close

ტექნოლოგიები

ბიზნესიეკონომიკასაქართველოტრანსპორტი

რომი, ბარსელონა, პრაღა, პარიზი – ,,WizzAir-მა” ახალი იაფი ფრენები დაამატა

1.99K views on
სიახლე ავიაკომპანია WizzAir სგან –  4 ახალი მიმართულება ქუთაისის აეროპორტიდან ევროპაში, ესენია: პრაღა, რომი, ბარსელონა, პარიზი. ასევე ქუთაისის ბაზას ემატება ახალი თვითმფრინავი Airbus A320. ავიაკომპანიის ინფრომაციით, იზრდება ფრენის სიხშირეები ქუთაისის აეროპორტიდან.

ფრენები იწყება 2018 წლის მაისიდან და შემდეგი ფასები იქნება წარმოდგენილი: ქუთაისი-ბარსელონას (ელ პრატის აეროპორტი) მიმართულებით პირველი რეისი 18 მაისს განხორციელდება და ბილეთის ფასი 79 ლარი იქნება; ქუთაისი-რომის (ფლუმიჩინოს აეროპორტი)  მიმართულებით პირველი ფრენა 17 მაისს იქნება და ბილეთის შეძენა 111 ლარად არის შესაძლებელი. 

ასევე, 17 მაისს განხორციელდება ქუთაისი-პარიზისა (ბოვეს აეროპორტი) და ქუთაისი პრაღის პირველი პირდაპირი რეისი. რაც შეეხება ბილეთის ღირებულებას, ორივე მიმართულებით 17 მაისის ბილეთის შეძენა 111 ლარად არის შესაძლებელი. 

Wizz Air Hungary Ltd უნგრული დაბალბიუჯეტიანი ავიაკომპანიაა, სათაო ოფისი მდებარეობს ბუდაპეშტში Liszt Ferenc-ის საერთაშორისო აეროპორტში. ავიაკომპანია დაბალი ფასის მისაღწევად ძირითადად იყენებს სხვადასხვა ქალაქების პატარა აეროპოპორტებს, იგი დაფრინავს ევროპაში ისრაელში არაბეთის გაერთიანებულ საემიროებში და სხვა. ავიაკომპანიას გააჩნია ყველაზე დიდი ფლოტი უნგრულ ბაზარზე, თუმცა ის არ არის ნაციონალური ავიახაზები, ამჟამად ოპერირებს მსოფლიოს 35 ქვეყანაში. ავიაკომპანია შესულია ლონდონის საფონდო ბირჟაზე FTSE 250 Index-ი.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციასაქართველო

ქართული წარმოების Steampunkსათვალეები ახალგაზრდა სტარტაპერებისგან

2.08K views on

 სტიმპანკი სრულიად ახალი და უჩვეულო ტიპის მიმართულებაა დიზაინში, თუმცა საქართველოში ამ ტიპის პროდუქციის შეძენა უმეტესად მხოლოდ ინტერნეტის საშუალებითაა შესაძლებელი, სწორედ ამიტომ, ახალგაზრდა გოგონების დუეტმა გადაწყვიტა საკუთარი ხელით შეექმნა Gogglesსათვალეების ქართული ანალოგი და, რაც მთავარია, ხელმისაწვდომ ფასადაც შეეთავაზებინა მსურველისთვის. სტარტაპის შესახებ იდეის ერთ-ერთი ავტორი – ქეთა ანდღულაძე გაგვესაუბრა.

–ქეთა, უპირველეს ყოვლისა, საინტერესოა, ვის გაუჩნდა ორიგინალური სათვალეების შექმნის იდეა?

-სტარტაპის შექმნის იდეა ჩემი და ჩემი მეგობრის – ლიკა ბექაურის სხვადასხვა საიტიდან ნივთების გამოწერის მანიამ განაპირობა. ერთხელაც სწორედ ასე გამოვწერეთ „Goggles“ სათვალეები, რომლებიც იაფი ნამდვილად არ ღირდა და იმდენად მოგვეწონა, რომ მოგვინდა გაგვეკეთებინა ყველასთვის ხელმისაწვდომი სტარტაპი. ნელ-ნელა დავიწყეთ ტუტორიალების ძიება, ვნახეთ დამზადების სხვადასხვა მეთოდი. ასევე, გავიხილეთ „Burning Man ფესტივალი”, სადაც თითქმის ყველას ხელნაკეთი სათვალეები („Goggles-ი“) უკეთია, ამგვარად, რამდენიმეთვიანი შრომის შემდეგ, შევქმენით პირველი ქართული Gogglesსათვალები და გავეშურეთ Gem Fest-ისკენ.

-„Steampunk-ი“ საკმაოდ ორიგინალური და უჩვეულო სტილია, როდის დაინტერესდით ამ მიმართულებით?

–Steampunk და Dieselpunk – ჩემთვის ფილმებთან, ქოსფლეისთან და კომპიუტერულ თამაშებთან ასოცირდება. სწორედ კომპიუტერული თამაშებიდან გავიცანი ეს მიმართულებები, ვნახე სხვადასხვა ქვეყანაში შექმნილი ქოსფლეები და აღვფრთოვანდი ადამიანების ნიჭით.

