22 მარტის მონაცემებით, მსოფლიოში კორონავირუსით დაინფიცირებულია 340 408 ადამიანი.
მათ შორის გარდაცვლილი, 14 573.
სულ გამოჯამრთელდა 97 571 ადამიანი.
ბოლო 24 საათის მონაცემებით, დაინფიცირების 35 418 ახალი შემთხვევა გამოვლინდა.
ამერიკაში დაფიქსირდა რეკორდული დაინფიცირების რაოდენობა 14 550.
ახალგაზრდა ანალიტიკოსთა და მეცნიერთა დარბაზი ,,დოქტრინა“
5 500 ადგილიანი საველე ჰოსპიტალი მადრიდში დღეს პირველ პაციენტებს მიიღებს. ვირუსით გარდაცვლილთა მკვეთრი ზრდის ფონზე, ესპანეთის ხელისუფლებამ საველე ჰისპიტლების გახსნის გადაწყვეტილება მიიღო.
საავადმყოფოში განთავსდება 5,500 საწოლი, რაც მას ევროპის ტიპის ყველაზე დიდ სამედიცინო დაწესებულებად აქცევს.
ჰისპიტლის დირექტორმა, ანტონიო ზაპატერომ, გაზეთ El Mundo-ს განუცხადა, რომ ამ კვირის ბოლოს 300 პაციენტს გადაიყვანენ.
კორონავირუსის ეპიდემიის დაწყების შემდეგ ესპანეთში 1700-ზე მეტი ადამიანი დაიღუპა.
დადასტურებული შემთხვევების საერთო რაოდენობა დღეს 28,572-ს შეადგენს.
ინფექციურ დაავდებასთან ბრძოლის მიზნით ესპანეთმა დახურა ყველა ბარი, რესტორანი, სასტუმრო. ჩაკეტა საზღვრები.
მიუხედავად უზარმაზარი შეზღუდვებისა, პრემიერ მინისტრმა პედრო სანჩესმა არ გამორიცხა, რომ კიდევ უფრო მეტად გამკაცრდეს საკარანტინო პირობები.
ახალგაზრდა ანალიტიკოსთა და მეცნიერთა დარბაზი ,,დოქტრინა“
ერთი პაციენტი გუშინ უკვე გაეწერა, მეორე კი დღეს დატოვებს ინფექციურ საავადმყოფოს, – ამის შესახებ ჟურნალისტებს ინფექციური საავადმყოფოს სამედიცინო დირექტორმა მარინა ეზუგბაიამ განუცხადა.
„ერთი პაციენტი გუშინ უკვე გაეწერა, მეორე კი დღეს დატოვებს ინფექციურ საავადმყოფოს. მათ გუშინ უარყოფითი ტესტები ჩაუტარდათ. ხუთი ახალი პაციენტიდან ორი არის ჩვენს ცენრტში, ერთი არის ახალი წყაროდან, ევროპის ერთ-ერთი ქვეყნიდან, მეორე კი ჩვენთან მყოფი ერთ-ერთი პაციენტის ჯგუფიდანაა, არასრულწლოვანია. უკვე 5 ბავშვია ჩვენს ცენტრში, მათი მდგომარეობა დამაკმაყოფილებელია“, – განაცხადა ეზუგბაიამ.
ახალგაზრდა ანალიტიკოსთა და მეცნიერთა დარბაზი ,,დოქტრინა“
ბოლო 24 საათში იტალიაში კორონავირუსით 627 ადამიანი გარდაიცვალა, ჯამში გარდაცვლილთა რაოდენობა 4 032 ადამიანია. 20 მარტს კორონავირუსით ინფიცირების 5 986 ახალი შემთხვევა გამოვლინდა. ოფიციალური მონაცემებით ქვეყნის მასშტაბით ვირუსი 47 021 ადამიანს აქვს.
ყველაზე მეტი, 2 549 ადამიანი კორონავირუსით ლომბარდიის რეგიონშია გარდაცვლილი, 640 ემილია-რომანიაში, ხოლო 209 პიემონტეში. ვირუსი ნაკლებადაა გავრცელებული სამხრეთის რეგიონებში. იტალიის 21 რეგიონიდან, ერთადერთი რეგიონი ბაზილიკატაა, სადაც დღემდე არცერთი ადამიანი არ გარდაცვლილა.
