ჰალუცინოგენი ( LSD, ექსტაზი და ა.შ.) ნიშნავს მოჩვენებების გამომწვევს ნივთიერებას. მოჩვენებები გარემოს პათოლოგიურად აღქმაა. ადამიანი ,,ხედავს”, ,,ისმენს”, ,შეიგრძნობს” ისეთ რამეს, რაც სინამდვილეში არ ხდება. ეს ნივთიერებები აღვევს ნერვული სისტემის ნორმალურ მუშაობას. მათ მიღებას მოჩვენებებთან ერთად თან ახლავს უძილობა, კანკალი, მომატებული მაჯისცემა, არტერიული წნევის ცვლილება, გამძაფრებული სმენა, ყნოსვა და მხედველობა, ეიფორია, უღონობა, თვალის გუგების გაფართოება, კოორდინაციის (წონასწორობის) დარღვევა.
ფართოდ გავრცელებულია მითი, რომ ექსტაზი არ არის ნარკოტიკული ნივთიერება და არ ვნებს ორგანიზმს. ექსტაზი არის ნარკოტიკი, რომლის მოხმარებაც ისევე სახიფათოა, როგორც ყველა დანარჩენის.
LSD-ს, ექსტაზისა და სხვა ჰალუცინოგენების გამოყენება იწვევს ცენტრალური ნერვული სისტემისა და პერიფერიული ნერვული სისტემის, გულისა და სისხლძარღვების დაზიანებას, კიდურების პარალიზებას, ქრონიკულ ფსიქოზებს.
შეუძლებელია, ზუსტი წინასწარმეტყველება იმისა, თუ რომელ ადამიანზე როგორ იმოქმედებს ეს ნივთიერებები: ზოგი პანიკაში ვარდება, სხვები აგრესიული ხდებიან და მათგან ნებისმერი ქცევაა მოსალოდნელი – ძლიერი აგზნება, უკონტროლო აგრესია, თავის მოკვლის მცდელობა და ა.შ.
ნარკოტული ნივთიერებების ერთჯერადმა მოხმარებამაც შეიძლება გამოიწვიოს სიკვდილი.
ანალიტიკოსთა და მეცნიერთა დარბაზი – ,,დოქტრინა”
0
