close

ტექნოლოგიები

კომუნიკაციამსოფლიო

10 მოწინავე ქვეყანა ტელეფონზე დარეკვის  სიძვირის მიხედვით

1.86K views on

 

ქალაქის ტელეფონებიდან მობილურ ტელეფონებზე დარეკვისას მოქმედი ფიქსირებული გადასახადები ყველა ქვეყანაში ინდივიდუალური წესით დგინდება და გამოითვლება შესაბამისად, რაიმე უნიფიცირებული ფორმულის არსებობა გამორიცხულია. აქედან გამომდინარეობს ის დიდი სხვაობებიც, რომლებიც სხვადასხვა ქვეყნის შემთხვევებში ასე თვალშისაცემია.

წარმოდგენილი ჩამონათვალი მიუთითებს, რომ ქვეყნის განვითარების დონესა და მობილურ ტელეფონებზე დარეკვის ღირებულებას შორის არანაირი პირდაპირი კორელაცია არ არსებობს. უფრო პირიქით –  აქ არანაირი ლოგიკა არ იკითხება:

ქვეყანა/ღირებულება(ცენტი/წუთი)

  1. ახალი ზელანდია –43,6
  2. ეგვიპტე –41,6
  3. პოლონეთი– 40,7
  4. შვეიცარია–38,6
  5. ესპანეთი–36,2
  6. ინგლისი–30,7
  7. პორტუგალია–29,9
  8. დანია –27,5
  9. ავსტრალია–27,0
  10. მექსიკა –25,0

 

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ტექნოლოგიები

,,SAMSUNG-ის” შექმნის ისტორია

2.82K views on

ბევრისთვის საყვარელი ბრენდის – ,,სამსუნგის “(Samsung), ისტორია  1938 წლიდან იწყება, როდესაც ახალგაზრდა ბიზნესმენმა – ლი ბონ ჩოლმა, კორეის ქალაქ ტეგუში  ბრინჯის ბიზნესი წამოიწყო.

ამ პერიოდისთვის კორეა იაპონიის კოლონიას წარმოადგენდა და რთულ ამოცანა იყო კერძო საწარმოს შექმნა. ეს საქმე იმდენად წარმატებულიაღმოჩნდა, რომ საშუალება მისცა ლის გაეფართოებინა წარმოება და პარალელურად დაეწყო შაქრისა და თევზის ექსპორტი.

მიუხედავად ასეთი სირთულისა, პირველივე წელს ლი ახერხებს შექმნას ბრინჯის ექსპორტის პირველი დამოუკიდებელი ხაზი კორეიდან ჩინეთში და მანჩურიაში.

1948 წლისთვის იგი ოფიციალურად არეგისტრირებს ფირმას სახელწოდებით – ,,Samsung Trading”. სახელწოდება სამსუნგი (Samsung) ნიშნავს „სამ ვარსკვლავს“ (თავისი სამი ვაჟის საპატივცემულოდ).

1969 წლამდე კომპანია მხოლოდ ზემოთ აღნიშნულ ბიზნესზეა ორიენტირებული, მხოლოდ ამ პერიოდიდან  იწყება ახალი ერა,  როდესაც კომპანია ,,Samsung Electronics-ი” ყალიბდება, რომელმაც დაიწყო კომპანია ,,სანიო ელექტრიკის” (Sanyo Electric) მაკომპლექტებელი ნაწილებისგან შავ-თეთრი ,,სამსუნგის” ტელევიზორების გამოშვება. რამდენიმე წელიწადში იწყება კომპანია სამსუნგის საყოფაცხოვრებო ტექნიკის წარმოებას ქალაქ სუვონის ქარხანაში, სადაც იმ პერიოდისთვის გადადის სამსუნგის სათაო ოფისი.

ამას კი მოჰყვება  სამსუნგის მაღაზიისა და სამსუნგის სერვისცენტრის გახსნა.

1983 წლიდან იწყება სამსუნგის კომპიუტერული ტექნოლოგიების განვითარება და სამსუნგი იწყებს მიკროსქემების წარმოებას.  ხოლო უკვე 1991 წლიდან იწყება სამსუნგის ტელეფონების გამოშვება.

რაც შეეხება ლოგოს, 1993 წელს კომპანიის დღის სწესრიგში დგება მისი  (საფირმო ნიშნის) შეცვლის საკითხი. წინა ლოგოზე ფიგურირებდა 3 ვარსკვლავი, რომელიც უკვე მოძველებულ სიმბოლოდ მიიჩნიეს. ამიტომ შეიქმნა ახალი საფირმო ნიშანი, რომელიც დღეს ყველასთვის ნაცნობია.

