კატეგორიის გარეშე

აუტიზმის პროგრამის მომლოდინეთა რიგში მყოფ 230 ბავშვს თბილისის მერია დააფინანსებს, – ამის შესახებ დედაქალაქის მთავრობის სხდომაზე თბილისის მერმა კახა კალაძემ განაცხადა.

როგორც კალაძემ აღნიშნა, გასულ წელს დაფინანსება 1000 ბავშვზე იყო გათვალისწინებული, წელს ეს დაფინანსება 1230 ბავშვზე გამოიყოფა.

„აუტიზმის სპექტრის დარღვევის მქონე ბავშვებისთვის გვაქვს სპეციალური პროგრამა, რომელიც წარმატებით მიმდინარეობს და ამასთან დაკავშირებით, კიდევ ერთი სიახლე გვაქვს. მოლოდინის რეჟიმში იყო, დაახლოებით, 230 ბავშვი, ვინც ელოდებოდა თავის რიგს, ეს, რა თქმა უნდა, მათთვის, მათი ოჯახებისთვის სერიოზული პრობლემა იყო, ჩვენ მივიღეთ გადაწყვეტილება, რომ ეს ბავშვებიც დავაფინანსოთ. 1000 ბავშვზე იყო გასულ წელს დაფინანსება და 1230-მდე გაიზრდება.

ჩვენ შარშან ასევე, გავზარდეთ პროგრამით მოსარგებლეთა ასაკის ზედა ზღვარი 15-დან 18 წლამდე, ამან მნიშვნელოვანი შეღავათი მისცა ოჯახებს.

პროგრამის ფარგლებში, ყოველთვიურად, 1 ბავშვის დასაფინანსებლად გამოყოფილია 400 ლარი. ეს არის ის თანხა, რაც სჭირდება რეაბილიტაციას. პროგრამით მოსარგებლეები ასაკობრივ ჯგუფებად არიან დაყოფილი და მათ თვის განმავლობაში კომპლექსური თერაპიის 20 სეანსი ჩაუტარდებათ. სეანსები მოიცავს მულტიდისციპლინური გუნდის, ფსიქოლოგის, ფსიქიატრის, ნერვოლოგის, ქცევითი თარპევტის, ლოგოპედის, სპეციალური პედაგოგისა და სხვა სპეციალისტების მომსახურებას,“- განაცხადა კახა კალაძემ.

ახალგაზრდა ანალიტიკოსთა და მეცნიერთა დარბაზი ,,დოქტრინა“

ლურსმანაშვილების სოციალურად დაუცველ მრავალშვილიან ოჯახს საახალწლოდ საცხოვრებელი სახლი გადაეცა.
ლურსმანაშვილების შვიდშვილი ოჯახისთვის სახლი ბიზნესმენმა ვალერი ლურსმანაშვილმა შეიძინა. სოციალურად დაუცველი ოჯახი ამ დრომდე ავარიულ სახლში ცხოვრობდა.

მიმდინარე წელს ლურსმანაშვილების ოჯახმა გორის მერიისგან დახმარების სახით 1000 ლარი მიიღო.

dianews.ge

ახალგაზრდა ანალიტიკოსთა და მეცნიერთა დარბაზი ,,დოქტრინა“

ჩინეთის მთავრობის ექსპერტთა ჯგუფმა დაადასტურა, რომ ახალი კორონა ვირუსი ადამიანიდან ადამიანს გადაეცემა. წერს France24.

გუნდის ხელმძღვანელმა იონგ ნანშანმა განაცხადა, რომ ორ ადამიანს ჩინეთის სამხრეთით მდებარე პროვინციაში ვირუსი ოჯახის წევრებისგან გადაედო.

ჯანდაცვის ეროვნული კომისიის სამუშაო ჯგუფმა ასევე დაადასტურა, რომ ვირუსი მედიცინის ზოგიერთ მუშაკსაც დაუდგინდა.

ჩინეთის ქალაქ უხანში დაღუპულთა რაოდენობა სამამდე გაიზარდა. BBC-ის ინფორმაციით, ჯამში უცნობი ვირუსით დაინფიცირებულთა მაჩვენებელი ამ დროისთვის 200-ს აჭარბებს.

ლონდონის იმპერიული კოლეჯის მეცნიერები ამბობენ, რომ დაავადებულთა რეალური რიცხვი 1700-ს აღწევს.

დაავადებულთა შესაძლო რიცხვის დასადგენად მეცნიერებმა მოდელირების მეთოდი გამოიყენეს, რომელიც ვირუსის თავისებურებებს, უხანის მოსახლეობის რიცხვს და ფრენების სტატისტიკას ეყრდნობა.

ახალგაზრდა ანალიტიკოსთა და მეცნიერთა დარბაზი ,,დოქტრინა“

თურქულმა გამომცემლობა otello-მ სტამბოლში „შუშანიკის წამების“ თურქულენოვანი თარგმანი (Şuşanik) გამოსცა. მთარგმნელი ფარნა-ბექა ჭილაშვილია, თურქეთში მცხოვრები ქართველი ლიტერატორი და მკვლევარი.

