კატეგორიის გარეშე

ბავშვებში ხშირად ვხვდებით, საკვების მიღების პროცესში, ლუკმის გადაცდენის შემთხვევას, ან გაგუდვის შეგრძნებას, რომელიც ძლიერ ხველებას უკავშირდება. ხშირად, ბავშვები ყლაპავენ მცირე ზომის სათამაშოებს, რა დროსაც მშობელს რეაგირებისთვის წამები რჩება. მსგავს სიტუაციებთან ეფექტურად გასამკლავებლად ამერიკელმა სამედიცინო ინჟინრებმა Lifewand შექმნეს – მოწყობილობა, რომელიც ამერიკის სურსათისა და მედიკამენტების ადმინისტრაციის მიერ აღიარებული პროდუქტია და საკვების გადაცდენის, ან მცირეწლოვანი ბავშვის მიერ სათამაშოს გადაყლაპვის შემთხვევაში, მარტივად ხდის შესაძლებელს სასუნთქი გზების გათავისუფლებას.

ინდოეთში ბავშვი ქალთევზას სინდრომით დაიბადა. შემთხვევა ლახიმპურ ხერიში  მოხდა. ინფორმაციას The Times of India ავრცელებს.

ახალშობილმა მხოლოდ 1 საათი იცოცხლა. ექიმებმა ბავშვის სქესის დადგენა ვერ შეძლეს, რადგან ბავშვს ფეხები გაერთიანებული ჰქონდა.

9 წლის ქაიან ბელქანიას ახლობელი ირაკლი ძიძარია სოციალურ ქსელში წერს, რომ ქაიანს ამერიკა ელოდება.

„ამერიკიდან სპეციალურად ქაიანისთვის ჩამოფრინდა ალექსანდრე ქართველიშვილი, რომელიც ნიუ-იორკში ცხოვრობს და ალექსანდრე ჯონსონის სახელითაა ცნობილი. ის დაჰპირდა, რომ სამომავლოდ ნასა-ში ჩაიყვანს. ჯერ კი აქ წალენჯიხაში ხელს შეუწყობს ფინანსურად, რომ ბიჭუნა ინგლისურში მოემზადოს.

„უამრავი წიგნი ჩამოუტანა იმ ამერიკელმა ალექსანდრემ და ბედნიერია. ინგლისური კარგად იცოდა და მერე ცოტა დაავიწყდა იმ ამერიკელმა გვითხრა ფულს მე გამოვუგზავნი, ოღონდ ვინმესთან მიიყვანეთ და ინგლისური კარგად ისწავლოსო“, – ვკითხულობთ ფეისბუქ სტატუსებში.

კოსმოსზე შეყვარებული 9 წლის ქაიან ბელქანიას საოცარი უნარების შესახებ, მისი მონაწილეობით ჩაწერილი ვიდეოს გამოქვეყნების შემდეგ გახდა ცნობილი. მისი ოჯახი სოციალურად დაუცველია. ბიჭუნა წიგნებზე და წიგნების თაროზე ოცნებობს.

ოსკარზე საქართველოდან დიტო ცინცაძის შინდისი გაიგზავნება. ამერიკის კინოაკადემიის დაჯილდოვების 92-ე ცერემონიალზე, საერთაშორისო სრულმეტრაჟიანი ფილმის (იგივე უცხოენოვანი ფილმის) კატეგორიაში წარსდგება. ამის შესახებ ინფორმაცია რამდენიმე წუთის წინ გახდა ცნობილი.

ფილმი აგვისტომს ომზეა და შინდისის გმირებს ეძღვნებათ. ფილმისთვის სცენარი ირაკლი სოლომონაშვილმა დაწერა. მას საფუძვლად 2008 წლის რუსეთ-საქართველოს ომის დროს რეალურად მომხდარი ამბავი უდევს, რომლის დროსაც ჩვიდმეტი ქართველი ჯარისკაცი დაიღუპა.

ამერიკის კინოაკადემიამ წელს ტრადიციულად, თხოვნით მიმართა ეროვნულ კინოცენტრს, შეერჩია 2020 წლის კანდიდატი ფილმი საქართველოდან ოსკარის ნომინაციისთვის – საუკეთესო უცხოენოვანი ფილმი.

წელს, ამერიკის კინოაკადემიის გადაწყვეტილებით, ოსკარის უცხოენოვანი ფილმის ნომინაციას სახელი შეეცვალა და მას საერთაშორისო სრულმეტრაჟიანი ფილმის ნომინაცია დაერქვა.