თავისი ლამაზი დიზაინით და გამართული მუშაობით ცნობილია, როგორც სამსუნგის საყოფაცხოვრებო ტექნიკა, ასევე სამსუნგის მონიტორები და სამსუნგის ნოუთბუქები.

 

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
სამხედროფილოსოფია

მიამოტო მუსასის საბრძოლო სტრატეგიები

3.93K views on

მიამოტო მუსასი (1584–1645) – ხმლის ოსტატი, ფერმწერი, სკულპტორი, კალიგრაფი, ძენ–ბუდისტი იყო.  მსოფლიოსთვის უპირველესად ცნობილია მისი ლეგენდარული ნაშრომი -„ხუთი რკალის წიგნი” – სადაც იგი ცდილობს გადასცეს მკითხველს, თუ რა სტრატეგიები არსებობს ბრძოლის დროს და რომელია უმჯობესი.

  • „უდგომო დგომის შესწავლა“

„უდგომო დგომი“ გამორიცხავს ბრძოლაში გრძელი ხმლის რომელიმე ცნობილი მდგომარეობის გამოყენების საჭიროებას.

ამ პრინციპს „არარსებულად არსებული“ ეწოდება.

გახსოვდეს, როცა მახვილი გიპყრია, რადაც არ უნდა დაგიჯდეს, უნდა განგმირო მტერი. როცა დარტყმას იგერიებ, თავად ურტყამ, აკეთებ ილეთს, აცილებ მახვილს, თუ მეტოქის მოიერიშე ხმალს ეხები – მისივე მოძრაობით უნდა განგმირო მოწინააღმდეგე. მუდამ უნდა ილტვოდე მიზნისკენ. თუ მხოლოდ ილეთებსა და დარტყმების მოგერიებაზე იფიქრებ, მტერს ვესაფერს დააკლებ. მხოლოდ იმას უნდა ეცადო, როგორმე გაარღვიო შენი მახვილით მისი დაცვა და მიზანს მიაღწიო. გულდასმით შეისწავლე ეს სიტყვები.

ამ მიმართულებას სტრატეგიაში „ საბრძოლო მწყობრი” ეწოდება. სწორედ ასეთი შემართებაა ბრძოლოს მოგების საწინდარი.

  • ტყაპუნით მოგერიება

აი, რას ნიშნავს „ ტყაპუნით მოგერიება“:  როცა მტერთან ხმალს გადააჭდობ – შენი ხმლით შეაჩერებ მის მოქნეულ დარტყმას, მოწინააღმდეგის მოძრაობის რიტმში გაუტყაპუნებ მის მახვილს. ილეთის აზრი დარტყმის მოგერიებაში ან ძლიერ კონტრდარტყმაში არაა. მოწინააღმდეგის ხმალს თავისივე იერიშის რიტმში უნდა დაჰკრა. თუ სწორად მიაგნებ დარტყმის რიტმს, რაგინდ ძლიერ შეეტაკნონ ერთურთს ხმლები, შენი მახვილი იოტისოდენაზეც კი არ გადაიხრება. გულდასმით ვარჯიშია საჭირო ამის გასაგებად.

 

წყარო: Harvard Business Review

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
გამოგონება - ინოვაციასაქართველო

ქართველი ახალგაზრდების გამოგონება, რომელიც ნარჩენების გატანის ოპტიმალურ გეგმას გვთავაზობს

3.62K views on

ილიას სახელმწიფო უნივერსიტეტისა და ილიაუნის სამრეწველო ინოვაციების ლაბორატორიის (FabLab Iliauni) მიერ  გამართული მეიქათონის „შენი სტარტაპიდეა რეალობაში“ ფარგლებში, კიდევ ერთი საინტერესო პროექტი წარსდგა საზოგადოების წინაშე,  ეს არის “PAPU“ (,,ფაფუ“) – მცირე ზომის სენსორული მოწყობილობა, რომელიც მუნიციპალიტეტებს დანახარჯების შემცირებასა და რესურსების ოპტიმალურად გადანაწილებაში დაეხმარება, ,,დოქტრინა“ გაესაუბრა იდეის ერთ-ერთ ავტორს – მედეა ტლაშიძეს, რომელმაც დაწვრილებით გვიამბო გამოგონების არსზე.

