რომლებიც ელექტროენერგიას გამოიმუშავებენ. ბატარეა აბსოლუტურად უსაფრთხოა, რადგან მასზე ვერც ჰაერის ტემპერატურა და ვერც სხვა ბუნებრივი ფაქტორები იმოქმედებს.

Betavolt-ში ასევე განმარტავენ, რომ მოწყობილობის უტილიზაციაც არ წარმოადგენს პრობლემას, რადგან ექსპლუატაციის ვადის ამოწურვამდე ყველა რადიოაქტიური ელემენტი დაიშლება.

ანალიტიკოსთა და მეცნიერთა დარბაზი “დოქტრინა”

სრულად ნახვა
ბიოლოგიატექნოლოგიები

გენური თერაპიის მეშვეობით ბავშვს სმენა აღუდგინეს

დიდ ბრიტანეთში მცხოვრები ოპალ სენდი, რომელიც უკვე წლინახევრისაა, იშვიათი გენეტიკური დარღვევის გამო სრულიად სმენადაქვეითებული დაიბადა. ამის მიუხედავად, მას ახლა სხვების საუბარი სპეციალური დამხმარე მოწყობილობის გარეშე ესმის.

ეს ინოვაციური გენური თერაპიის დამსახურებაა, რომელიც ორგანიზმის უჯრედებში არსებული მუტაციების გამოსასწორებლად ხელოვნურად შეცვლილ, უსაფრთხო, ვირუსს იყენებს. პატარა გოგონას შემთხვევაში, მიზანში სწორედ სმენის დაქვეითებაზე პასუხისმგებელი მუტირებული გენი ამოიღეს და ის იმავე გენის ფუნქციური ასლით ჩაანაცვლეს.

მსგავსი თერაპიები ბავშვებზე აქამდეც გამოუცდიათ, მაგრამ ასეთი მცირე ასაკისაში — არა. ოპალ სენდი ჯერ მხოლოდ 3 კვირის იყო, როცა მას სმენითი ნეიროპათიის დიაგნოზი დაუსვეს. ამ დროს ყურს ბგერები მიეწოდება, მაგრამ ეს ინფორმაცია ტვინამდე ვერ მიდის. ამას იწვევს მუტაცია OTOF-ის სახელით ცნობილ გენში, რომელიც ცილა ოტოფერლინის გამოყოფას უზრუნველყოს. ეს უკანასკნელი შიდა ყურისა და ნეირონების კავშირს უწყობს ხელს.

ფოტო: Cambridge University Hospitals NHS Trust

ბავშვი გენური თერაპიის გლობალურ კლინიკურ ცდაში 11 თვის ასაკში ჩაერთო და ამ მხრივ ყველაზე ახალგაზრდა პაციენტი იყო. მას მარჯვენა ყურში სპეციალური ინიექცია გაუკეთდა, რომლის მეშვეობითაც ორგანოს უჯრედებში ვირუსმა OTOF-ის ასლი შეიტანა. ამის შემდეგ ვირუსს თავად ორგანიზმი დევნის.

ექიმებმა მის მარცხენა ყურში ე.წ. კოხლეარული იმპლანტიც ჩაუდგეს, რომელიც ტვინის სიგნალების გააქტიურებით გარკვეული ბგერების გაგონებას ხდის შესაძლებელს. თერაპია იმდენად წარმატებული აღმოჩნდა, რომ სულ რაღაც 4 კვირაში ოპალს უკვე მაშინაც ესმოდა, როცა ეს მოწყობილობა გამორთული იყო. ახლა გოგონა მას საერთოდ აღარ იყენებს, მშობლების საუბარს იგებს და თავადაც მარტივ სიტყვებს გამოთქვამს.

ზემოხსენებული კვლევა, დიდი ბრიტანეთის გარდა, აშშ-სა და ესპანეთშიც ტარდება. პირველ ეტაპზე ინიექციის მცირე დოზას მხოლოდ ერთ ყურში უშვებენ. მომდევნო ეტაპზე დოზის გაზრდა და, ბოლოს, ორივე ყურში შეშვება იგეგმება. პაციენტებს 5 წელი დააკვირდებიან.

 

ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ტექნოლოგიები

FDA-მ Neuralink-ს მეორე პაციენტის ტვინში ჩიპის ჩადგმის უფლება მისცა

აშშ-ის ჯანდაცვის მარეგულირებელმა ილონ მასკის კომპანიას მეორე პაციენტის ტვინში ჩიპის ჩადგმის უფლება მისცა. ეს მას შემდეგ, რაც კომპანიამ პირველ პაციენტთან დაკავშირებულ გართულებებს თავი კარგად გაართვა. ინფორმაციას ამაზე Wall Street Journal იტყობინება.