ახალგაზრდა ანალიტიკოსთა და მეცნიერთა დარბაზი ,,დოქტრინა“
27 თებერვლიდან დღემდე დანიაში კორონავირუსის 1 024 შემთხვევაა დაფიქსირებული. ინფექციის გავრცელების თავიდან ასარიდებლად მთავარი რეკომენდაციები თვითიზოლაცია, სოციალური დისტანცია და ჰიგიენის დაცვაა. როგორც უკვე იცით, ხელების დასაბანად 20 წამია რეკომენდირებული, თუმცა იმ სიტუაციებში, სადაც ხელებს ვერ დაიბანთ, სადეზინფექციო ხსნარის გამოყენებაც დაშვებულია.
მსოფლიოს სხვადასხვა კუთხეში მოქალაქეები სუპერმარკეტებს მიაწყდნენ და პროდუქტების მომარაგება დაიწყეს, რაც, თავის მხრივ პრობლემას ქმნის. იმ კლიენტებისთვის, რომლებსაც მთელი მარაგის სახლში გაზიდვა სურდათ, დანიის ერთმა სუპერმარკეტმა გონივრული ხერხი მოიფიქრა.
თუ მომხმარებლები ერთ ცალ სადეზინფექციო სითხეს შეიძენენ, 40 დანიურ კრონას გადაიხდიან, რაც 5,8 დოლარის ეკვივალენტია. თუმცა, თუ ვინმე ორი ცალი ხსნარის ყიდვას გადაწყვეტს, 25-ჯერ მეტის, 1 000 კრონას გადახდა მოუწევს, რაც უკანასკნელი კურსით 145 დოლარს აღემატება.
სუპერმარკეტში გადაღებული ფოტო ტვიტერზე მომხმარებელმა გაავრცელა და მას უკვე ათასობით გამოხმაურება აქვს.
წყარო : on.ge
ახალგაზრდა ანალიტიკოსთა და მეცნიერთა დარბაზი ,,დოქტრინა“
შვედეთი არის ერთ-ერთი იმ რამდენიმე ქვეყანათა შორის, სადაც საზღვრები ამ დრომდე არ დახურულა, სადაც საგანმანათლებლო დაწესებულებები, სპორტული დარბაზები, რესტორები და კაფეები ისევ მუშაობენ.
ვირუსთან საბრძოლველად მთავრობა არავითარ საგანგებო ზომებს არ მიმართავს. პრემიერ-მინისტრმა სტეფან ლევფენმა განაცხადა, რომ შემოღებული იქნება საზღვარზე კონტროლის გარკვეული ფორმა, რაც გაახანგძლივებს საზღვრის გადაკვეთის პროცედურას, თუმცა, თავად საზღვარი ღია დარჩება.
შვედეთის საზოგადოებრივი ჯანმრთელობის სამმართველომ რეკომენდაცია გამოსცა, რომელიც ითვალისწინებს კორონავირისის აშკარა სიმპტომების მქონე ადამიანების, ასევე საავადმყოფოების პერსონალის და ასაკოვანი ადამიანების ტესტირებას.
შვედი მეცნიერები ამტკიცებენ, რომ კორონავირუსი უსაფრთხოა და მისი სიკვდილიანობა 2%-ს არ აღემატება.
შვედეთში დაავადებულთა რაოდენობამ 1000-ს გადააჭარბა, 3 ადამიანი კი გარდაიცვალა. ამის მიუხედავად, ქვეყანა ჩვეული ცხოვრებით ცხოვრობს – საზოგადოებრივი თავშეყრის ყველა ადგილი ღიაა, სამსახურები დისტანციურ რეჟიმზე არ გადადიან, საწარმოები არ იხურება, ხოლო ჯანდაცვის სისტემის რეკომენდაციები ეხება მხოლოდ იმათ, ვინ თავს შეუძლოდ გრძნობს – მათ სახლებში დარჩენას ურჩევენ.
ასევე არ არსებობს მითითება ადამიანებს შორის დისტანციის დაცვის თაობაზე, მეტიც, დაფიქსირდა შემთხვევა, როდესაც კორონავირუსით დაავადებული ქირურგი მთელი კვირის მანძილზე აგრძელებდა მუშაობას და ოპერაციებს აკეთებდა – საბოლოოდ ის გამოჯანმრთელდა.
შვედი მედიკოსები მიიჩნევენ, რომ კორონავირუსზე მეტ პრობლემას „შიშის ვირუსი“ ქმნის – ის ადამიანებს აიძულებს ისეთი ნაბიჯები გადადგან, რომლებიც ისედაც მძიმე ვითარებას კიდევ უფრო ამძიმებს. მოქალაქეები მიიჩნევენ, რომ შვედეთის მთავრობის მიერ მიღებული ზომები სავსებით საკმარისია ისეთი დონის და სიმძიმის დაავადებისთვის, როგორც კორონავირუსი.