მედეას გარდა, პროექტის ავტორები არიან –  ელენე ბერიძე და ირაკლი ლონდარიძე,  გოგონები ილიას სახელმწიფო უნვერსიტეტის ბიზნესის ფაკულტეტის მეოთხეკურსელები არიან, ირაკლი კი პროფესიით ITსპეციალისტია. როგორც მედეამ ჩვენთან საუბარში აღნიშნა, პროექტის იდეა ქალაქში ყველასთვის აქტუალური პრობლემიდან გამომდინარე გაჩნდა, ,,პრობლემა, რომელიც თითქმის ყოველდღიურად ექმნებოდა თითოეულ ჩვენგანს არის – საცობები, რომელსაც ნაგავმზიდი მანქანები ქმნიან. შემდგომ დავინტერესდით და აღმოჩნდა, რომ სტატსტიკურადაც ნაგავმზიდი მანქანების 70% ცარიელი ბრუნდება მარშრუტიდან, შესაბამისად, იხარჯება ზედმეტი რესურსებიც. ჩვენ გვინდოდა, რომ გამოგვესწორებინა ეს და შეგვექმნა ქალაქში ნარჩენების გატანის ოპტიმალური გეგმა, ნაკლები დანახარჯებით.  ჩვენ გვინდა, რომ ვიცხოვროთ თანამედროვე ქალაქში და მიგვაჩნია, რომ  მსგავსი პრობლემების გადაჭრა ძალიან მნიშვნელოვანი იქნება ამ საქმისთვის,“-აღნიშნა მან.

“PAPU” არის მოწყობილობა, რომლის დამაგრებაც ყველა ტიპის ნაგვის ყუთზეა შესაძლებელი და GSMმოდულის საშუალებით ატყობინებს ნარჩენების დონეს ურნაში კონკრეტულ ობიექტზე, შემდგომ, პროგრამის საშუალებით, ნაგავმზიდებისთვის იხაზება ოპტიმალური მარშრუტი, თუ რა თანმიმდევრობით უნდა მიაკითხონ მათ. მოწყობილობა განსაზღვრავს ურნაში სამ დონეს –  სავსე, საშუალო და ცარიელი.  შესაბამისად, თუკი ეს გამოგონება ფეხს მოიკიდებს, ნაგავმზიდი მანქანები ნაკლებად გახდება  საცობის მიზეზი, მაშინ, როცა, რეალურად, ურნები ცარიელია და საწვავიც ზედმეტად იხარჯება.

ამ ეტაპზე ახალგაზრდები ილიაუნის სამრეწველო ინოვაციების ლაბორატორიის და პრეაქსელერატორ ,,ZOOMOUT-ის” დახმარებით პროტოტიპირებაზე მუშაობენ.  21 თებერვალს მათ მიიღეს მონაწილეობა ,,Start up battle-ში” და უკრაინელი ინვესტორების წინაშე წარმატებით წარსდგნენ. ,,ფაფუმ“ ინვესტორების დაინტერესება შეძლო და ასევე მოხვდა ,,Wolves Summit-ზე”, სადაც მსოფლიოს მასშტაბით 350 სტარტაპიდან ხდებოდა შერჩევა. ღონისძიება პოლონეთში, ვარშავაში ჩატარდება და ჩვენი ახალგაზრდა გამოგონებლები უკვე მარტის ბოლოს გამეგზავრებიან ინვესტორებთან შესახვედრად, ,,დოქტრინა“ კი წარმატებებს უსურვებს  და ელის სასიამოვნო სიახლეებს მათგან!

 

მასალა მოამზადა: თამარ დევდარიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

 

 

 

სრულად ნახვა
ტექნოლოგიები

iPhone 8-ს 3D ,,სელფი” ექნება და ადამიანების სახეების იდენტიფიკაცია შეეძლება

1.86K views on

  ,,Apple–ის” მომავალი თაობის  iPhone–ს, სავარაუდოდ, აქამდე არნახული წინაკამერა ექნება, რომელსაც  3D–ში შეეძლება სურათების აღქმა და გადაღება. ერთ-ერთი ანალიტიკოსის თქმით, ამ კამერას ასევე შეეძლება ადამიანების სახეების იდენტიფიკაცია, რაც საკმაოდ დიდი ნაბიჯია ტექნოლოგიის განვითარებისკენ.

