მეცნიერებმა ავსტრალიაში მსოფლიოში უდიდესი დინოზავრის ნაკვალევი აღმოაჩინეს.
ზაუროპოდების ოჯახის დინოზავრის ნაკვალევი, რომელიც დაახლოებით 1,7 მეტრი სიგრძისაა, იმ 21 სახეობის ნაკვალევს შორისაა, რომელიც დასავლეთ ავსტრალიაში, Dampier Peninsula-ს რეგიონში აღმოაჩინეს.
„ეს ყველაზე დიდი ნაკვალევია, რაც კი აქამდე მთელ მსოფლიოში აღმოუჩენიათ,“ – განაცხადა ქუინსლენდისა და ჯეიმს კუკის უნივერსიტეტების ერთობლივი კვლევის წამყვანმა ავტორმა – სტივ სალისბერმა.
ზაუროპოდები ოთხფეხა, მცენარეჭამია დინოზავრები იყვნენ, გრძელი კისრითა და კუდით, სვეტოვანი ფეხებით და დიდი სხეულით. აქამდე ყველაზე დიდი ზაუროპოდის ნაკვალევი, რაც კი აქამდეა აღმოჩენილი გერმანიაში 2015 წელს აღმოაჩინეს და მისი სიგრძე 1,2 მეტრია.
მეცნიერები აცხადებენ, რომ ქვები, რომელზეც ავსტრალიაში აღმოჩენილი ნაკვალევია აღბეჭდილი, 127-144 მილიონი წლისაა.
მეცნიერებმა ასევე ხორცისმჭამელი ექვსი ტიპის დინოზავრის ნაკვალევი სტეგოზავრის პირველი მტკიცებულება აღმოაჩინეს. მათ ფოტოების გადასაღებად უპილოტო თვითმფრინავები გამოიყენეს.
წყარო: REUTERS
მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”
0
