კატეგორიის გარეშე

გუშინ 11 იანვარს ნასამ გამოაქვეყნა საიტზე ასტრონავტის ფოტო წარწერით ,,Scott Kelly და Kjell Lindgren-ი სეირნობენ კოსმოსსში”

ეს უბრალოდ სეირნობა არ გეგონოთ, ისინი სპეციალური დავალების შესასრულებლად გავიდნენ. მათ ევალებოდათ აღედგინათ გაფუჭებული დანადგარი. სკოტმა და კიელმა შეძლეს და აღადგინეს 7.48 საათიანი მუშაობის შემდეგ! ეს იყო განსაცვიფრებელი გუნდური მუშაობის შედეგი, მათი დაუღალავი შრომის შედეგად კოსმოსური ხომალდი ამ დროისთვის სრულიად გამართულად მუშაობს!

ეს კეილისთვის და სკოტისთვის მეორე გასვლა იყო კოსმოსსში სასეირნოდ, ფოტო გადაიღო Kjell Lindgren_მა

წყარო: NASA

ახალგაზრდა ანალიტიკოსთა და მეცნიერთა დარბაზი “დოქტრინა”

2 წლის წინ Google და NASA მუშაობდნენ საზიარო პროექტზე D-Wave კვანტური კომპიტერის შესახებ, რათა გაერკვიათ, შესაძლებელია თუ არა ნებისმიერი შესრულების გაუმჯობესება, როდესაც გამოიყენებდნენ კვანტურ ოპერაციებს, ნაცვლად ჩვეულებრივი კომპიუტერისა. ცოტა ხნის წინ, Google-მ და NASA-მ მიიღეს ბოლო D-Wave 2X კვანტური კომპიუტერი, რომელზეც კომპანია ამბობს, რომ აქვს 1000 კვანტურ ბიტზე მეტი.

NASA-ს ეიმსის კვლევით ცენტრში ღონისძიებაზე, სადაც D-Wave კომპიუტერი ინახება, Google-მ და NASA-მ გამოაქვეყნეს საკუთარი უახლესი მიგნებები – და უაღრესად სპეციალიზირებული სამუშაო დატვირთვის წყალობით კვანტურმა გამოწვევებმა შესაძლოა ეს ორი უდიდესი კომპანია სენსაციურ შესრულებამდე მიიყვანოს. ოპტიმიზაციის პრობლემისთვის, რომელიც მოიცავს 945 ბინალურ ცვლადს, D-Wave X2 არის 100 მილიონჯერ უფრო სწრაფი (108) ვიდრე იგივენაირად გაშვებული ერთ-ბირთვიანი ჩვეულებრივი კომპიუტერი.

Google და NASA ასევე ადარებენ D-Wave X2-ის კვანტურ მახასიათებლებს კვანტურ მონტე კარლოს (Quantum Monte Carlo), ალგორითმს, რომელიც კონკურენტულია ჩვეულებრივ კომპიუტერზე კვანტური ოპერაციებისა. ისევ და ისევ, სიჩქარე ამ შემთხვევაში 108-ით იყო გაზრდილი.

ჰარტმუტ ნევენმა, Google-ს კვანტური ხელოვნური ინტელექტის ლაბორატორიის ხელმძღვანელმა განაცხადა, რომ ასეთი შედეგები არის „დამაინტრიგებელი და ძალიან იმედისმომცემი“, მაგრამ „კიდევ ბევრი სამუშაოა, რათა მოხდეს კვანტური ოპერაციების ოპტიმიზაცია პრაქტიკულ ტექნოლოგიაში.“

როგორც ყოველთვის, მნიშვნელოვანია აღინიშნოს, რომ D-Wave კომპიუტერი ვერ ჩაანაცვლებს ჩვეულებრივ კომპიუტერიზაციას სრულად: მათი გამოყენება მოხდება ძალიან კონკრეტული დავალებების მცირე რაოდენობასთან – და Google, NASA და სხვა წამყვანი ორგანიზაციები ამ ეტაპზე ცდილობენ შეიმუშავონ, თუ რა ამოცანები შევა ამ მცირერიცხოვან სიაში. D-Wave-ს განაცხადი „1000 კვანტური ბიტით სწრაფი“ ჯერ კიდევ გაურკვეველია.