 მომწონს XIX საუკუნის ტექნოლოგიის გათანამედროვების იდეა, ამ ყველაფრის გადმოტანა სხვადასხვა აქსესუარში თუ ტანისამოსში. მე და ლიკამ ახალი საერთო ინტერესი აღმოვაჩინეთ და მივიჩნევთ, რომ ეს არის სტილი, რომელიც თავის აქტუალობას არასოდეს დაკარგავს, ყოველთვის საინტერესო იქნება ნებისმიერი თაობისათვის. ამ სტილში შემქნილი ნებისმიერი აქსესუარი თუ ტანისამოსი გაჯერებულია უამრავი ელემენტით და  მორგებულია გემოვნების ყველა სტანდარტზე.

-ქეთა, კერძოდ რა ტიპის სათვალეებს გვთავაზობს გვთავაზობს Goggles.ge ?

– ჩვენ ვქმნით სათვალეებს, რომლის გამოყენება შესაძლებელია ყოველდღიურ აქსესუარად, ქოსფლეის გასაფორმებლად, სკუტერით თუ ველოსიპედით სასეირნოდ. ჩვენმა ერთ-ერთმა მომხმარებელმა საცურაოდაც კი გამოიყენა და შეგვატყობინა რომ მასში წყალი ნამდვილად არ შედის. ამჯერად ვმუშაობთ ზამთრის კოლექციაზე, რომელიც თოვლზე სრიალისთვის იქნება განკუთვნილი. გეგმაში გვაქვს სხვა აქსესუარების დამზადებაც, თუმცა ამჯერადაც სათვალეებზე ვაკეთებთ აქცენტს. სხვა აქსესუარების დამატება დამოკიდებულია ზამთრის სათვალეების კოლექციის დამზადებაზე. თუ ყველაფერი დროულად მოესწრო, ახალ კოლექციას ზამთრის აქსესუარებთან ერთად შემოგთავაზებთ.

–ტექნიკური თვალსაზრისით რამდენად რთულია აღნიშნული სათვალეების შექმნა?

-სათვალეების შექმნა თავიდან ძალიან გაგვიჭირდა. ახლა უკვე მივიჩნევ, რომ რთულზე მეტად შრომატევადია, დიდ დროს და ყურადღებას მოითხოვს. ჩვენ ვცდილობთ, პროდუქტი მისაღები, ხარისხიანი და შედარებით დაბალფასიანი იყოს. ასევე, მაქსიმალურად ვცდილობთ აქცენტი ნატურალურ პროდუქტზე გავაკეთოთ, სათვალეებს ვაფორმებთ ნატურალური ტყავით და მიზნად დასახული გვაქვს სხვა არანატურალური მასალის საბოლოოდ ამოღება.

-სად შეუძლიათ დაინტერესებულ პირებს თქვენი ნაწარმის შეძენა და დაახლოებით რა ფარგლებში მერყეობს მისი ღირებულება?

–რაც შეეხება ფასებს, სათვალეების ფასი 35 დან 50 ლარის ფარგლებში მერყეობს.ამ ეტაპზე ხშირად ვსტუმრობთ მარკეტებს, მაგრამ ძირითადად მაინც ონლაინგაყიდვებით შემოვიფარგლებით და მსურველებს ჩვენს Facebookგვერდზეც შეუძლიათ დაგვიკავშირდნენ.

 

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ასტრონომია - კოსმოსიმანქანათმშენებლობამსოფლიოტექნოლოგიები

რაკეტა, როგორც საქალაქთაშორისო ტრანსპორტი

455 views on

სილიკონის ველის მილიარდერმა – ელონ მასკმა პარასკევს გამოაქვეყნა ამბიციური გეგმები მარსზე განსახორციელებელი პილოტირებული მისიის შესახებ.

SpaceX- ი თავის პირველ მოგზაურობას წითელ პლანეტაზე 2022 წელს აპირებს. თუმცა მისიის დროს მხოლოდ ტვირთს გადაიტანენ, რასაც ორი წლის შემდეგ მარსზე ადამიანის გაგზავნა მოჰყვება.

აღსანიშნავია, რომ „ნასას” პირველი პილოტირებული მისია მარსზე ამ დროიდან დაახლოებით ათ წელიწადში იგეგმება.

SpaceX- ის აღმასრულებელმა დირექტორმა და წამყვანმა დიზაინერმა – მასკმა განაცხადა, რომ კომპანიამ მარსზე გასაგზავნი რაკეტის ზომა შეამცირა.

მასკმა გაახმოვანა იდეა მარსზე გასაგზავნი რაკეტის დედამიწის ერთი ადგილიდან მეორეზე გადასაადგილებლად გამოყენების შესახებ.  ავსტრალიის ქალაქ ადელაიდაში გამართულ კონფერენციაზე მასკმა ვიდეო წარმოადგინა, სადაც ნაჩვენებია, თუ როგორ ეშვება რაკეტა ნიუ-იორკიდან, შემდეგ კი მსოფლიოს სხვადასხვა ადგილას ჯდება. აღსანიშნავია, რომ ის სამყაროს ორ მოპირდაპირე მხარეში მდებარე ქალაქებს შორის მოგზაურობას ერთ საათზე ნაკლებ დროს ანდომებდა.

SpaceX-ი არის ერთ-ერთი იმ რამდენიმე საწარმოს შორის, რომლებიც აცხადებენ, რომ კოსმოსში მარსზე მიმავალი მარშრუტის გახსნა სურთ. მარსი დედამიწიდან 225 მილიონი კილომეტრითაა დაშორებული და მასზე პირველი ადამიანის გაგზავნა საკმაოდ ამბიციური მიზანია.

