close

ტექნოლოგიები

ბიზნესიტექნოლოგიები

8 უფასო ხელსაწყო უკეთესი კამპანიისთვის

2.51K views on

 

„SEO“ ოპტიმიზაცია ხანგრძლივი პროცესია, რომელშიც უდიდესი როლი აქვს ვებგვერდისა და კონკურენტების ანალიზს. იმისათვის, რომ ზუსტად შევაფასოთ და დავინახვოთ მიმდინარე შედეგი, გვჭირდება ხელსაწყოები, რომელებიც  დაგვეხმარება იმის ანალიზში თუ რამდენად ეფექტურად ვმუშაობთ „SEO“ ოპტიმიზაციაზე.

გთავაზობთ 8 უფასო ხელსაწყოს, რომელიც  წარმატებული „SEO“ კამპანიის განუყოფელი ნაწილია.

  1. „Google Analytics-ი“ „Google-ის“ უფასო ხელსაწყოა, რომელიც დეტალურ ინფორმაციას გვაწვდის ვებგვერდის ვიზიტორების შესახებ. რა არხებიდან შემოდიან ვებგვერდზე მომხმარებლები, რას ნახულობენ, რამდენ დროს ატარებენ საიტზე.
  2. „Google Webmaster Tools-ი“ ტექნიკურ ინფორმაციას გვაწვდის ვებგვერდის მიმდინარე პოზიციის შესახებ. როგორ აინდექსირებს ვებგვერდს ,,Google-ი“ და რეკომენდაციებს მიმდინარე პრობლემების გამოსასწორებლად.
  3. „Open Site Explorer“ – „MOZ-ის“ ამ ხელსაწყოს უფრო სპეციფიკური ფუნქცია აქვს ,,ანალიტიქსთან“ შედარებით. აანალიზებს ბმულებს ვებგვერდზე. საშუალებას გვაძლევს განვსაზღვროთ კონკურენტების ტაქტიკა და ჩამოვაყალიბოთ ეფექტური სტრატეგია.
  4. „Google keyword Planner-ით“ ზუსტად გავიგებთ თუ რამდენი ადამიანი ეძებს Google-ში კონკრეტულ სიტყვებს. მივიღებთ იდეებს კონკრეტულ სიტყვებსა და ფრაზებთან მიმართებაში.
  5. „MOZ’s Keyword Explorer – ი“ კონკრეტული რეკომენდაციებს შემოგვთავაზებს თუ რომელი ქივორდები გამოვიყენოთ.
  6. „SEMRush -ს“ აქვს როგორც ფასიანი, ასევე უფასო ვერსიაც. პროგრამა გვეხმარება ჩვენი და კონკურენტების პოზიციების განსაზღვრაში.
  7. „QuickSprout“ – „SEO“ აუდიტისთვის საუკეთესო ხელსაწყოა.
  8. „SERPs Rank Checker-ის“ საშუალებით შეგვიძლია ვაკონტროლოთ ქივორდები, ფრაზები. შევადაროთ კონკურენტებს.

 

წყარო:  Entrepreneur.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა“

სრულად ნახვა
კომუნიკაციატექნოლოგიები

,,Facebook–ი” ბილეთების გაყიდვის სერვისს ამატებს

1.85K views on

 

„Facebook-ი“ ახალ მომსახურებას ნერგავს, რომლის საშუალებით მომხმარებელი სხვადასხვა ღონისძიების ბილეთის შეძენას სოციალურ ქსელში შეძლებს. სიახლე ამჟამად ტესტირებას გადის. „Facebook-ი“ აღნიშნულ პროექტზე „Eventbrite-სა“ და „Ticketmaster-თან“ ერთად მუშაობს.

მომხმარებელს სოციალურ ქსელში ბილეთების შეძენა აქამდეც შეეძლო, მაგრამ პირდაპირ გარიგებას დამატებით სხვა სერვისის მომსახურება ახორციელებდა. ახალი სერვისით კი მომხმარებელისთვის ბილეთის შეძენის მთელი პროცესის განხორციელება „Facebook-ით“ იქნება შესაძლებელი.

კომპანიაში აღნიშნავენ, რომ მილიონობით ადამიანი  ღონისძიების შესახებ სწორედ მათი ქსელის საშუალებით იგებს. ,,ჩვენ მიერ ჩატარებული კვლევის მიხედვით, მომხმარებელთა დიდი ნაწილი ბევრ მნიშვნელოვან ღონისძიებებზე მხოლოდ იმის გამო ვერ ხვდება, რომ ამის შესახებ უბრალოდ გვიან იგებს. ახალი სერვისით კი მომხმარებელი არა მხოლოდ გაიგებს მიმდინარე ღონისძიებების შესახებ, არამედ ბილეთების შეძენასაც ოპერატიულად შეძლებს“-აცხადებენ  „Facebook-ში“.

