close

ტექნოლოგიები

მსოფლიოტექნოლოგიები

იაპონიაში 5 მილიონზე მეტი სავაჭრო აპარატი დგას

2.67K views on

ჰარისონ ჯეიკობსი ,,ბიზნეს ინსაიდერის” გვერდზე წერს, რომ ის წინა კვირას იმყოფებოდა იაპონიაში, როდესაც სახლში დაბრუნდა, მას ერთი რამ მუდმივად ახსოვდა და ვერ ივიწყებდა, ეს იყო აღსანიშნავი, მრავალფუნქციური სავაჭრო აპარატები მთელს იაპონიაში.

ის ამბობს, რომ მათი უყურადღებოდ დატოვება წარმოუდგენელია, თითქმის ყველა კუთხეში შეიძლება მათი ნახვა, ისინი განთავსებულია მთელს იაპონიაში, როგორც გაირკვა,  დაახლოებით 5 მილიონზე მეტი სავაჭრო აპარატი დგას იაპონიაში.

ამ აპარატებს შეუძლიათ მომხმარებელი დააკმაყოფილონ ყველანაირად, კერძოდ,  მყიდველს შეუძლია იყიდოს ყველანაირი სასმელი –  ყავა, ჩაი, სიგარეტი, შოკოლადი, წვნიანი და სხვადასხვა საჭმელი.

„ნამდვილად აღსანიშნავია მათი რაოდენობა და პროდუქტიულობა, ასევე ძალიან მოსახერხებელია, როგორც მკვიდრი მოსახლეობისთვის –  ტურისტებისთვისაც,“ – განაცხადა ჰარისონ ჯეიკობსმა.

 

წყარო: business insider

 მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
მანქანათმშენებლობა

,,Toyota Hilux-ი” – ,,დაუძლეველი” 1968 წლიდან

2.1K views on

1968 წლის იმ დღიდან, როდესაც პიკაპი გამოუშვეს, ყველგან დატოვა თავისი კვალი. ძარის სტრუქტურა უზრუნველყოფს მეტ სიმტკიცესა და გამძლეობას, ასევე, აღსანიშნავია, მისი გასაოცარი დიზაინი, მაღალი ხარისხის ინტერიერი და გაუმჯობესებული საბუქსირე შესაძლებლობები, ახალი ,,Toyota Hilux-ი” არის გაუმჯობესებული პიკაპი, რომელიც,  ყოველდღიური სიძნელეებისა თუ რთული რელიეფის მიუხედავად,  მარტივად და გამართულად მანევრირებს.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციასაქართველო

საქართველოში 14 ახალი ფაბლაბი გაიხსნა

2.08K views on

პროფესიულ სასწავლებელ ,,მერმისში“ სამრეწველო ინოვაციების ლაბორატორია გაიხსნა.

აღნიშნული ლაბორატორია ერთ-ერთია იმ ფაბლაბებიდან, რომლებიც საქართველოს ეკონომიკისა და მდგრადი განვითარების სამინისტროს ინოვაციებისა და ტექნოლოგიების სააგენტოს ხელშეწყობითა და განათლებისა და მეცნიერების სამინისტროს დაფინანსებით, საქართველოში არსებულ 14-მდე სახელმწიფო პროფესიულ სასწავლებელში გაიხსნა.

პროფესიული სასწავლებლების ბაზაზე შექმნილი ფაბლაბები ოფიციალურად ამოქმედდა როგორც თბილისში, ისე რეგიონებში (წალენჯიხა, მესტია, გურჯაანი, ახალციხე, ბათუმი, ქობულეთი, ქუთაისი, ფოთი, რუსთავი, ამბროლაური). აღნიშნული ლაბორატორიები  საქართველოს ფაბლაბების ქსელის წევრი გახდა.

ეკონომიკის სამინისტროს ინფორმაციით, სამრეწველო ინოვაციების ლაბორატორიების გახსნის ძირითადი მიზანი არის ის, რომ ახალგაზრდებს მიეცეს საშუალება შეძლონ საკუთარი იდეების   კონკრეტულ პროდუქტებში დაკონვერტირება, რომლებსაც შემდეგ გარკვეული კომერციული პერსპექტივა გააჩნიათ.

