კატეგორიის გარეშე

„ინტერნეტში შემთხვევით გადავაწყდი, რომ თურმე „ვოისის“ არსებობის ისტორიაში, მსოფლიოს მასშტაბით საუკეთესო ვაჟ მომღერლად დამასახელეს და ათეულში პირველ ადგილზე ვარ. საერთოდ, ყოველკვირა ან ყოველთვე იდება ხოლმე შედეგები, სხვადასხვა ნომინაციაში – „კვირის საუკეთესო შემსრულებელი“ ან „თვის საუკეთესო შემსრულებელი“. ახლა კი ამ ნომინაციის შედეგი გამოაქვეყნეს. ძალიან გამიხარდა, ეს არის უდიდესი წარმატება, რადგან მსოფლიოს მასშტაბით რომ ასეთ ნომინაციას აიღებ, ეს პატარა საქმე არ არის. ახლო მომავალში რაღაცები დაგეგმილი მაქვს, მაგრამ ახლა ვერ გაგიმხელთ, არ შემიძლია“, –  თქვა „პრაიმტაიმთან“ ინტერვიუში უკრაინული „ვოისის“ გამარჯვებულმა, ალექსანდრე ზაზარაშვილმა.

შეგახსენებთ, რომ 13 წლის ალექსანდრე ზაზარაშვილი უკრაინული მუსიკალური შოუს – საბავშვო „ვოისის“ გამარჯვებული 2019 წელს გახდა.

ახალგაზრდა ანალიტიკოსთა და მეცნიერთა დარბაზი ,,დოქტრინა”

რვა წლის ნიგერიელმა უსახლკარო ლტოლვილმა ტანიტოლუვა ადევუმიმ ჭადრაკში ნიუ იორკის შტატის ჩემპიონატი მოიგო. ტურნირში სკოლის მოსწავლეები მონაწილეობდნენ.
როგორც გაზეთი „ფიფლ“ (People) წერს, ადევუმიმ ტურნირზე ყველა მატჩი მოიგო, მიუხედავად იმისა, რომ მისი მეტოქეები იყვნენ ბავშვები ელიტური სკოლებიდან, რომლებსაც ჭადრაკში კერძო რეპეტიტორები ჰყავთ.

განსაკუთრებით შთაბეჭდავია ის, რომ ნიგერიელმა ბიჭმა თამაში ერთი წლის წინ ისწავლა.

„მინდა, გავხდე ყველაზე ახალგაზრდა დიდოსტატი ისტორიაში“, – განაცხადა ნორჩმა მოჭადრაკემ. – „ტურნირის შემდეგ, ტანიტოლუვა უსახლკაროთა თავშესაფარში დაბრუნდა, სადაც მშობლებთან ერთად ცხოვრობს“.

ისტორიაში ყველაზე ახალგაზრდა დიდოსტატი რუსი სერგეი კარიაკინია, რომელმაც ეს წოდება 12 წლისა და შვიდი თვის ასაკში მიიღო.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

ფოტოებზე ასახულ სხეულებზე ცხადად ჩანს დაზიანებები. რომ არა ღვედი, ისინი ცოცხლები არ იქნებოდნენ.

ახალგაზრდა ანალიტიკოსთა და მეცნიერთა დარბაზი ,,დოქტრინა“

ამჟამად დედამიწაზე მხოლოდ ორი ჩრდილოეთის თეთრი მარტორქაა დარჩენილი, ორივე მათგანი მდედრია. მეცნიერების საერთაშორისო გუნდი კი ცდილობს, რომ ხელოვნური განაყოფიერების საშუალებით ეს სახეობა გაქრობას გადაარჩინოს.

რამდენიმე დღის წინ იტალიაში მეცნიერებმა 10-დან 7 კვერცხუჯრედის განაყოფიერება შეძლეს, რომლებიც ორი უკანასკნელი მარტორქიდან წინა კვირას გამოყვეს. სპერმა კი მეცნიერებმა მამრი მარტორქებიდან ჯერ კიდევ მაშინ აიღეს, როდესაც ისინი კვლავ არსებობდნენ.

საქმეში ჩართული ლაბორატორიის დირექტორი ჩეზარე გალის თქმით, მათ იმაზე უკეთეს შედეგს მიაღწიეს, ვიდრე ელოდნენ. თუმცა, ჩრდილოეთის თეთრი მარტორქების კონსერვაციის საკითხში ეს მხოლოდ პატარა ნაბიჯია.

“ჩვენ გავაკეთეთ ის, რაც აქამდე არავის გაუკეთებია. ჩვენ კვლავაც არ ვიცით, შევძლებთ თუ არა ემბრიონების მიღებას, მაგრამ განაყოფიერების ეტაპი წარმატებული იყო. ჩვენ დავამტკიცეთ, რომ ემბრიონების მიღების რეალური შანსი არსებობს”, — აცხადებს პროექტში ჩართული ერთ-ერთი ზოოპარკის საერთაშორისო პროექტების ხელმძღვანელი იან სტეისკალი.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

ჩინეთიდან ევროპისკენ მიმავალმა პირველმა სატვირთო მატარებელმა ბოსფორის სრუტის ქვეშ გვირაბი უკვე გაიარა. ინფორმაციას თურქული მედია ავრცელებს.