SpaceX-ი, რომელიც მარსის კოლონიზაციის მიზნით დაარსდა, არის ერთ-ერთი კერძო და სახელმწიფო დაფინანსების მქონე საწარმო, რომლის მიზანია წითელ პლანეტაზე ხალხისა და ტვირთის განთავსება.

Amazon.com- ის დამფუძნებელი – ჯეფ ბეზოსის კოსოსური საწარმო Blue Origin-ი მარსზე გასაგზავნად მძიმე მანქანა New Armstrong-ს ქმნის.

რუსეთი და ჩინეთი ემზადებიან მთვარეზე პილოტირებული მისიის განსახორციელელად. რუსეთი მთვარის ორბიტაზე „ღრმა კოსმოსური კარიბჭის“ კოსმოსური სადგურის მშენებლობის მიზნით „ნასა“-სთან თანამშრომლობაზე დასთანხმდა. აღნიშნული კოსმოსური სადგური მომავალში გამშვებ პუნქტად იქცევა ღრმა კოსმოსის მისიების, მათ შორის მარსის მისიისათვის.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიტექნოლოგიები

რაკეტა, როგორც საქალაქთაშორისო ტრანსპორტი

1.28K views on

სილიკონის ველის მილიარდერმა – ელონ მასკმა პარასკევს გამოაქვეყნა ამბიციური გეგმები მარსზე განსახორციელებელი პილოტირებული მისიის შესახებ.

SpaceX- ი თავის პირველ მოგზაურობას წითელ პლანეტაზე 2022 წელს აპირებს. თუმცა მისიის დროს მხოლოდ ტვირთს გადაიტანენ, რასაც ორი წლის შემდეგ მარსზე ადამიანის გაგზავნა მოჰყვება.

აღსანიშნავია, რომ „ნასას” პირველი პილოტირებული მისია მარსზე ამ დროიდან დაახლოებით ათ წელიწადში იგეგმება.

SpaceX- ის აღმასრულებელმა დირექტორმა და წამყვანმა დიზაინერმა – მასკმა განაცხადა, რომ კომპანიამ მარსზე გასაგზავნი რაკეტის ზომა შეამცირა.

მასკმა გაახმოვანა იდეა მარსზე გასაგზავნი რაკეტის დედამიწის ერთი ადგილიდან მეორეზე გადასაადგილებლად გამოყენების შესახებ.  ავსტრალიის ქალაქ ადელაიდაში გამართულ კონფერენციაზე მასკმა ვიდეო წარმოადგინა, სადაც ნაჩვენებია, თუ როგორ ეშვება რაკეტა ნიუ-იორკიდან, შემდეგ კი მსოფლიოს სხვადასხვა ადგილას ჯდება. აღსანიშნავია, რომ ის სამყაროს ორ მოპირდაპირე მხარეში მდებარე ქალაქებს შორის მოგზაურობას ერთ საათზე ნაკლებ დროს ანდომებდა.

SpaceX-ი არის ერთ-ერთი იმ რამდენიმე საწარმოს შორის, რომლებიც აცხადებენ, რომ კოსმოსში მარსზე მიმავალი მარშრუტის გახსნა სურთ. მარსი დედამიწიდან 225 მილიონი კილომეტრითაა დაშორებული და მასზე პირველი ადამიანის გაგზავნა საკმაოდ ამბიციური მიზანია.

SpaceX-ი, რომელიც მარსის კოლონიზაციის მიზნით დაარსდა, არის ერთ-ერთი კერძო და სახელმწიფო დაფინანსების მქონე საწარმო, რომლის მიზანია წითელ პლანეტაზე ხალხისა და ტვირთის განთავსება.

Amazon.com- ის დამფუძნებელი – ჯეფ ბეზოსის კოსოსური საწარმო Blue Origin-ი მარსზე გასაგზავნად მძიმე მანქანა New Armstrong-ს ქმნის.

რუსეთი და ჩინეთი ემზადებიან მთვარეზე პილოტირებული მისიის განსახორციელელად. რუსეთი მთვარის ორბიტაზე „ღრმა კოსმოსური კარიბჭის“ კოსმოსური სადგურის მშენებლობის მიზნით „ნასა“-სთან თანამშრომლობაზე დასთანხმდა. აღნიშნული კოსმოსური სადგური მომავალში გამშვებ პუნქტად იქცევა ღრმა კოსმოსის მისიების, მათ შორის მარსის მისიისათვის.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციაგანათლებაკვლევებიმსოფლიოტექნოლოგიები

კრიოელექტრონული  მიკროსკოპის ნოვატორი პიონერები ნობელის პრემიის გამარჯვებულები გახდნენ

1.84K views on

შვეიცარიელი, ამერიკელი და ბრიტანელი მეცნიერების ტრიოს ქიმიის დარგში ნობელის 2017 წლის პრემია კრიოელექტრონული მიკროსკოპიის განვითარებისათვის მიენიჭა.

ჟაკ დუბოჩეტის, ჯოაკმიმ ფრანკისა და რიჩარდ ჰენდერსონის მიერ განვითარებული „ცივი მეთოდი“ ამარტივებს და აუმჯობესებს ბიომოლეკულების გამოსახულების მიღებას.

Royal Swedish Academy of Sciences-ი, რომელმაც 1,1 აშშ დოლარის ოდენობის პრიზი დააწესა, აცხადებს, რომ ტექნოლოგიამ ბიოქიმია ახალ ეპოქაში გადაიყვანა.