 

წყარო: Inc.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
საქართველოტექნოლოგიები

რეგიონებისთვის ვებპროგრამირების უფასო კურსებზე რეგისტრაცია დაიწყო

1.9K views on
„საქართველოს ინოვაციებისა და ტექნოლოგიების სააგენტო“ და ახალი ტექნოლოგიების ლაბორატორია – „ჯეოლაბი“ – ჭოპორტში, ბაღდათში, ხარაგაულსა და ზუგდიდში ახალი პროექტის განხორციელებას იწყებს. პროექტის ფარგლებში, რეგიონებში მცხოვრებ ახალგაზრდებს საშუალება ექნებათ დაეუფლონ თანამედროვე ტექნოლოგიებს, გაიარონ პროგრამირების დისტანციური კურსები, მიიღონ დისტანციური დასაქმების შესაძლებლობა და გაიარონ სამუშაო პრაქტიკა ,,ჯეოლაბში”.
 პროექტი სამი ძირითადი კომპონენტისაგან შედგება:
  • საქართველოს რეგიონებში დისტანციური განათლების ცენტრების შექმნა;
  • საქართველოს რეგიონებში საზიარო სამუშაო სივრცეების ამუშავება;
  • დისტანციური დასაქმების პლატფორმის შექმნა;
  • სამუშაო პრაქტიკა წარჩინებული სტუდენტებისათვის.

  პროექტის განხორციელებისათვის შეირჩა ჰიბრიდული, დისტანციური სწავლის მოდელი (Hybrid Distance Learning), რომლის ფარგლებში სტუდენტები ფიქსირებულ დროს იკრიბებიან არაფორმალური განათლების ცენტრებში და ლექციები ვიდეო სტრიმინგის ფორმატში ტარდება. ლექციის განმავლობაში სტუდენტებს შეეძლებათ ლექტორისათვის შეკითხვების დასმა. სწავლების პროცესში გათვალისწინებულია ლექტორებთან ინდივიდუალური, დისტანციური შეხვედრები. ჰიბრიდული სასწავლო მოდელის ფარგლებში, საშინაო დავალებებს ლექტორები შეამოწმებენ და კონკრეტულ რჩევებს გაუზიარებენ სტუდენტებს. პერიოდულად ლექტორები თავად ჩავლენ რეგიონებში და შეხვდებიან სტუდენტებს რათა სტუდენტებს შესაძლებლობა ქონდეთ ფიზიკურად გაიცნონ ლექტორები, დაამყარონ მათთან პირდაპირი კავშირები.

 ამგვარი სასწავლო გარემოს შექმნა ანუ დისტანციური სწავლების დანერგვა მსმენელებს მომავალში გაუადვილებს დისტანციურ დასაქმებას. მათვის ვირტუალურ სივრცეში სხვადასხვა აქტივობების განხორციელება ბუნებრივი იქნება.  

სასწავლო პროგრამაში ამ ეტაპზე ორი მიმართულებაა განსაზღვრული:  

  • ფრონტ ენდ პროგრამირება: HTML, CSS, JavaScript

არსებობს წარმოდგენა, რომ ვებგვერდის აწყობა მხოლოდ ტექნიკური განათლების მქონე ადამიანს შეუძლია ისწავლოს. თუმცა, რაც დრო გადის, საპირისპირო სურათს ვხედავთ. სულ უფრო მეტი, სხვადასხვა პროფესიის ადამიანი სწავლობს პროგრამირებას, სხვადასხვა სირთულის აპლიკაციებს ქმნის და თავად აწყობს ვებგვერდებს. ტექნოლოგიების განვითარებამ შესაძლებელი გახადა, რომ სხვადასხვა პროფესიის ადამიანებმა თავად შეძლონ საკუთარი იდეების რეალიზება. თუკი ადრე ინოვაციური იდეის რეალიზებისათვის საჭირო იყო ფინანსები, დღეს ადამიანს შეუძლია, თავად დაეუფლოს იდეის რეალიზებისათვის საჭირო ტექნიკურ ცოდნას, მაგალითად, შეისწავლოს ვებგვერდის აწყობა და შექმნას საკუთარი კომპანიის ვებგვერდი, ააწყოს ონლაინ მაღაზია ან რაიმე სხვა ვირტუალური ონლაინ სერვისი.