ამ თვის დასაწყისში Neuralink-ში განაცხადეს, რომ პირველი პაციენტის ტვინში ჩადგმული პაწაწინა მავთულები მდგომარეობიდან გამოვიდა. კომპანიამ ცხოველებზე ტესტირების შედეგად იცოდა, რომ ეს შეიძლება ასე მომხდარიყო.

ამჯერად კომპანია პრობლემის წინასწარ მოსაგვარებლად მოწყობილობის ზოგიერთი მავთულის ტვინში უფრო ღრმად ჩასმას აპირებს.

კომპანია მეორე პაციენტს იმპლანტს ივნისში ჩაუდგამს. მთლიანობაში, წელს იმპლანტის ჩადგმა ათ ადამიანში იგეგმება.

ამ მომენტისთვის იმპლანტების 1 000-ზე მეტი მსურველია დარეგისტრირებული. მოხსენების თანახმად, კომპანია განაცხადების წარდგენას კანადასა და ბრიტანეთშიც აპირებს.

შეგახსენებთ, რომ Neuralink-მა ტვინის უსადენო ჩიპი ადამიანის ორგანიზმში პირველად იანვარში ჩანერგა. მას შემდეგ ჩვენ ვნახეთ თუ როგორ თამაშობდა პირველი პაციენტი Mario Kart-სა და ჭადრაკს “ტელეპათიურად”.

“ძალიან ბედნიერი ვარ, რომ ამ ყველაფრის ნაწილი ვარ. ეს საოცარი შეგრძნებაა, სამყარო იცვლება და მე მისი ნაწილი ვიქნები”, — თქვა Neuralink-ის პირველმა პაციენტმა მაშინ.

ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ტექნოლოგიები

6G უსადენო ტექნოლოგია 500-ჯერ უფრო სწრაფია, ვიდრე საშუალო 5G სმარტფონი

ფიჭური ტექნოლოგიის მეხუთე თაობის კავშირი, იგივე 5G ჯერ მხოლოდ დაახლოებით ხუთი წელია, რაც ქსელების სტანდარტად იქცა, მაგრამ ჰორიზონტზე უკვე გამოჩნდა 6G და სპეციალისტებიც აქტიურად ეძებენ გზებს, რათა შემდეგი თაობის კავშირის უპირატესობები სრულად გამოვიყენოთ.

იაპონიაში ჩატარებულმა ტექნოლოგიის სადემონსტრაციო ჩვენებაზე, უსადენო პროტოტიპულ მოწყობილობაში მონაცემთა გადაცემის სიჩქარემ 100 Gbps-ს მიაღწია, რაც 5G-ის მაქსიმუმზე 10-ჯერ სწრაფია და 500-ჯერ უფრო სწრაფი, ვიდრე საშუალო 5G სმარტფონი.

საშუალო ხარისხის ორსაათიანი Netflix-ის ფილმის ზომა დაახლოებით 1.5 GB-ია; პრაქტიკული თვალსაზრისით, საუბარია იმაზე, რომ წამში ჩამოტვირთავთ 8-9 ასეთ ფილმს.

იაპონიის სატელეკომუნიკაციო კომპანია NTT-ის, იაპონური მობილური ოპერატორის, DOCOMO-სა და ელექტრონიკის კორპორაციების — NEC-ისა და Fujitsu-ს მიერ ჩატარებული ფართო კვლევებისა და განვითარების შედეგად, მოწყობილობა იყენებს მაღალი სიხშირის ზოლებს 100 GHz და 300 GHz დიაპაზონში, რაც მას გაცილებით მეტი მონაცემის მიღების შესაძლებლობას აძლევს, ვიდრე წინა თაობის სტანდარტები.

დიაპაზონის კუთხით სამუშაოები ჯერ ახლა მიმდინარეობს, მაგრამ ექსპერიმენტმა აჩვენა სტაბილური კავშირი 100 მეტრის მანძილზე. საკომუნიკაციო ტექნოლოგიებში წინსვლას სინამდვილეში სხვადასხვა ფორმის გადამცემები და მიმღებები სჭირდება და თანდათანობით, 6G ქსელის მშენებლობა სწორედ ასეთ ინოვაციებს ეყრდნობა.