ბიომოლეკულების გაყინვით მეცნიერებს შესაძლებლობა ეძლევათ ამოიცნონ აქამდე უხილავი პროცესები – ახალი მედიკამენტების პოტენციური განვითარების  მთავარი პროგრესი.  

შოტლანდიელმა მკვლევარმა ჰენდერსონმა გამოიყენა ელექტრონული მიკროსკოპი ატომურ რეზოლუციაზე ცილის სამ განზომილებიანი გამოსახულების მისაღებად. მანამდე ელექტრონული მიკროსკოპი განიხილებოდა, როგორც მხოლოდ მკვდარი მატერიის გამოსახვის საშუალება, რადგან ძლიერი ელექტრონული სხივი ანადგურებდა ბიოლოგიური მასალის ფორმას.

ჰენდერსონის გარღვევა შემდგომში ამერიკელმა მეცნიერმა ჯოაკშიმ ფრანკმა განავითარა, ხოლო შვეიცარიელმა ჟაკ დუბოჩეტმა ბიომამოლეკულის ბუნებრივი ფორმის შესანარჩუნებლად სწრაფად გაყინვადი წყალი გამოიყენა.

ფრანკი აცხადებს, რომ კრიო-ელექტრონულ მიკროსკოპიას, რომელიც უჯრედში მიმდინარე პროცესებზეა ორიენტირებული, სამედიცინო გამოკვლევისთვის “უზარმაზარი” პოტენციალი აქვს, მაგრამ მის ბოლომდე ათვისებას დრო სჭირდება.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

სრულად ნახვა
ბიზნესიგამოგონება - ინოვაციაეკონომიკასაქართველო

„Silkadvice-ი” – სტარტაპი, რომელიც ქართულ ბიზნესსექტორს პროდუქტის ჩინეთში რეალიზებაში ეხმარება

2.88K views on

 „Silkadvice-ი“  არის ახალი ქართული სტარტაპი, რომელიც აქტიურ როლს ასრულებს ქართულ და ჩინურ ბიზნესსექტორებსს შორის პარტნიორული ურთიერთობის გაღვივებაში. კომპანიამ ძალიან მოკლე ხანში შეძლო საკმაოდ მნიშვნელოვანი პროექტების განხორციელება, რომელთა შესახებაც  მისი ხელმძღვანელი – მარიამ ასათიანი გაგვესაუბრა.

-მარიამ, საინტერესოა, როდის გაჩნდა და ვის ეკუთვნის სტარტაპის იდეა? 

-კომპანია „Silkadvice-ი“ (სილქედვაისი) წარმოადგენს საქართველო-ჩინეთის ბიზნეს საკონსულტაციო კომპანიას, რომლის შექმნის იდეაც დაახლოებით ერთი წლის გაჩნდა და ჩვენი მთავარი მიზანი საქართველო-ჩინეთის ეკონომიკური, სავაჭრო, კულტურული ურთიერთობების ხელშეწყობაა. „სილქედვაისმა“ ოფიციალურად ოპერირება 2017 წლის ზაფხულიდან დაიწყო და ჩვენ უკვე ჩინეთის ორ ქალაქში – სიჩუანსა და შანხაიში ვაფუძნებთ წარმომადგენლობით ოფისებს, მონაწილეობა მივიღეთ ქ. სიამენში გამართულ მსოფლიოში უდიდეს საინვესტიციო გამოფენაზე.

-რატომ აირჩიეთ მაინცდამაინც ჩინეთის ბაზარი ? რა პერსპექტივას ხედავთ ამ კუთხით საქართველოსთვის?

-ჩინეთი არის ქვეყანა, რომელსაც ყველაზე კარგად ვიცნობ, სადაც ვცხოვრობდი გარკვეული პერიოდი და ჩინელ სამთავრობო-ბიზნესსექტორის წარმომადგენლებთანაც საკმაოდ კარგი ურთიერთობა მაქვს.

ჩინეთ-საქართველოს ურთიერთობები დღითი-დღე ვითარდება. ჩვენ ვართ რეგიონში პირველი ქვეყანა, რომელმაც რეკორდულ დროში მოაწერა ხელი თავისუფალი ვაჭრობის ხელშეკრულებას ჩინეთის სახალხო რესპუბლიკასთან, ჩვენ აქტიურად ვმონაწილეობთ ახალი აბრეშუმის გზის – „ერთი სარტყელი, ერთი გზა“ პროექტში – რომლის ინიციატორიც ჩინეთის პრეზიდენტია და უძველესი აბრეშუმის გზის აღორძინებას ემსახურება. ასევე, მივიღებთ მონაწილეობას წელს თბილისში გამართულ ჩინეთ-საქართველოს ბიზნესფორუმში, რომლის სახელწოდება სწორედ „ერთი სარტყელი, ერთი გზაა“.

-კონკრეტულად რას სთავაზობთ ქართულ ბიზნესსექტორს?

-ჩინეთი არის უდიდესი პოტენციალის მქონე ქვეყანა, რომელიც გამოირჩევა სტაბილურობით. ჩვენ გვსურს, რომ დავეხმაროთ საქართველოს სრულად აითვისოს თითქმის ორ მილიარდიანი ბაზარი, დავეხმაროთ ქართველ მეწარმეებს ნატურალური პროდუქტის ექსპორტირებაში, სანდო მომწოდებლების და პარტნიორების მოძიებაში, როგორც ჩინეთში, ასევე საქართველოში. ვპარტნიორობთ ძლიერ ჩინურ იურიდიულ კომპანიასთან და შეგვიძლია შესაბამისი იურიდიული რჩევების მიცემა.