Google და NASA უახლესი კვლევის სიღრმისეულ ანგარიშებს მომდევნო რამოდენიმე კვირაში გამოაქვეყნებს.

წყარო: arstechnica

ახალგაზრდა ანალიტიკოსთა და მეცნიერთა დარბაზი “დოქტრინა”

[poll id=”1″]

(more…)

მეცნიერები აცხადებენ, რომ პლანეტა პლუტონის ზედაპირზე აღმოჩენილი შესაძლო გაყინული ვულკანები ბადებს შეკითხვებს, იმასთან დაკავშირებით, თუ ეს პატარა, შორეული სამყარო როგორ შეიძლებოდა ყოფილიყო გეოლოგიურად ასეთი აქტიური.

მეცნიერთა ჯგუფმა ორშაბათს მერილენდში გამართულ American Astronomical Society-ის (ამერიკის ასტრონომიული საზოგადოება) შეხვედრაზე ახალი კვლევის პრეზენტაცია გამართეს, რომელიც პლუტონის და მისი მთვარეების უფრო რთულ სურათს ხატავს, ვიდრე ამას მეცნიერები წარმოიდგენდნენ.

„პლუტონის სისტემა სირთულეებს გვიქმნის”, განუცხადა ჟურნალისტებს პლანეტარულმა მეცნიერმა ალან სტერნმა.

სტერნი იმ გუნდის ხელმძღვანელია, რომელიც  ნასა-ს კოსმოსურ ხომალდ New Horizons-ზე მუშაობს.  New Horizons მიმდინარე წლის 14 ივლისს უპრეცედენტოდ ახლოს მივიდა პლუტონთან.

იმ ორმოცდაათ ანგარიშს შორის, რომელსაც New Horizons-ის მეცნერები მიმდინარე კვირას წარადგენენ, არის პლუტონის ზედაპირზე მდებარე ორი მთის გასაოცარი გამოსახულება.  თითოეული მათგანი 161 კმ დიამეტრის და რამდენიმე კილომეტრი სიმაღლის.  მთების მწვერვალებს მარსზე და დედამიწაზე აღმოჩენილი ვულკანების მსგავსი ღრმულები აქვს.

,,მზის სისტემაში არასდროს არაფერი მსგავსი არ მინახავს”, _ განაცხადა New Horizons-ის მეცნიერმა ოლივერ უაითმა.

და მდნარ კლდეებზე მეტად პლუტონზე არსებულ ვულკანებს გაყინული წყალი და სხვა სახის ყინულები უნდა წარმოექმნა, მაგალითად როგორიცაა აზოტი, ამიაკი და მეთანი.

უაითი აღიარებს, რომ პლუტონზე ვულკანების არსებობის იდეა, რომელიც დედამიწასთან შედარებით დაახლოებით 30-ჯერ შორსაა მზისგან, სისულელედ ჟღერს,“ თუმცა, ეს არის „ყველაზე ნაკლები სიგიჟე რაც შეიძლება ამ მთების არსებობის შესახებ ვიფიქროთ. რაც არ უნდა იყვნენ ისინი, ერთი რამ ფაქტია – ნამდვილად იდუმალებით მოცულია,” განაცხადა უაითმა.

New Horizons-მა პლუტონის ზედაპირზე რამდენიმე ღრმა ნაპრალიც აღმოაჩინა, მათ შორის ყველაზე დიდი დაახლოებით 322 კმ სიგრძისაა. „ის ფაქტი, რომ პლუტონის ამ ნაწილში ამდენი ხარვეზია, მიუთითებს, რომ ქერქმა თავის ისტორიის რაღაც მომენტში მნიშვნელოვანი გაფართოება განიცადა,“ – განაცხადა უაითმა.

მეცნიერები ეჭვობენ, რომ პლუტონზე ბუნებრივად გაჩენილი რადიოაქტიური ელემენტების ლპობა პლანეტის ტრანსფორმაციისთვის სითბოს წყაროს წარმოადგენდა.

New Horizons 2019 წლისთვის კოიპერის სარტყელში გაყინულ მინი სამყაროსთან მიახლოებას გეგმავს.