სამრეწველო ინოვაციების ლაბორატორია არის  უნიკალური სივრცე, რომელიც აღჭურვილია თანამედროვე კომპიუტერებით, პროგრამირებადი დანადგარებით, როგორიც არის ლაზერული მჭრელი, 3D პრინტერი, CNC პროგრამირებადი ჩარხი და სხვა. ის მორგებულია ნებისმიერ მომხმარებელზე და ხელს უწყობს იდეების გენერირებას. ამ სივრცეებში ხდება ახალი წამოწყებების სრულყოფა და ახალგაზრდა ინოვატორების იდეების რეალიზება.

ფაბლაბების მიზანია მსოფლიოს შესთავაზოს ცოდნაზე დაფუძნებული ეკონომიკის მშენებლობის თავისი უნიკალური მოდელი. მისი განვითარება მნიშვნელოვანია ქვეყნის ეკონომიკური წინსვლისათვის, ახალი სტარტაპბიზნესების ჩამოსაყალიბებლად და სამუშაო ადგილების შესაქმნელად.

საერთო ჯამში პროფესიული სასწავლებლის სტუდენტებს საშუალება მიეცემათ სასწავლებელში მიღებული ცოდნის დახმარებით შექმნან პრაქტიკული ნამუშევრები და პროდუქტები, რომლის შემდგომ კომერციალიზაციასაც მოახდენენ.

აღნიშნული 14 სამრეწველო ინოვაციური ლაბორატორიის გახსნის შემდგომ, საქართველოში, საერთო ჯამში, 22 ამ ტიპის ლაბორატორია ფუნქციონირებს, რაც უზრუნველყოფს იმას, რომ საქართველომ, მსოფლიო ფაბლაბების რეიტინგში,  ლაბორატორიების რაოდენობის მიხედვით, მე-10 ადგილზე გადაინაცვლოს.

 

წყარო: http://economy.ge/

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ტექნოლოგიები

Nokia-ს პირველი სმარტფონი ექსკლუზიურად ჩინეთში გამოვა

1.89K views on

Nokia-ს პირველი სმარტფონი ექსკლუზიურად ჩინეთში გამოვა.

Nokia 6-ის შემქმნელები მიიჩნევენ, რომ ტელეფონის „პრემიუმ დიზაინი“ ადგილობრივ ბაზარს მიესადაგება.

Nokia ამ სახელის მატარებელ ტელეფონებს აღარ აწარმოებს. კომპანიამ 2016 წლის მაისში ფინურ HMD Global-თან ათწლიანი ხელშეკრულება გააფორმა, რომლის ფარგლებშიც HMD Global-მა Nokia-ს ბრენდის ქვეშ ტელეფონების და პლანშეტების წარმოების გლობალური ლიცენზია მოიპოვა.  აღნიშნული შეთანხმების ფარგლებში აქამდე მხოლოდ ე.წ. ფუნქციური ტელეფონები (დაბალფასიანი ტელეფონები) გამოდიოდა.

Android მოწყობილობა კი Nokia-ის სმარტფონების ბაზარზე დაბრუნებას ნიშნავს.

Nokia მობილური ტელეფონების ბაზარზე  iPhone-ის გამოსვლამდე დომინირებდა, თუმცა დაახლოებით 10 წლის წინ, მას iPhone-თან, შემდეგ კი Google- ის Android ოპერაციულ სისტემასთან „შებრძოლება“ მოუწია.

HMD Global-მა დააანონსა, რომ 2017 წელს Nokia-ს ბრენდის რამდენიმე Android ტელეფონს გამოუშვებდა.

,, HMD-ის გადაწყვეტილება იმის შესახებ, რომ პირველი Android სმარტფონი ჩინეთში გამოუშვას, გახლავთ იმ სურვილის გამოხატულება, რომელიც მსოფლიოს სხვადასხვა ბაზრის მომხმარებლის საჭიროებების დაკმაყოფილებას ითვალისწინებს,“ – ნათქვამია კომპანიის მიერ გავრცელებულ განცხადებაში.

