ჩინურმა ტექნოლოგიურმა გიგანტმა Huawei-მ დასაკეცი სმარტფონი გამოუშვა. Huawei Mate X-ი არის 5G მოწყობილობა. რომელსაც ორმაგი გარე ეკრანი აქვს, რომელიც იკეცება და 16.76 სანტიმეტრიან სმარტფონად იქცევა, ხოლო გაშლის შემთხვევაში – 20.3 სანტიმეტრიან ტაბლეტად..
ტაბლეტის სისქე 5.4 მილიმეტრია, სმარტფონის კი – 11 მილიმეტრი.
Huawei-ის ინფორმაციით, 5G ტელეფონის გადმოწერის სიჩქარე 4.6 გიგაბაიტია , ეს კი იმას ნიშნავს, რომ სრულმეტრაჟიანი ფილმის გადმოსაწერად ტელეფონს მხოლოდ 3 წამი სჭირდება.
Huawei-მ ახალი ტელეფონი ბარსელონაში გამართულ მობილური სამყაროს კონგრესზე წარმოადგინა. Huawei Mate X-ის RAM-ი 8 გიგაბაიტია-ია, მეხსიერება კი – 512 გბ.
Huawei-ი მესამე კომპანიაა, რომელმაც დასაკეცი ტელეფონი გამოუშვა. პირველი ასეთი ტელეფონი Royole FlexPai-ი 2018 წლის ბოლოს გამოვიდა, ხოლო Huawei-ის კონკურენტმა Samsung-მა თავისი დასაკეცი ტელეფონი Galaxy Fold-ი საზოგადოებას რამდენიმე დღის წინ წარუდგინა.
Mate X -ი ბაზარზე რამდენიმე თვეში გამოვა და მისი ფასი 2,299 ევრო იქნება.
0