წყარო: Reuters

მასალა დაამუშავა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი “დოქტრინა”

ტომ პიკი, პირველი ბრიტანელი კოსმონავტი, რომელიც უახლოეს მომავალში საერთაშორისო კოსმოსურ სადგურზე გაემგზავრება, იმედს გამოთქვამს, რომ მისი მისია ახალგაზრდა ბრიტანელებს მარსზე გამგზავრების სტიმულს მისცემს. არმიის ყოფილი მაიორი დეკემბერში ევროპის კოსმოსურ სააგენტოში (ESA) ექვსთვიანი მისიით გაემგზავრება, ის იქნება პირველი ბრიტანელი კოსმოსში მას შემდეგ, რაც ელენე შარმანმა საბჭოთა კოსმოსური ხომალდით 1991 წელს რვა დღის განმავლობაში იმოგზაურა.
„ელენე შარმანის მირის კოსმოსურ სადგურზე გაფრენიდან 24 წლიანი ინტერვალის შემდეგ, ბრიტანეთის დროშა კოსმოსში კვლად აფრიალდება,“ – განუცხადა პიკმა ჟურნალისტებს. „ეს ნიშნავს, რომ დიდ ბრიტანელ სკოლის მოსწავლეებს ვერაფერი შეაჩერებთ იყვნენ იმ პირველ ქალებსა თუ მამაკაცებს შორის, რომლებიც მომავალში პლანეტა მარსზე დაადგამენ ფეხს,“ – განაცხადა პიკმა. ასტრონავტის თქმით, ის აპირებს განახორციელოს მთელი რიგი სამეცნიერო ექსპერიმენტისა, მათ შორის, სამედიცინო გამოკვლევებიც, სადაც იქნება “ადამიანი გვინეის ღორი”. ბრიტანელი კოსმონავტი თავის მისიას, სახელწოდებით – Principia , ყაზახეთში მდებარე ბაიკონურის კოსმოდრომიდან დაიწყებს. მისიის სახელწოდება გამომდინარეობს ისააკ ნიუტონის Philosophiæ Naturalis Principia Mathematica-დან(ლათ. „ნატურალური ფილოსოფიის მათემატიკური საწყისები“, ხშირად მოკლედ „საწყისები“ ან „მათემატიკის საწყისები“), რომელშიც შესულია ნიუტონის მოძრაობის კანონები და კლასიკური მექანიკის საფუძვლები, ისევე როგორც მისი უნივერსალური გრავიტაციის კანონები. ბრიტანეთმა თავდაპირველად უარი განაცხადა ადამიანის კოსმოსში ფრენის ევროპულ პროგრამაში ჩართვაზე, მაგრამ 2012 წელს ეს გადაწყვეტილება გააუქმა. საერთაშორისო კოსმოსური სადგური არის ლაბორატორია, სადაც საერთაშორისო ეკიპაჟის ექვსი წევრი ცხოვრობს და მუშაობს კოსმოსში მოპგზაურობის დროს. იგი დაარსდა 1998 წელს და 2000 წლიდან მუდმივად დაკავებულია. ამ ხნის განმავლობაში კოსმოსურ სადგურს 15 ქვეყნის 200-ზე მეტი წარმომადგენელი სტუმრობდა.

წყარო: ABC

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი “დოქტრინა”

ჩილეში შექმნეს ყველაზე დიდი ტელესკოპი. როგორც ასტრონომები და მკვლევარები ამბობენ ამ ტელესკოპით შეძლებენ დაინახონ და აღოაჩინონ მთელი გალაქტიკა.

“გიგანტური მაგელანი რევოლუციას მოახდენს და აღწერს მთელ სამყაროს” აცხადებს პროექტის ხელმძღვანელი Taft Armandroff. ამ ტელესკოპის შენებას ყურადღებით აკვირდება ასევე ჩილეს პრეზიდენტი Michelle Bachelet.

მაგელანს გააჩნია შვიდი უზარმაზარი სარკე. თითოეული 8.4 მეტრის სიგანისაა. მისი სრული დიამეტრი კი 25 მეტრი იქნება.

ახალი აპარატი დაეხმარება მეცნიერებს გასცენ პასუხი უამრავ შეკითხვას. ტელესკოპს შეუძლია მოგვცეს უფრო დაწვრილებითი ინფორმაცია რა მოვლენები ვითარდება მზის სისტემის გარეთ!