Nokia 6-ს Android 7.0 Nougat-ის ბოლო ვერსიის საოპერაციო სისტემა აქვს:

  • 5,5 Full HD ეკრანი;
  • 16 მეგაპიქსელიანი უკანა კამერა;
  • 4-გიგაბაიტიანი ოპერატიული მეხსიერება (RAM) და 64GB საცავი.

სმარტფონის ფასი 1, 699 იენი ($245) იქნება ანუ  Huawei’s Honor 6X-ზე გაცილებით ძვირი და Xiaomi’s Mi 5s-ზე გაცილებით იაფი.

 

 წყარო: BBC

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ტექნოლოგიები

რატომ დაარქვა სტივ ჯობსმა თავის კომპანიას ,,Apple -ი”?

2.33K views on

საინტერესოა, რა ისტორიებს მალავს ცნობილი ბრენდების სახელები. ალბათ ბევრს გაგჩენიათ კითხვა, თუ რატომ ჰქვია ბევრისთვის საყვარელი ტექნიკის კომპანიას ,,Apple-ის”?

 

სახელის შერჩევაზე კომპანია 3 თვე ფიქრობდა. Apple (ვაშლი) – ეს იყო კომპანიის დამაარსებლის სტივ ჯობსის საყვარელი ხილი.  ბოლოს, ჯობსმა  თქვა, რომ კომპანიას ასე დაარქმევს, თუ კოლეგები 5 საათში უკეთეს სახელს არ მოიფიქრებდნენ. როგორც ჩანს, კოლეგები დიდი ფანტაზიით არ გამოირჩეოდნენ და ჯობსმაც გადაწყვეტილება ერთპიროვნულად მიიღო –  კომპანიის პირველ კომპიუტერს ,,Apple-ი” დაარქვა.

,,ეპლი”   ამერიკული მულტინაციონალური კორპორაციაა და  აწარმოებს სამომხმარებლო ელექტრონიკასა და მასთან დაკავშირებულ პროგრამულ უზრუნველყოფას.

                                                            

მასალა მოამზადა: ნატალია ჯალაღონიამ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

 

სრულად ნახვა
მსოფლიოსამხედრო

ბრიტანეთი „ლაზერული იარაღის“ პროტოტიპს შექმნის

2.16K views on

ბრიტანეთის თავდაცვის სამინისტრომ 30-მილიონიანი კონტრაქტი გააფორმა, რომელიც ლაზერული იარაღის  პროტოტიპის წარმოებას ითვალისწინებს.

ბრიტანეთი მიზნად ისახავს, გაარკვიოს, წაადგება თუ არა „მართული ენერგიის“ ტექნოლოგია ქვეყნის შეიარაღებულ ძალებს.

ხელშეკრულება ევროპის თავდაცვის ფირმების კონსორციუმის მიერ შეირჩა.

პროტოტიპის შეფასდება იმის მიხედვით, თუ როგორ ირჩევს და იკვლევს სამიზნეს სხვადასხვა დისტანციასა და მრავალფეროვან კლიმატურ პირობებში ხმელეთსა და წყალში.

დიდი ბრიტანეთის თავდაცვის მეცნიერებისა და ტექნიკის ლაბორატორიის (DSTL)  წარმომადგენელმა  – პიტერ კუპერმა განაცხადა, რომ პროექტი  ,,ტექნოლოგიის პოტენციალის გასაგებად მაღალი სიმძლავრის ლაზერების ინოვაციურ კვლევას ახორციელებს. ეს კი იმ გამოწვევების წინააღმდეგ, რომლის წინაშეც შესაძლოა, ბრიტანეთის შეიარაღებული ძალები აღმოჩნდეს, უფრო ეფექტური რეაგირება იყოს.”

ზოგადად, „მართული ენერგიის იარაღის“ გამოიყენება თვითმფრინავების, რაკეტების, ნაღმტყორცნების, გზისპირა ბომბების და სხვა საფრთხეების გასანადგურებლად.

აშშ მაღალი ენერგეტიკული ლაზერების გამოცდას ათწლეულების განმავლობაში ახორციელებს, თუმცა დღემდე, ტექნიკური პრობლემების გამო, მათ ფრონტის ხაზზე არ იყენებენ.