ეროვნულმა კინოცენტრმა კანდიდატი ფილმის შესარჩევად განაცხადების მიღება 2 ივლისს დაიწყო. ფილმების მიღების ბოლო ვადა 2019 წლის 26 ივლისს ამოიწურა.

შესარჩევ კონკურსში ასევე მონაწილეობდნენ ფილმები:

• ნინო ჟვანიას – აღლუმი;
• მარი გულბიანის დოკუმენტური ფილმი – სანამ მამა დაბრუნდება;
• დიმიტრი ცინცაძის – ჩაისუნთქე-ამოისუნთქე;
• გიგიშა აბაშიძის – მეზობლები.

წყარო : on.ge

მეცნიერები აცხადებენ, რომ თავის ქალა, რომელიც სამხრეთ საბერძნეთში მდებარე ერთ-ერთ მღვიმეში 1978 წელს აღმოაჩინეს, აფრიკის გარეთ აღმოჩენილი უძველესი ჰომო საპიენსია.

თავის ქალა ეკუთვნის ადამიანს, რომელიც   210,000 წლის წინ ცხოვრობდა. ის აღმოაჩინეს მღვიმეში, სადაც ასევე აღმოჩენილია ნეანდერტალერის თავის ქალა, რომელიც დაახლოებით 170,000 წლით თარიღდება. კვლევის თანახმად, რომელიც 10 ივლისს ჟურნალ Nature-ში გამოქვეყნდა, ჰომო საპიენსის აღნიშნული თავის ქალა გაცილებით უფრო დიდი ხნისაა, ვიდრე ისრაელში მდებარე ერთ-ერთ მღვიმეში აღმოჩენილი ყბის ძვალი, რომელიც დაახელობით 177,000-194,000 წლით თარიღდება.

 „ჰომო საპიენსმა აფრიკა იმაზე გაცილებით ადრე დატოვეს და ევროპასაც იმაზე დიდი ხნის წინ მიაღწიეს, ვიდრე ამას აქამდე ვფიქრობდით,“ განაცხადა გერმანიის ტუბინგენის უნივერსიტეტის პალეოანთროპოლოგისტმა კატერინა ჰარვარტიმ. მისი ვარაუდით ადამიანების მცირე ჯგუფმა დღევანდელი საბერძნეთის ტერიტორიას დაახელობით 200,000 წლის წინ მიაღწია. ნეანდერტალერებმა, რომლებიც სამხრეთ ევროპაში ამ დროიდან არცთუ დიდი ხნის შემდეგ დასახლდნენ, შესაძლოა პირველი ჰომო საპიენსები ჩაანაცვლეს. შემდგომმა დროის ადამიანებმა, რომლებიც ხმელთაშუა ევროპაში ათობით ათასი წლის შემდეგ ჩასახლდნენ, სავარაუდოდ ნეანდერტალერები ჩაანაცვლეს, რომლებიც დაახლოებით 40,000 ათასი წლის წინ გადაშენდნენ.

თუმცა, ჰარვარტის გუნდი არ გამორიცხავს იმის შესაძლებლობას, რომ ჰომო საპიენსები და ნეანდერტალერები სამხრეთ ევროპაში დაახლოებით 200,000 წლის ჭინ თანაცხოვრობდნენ და ზოგჯერ ერთმანეთს ეჯვარებოდნენ კიდეც. 2017 წელს ჩატარებულმა უძველესმა და თანამედროვე დნმ-ზე ჩატარებულმა კვლევამ აჩვენა, რომ ეს ადამიანები ზოგ შემთხვევაში ევროპელ ნეანდერტალერლებს ეჯვარებოდნენ. 