წყარო: phys.org

ახალგაზრდა ანალიტიკოსთა და მეცნიერთა დარბაზი “დოქტრინა”

ასტრონომებმა იმ პლანეტის პირველი ფოტოები გადაიღეს, რომელიც ჯერ კიდევ ფორმირების პროცესშია. აღმოჩენა, სავარაუდოდ, ნათელს გახდის, როგორ ძლიერდებიან გიგანტური პლანეტები მათი ცხოვრების დასაწყისში.
ასტრონომებმა გამოიყენეს ტელესკოპი ,,არიზონა”, რათა დაკვირვებოდნენ ახალგაზრდა ვარსკვლავს, რომელიც დაახლოებით 450 სინათლის წლის დაშორებით კუროს თანავარსკვლავედში მდებარეობს.
ვარსკვლავი, რომელიც ცნობილია როგორც LKCA 15, მზის მსგავსია, მაგრამ მხოლოდ 2 მილიონი წლისაა.
4, 6 მილიონი წლის ასაკის მზისგან განსხვავებით, LKCA 15-ს გარს ჯერ კიდევ გაზისა და მტვრის დისკი აკრავს, რაც პლანეტის შესაქმნელი მასალაა. დისკის ფარგლებში დიდი უფსკრული მდებარეობს, 50-ჯერ უფრო ფართო, ვიდრე დედამიწასა და მზეს შორის მანძილი.
ასტრონომები ადრე ეჭვობდნენ, რომ გიგანტური პლანეტა ორბიტაზე უფსკრულში გადიოდა. ამ კვირაში ჟურნალ Nature-ში გამოქვეყნებული კვლევა ადასტურებს, რომ არსებობს პლანეტის ინფრაწითელი გამოსახულებები, და მის გასწვრივ როგორც ჩანს, ერთი ან ორი ძმა პლანეტაცაა.
მეცნიერებმა ასევე პირველად აღმოაჩინეს მტვრის დისკიდან პლანეტაზე გადატანილი გადახურებული წყალბადის გაზის ნაკადის ქიმიური ნაკვალევი, „რაც იმის მტკიცებულებაა, რომ იგი ჯერ კიდევ ფორმირების პროცესშია,“ აცხადებს არიზონას უნივერსიტეტის კურსდამთავრებული სტეფან სალუმი, რომელიც აღნიშნულ კვლევას ხელმძღვანელობს. „ეს ახალგაზრდა სისტემა პირველი გვაძლევს შესაძლებლობა შევისწავლოთ პლანეტების ფორმირებისა და დისკის და პლანეტის ურთიერთქმედების პროცესი.”
მზის სისტემის მიღმა აღმოჩენილი დაახლოებით 2,000 დადასტურებულო პლანეტიდან, ფორმირების ეტაპზე ჯერ-ჯერობით არცერთი იმყოფება.
მეცნიერები აცხადებენ, რომ აღნიშნული აღმოჩენა დაეხმარება მათ, დახვეწონ თავიანთი თეორიები პლანეტების ფორმირების შესახებ.
მათი თქმით, უფრო მეტი მუშაობაა საჭირო გიგანტური პლანეტის ადგილმდებარეობის ასახსნელად, და ასევე იმის დასადგენად, თუ რატომ განაგრძობს იგი ზრდას. მეცნიერებმა ასევე ვერ ახსნეს, თუ როგორ წარმოქმნის პლანეტა მასიურ მაგნიტურ სფეროებს, რომლებიც ითვლება, რომ პლანეტის წყალბადის გაზის კვების ხაზების მარაგის შემვსებია.

წყარო: Reuters

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

ნიდერლანდებში შექმნეს ველოტრასა, რომელიც ენერგიას გამოიმუშავებს. “ბილიკი” 70 მეტრიანია და მზის სხივების გამოყენებით, სამი სახლის განათება შეუძლია.

ჯერ-ჯერობით პროექტი ტესტირების რეჟიმშია და მომავალში მთელ ქალაქში აპირებენ, მსგავსი საველოსიპედო გზების შექმნას.

ახალგაზრდა ანალიტიკოსთა და მეცნიერთა დარბაზი “დოქტრინა”