Ming-Chi Kuo ერთ–ერთია იმ ადამიანებს შორის, რომელიც საკმაოდ დიდი გავლენით სარგებლობს და შეუძლია სხვადასხვა რჩევებით მოამარაგოს ,,Apple–ის”  კომპანია.

,,Business insider–ი “ამბობს, რომ ძალიან საინტერესო ინოვაცია ინერგება, ცხადია, რომ დღევანდელ რეალობაში ადამიანები გატაცებულნი არიან წინა კამერით სურათების გადაღებით, მსგავსი ფუნქციის მატარებელი ტელეფონები ძალიან ბევრ ადამიანს მოსწონს.

,,Apple–ის” პროდუქცია ისედაც ძალიან მოთხოვნადია დღევანდელ სამყაროში და ამ შესანიშნავი ფუნქციის დამატებით ისინი თითქმის გარანტირებულს გახდიან თავიანთ წარმატებას.

 

წყარო: Business insider

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
გამოგონება - ინოვაციასაქართველო

ქართველი გოგონების გამოგონება, რომელიც სასურველი ნივთის ან ადგილის პოვნაში დაგვეხმარება

11K views on

გასული წლის ნოემბერში, ილიას სახელმწიფო უნივერსიტეტმა და ილიაუნის სამრეწველო ინოვაციების ლაბორატორიამ (FabLab Iliauni)  ჩაატარა მეიქათონი – „შენი სტარტაპიდეა რეალობაში“, რომლის ფარგლებშიც მონაწილე გუნდები ერთმანეთს ინოვაციური და უნიკალური იდეების შეზღუდულ დროში შექმნაში შეეჯიბრნენ. შემდეგ კი, ქართველი თუ უცხოელი ექსპერტების მენტორობით, იდეის პირველადი პროტოტიპები შექმნეს. საერთო ჯამში სტარტაპში 19 საინტერესო პროექტი შეიქმნა, მათ შორის ,,კვარკი“ – ბურთი რომელიც ნავიგაციაში გვეხმარება.

პროექტის ავტორები არიან სან დიეგოს სახელმწიფო უნივერსიტეტის სტუდენტები, ლანა რეხვიაშვილი და ანა ლომაშვილი, ასევე, თბილისის სახელმწიფო უნივერსიტეტის სტუდენტი, ეკატერინე დადიანი. გოგონებმა ერთმანეთი 2015 წლის ილიაუნის ჰაკათონზე გაიცნეს და მას შემდეგ არაერთ პროექტსა თუ კონკურსში მიუღიათ ერთად მონაწილეობა. მათ შორის აღსანიშნავია ,,ტედიბოტი“,  რომელიც შარშან საქართველოში 5 საუკეთესო კომპანიაში დაასახელეს SeedForum-ზე და საერთაშორისო ინვესტორთა კონფერენციაზეც იქნა წარდგენილი.

,,კვარკის“ იდეა კი გოგონებს, როგორც ლანამ ,,დოქტრინასთან“ საუბარში აღნიშნა, ხელოვნების სიყვარულმა შთააგონა, „იდეა გაგვიჩნდა გამომდინარე იქიდან, რომ ძალიან გვიყვარს მუზეუმებში სიარული და ასეთი გიდის ყოლა ბევრად უფრო სასიამოვნოს გახდიდა ჩვენთვის ამ აქტივობას,“ –  აღნიშნავს იგი.

კვარკის ამჟამინდელი პროტოტიპს მცირე ზომის სამართავი პულტი აქვს, რომლის მეშვეობითაც მომხმარებელს შეჰყავს მისთვის სასურველი ნივთისა თუ ადგილის პარამეტრი. პულტი იღებს ბრძანებას და გადასცემს „კვარკს“, რომელიც ამ დროს დგას თავის პლატფორმაზე და იტენება. ბრძანების მიღებამდე „კვარკი“ ლურჯია, ბრძანების მიღების შემდეგ ფერს იცვლის და მწვანდება, ბრძანების შესრულების შემდეგ კი, როცა სასურველ ადგილს ან ნივთს მიაგნებს, წითლდება. კვარკი წითელია მანამ, სანამ მომხმარებელი არ მივა დანიშნულების ადგილას, შემდეგ კი უფერულდება. ფერის ცვლილება ამარტივებს მომხმარებელსა და „კვარკს“ შორის კომუნიკაციას.