ლაბორატორიულად წარმოებული ხორცი, რომელიც პირველად 280,000 აშშ დოლარის ღირებულების ჰამბურგერის სახით წარუდგინეს მსოფლიოს, უახლოესი ორი წლის განმავლობაში შესაძლოა სუპერმარკეტების თაროებზე 10 დოლარად გამოჩნდეს.
ამის შესახებ ევროპული სტარტაპები იუწყებიან. აღსანიშნავია, რომ იმ სტარტაპების რიცხვი, რომლებიც აღნიშნულ ბიზნესთან არიან დაკავშირებული 2016 წელს მხოლოდ ოთხი იყო, ახლა კი რამდენიმე ათეულს აღწევს.
ევროპული სტარტაპები აცხადებენ, რომ ლაბორატორიაში ცხოველთა უჯრედებიდან გაზრდილი ხორცი უახლოეს მომავალში მენიუში გამოჩნდება.
ადამიანი, რომელმაც 2013 წელს ლაბორატორიულად წარმოებული ხორცის 280,000 დოლარიანი ჰამბურგერი წარმოადგინა, ჰოლანდიური საწარმო Mosa Meat-ისთანადამფუძნებელი მარკ პოსტია. ძვირადღირებული ჰამბურგერის წარმოება Google-ის თანადამფუძნებელმა სერგეი ბრინიმ დააფინანსა. Mosa Meat-იდა ესპანური კომპანია Biotech Foods-ი აცხადებენ, რომ დღეს უკვე ასეთი ხორცის წარმოება საგრძნობლადაა გაიაფებული.
„ბურგერი 2013 წელს ასეთი ძვირი იმის გამო იყო, რომ ჩვენ მას ძალიან მცირე რაოდენობით ვაწარმოებდით. როგორც კი წარმოების მოცულობა გაიზრდება, ბურგერის წარმოების ხარჯი 9 ევრომდე შემცირდება,“ აცხადებს Mosa Meat-ის პრესსპიკერი Reuters-თან საუბარში.
ლაბორატორიული ხორცის მისაღებად კუნთების მეჭაურე უჯრედს მკვებავ გარემოში (culture medium) ათავსებენ, შემდეგ კი – ბიორეაქტორში, რომელიც მსგავსია იმისა, რასაც ლუდისა და იოგურტის ფერმენტაციისთვის იყენებენ, რათა კუნთის ქსოვილის ახალი ძაფების ზრდას შეუწყონ ხელი.
სპეციალისტები აცხადებენ, რომ მკვებავი გარემო ყველაზე მნიშვნელოვანია ხარჯის შემცირების თვალსაზრისით და ის შესაძლებელს ხდის ხორცი ცხოველური წარმოშობის კომპონენტების გარეშე გაცილებით იაფად აწარმოონ.
ამ ტექნოლოგიის მხარდამჭერების განმარტებით, ეს გახლავთ ერთადერთი, ეკოლოგიურად მდგრადი გზა, რომლის საშუალებითაც მსოფლიოში ხორცზე გაზრდილი მოთხოვნილების დაკმაყოფილება გახდება შესაძლებელი.

ჩინეთის კოსმოსურმა ლაბორატორია “ტიანგონგ 2”-მა (Tiangong 2) ექსპერიმენტები დაასრულა და პარასკევს, 19 ივლისს დედამიწის ატმოსფეროში ხელახლა შევა, ამის შესახებ ქვეყნის ხელისუფლება იუწყება.
ჩინეთმა პირველი კოსმონავტები ორბიტაზე დამოუკიდებლად ჯერ კიდევ 2003 წელს გაიყვანა; მას შემდეგ აიგო ექსპერიმენტული სადგური “ტიანგონგ 1” (Tiangong 1), განხორციელდა პირველი გასვლა ღია კოსმოსში და მთვარეზე დაჯდა პირველი ჩინური მთვარემავალი “იუთუ” (Yutu).
ჩინეთმა მეორე კოსმოსური სადგური “ტიანგონგ 2” დედამიწის ორბიტაზე 2016 წლის სექტემბერში გაუშვა. ერთი თვის შემდეგ კი კოსმოსში ორი ასტრონავტი გაგზავნა, რომლებიც Tiangong 2-ის კოსმოსურ ლაბორატორიაში 30 დღის მანძილზე იცხოვრეს და მონაწილეობა მიიღეს სხვადასხვა ექსპერიმენტში.
ჩინეთი მესამე ქვეყანაა მსოფლიოში, რუსეთისა და აშშ-ის შემდეგ, რომელმაც კოსმოსში ადამიანები გაუშვა. ჩინეთი არ მონაწილეობს საერთაშორისო კოსმოსური სადგურის პროექტში, ამიტომ ქვეყანამ საკუთარი კოსმოსური სადგური შექმნა.

მეცნიერები გვაფრთხილებენ, რომ დასავლეთ ანტარქტიკის ყინულის საფარი გაანდგურების კრიტიკულ ზღვარზეა და მის გადასარჩენად კაცობრიობას საოცრების ჩადენა დასჭირდება. ეს საოცრება კი მეცნიერთა ერთი ჯგუფის აზრით, დასავლეთ ანტარქტიდის ყინულის საფარის თავზე დაახლოებით 7.4 ტრილიონი ტონა ხელოვნური თოვლის ცვენაა. ამ კვლევის ავტორების მიზანი იყო ეჩვენებინათ, თუ როგორი სერიუზულია საფრთხე, რომელიც გარემოს ანტარქტიის ყინულის საფარის დნობისგან ემუქრება და არა ის, რომ მისი ხელოვნურად დათოვლის იდეა შეეთავაზებინათ საზოგადოებისთვის.