რაც შეეხება აპარატურულ უზრუნველყოფას, უნდა აღინიშნოს, რომ ამ დემოსთვის საჭირო გახდა ბევრი უახლესი აღჭურვილობა. ტექნოლოგიის განვითარებასთან ერთად, ამ აღჭურვილობის ზომა და ფასი თანდათან დაბლა ჩამოდის.

ასევე მნიშვნელოვანია გვახსოვდეს, რომ 5G-ის 10 Gbps ტოპ-სიჩქარე ტექნიკური ზღვარია, სრულყოფილ გარემო პირობებში, ყველაზე მძლავრი და კარგად ოპტიმიზებული აპარატურის გამოყენებით. Opensignal-ის მონაცემებით, აშშ-ში, T-Mobile-ის ქსელში ჩართული სმარტფონების 5G-ის საშუალო სიჩქარე 186.3 Mbps-ია.

სხვა სიტყვებით რომ ვთქვათ, 6G მნიშვნელოვნად გაუმჯობესებულ სიჩქარეს გვპირდება, რაც ფრიად გამოსადეგი იქნება ძალიან ბევრ სფეროში.

როგორც 5G-ის შემთხვევაში იყო, ასევე იქნება წინსვლა გამტარუნარიანობის, ანუ ქსელის ტევადობის თვალსაზრისით: შესაძლებელი იქნება, რომ ერთდროულად მიერთებული იყოს უფრო მეტი მოწყობილობა. შეიძლება ნაცნობი სიტუაციაა, როცა სტადიონზე ან კონცერტზე თქვენი ტელეფონი მიღებას კარგავს. 6G ამ პრობლემას მოაგვარებს.

გარკვეულ სიტუაციებში, შეიძლება ვნახოთ, რომ 6G Wi-Fi-ს სრულიად ზედმეტ ტვირთად გადააქცევს — ტენდენცია, რომელიც 5G-ის დანერგვასთან ერთად დაიწყო. აღარ იქნება საჭირო ფიზიკური კაბელის შეყვანა სახლის ან ოფისის შესასვლელი კარიდან.

საკითხს უფრო ფართოდ რომ შევხედოთ, წარმოიდგინეთ, რომ უფრო მეტი მოწყობილობა იქნება ონლაინ უფრო მეტი სიჩქარით, უფრო მეტი კომპონენტითა და სენსორით აღჭურვილი. Nokia ვარაუდობს, რომ 6G კომერციულად ხელმისაწვდომი იქნება 2030 წელს.

მომზადებულია ScienceAlert-ის მიხედვით.

ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ასტრონომია - კოსმოსიტექნოლოგიები

NASA-მ „ვოიაჯერ 1“-თან კავშირი აღადგინა

NASA-ს ინფორმაციით, გასული წლის ნოემბრიდან პირველად, „ვოიაჯერ 1“-მა დედამიწაზე წაკითხვადი ინფორმაცია გამოაგზავნა. ამის შესახებ BBC წერს.

გამოცემის ინფორმაციით, ბოლო რამდენიმე თვის განმავლობაში კოსმოსური აპარატი პლანეტაზე მხოლოდ ნულებისა და ერთიანების უაზრო კომბინაციებს აგზავნიდა. სპეციალისტების თქმით, ამის მიზეზი კომპიუტერული წუნი იყო, თუმცა ინჟინრებმა პრობლემის მოგვარება შეძლეს.

ამ ეტაპზე აპარატი დედამიწაზე მხოლოდ თავისი ბორტული სისტემების შესახებ აგზავნის ინფორმაციას, თუმცა სპეციალისტები ვარაუდობენ, რომ მალე კვლავ მიიღებენ მეცნიერებისთვის საჭირო მონაცემებს.

„ვოიაჯერი 1“ ერთ-ერთია იმ ორი იდენტური ხომალდიდან, რომლებიც NASA-მ 46 წლის წინ გაუშვა. ეს, ადამიანის მიერ შექმნილი, დედამიწისგან ყველაზე შორს მდებარე ობიექტია. 2012 წლის აგვისტოს მან ჰელიოპაუზა (მზის სისტემის გარე საზღვარი) გადაკვეთა და ახლა ვარსკვლავთაშორის სივრცეს იკვლევს. ის საათში 61 200 კილომეტრის სიჩქარით გადაადგილდება. „ვოიაჯერ 1“-დან გადმოცემული სიგნალი დედამიწამდე 22,5 საათში მოდის.

ანალიტიკოსთა და მეცნიერთა დარბაზი “დოქტრინა”

სრულად ნახვა
1 4 5 6 7 8 89
Page 6 of 89