ჩვენ მაქსიმალურად ვცდილობთ ხელი შევუწყოთ ქართველ ბიზნესმენებს, ვისაც ჩინეთის უზარმაზარ ბაზარზე ფეხის მოკიდება სურთ და მივცეთ მათ სწორი მიმართულებები. ასევე ვაკვალიანებთ ჩვენი ქვეყნით დაინტერესებულ ჩინურ კომპანიებსაც და სხვადასხვა მასშტაბის საინვესტიციო პროექტებზე ვმუშაობთ ლოჯისტიკის, უძრავი ქონების, ტურიზმისა და სხვა მიმართულებით.

-ამ ეტაპზე როგორ შეაფასებდი კომპანიის მიერ განვლილ გზას?

-ამ ეტაპზე, მივიჩნევთ, რომ სტარტაპისთვის უკვე საკმაოდ კარგი ტემპი გვაქვს, გავაფორმეთ მემორანდუმი უძრავი ქონების და განათლების მიმართულებით თანამშრომლობის შესახებ, მე ასევე ამირჩიეს შანსის პროვინციის კულტურული გაცვლითი საზოგადოების ვიცეპრეზიდენტად. მომავალ კვირაში მონაწილეობას მივიღებთ შანის პროვინციაში გამართულ ფორუმზე, რომელიც ეძღვნება საქართველოს და სადაც სიტყვით გამოვალ. ოქტომბერში ველით პოტენციურ ინვესტორებს, რომელთაც გადაწყვეტილი აქვთ სასტუმროს აშენება.

-უახლოეს მომავალში რა სიახლეებს უნდა ველოდოთ თქვენგან?

-ჩვენ უფრო და უფრო ვაქტიურდებით და მალე მზად იქნება ყველა ის პლატფორმა, რაც საქართველოსთვის ჩინეთთან ურთიერთობას ბევრად უფრო კომფორტულს და უსაფრთხოს გახდის.

 

„დოქტრინა“ წარმატებებს უსურვებს სტარტაპს, დამატებითი ინფორმაციისთვის კი,  შეგიძლიათ მიმართოთ კომპანიის Facebookგვერდს.

 

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ასტრონომია - კოსმოსიკვლევებიტექნოლოგიები

ელონ მასკი მარსის კოლონიზაციის დაწყებას უახლოეს ხუთ წელიწადში გეგმავს

2.06K views on

ელონ მასკი მარსის კოლონიზაციის დაწყებას უახლოეს ხუთ წელიწადში გეგმავს. 

ორშაბათს, მასკმა Twitter-ზე დაწერა, რომ ავსტრალიის ქალაქ ადელაიდაში, საერთაშორისო ასტრონომიულ კონგრესზე, „მნიშვნელოვნად გაუმჯობესებულ“ გეგმას წარმოადგენდა. დიდი ალბათობით, ცვლილებები უნდა შეხებოდა ორნაწილიან, 40-სართულიანი შენობის სიმაღლის ხომალდს, რომელსაც საპლანეტათშორისო სატრანსპორტო სისტემა ეწოდება და რომელმაც, წითელ პლანეტაზე თავდაპირველად 100-200 ადამიანი უნდა წაიყვანოს.

როდესაც საპრეზენტაციო ეკრანზე დაეწერა „2022“, მასკმა იგრძნო, რომ საჭირო იყო განმარტება: „ეს არ გახლავთ ბეჭდვისას დაშვებული შეცდომა… ეს მისწრაფებაა“. 

2022 წლისთვის, SpaceX მარსზე სულ მცირე ორი სატვირთო ხომალდის დასმას გეგმავს, რომელთა მიზანი „წყლის რესურსების შეფასება და რისკების იდენტიფიცირება“ იქნება; გარდა ამისა, ხომალდებმა პლანეტაზე უნდა განათავსონ ენერგიის მიმღები, საბურღი და სიცოცხლისათვის აუცილებელი სხვა ინფრასტრუქტურა.

წყლის რესურსები აუცილებელია ხომალდების რეაქტიული აჩაქარებისა და უკან, დედამიწაზე დაბრუნებისათვის.

2024 წლისთვის, მასკს უკვე ოთხი ხომალდის სურს, რომელთაგან ორი, 100-100 ადამიანს წაიყვანს, ორი კი ტვირთებს წაიღებს. გზაში ისინი სამ თვეს გაატარებენ.

ეს მისია თან წაიღებს რაკეტების გაშვების დეპოს აშენებისათვის საჭირო ტექნიკას — მზის პანელებსა და საბურღ აღჭურვილობას წყლისა და CO2-ის გადასამუშავებლად.

ამის შემდეგ, ერთი ხომალდით დაწყებული ბაზა ზრდას დაიწყებს:

 მასკის თქმით, ამ ეტაპს უკვე მოჰყვება მარსის ტერაფორმირება და „სიცოცხლისთვის ხელსაყრელ ადგილად ქცევა“, დაახლოებით ასეთად:

სისტემა მასკმა პირველად შარშან წარადგინა მექსიკის ქალაქ გვადალახარაში, საერთაშორისო ასტრონომიულ კონგრესზე; კოლონიზაციის დეტალური გეგმა კი ივნისში დაიბეჭდა ერთ-ერთ სამეცნიერო ჟურნალში.