დასავლეთ ანტარქტიკის ყინულის საფარის ლღობის შემთხვევაში მსოფლიოს მასშტაბით ზღვის დონე დაახლოებით 3 მეტრით აიწევს და ისეთ ქალაქებს, როგორიც ნიუ-იორკი, შანხაი, ტოკიო და კალკუტაა საფრთხე შეექმნებათ. მეცნიერები აცხადებენ, რომ თუკი კაცობრიობა რამეს არ მოიმოქმედებს, პროცესი მალე შეუქცევადი გახდება. გერმანელი მეცნიერი ანდერს ლევერმანი აცხადებს, რომ მომავალი 10 წლის განმავლობაში დაახლოებით 7.4 ტრილიონი თოვლია საჭირო იმისთვის, რომ სამხრეთ პოლუსის ეს მნიშვნელოვანი ყინულის საფარი გადარჩეს.

თოვლი ყინულად უნდა იქცეს, რომელიც მყინვარს დაეფინება, დაასტაბილურებს და გაასქელებს. ექსპერტების განმარტებით, იმ შემთხვევაშიც კი თუკი აღნიშნულის განხორციელება ტექნოლოგიურად შესაძლებელი გახდება, მეცნიერებს მოუწევთ სიფრთხილე გამოიჩინონ, რათა თავიდან აიცილონ ანტარქტიკის ყინულის საფარის თავზე ტბების ფორმირება, რაც ლღობას კი არ შეამცირებს, პირიქით, დააჩქარებს. ამ შემთხვევაში საჭირო გახდება.

უფრო რეალური ნაბიჯი, რაც შეიძლება ყინულის საფარის ლღობის შესაჩერებლად გადაიდგას, გლობალური დათბობის შეჩერებაა. თითოეული ადამიანი, საზოგადოება, სახელმწიფო უნდა შეეცადოს მეტად გაუფრთხილდეს გარემოს და საკუთარი წვლილი შეიტანოს გლობალური დათბობის წინააღმდეგ ბრძოლაში.

ისლანდიის სანაპიროზე ათობით პილოტი ვეშაპი გამოირიყა. დაღუპული ვეშაპები ერთ-ერთმა შვეულმფრენის პილოტმა შემთხვევით შენიშნა და ფოტო გადაუღო.

სპეციალისტები ჯერ-ჯერობით ვეშაპების გამორიყვის მიზეზს ვერ ხსნიან. აღსანიშნავია, რომ დასავლეთ ისლანდიის იმ რეგიონში, სადაც ზღვის ცხოველების გამორიყვა მოხდა, საავტომობილო გზა არაა და შესაბამისად მას ძალიან ცოტა ადამიანი სტუმრობს.

საზღვაო ბიოლოგისტმა და ვეშაპების ექსპერტმა ედა ელიზაბეტ მაგნუსდოტირმა განაცხადა, რომ როდესაც ვეშაპები მცირე სიღრმის წყლებში შედიან, მათი უმეტესობა, როგორც წესი, ორიენტაციას კარგავს. მისი განმარტებით, პილოტი ვეშაპები მჭიდრო ჯგუფებად გადაადგილდებიან და სწორედ ამიტომ ისინი ერთად ირიყებიან წყლიდანაც.

ვეშაპების გამორიყვის აღნიშნულ შემთხვევაზე უფრო მასშტაბური გამორიყვა 2018 წლის ნოემბერში მოხდა, მაშინ ახალი ზელანადიის კუნძულზე 145 პილოტი ვეშაპი გამოირიყა.

BBC

ინდოეთი ეროვნული კოსმოსური პროგრამის ფარგლებში რუსეთისგან სარაკეტო ძრავებს შეისყიდის, – ამ ინფორმაციას სააგენტო „რია ნოვოსტი“ რუსეთის ვიცე პრემიერ იური ბორისოვზე დაყრდნობით ავრცელებს.
სააგენტოს ინფორმაციით, იური ბორისოვმა ამის შესახებ დელიში ვიზიტის დროს განაცხადა.
შეგახსენებთ, რომ ინდოეთმა გუშინ კოსმოსში რაკეტა გაუშვა, რომლის მიზანი მთვარეზე როვერის უსაფრთხო დაშვებაა. ინდოეთს სურს მსოფლიოში მნიშვნელოვან დაბალ ბიუჯეტურ კოსმოსურ ძალად იქცეს.
Reuters