ახალი პროდუქტის გამოსვლა პირველი iPhone-ის 10 წლის იუბილეს მიეძღვნება.
,,Apple-ის” ახალი სმარტფონი iPhone8 ბაზარზე სექტემბერში გამოჩნდება. ინფორმაციას ამის შესახებ ბრიტანული ,,Express-ი” ავრცელებს.
ამასთან ერთად, ზოგიერთი ანალიტიკოსი მიიჩნევს, რომ „ეფლის“ პრობლემების გამო სმარტფონის გამოსვლა გადაიდება და სავარუდოდ, ოქტომბერში ან ნოემბერში გამოვა.
iPhone8-ის შესახებ ჯერჯერობით ოფიციალური ინფორმაცია არ ვრცელდება, თუმცა სხვადასხვა წყაროს ცნობით, ტელეფონს კიდეებში მოღუნული ეკრანი ექნება და მთლიანად მოიცავს წინა ნაწილს. ამასთან, ტელეფონის ჩარჩოს სისქე მხოლოდ 4 მილიმეტრი იქნება, საიდანაც 2.577 მილიმეტრს ეკრანის კიდეები დაიკავებს. ტელეფონის უკანა მხარეს, ორი კამერა ვერტიკალურად განლაგდება.
რაც შეეხება ფასს, სხვადასხვა წყაროს ინფორმაციით, ახალი ტელეფონი ყველაზე ძვირი „I phone“ გახდება. მისი ფასი 1 000 დოლარზე მეტი იქნება. ერთ-ერთი წყარო, რომელიც iPhone8-ის ფასზე საუბრობს, Goldman Sachs-ია.
„ჩვენი მოლოდინით iPhone8-ს 128-გიგაბაიტანი და 256-გიგაბაიტანი მოდელები იქნება, რომლებიც შესაბამისად 999 დოლარი და 1 099 დოლარი ეღირება“, – განუცხადა Goldman Sachs-ის ანალიტიკოსმა, სიმონა იანკოვსკიმ, “Business insider-ს“.
მიმდინარე წელს iPhone-ის წარმოების დაწყებიდან 10 წელი სრულდება. სტივ ჯობსმა პირველი „iPhone-i“ ბაზარზე 2007 წლის 9 იანვარს წარადგინა, კომპანიამ მისი გაყიდვა კი 29 ივნისს დაიწყო.
წყარო: Business insider
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”
0