ამ კურსის ფარგლებში მსმენელები იმ ცოდნას ეუფლებიან, რომელიც მათ საშუალებას აძლევს, გაერკვნენ ვებგვერდის ფუნქციონირების პრინციპებში, ააწყონ სტატიკური ვებგვერდი ან, საჭიროების შემთხვევაში, ცვლილებები შეიტანონ არსებული ვებგვერდის პროგრამულ კოდში, დაგეგმონ და მენეჯმენტი გაუწიონ ვებგვერდის შექმნასთან დაკავშირებულ სამუშაოებს. კურსი პრაქტიკული ხასიათისაა, რომლის ფარგლებში მსმენელები თავად ქმნიან ვებგვერდებს HTML პროგრამულ ენაზე CSS-ის გამოყენებით.

  • პროგრამირება .NET

.NET კომპანია Microsoft-ის ოფიციალური პროდუქტია, ამიტომ მას აქვს სრულყოფილი, ოფიციალური დოკუმენტაცია, რომელიც მუდმივად განახლების პროცესშია. ინტერნეტში არის ბევრი ღია რესურსი ამ ინსტრუმენტის შესახებ. .NET-ზე მუშაობისას, სტუდენტებს შეხება ექნებათ ერთ-ერთ ყველაზე კარგ სამუშაო გარემოსთან Visual Studio-სთან. ეს არის ძვირადღირებული პროგრამა, რომელიც სტუდენტებისათვის უფასოა. მსმენელები სწავლის დროს უფასოდ ისარგებლებენ Microsoft-ის სერვერული პაკეტით DreamSpark for Students.
კურსის განმავლობაში, სტუდენტები ლექტორების მიერ მოწოდებული სასწავლო მასალის მიხედვით, თავად შექმნიან ვებგვერდებს. ისწავლიან, როგორც უშუალოდ C# პროგრამულ ენაზე წერას, ასევე არსებული სნიპეტების, ფუნქციების, ბიბლიოთეკების, ფრეიმვორკების გამოყენებას და საკუთარ საჭიროებებზე მორგებას, გადაკეთებას.

სრული კურსი 4-თვიანი იქნება და სამი საფეხურისაგან იქნება შემდგარი:

პირველი საფეხური: 6 შეხვედრა

მსმენელები მიიღებენ საბაზისო ცოდნას თითოეული მიმართულებით;

პირველი საფეხურის ბოლოს მსმენელებს ჩაუტარდებათ გამოცდა. გამოცდის წარმატებით ჩაბარების შემთხვევაში მსმენელები გადავლენ შემდეგ საფეხურზე.

მეორე საფეხური: 12 შეხვედრა

კურსის ძირითადი ნაწილი პრაქტიკული სავარჯიშოების შესრულებას დაეთმობა. დავალებების შესრულებაში მსმენელებს ლექტორები დაეხმარებიან. კურსის განმავლობაში გათვალისწინებული იქნება ინდივიდუალური კონსულტაციები, რომლის დროსაც ინდივიდუალურ რეჟიმში, Google Hengout-ის საშუალებით იმუშავებენ სტუდენტებთან. მეორე საფეხურის ბოლოს მსმენელებს ჩაუტარდებათ გამოცდა. გამოცდის წარმატებით ჩაბარების შემთხვევაში მსმენელები გადავლენ შემდეგ საფეხურზე.

მესამე საფეხური: 18 შეხვედრა

მესამე საფეხურის ძირითადი ნაწილი პრაქტიკული ხასიათის იქნება. ამ საფეხურზე მსმენელები ონლაინ დასაქმების პლატფორმის გამოყენებით სხვადასხვა პროექტებზე მუშაობას დაიწყებენ. მესამე საფეხურის ბოლოს მსმენელებს ჩაუტარდებათ გამოცდა. გამოცდის წარმატებით ჩაბარების შემთხვევაში მსმენელები ჩაერთვებიან ონლაინდასაქმების პროგრამაში.

საფეხურებად დაყოფილი სასწავლო პროგრამა შესაძლებელს გახდის სწავლის პირველ საფეხურებზე, შეირჩეს მოტივირებული მსმენელები, რათა შემდგომ წავახალისოთ, ისეთი ბავშვები, რომლებსაც რეალურად აინტერესებთ ტექნოლოგიები და მზად არიან მომავალში დრო და ენერგია დაუთმონ ტექნოლოგიების შესწავლას. ამგვარად პირველ საფეხურებზე, ზოგად ცოდნას ტექნოლოგიებთან დაკავშირებით ყველა მიიღებს, ხოლო მოტივირებული მსმენელები შემდეგ საფეხურებზე გააგრძელებენ სწავლას.