საინტერესოა თვითონ სახელწოდებაც, რომელიც რა თქმა უნდა კვლავ ახალგაზრდა გამომგონებლების ინტერესის სფეროდან გამომდინარეობს, ზოგადად კვარკი არის ფუნდამენტური ნაწილაკი, რომელისგანაც სამყაროა შექმნილი, ,,კვარკი ერთერთი მცირე ზომის ელემენტალური ნაწილაკია და რადგან ჩვენი ბურთიც პატარა ზომისაა გადავწყვიტეთ  სწორედ ასე დაგვერქმია მისთვის“ -აღნიშნა ლანამ.

ამჟამად გოგონებს ტექნოპარკის დემოდღეზე ჰქონდათ ,,კვარკი“ წარდგენილი და გრანტის აპლიკაციის შევსებასაც გეგმავენ, რათა მომავალში განავითარონ მისი პროტოტიპი.  მათ ასევე სხვადასხვა აქსელერატორისგანაც მიიღეს შეთავაზებები, მაგრამ,  სტუდენტური დატვირთვიდან გამომდინარე, საბოლოო გადაწყვეტილების მიღებისგან ჯერჯერობოთ თავს იკავებენ.

გთავაზობთ ,,კვარკის“ სადემონსტრაციო ვიდეოს:

 

 

მასალა მოამზადა: თამარ დევდარიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
გამოგონება - ინოვაციამედიცინასაქართველო

ქართველი ახალგაზრდების გამოგონება, რომელიც პაციენტებს ინსულტის შემდეგ რეაბილიტაციაში დაეხმარება

6.83K views on

           ილიას სახელმწიფო უნივერსიტეტმა და ილიაუნის სამრეწველო ინოვაციების ლაბორატორიამ (FabLab Iliauni),  გლობალური მეწარმეობის კვირეულის ფარგლებში, 2016 წლის ნოემბერში ჩაატარა მეიქათონი – „შენი სტარტაპიდეა რეალობაში“, რომლის ფარგლებშიც გამარჯვებული პროექტი გახდა ხელთათმანი, რომელიც პაციენტს ინსულტის შემდეგ რეაბილიტაციაში ეხმარება.

          პროექტის ავტორი ორი ქართველი ახალგაზრდა, ძმები – გიორგი და დიმიტრი ცხოვრებაძეები არიან.  19 წლის დიმიტრი მასაჩუსეტსის ტექნოლოგიების ინსტიტუტის (MIT) ელექტროინჟინერიისა და კომპიუტერული მეცნიერებების ფაკულტეტის სტუდენტია, ხოლო გიორგის სულ მალე 18 წელი უსრულდება და  თავისუფალი უნივერსიტეტის კომპიუტერული მეცნიერებებისა და მათემატიკის სკოლაში (MACs) სწავლობს.

როგორც გიორგიმ ,,დოქტრინასთან“ საუბარში აღნიშნა, ხელთათმანის შექმნის იდეა სწორედ იმ პერიოდში მოუვიდა, როდესაც მეიქათონი ტარდებოდა ილიაუნიში, შემდეგ ძმებმა ერთად დაამუშავეს იდეა, რომელმაც კოპეტენტური ჟიურის მოწონებაც დაიმსახურა.

აღნიშნული ხელსაწყო შექმნილია ადამიანებისთვის, რომლებიც ინსულტის შემდეგ რეაბილიტაციას საჭიროებენ. სტატისტიკურად, წელიწადში საშუალოდ 15 მილიონ ადამიანს ემართება ინსულტი, რის შემდეგაც პაციენტი, როგორც წესი, კარგავს კიდურების მოძრაობის უნარს და საჭიროებს ხელახლა აღიდგინოს მოძრაობის უნარი, რომელიც ქვეითდება ინსულტის დროს. მოძრაობის უნარის დაბრუნებას რამდენიმე თვე სჭირდება, რაც ასევე საკმაოდ დიდ თანხებთან არის დაკავშირებული (აღემატება 10 000 აშშ დოლარს). ქართველი გამომგონებლების მიერ შექმნილი ხელთათმანის თვითღირებულება კი 150 დოლარს არ გადააჭარბებს.