თუმცა, აშშ-მ 2014 წელს ლაზერული იარაღის სისტემა – “Laws” – სპარსეთის ყურეში დისლოცირებულ სადესანტო ხომალდ „პონსეზე“ (USS Ponce) დატესტვის მიზნით განათავსა.

მან გაანადგურა პატარა ნავის ბორტზე განთავსებული სამიზნე და პატარა თვითმფრინავი ცაში.

თუკი დემონსტრაციამ წარმატებით ჩაიარა, პირველი ლაზერული იარაღი 2020-იანი წლების შუა პერიოდში გამოჩნდება.

 

წყარო: BBC

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
გამოგონება - ინოვაცია

L’Oreal-მა თმის ჭკვიანი ჯაგრისი შექმნა

2.09K views on

სილამაზის გიგანტმა  – L’Oreal-მა თმის ჭკვიანი, სენსორებით აღჭურვილი ჯაგრისი შექმნა.

Hair Coach-ს, რომელიც 200 აშშ დოლარი ეღირება, აქვს მიკროფონი, გიროსკოპი და აქსელერომეტრი. სავარცხელი ვიბრირებს, თუ თმას ძალიან უხეშად ივარცხნით.

ჯაგრისის მიკროფონი იწერს თმის მსხვრევის ხმას. სხვა სენსორები კი ქმნიან პროფილს, თუ როგორ ზრუნავს მფლობელი თმაზე.

ჯაგრისი მონაცემებს wi-fi-ს ან Bluetooth-ის საშუალებით აპლიკაციას გადასცემს. მოწყობილობა ამ ინფორმაციას თმის ხარისხის კონტროლისთვის იყენებს.

„გაოცდებით, როცა გაიგებთ, მსოფლიოში რამდენი ქალს აქვს თმის მსხვრევის პრობლემა, ერთ-ერთ უდიდეს გამოწვევას წარმოადგენს ის, რომ დავარცხნისას დარწმუნებულები ვიყოთ იმაში, რომ უხეშად არ ვივარცხნით და თმის ბოჭკოებს არ ვაზიანებთ, რაც, თავის მხრივ, თმის დაზიანებას იწვევს“ – აცხადებს L’Oreal-ის ვიცეპრეზიდენტი – გიუვ ბოლუჩი.

კომპანიის წარმომადგენლები მიიჩნევენ, რომ მათთვის, ვისთვისაც თმის სიჯანსაღე მნიშვნელოვანია, 200 დოლარი სრულიად მისაღები ფასია.

L’Oreal Hair Coach-ის შექმნაზე ბოლო 18 თვის მანძილზე პარტნიორ კომპანია “Kerastase and Withings -თან” ერთად მუშაობდა.  ჯაგრისი ერთჯერადი გამოყენების ბატარიაზე მუშაობს და დასატენი პორტი არ აქვს. მოწყობილობა წყალგამძლეა, თუმცა სრულიად წყალგაუმტარი არაა. Hair Coach ბაზარზე წლის ბოლოს გამოვა.

წყარო: BBC

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ტექნოლოგიები

მაცივრები და სარეცხი მანქანები მალე დანაშაულის მოწმეები გახდებიან

2.07K views on

ექსპერტები ვარაუდობენ, რომ მაღალტექნოლოგიური მაცივრები და სარეცხი მანქანები მალე სამართალდამცავებს დანაშაულის სცენებიდან მტკიცებულებების მოპოვებაში დაეხმარება.

ამჟამად დეტექტივების სპეციალური მომზადება მიმდინარეობს, რათა მათ მსხვერპლების ან კრიმინალების „ციფრული კვალის“ მოპოვება შეძლონ.

„უკაბელო კამერებმა ისეთ მოწყობილობაში, როგორიცაა მაცივარი, შესაძლოა მფლობელებისა და ეჭვმიტანილების მოძრაობა ჩაწერონ. კარის ზარის საშუალებით, რომელიც სპეციალური აპლიკაციით ტელეფონთანაა დაკავშირებული, პატრონს შეუძლია დისტანციურად აკონტროლოს, ვინ დარეკა ზარი და მაშინაც კი, როცა სახლში არ იმყოფება, დართოს  ან არ დართოს ვინმეს იქ შესვლის ნება. მომავლის შემთხვევის ადგილი „საგნების ინტერნეტად“ გადაიქცევა“ – განუცხადა The Times-ს  Metropolitan Police-ის ციფრული, კიბერ და კომუნიკაციების ექსპერტიზის განყოფილების უფროსმა – მარკ სთოუკმა.