2. საზიარო სამუშაო სივრცე

ICT სექტორი დისტანციური დასაქმების შესაძლებლობას იძლევა. ამ შესაძლებლობას პოსტსაბჭოთა ქვეყნები აქტიურად იყენებენ, მათ შორის: ესტონეთი, ბელორუსია და უკრაინა. ამ ქვეყნებიდან ბევრი კომპანია და დამოუკიდებელი (Freelancer)  სპეციალისტი დისტანციურად მუშაობს. უცხოური კომპანიების შეკვეთებს ასრულებს. სააგენტოს Trendic Economics კვლევის მიხედვით რომელიც 169 ქვეყნის ეკონომიკურ სიტუაციას 300 000 მეტი ინდიკატორზე დაყრდნობით სწავლობს ბელორუსის ექსპორტი ICT პროდუქტების სახით 2013 წელს $1 370 100 000 შეადგენდა, უკრაინის $5 021 000 000 ხოლო ესტონეთის $1 614 468 323. მაშინ როდესაც საქართველოში მხოლოდ $122 079 092.  (წყარო: http://www.tradingeconomics.com/).

ICT შრომის ბაზარზე მოთხოვნა საქართველოშიც ყოველწლიურად იზრდება. ამას მოწმობს თუნდაც იმ ქართული ვებგვერდების ანალიზიც, რომლებზეც ვაკანსიების შესახებ განცხადებები ქვეყნდება (jobs.ge, hr.ge და სხვა).

მიუხედავად იმისა რომ ეკონომიკის ამ სექტორში, სხვა სექტორებისაგან განსხვავებით, მთელ მსოფლიოში დისტანციური დასაქმება საკმაოდ განვითარებულია, საქართველოში ეს პრაქტიკა ჯერ კიდევ ფართოდ არ არის გავრცელებული. თავად საქართველოს მასშტაბითაც რეგიონის წარმომადგენლები, დასაქმების მიზნით, თბილისში ჩამოსვლას და ადგილზე დასაქმებას ამჯობინებენ.

პროექტის ფარგლებში, რეგიონებში განლაგებული ინოვაციური ცენტრების ბაზაზე (ჭოპორტში, ხარაგაულში, ბაღდათში, ზუგდიდში)  საზიარო სამუშაო სივრცეების (coworking spaces) შექმნა იგეგმება. პროექტში ჩართულ ახალგაზრდებს საშუალება ექნებათ, რეგიონალურ ინოვაციურ ცენტრებში არა მარტო ლექციებს დაესწრონ და საშინაო დავალებებზე იმუშაონ, არამედ ონლაინ დასაქმების პლატფორმის საშუალებით დისტანციურად დასაქმდნენ. შესაბამისად ინოვაციური ცენტრები სამუშაო სივრცედ გამოიყენონ.

3. დისტანციური დასაქმების პლატფორმა

იქმნება და ახლო მომავალში ამუშავდება ონლაინპლატფორმა, რომელიც რეგიონში მომზადებულ ახალგაზრდებს დისტანციური დასაქმების საშუალებას მისცემს. პლათფორმა ღია იქნება პოტენციური დამსაქმებლებისათვის. მათ შეეძლებათ დარეგისტრირება და საკუთარი შეკვეთის განთავსება, შემსრულებელების მოძიება. პლათფორმა ერთგვარი სარეიტინგო სისტემის ფუნქციასაც შეასრულებს და რეგიონებში მცხოვრები ნიჭიერი, შრომისმოყვარე, მოტივირებული ახალგაზრდების გამოვლენაში დაგვეხმარება.

პლატფორმა შეიქმნება უცხოური ანალოგების გაანალიზების და მათი მუშაობის შედეგად დაგროვებული გამოცდილების გათვალისწინებით. ამავდროულად გათვალისწინებული იქნება ქართული სპეციფიკაც. თუკი ეს პლათფორმა სასწავლო პროცესში იქნება ინტეგრირებული, ანუ ამ სისტემის დახმარებით მსმენელები მიიღებენ და ჩააბარებენ საშინაო დავალებას, მათ კურსის დასრულების შემდეგ გაუადვილდებათ ამავე პლატფორმის საშუალებით სხვადასხვა კომპანიისათვის გარკვეული შეკვეთების შესრულება.