ხელთათმანის გამოყენება შემდეგნაირად ხდება – პაციენტი იკეთებს ხელთათმანს დაზიანებულ ხელზე და მეორე ხელით სიმულაციაში ასრულებს სახალისო დავალებებს. სენსორი აღიქვამს მოძრაობას და ცდილობს იგივე მოძრაობა გააკეთებინოს ხელთათმანსაც, შედეგად ხელთათმანი ეხმარება დაზიანებულ ხელს იგივე მოძრაობების გაკეთებაში. საბოლოო ჯამში პაციენტი ორივე  ხელს ერთნაირად ამოძრავებს, ხოლო ტვინი იწყებს კავშირების აღდგენას და მოძრაობის უნარიც უმჯობესდება.

გამარჯვებულები კომპანია ,,ბილაინმა“ უზრუნველყო 2017 წლის თებერვალში ესპანეთში გამართულ მობილური ტექნოლოგიების კონგრესზე დასწრების სრული დაფინანსებით. ,,გამარჯვების შემდეგ გავიარეთ აქსელერაცია და გავიმარჯვეთ დემო დღეზე ტექნოპარკში. თებერვლის ბოლოს კი მივემგზავრებით მობილური ტექნოლოგიების მსოფლიო კონგრესზე, სადაც წარვადგენთ ხელთათმანს და შევხვდებით პოტენციურ ინვესტორებსა და პარტნიორებს. ასევე, ახლახან დაგვასახელეს 10 საუკეთესო გუნდს შორის  ,,Jacobs International Startup Competition-ზე” და მარტის ბოლოს პროექტს წარვადგენთ გერმანიაშიც, სადაც ჩატარდება ფინალი,“ – აღნიშნა გიორგიმ.

ჯერჯერობით ხელთათმანის პროტოტიპი დამზადების პროცესშია, რის შემდეგაც რამდენიმე საავადმყოფოში, რომლებსაც უკვე აქვთ კონტაქტი ახალგაზრდებთან, მოხდება მათი გამოგონების უშუალოდ მკურნალობისას გამოყენება და დაკვირვება,  ,,დოქტრინა“ კი წარმატებებს უსურვებს მათ და ელის სასიამოვნო სიახლეებს მათგან!

 

მასალა მოამზადა: თამარ დევდარიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

 

 

 

სრულად ნახვა
მედიცინატექნოლოგიები

კომპიუტერთან მუშაობისას გასათვალისწინებელი წესები

2.28K views on

კომპიუტერთან მუშაობისას დაიცავით მარტივი წესები:

 

1.ეკრანი თვალიდან უნდა იყოს დაშორებული 50-60 სმ-ით.

2.ეკრანი უნდა იყოს თვალის დონიდან 20 გრადუსით ქვევით.

3. ის დოკუმტენტი, რომელიდანაც თქვენ კრეფთ  ტექსტს, უნდა იყოს მონიტორზე დამაგრებული სპეციალური დამჭერის მეშვეობით თვალიდან იმავე ანძილზე, როგორც ეკრანი.

4.შეამცირეთ სიკაშკაშე ან გამორთეთ ჭერზე  ჩამოკიდებული ნათურები, განსაკუთებთ ლუმინესცენტური.

5.მხედველობის მოსადუნებლად ყოველი 15-20 წუთის შემდეგ მოარიდეთ თვალი ეკრანს და დააფოკუსირეთ მზერა შორეულ საგნებზე.

6.მაგიდის ლამპის სიმძლავრე არ უნდა აღემატებოდეს 60 ვატს და იგი უნდა იყოს განლაგებული ისე, რომ შუქი არ ეცემოდეს ეკრანსა და თვალებს.

7.ისარგებლეთ ეკრანის დამცავი ფილტრით.

 

მასალა მოამზადა: თამარ ლეჟავამ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
საქართველოტრანსპორტი

თბილისში თვითმფრინავების ნაწილების მწარმოებელი ქარხანა აშენდება

2.09K views on

თბილისში თვითმფრინავების კომპოზიტური ნაწილების მწარმოებელი ქარხანა აშენდება. პროექტის პრეზენტაცია საქართველოს განათლებისა და მეცნიერების სამინისტროში გაიმართა და იგი სააქციო საზოგადოებამ – „აეროსტრუქტურები, ტექნოლოგიები, ცილკონი“ (JSC “Aerostructures Technologies Cyclone”) წარმოადგინა.

აღნიშნული ორგანიზაცია სს „საპარტნიორო  ფონდის“, ეკონომიკის სამინისტროსა და ისრაელის მაღალტექნოლოგიური კომპანია „Elbit Systems – Cyclone Ltd“-ის მიერ დაარსდა.