„შუშანიკის წამების“ გარდა ფარნა-ბექა ჭილაშვილს ქართულიდან თურქულად თარგმნილი აქვს ოთარ ჭილაძის, ნაირა გელაშვილის, მიხეილ ჯავახიშვილის, ერლომ ახვლედიანის, ნოდარ დუმბაძის, ჯემალ ქარჩხაძის, დათო ტურაშვილის, ირაკლი კაკაბაძის და სხვა ქართველი ავტორების ტექსტები.

ახალგაზრდა ანალიტიკოსთა და მეცნიერთა დარბაზი ,,დოქტრინა”

გინესის მსოფლიო რეკორდების წიგნმა დღეს – მსოფლიოს უძველესი ღვინის შესახებ გამოაქვეყნა ინფორმაცია. ორგანიზაციის განახლებული შეფასებით, მსოფლიოს უძველეს ღვინოს 8,000 წლის წინ საქართველოში ამზადებდნენ.

“გვიანი ნეოლითური ხანის ორ ნასოფლარში, შულავერის გორასა და გადაჭრილ გორაში, რომლებიც თბილისიდან სამხრეთით, 50 კილომეტრის დაშორებით არის განთავსებული, არქეოლოგებმა ფერმენტირებული ყურძნის უძველესი ნიმუშები აღმოაჩინეს. აღნიშნული ნიმუშები ჩვენს წელთაღრიცხვამდე დაახლოებით 6,000–5,800 წლით (8,000 წლის წინ) თარიღდება. ყურძნის ნარჩენების უძველეს ნიმუშებს არქეოლოგებმა თიხის ჭურჭლის ფრაგმენტებში მიაკვლიეს. ნიმუშების შესწავლის შედეგად დადგინდა, რომ ისინი შეიცავდნენ მჟავებს, რომლებიც ევრაზიული წარმოშობის ყურძნის ჯიშებისთვის (Vitis vinifera) არის დამახასიათებელი,”- ნათქვამია გინესის მსოფლიო რეკორდების წიგნის ვებგვერდზე.

მკვლევარების თქმით, დგინდება, რომ ეს არის მსოფლიოში ღვინის ჭურჭლის დღეისათვის ცნობილი უძველესი არქეოლოგიური მტკიცებულება, რაც იმის მანიშნებელია, რომ ღვინო საქართველოში ჯერ კიდევ 8 000 წლის წინ იწურებოდა და, საერთოდაც, ვაზის კულტურა სწორედ საქართველოდან შეიძლება იღებდეს სათავეს.

აქამდე ღვინის უძველეს არქეოლოგიურ მტკიცებულებად ჩრდილო-დასავლეთ ირანში აღმოჩენილი ჭურჭელი ითვლებოდა, რომელიც დაახლოებით 7,000 წლით თარიღდება

ახალგაზრდა ანალიტიკოსთა და მეცნიერთა დარბაზი ,,დოქტრინა”

იაპონური ავტომწარმოებელი Toyota ფუჯის მთასთან მომავლის ქალაქ Woven City-ს ააშენებს, სადაც ხელოვნურ ინტელექტსა და ახალ ტექნოლოგიებს გამოცდიან. ამის შესახებ კომპანიის ვებგვერდზე გამოქვეყნებულ განცხადებაში წერია.

Woven City ტოკიოდან 90 კილომეტრის მოშორებით 71 ჰექტარზე აშენდება. ქალაქის მთელ ინფრაქტრუქტურას ერთიანი ეკოსისტემით დააკავშირებენ.

იქ მეცნიერები იცხოვრებენ და იმუშავებენ. ამასთან, კომპანია აპირებს, იქ თავისი თანამშრომლები, მათი ოჯახის წევრები და ასევე ხანდაზმული წყვილები დაასახლოს.

ქალაქის მშენებლობა 2021 წელს დაიწყება და ის მაქსიმალურად ეკოლოგიური იქნება.

ახალგაზრდა ანალიტიკოსთა და მეცნიერთა დარბაზი ,,დოქტრინა”

კახეთში ცხოველთა პირველი თავშესაფარი შენდება. თანამედროვე სტანდარტებით აღჭურვილი რეგიონული ცენტრისთვის ორ მილიონამდე ლარი დაიხარჯება.

მოეწყობა ვოლიერები, ვეტერინარული კლინიკა, კარანტინის შენობა და ყველა სხვა აუცილებელი ინფრასტრუქტურა. თავშესაფარში 24-საათიანი „ქოლცენტრიც“ იმუშავებს.

ახალგაზრდა ანალიტიკოსთა და მეცნიერთა დარბაზი ,,დოქტრინა“

მეცნიერებმა ინდონეზიაში მსოფლიოს უდიდესი ყვავილი – რაფლეზია იპოვეს. ამის შესახებ CNN-ი წერს.

გამოცემის ინფორმაციით, ყვავილის დიამეტრი 122 სანტიმეტრია. საინტერესოა, რომ რაფლეზია წინა რეკორდსმენის ადგილას გაიზარდა და მასზე 10 სანტიმეტრით დიდია.

რაფლეზია პარაზიტული მცენარეა, მას არც ფოთლები აქვს და არც ფესვები. სიცოცხლისთვის აუცილებელ ნივთიერებებს კი მასპინძელი მცენარისგან იღებს

ახალგაზრდა ანალიტიკოსთა და მეცნიერთა დარბაზი ,,დოქტრინა“