ამის გარდა თავად პროექტში ჩართული ახალგაზრდები, დაგროვებული გამოცდილების საფუძველზე, მომავალში, სურვილის შემთხვევაში უცხოური დისტანციური დასაქმების პლატფორმაზეც ადვილად შეძლებენ დასაქმებას.

4. სამუშაო პრაქტიკა

ორ წარჩინებულ სტუდენტს საშუალება ექნება თბილისში ერთკვირიანი სამუშაო პრაქტიკა გაიაროს GeoLab-ში. მათ დაუფინანსდებათ მგზავრობის და თბილისში ცხოვრებასთან დაკავშირებული ხარჯები. პრაქტიკანტები ჩაერთვებიან GeoLab-ის პროექტებში. გაიცნობენ ICT სფეროს პროფესიონალებს. იმუშავებენ მათ მიერ გავლილი სასწავლო მიმართულების შესაბამის პროექტებზე.

 
 იხილეთ სარეგისტრაციო ფორმა: https://docs.google.com/a/geolab.edu.ge/forms/d/e/1FAIpQLSd3Y6TALM1inxmqqyA2aQ6d34qpKaiz13ulnBwpFT2Y6c_4bQ/viewform
ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიზნესიტექნოლოგიები

უმსხვილესი ბანკები ციფრული ვალუტის შექმნას გეგმავენ

2K views on

 

მსოფლიოს  4 უმსხვილესი ბანკი  „UBS“,“ Deutsche Bank“,“ Santander“, და“ BNY Mellon–ი“ ახალი ციფრული ვალუტის შექმნას გეგმავს. ახალი ვალუტის პირველი კომერციული გამოყენება 2018 წლიდანაა დაგეგმილი.

ახალი ციფრული ვალუტა – ბლოკჩეინის (blockchain – ქსელში განხორციელებული ტრანზაქციების შესახებ მონაცემთა დეცენტრალიზებული ბაზა) ტექნოლოგიაზე იქნება დაფუძნებული. ბლოკჩეინ ტექნოლოგია არის ალგორითმების კომპლექსური ერთიანობა, რომელიც კრიპტოვალუტებს ვაჭრობის საშუალებას აძლევს. მიუხედავად იმისა, რომ ბანკები აღნიშნულთან დაკავშირებით ერთ დროს სკეპტიკურად იყვნენ განწყობილები და ბლოკჩეინ ტექნოლოგიაში თაღლითობის საფრთხეს ხედავდნენ, დღეს ისინი ინტერესდებიან, თუ როგორ შეუძლია ახალ ტექნოლოგიას არსებული სიტუაციის შეცვლა.

ინგლისის ბანკი, აშშ-ის ფედერალური სარეზერვო ბანკი და კანადის ბანკი იმ ცენტრალურ ბანკებს შორის არიან, რომლებიც ციფრული ვალუტის დადებით მხარეებს სწავლობენ. ამ სიახლის დანერგვის შემაფერხებელ ფაქტორებად  საბანკო სტაბილურობა და უსაფრთხოება სახელდება. ის ადამიანები, რომლებიც ბლოკჩეინ ტექნოლოგიებს მხარს უჭერენ, მიიჩნევენ რომ ტექნოლოგიის ფართოდ გავრცელებისათვის კიდევ რამდენიმე წელია დარჩენილი.

 

წყარო: Inc.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიზნესიტექნოლოგიები

„Google-ის“ ახალი გამოგონება–„თარჯიმანი ყურსასმენები“

2.08K views on

„Google–მა“ ახალი ყურსასმენების შექმნა დააანონსა, რომელსაც მთარგმნელის ფუნქციაც ექნება და  სხვადასხვა ენიდან თარგმნას შეძლებს. ამის შესახებ  „Google Brain-ის“ ერთ–ერთმა დამფუძნებელმა – გრეგ კორადომ განაცხადა.

თარგმანი განხორციელდება ნეირონული ქსელების სისტემის საშუალებით. რობოტის მიერ გახმოვანებული ტექსტი კი ადამიანის ხმისგან განსხვავებული არ იქნება. კორადოს არ დაუკონკრეტებია, რა სახელწოდებას მიიღებს პროექტი, თუმცა დააზუსტა, რომ ამ ეტაპზე პროექტი იდეის დონეზეა და მის დანერგვამდე ბევრი ეტაპის გავლაა საჭირო. ამასთან, აღნიშნა, რომ კომპანიაში გააზრებული აქვთ, როგორ იმუშავებს თარგმნის სისტემა და რა რესურსები იქნება საჭირო მისი ფუნქციონირებისთვის. პროექტის სახელი ჯერ უცნობია, ასევე უცნობია,  როდის მოხდება ინოვაციის წარდგენა.