თუმცა, წლევანდელ ღონისძიებაზე, მასკის გეგმები თითქმის დაჩრდილა რამდენიმე საათით ადრე კომპანია Lockheed Martin-ის მიერ წარმოდგენილმა მარსის საბაზო ბანაკის გეგმამ:

 ეს კომპანია მარსზე ადამიანების გაგზავნას უახლოეს ათ წელიწადში გეგმავს და აქტიურად თანამშრომლობს NASA-სთან ღრმა კოსმოსის კარიბჭისა და მარსის მავალის პროგრამებში.

Lockheed-ის 50-წუთიანი პრეზენტაციის მსვლელობისას, მასკმა გააუქმა საკუთარი პრეზენტაციის შემდეგ დაგეგმილი პრესკონფერენცია.

მაგრამ როგორც აღმოჩნდა, მასკის ამჟამინდელი გეგმა მარსზე 2022 წელს დაჯდომას ითავლისწინებს; როგორც მან ჟურნალისტებს განუცხადა, მოგვარებულია ხარჯების პრობლემაც.

ადამიანები წითელ პლანეტაზე BFR მოდულით გაემგზავრებიან. მისი ბოლო დაგეგმარება კი ასეთია:

 

მისიის ხარჯების 100 000$-მდე შემცირება დიდწილადაა დამოკიდებული იმაზე, თუ რამდენად სრულყოფს SpaceX-ი „ავტომატური შეხვედრისა და შეპირაპირების“ სისტემას. ხომალდი BFR დედამიწის ქვედა ორბიტამდე მისაღწევად 150 ტონა საწვავს დაწვავს, კიდევ საჭირო 150 ტონას კი კოსმოსში „მარსამდე მისასვლელ გზაში შეივსებს“.

„თუკი ტანკერს ხელახლა გამოყენების ფუნქცია ექნება, საჭირო იქნება მხოლოდ ძრავების შევსების ხარჯი“, — აღნიშნა მასკმა და იქვე დაამატა, რომ ეს მეთოდი „აბსოლუტურად ფუნდამენტურია“ ხარჯების შესამცირებლად.

მასკის განცხადებით, მომავალ წელს, ჩვენ ვიხილავთ რაკეტა Dragon 2-ის ავტომატური შეპირაპირების შესაძლებლობებს, როდესაც ის საერთაშორისო კოსმოსურ სადგურს ადამიანების ნულოვანი ჩართულობის გარეშე შეუერთდება.

„დააჭერ მხოლოდ გამშვებ ღილაკს და ყველაფერ დანარჩენს ის თავისით გააკეთებს“, — აღნიშნა მასკმა.

BFR-სათვის საჭირო თანხებს SpaceX-ი თანამგზავრების გაშვებისა და საერთაშორისო კოსმოსური სადგურის მომსახურებიდან მიღებული შემოსავლებით შეაგროვებს. აღსანიშნავია, რომ მასკს ასევე აქვს გეგმა, რომ BFR საერთაშორისო კოსმოსურ სადგურსაც მოემსახუროს:

 ადვილად შენიშნავთ თუ რამდენად დიდებულია BFR, როდესაც SpaceX-ის ხომალდების განვითარების პროცესს შეხედავთ:

კაბინის სივრცეში წნევა ჰერმეტიზაციის დონე მეტი იქნება ვიდრე ეს Airbus A380-შია, რაც 40 კაბინისა და საერთო სივრცის განთავსების საშუალებას იძლევა.

თითოეულ კაბინაში შესაძლებელი იქნება 5-6 ადამიანის განთავსება, მაგრამ იდეალური ვარიანტი სამი კაცია, საბოლოო ჯამში 100 ადამიანი თითო ფრენაზე.

კოსმოსურ ხომალდს ასევე ექნება მზის შტორმისგან დამცავი თავშესაფარი, საწყობი, სამზარეულო და გასართობი ზონა.

და რაც ყველაზე მთავარია, ორი დამშვები ძრავი, რომელტა გამოყენებაც საჭირო გახდება კრახის შემთხვევაში.

მომზადებულია Business Insider-ის მიხედვით. 

წყარო:  http://1tv.ge/

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
კვლევებიმსოფლიოტექნოლოგიები

მეცნიერებმა ტვინის უჯრედების მსგავსად მოქმედი მიკროჩიპები შექმნეს

1.8K views on

 მკვლევარებმა შეიმუშავეს კომპიუტერული ტექნოლოგია, რომელიც ნერვის სინაფსის ფუნქციონირების იმიტირებისთვის სინათლეს იყენებს. ეს კი დასამაბს აძლევს მოწყობილობას, რომელიც აერთიანებს თანამედროვე პროცესორების სიჩქარესა და გონებრივი შესაძლებლობების ეფექტურობას.

ტვინი და კომპიუტერი ორივე არის სისტემა, რომელსაც შეუძლია ინფორმაციის მოდელირება, მანიპულირება და შენახვა.

კომპიუტერებში დამონტაჟებული პროცესორები ფუნქციონირებისთვის ახდენენ ელექტრონული იმპულსებისა და  პატარა ჩამრთველ-გამომრთველების კომბინირებას, ხოლო ნეირონები სინაფსებს შორის იმპულსების გასავრცელებლად ქიმიურ ტიდებს იყენებენ.

