„იმაჟინერია“ – ეს ტერმინი შემოიღო ყველა დროის საუკეთესო მულტიპლიკატორმა უოლტ დისნეიმ, რათა აღეწერა პროცესი, რომლის საშუალებითაც „ქმნიდა მომავალს“ –ოცნებობდა და შემდეგ ამ ოცნებას რეალობად აქცევდა. დისნეის სტრატეგიის არსი კარგად ჩანს მისი ერთ–ერთი თანამშრომლის გამონათქვამში: „ფაქტობრივად, არსებობდა სამი განსხვვავებული დისნეი: მეოცნებე, რეალისტი და დამანგრეველი. ჩვენ არასდროს ვიცოდით თუ რომელ მათგანთან მოგვიწევდა მუშაობა.“
იმაჟინერიის პროცესი უოლტ დისნეის შემოქმედებითი ციკლის გარკვეულ სტადიებად დაყოფას გულისხმობს. ეს არის მეოცნების, რეალისტისა და კრიტიკოსის სტადიები.
ადამიანის ფიზიოლოგია, ისე, როგორც ნებისმიერ სხვა კოგნიტურ პროცესზე, შემოქმედებითობისა და ეფექტიანი დაგეგმვის ნიჭზე ახდენს დიდ გავლენას.
მეოცნებე – თავი მაღლა არის აწეული. მზერა მიმართულია ზემოთ. სხეული სიმეტრიული, თავისუფალი და ოდნავ მოდუნებულია.
რეალისტი – თავი პირდაპირ არის ორიენტირებული, მზერა მიმართული წინ და ოდნავ შორს. პოზა – სიმეტრიულია, სხეული ოდნავ წინ არის გადაწეული.
კრიტიკოსი – თავი დახრილია დაბლა და ოდნავ შეტრიალებულია, მზერა მიმართულია ქვემოთ. სხეულის პოზა ოდნავ კუთხოვანია, ადამიანი ერთი ხელით ეხება სახეს.
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”
0