კორადოს აზრით, 10 წლის შემდეგ, მსოფლიოს ტექნოლოგიური წინსვლა მიაღწევს იმ ნიშნულს, როცა ადამიანებს რეალური თარჯიმნები აღარ დასჭირდებათ, რადგან მსგავს ფუნქციას ხელოვნური ინტელექტი შეითავსებს. სამწუხაროდ, პროფესიით თარჯიმნების მომავალი კითხვის ნიშნის ქვეშ დგება, თუმცა მისი აზრით, თარჯიმნების გარეშე ამ პროექტის დამუშავება და სრულყოფა შეუძლებელი იქნება.

 

წყარო: Hbr.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
რობოტექნიკა

რობოტი, რომელიც ყველაზე მეტად ჰგავს ადამიანს და 65 გამომეტყველებას იღებს

2.02K views on

 

რაც დრო გადის ადამიანის ფანტაზია  უფრო და უფრო ვითარდება. აქედან გამომდინარე კი გამომგონებლები ფართო ასპარეზზე გაიჭრნენ და გვთავაზობენ სხვადასხვა სახის ძალზედ უცნაურ და საინტერესო გამოგონებებს.

„Geminoid F-ს“ მეორენაირად „ცოცხალ თოჯინასაც” უწოდებენ. აქამდე შექმნილი რობოტებიდან ის ყველაზე მეტად ჰგავს ადამიანს – შეუძლია 65 სხვადასხვა გამომეტყველების მიღება, ლაპარაკობს და მღერის კიდეც.

შესაძლოა, სულ რაღაც რამდენიმე თვე გვაშორებდეს იმ პერიოდამდე, როცა მომღერალთა ჯგუფებსა და ახალბედა მსახიობებს რობოტები ჩაანაცვლებენ. მრავალფუნქციურმა „Geminoid F-მა“ ჰონგ-კონგში გამართული პრეზენტაციის შემდეგ ჩინეთის მოსახლეობაში დიდი მითქმა-მოთქმა გამოიწვია.

ამ ქმნილებას შეუძლია გაღიმება, ასევე უცნაური და დამცინავი მიმიკების გამოხატვაც კი. ამ ყველაფერს რეზინის კანის ქვეშ განლაგებული მექანიკური სტიმულატორები უზრუნველყოფენ.

როგორც „Geminoid F-ის“ შემქმნელი ჰიროში იშიგურო ამბობს, მისი მიზანია ისეთი რობოტის შექმნა, რომელიც ადამიანის მაქსიმალურად ზუსტი ასლი იქნება და მრავალს დააჯერებს, თითქოს მექანიკური მოწყობილობა კი არა, ცოცხალი ორგანიზმია.

 

წყარო: Hbr.com

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
განათლებამსოფლიოტექნოლოგიები

კენია: „მოსაწყენი სახელმძღვანელოების ნაცვლად ანიმაციებს, კომპიუტერულ თამაშებს, ვიდეოებსა და ვიქტორინებს ვიყენებთ”

2.33K views on

 

კენიის ზოგიერთ რაიონში განათლება ძალიან დაბალ დონეზეა, ამიტომ ნაირობის ერთ–ერთი რაიონის მასწავლებლებმა გადაწყვიტეს, მოსწავლეები პერსონალური კომპიუტერებით დაეინტერესებინათ.

ერთ-ერთი კვლევის მიხედვით, კენიელი მოსწავლეების უმრავლესობა სწავლას 14 წლის ასაკში ანებებს თავს. ახალი პროექტის ავტორს, პროგრამისტ ნივი მუქერჯის კი მიაჩნია, რომ სასწავლო პროცესი უფრო სახალისო და მიმზიდველი უნდა გახდეს – ეს ბავშვებისთვის განათლების მიღების სტიმულად იქცევა. „მოსაწყენი სახელმძღვანელოების ნაცვლად ანიმაციებს, კომპიუტერულ თამაშებს, ვიდეოებსა და ვიქტორინებს ვიყენებთ, რათა სასწავლო პროცესი ინტერაქტიული გავხადოთ”, – ამბობს ნივი მუქერჯი.