განსხვავება მნიშვნელოვანია, რამდენადაც მეხსიერებისა და ენერგიის მოხმარება მიმდინარეობს – ვერცერთი აპარატი ვერ ახერხებს ადამიანის ტვინის ეფექტურობისა და შენახვის შესაძლებლობები ჰქონდეს.

ოქსფორდის, მიუნსტერისა და ექსტერის უნივერსიტეტების მკვლევართა გუნდმა კომპიუტირების „წმინდა გრაალი“ – სინაფსის მსგავსად მოქმედი ფოტონური ინტეგრირებული ციკლი შექმნეს.

თქვენს კომპიუტერს არ აქვთ ცენტრალური პროცესორი წინ და მყარი დისკი უკან. განშტოებულ ქსელში დაკავშირებული ნეირონები, რომლებიც გამოყოფილი არიან პატარა სინაფსური ხიდებით, ყველა ერთ პროცესორებსა და შესანახ მოწყობილობებში იმყოფებიან.

ფუნქციონირებისთვის ნერვის მემბრანის არხები იღება და იკეტება და დამუხტული იონის პულსებს აგზავნის. ამ პროცესის მედიატორი ნერვების განშტოებების ბოლოს სხვა ქიმიური პროცესები გახლავთ და დამოკიდებულია ისეთ ფაქტორებზე, როგორიცაა – ტალღის სიძლიერე ან სიხშირე.

ნერვის ბოლოში არსებული მცირე ნახტომი ნერვული დამუშავების საქმიანი დასასრულია, რომელიც მოქმედებს როგორც საგზაო მოძრაობის კონტროლის ოფიცერი, რომელიც აფერხებს ან აჩქარებს სიგნალს.

სინაფსური პლასტიკურობა, აღნიშნულ საკონტროლო პუნქტში შესული ცვლილებების აღრიცხვით შეგვიძლია შევისწავლოთ, როგორ ვსწავლობთ და ვამუშავებთ ახალ ინფორმაციას – რაღაცას ვაძლიერებთ, ხოლო რაღაცას – ვშლით.

 ე.წ. ნეირომოორფული კომპიუტერია ისწრაფვის ამ  დამუშავებისა და დამახსოვრების ერთ სისტემაში კომბინირების ხერხი გაიმეოროს, რაც ბიოლოგიასა და ხელოვნურ ინტელექტს კიდევ უფრო აახლოვებს.

ამ ხერხით შესაძლებელია პროცესორს იგივე გავაკეთებინოთ, რასაც სინაფსი აკეთებს.

გუნდის ხელოვნური სინაფსი ეფუძნება ფაზა-შეცვლის მასალის (PCM) სტრუქტურებს, რომელიც ინახავს და ავრცელებს მნიშვნელოვანი რაოდენობას ენერგიას ვინაიდან ის ერთი მდგომარეობიდან მეორეში გადადის.

 მიუხედავად იმისა, რომ კონცეფცია ახალია, ეს გახლავთ პროცესის პრაქტიკაში გამოყენების პირველი შემთხვევა.

მეცნიერები აცხადებენ, რომ „ ელექტრონული კომპიუტერი შედარებით ნელია და რაც უფრო ვაძლიერებთ მათ, მით უფრო მეტ ენერგიას მოიხმარენ. ჩვეულებრივი კომპიუტერები ასევე საკმაოდ”,,მუნჯები “არიან და არცერთ მათგანს ადამიანის ტვინის შესწავლისა და პარალელური დამუშავების შესაძლებლობა არ აქვთ.

სინათლეზე დაფუძნებული ნეირომოორფული პროცესორები კი გონებისა და მანქანის იდეალური ერთიანობაა.

 

წყარო: http://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

 

სრულად ნახვა
გამოგონება - ინოვაციასაქართველო

SOCIAL IMPACT AWARD-ის გამარჯვებულები გამოვლინდნენ

1.42K views on

 საერთაშორისო პროგრამა Social Impact Award-ის გამარჯვებულები გამოვლინდნენ. ფინალურ ეტაპზე გადასულ შვიდ გუნდს შორის ჟიურიმ ორი გამარჯვებული დაასახელა, ხოლო ერთი საზოგადოების რჩეული გახდა. სამივე გამარჯვებული გუნდი ფულადი ჯილდოს სახით 2000 ევროს მიიღებს საქართველოს ბანკისგან და დაესწრება SIA-ს – ევროპის სამიტს ბელგრადში (სერბეთი).

პროგრამის გამარჯვებულები გახდნენ:

  • Sign & Sound – ინოვაციური ხელთათმანი, რომლის მეშვეობითაც სმენისა და მეტყველების შეზღუდვის მქონე პირებს ეფექტური კომუნიკაცია ექნებათ საზოგადოებასთან. პროგრამა, რომელსაც ეცოდინება ჟესტების ენა, გადათარგმნის ხელთათმანით გაკეთებულ ჟესტს, ხოლო სპიკერი გაახმოვანებს შესაბამის წინადადებას.
  • Braille Reader – ელექტრონული წიგნების წამკითხველი უსინათლოთათვის, რომელიც ნებისმიერ ტექსტს სპეციალურად შექმნილ ეკრანზე გამოსახავს. პროექტის მიზანია სკოლების აღჭურვა ამ ტექნოლოგიის მქონე მერხებით, რაც მნიშვნელოვნად გაამარტივებს ბრაილის შრიფტის შესწავლას.
  • Book AR – ინოვაციური აპლიკაცია, რომელიც რადიკალურად შეცვლის თანამედროვე სწავლების მეთოდს. ტელეფონის კამერის საშუალებით მომხმარებელი შეძლებს დაინახოს ტექსტის ძირითადი სათქმელი, ორ და სამგანზომილებაში, ვიდეოს, ანიმაციისა და 3D მოდელების დახმარებით.