მაგალითად, ახალ მაცივარს Samsung Family Hub Fridge აქვს კამერები, რომლის საშუალებითაც ადამიანებს შეუძლიათ შეიხედონ თავიანთ მაცივარში, როდესაც საყიდლებზე იმყოფებიან, რათა გაიგონ, რისი ყიდვა სჭირდებათ და რისი – არა. ეს კამერები შესაძლოა შესანიშნავი ალიბი იყოს  ან დაამტკიცონ, რომ ადამიანები არ იყვნენ ამა თუ იმ დროს იმ ადგილზე, სადაც მათი მტკიცებით, იმ დროს იმყოფებოდნენ.

სტოუკის განცხადებით, მომავლის დეტექტივმა უნდა შეძლოს „ციფრული სასამართლო ექსპერტიზის“ განხორციელება, რაც მათ მიკროჩიპების ანალიზისა და შემთხვევის ადგილზე მონაცემების ჩამოტვირთვის საშუალებას მისცემს.

თუმცა, სამართალდამცავები შესაძლოა წინააღმდეგობას წააწყდნენ გაჯეტების შემქმნელი კომპანიებისგან, რომლებისთვისაც მათი მომხმარებლების საკუთრების უფლება მნიშვნელოვანია.

აშშ-ში ,,ამაზონი” დღემდე იბრძვის ხელისუფლების იმ მოთხოვნის წინააღმდეგ, რომელიც ენდრიუ ბეითსის კუთვნილი  გასართობი სისტემის Echo-ს ჩანაწერების გადაცემას ითვალისწინებს. პოლიცია დღემდე იძიებს ვიქტორ კოლინსის მკვლელობას, რომელიც 2015 წელს ბეითსის hot tub-ში გარდაცვლილი იპოვეს.  მათ უკვე მოიპოვეს მტკიცებულება ელექტრო წყლის მრიცხველიდან, რომელმაც აჩვენა, რომ დიდი რაოდენობით წყალი იქნა გამოყენებული. დეტექტივები აცხადებენ, რომ, შესაძლოა, წყალი ეზოდან სისხლის კვალის გადასარეცხად გამოიყენეს.

Echo არის ინტერაქტიული სპიკერი, რომელიც მფლობელის ხმაზეა მორგებული. შეკითხვის შემთხვევაში,  მოწყობილობა ყოველთვის ცემს პასუხს ინფორმაციის, მუსიკის, სიახლეების, ამინდის შესახებ. Echo-ს კონტროლი ხმის მეშვეობითაა შესაძლებელი. სამართალდამცავები ვარაუდობენ, რომ მოწყობილობა შესაძლოა ისეთ ინფორმაციას ინახავდეს, რაც მათ  კოლინსის გარდაცვალების საქმის გამოძიებაში დაეხმარებათ.

წყარო: telegraph.co.uk

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

სრულად ნახვა
ტექნოლოგიები

5 საინტერესო ფაქტი Samsung S7/S7 Edge-ის შესახებ

1.83K views on

სამეცნიერო პორტალი ,,დოქტრინა”   გთავაზობთ 5 საინტერესო ფაქტს  Samsung S7/S7 Edge-ის შესახებ:

  • წყალგაუმტარობა – Galaxy S5-ის მერე სამსუნგს აღარ გამოუშვია წყალგაუმტარი სმარტფონი, საუბარია Galaxy S6-ზე, რამაც მომხმარებლების გულისწყრომა გამოიწვია. კომპანიაში გაითვალისწინეს ეს ფაქტი და Samsung Galaxy S7-ში დაბრუნდა წყლისა და მტვრისგან დაცვის IP67 სტანდარტი.
  • გაზრდილი ელემენტის მოცულობა – 5.2 ინჩიან ეკრანს ემსახურება  Galaxy S6-თან შედარებით 20%-ით გაზრდილი 3000-მილიამპერსაათიანი ელემენტი. სამსუნგმა ასევე გაზარდა Galaxy S7 edge-ის ელემენტის მოცულობა 40%-ით(3600 mAh), რომლის ეკრანის ზომა 5.5 ინჩია.
  •  მეხსიერების ბარათის სლოტი – სმარტფონს დაუბრუნდა microSD ბარათების მხარდაჭერა. შესაძლებელი გახდა 200 გიგაბაიტამდე მეხსიერების ჩიპის დამატება.
  •  მეტი ოპერატიული მეხსიერება – Galaxy S7 აღჭურვილია 4 გიგაბაიტი ოპერატიული მეხსიერებით, რაც მის სტაბილურ და უხარვეზო მუშაობას უზრუნველყოფს.
  •  გაუმჯებესებული კამერა – Galaxy S7-ის კამერა 16-დან 12 მეგაპიქსელამდე ჩამოვიდა, მაგრამ ამის გამო მისი კამერა აღარ არის გამოწეული კორპუსიდან და სუპერ სწრაფი აპერტურა f/1.7, უზრუნველჰყოფს ცუდი განათების დროს უკეთესი სურათების გადაღებას.

მასალა მოამზადა: ნატალია ჯალაღონიამ
ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
მანქანათმშენებლობა

,,ტოიოტას” 2016 წლის ტექნოლოგიური გამოწვევა – RAV4 ჰიბრიდი

3.4K views on

ბოლო პერიოდში ჰიბრიდული მანქანების მიმართ დაინტერესება განსაკუთრებით გაიზარდა, ამ მხრივ კი, ,,ტოიოტა”  განსაკუთრებულად აქტიურად მუშაობს.

RAV 4  ავტოინდუსტრიის განვითარებისა და წინსვლის ნათელი მაგალითია. საინტერესოა, რომ ამ მოდელის ისტორია 1994 წლიდან იწყება, როდესაც იაპონელმა ავტომწარმოებლებმა  საფუძველი ჩაუყარეს ახალ საავტომობილო კლასს – კომპაქტურ კროსოვერს.

RAV 4 -ის 4 თაობა გამოვიდა ამ 22 წლის განმავლობაში, ეს – მე-4 თაობა კი 2013 წლიდან იწარმოება, 2016  წლიდან  ამ ავტომობილის ჰიბრიდული მოდიფიკაცია მივიღეთ, რომელიც თავის კლასში ერთ-ერთი ეკონომიური მოდელია.

RAV 4 ჰიბრიდის გამორჩეულობის მიზეზი  საკმაოდ ბევრია –  ვარიატორის ტიპის გადაცემათა კოლოფი,  2.5 ლიტრი მოცულობის 4-ცილინდრიანი ბენზინის ძრავა და ა.შ.

ავტომობილი 0-დან 100კმ/სთმდე 8.4 წამში აჩქარდება და შეუძლია 180 კილომეტრ/საათი სიჩქარის განვითარება.

ევრო 5 სტანდარტის ავტომობილის საწვავის ხარჯი საშუალოდ 5.7 ლიტრს შეადგენს.

Rav4 ჰიბრიდს ინტერიერიც გამორჩეული აქვს – ტევადი სალონი, რომელიც  აღჭურვილია ორზონიანი ავტომატური კლიმატკონტროლით და კომფორტული სავარძლებით, რომლებსაც გათბობის ფუნქციაც აქვს.

მულტიფუნქციური, რეგულირებადი და კომფორტულ საჭე საშუალებას მოგცემთ მართოთ ავტომობილის არა მხოლოდ მიმართულება, არამედ შიდაფუნქციები, როგორიცაა აუდიოსისტემა, ტელეფონი და ხმოვანი მართვა.

გამოცდილი, ერთ-ერთი მოწინავე და სანდო ჰიბრიდრული სისტემით,  ეკოლოგიური, ინოვაციური და კომფორტული კროსოვერი – ასე აფასებენ სპეციალისტები Rav4 ჰიბრიდს.

 

მასალა მოამზადა: ნატალია ჯალაღონიამ
ახალგაზრდა ანალიტიკოსთა და მეცნიერთა დარბაზი  ,,დოქტრინა”

 

 

 

სრულად ნახვა
1 … 82 83 84 85 86 … 88
Page 84 of 88