პროექტი პირველად კავანგვარში ჩაეშვა – ნაირობის ყველაზე ღარიბ შემოგარენში, სადაც ფართოდ იყო გავრცელებული ნარკომანია, პროსტიტუცია და სხვადასხვაგვარი კრიმინალი. ახლა კომპიუტერი მოსწავლეთა დიდ ინტერესს იწვევს. ცამეტი წლის მარსელინო კეიანდა ამბობს, რომ პირველი ემზადება გამოცდებისთვის და კომპიუტერით სწავლა ძალიან ეხალისება: „უამრავი წიგნის თრევა მიწევდა. ახლა მხოლოდ პლანშეტი მაქვს. თუ მასწავლებელი გვერდით არ მყავს, რომ რაიმე ვკითხო, პასუხს კომპიუტერი მცემს”.

კენიის განათლების სისტემა არასრულყოფილია. ქვეყანა ათეულობით ათასი მასწავლებლის დეფიციტს განიცდის, კლასები გადატვირთულია, მოსწავლეებს სწავლა უჭირთ. პროექტის ავტორებს იმედი აქვთ, რომ კომპიუტერები მოზარდებს მობილიზების სტიმულს მისცემს. პროექტმა სტარტი ახლახან აიღო, მაგრამ უკვე წარმატებულის შთაბეჭდილებას ტოვებს – ბავშვები უკეთესადაც სწავლობენ და აღარც გაკვეთილებზე იგვიანებენ. „პლანშეტმა ჩვენი მოსწავლეები სკოლაში დააბრუნა. ისინი აღარც გაკვეთილებს აცდენენ და კარგ ნიშნებსაც იღებენ. ახალი ტექნოლოგიები მათ სამყაროს შეცნობაში ეხმარება”, – ამბობს მასწავლებელი ფილსონ მადეგვა.

ნივი მუქერჯი მიიჩნევს, რომ პროგრამული უზრუნველყოფა მხოლოდ სკოლის პროგრამის ათვისებას არ უწყობს ხელს – ის მოსწავლეებს გარემოზე ზრუნვასაც ასწავლის, სოციალურ სამართლიანობასა და ადამიანის უფლებებზეც მოუთხრობს: „ვცდილობთ, ჩვენი შვილები 21-ე საუკუნის ეკონომიკის განვითარებაში ჩავრთოთ, ლიდერებად და აქტიურ მოქალაქეებად აღვზარდოთ. ვიმედოვნებ, მომავალში პროექტი მთელ აფრიკაში და მსოფლიოს სხვა ქვეყნებში გავრცელდება”.

 

წყარო: Harvard Business Review

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
კომუნიკაციამსოფლიოსამართალი

თურქეთის მთავრობამ „ვიკიპედია“ დაბლოკა

1.78K views on

 თურქეთის ხელისუფლებამ ინტერნეტ–ენციკლოპედია „ვიკიპედიაზე“ წვდომა დაბლოკა. აღნიშნულის შესახებ გამოცემა „Hurriyet-ი“ ინფორმაციული ტექნოლოგიებისა და კავშირგაბმულობის საბჭოს გადაწყვეტილებაზე დაყრდნობით იუწყება.

„თურქეთის ნომერ 5651 კანონის შესაბამისად, ტექნოლოგიებისა და კავშირგაბმულობის საბჭოს მიერ ჩატარებული ტექნიკური და იურიდიული შეფასების შედეგად, 29 აპრილიდან საიტ wikipedia.org-თან მიმართებით ადმინისტრატიული ზომები გამოიყენება“, – ნათქვამია საბჭოს გადაწყვეტილებაში. აღნიშნულის მიზეზი ჯერ უცნობია.

თურქეთში ნომერ 5651 კანონი წარმოადგენს „ინტერნეტ-მაუწყებლობისა და ინტერნეტ სფეროში ჩადენილ დანაშაულთან ბრძოლის შესახებ“ კანონს. მას არაერთხელ აკრიტიკებდა თურქეთის ოპოზიცია, ვინაიდან, მათი აზრით, ის არა მარტო არღვევს სიტყვის თავისუფლებას, არამედ სერიოზულადაც ზღუდავს მოქალაქეების ინფორმაციაზე წვდომის უფლებას.

 

წყარო: Reuters.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიზნესიტექნოლოგიები

ადამიანი, რომელსაც აპლიკაციების ჯადოქარი შეარქვეს

1.64K views on

 ყველაზე დიდი მოთხოვნის აქციების მქონე კომპანია ამერიკაში ,,TWILIO-ა”. არადა, ალბათ ეს სახელი არც კი გაგიგონიათ. ის cloud-ის მეშვეობით ნებისმიერ ადგილას საკომუნიკაციო ქსელს ქმნის.