„წელს პროგრამა Social Impact Award-ი პირველად ჩავატარეთ და ძალიან გვიხარია, რომ პირველივე წელს პროგრამაში ამდენი სტუდენტი ჩაერთო. საერთო ჯამში, 200-ზე მეტმა ახალგაზრდამ მიიღო ვორქშოფებში მონაწილეობა, რაც გვაძლევს სტიმულს, რომ მომავალ წელს პროგრამა საქართველოს რეგიონებშიც გავიტანოთ. რაც შეეხება გამარჯვებულებს, ვფიქრობთ, პროგრამამ მიაღწია დასახულ მიზანს, სამივე გამარჯვებული გუნდი ძალიან აქტუალურ სოციალურ პრობლემას ეხმაურება და მათი გადაჭრის ინოვაციურ გზებს გვთავაზობს. ჩვენ ვაგრძელებთ მონაწილეებთან თანამშრომლობას და აუცილებლად ჩავრთავთ მათ სხვადასხვა საინტერესო ინიციატივაში.“ – განაცხადა Impact Hub Tbilisi-ს თანადამფუძნებელმა ქეთევან ებანოიძემ.

„ევროპის ფონდი მოხარულია, რომ Social Impact Award-ის პირველმა წელმა წარმატებით ჩაიარა. მისასალმებელია ახალგაზრდების გაზრდილი ინტერესი სოციალური მეწარმეობის მიმართ და მათ მიერ გაწეული ძალისხმევა სოციალური პრობლემების გადასაჭრელად. ვიმედოვნებთ, რომ მომავალში კიდევ უფრო ბევრი ახალგაზრდა გააქტიურდება, როგორც დედაქალაქში, ასევე რეგიონებშიც და შეეცდებიან სამეწარმეო მიდგომებით მოაგვარონ მათთვის აქტუალური საკითხები. ფონდი მომავალშიც განაგრძობს სოციალური მეწარმეობის განვითარების მხარდაჭერას და არაერთ საინტერესო და სასარგებლო ინიციატივას შესთავაზებს ამ სფეროში მომუშავე ორგანიზაციებს.“ – აღნიშნა ევროპის ფონდის პროგრამის მენეჯერმა ნანა გამყრელიძემ.

„საქართველოს ბანკისთვის, მნიშვნელოვანია სოციალური მეწარმეობის მხარდაჭერა, რადგან ხელი შეუწყოს საქართველოში სოციალური  საწარმოების შექმნას და განვითარებას. მოხარულები ვართ, რომ წარმატებული თანამშრომლობა შედგა, ამ მნიშვნელოვანი პროექტის ფარგლებში. დღეს გვყავს გამარჯვებული გუნდები, მინდა მივულოცო მათ ეს წარმატება. საქართველოს ბანკი, სოციალური მოწერამეობის ხელშეწყობის მიზნით, გამრაჯვებულ გუნდებს ფულად ჯილდოს გადასცემს. ვიმედოვნებთ ისინი წარმატებით განახორციელებენ პროექტებს სოციალური მეწარმეობის კუთხით. საქართველოს ბანკი ამ მიმართულებით აქტიურად მუშაობს და არაერთი აქტივობა განახორციელა სოციალური მეწარმეობის განვითარების კუთხით. აღსანიშნავია, რომ Social Impact Award პროექტში ჩართული იყო ახალგზარდა თაობა სტუდენტების სახით – მათი მხარდაჭერა, კი ასევე მნიშვნელოვანია“ – განაცხადა საქართველოს ბანკის საზოგადოებასთან ურთიერთობის სამსახურის უფროსმა ხათუნა კაკაბაძემ.

Social Impact Award (SIA) არის ყველაზე მასშტაბური სტუდენტური პროგრამა სოციალური მეწარმეობის მიმართულებით, რომელიც 18 ქვეყანაში ხორციელდება. Impact Hub Tbilisi-სა და ევროპის ფონდის ერთობლივი ძალისხმევით, წელს პროგრამას საქართველოც შეუერთდა. SIA-ს პარტნიორია საქართველოს ბანკი. 

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მსოფლიოსამართალიტრანსპორტი

საუდის არაბეთში ქალებს მართვის უფლება მიეცემათ

1.35K views on

 ,,საუდის არაბეთში ქალებს მართვის უფლება მიეცემათ” – ამ ინფორმაციას BBC საუდის არაბეთის სახელმწიფო მედიაზე დაყრდნობით ავრცელებს.

საუდის არაბეთი ერთადერთი ქვეყანაა მსოფლიოში, რომელიც ქალებს მანქანის მართვას უკრძალავს, ამის გამო, ქალებს აჯარიმებდნენ და აპატიმრებდნენ კიდეც, მიუხედავად იმისა, რომ  უფლებადამცველი ჯგუფები წლებია ამ პოლიტიკის შესაცვლელად იბრძვიან.

მეფე სალმანის განკარგულებით, ცვლილება, სავარაუდოდ, 2018 წლის ივნისში შევა ძალაში.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 62 63 64 65 66 … 88
Page 64 of 88