China Railway Express line-ს მატარებელი, რომლის შემადგენლობაშიც 21 ვაგონია ჩინეთის ქალაქ შიანიდან გამოვიდა. ​12 დღეში სატვირთო მატარებელმა 10 ქვეყანა უნდა გაიაროს და 11.5 ათასი კილომეტრი უნდა დაფაროს. დანიშნულების პუნქტი ჩეხეთის დედაქალაქი პრაღაა.

შემადგენლობამ ჩინეთის შემდეგ ყაზახეთის, აზერბაიჯანის, საქართველოს და თურქეთის ტერიტორიები გაიარა. ეს მარშრუტი „რკინის აბრეშუმის გზის“ სახელითაა ცნობილი. მარშრუტის შემადგენლობაშია ბაქო-თბილისი-ყარსის სარკინიგზო ხაზი.

ამ პროექტის მიზანია ჩინეთიდან ევროპის მიმართულებით ტვირთების ტრანსპორტირებისას ხარჯების და დროის 30-დან 12 დღემდე შემცირება.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

ფინეთის სანაპირო „ყინულის კვერცხებმა“ დაფარა. მეცნიერები აცხადებენ, რომ ეს იშვიათი ბუნებრივი მოვლენაა. ფოტოებს BBC ავრცელებს.

ამ მოვლენის თვითმხილველი მოყვარული ფოტოგრაფი რისტო მატილა გახდა. „ყინულის კვერცხებით“ ფინეთთან და შვედეთთან მდებარე კუნძული ჰაილუოტო დაიფარა.

ექსპერტები მბობენ, რომ „ყინულის კვერცხების“ წარმოქმნას იშვიათი ბუნებრივი პროცესი იწვევს. კერძოდ ყინულის ნატეხები ქარის და წყლის ერთმანეთთან შეხების შედეგად „ყინულის კვერცხების“ ფორმას იღებს.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

ალკოჰოლური თრობის ქვეშ ავტომანქანის მართვაზე ჯარიმები იცვლება, სიმთვრალეზე ერთი წლის განმავლობაში ორჯერ დაჯარიმების შემთხვევაში კი მძღოლის მიმართ ადმინისტრაციული პატიმრობა შემოდის.

შინაგან საქმეთა სამინისტრომ მომაზადა კანონპროექტი, რომლის მიხედვითაც სიმთვრალეზე ჯარიმების დიფერენცირება მოხდება. საჯარიმო სანქცია სისხლში ალკოჰოლის რაოდენობის შესაბამისად მოხდება.

შინაგან საქმეთა მინისტრის მოადგილე ნინო ჯავახაძემ „ინტერპრესს“ განუცხადა, რომ დიფერენცირებული ჯარიმები ორ ეტაპიანია – რაც უფრო ნაკლები იქნება სისხლში ალკოჰოლის შემცველობა, ჯარიმაც ნაკლები იქნება.

გარდა ამ ცვლილებისა შს მინისტრის მოადგილის განცხდებით, ალკოჰოლური თრობის ქვეშ ავტომანქანის მართვაზე სანქციის სახით შემოდის ადმინისტრაციული პატიმრობაც. კერძოდ, თუ მძღოლი სიმთვრალეზე ერთი წლის განმავლობაში ორჯერ დაჯარიმდება, მას მართვის მოწმობის ჩამორთმევის გარდა სანქციის სახით 15 დღემდე ადმინისტრაციული პატიმრობაც შეიძლება შეეფარდოს.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სიჩქარის გადაჭარბებაზე სანქციები მკაცრდება. შსს-ს საკანონმდებლო ინიციატივა სიჩქარის გადაჭარბებაზე ჯარიმების გაორმაგებას ითვალისწინებს. ამის შესახებ შს მინისტრის მოადგილემ, ნინო ჯავახაძემ განაცხადა. ინფორმაციას სააგენტო “ინტერპრესნიუსი” ავრცელებს.

ცვლილებები ასევე ითვალისწინებს ე.წ. ჭკვიან კამერებზე ქულათა სისტემის მიბმას – თუ მძღოლი სიჩქარეს გადააჭარბებს, მას ქულაც დააკლდება და გაზრდილი ჯარიმაც გამოეწერება.

ასევე სანქციები მკაცრდება ალკოჰოლური თრობის ქვეშ ავტომანქანის მართვაზე.

მინისტრის მოადგილის თქმით, საკანონმდებლო ცვლილებები მზად არის და ის ჯერ მთავრობას, შემდეგ კი პარლამენტს წარედგინება.

ახალგაზრდა ანალიტიკოსთა და მეცნიერთა დარბაზი – ,,დოქტრინა”