2011 წლის ოქტომბერში „Uber-ი“ ჯერ კიდევ პატარა კომპანია იყო, რომელიც სან-ფრანცისკოს მიღმა გაფართოებას იწყებდა. კომპანიამ მომხმარებლებს ი-მეილი გაუგზავნა, რომლითაც პრობლემის შესახებ ატყობინებდა: „Uber-ის”  SMSპროვაიდერი, Air2Web-ი, გეგმურად გამოირთვებოდა ანუ, „Uber-ის” ზოგიერთი სერვისი, მაგალითად, შეტყობინებები და SMSმოთხოვნები, დროებით ვერ იმუშავებდა. ,,თუ მოგვწერთ და სწრაფ პასუხს ვერ მიიღებთ, არ იფიქროთ, რომ არ გვინდა პასუხის გაცემა. უბრალოდ, არ შეგვიძლია!” – ეწერა „Uber-ის” ირონიულ წერილში – ,,Air2Web-ისადმი” გაღიზიანება აშკარად იყო შენიღბული.

ი-მეილმა თავი ჯეფ ლოუსონის, ქალაქის საპირისპირო მხარეს მდებარე სტარტაპის, „Twilio-ს” აღმასრულებელი დირექტორის ინბოქსშიც ამოჰყო. „Twilio“ cloud-ზე დაფუძნებულ ტექსტურ და ხმოვან კომუნიკაციაზე მუშაობს. დაბალი, ჩასკვნილი, მელოტი, მართკუთხა სათვალეებისა და მრგვალი სახის პატრონი ლოუსონი ჯორჯ კოსტანზას დუბლიორად გამოდგებოდა, ოღონდ ერთი კი ისაა, რომ ამ უკანასკნელისგან განსხვავებით, ლოუსონი არც მოუხერხებელია და არც ნევროზული. ის თავმდაბალი და სასიამოვნო ხასიათის კაცია და სტარტაპების დამფუძნებელთათვის დამახასიათებელი თავდაჯერებულობისა და მანერულობის დეფიციტს ინჟინრული ჟინითა და ანტრეპრენიორული დისციპლინით ანაზღაურებს.

 

წყარო: Inc.com

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
ტექნოლოგიები

მეცნიერები ადამიანის ტვინს კომპიუტერთან დააკავშირებენ

1.67K views on

კომპანია ,,Tesla Inc-ის” დამფუძნებელი და აღმასრულებელი დირექტორი – ელონ მასკი – აცხადებს, რომ მისი კომპანია ,,Neuralink Corp-ი” მიკრონის ზომის მოწყობილობები ადამიანის ტვინის მანქანის ინტერფეისთან დაკავშირებაზე მუშაობს.

როგორც მასკმა ვებსაიტ ,,Wait But Why-სთან” ინტერვიუში განახადა: ,,Neuralink-ის” მიზანია, პროდუქტი, რომელიც ინსულტის, კიბოსა და სხვა დაავადებებისგან გამოწვეული ტვინის მძიმე დაზიანებების მქონე ადამიანებს დაეხმარება, ბაზარზე ოთხ წელიწადში გაიტანოს.

„ხელოვნური ინტელექტითა და მანქანით იმდენად დახვეწილ და ,,ღვთის მსგავს” კომპიუტერებს შევქმნით, რომ ადამიანებს ტვინის შესანარჩუნებლად ნერვულ ძაფებს გადაუნერგავენ,“ –  განაცხადა მასკმა შარშან გამართულ ტექნოლოგიურ კონფერენციაზე.

,,თქვენს თავში თავმოყრილია კონცეფციები, რომელსაც ტვინი კუმშავს და იმ   წარმოუდგენლად დაბალ მონაცემებად გარდაქმნის, რასაც მეტყველება ან ბეჭდვა ჰქვია. თუ თქვენ ტვინის ორი ინტერფეისი გაქვთ, თქვენ შეგიძლიათ სხვა ადამიანთან დაამყაროთ არაკომპრესირებული პირდაპირი კონცეპტუალური კომუნიკაცია,“ – განაცხადა მასკმა.

ტექნოლოგიას შესაძლოა დაახლოებით 8-10 წელი დასჭირდეს.

მარტში, ,,Wall Street Journal-ი” იუწყებოდა, რომ მასკმა დააფუძნა კომპანია, რომლის მეშვეობითაც კომპიუტერის ადამიანის ტვინთან შერწყმაა შესაძლებელი.  ,,Neuralink-ი” კალიფორნიაში ,,სამედიცინო კვლევების კომპანიად”  დარეგისტრირდა. მასკი კომპანიის დაფინანსებას საკუთარი ხარჯებით გეგმავს.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
1 … 74 75 76 77 78 … 88
Page 76 of 88