განათლების სამინისტროს ცნობით, „Elbit Systems – Cyclone Ltd.-ისა” და სს „საპარტნიორო  ფონდის“ პროექტი მიზნად ისახავს თბილისში ააშენოს ქარხანა, სადაც მსოფლიოში წამყვანი საავიაციო კომპანიებისათვის  სამოქალაქო თვითმფრინავის კომპოზიტური დეტალები დამზადდება. ეს უპრეცედენტო პროექტი ხელს შეუწყობს საინჟინრო სფეროს განვითარებას საქართველოში და 300 ადგილობრივს დაასაქმებს.

შეხვედრა, რომელსაც საქართველოს განათლებისა და მეცნიერების მინისტრის პირველი მოადგილე – ქეთევან ნატრიაშვილი, უმაღლესი და პროფესიული განათლების განვითარების დეპარტამენტის წარმომადგენლები და შესაბამისი საგანმანათლებლო დაწესებულებებიდან მოწვეული სტუმრები ესწრებოდნენ, მიზნად ისახავდა აღნიშნული პროექტის შესახებ ინფორმაციის მიწოდებას და თანამშრომლობას დაწყებას  იმ საგანმანთლებლო დაწესებულებებთან, რომლებიც  საინჟინრო  მიმართულების პროგრამებს ახორციელებენ.

 

ახალგარზდა ანალიტიკოსთა და მეცნიერთა დარბაზი ,,დოქტრინა”

 

 

სრულად ნახვა
კომუნიკაციასაქართველო

,,სარეკლამო ომისა” და ,,ჯეოსელისა” და ,,მაგთის” შესახებ

2.36K views on

 

თბილისში, სააკაძის მოედანზე, ,,მაგთისა”  და ,,ჯეოსელს” შორის ,,სარეკლამო ომი” მიმდინარეობს.
რამდენიმე დღის წინ მოედანზე მდებარე ჯეოსელის ოფისის თავზე მაგთის სარეკლამო ბანერი (,,მხოლოდ მაგთი”) გამოიფინა.

ჯეოსელმაც უპასუხა კონკურენტ კომპანიას და  გაგვაფრთხილა, რომ ყველაფერი ჯერ კიდევ წინ არის და #არამხოლოდ ამით შემოიფარგლება.

აღნიშნულ ფაქტს  ინტერნეტში ზემოხსენებულ კომპანიების მომხმარებლების ფართო გამოხმაურება მოჰყვა.

საინტერესოა ვინ გაიმარჯვებს ამ „სარეკლმაო ომში“, ვინ აკონტროლებს საქართველოს ტელეკომუნიკაციების სექტორს ?

მანამდე კი ცოტა რამ კომპანიების შესახებ:

 

,,ჯეოსელი”

საქართველოს უმსხვილესი მობილური ოპერატორი – „ჯეოსელი“ – თურქული კომპანიის Gürtel Telekomünikasyon Yatırım ve Dış. Tic. A.Ş, შვილობილი კომპანიაა, რომელიც, თავის მხრივ, კომპანია Fintur Holdings–ის შვილობილია. (რეგისტრირებულია ნიდერლანდებში). ,,Fintur–ის” მფლობელები არიან მსხვილი თურქული მობილური ოპერატორი Turkcell (41.45%) და Teliasonera (58.55%). რადგან ,,Teliasonera Turkcell-ის” აქციონერიცაა, ის პირდაპირ და არაპირდაპირ ფლობს ჯეოსელის 74.3%–ს.

,,Teliasonera”  მობილურ ოპერატორებს სკანდინავიაში, ბალტიისპირეთის ქვეყნებში, სამხრეთ კავკასიაში, ცენტრალურ აზიასა და სხვა ქვეყნებშიც ფლობს. იგი კვოტირებულია საფონდო ბირჟებზე სტოკჰოლმსა და ჰელსინკიში. ,,Teliasonera-ს” მთავარი აქციონერები შვედეთისა (37.3%) და ფინეთის(11.7%) მთავრობები არიან. სხვა მსხვილი აქციონერები არიან, ასევე შვედური საპენსიო და სადაზღვევო ფონდები. 2012 წლის სექტემბრის მონაცემებით 15 ყველაზე დიდი აქციონერი აქციების 56.2%–ს ფლობს.