წყარო: Haqqin.az
ახალგაზრდა ანალიტიკოსთა და მეცნიერთა დარბაზი ,,დოქტრინა“
ბოლო 24 საათის განმავლობაში ჩინეთის ქალაქ უხანში, რომელიც კორონავირუსის პანდემიის ეპიცენტრი გახდა, Covid 19-ით ინფიცირების არც ერთი შემთხვევა არ დაფიქსირებულა. ინფრომაციას ჩინეთის ჯანდაცვის ეროვნული კომისია ავრცელებს.
უწყების ცნობით, ეპიდემიის დაწყებიდან ეს პირველი შემთხვევაა, როცა ქალაქში ახალი დაინფიცირებული არ გამოვლინდა. ჩინეთის მასშტაბით ვირუსის სულ 34 ახალი შემთხვევა გამოვლინდა, თუმცა ყველა მათგანი იმპორტირებულია. დაავადებას კი 8 ადამიანი ემსხვერპლა.
ეპიდემიის დაწყებიდან ჩინეთში ვირუსი 80 928 ადამიანს დაუფიქსირდა. 70 420 გამოჯანმრთელდა, დაღუპულია 3 245 პაციენტი.
ახალგაზრდა ანალიტიკოსთა და მეცნიერთა დარბაზი ,,დოქტრინა“
საბერძნეთის ყველაზე რეიტინგულმა სატელევიზიო არხმა Skai TV-მ კორონავირუსთან ბრძოლის მიზნით საქართველოში მიღებულ ზომებზე ისაუბრა.
„ისინი არ დალოდებიან მოვლენების განვითარებას, ყველა საჭირო აკრძალვა შემოიღეს მანამდე, ვიდრე კორონავირუსის გავრცელების არეალი გაიზრდებოდა“, – იუწყება Skai TV.
გარდა ამისა, აღინიშნა ქართველი ექიმების მაღალი პროფესიონალიზმი და ჯანდაცვის მსოფლიო ორგანიზაციის მიერ გაკეთებული შეფასებაც.
ახალგაზრდა ანალიტიკოსთა და მეცნიერთა დარბაზი ,,დოქტრინა“
უწყებათაშორისი საკოორდინაციო საბჭოს შეხვედრის შემდეგ, პრემიერ-მინისტრმა, გიორგი გახარიამ განაცხადა, რომ ხვალ, 18 მარტიდან სამარშრუტო ტაქსების მოძრაობა აიკრძალება.
“უახლოეს პერიოდში, ხვალიდან, აიკრძალება სამარშრუტო ტაქსების მოძრაობა. ეს არის საკმაოდ რთული მენეჯმენტისათვის და ერთ-ერთი ყველაზე მნიშვნელოვანი გავრცელების კერა”, — განაცხადა პრემიერ-მინისტრმა, გიორგი გახარიამ.
მისი თქმით, ქალაქში დარჩება მერიის ტრანსპორტი და მეტრო. მისივე თქმით, მათ დაევალათ ყოველდღიურად ჩაატარონ დეზინფექცია.
ახალგაზრდა ანალიტიკოსთა და მეცნიერთა დარბაზი ,,დოქტრინა“
ლონდონში ახალდაბადებულ ბავშვს კორონავირუსი დაუდგინდა, ის კორონავირუსის მქონე ყველაზე პატარა პაციენტია.
ბავშვის დედა, რომელიც ჩრდილოეთ ლონდონში მდებარე საავადმყოფოში მშობიარობამდე რამდენიმე დღით ადრე გადაიყვანეს, ასევე კორონავირუსითაა ინფიცირებული.
დედას მშობიარობამდე აუღეს ანალიზი, თუმცა პასუხი ახლახან გახდა ცნობილი.
პერსონალი, რომელთაც ქალთან და ჩვილთან შეხება ჰქონდათ, თვითიზოლაციაში იმყოფება.
ჯერჯერობით უცნობია, ბავშვს საშვილოსნოში გადაედო დაავადება თუ – მშობიარობის პროცესში. The Sun, რომელმაც პირველად დაწერა შემთხვევის შესახებ, აცხადებს, რომ ბავშვს ისევ ადგილზე მკურნალობენ, დედა კი სპეციალურ ინფექციურ საავადმყოფოში გადაიყვანეს.
წყარო : on.ge
ახალგაზრდა ანალიტიკოსთა და მეცნიერთა დარბაზი ,,დოქტრინა”