,,Fintur Holdings–ს” კიდევ ერთი აქციონერის, ,,Turkcell-ის” აქციები სტამბოლის და ნიუ-იორკის საფონდო ბირჟებზე იყიდება. Turkcell-ის ყველაზე მსხვილი აქციონერი Turkcell Holding AS-ია, რომლის მთავარი აქციონერები Teliasonera (37.1%), თურქი მილიარდერის, მეჰმეტ ემინ კარამეჰმეტის Cukurova Holding (13.8%) დარუსი ოლიგარქის, მიხაილ ფრიდმანის ,,Alfa გრუპი”(13.2%, შვილობილი კომპანიის Altimo–ს მეშვეობით) არიან.

„ჯეოსელი“ 1996 წელს დაარსდა. იგი ქვეყანაში პირველი GSMოპერატორი იყო და საქართველოს ტელეკომუნიკაციების სამინისტროსა და Gürtel–ის ერთობლივი ინიციატივით ამოქმედდა. კომპანიამ ოპერირება 1997 წელს დაიწყო, 2006 წლიდან კი UMTS/3G მომსახურებას სთავაზობს მომხმარებლებს. „ჯეოსელის“ მოგება 2011 წელს დაახლოებით 140 მილიონი აშშ დოლარი იყო.

 

,,მაგთიკომი”

„მაგთიკომი“— 1996 წლის 12 თებერვალს დააფუძნა დოქტორმა გიორგი (გია) ჯოხთაბერიძემ. კომპანიამ პირველი კომერციული ზარი მობილური ქსელიდან 1997 წლის 22 სექტემბერს განახორციელა.

„მაგთიკომის“ სერვისები მოიცავს: მობილურ ტელეფონიას (ოპერირებს სამი ბრენდით: „მაგთი“ (1997 წლიდან), ახალგაზრდული ბრენდი „ბალი“ (2005 წლიდან) და „ბანი“ (2010 წლიდან); მობილურ ინტერნეტს (მოიცავს მობილური ქსელის გავითარების ყველა ტექნოლოგიას: 2G, 2.5G, 3G, 3.5G, 4G, 4.5G); უსადენო ფიქსირებულ ტელეფონიას (ბრენდი „მაგთიფიქსი“, 2008 წლიდან); სადენიან ფიქსირებულ ტელეფონიას (VoIP); თანამგზავრულ ტელევიზიას (ბრენდი „მაგთისატი“,  2012 წლიდან; საქართველოსა და სამხრეთ კავკასიაში პირველი ოპერატორი); ინტერნეტ (IPTV) ტელევიზიას (2016 წლიდან) და სადენიან ინტერნეტს (2016 წლიდან).

დღეისათვის „მაგთიკომის“ მობილურ ქსელში გაერთიანებულია ყველა თაობის  მობილური ტექნოლოგია: GSM (2G და 2.5G. ქსელი მუშაობს 900 და 1800 მეგაჰერც სიხშირეზე), UMTS და HSPA+ (3G და 3.5G. ქსელი მუშაობს 900 და 2100 მეგაჰერც სიხშირეზე და LTE (4G და 4.5G.  ქსელი მუშაობს 800 და 1800 მეგაჰერც სიხშირეზე). კომპანია, რიგი სერვისების მისაწოდებლად, ასევე იყენებს CDMA 450 მეგაჰერც სიხშირეს.

„მაგთიკომი“ ყველაზე ვრცელი დაფარვის არეალით არის წარმოდგენილი (4650 საბაზო სადგური) და საქართველოს დასახლებული და კონტროლირებადი ტერიტორიის 98%-ს ფარავს. „მაგთიკომი“ მობილურ ბაზარზე ლიდერია (ბაზრის წილი: 42%; 2016 წლის სექტემბერი). ყველა მომსახურებით, კომპანია 3 მილიონამდე აბონენტს 51 მომსახურების და 5 მობილური ოფისით ემსახურება. 2017 წლის იანვრის მონაცემებით „მაგთიკომის“ წვლილი ქართული ეკონომიკის გავითარებაში წარმოადგენს – 1.663.058.458 ლარს.

2016 წლიდან, „მაგთიკომი“ ISPოპერატორი და, შედეგად, სრული საკომუნუკაციო სერვისის მიმწოდებელია.

 

 

მასალა მოამზადა: ციცი კიკვაძემ

ახალგაზრდა ანალიტიკოსთა და მეცნიერთა დარბაზი “დოქტრინა”

 

სრულად ნახვა
1 … 80 81 82 83 84 … 88
Page 82 of 88